Minaxi Stuti 2 in Gujarati:
॥ શ્રીમીનાક્ષીસ્તુતી ૨ ॥
અદ્રાક્ષં બહુભાગ્યતો ગુરુવરૈઃ સમ્પૂજ્યમાનાં મુદા
પુલ્લન્મલ્લિમુખપ્રસૂનનિવહૈર્હાલાસ્યનાથપ્રિયામ્ ।
વીણાવેણુમૃદઙ્ગવાદ્યમુદિતામેણાઙ્ક બિમ્બાનનાં
કાણાદાદિસમસ્તશાસ્ત્રમતિતામ્ શોણાધરાં શ્યામલામ્ ॥ ૧ ॥
માતઙ્ગકુમ્ભવિજયીસ્તનભારભુગ્ન
મધ્યાં મદારુણવિલોચનવશ્યકાન્તામ્ ।
તામ્રાધરસ્ફુરિતહાસવિધૂતતાર
રાજપ્રવાલસુષુમાં ભજ મીનનેત્રામ્ ॥ ૨ ॥
આપાદમસ્તકદયારસપૂરપૂર્ણાં
શાપાયુધોત્તમસમર્ચિતપાદપદ્મામ્ ।
ચાપયિતેક્ષુમમલીમસચિત્તતાયૈ
નીપાટવિવિહર્ણાં ભજ મીનનેત્રમ્ ॥ ૩ ॥
કન્દર્પ વૈર્યપિ યયા સવિલાસ હાસ
નેત્રાવલોકન વશીકૃત માનસોઽભૂત્ ।
તાં સર્વદા સકલ મોહન રૂપ વેષાં
મોહાન્ધકાર હરણાં ભજ મીનનેત્રામ્ ॥ ૪ ॥
અદ્યાપિ યત્પુરગતઃ સકલોઽપિ જન્તુઃ
ક્ષુત્તૃડ્ વ્યથા વિરહિતઃ પ્રસુવેવ બાલઃ ।
સમ્પોશ્યતે કરુણયા ભજકાર્તિ હન્ત્રીં
ભક્ત્યાઽન્વહં તાં હૃદય ભજ મીનનેત્રામ્ ॥ ૫ ॥
હાલાસ્યનાથ દયિતે કરુણા પયોધે
બાલં વિલોલ મનસં કરુણૈક પાત્રમ્ ।
વીક્ષસ્વ માં લઘુ દયાર્મિલ દૃષ્ટપાદૈર્-
માતર્ન મેઽસ્તિ ભુવને ગતિરન્દ્રા ત્વમ્ ॥ ૬ ॥
શ્રુત્યુક્ત કર્મ નિવહાકરણાદ્વિશુદ્ધિઃ
ચિત્તસ્ય નાસ્તિ મમ ચઞ્ચલતા નિવૃત્તૈઃ ।
કુર્યાં કિમમ્બ મનસા સકલાઘ શાન્ત્યૈઃ
માતસ્તવદઙ્ઘ્રિ ભજનં સતતં દયસ્વ ॥ ૭ ॥
ત્વદ્રૂપદેશિકવરૈઃ સતતં વિભાવ્યં
ચિદ્રૂપમાદિ નિધનન્તર હીનમમ્બ ।
ભદ્રાવહં પ્રણમતાં સકલાઘ હન્તૃ
ત્વદ્રૂપમેવ મમ હૃત્કમલે વિભાતુ ॥ ૮ ॥
॥ ઇતિ શ્રી જગદ્ગુરુ શૃઙ્ગગિરિ ચન્દ્રશેખર
ભારતિ સ્વામિગળ્ વિરચિતં મીનાક્ષી સ્તોત્રં સમ્પૂર્ણમ્ ॥
Also Read:
Meenakshi Amman Stuti 2 Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
