Minaxi Stuti 2 in Bengali:
॥ শ্রীমীনাক্ষীস্তুতী ২ ॥
অদ্রাক্ষং বহুভাগ্যতো গুরুবরৈঃ সম্পূজ্যমানাং মুদা
পুল্লন্মল্লিমুখপ্রসূননিবহৈর্হালাস্যনাথপ্রিয়াম্ ।
বীণাবেণুমৃদঙ্গবাদ্যমুদিতামেণাঙ্ক বিম্বাননাং
কাণাদাদিসমস্তশাস্ত্রমতিতাম্ শোণাধরাং শ্যামলাম্ ॥ ১ ॥
মাতঙ্গকুম্ভবিজয়ীস্তনভারভুগ্ন
মধ্যাং মদারুণবিলোচনবশ্যকান্তাম্ ।
তাম্রাধরস্ফুরিতহাসবিধূততার
রাজপ্রবালসুষুমাং ভজ মীননেত্রাম্ ॥ ২ ॥
আপাদমস্তকদয়ারসপূরপূর্ণাং
শাপায়ুধোত্তমসমর্চিতপাদপদ্মাম্ ।
চাপয়িতেক্ষুমমলীমসচিত্ততায়ৈ
নীপাটবিবিহর্ণাং ভজ মীননেত্রম্ ॥ ৩ ॥
কন্দর্প বৈর্যপি যয়া সবিলাস হাস
নেত্রাবলোকন বশীকৃত মানসোঽভূৎ ।
তাং সর্বদা সকল মোহন রূপ বেষাং
মোহান্ধকার হরণাং ভজ মীননেত্রাম্ ॥ ৪ ॥
অদ্যাপি যৎপুরগতঃ সকলোঽপি জন্তুঃ
ক্ষুত্তৃড্ ব্যথা বিরহিতঃ প্রসুবেব বালঃ ।
সম্পোশ্যতে করুণয়া ভজকার্তি হন্ত্রীং
ভক্ত্যাঽন্বহং তাং হৃদয় ভজ মীননেত্রাম্ ॥ ৫ ॥
হালাস্যনাথ দয়িতে করুণা পয়োধে
বালং বিলোল মনসং করুণৈক পাত্রম্ ।
বীক্ষস্ব মাং লঘু দয়ার্মিল দৃষ্টপাদৈর্-
মাতর্ন মেঽস্তি ভুবনে গতিরন্দ্রা ৎবম্ ॥ ৬ ॥
শ্রুত্যুক্ত কর্ম নিবহাকরণাদ্বিশুদ্ধিঃ
চিত্তস্য নাস্তি মম চঞ্চলতা নিবৃত্তৈঃ ।
কুর্যাং কিমম্ব মনসা সকলাঘ শান্ত্যৈঃ
মাতস্তবদঙ্ঘ্রি ভজনং সততং দয়স্ব ॥ ৭ ॥
ৎবদ্রূপদেশিকবরৈঃ সততং বিভাব্যং
চিদ্রূপমাদি নিধনন্তর হীনমম্ব ।
ভদ্রাবহং প্রণমতাং সকলাঘ হন্তৃ
ৎবদ্রূপমেব মম হৃৎকমলে বিভাতু ॥ ৮ ॥
॥ ইতি শ্রী জগদ্গুরু শৃঙ্গগিরি চন্দ্রশেখর
ভারতি স্বামিগল়্ বিরচিতং মীনাক্ষী স্তোত্রং সম্পূর্ণম্ ॥
Also Read:
Meenakshi Amman Stuti 2 Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
