Minaxi Stuti 2 in Malayalam:
॥ ശ്രീമീനാക്ഷീസ്തുതീ 2 ॥
അദ്രാക്ഷം ബഹുഭാഗ്യതോ ഗുരുവരൈഃ സമ്പൂജ്യമാനാം മുദാ
പുല്ലന്മല്ലിമുഖപ്രസൂനനിവഹൈർഹാലാസ്യനാഥപ്രിയാം ।
വീണാവേണുമൃദംഗവാദ്യമുദിതാമേണാങ്ക ബിംബാനനാം
കാണാദാദിസമസ്തശാസ്ത്രമതിതാം ശോണാധരാം ശ്യാമലാം ॥ 1 ॥
മാതംഗകുംഭവിജയീസ്തനഭാരഭുഗ്ന
മധ്യാം മദാരുണവിലോചനവശ്യകാന്താം ।
താമ്രാധരസ്ഫുരിതഹാസവിധൂതതാര
രാജപ്രവാലസുഷുമാം ഭജ മീനനേത്രാം ॥ 2 ॥
ആപാദമസ്തകദയാരസപൂരപൂർണാം
ശാപായുധോത്തമസമർചിതപാദപദ്മാം ।
ചാപയിതേക്ഷുമമലീമസചിത്തതായൈ
നീപാടവിവിഹർണാം ഭജ മീനനേത്രം ॥ 3 ॥
കന്ദർപ വൈര്യപി യയാ സവിലാസ ഹാസ
നേത്രാവലോകന വശീകൃത മാനസോഽഭൂത് ।
താം സർവദാ സകല മോഹന രൂപ വേഷാം
മോഹാന്ധകാര ഹരണാം ഭജ മീനനേത്രാം ॥ 4 ॥
അദ്യാപി യത്പുരഗതഃ സകലോഽപി ജന്തുഃ
ക്ഷുത്തൃഡ് വ്യഥാ വിരഹിതഃ പ്രസുവേവ ബാലഃ ।
സമ്പോശ്യതേ കരുണയാ ഭജകാർതി ഹന്ത്രീം
ഭക്ത്യാഽന്വഹം താം ഹൃദയ ഭജ മീനനേത്രാം ॥ 5 ॥
ഹാലാസ്യനാഥ ദയിതേ കരുണാ പയോധേ
ബാലം വിലോല മനസം കരുണൈക പാത്രം ।
വീക്ഷസ്വ മാം ലഘു ദയാർമില ദൃഷ്ടപാദൈർ-
മാതർന മേഽസ്തി ഭുവനേ ഗതിരന്ദ്രാ ത്വം ॥ 6 ॥
ശ്രുത്യുക്ത കർമ നിവഹാകരണാദ്വിശുദ്ധിഃ
ചിത്തസ്യ നാസ്തി മമ ചഞ്ചലതാ നിവൃത്തൈഃ ।
കുര്യാം കിമംബ മനസാ സകലാഘ ശാന്ത്യൈഃ
മാതസ്തവദംഘ്രി ഭജനം സതതം ദയസ്വ ॥ 7 ॥
ത്വദ്രൂപദേശികവരൈഃ സതതം വിഭാവ്യം
ചിദ്രൂപമാദി നിധനന്തര ഹീനമംബ ।
ഭദ്രാവഹം പ്രണമതാം സകലാഘ ഹന്തൃ
ത്വദ്രൂപമേവ മമ ഹൃത്കമലേ വിഭാതു ॥ 8 ॥
॥ ഇതി ശ്രീ ജഗദ്ഗുരു ശൃംഗഗിരി ചന്ദ്രശേഖര
ഭാരതി സ്വാമിഗൾ വിരചിതം മീനാക്ഷീ സ്തോത്രം സമ്പൂർണം ॥
Also Read:
Meenakshi Amman Stuti 2 Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
