Kama Geetaa in Malayalam:
॥ കാമഗീതാ ॥
Mahabharata – Ashvamedhika Parva 14.13
കാമസ്യ ശക്തികഥനേന ദുർജയത്വകഥനപൂർവകം തജ്ജയോപായകഥനം ।
വാസുദേവ ഉവാച ।
ന ബാഹ്യം ദ്രവ്യമുത്സൃജ്യ സിദ്ധിർഭവതി ഭാരത ।
ശാരീരം ദ്രവ്യമുത്സൃജ്യ സിദ്ധിർഭവതി വാ ന വാ ॥ 1 ॥
ബാഹ്യദ്രവ്യവിമുക്തസ്യ ശാരീരേഷു ച ഗൃഹ്യതഃ ।
യോ ധർമോ യത്സുഖം ചൈവ ദ്വിഷതാമസ്തു തത്തവ ॥ 2 ॥
ദ്വ്യക്ഷരസ്തു ഭവേന്മൃത്യുസ്ത്ര്യക്ഷരം ബ്രഹ്മ ശാശ്വതം ।
മമേതി ദ്വ്യക്ഷരോ മൃത്യുർനമമേതി ച ശാശ്വതം ॥ 3 ॥
ബ്രഹ്മമൃത്യൂ തതോ രാജന്നാത്മന്യേവ വ്യവസ്ഥിതൗ ।
അദൃശ്യമാനൗ ഭൂതാനി യോധയേതാമസംശയം ॥ 4 ॥
അവിനാശോഽസ്യ തത്ത്വസ്യ നിയതോ യദി ഭാരത ।
ഭിത്ത്വാ ശരീരം ഭൂതാനാമഹിംസാം പ്രതിപദ്യതേ ॥ 5 ॥
ലബ്ധ്വാ ഹി പൃഥിവീം കൃത്സ്നാം സഹസ്ഥാവരജംഗമാം ।
മമത്വം യസ്യ നൈവ സ്യാത്കിം തയാ സ കരിഷ്യതി ॥ 6 ॥
അഥവാ വസതഃ പാർഥ വനേ വന്യേന ജീവതഃ ।
മമതാ യസ്യ വിത്തേഷു മൃത്യോരാംസ്യേ സ വർതതേ ॥ 7 ॥
ബ്രാഹ്യാന്തരാണാം ശത്രൂണാം സ്വഭാവം പശ്യ ഭാരത ।
യന്ന പശ്യതി തദ്ഭൂതം മുച്യതേ സ മഹാഭയാത് ॥ 8 ॥
കാമാത്മാനം ന പ്രശംസന്തി ലോകേ നേഹാകാമാ കാചിദസ്തി പ്രവൃത്തിഃ ।
സർവേ കാമാ മനസോഽംഗ പ്രഭൂതാ യാൻപണ്ഡിതഃ സംഹരതേ വിചിന്ത്യ ॥ 9 ॥
ഭൂയോഭൂയോ ജന്മനോഽഭ്യാസയോഗാദ്യോഗീ യോഗം സാരമാർഗം വിചിന്ത്യ ।
ദാനം ച വേദാധ്യയനം തപശ്ച കാമ്യാനി കർമാണി ച വൈദികാനി ॥ 10 ॥
വ്രതം യജ്ഞാന്നിയമാന്ധ്യാനയോഗാൻകാമേന യോ നാരഭതേ വിദിത്വാ ।
യദ്യച്ചായം കാമയതേ സ ധർമോ നയോ ധർമോ നിയമസ്തസ്യ മൂലം ॥ 11 ॥ യദ്യദ്ധ്യയം
അത്ര ഗാഥാഃ കാമഗീതാഃ കീർതയന്തി പുരാവിദഃ ।
ശൃണു സങ്കീർത്യമാനാസ്താ അഖിലേന യുധിഷ്ഠിര ।
കാമ ഉവാച ।
നാഹം ശക്യോഽനുപായേന ഹന്തും ഭൂതേന കേനചിത് ॥ 12 ॥
യോ മാം പ്രയതതേ ഹന്തും ജ്ഞാത്വാ പ്രഹരണേ ബലം ।
തസ്യ തസ്മിൻപ്രഹരണേ പുനഃ പ്രാദുർഭവാമ്യഹം ॥ 13 ॥
യോ മാം പ്രയതതേ ഹന്തും യജ്ഞൈർവിവിധദക്ഷിണൈഃ ।
ജംഗമേഷ്വിവ ധർമാത്മാ പുനഃ പ്രാദുർഭവാമ്യഹം ॥ 14 ॥
യോ മാം പ്രയതതേ ഹന്തും വേദൈർവേദാന്തസാധനൈഃ ।
സ്ഥാവരേഷ്വിവ ഭൂതാത്മാ തസ്യ പ്രാദുർഭവാമ്യഹം ॥ 15 ॥
യോ മാം പ്രയതതേ ഹന്തും ധൃത്യാ സത്യപരാക്രമഃ ।
ഭാവോ ഭവാമി തസ്യാഹം സ ച മാം നാവബുധ്യതേ ॥ 16 ॥
യോ മാം പ്രയതതേ ഹന്തും തപസാ സംശിതവ്രതഃ ।
തതസ്പപസി തസ്യഥ പുനഃ പ്രാദുർഭവാമ്യഹം ॥ 17 ॥
യോ മാം പ്രയതതേ ഹന്തും മോക്ഷമാസ്ഥായ പണ്ഡിതഃ ।
തസ്യ മോക്ഷരതിസ്ഥസ്യ നൃത്യാമി ച ഹസാമി ച ।
അവധ്യഃ സർവഭൂതാനാമഹമേകഃ സനാതനഃ ॥ 18 ॥
തസ്മാത്ത്വമപി തം കാമം യജ്ഞൈർവിവിധദക്ഷിണൈഃ ।
ധർമേ കുരു മഹാരാജ തത്ര തേ സ ഭവിഷ്യതി ॥ 19 ॥
(യജസ്വ വാജിമേധേന വിധിവദ് ദക്ഷിണാവതാ ।
അന്യശ്ച വിവിധൈര്യജ്ഞൈഃ സമൃദ്ധ്യൈരാപ്തദക്ഷിണൈഃ ॥)
മാ തേ വ്യഥാഽസ്തു നിഹതാൻബന്ധൂന്വീക്ഷ്യ പുനഃപുനഃ ।
ന ശക്യാസ്തേ പുനർദ്രഷ്ട്രം യേഽഹതാസ്മിന്രണാജിരേ ॥ 20 ॥
സ ത്വമിഷ്ട്വാ മഹായജ്ഞൈഃ സമൃദ്ധൈരാപ്തദക്ഷിണൈഃ ।
കീർതിം ലോകേ പരാം പ്രാപ്യ ഗതിമഗ്ര്യാം ഗമിഷ്യസി ॥ 21 ॥
ഇതി ശ്രീമന്മഹാഭാരതേ അശ്വമേധപർവണി
കൃഷ്ണധർമരാജസംവാദേ ത്രയോദശോഽധ്യായേ കാമഗീതാ സമാപ്താ ॥ 13 ॥
Also Read:
Kama Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
