Rudra Geetaa in Bengali:
॥ রুদ্রগীতা ॥
ভদ্রাশ্ব উবাচ ।
ভগবন্ কিং কৃতং লোকং ৎবয়া তমনুপশ্যতা ।
ব্রতং তপো বা ধর্মো বা প্রাপ্ত্যর্থং তস্য বৈ মুনে ॥ ৭০.১ ॥
অনারাধ্য হরিং ভক্ত্যা কো লোকান্ কাময়েদ্ বুধঃ ।
আরাধিতে হরৌ লোকাঃ সর্বে করতলেঽভবন্ ॥ ৭০.২ ॥
এবং সংচিন্ত্য রাজেন্দ্র ময়া বিষ্ণুঃ সনাতনঃ ।
আরাধিতো বর্ষশতং ক্রতুভির্ভূরিদক্ষিণৈঃ ॥ ৭০.৩ ॥
ততঃ কদাচিদ্ বহুনা কালেন নৃপনন্দন ।
যজতো মম দেবেশং যজ্ঞমূর্তিং জনার্দনম্ ।
আহূতা আগতা দেবাঃ সমমেব সবাসবাঃ ॥ ৭০.৪ ॥
স্বে স্বে স্থানে স্থিতা আসন্ যাবদ্ দেবাঃ সবাসবাঃ ।
তাবৎ তত্রৈব ভগবানাগতো বৃষভধ্বজঃ ॥ ৭০.৫ ॥
মহাদেবো বিরূপাক্ষস্ত্র্যম্বকো নীললোহিতঃ ।
সোঽপি রৌদ্রে স্থিতঃ স্থানে বভূব পরমেশ্বরঃ ॥ ৭০.৬ ॥
তান্ সর্বানাগতান্ দৃষ্ট্বা দেবানৃষিমহোরগান্ ।
সনৎকুমারো ভগবানাজগামাব্জসংভবঃ ॥ ৭০.৭ ॥
ত্রসরেণুপ্রমাণেন বিমানে সূর্যসন্নিভে ।
অবস্থিতো মহায়োগী ভূতভব্যভবিষ্যবিৎ ॥ ৭০.৮ ॥
আগম্য শিরসা রুদ্রং স ববন্দে মহামুনিঃ ।
ময়া প্রণমিতস্তস্থৌ সমীপে শূলপাণিনঃ ॥ ৭০.৯ ॥
তানহং সংস্থিতান্ দেবান্ নারদাদীনৃষীংস্তথা ।
সনৎকুমাররুদ্রৌ চ দৃষ্ট্বা মে মনসি স্থিতম্ ॥ ৭০.১০ ॥
ক এষাং ভবতে যাজ্যো বরিষ্ঠশ্চ নৃপোত্তম ।
কেন তুষ্টেন তুষ্টাঃ স্যুঃ সর্ব এতে সরুদ্রকাঃ ॥ ৭০.১১ ॥
এবং কৃৎবা স্থিতে রাজন্ রুদ্রঃ পৃষ্টো ময়াঽনঘ ।
এবমর্থং ক ইজ্যোঽত্র যুষ্মাকং সুরসত্তমাঃ ॥ ৭০.১২ ॥
এবমুক্তে তদোবাচ রুদ্রো মাং সুরসন্নিধৌ ॥ ৭০.১৩ ॥
রুদ্র উবাচ ।
শৃণ্বন্তু বিবুধাঃ সর্বে তথা দেবর্ষয়োঽমলাঃ ।
ব্রহ্মর্ষয়শ্চ বিখ্যাতা সর্বে শৃণ্বন্তু মে বচঃ ।
ৎবং চাগস্ত্য মহাবুদ্ধে শৃণু মে গদতো বচঃ ॥ ৭০.১৪ ॥
যো যজ্ঞৈরীড্যতে দেবো যস্মাৎ সর্বমিদং জগৎ ।
উৎপন্নং সর্বদা যস্মিংল্লীনং ভবতি সামরম্ ॥ ৭০.১৫ ॥
নারায়ণঃ পরো দেবঃ সত্ত্বরূপো জনার্দনঃ ।
ত্রিধাত্মানং স ভগবান্ সসর্জ পরমেশ্বরঃ ॥ ৭০.১৬ ॥
রজস্তমোভ্যাং যুক্তোঽভূদ্ রজঃ সত্ত্বাধিকং বিভুঃ ।
সসর্জ নাভিকমলে ব্রহ্মাণং কমলাসনম্ ॥ ৭০.১৭ ॥
রজসা তমসা যুক্তঃ সোঽপি মাং ৎবসৃজৎ প্রভুঃ ।
যৎসত্ত্বং স হরির্দেবো যো হরিস্তৎপরং পদম্ ॥ ৭০.১৮ ॥
যে সত্ত্বরজসী সোঽপি ব্রহ্মা কমলসংভবঃ ।
যো ব্রহ্মা সৈব দেবস্তু যো দেবঃ সঃ চতুর্মুখঃ ।
যদ্রজস্তমসোপেতং সোঽহং নাস্ত্যত্র সংশয়ঃ ॥ ৭০.১৯ ॥
সত্ত্বং রজস্তমশ্চৈব ত্রিতয়ং চৈতদুচ্যতে ।
সত্ত্বেন মুচ্যতে জন্তুঃ সত্ত্বং নারায়ণাত্মকম্ ॥ ৭০.২০ ॥
রজসা সত্ত্বয়ুক্তেন ভবেৎ সৃষ্টী রজোঽধিকা ।
তচ্চ পৈতামহং বৃত্তং সর্বশাস্ত্রেষু পঠ্যতে ॥ ৭০.২১ ॥
যদ্বেদবাহ্যং কর্ম স্যাচ্ছাস্ত্রমুদ্দিশ্য সেব্যতে ।
তদ্রৌদ্রমিতি বিখ্যাতং কনিষ্ঠং গদিতং নৃণাম্ ॥ ৭০.২২ ॥
যদ্ধীনং রজসা কর্ম কেবলং তামসং তু যৎ ।
তদ্ দুর্গতিপরং নৄণামিহ লোকে পরত্র চ ॥ ৭০.২৩ ॥
সত্ত্বেন মুচ্যতে জন্তুঃ সত্ত্বং নারায়ণাত্মকম্ ।
নারায়ণশ্চ ভগবান্ যজ্ঞরূপী বিভাব্যতে ॥ ৭০.২৪ ॥
কৃতে নারায়ণঃ শুদ্ধঃ সূক্ষ্মমূর্তিরুপাস্যতে ।
ত্রেতায়াং যজ্ঞরূপেণ পঞ্চরাত্রৈস্তু দ্বাপরে ॥ ৭০.২৫ ॥
কলৌ মৎকৃতমার্গেণ বহুরূপেণ তামসৈঃ ।
ইজ্যতে দ্বেষবুদ্ধ্যা স পরমাত্মা জনার্দনঃ ॥ ৭০.২৬ ॥
ন তস্মাৎ পরতো দেবো ভবিতা ন ভবিষ্যতি ।
যো বিষ্ণুঃ স স্বয়ং ব্রহ্মা যো ব্রহ্মা সোঽহমেব চ ॥ ৭০.২৭ ॥
বেদত্রয়েঽপি যজ্ঞেঽস্মিন্ যাজ্যং বেদেষু নিশ্চয়ঃ ।
যো ভেদং কুরুতেঽস্মাকং ত্রয়াণাং দ্বিজসত্তম ।
স পাপকারী দুষ্টাত্মা দুর্গতিং গতিমাপ্নুয়াৎ ॥ ৭০.২৮ ॥
ইদং চ শৃণু মেঽগস্ত্য গদতঃ প্রাক্তনং তথা ।
যথা কলৌ হরের্ভক্তিং ন কুর্বন্তীহ মানবাঃ ॥ ৭০.২৯ ॥
ভূর্লোকবাসিনঃ সর্বে পুরা যষ্ট্বা জনার্দনম্ ।
ভুবর্লোকং প্রপদ্যন্তে তত্রস্থা অপি কেশবম্ ।
আরাধ্য স্বর্গতিং যান্তি ক্রমান্মুক্তিং ব্রজন্তি চ ॥ ৭০.৩০ ॥
এবং মুক্তিপদে ব্যাপ্তে সর্বলোকৈস্তথৈব চ ।
মুক্তিভাজস্ততো দেবাস্তং দধ্যুঃ প্রয়তা হরিম্ ॥ ৭০.৩১ ॥
সোঽপি সর্বগতৎবাচ্চ প্রাদুর্ভূতঃ সনাতনঃ ।
উবাচ ব্রূত কিং কার্যং সর্বয়োগিবরাঃ সুরাঃ ॥ ৭০.৩২ ॥
তে তং প্রণম্য দেবেশমূচুশ্চ পরমেশ্বরম্ ।
দেবদেব জনঃ সর্বো মুক্তিমার্গে ব্যবস্থিতঃ ।
কথং সৃষ্টিঃ প্রভবিতা নরকেষু চ কো বসেৎ ॥ ৭০.৩৩ ॥
এবমুক্তস্ততো দেবৈস্তানুবাচ জনার্দনঃ ।
যুগানি ত্রীণি বহবো মামুপেষ্যন্তি মানবাঃ ॥ ৭০.৩৪ ॥
অন্ত্যে যুগে প্রবিরলা ভবিষ্যন্তি মদাশ্রয়াঃ ।
এষ মোহং সৃজাম্যাশু যো জনং মোহয়িষ্যতি ॥ ৭০.৩৫ ॥
ৎবং চ রুদ্র মহাবাহো মোহশাস্ত্রাণি কারয় ।
অল্পায়াসং দর্শয়িৎবা ফলং দীর্ঘং প্রদর্শয় ॥ ৭০.৩৬ ॥
কুহকং চেন্দ্রজালানি বিরুদ্ধাচরণানি চ ।
দর্শয়িৎবা জনং সর্বং মোহয়াশু মহেশ্বর ॥ ৭০.৩৭ ॥
এবমুক্ত্বা তদা তেন দেবেন পরমেষ্ঠিনা ।
আত্মা তু গোপিতঃ সদ্যঃ প্রকাশ্যোঽহং কৃতস্তদা ॥ ৭০.৩৮ ॥
তস্মাদারভ্য কালং তু মৎপ্রণীতেষু সত্তম ।
শাস্ত্রেষ্বভিরতো লোকো বাহুল্যেন ভবেদতঃ ॥ ৭০.৩৯ ॥
বেদানুবর্ত্তিনং মার্গং দেবং নারায়ণং তথা ।
একীভাবেন পশ্যন্তো মুক্তিভাজো ভবন্তি তে ॥ ৭০.৪০ ॥
মাং বিষ্ণোর্ব্যতিরিক্তং যে ব্রহ্মাণং চ দ্বিজোত্তম ।
ভজন্তে পাপকর্মাণস্তে যান্তি নরকং নরাঃ ॥ ৭০.৪১ ॥
যে বেদমার্গনির্মুক্তাস্তেষাং মোহার্থমেব চ ।
নয়সিদ্ধান্তসংজ্ঞাভির্ময়া শাস্ত্রং তু দর্শিতম্ ॥ ৭০.৪২ ॥
পাশোঽয়ং পশুভাবস্তু স যদা পতিতো ভবেৎ ।
তদা পাশুপতং শাস্ত্রং জায়তে বেদসংজ্ঞিতম্ ॥ ৭০.৪৩ ॥
বেদমূর্তিরহং বিপ্র নান্যশাস্ত্রার্থবাদিভিঃ ।
জ্ঞায়তে মৎস্বরূপং তু মুক্ত্বা বেদমনাদিমৎ ।
বেদবেদ্যোঽস্মি বিপ্রর্ষে ব্রাহ্মণৈশ্চ বিশেষতঃ ॥ ৭০.৪৪ ॥
যুগানি ত্রীণ্যহং বিপ্র ব্রহ্মা বিষ্ণুস্তথৈব চ ।
ত্রয়োঽপি সত্ত্বাদিগুণাস্ত্রয়ো বেদাস্ত্রয়োঽগ্নয়ঃ ॥ ৭০.৪৫ ॥
ত্রয়ো লোকাস্ত্রয়ঃ সংধ্যাস্ত্রয়ো বর্ণাস্তথৈব চ ।
সবনানি তু তাবন্তি ত্রিধা বদ্ধমিদং জগৎ ॥ ৭০.৪৬ ॥
য এবং বেত্তি বিপ্রর্ষে পরং নারায়ণং তথা ।
অপরং পদ্ময়োনিং তু ব্রহ্মাণং ৎবপরং তু মাম্ ।
গুণতো মুখ্যতস্ত্বেক এবাহং মোহ ইত্যুত ॥ ৭০.৪৭ ॥
॥ ইতি শ্রীবরাহপুরাণে ভগবচ্ছাস্ত্রে সপ্ততিতমোঽধ্যায়ঃ ॥ ৭০ ॥
অগস্ত্য উবাচ ।
এবমুক্তস্ততো দেবা ঋষয়শ্চ পিনাকিনা ।
অহং চ নৃপতে তস্য দেবস্য প্রণতোঽভবম্ ॥ ৭১.১ ॥
প্রণম্য শিরসা দেবং যাবৎ পশ্যামহে নৃপ ।
তাবৎ তস্যৈব রুদ্রস্য দেহস্থং কমলাসনম্ ॥ ৭১.২ ॥
নারায়ণং চ হৃদয়ে ত্রসরেণুসুসূক্ষ্মকম্ ।
জ্বলদ্ভাস্করবর্ণাভং পশ্যাম ভবদেহতঃ ॥ ৭১.৩ ॥
তং দৃষ্ট্বা বিস্মিতাঃ সর্বে যাজকা ঋষয়ো মম ।
জয়শব্দরবাংশ্চক্রুঃ সামঋগ্যজুষাং স্বনম্ ॥ ৭১.৪ ॥
কৃৎবোচুস্তে তদা দেবং কিমিদং পরমেশ্বর ।
একস্যামেব মূর্তৌ তে লক্ষ্যন্তে চ ত্রিমূর্ত্তয়ঃ ॥ ৭১.৫ ॥
রুদ্র উবাচ ।
যজ্ঞেঽস্মিন্ যদ্ধুতং হব্যং মামুদ্দিশ্য মহর্ষয়ঃ ।
তে ত্রয়োঽপি বয়ং ভাগং গৃহ্ণীমঃ কবিসত্তমাঃ ॥ ৭১.৬ ॥
নাস্মাকং বিবিধো ভাবো বর্ততে মুনিসত্তমাঃ ।
সম্যগ্দৃশঃ প্রপশ্যন্তি বিপরীতেষ্বনেকশঃ ॥ ৭১.৭ ॥
এবমুক্তে তু রুদ্রেণ সর্বে তে মুনয়ো নৃপ ।
পপ্রচ্ছুঃ শংকরং দেবং মোহশাস্ত্রপ্রয়োজনম্ ॥ ৭১.৮ ॥
ঋষয় ঊচুঃ ।
মোহনার্থং তু লোকানাং ৎবয়া শাস্ত্রং পৃথক্ কৃতম্ ।
তৎ ৎবয়া হেতুনা কেন কৃতং দেব বদস্ব নঃ ॥ ৭১.৯ ॥
রুদ্র উবাচ ।
অস্তি ভারতবর্ষেণ বনং দণ্ডকসংজ্ঞিতম্ ।
তত্র তীব্রং তপো ঘোরং গৌতমো নাম বৈ দ্বিজঃ ॥ ৭১.১০ ॥
চকার তস্য ব্রহ্মা তু পরিতোষং গতঃ প্রভুঃ ।
উবাচ তং মুনিং ব্রহ্মা বরং ব্রূহি তপোধন ॥ ৭১.১১ ॥
এবমুক্তস্তদা তেন ব্রহ্মণা লোককর্তৃণা ।
উবাচ সদ্যঃ পঙ্ক্তিং মে ধান্যানাং দেহি পদ্মজ ॥ ৭১.১২ ॥
এবমুক্তো দদৌ তস্য তমেবার্থং পিতামহঃ ।
লব্ধ্বা তু তং বরং বিপ্রঃ শতশৃঙ্গে মহাশ্রমম্ ॥ ৭১.১৩ ॥
চকার তস্যোষসি চ পাকান্তে শালয়ো দ্বিজাঃ ।
লূয়ন্তে তেন মুনিনা মধ্যাহ্নে পচ্যতে তথা ।
সর্বাতিথ্যমসৌ বিপ্রো ব্রাহ্মণেভ্যো দদাত্যলম্ ॥ ৭১.১৪ ॥
কস্যচিৎ ৎবথ কালস্য মহতি দ্বাদশাব্দিকা ।
অনাবৃষ্টির্দ্বিজবরা অভবল্লোমহর্ষিণী ॥ ৭১.১৫ ॥
তাং দৃষ্ট্বা মুনয়ঃ সর্বে অনাবৃষ্টিং বনেচরাঃ ।
ক্ষুধয়া পীড্যমামাস্তু প্রয়যুর্গৌতমং তদা ॥ ৭১.১৬ ॥
অথ তানাগতান্ দৃষ্ট্বা গৌতমঃ শিরসা নতঃ ।
উবাচ স্থীয়তাং মহ্যং গৃহে মুনিবরাত্মজাঃ ॥ ৭১.১৭ ॥
এবমুক্তাস্তু তে তেন তস্থুর্বিবিধভোজনম্ ।
ভুঞ্জমানা অনাবৃষ্টির্যাবৎ সা নিবৃতাঽভবৎ ॥ ৭১.১৮ ॥
নিবৃত্তায়াং তু বৈ তস্যামনাবৃষ্ট্যাং তু তে দ্বিজাঃ ।
তীর্থয়াত্রানিমিত্তং তু প্রয়াতুং মনসোঽভবন্ ॥ ৭১.১৯ ॥
তত্র শাণ্ডিল্যনামানং তাপসং মুনিসত্তমম্ ।
প্রত্যুবাচেতি সংচিন্ত্য মীরীচঃ পরমো মুনিঃ ॥ ৭১.২০ ॥
মারীচ উবাচ ।
শাণ্ডিল্য শোভনং বক্ষ্যে পিতা তে গৌতমো মুনিঃ ।
তমনুক্ত্বা ন গচ্ছামস্তপশ্চর্তুং তপোবনম্ ॥ ৭১.২১ ॥
এবমুক্তেঽথ জহসুঃ সর্বে তে মুনয়স্তদা ।
কিমস্মাভিঃ স্বকো দেহো বিক্রীতোঽস্যান্নভক্ষণাৎ ॥ ৭১.২২ ॥
এবমুক্ত্বা পুনশ্চোচুঃ সোপাধিগমনং প্রতি ।
কৃৎবা মায়াময়ীং গাং তু তচ্ছালৌ তে ব্যসর্জয়ন্ ॥ ৭১.২৩ ॥
তাং চরন্তীং ততো দৃষ্ট্বা শালৌ গাং গৌতমো মুনিঃ ।
গৃহীৎবা সলিলং পাণৌ যাহি রুদ্রেত্যভাষত ।
ততো মায়াময়ী সা গৌঃ পপাত জলবিন্দুভিঃ ॥ ৭১.২৪ ॥
নিহতাং তাং ততো দৃষ্ট্বা মুনীন্ জিগমিষূংস্তথা ।
উবাচ গৌতমো ধীমাংস্তান্ মুনীন্ প্রণতঃ স্থিতঃ ॥ ৭১.২৫ ॥
কিমর্থং গম্যতে বিপ্রাঃ সাধু শংসত মাচিরম্ ।
মাং বিহায় সদা ভক্তং প্রণতং চ বিশেষতঃ ॥ ৭১.২৬ ॥
ঋষয় ঊচুঃ ।
গোবধ্যেয়মিহ ব্রহ্মন্ যাবৎ তব শরীরগা ।
তাবদন্নং ন ভুঞ্জামো ভবতোঽন্নং মহামুনে ॥ ৭১.২৭ ॥
এবমুক্তো গৌতমোঽথ তান্ মুনীন্ প্রাহ ধর্মবিৎ ।
প্রায়শ্চিত্তং গোবধ্যায়া দীয়তাং মে তপোধনাঃ ॥ ৭১.২৮ ॥
ইয়ং গৌরমৃতা ব্রহ্মন্ মূর্চ্ছিতেব ব্যবস্থিতা ।
গঙ্গাজলপ্লুতা চেয়মুত্থাস্যতি ন সংশয়ঃ ॥ ৭১.২৯ ॥
প্রায়শ্চিত্তং মৃতায়াঃ স্যাদমৃতায়াঃ কৃতং ৎবিদম্ ।
ব্রতং বা মা কৃথাঃ কোপমিত্যুক্ত্বা প্রয়যুস্তু তে ॥ ৭১.৩০ ॥
গতৈস্তৈর্গৌতমো ধীমান্ হিমবন্তং মহাগিরিম্ ।
মামারাধয়িষুঃ প্রায়াৎ তপ্তুং চাশু মহৎ তপঃ ॥ ৭১.৩১ ॥
শতমেকং তু বর্ষাণামহমারাধিতোঽভবম্ ।
তুষ্টেন চ ময়া প্রোক্তো বরং বরয় সুব্রত ॥ ৭১.৩২ ॥
সোঽব্রবীন্মাং জকটাসংস্থাং দেহি গঙ্গাং তপস্বিনীম্ ।
ময়া সার্ধং প্রয়াৎবেষা পুণ্যা ভাগীরথী নদী ॥ ৭১.৩৩ ॥
এবমুক্তে জটাখণ্ডমেকং স প্রদদৌ শিবঃ ।
তাং গৃহ্য গতবান্ সোঽপি যত্রাস্তে সা তু গৌর্মৃতা ॥ ৭১.৩৪ ॥
তজ্জলপ্লাবিতা সা গৌর্গতা চোত্থায় ভামিনী ।
নদী চ মহতী জাতা পুণ্যতোয়া শুচিহ্রদা ॥ ৭১.৩৫ ॥
তং দৃষ্ট্বা মহদাশ্চর্যং তত্র সপ্তর্ষয়োঽমলাঃ ।
আজগ্মুঃ খে বিমানস্থাঃ সাধুঃ সাধ্বিতি বাদিনঃ ॥ ৭১.৩৬ ॥
সাধু গৌতম সাধূনাং কোন্যোঽস্তি সদৃশস্তব ।
যদেবং জাহ্নবীং দেবীং দণ্ডকে চাবতারয়ৎ ॥ ৭১.৩৭ ॥
এবমুক্তস্তদা তৈস্তু গৌতমঃ কিমিদং ৎবিতি ।
গোবধ্যাকারণং মহ্যং তাবৎ পশ্যতি গৌতমঃ ॥ ৭১.৩৮ ॥
ঋষীণাং মায়যা সর্বমিদং জাতং বিচিন্ত্য বৈ ।
শশাপ তান্ জটাভস্মমিথ্যাব্রতধরাস্তথা ।
ভবিষ্যথ ত্রয়ীবাহ্যা বেদকর্মবহিষ্কৃতাঃ ॥ ৭১.৩৯ ॥
তচ্ছ্রুৎবা ক্রূরবচনং গৌতমস্য মহামুনেঃ ।
ঊচুঃ সপ্তর্ষয়ো মৈবং সর্বকালং দ্বিজোত্তমাঃ ।
ভবন্তু কিং তু তে বাক্যং মোঘং নাস্ত্যত্র সংশয়ঃ ॥ ৭১.৪০ ॥
যদি নাম কলৌ সর্বে ভবিষ্যন্তি দ্বিজোত্তমাঃ ।
উপকারিণি যে তে হি অপকর্তার এব হি ।
ইত্থংভূতা অপি কলৌ ভক্তিভাজো ভবন্তু তে ॥ ৭১.৪১ ॥
ৎবদ্বাক্যবহ্নিনির্দগ্ধাঃ সদা কলিয়ুগে দ্বিজাঃ ।
ভবিষ্যন্তি ক্রিয়াহীনা বেদকর্মবহিষ্কৃতাঃ ॥ ৭১.৪২ ॥
অস্যাশ্চ গৌণং নামেহ নদী গোদাবরীতি চ ।
গৌর্দত্তা বরদানাচ্চ ভবেদ্ গোদাবরী নদী ॥ ৭১.৪৩ ॥
এতাং প্রাপ্য কলৌ ব্রহ্মন্ গাং দদন্তি জনাশ্চ যে ।
যথাশক্ত্যা তু দানানি মোদন্তে ত্রিদশৈঃ সহ ॥ ৭১.৪৪ ॥
সিংহস্থে চ গুরৌ তত্র যো গচ্ছতি সমাহিতঃ ।
স্নাৎবা চ বিধিনা তত্র পিতৄং স্তর্পয়তে তথা ॥ ৭১.৪৫ ॥
স্বর্গং গচ্ছন্তি পিতরো নিরয়ে পতিতা অপি ।
স্বর্গস্থাঃ পিতরস্তস্য মুক্তিভাজো ন সংশয়ঃ ॥ ৭১.৪৬ ॥
ৎবং খ্যাতিং মহতীং প্রাপ্য মুক্তিং যাস্যসি শাশ্বতীম্ ।
এবমুক্ত্বাঽথ মুনয়ো যয়ুঃ কৈলাসপর্বতম্ ।
যত্রাহমুময়া সার্ধং সদা তিষ্ঠামি সত্তমাঃ ॥ ৭১.৪৭ ॥
ঊচুর্মাং তে চ মুনয়ো ভবিতারো দ্বিজোত্তমাঃ ।
কলৌ ৎবদ্রূপিণঃ সর্বে জটামুকুটধারিণঃ ।
স্বেচ্ছয়া প্রেতবেষাশ্চ মিথ্যালিঙ্গধরাঃ প্রভো ॥ ৭১.৪৮ ॥
তেষামনুগ্রহার্থায় কিংচিচ্ছাস্ত্রং প্রদীয়তাম্ ।
যেনাস্মদ্বংশজাঃ সর্বে বর্তেয়ুঃ কলিপীডিতাঃ ॥ ৭১.৪৯ ॥
এবমভ্যর্থিতস্তৈস্তু পুরাঽহং দ্বিজসত্তমাঃ ।
বেদক্রিয়াসমায়ুক্তাং কৃতবানস্মি সংহিতাম্ ॥ ৭১.৫০ ॥
নিঃশ্বাসাখ্যাং ততস্তস্যাং লীনা বাভ্রব্যশাণ্ডিলাঃ ।
অল্পাপরাধাচ্ছ্রুৎবৈব গতা বৈডালিকা ভবন্ ॥ ৭১.৫১ ॥
ময়ৈব মোহিতাস্তে হি ভবিষ্যং জানতা দ্বিজাঃ ।
লৌল্যার্থিনস্তু শাস্ত্রাণি করিষ্যন্তি কলৌ নরাঃ ॥ ৭১.৫২ ॥
নিঃশ্বাসসংহিতায়াং হি লক্ষমাত্রং প্রমাণতঃ ।
সৈব পাশুপতী দীক্ষা যোগঃ পাশুপতস্ত্বিহ ॥ ৭১.৫৩ ॥
এতস্মাদ্ বেদমার্গাদ্ধি যদন্যদিহ জায়তে ।
তৎ ক্ষুদ্রকর্ম বিজ্ঞেয়ং রৌদ্রং শৌচবিবর্জিতম্ ॥ ৭১.৫৪ ॥
যে রুদ্রমুপজীবন্তি কলৌ বৈডালিকা নরাঃ ।
লৌল্যার্থিনঃ স্বশাস্ত্রাণি করিষ্যন্তি কলৌ নরাঃ ।
উচ্ছুষ্মরুদ্রাস্তে জ্ঞেয়া নাহং তেষু ব্যবস্থিতঃ ॥ ৭১.৫৫ ॥
ভৈরবেণ স্বরূপেণ দেবকার্যে যদা পুরা ।
নর্তিতং তু ময়া সোঽয়ং সংবন্ধঃ ক্রূরকর্মণাম্ ॥ ৭১.৫৬ ॥
ক্ষয়ং নিনীষতা দৈত্যানট্টহাসো ময়া কৃতঃ ।
যঃ পুরা তত্র যে মহ্যং পতিতা অশ্রুবিন্দবঃ ।
অসংখ্যাতাস্তু তে রৌদ্রা ভবিতারো মহীতলে ॥ ৭১.৫৭ ॥
উচ্ছুষ্মনিরতা রৌদ্রাঃ সুরামাংসপ্রিয়াঃ সদা ।
স্ত্রীলোলাঃ পাপকর্মাণঃ সংভূতা ভূতলেষু তে ॥ ৭১.৫৮ ॥
তেষাং গৌতমশাপাদ্ধি ভবিষ্যন্ত্যন্বয়ে দ্বিজাঃ ।
তেষাং মধ্যে সদাচারা যে তে মচ্ছাসনে রতাঃ ॥ ৭১.৫৯ ॥
স্বর্গং চৈবাপবর্গং চ ইতি বৈ সংশয়াৎ পুরা ।
বৈডালিকাঽধো যাস্যন্তি মম সংততিদূষকাঃ ॥ ৭১.৬০ ॥
প্রাগ্ গৌতমাগ্নিনা দগ্ধাঃ পুনর্মদ্বচনাদ্ দ্বিজাঃ ।
নরকং তু গমিষ্যন্তি নাত্র কার্যা বিচারণা ॥ ৭১.৬১ ॥
রুদ্র উবাচ ।
এবং ময়া ব্রহ্মসুতাঃ প্রোক্তা জগ্মুর্যথাগতম্ ।
গৌতমোঽপি স্বকং গেহং জগামাশু পরংতপঃ ॥ ৭১.৬২ ॥
এতদ্ বঃ কথিতং বিপ্রা ময়া ধর্মস্য লক্ষণম্ ।
এতস্মাদ্ বিপরীতো যঃ স পাষণ্ডরতো ভবেৎ ॥ ৭১.৬৩ ॥
॥ ইতি শ্রীবরাহপুরাণে ভগবচ্ছাস্ত্রে একসপ্ততিতমোঽধ্যায়ঃ ॥ ৭১ ॥
শ্রীবরাহ উবাচ ।
সর্বজ্ঞং সর্বকর্ত্তারং ভবং রুদ্রং পুরাতনম্ ।
প্রণম্য প্রয়তোঽগস্ত্যঃ পপ্রচ্ছ পরমেশ্বরম্ ॥ ৭২.১ ॥
অগস্ত্য উবাচ ।
ভবান্ ব্রহ্মা চ বিষ্ণুশ্চ ত্রয়মেতৎ ত্রয়ী স্মৃতা ।
দীপোঽগ্নির্দোপসংয়োগৈঃ সর্বশাস্ত্রেষু সর্বতঃ ॥ ৭২.২ ॥
কস্মিন্ প্রধানো ভগবান্ কালে কস্মিন্নধোক্ষজঃ ।
ব্রহ্মা বা এতদাচক্ষ্ব মম দেব ত্রিলোচন ॥ ৭২.৩ ॥
রুদ্র উবাচ ।
বিষ্ণুরেব পরং ব্রহ্ম ত্রিভেদমিহ পঠ্যতে ।
বেদসিদ্ধান্তমার্গেষু তন্ন জানন্তি মোহতাঃ ॥ ৭২.৪ ॥
বিশপ্রবেশনে ধাতুস্তত্র ষ্ণু প্রত্যযাদনু ।
বিষ্ণুর্যঃ সর্বদেবেষু পরমাত্মা সনাতনঃ ॥ ৭২.৫ ॥
যোঽয়ং বিষ্ণুস্তু দশধা কীর্ত্যতে চৈকধা দ্বিজাঃ ।
স আদিত্যো মহাভাগ যোগৈশ্বর্যসমন্বিতঃ ॥ ৭২.৬ ॥
স দেবকার্যাণি সদা কুরুতে পরমেশ্বরঃ ।
মনুষ্যভাবমাশ্রিত্য স মাং স্তৌতি যুগে যুগে ।
লোকমার্গপ্রবৃত্ত্যর্থং দেবকার্যার্থসিদ্ধয়ে ॥ ৭২.৭ ॥
অহং চ বরদস্তস্য দ্বাপরে দ্বাপরে দ্বিজ ।
অহং চ তং সদা স্তৌমি শ্বেতদ্বীপে কৃতে যুগে ॥ ৭২.৮ ॥
সৃষ্টিকালে চতুর্বক্ত্রং স্তৌমি কালো ভবামি চ ।
ব্রহ্মা দেবাসুরা স্তৌতি মাং সদা তু কৃতে যুগে ।
লিঙ্গমূর্তিং চ মাং দেবা যজন্তে ভোগকাঙ্ক্ষিণঃ ॥ ৭২.৯ ॥
সহস্রশীর্ষকং দেবং মনসা তু মুমুক্ষবঃ ।
যজন্তে যং স বিশ্বাত্মা দেবো নারায়ণঃ স্বয়ম্ ॥ ৭২.১০ ॥
ব্রহ্ময়জ্ঞেন যে নিত্যং যজন্তে দ্বিজসত্তমাঃ ।
তে ব্রহ্মাণং প্রীণয়ন্তি বেদো ব্রহ্মা প্রকীর্তিতঃ ॥ ৭২.১১ ॥
নারায়ণঃ শিবো বিষ্ণুঃ শংকর পুরুষোত্তমঃ ।
এতৈস্তু নামভির্ব্রহ্ম পরং প্রোক্তং সনাতনম্ ।
তং চ চিন্তাময়ং যোগং প্রবদন্তি মনীষিণঃ ॥ ৭২.১২ ॥
পশূনাং শমনং যজ্ঞে হোমকর্ম চ যদ্ভবেৎ ।
তদোমিতি চ বিখ্যাতং তত্রাহং সংব্যবস্থিতঃ ॥ ৭২.১৩ ॥
কর্মবেদয়ুজাং বিপ্র ব্রহ্মা বিষ্ণুর্মহেশ্বরঃ ।
বয়ং ত্রয়োঽপি মন্ত্রাদ্যা নাত্র কার্যা বিচারণা ॥ ৭২.১৪ ॥
অহং বিষ্ণুস্তথা বেদা ব্রহ্ম কর্মাণি চাপ্যুত ।
এতৎ ত্রয়ং ৎবেকমেব ন পৃথগ্ ভাবয়েৎ সুধীঃ ॥ ৭২.১৫ ॥
যোঽন্যথা ভাবয়েদেতৎ পক্ষপাতেন সুব্রত ।
স যাতি নরকং ঘোরং রৌরবং পাপপূরুষঃ ॥ ৭২.১৬ ॥
অহং ব্রহ্মা চ বিষ্ণুশ্চ ঋগ্যজুঃ সাম এব চ ।
নৈতস্মিন্ ভেদমস্যাস্তি সর্বেষাং দ্বিজসত্তম ॥ ৭২.১৭ ॥
॥ ইতি শ্রীবরাহপুরাণে ভগবচ্ছাস্ত্রে দ্বিসপ্ততিতমোঽধ্যায়ঃ ॥ ৭২ ॥
রুদ্র উবাচ ।
শৃণু চান্যদ্ দ্বিজশ্রেষ্ঠ কৌতূহলসমন্বিতম্ ।
অপূর্বভূতং সলিলে মগ্নেন মুনিপুংগব ॥ ৭৩.১ ॥
ব্রহ্মাণাঽহং পুরা সৃষ্টঃ প্রোক্তশ্চ সৃজ বৈ প্রজাঃ ।
অবিজ্ঞানসমর্থোঽহং নিমগ্নঃ সলিলে দ্বিজ ॥ ৭৩.২ ॥
তত্র যাবৎ ক্ষণং চৈকং তিষ্ঠামি পরমেশ্বরম্ ।
অঙ্গুষ্ঠমাত্রং পুরুষং ধ্যায়ন্ প্রয়তমানসঃ ॥ ৭৩.৩ ॥
তাবজ্জলাৎ সমুত্তস্থুঃ প্রলয়াগ্নিসমপ্রভাঃ ।
পুরুষা দশ চৈকশ্চ তাপয়ন্তোংশুভির্জলম্ ॥ ৭৩.৪ ॥
ময়া পৃষ্টাঃ কে ভবন্তো জলাদুত্তীর্য তেজসা ।
তাপয়ন্তো জলং চেদং ক্ব বা যাস্যথ সংশত ॥ ৭৩.৫ ॥
এবমুক্তা ময়া তে তু নোচুঃ কিংচন সত্তমাঃ ।
এবমেব গতাস্তূষ্ণীং তে নরা দ্বিজপুংগব ॥ ৭৩.৬ ॥
ততস্তেষামনু মহাপুরুষোঽতীবশোভনঃ ।
স তস্মিন্ মেঘসংকাশঃ পুণ্ডরীকনিভেক্ষণঃ ॥ ৭৩.৭ ॥
তমহং পৃষ্টবান্ কস্ত্বং কে চেমে পুরুষা গাতাঃ ।
কিং বা প্রয়োজনমিহ কথ্যতাং পুরুষর্ষভ ॥ ৭৩.৮ ॥
পুরুষ উবাচ ।
য এতে বৈ গতাঃ পূর্বং পুরুষা দীপ্ততেজসঃ ।
আদিত্যাস্তে ৎবরং যান্তি ধ্যাতা বৈ ব্রহ্মণা ভব ॥ ৭৩.৯ ॥
সৃষ্টিং সৃজতি বৈ ব্রহ্মা তদর্থং যান্ত্যমী নরাঃ ।
প্রতিপালনায় তস্যাস্তু সৃষ্টের্দেব ন সংশয়ঃ ॥ ৭৩.১০ ॥
শম্ভুরুবাচ ।
ভগবন্ কথং জানীষে মহাপুরুষসত্তম ।
ভবেতি নাম্না তৎসর্বং কথয়স্ব পরো হ্যহম্ ॥ ৭৩.১১ ॥
এবমুক্তস্তু রুদ্রেণ স পুমান্ প্রত্যভাষত ।
অহং নারায়ণো দেবো জলশায়ী সনাতনঃ ॥ ৭৩.১২ ॥
দিব্যং চক্ষুর্ভবতু বৈ তব মাং পশ্য যত্নতঃ ।
এবমুক্তস্তদা তেন যাবদ্ পশ্যাম্যহং তু তম্ ॥ ৭৩.১৩ ॥
তাবদঙ্গুষ্ঠমাত্রং তু জ্বলদ্ভাস্করতেজসম্ ।
তমেবাহং প্রপশ্যামি তস্য নাভৌ তু পঙ্কজম্ ॥ ৭৩.১৪ ॥
ব্রহ্মাণং তত্র পশ্যামি আত্মানং চ তদঙ্কতঃ ।
এবং দৃষ্ট্বা মহাত্মানং ততো হর্ষমুপাগতঃ ।
তং স্তোতুং দ্বিজশার্দূল মতির্মে সমজায়ত ॥ ৭৩.১৫ ॥
তস্য মূর্তৌ তু জাতায়াং সক্তোত্রেণানেন সুব্রত ।
স্তুতো ময়া স বিশ্বাত্মা তপসা স্মৃতকর্মণা ॥ ৭৩.১৬ ॥
রুদ্র উবাচ ।
নমোঽস্ত্বনন্তায় বিশুদ্ধচেতসে
সরূপরূপায় সহস্রবাহবে ।
সহস্ররশ্মিপ্রবরায় বেধসে
বিশালদেহায় বিশুদ্ধকর্মিণে ॥ ৭৩.১৭ ॥
সমস্তবিশ্বার্তিহরায় শম্ভবে
সহস্রসূর্যানিলতিগ্মতেজসে ।
সমস্তবিদ্যাবিধৃতায় চক্রিণে
সমস্তগীর্বাণনুতে সদাঽনঘ ॥ ৭৩.১৮ ॥
অনাদিদেবোঽচ্যুত শেষশেখর
প্রভো বিভো ভূতপতে মহেশ্বর ।
মরুৎপতে সর্বপতে জগৎপতে
ভুবঃ পতে ভুবনপতে সদা নমঃ ॥ ৭৩.১৯ ॥
জলেশ নারায়ণ বিশ্বশংকর
ক্ষিতীশ বিশ্বেশ্বর বিশ্বলোচন ।
শশাঙ্কসূর্যাচ্যুত বীর বিশ্বগা –
প্রতর্ক্যমূর্ত্তেঽমৃতমূর্তিরব্যযঃ ॥ ৭৩.২০ ॥
জ্বলধুতাশার্চিবিরুদ্ধমণ্ডল
প্রপাহি নারায়ণ বিশ্বতোমুখ ।
নমোঽস্তু দেবার্ত্তিহরামৃতাব্যয
প্রপাহি মাং শরণগতং সদাচ্যুত ॥ ৭৩.২১ ॥
বক্ত্রাণ্যনেকানি বিভো তবাহং
পশ্যামি মধ্যস্থগতং পুরাণম্ ।
ব্রহ্মাণমীশং জগতাং প্রসূতিং
নমোঽস্তু তুভ্যং তু পিতামহায় ॥ ৭৩.২২ ॥
সংসারচক্রভ্রমণৈরনেকৈঃ
ক্বচিদ্ ভবান্ দেববরাদিদেব ।
সন্মার্গিভির্জ্ঞানবিশুদ্ধসত্ত্বৈ –
রুপাস্যসে কিং প্রলপাম্যহং ৎবাম্ ॥ ৭৩.২৩ ॥
একং ভবন্তং প্রকৃতেঃ পরস্তাদ্
যো বেত্ত্যসৌ সর্ববিদাদিবোদ্ধা ।
গুণা ন তেষু প্রসভং বিভেদ্যা
বিশালমূর্তির্হি সুসূক্ষ্মরূপঃ ॥ ৭৩.২৪ ॥
নির্বাক্যো নির্মনো বিগতেন্দ্রিয়োঽসি
কর্মাভবান্নো বিগতৈককর্মা ।
সংসারবাংস্ত্বং হি ন তাদৃশোঽসি
পুনঃ কথং দেববরাসি বেদ্যঃ ॥ ৭৩.২৫ ॥
মূর্তামূর্তং ৎবতুলং লভ্যতে তে
পরং বপুর্দেব বিশুদ্ধভাবৈঃ ।
সংসারবিচ্ছিত্তিকরৈর্যজদ্ভি –
রতোঽবসীয়েত চতুর্ভুজস্ত্বম্ ॥ ৭৩.২৬ ॥
পরং ন জানন্তি যতো বপুস্তে
দেবাদয়োঽপ্যদ্ভুতকারণং তৎ ।
অতোঽবতারোক্ততনুং পুরাণ –
মারাধয়েয়ুঃ কমলাসনাদ্যাঃ ॥ ৭৩.২৭ ॥
ন তে বপুর্বিশ্বসৃগব্জয়োনি-
রেকান্ততো বেদ মহানুভাবঃ ।
পরং ৎবহং বেদ্মি কবিং পুরাণং
ভবন্তমাদ্যং তপসা বিশুদ্ধঃ ॥ ৭৩.২৮ ॥
পদ্মাসনো মে জনকঃ প্রসিদ্ধ –
শ্চৈতৎ প্রসূতাবসকৃৎপুরাণৈঃ ।
সংবোধ্যতে নাথ ন মদ্বিধোঽপি
বিদুর্ভবন্তং তপসা বিহীনাঃ ॥ ৭৩.২৯ ॥
ব্রহ্মাদিভিস্তৎপ্রবরৈরবোধ্যং
ৎবাং দেব মূর্খাঃ স্বমনন্তনত্যা ।
প্রবোধমিচ্ছন্তি ন তেষু বুদ্ধি –
রুদারকীর্ত্তিষ্বপি বেদহীনাঃ ॥ ৭৩.৩০ ॥
জন্মান্তরৈর্বেদবিদাং বিবেক –
বুদ্ধির্ভবেন্নাথ তব প্রসাদাৎ ।
ৎবল্লব্ধলাভস্য ন মানুষৎবং
ন দেবগন্ধর্বগতিঃ শিবং স্যাৎ ॥ ৭৩.৩১ ॥
ৎবং বিষ্ণুরূপোঽসি ভবান্ সুসূক্ষ্মঃ
স্থূলোঽসি চেদং কৃতকৃত্যতায়াঃ ।
স্থূলঃ সুসূক্ষ্মঃ সুলভোঽসি দেব
ৎবদ্বাহ্যবৃত্ত্যা নরকে পতন্তি ॥ ৭৩.৩২ ॥
কিমুচ্যতে বা ভবতি স্থিতেঽস্মিন্
খাত্ম্যেন্দুবহ্ন্যর্কমহীমরুদ্ভিঃ ।
তত্ত্বৈঃ সতোয়ৈঃ সমরূপধারি –
ণ্যাত্মস্বরূপে বিততস্বভাবে ॥ ৭৩.৩৩ ॥
ইতি স্তুতিং মে ভগবন্ননন্ত
জুষস্ব ভক্তস্য বিশেষতশ্চ ।
সৃষ্টিং সৃজস্বেতি তবোদিতস্য
সর্বজ্ঞতাং দেহি নমোঽস্তু বিষ্ণো ॥ ৭৩.৩৪ ॥
চতুর্মুখো যো যদি কোটিবক্ত্রো
ভবেন্নরঃ ক্বাপি বিশুদ্ধচেতাঃ ।
স তে গুণানাময়ুতৈরনেকৈ –
র্বদেৎ তদা দেববর প্রসীদ ॥ ৭৩.৩৫ ॥
সমাধিয়ুক্তস্য বিশুদ্ধবুদ্ধে –
স্ত্বদ্ভাবভাবৈকমনোঽনুগস্য ।
সদা হৃদিস্থোঽসি ভবান্নমস্তে
ন সর্বগস্যাস্তি পৃথগ্ব্যবস্থা ॥ ৭৩.৩৬ ॥
ইতি প্রকাশং কৃতমেতদীশ
স্তবং ময়া সর্বগতং বিবুদ্ধ্বা ।
সংসারচক্রক্রমমাণয়ুক্ত্যা
ভীতং পুনীহ্যচ্যুত কেবলৎবম্ ॥ ৭৩.৩৭ ॥
শ্রীবরাহ উবাচ ।
ইতি স্তুতস্তদা দেবো রুদ্রেণামিততেজসা ।
উবাচ বাক্যং সংতুষ্টো মেঘগম্ভীরনিঃস্বনঃ ॥ ৭৩.৩৮ ॥
বিষ্ণুরুবাচ ।
বরং বরয় ভদ্রং তে দেব দেব উমাপতে ।
ন ভেদশ্চাবয়োর্দেব একাবাবামুভাবপি ॥ ৭৩.৩৯ ॥
রুদ্র উবাচ ।
ব্রহ্মণাঽহং নিয়ুক্তস্তু প্রজাঃ সৃজ ইতি প্রভো ।
তত্র জ্ঞানং প্রয়চ্ছস্ব ত্রিবিধং ভূতভাবনম্ ॥ ৭৩.৪০ ॥
বিষ্ণুরুবাচ ।
সর্বজ্ঞস্ত্বং ন সংদেহো জ্ঞানরাশিঃ সনাতনঃ ।
দেবানাং চ পরং পূজ্যঃ সর্বদা ৎবং ভবিষ্যসি ॥ ৭৩.৪১ ॥
এবমুক্তঃ পুনর্বাক্যমুবাচোমাপতির্মুদা ।
অন্যং দেহি বরং দেব প্রসিদ্ধং সর্বজন্তুষু ॥ ৭৩.৪২ ॥
মূর্তো ভূৎবা ভবানেব মামারাধয় কেশব ।
মাং বহস্ব চ দেবেশ বরং মত্তো গৃহাণ চ ।
যেনাহং সর্বদেবানাং পূজ্যাৎ পূজ্যতরো ভবে ॥ ৭৩.৪৩ ॥
বিষ্ণুরুবাচ ।
দেবকার্যাবতারেষু মানুষৎবমুপাগতঃ ।
ৎবামেবারাধয়িষ্যামি ৎবং চ মে বরদো ভব ॥ ৭৩.৪৪ ॥
যৎ ৎবয়োক্তং বহস্বেতি দেবদেব উমাপতে ।
সোঽহং বহামি ৎবাং দেবং মেঘো ভূৎবা শতং সমাঃ ॥ ৭৩.৪৫ ॥
এবমুক্ত্বা হরির্মেঘঃ স্বয়ং ভূৎবা মহেশ্বরম্ ।
উজ্জহার জলাৎ তস্মাদ্ বাক্যং চেদমুবাচ হ ॥ ৭৩.৪৬ ॥
য এতে দশ চৈকশ্চ পুরুষাঃ প্রাকৃতাঃ প্রভো ।
তে বৈরাজা মহীং যাতা আদিত্যা ইতি সংজ্ঞিতাঃ ॥ ৭৩.৪৭ ॥
মদংশো দ্বাদশো যস্তু বিষ্ণুনামা মহীতলে ।
অবতীর্ণো ভবন্তং তু আরাধয়তি শংকর ॥ ৭৩.৪৮ ॥
এবমুক্ত্বা স্বকাদংশাৎ সৃষ্ট্বাদিত্যং ঘনং তথা ।
নারায়ণঃ শব্দবচ্চ ন বিদ্মঃ ক্ব লয়ং গতঃ ॥ ৭৩.৪৯ ॥
রুদ্র উবাচ ।
এবমেষ হরির্দেবঃ সর্বগঃ সর্বভাবনঃ ।
বরদোঽভূৎ পুরা মহ্যং তেনাহং দৈবতৈর্বরঃ ॥ ৭৩.৫০ ॥
নারায়ণাৎ পরো দেবো ন ভূতো ন ভবিষ্যতি ।
এতদ্ রহস্যং বেদানাং পুরাণানাং চ সত্তম ।
ময়া বঃ কীর্তিতং সর্বং যথা বিষ্ণুরিহেজ্যতে ॥ ৭৩.৫১ ॥
॥ ইতি শ্রীবরাহপুরাণে ভগবচ্ছাস্ত্রে ত্রিসপ্ততিতমোঽধ্যায়ঃ ॥ ৭৩ ॥
শ্রীবরাহ উবাচ ।
পুনস্তে ঋষয়ঃ সর্বে তং পপ্রচ্ছুঃ সনাতনম্ ।
রুদ্রং পুরাণপুরুষং শাশ্বতং ধ্রুবমব্যযম্ ।
বিশ্বরূপমজং শংভুং ত্রিনেত্রং শূলপাণিনম্ ॥ ৭৪.১ ॥
ঋষয় ঊচুঃ ।
ৎবং পরঃ সর্বদেবানামস্মাকং চ সুরেশ্বর ।
পৃচ্ছাম তেন ৎবাং প্রশ্নমেকং তদ্ বক্তুমর্হসি ॥ ৭৪.২ ॥
ভূমিপ্রমাণসংস্থানং পর্বতানাং চ বিস্তরম্ ।
সমুদ্রাণাং নদীনাং চ ব্রহ্মাণ্ডস্য চ বিস্তরম্ ।
অস্মাকং ব্রূহি কৃপয়া দেবদেব উমাপতে ॥ ৭৪.৩ ॥
রুদ্র উবাচ ।
সর্বেষ্বেব পুরাণেষু ভূর্লোকঃ পরিকীর্ত্যতে ।
ব্রহ্মবিষ্ণুভবাদীনাং বায়ব্যে চ সবিস্তরম্ ॥ ৭৪.৪ ॥
ইদানীং চ প্রবক্ষ্যামি সমাসাদ্ বঃ ক্ষমান্তরম্ ।
তন্নিবোধত ধর্মজ্ঞা গদতো মম সত্তমাঃ ॥ ৭৪.৫ ॥
যোঽসৌ সকলবিদ্যাববোধিতপরমাত্মরূপী বিগতকল্মষঃ
পরমাণুরচিন্ত্ত্যাত্মা নারায়ণঃ সকললোকালোকব্যাপী
পীতাম্বরোরুবক্ষঃ ক্ষিতিধরো গুণতোমুখ্যতস্তু –
অণুমহদ্দীর্ঘহ্রস্বমকৃশমলোহিতমিত্যেবমাদ্যোপলক্ষিত –
বিজ্ঞানমাত্ররূপম্ । স ভগবাংস্ত্রিপ্রকারঃ সত্ত্ব -৫
রজস্তমোদ্রিক্তঃ সলিলং সসর্জ । তচ্চ সৃষ্ট্বা –
নাদিপুরুষঃ পরমেশ্বরো নারায়ণঃ সকলজগন্ময়ঃ
সর্বময়ো দেবময়ো যজ্ঞময় আপোময় আপোমূর্ত্তির্যোগনিদ্রয়া
সুপ্তস্য তস্য নাভৌ সদব্জং নিঃসসার । তস্মিন্সকল –
বেদনিধিরচিন্ত্যাত্মা পরমেশ্বরো ব্রহ্মা প্রজাপতির -১০
ভবৎ স চ সনকসনন্দনসনৎকুমারাদীন্ জ্ঞানধর্মিণঃ
পূর্বমুৎপাদ্য পশ্চান্মনুং স্বায়ংভুবং মরীচ্যাদীন্
দক্ষান্তান্ সসর্জ । যঃ স্বয়ংভুবো মনুর্ভগবতা
সৃষ্টস্তস্মাদারভ্য ভুবনস্যাতিবিস্তরো বর্ণ্যতে ।
তস্য চ মনোর্দ্বৌ পুত্রৌ বভূবতুঃ প্রিয়ব্রতোত্তানপাদৌ । ১৫
প্রিয়ব্রতস্য দশ পুত্রা বভূবুঃ । আগ্নীঘ্রোঽগ্নিবাহু –
র্মেধো মেধাতিথির্ধ্রুবো জ্যোতিষ্মান্ দ্যুতিমান্
হব্যবপুষ্মৎসবনান্তাঃ ।
স চ প্রিয়ব্রতঃ সপ্তদ্বীপেষু সপ্ত পুত্রান্ স্থাপয়ামাস ।
তত্র চাগ্নীধ্রং জম্বূদ্বীপেশ্বরং চক্রে । ২০
শাকদ্বীপেশ্বরং মেধাতিথিং কুশে জ্যোতিষ্মন্তং
ক্রৌঞ্চে দ্যুতিমন্তং শাল্মলে বপুষ্মন্তং
গোমেদস্যেশ্বরং হব্যং পুষ্করাধিপতিং সবনমিতি ।
পুষ্করেশস্যাপি সবনস্য দ্বৌ পুত্রৌ
মহাবীতধাতকী ভবেতাম্ ॥ ২৫
তয়োর্দেশৌ গোমেদশ্চ নাম্না ব্যবস্থিতৌ ।
ধাতকের্ধাতকীখণ্ডং কুমুদস্য চ কৌমুদম্ ।
শাল্মলাধিপতেরপি বপুষ্মন্তস্য ত্রয়ঃ পুত্রাঃ
সকুশবৈদ্যুতজীমূতনামানঃ ।
সকুশস্য সকুশনামা দেশঃ বৈদ্যুতস্য বৈদ্যুতঃ ৩০
জীমূতস্য জীমূত ইতি এতে শাল্মলের্দেশা ইতি
তথা চ দ্যুতিমতঃ সপ্ত পুত্রকাঃ কুশলো মনুগোষ্ঠৌষ্ণঃ
পীবরোদ্যান্ধকারকমুনিদুন্দুভিশ্চেতি । তন্নাম্না
ক্রৌঞ্চে সপ্ত মহাদেশনামানি । কুশদ্বীপেশ্বরস্যাপি
জ্যোতিষ্মতঃ সপ্তৈব পুত্রাস্তদ্যথা উদ্ভিদো বেণুমাং – ৩৫
শ্চৈব রথোপলম্বনো ধৃতিঃ প্রভাকরঃ – কপিল
ইতি । তন্নামান্যেব বর্ষাণি দ্রষ্টব্যানি
শাকাধিপস্যাপি সপ্ত পুত্রা মেধাতিথেস্তদ্যথা
শান্তভয়শিশিরসুখোদয়ংনন্দশিবক্ষেমকধ্রুবা ইতি
এতে সপ্ত পুত্রাঃ এতন্নামান্যেব বর্ষাণি । ৪০
অথ জম্বূদ্বীপেশ্বরস্যাপি আগ্নীধ্রস্য নব পুত্রা বভূবুঃ ।
তদ্যথা নাভিঃ কিংপুরুষো হরিবর্ষ ইলাবৃতো রম্যকো
হিরণ্ময়ঃ কুরুর্ভদ্রাশ্বঃ কেতুমালশ্চেতি । এতন্নামান্যেব
বর্ষাণি । নাভের্হেমবন্তং হেমকূটং কিংপুরুষং নৈষধং হরিবর্ষং
মেরুমধ্যমিলাবৃত্তং নীলং রম্যকং শ্বেতং হিরণ্ময়ং ৪৫
উত্তরং চ শৃঙ্গবতঃ কুরবো মাল্যবন্তং ভদ্রাশ্বং
গন্ধমাদনং কেতুমালমিতি । এবং স্বায়ংভুবেঽন্তরে ভুবন-
প্রতিষ্ঠা । কল্পে কল্পে চৈবমেব সপ্ত সপ্ত পার্থিবৈঃ
ক্রিয়তে ভূমেঃ পালনং ব্যবস্থা চ ।
এষ স্বভাবঃ কল্পস্য সদা ভবতীতি । ৫০
অত্র নাভেঃ সর্গং কথয়ামি । নাভির্মেরুদেব্যাং পুত্রমজনয়দ্
ঋষভনামানং তস্য ভরতো জজ্ঞে পুত্রশ্চ তাবদগ্রজঃ ।
তস্য ভরতস্য পিতা ঋষভো হিমাদ্রের্দক্ষিণং
বর্ষমদাদ্ ভারতং নাম । ভরতস্যাপি পুত্রঃ সুমতির্নামা ।
তস্য রাজ্যং দত্ত্বা ভরতোঽপি বনং যয়ৌ । ৫৫
সুমতেস্তেজস্তৎপুত্রঃ সৎসুর্নামা । তস্যাপীন্দ্রদ্যুম্নো নাম ।
তস্যাপি পরমেষ্ঠী তস্যাপি প্রতিহর্ত্তা তস্য নিখাতঃ
নিখাতস্য উন্নেতা উন্নেতুরপ্যভাবস্তস্যোদ্গাতা তস্য
প্রস্তোতা প্রস্তোতুশ্চ বিভুঃ বিভোঃ পৃথুঃ পৃথোরনন্তঃ
অনন্তস্যাপি গয়ঃ গয়স্য নয়স্তস্য বিরাটঃ ৬০
তস্যাপি মহাবীর্যস্ততঃ সুধীমান্ ধীমতো মহান্
মহতো ভৌমনো ভৌমনস্য ৎবষ্টা ৎবষ্টুর্বিরজাঃ
তস্য রাজো রাজস্য শতজিৎ । ৬৩
তস্য পুত্রশতং জজ্ঞে তেনেমা বর্দ্ধিতাঃ প্রজাঃ ।
তৈরিদং ভারতং বর্ষং সপ্তদ্বীপং সমাঙ্কিতম্ ॥ ৭৪.৬ ॥
তেষাং বংশপ্রসূত্যা তু ভুক্তেয়ং ভারতী প্রজা ।
কৃতত্রেতাদিয়ুক্ত্যা তু যুগাখ্যা হ্যেকসপ্ততিঃ ॥ ৭৪.৭ ॥
ভুবনস্য প্রসঙ্গেন মন্বন্তরমিদং শুভম্ ।
স্বায়ংভুবং চ কথিতং মনোর্দ্বীপান্নিবোধত ॥ ৭৪.৮ ॥
॥ ইতি শ্রীবরাহপুরাণে ভগবচ্ছাস্ত্রে চতুঃসপ্ততিতমোঽধ্যায়ঃ ॥ ৭৪ ॥
রুদ্র উবাচ ।
অত ঊর্ধ্বং প্রবক্ষ্যামি জম্বূদ্বীপং যথাতথম্ ।
সংখ্যাং চাপি সমুদ্রাণাং দ্বীপানাং চৈব বিস্তরম্ ॥ ৭৫.১ ॥
যাবন্তি চৈব বর্ষাণি তেষু নদ্যশ্চ যাঃ স্মৃতাঃ ।
মহাভূতপ্রমাণং চ গতিং চন্দ্রার্কয়োঃ পৃথক্ ॥ ৭৫.২ ॥
দ্বীপভেদসহস্রাণি সপ্তস্বন্তর্গতানি চ ।
ন শক্যন্তে ক্রমেণেহ বক্তুং যৈর্বিততং জগৎ ॥ ৭৫.৩ ॥
সপ্তদ্বীপান্ প্রবক্ষ্যামি চন্দ্রাদিত্যগ্রহৈঃ সহ ।
যেষাং মনুষ্যাস্তর্কেণ প্রমাণানি প্রচক্ষতে ॥ ৭৫.৪ ॥
অচিন্ত্যাঃ খলু যে ভাবা ন তাংস্তর্কেণ সাধয়েৎ ।
প্রকৃতিভ্যঃ পরং যচ্চ তদচিন্ত্যং বিভাব্যতে ॥ ৭৫.৫ ॥
নব বর্ষং প্রবক্ষ্যামি জম্বূদ্বীপং যথাতথম্ ।
বিস্তরান্মণ্ডলাচ্চৈব যোজনৈস্তন্নিবোধত ॥ ৭৫.৬ ॥
শতমেকং সহস্রাণাং যোজনানাং সমন্ততঃ ।
নানাজনপদাকীর্ণং যোজনৈর্বিবিধৈঃ শুভৈঃ ॥ ৭৫.৭ ॥
সিদ্ধচারণসংকীর্ণং পর্বতৈরুপশোভিতম্ ।
সর্বধাতুবিবৃদ্ধৈশ্চ শিলাজালসমুদ্ভবৈঃ ।
পর্বতপ্রভবাভিশ্চ নদীভিঃ সর্বতশ্চিতম্ ॥ ৭৫.৮ ॥
জম্বূদ্বীপঃ পৃথুঃ শ্রীমান্ সর্বতঃ পরিমণ্ডলঃ ।
নবভিশ্চাবৃতঃ শ্রীমান্ ভুবনৈর্ভূতভাবনঃ ॥ ৭৫.৯ ॥
লবণেন সমুদ্রেণ সর্বতঃ পরিবারিতঃ ।
জম্বূদ্বীপস্য বিস্তারাৎ সমেন তু সমন্ততঃ ॥ ৭৫.১০ ॥
তস্য প্রাগায়তা দীর্ঘা ষডেতে বর্ষপর্বতাঃ ।
উভয়ত্রাবগাঢাশ্চ সমুদ্রৌ পূর্বপশ্চিমৌ ॥ ৭৫.১১ ॥
হিমপ্রায়শ্চ হিমবান্ হেমকূটশ্চ হেমবান্ ।
সর্বত্র সুসুখশ্চাপি নিষধঃ পর্বতো মহান্ ॥ ৭৫.১২ ॥
চতুর্বর্ণঃস সৌবর্ণো মেরুশ্চোল্বময়ো গিরিঃ ।
বৃত্তাকৃতিপ্রমাণশ্চ চতুরস্ত্রঃ সমুচ্ছিতঃ ॥ ৭৫.১৩ ॥
নানাবর্ণস্তু পার্শ্বেষু প্রজাপতিগুণান্বিতঃ ।
নাভিমণ্ডলসংভূতো ব্রহ্মণঃ পরমেষ্ঠিনঃ ॥ ৭৫.১৪ ॥
পূর্বতঃ শ্বেতবর্ণস্তু ব্রহ্মণ্যং তেন তস্য তৎ ।
পীতশ্চ দক্ষিণেনাসৌ তেন বৈশ্যৎবমিষ্যতে ॥ ৭৫.১৫ ॥
ভৃঙ্গপত্রনিভশ্চাসৌ পশ্চিমেন যতোঽথ সঃ ।
তেনাস্য শূদ্রতা প্রোক্তা মেরোর্নামার্থকর্মণঃ ॥ ৭৫.১৬ ॥
পার্শ্বমুত্তরতস্তস্য রক্তবর্ণং বিভাব্যতে ।
তেনাস্য ক্ষত্রভাবঃ স্যাদিতি বর্ণাঃ প্রকীর্তিতাঃ ॥ ৭৫.১৭ ॥
বৃত্তঃ স্বভাবতঃ প্রোক্তো বর্ণতঃ পরিমাণতঃ ।
নীলশ্চ বৈদূর্যময়ঃ শ্বেতশুক্লো হিরণ্ময়ঃ ।
ময়ূরবর্হিবর্ণস্তু শাতকৌম্ভশ্চ শৃঙ্গবান্ ॥ ৭৫.১৮ ॥
এতে পর্বতরাজানঃ সিদ্ধচারণসেবিতাঃ ।
তেষামন্তরবিষ্কম্ভো নবসাহস্র উচ্যতে ॥ ৭৫.১৯ ॥
মধ্যে ৎবিলাবৃতং নাম মহামেরোঃ স সংভবঃ ।
নবৈব তু সহস্রাণি বিস্তীর্ণঃ সর্বতশ্চ সঃ ॥ ৭৫.২০ ॥
মধ্যং তস্য মহামেরুর্বিধূম ইব পাবকঃ ।
বেদ্যর্দ্ধং দক্ষিণং মেরোরুত্তরার্দ্ধং তথোত্তরম্ ॥ ৭৫.২১ ॥
বর্ষাণি যানি ষডত্র তেষাং তে বর্ষপর্বতাঃ ।
যোজনাগ্রং তু বর্ষাণাং সর্বেষাং তদ্ বিধীয়তে ॥ ৭৫.২২ ॥
দ্বে দ্বে বর্ষে সহস্রাণাং যোজনানাং সমুচ্ছ্রয়ঃ ।
জম্বূদ্বীপস্য বিস্তারস্তেষামায়াম উচ্যতে ॥ ৭৫.২৩ ॥
যোজনানাং সহস্রাণি শতৌ দ্বৌ চায়তৌ গিরী ।
নীলশ্চ নিষধশ্চৈব তাভ্যাং হীনাশ্চ যে পরে ।
শ্বেতশ্চ হেমকূটশ্চ হিমবাঞ্ছৃঙ্গবাংশ্চ যঃ ॥ ৭৫.২৪ ॥
জম্বূদ্বীপপ্রমাণেন নিষধঃ পরিকীর্তিতঃ ।
তস্মাদ্ দ্বাদশভাগেন হেমকূটঃ প্রহীয়তে ।
হিমবান্ বিংশভাগেন হেমকূটাৎ প্রহীয়তে ॥ ৭৫.২৫ ॥
অষ্টাশীতিসহস্রাণি হেমকূটো মহাগিরিঃ ।
অশীতির্হিমবান্ শৈল আয়তঃ পূর্বপশ্চিমে ॥ ৭৫.২৬ ॥
দ্বীপস্য মণ্ডলীভাবাদ্ হ্রাসবৃদ্ধী প্রকীর্ত্যতে ।
বর্ষাণাং পর্বতানাং চ যথা চেমে তথোত্তরম্ ॥ ৭৫.২৭ ॥
তেষাং মধ্যে জনপদাস্তানি বর্ষাণি চৈব তৎ ।
প্রপাতবিষমৈস্তৈস্তু পর্বতৈরাবৃতানি তু ॥ ৭৫.২৮ ॥
সংততানি নদীভেদৈরগম্যানি পরস্পরম্ ।
বসন্তি তেষু সত্ত্বানি নানাজাতীনি সর্বশঃ ॥ ৭৫.২৯ ॥
এতদ্ধৈমবতং বর্ষং ভারতী যত্র সন্ততিঃ ।
হেমকূটং পরং যত্র নাম্না কিংপুরুষোত্তমঃ ॥ ৭৫.৩০ ॥
হেমকূটাৎ তু নিষধং হরিবর্ষং তদুচ্যতে ।
হরিবর্ষাৎ পরং চৈব মেরুপার্শ্ব ইলাবৃতম্ ॥ ৭৫.৩১ ॥
ইলাবৃতাৎ পরং নীলং রম্যকং নাম বিশ্রুতম্ ।
রম্যকাচ্চ পরং শ্বেতং বিশ্রুতং তদ্ধিরণ্ময়ম্ ।
হিরণ্ময়াৎ পরং চৈব শৃঙ্গবন্তং কুরু স্মৃতম্ ॥ ৭৫.৩২ ॥
ধনুঃসংস্থে তু দ্বে বর্ষে বিজ্ঞেয়ে দক্ষিণোত্তরে ।
দ্বীপানি খলু চৎবারি চতুরস্ত্রমিলাবৃতম্ ॥ ৭৫.৩৩ ॥
অর্বাক্ চ নিষধস্যাথ বেদ্যর্ধং দক্ষিণং স্মৃতম্ ।
পরং শৃঙ্গবতো যচ্চ বেদ্যর্ধং হি তদুত্তরম্ ॥ ৭৫.৩৪ ॥
বেদ্যর্দ্ধে দক্ষিণে ত্রীণি বর্ষাণি ত্রীণি চোত্তরে ।
তয়োর্মধ্যে তু বিজ্ঞেয়ো যত্র মেরুস্ত্বিলাবৃতঃ ॥ ৭৫.৩৫ ॥
দক্ষিণেন তু নীলস্য নিষধস্যোত্তরেণ চ ।
উদগায়তো মহাশৈলো মাল্যবান্নাম পর্বতঃ ॥ ৭৫.৩৬ ॥
যোজনানাং সহস্রে দ্বে বিষ্কম্ভোচ্ছ্রয় এব চ ।
আয়ামতশ্চতুস্ত্রিংশৎ সহস্রাণি প্রকীর্তিতঃ ॥ ৭৫.৩৭ ॥
তস্য প্রতীচ্যাং বিজ্ঞেয়ঃ পর্বতো গন্ধমাদনঃ ।
আয়ামোচ্ছ্রয়বিস্তারাৎ তুল্যো মাল্যবতা তু সঃ ॥ ৭৫.৩৮ ॥
পরিমণ্ডলস্তয়োর্মধ্যে মেরুঃ কনকপর্বতঃ ।
চতুর্বর্ণঃ সসৌবর্ণশ্চতুরস্ত্রঃ সমুচ্ছ্রিতঃ ॥ ৭৫.৩৯ ॥
অব্যক্তা ধাতবঃ সর্বে সমুৎপন্না জলাদয়ঃ ।
অব্যক্তাৎ পৃথিবীপদ্মং মেরুস্তস্য চ কর্ণিকা ॥ ৭৫.৪০ ॥
চতুষ্পত্রং সমুৎপন্নং ব্যক্তং পঞ্চগুণং মহৎ ।
ততঃ সর্বাঃ সমুদ্ভূতা বিততা হি প্রবৃত্তয়ঃ ॥ ৭৫.৪১ ॥
অনেককল্পজীবদ্ভিঃ পুরুষৈঃ পুণ্যকারিভিঃ ।
কৃতাত্মভির্মহাত্মভিঃ প্রাপ্যতে পুরুষোত্তমঃ ॥ ৭৫.৪২ ॥
মহায়োগী মহাদেবো জগদ্ধ্যেয়ো জনার্দনঃ ।
সর্বলোকগতোঽনন্তো ব্যাপকো মূর্ত্তিরব্যযঃ ॥ ৭৫.৪৩ ॥
ন তস্য প্রাকৃতা মূর্তির্মাংসমেদোঽস্থিসংভবা ।
যোগিৎবাচ্চেশ্বরৎবাচ্চ সত্ত্বরূপধরো বিভুঃ ॥ ৭৫.৪৪ ॥
তন্নিমিত্তং সমুৎপন্নং লোকে পদ্মং সনাতনম্ ।
কল্পশেষস্য তস্যাদৌ কালস্য গতিরীদৃশী ॥ ৭৫.৪৫ ॥
তস্মিন্ পদ্মে সমুৎপন্নো দেবদেবশ্চতুর্মুখঃ ।
প্রজাপতিপতির্দেব ঈশানো জগতঃ প্রভুঃ ॥ ৭৫.৪৬ ॥
তস্য বীজনিসর্গং হি পুষ্করস্য যথার্থবৎ ।
কৃৎস্নং প্রজানিসর্গেণ বিস্তরেণৈব বর্ণ্যতে ॥ ৭৫.৪৭ ॥
তদম্বু বৈষ্ণবঃ কায়ো যতো রত্নবিভূষিতঃ ।
পদ্মাকারা সমুৎপন্না পৃথিবী সবনদ্রুমা ॥ ৭৫.৪৮ ॥
তৎ তস্য লোকপদ্মস্য বিস্তরং সিদ্ধভাষিতম্ ।
বর্ণ্যমানং বিভাগেন ক্রমশঃ শৃণুত দ্বিজাঃ ॥ ৭৫.৪৯ ॥
মহাবর্ষাণি খ্যাতানি চৎবার্যত্র চ সংস্থিতাঃ ।
তত্র পর্বতসংস্থানো মেরুর্নাম মহাবলঃ ॥ ৭৫.৫০ ॥
নানাবর্ণঃ স পার্শ্বেষু পূর্বতঃ শ্বেত উচ্যতে ।
পীতং চ দক্ষিণং তস্য ভৃঙ্গবর্ণং তু পশ্চিমম্ ॥ ৭৫.৫১ ॥
উত্তরং রক্তবর্ণং তু তস্য পার্শ্বং মহাত্মনঃ ।
মেরুস্তু শোভতে শুক্লো রাজবংশে তু ধিষ্ঠিতঃ ॥ ৭৫.৫২ ॥
তরুণাদিত্যসংকাশো বিধূম ইব পাবকঃ ।
যোজনানাং সহস্রাণি চতুরাশীতিরুচ্ছ্রিতঃ ॥ ৭৫.৫৩ ॥
প্রবিষ্টঃ ষোডশাধস্তাদ্বিস্তৃতঃ ষোডশৈব তু ।
শরাবসংস্থিতৎবাচ্চ দ্বাত্রিংশন্মূর্ধ্নি বিস্তৃতঃ ॥ ৭৫.৫৪ ॥
বিস্তারস্ত্রিগুণশ্চাস্য পরিণাহঃ সমন্ততঃ ।
মণ্ডলেন প্রমাণেন ব্যস্যমানং তদিষ্যতে ॥ ৭৫.৫৫ ॥
নবতিশ্চ সহস্রাণি যোজনানাং সমন্ততঃ ।
ততঃ ষট্কাধিকানাং চ ব্যস্যমানং প্রকীর্ত্তিতম্ ।
চতুরস্ত্রেণ মানেন পরিণাহঃ সমন্ততঃ ॥ ৭৫.৫৬ ॥
স পর্বতো মহাদিব্যো দিব্যৌষধিসমন্বিতঃ ।
সবনৈরাবৃতঃ সর্বো জাতরূপময়ৈঃ শুভৈঃ ॥ ৭৫.৫৭ ॥
তত্র দেবগণাঃ সর্বে গন্ধর্বোরগরাক্ষসাঃ ।
শৈলরাজে প্রমোদন্তে তথৈবাপ্সরসাং গণাঃ ॥ ৭৫.৫৮ ॥
স তু মেরুঃ পরিবৃতো ভবনৈর্ভূতভাবনৈঃ ।
চৎবারো যস্য দেশাস্তু নানাপার্শ্বেষু ধিষ্ঠিতাঃ ॥ ৭৫.৫৯ ॥
ভদ্রাশ্বো ভারতশ্চৈব কেতুমালশ্চ পশ্চিমে ।
উত্তরে কুরবশ্চৈব কৃতপুণ্যপ্রতিশ্রয়াঃ ॥ ৭৫.৬০ ॥
কর্ণিকা তস্য পদ্মস্য সমন্তাৎ পরিমণ্ডলা ।
যোজনানাং সহস্রাণি যোজনানাং প্রমাণতঃ ॥ ৭৫.৬১ ॥
তস্য কেসরজালানি নবষট্ চ প্রকীর্ত্তিতাঃ ।
চতুরশীতিরুৎসেধো বিবরান্তরগোচরাঃ ॥ ৭৫.৬২ ॥
ত্রিংশচ্চাপি সহস্রাণি যোজনানাং প্রমাণতঃ ।
তস্য কেসরজালানি বিকীর্ণানি সমন্ততঃ ॥ ৭৫.৬৩ ॥
শতসাহস্রমায়ামমশীতিঃ পৃথুলানি চ ।
চৎবারি তত্র পর্ণানি যোজনানাং চতুর্দশ ॥ ৭৫.৬৪ ॥
তত্র যা সা ময়া তুভ্যং কর্ণিকেত্যভিবিশ্রুতা ।
তাং বর্ণ্যমানামেকাগ্র্যাৎ সমাসেন নিবোধত ।
মণিপর্ণশতৈশ্চিত্রাং নানাবর্ণপ্রভাসিতাম্ ॥ ৭৫.৬৫ ॥
অনেকপর্ণনিচয়ং সৌবর্ণমরুণপ্রভম্ ।
কান্তং সহস্রপর্বাণং সহস্রোদরকন্দরম্ ।
সহস্রশতপত্রং চ বৃত্তমেকং নগোত্তমম্ ॥ ৭৫.৬৬ ॥
মণিরত্নার্পিতশ্বভ্রৈর্মণিভিশ্চিত্রবেদিকম্ ।
সুবর্ণমণিচিত্রাঙ্গৈর্মণিচর্চিততোরণৈঃ ॥ ৭৫.৬৭ ॥
তত্র ব্রহ্মসভা রম্যা ব্রহ্মর্ষিজনসংকুলা ।
নাম্না মনোব্রতী নাম সর্বলোকেষু বিশ্রুতা ॥ ৭৫.৬৮ ॥
তত্রেশানস্য দেবস্য সহস্রাদিত্যবর্চসঃ ।
মহাবিমানসংস্থস্য মহিমা বর্ত্ততে সদা ॥ ৭৫.৬৯ ॥
তত্র সর্বে দেবগণাশ্চতুর্বক্ত্রং স্বয়ং প্রভুম্ ।
ইষ্ট্বা পূজ্যনমস্কারৈরর্চনীয়মুপস্থিতাঃ ॥ ৭৫.৭০ ॥
যৈস্তদা দিহসংকল্পৈর্ব্রহ্মচর্যং মহাত্মভিঃ ।
চীর্ণং চারুমনোভিশ্চ সদাচারপথি স্থিতৈঃ ॥ ৭৫.৭১ ॥
সম্যগিষ্ট্বা চ ভুক্ত্বা চ পিতৃদেবার্চনে রতাঃ ।
গৃহাশ্রমপরাস্তত্র বিনীতা অতিথিপ্রিয়াঃ ॥ ৭৫.৭২ ॥
গৃহিণঃ শুক্লকর্মস্থা বিরক্তাঃ কারণাত্মকাঃ ।
যমৈর্নিয়মদানৈশ্চ দৃঢনির্দগ্ধকিল্বিষাঃ ॥ ৭৫.৭৩ ॥
তেষাং নিবসনং শুক্লব্রহ্মলোকমনিন্দিতম্ ।
উপর্যুপরি সর্বাসাং গতীনাং পরমা গতিঃ ।
চতুর্দশসহস্রাণি যোজনানাং তু কীর্ত্তিতম্ ॥ ৭৫.৭৪ ॥
ততোর্দ্ধরুচিরে কৃষ্ণে তরুণাদিত্যবর্চসি ।
মহাগিরৌ ততো রম্যে রত্নধাতুবিচিত্রিতে ॥ ৭৫.৭৫ ॥
নৈকরত্নসমাবাসে মণিতোরণমন্দিরে ।
মেরোঃ সর্বেষু পার্শ্বেষু সমন্তাৎ পরিমণ্ডলে ॥ ৭৫.৭৬ ॥
ত্রিংশদ্যোজনসাহস্রং চক্রপাটো নগোত্তমঃ ।
জারুধিশ্চৈব শৈলেন্দ্র ইত্যেতে উত্তরাঃ স্মৃতাঃ ॥ ৭৫.৭৭ ॥
এতেষাং শৈলমুখ্যানামুত্তরেষু যথাক্রমঃ ।
স্থলীরন্তরদ্রোণ্যশ্চ সরাংসি চ নিবোধত ॥ ৭৫.৭৮ ॥
দশয়োজনবিস্তীর্ণা চক্রপাটোপনির্গতা ।
সা তূদ্র্ধ্ববাহিনী চাপি নদী ভূমৌ প্রতিষ্ঠিতা ॥ ৭৫.৭৯ ॥
সা পুর্যামমরাবত্যাং ক্রমমাণেন্দুরা প্রভৌ ।
তয়া তিরস্কৃতা বাঽপি সূর্যেন্দুজ্যোতিষাং গণাঃ ॥ ৭৫.৮০ ॥
উদয়াস্তমিতে সন্ধ্যে যে সেবন্তে দ্বিজোত্তমাঃ ।
তান্ তুষ্যন্তে দ্বিজাঃ সর্বানষ্টাবপ্যচলোত্তমান্ ॥ ৭৫.৮১ ॥
পরিভ্রমজ্জ্যোতিষাং যা সা রুদ্রেন্দ্রমতা শুভা ॥ ৭৫.৮২ ॥
॥ ইতি শ্রীবরাহপুরাণে ভগবচ্ছাস্ত্রে পঞ্চসপ্ততিতমোঽধ্যায়ঃ ॥ ৭৫ ॥
রুদ্র উবাচ ।
তস্যৈব মেরোঃ পূর্বে তু দেশে পরমবর্চসে ।
চক্রবাটপরিক্ষিপ্তে নানাধাতুবিরাজিতে ॥ ৭৬.১ ॥
তত্র সর্বামরপুরং চক্রবাটসমুদ্ধতম্ ।
দুর্ধর্ষং বলদৃপ্তানাং দেবদানবরক্ষসাম্ ।
তত্র জাম্বূনদময়ঃ সুপ্রাকারঃ সুতোরণঃ ॥ ৭৬.২ ॥
তস্যাপ্যুত্তরপূর্বে তু দেশে পরমবর্চসে ।
অলোকজনসম্পূর্ণা বিমানশতসংকুলা ॥ ৭৬.৩ ॥
মহাবাপিসমায়ুক্তা নিত্যং প্রমুদিতা শুভা ।
শোভিতা পুষ্পশবলৈঃ পতাকাধ্বজমালিনী ॥ ৭৬.৪ ॥
দেবৈর্যক্ষোপ্সরোভিশ্চ ঋষিভিশ্চ সুশোভিতা ।
পুরন্দরপুরী রম্যা সমৃদ্ধা ৎবমরাবতী ॥ ৭৬.৫ ॥
তস্যা মধ্যেঽমরাবত্যা বজ্রবৈদূর্যবেদিকা ।
ত্রৈলোক্যগুণবিখ্যাতা সুধর্মা নাম বৈ সভা ॥ ৭৬.৬ ॥
তত্রাস্তে শ্রীপতেঃ শ্রীমান্ সহস্রাক্ষঃ শচীপতিঃ ।
সিদ্ধাদিভিঃ পরিবৃতঃ সর্বাভির্দেবয়োনিভিঃ ॥ ৭৬.৭ ॥
তত্র চৈব সুবংশঃ স্যাদ্ ভাস্করস্য মহাত্মনঃ ।
সাক্ষাৎ তত্র সুরাধ্যক্ষঃ সর্বদেবনমস্কৃতঃ ॥ ৭৬.৮ ॥
তস্যাশ্চ দিক্ষু বিস্তীর্ণা তত্তদ্গুণসমন্বিতা ।
তেজোবতী নাম পুরী হুতাশস্য মহাত্মনঃ ॥ ৭৬.৯ ॥
তত্তদ্গুণবতী রম্যা পুরী বৈবস্বতস্য চ ।
নাম্না সংয়মনী নাম পুরী ত্রৈলোক্যবিশ্রুতা ॥ ৭৬.১০ ॥
তথা চতুর্থে দিগ্ভাগে নৈরৃতাধিপতেঃ শুভা ।
নাম্না কৃষ্ণাবতী নাম বিরূপাক্ষস্য ধীমতঃ ॥ ৭৬.১১ ॥
পঞ্চমে হ্যুত্তরপুটে নাম্না শুদ্ধবতী পুরী ।
উদকাধিপতেঃ খ্যাতা বরুণস্য মহাত্মনঃ ॥ ৭৬.১২ ॥
তথা পঞ্চোত্তরে দেবস্বস্যোত্তরপুটে পুরী ।
বায়োর্গন্ধবতী নাম খ্যাতা সর্বগুণোত্তরা ॥ ৭৬.১৩ ॥
তস্যোত্তরপুটে রম্যা গুহ্যকাধিপতেঃ পুরী ।
নাম্না মহোদয়া নাম শুভা বৈদূর্যবেদিকা ॥ ৭৬.১৪ ॥
তথাষ্টমেঽন্তরপুটে ঈশানস্য মহাত্মনঃ ।
পুরী মনোহরা নাম ভূতৈর্নানাবিধৈর্যুতা ।
পুষ্পৈর্ধন্যৈশ্চ বিবিধৈর্বনৈরাশ্রমসংস্থিতৈঃ ॥ ৭৬.১৫ ॥
প্রার্থ্যতে দেবলোকোঽয়ং স স্বর্গ ইতি কীর্তিতঃ ॥ ৭৬.১৬ ॥
॥ ইতি শ্রীবরাহপুরাণে ভগবচ্ছাস্ত্রে ষট্সপ্ততিতমোঽধ্যায়ঃ ॥ ৭৬ ॥
রুদ্র উবাচ ।
যদেতৎ কর্ণিকামূলং মেরোর্মধ্যং প্রকীর্তিতম্ ।
তদ্ যোজনসহস্রাণি সংখ্যযা মানতঃ স্মৃতম্ ॥ ৭৭.১ ॥
চৎবারিংশৎ তথা চাষ্টৌ সহস্রাণি তু মণ্ডলৈঃ ।
শৈলরাজস্য তত্তত্র মেরুমূলমিতি স্মৃতম্ ॥ ৭৭.২ ॥
তেষাং গিরিসহস্রাণামনেকানাং মহোচ্ছ্রয়ঃ ।
দিগষ্টৌ চ পুনস্তস্য মর্যাদাপর্বতাঃ শুভাঃ ॥ ৭৭.৩ ॥
জঠরো দেবকূটশ্চ পূর্বস্যাং দিশি পর্বতৌ ।
পূর্বপশ্চায়তাবেতাবর্ণবান্তর্ব্যবস্থিতৌ ।
মর্যাদাপর্বতানেতানষ্টানাহুর্মনীষিণঃ ॥ ৭৭.৪ ॥
যোঽসৌ মেরুর্দ্বিজশ্রেষ্ঠাঃ প্রোক্তঃ কনকপর্বতঃ ।
বিষ্কম্ভাংস্তস্য বক্ষ্যামি শৃণুধ্বং গদতস্তু তান্ ॥ ৭৭.৫ ॥
মহাপাদাস্তু চৎবারো মেরোরথ চতুর্দিশম্ ।
যৈর্ন চচাল বিষ্টব্ধা সপ্তদ্বীপবতী মহী ॥ ৭৭.৬ ॥
দশয়োজনসাহস্রং ব্যায়ামস্তেষু শঙ্ক্যতে ।
তির্যগূর্ধ্বং চ রচিতা হরিতালতটৈর্বৃতাঃ ॥ ৭৭.৭ ॥
মনঃশিলাদরীভিশ্চ সুবর্ণমণিচিত্রিতাঃ ॥অ
অনেকসিদ্ধভবনৈঃ ক্রীডাস্থানৈশ্চ সুপ্রভাঃ ॥ ৭৭.৮ ॥
পূর্বেণ মন্দরস্তস্য দক্ষিণে গন্ধমাদনঃ ।
বিপুলঃ পশ্চিমে পার্শ্বে সুপার্শ্বশ্চোত্তরে স্থিতঃ ॥ ৭৭.৯ ॥
তেষাং শৃঙ্গেষু চৎবারো মহাবৃক্ষাঃ প্রতিষ্ঠিতাঃ ।
দেবদৈত্যাপ্সরোভিশ্চ সেবিতা গুণসংচয়ৈঃ ॥ ৭৭.১০ ॥
মন্দরস্য গিরেঃ শৃঙ্গে কদম্বো নাম পাদপঃ ।
প্রলম্বশাখাশিখরঃ কদম্বশ্চৈত্যপাদপঃ ॥ ৭৭.১১ ॥
মহাকুম্ভপ্রমাণেশ্চ পুষ্পৈর্বিকচকেসরৈঃ ।
মহাগন্ধবনোজ্ঞৈশ্চ শোভিতঃ সর্বকালজৈঃ ॥ ৭৭.১২ ॥
সমাসেন পরিবৃতো ভুবনৈর্ভূতভাবনৈঃ ।
সহস্রমধিকং সোঽথ গন্ধেনাপূরয়ন্ দিশঃ ॥ ৭৭.১৩ ॥
ভদ্রাশ্বো নাম বৃক্ষোঽয়ং বর্ষাদ্রেঃ কেতুসংভবঃ ।
কীর্তিমান্ রূপবাঞ্ছ্রীমান্ মহাপাদপপাদপঃ ।
যত্র সাক্ষাদ্ধৃষীকেশঃ সিদ্ধসঙ্ঘৈর্নিষেব্যতে ॥ ৭৭.১৪ ॥
তস্য ভদ্রকদম্বস্য তথাশ্ববদনো হরিঃ ।
প্রাপ্তবাংশ্চামরশ্রেষ্ঠঃ স হি সানুং পুনঃ পুনঃ ॥ ৭৭.১৫ ॥
তেন চালোকিতং বর্ষং সর্বদ্বিপদনায়কাঃ ।
যস্য নাম্না সমাখ্যাতো ভদ্রাশ্বেতি ন সংশয়ঃ ॥ ৭৭.১৬ ॥
দক্ষিণস্যাপি শৈলস্য শিখরে দেবসেবিতে ।
জম্বূঃ সদ্যঃ পুষ্পফলা মহাশাখোপশোভিতা ॥ ৭৭.১৭ ॥
তস্যা হ্যতিপ্রমাণানি স্বাদূনি চ মৃদূনি চ ।
ফলান্যমৃতকল্পানি পতন্তি গিরিমূর্ধনি ॥ ৭৭.১৮ ॥
তস্মাদ্ গিরিবরশ্রেষ্ঠাৎ ফলপ্রস্যন্দবাহিনী ।
দিব্যা জাম্বূনদী নাম প্রবৃত্তা মধুবাহিনী ॥ ৭৭.১৯ ॥
তত্র জাম্বূনদং নাম সুবর্ণমনলপ্রভম্ ।
দেবালঙ্কারমতুলমুৎপন্নং পাপনাশনম্ ॥ ৭৭.২০ ॥
দেবদানবগন্ধর্বয়ক্ষরাক্ষসগুহ্যকাঃ ।
পপুস্তদমৃতপ্রখ্যং মধু জম্বূফলস্ত্রবম্ ॥ ৭৭.২১ ॥
সা কেতুর্দক্ষিণে বর্ষে জম্বূর্লোকেষু বিশ্রুতা ।
যস্যা নাম্না সমাখ্যাতা জম্বূদ্বীপেতি মানবৈঃ ॥ ৭৭.২২ ॥
বিপুলস্য চ শৈলস্য দক্ষিণেন মহাত্মনঃ ।
জাতঃ শৃঙ্গেতি সুমহানশ্বত্থশ্চেতি পাদপঃ ॥ ৭৭.২৩ ॥
মহোচ্ছ্রায়ো মহাস্কন্ধো নৈকসত্ত্বগুণালয়ঃ ।
কুম্ভপ্রমাণৈ রুচিরৈঃ ফলৈঃ সর্বর্ত্তুকৈঃ শুভৈঃ ॥ ৭৭.২৪ ॥
স কেতুঃ কেতুমালানাং দেবগন্ধর্বসেবিতঃ ।
কেতুমালেতি বিখ্যাতো নাম্না তত্র প্রকীর্তিতঃ ।
তন্নিবোধত বিপ্রেন্দ্রা নিরুক্তং নামকর্মণঃ ॥ ৭৭.২৫ ॥
ক্ষীরোদমথনে বৃত্তে মালা স্কন্ধে নিবেশিতাঃ ।
ইন্দ্রেণ চৈত্যকেতোস্তু কেতুমালস্ততঃ স্মৃতঃ ।
তেন তচ্চিহ্নিতং বর্ষং কেতুমালেতি বিশ্রুতম্ ॥ ৭৭.২৬ ॥
সুপার্শ্বস্যোত্তরে শৃঙ্গে বটো নাম মহাদ্রুমঃ ।
ন্যগ্রোধো বিপুলস্কন্ধো যস্ত্রিয়োজনমণ্ডলঃ ॥ ৭৭.২৭ ॥
মাল্যদামকলাপৈশ্চ বিবিধৈস্তু সমন্ততঃ ।
শাখাভির্লম্বমানাভিঃ শোভিতঃ সিদ্ধসেবিতঃ ॥ ৭৭.২৮ ॥
প্রলম্বকুম্ভসদৃশৈর্হেমবর্ণৈঃ ফলৈঃ সদা ।
স হ্যুত্তরকুরূণাং তু কেতুবৃক্ষঃ প্রকাশতে ॥ ৭৭.২৯ ॥
সনৎকুমারাবরজা মানসা ব্রহ্মণঃ সুতাঃ ।
সপ্ত তত্র মহাভাগাঃ কুরবো নাম বিশ্রুতাঃ ॥ ৭৭.৩০ ॥
তত্র স্থিরগতৈর্জ্ঞানৈর্বিরজস্কৈর্মহাত্মভিঃ ।
অক্ষয়ঃ ক্ষয়পর্যন্তো লোকঃ প্রোক্তঃ সনাতনঃ ॥ ৭৭.৩১ ॥
তেষাং নামাঙ্কিতং বর্ষং সপ্তানাং বৈ মহাত্মনাম্ ।
দিবি চেহ চ বিখ্যাতা উত্তরাঃ কুরবঃ সদা ॥ ৭৭.৩২ ॥
॥ ইতি শ্রীবরাহপুরাণে ভগবচ্ছাস্ত্রে সপ্তসপ্ততিতমোঽধ্যায়ঃ ॥ ৭৭ ॥
রুদ্র উবাচ ।
তথা চতুর্ণাং বক্ষ্যামি শৈলেন্দ্রাণাং যথাক্রমম্ ।
অনুবিদ্যানি রম্যাণি বিহঙ্গৈঃ কূজিতানি চ ॥ ৭৮.১ ॥
অনেকপক্ষিয়ুক্তাত্মশৃঙ্গাণি সুবহূনি চ ।
দেবানাং দিব্যনারীভিঃ সমং ক্রীডাময়ানি চ ॥ ৭৮.২ ॥
কিন্নরোদ্গীতঘুষ্টানি শীতমন্দসুগন্ধিভিঃ ।
পবনৈঃ সেব্যমানানি রমণীয়তরাণি চ ॥ ৭৮.৩ ॥
চতুর্দ্দিক্ষু বিরাজন্তে নামতঃ শৃণুতানঘাঃ ।
পূর্বে চৈত্ররথং নাম দক্ষিণে গন্ধমাদনম্ ।
প্রভাবেণ সুতোয়ানি নবখণ্ডয়ুতানি চ ॥ ৭৮.৪ ॥
বনষণ্ডাংস্তথাক্রম্য দেবতা ললনায়ুতাঃ ।
যত্র ক্রীডন্তি চোদ্দেশে মুদা পরময়া যুতাঃ ॥ ৭৮.৫ ॥
অনুবন্ধানি রম্যাণি বিহগৈঃ কূজিতানি চ ।
রত্নোপকীর্ণতির্থানি মহাপুণ্যজলানি চ ॥ ৭৮.৬ ॥
অনেকজলয়ন্ত্রৈশ্চ নাদিতানি মহান্তি চ ।
শাখাভির্লম্বমানাভী রুবৎপক্ষিকুলালিভিঃ ॥ ৭৮.৭ ॥
কমলোৎপলকহ্লারশোভিতানি সরাংসি চ ।
চতুর্ষু তেষু গিরিষু নানাগুণয়ুতেষু চ ॥ ৭৮.৮ ॥
অরুণোদং তু পূর্বেণ দক্ষিণে মানসং স্মৃতম্ ।
অসিতোদং পশ্চিমে চ মহাভদ্রং তথোত্তরে ।
কুমুদৈঃ শ্বেতকপিলৈঃ কহ্লারৈর্ভূষিতানি চ ॥ ৭৮.৯ ॥
অরুণোদয়স্য যে শৈলাঃ প্রাচ্যা বৈ নামতঃ স্মৃতাঃ ।
তান্ কীর্ত্ত্যমানাংস্তত্ত্বেন শৃণুধ্বং গদতো মম ॥ ৭৮.১০ ॥
বিকঙ্কো মণিশৃঙ্গশ্চ সুপাত্রশ্চোপলো মহান্ ।
মহানীলোঽথ কুম্ভশ্চ সুবিন্দুর্মদনস্তথা ॥ ৭৮.১১ ॥
বেণুনদ্ধঃ সুমেদাশ্চ নিষধো দেবপর্বতঃ ।
ইত্যেতে পর্বতবরাঃ পুণ্যাশ্চ গিরয়োঽপরে ॥ ৭৮.১২ ॥
পূর্বেণ মন্দরাৎ সিদ্ধাঃ পর্বতাশ্চ মদায়ুতাঃ ।
সরসো মানসস্যেহ দক্ষিণেন মহাচলাঃ ॥ ৭৮.১৩ ॥
যে কীর্ত্তিতা ময়া তুভ্যং নামতস্তান্ নিবোধত ।
শৈলস্ত্রিশিরশ্চৈব শিশিরশ্চাচলোত্তমঃ ॥ ৭৮.১৪ ॥
কপিশ্চ শতমক্ষশ্চ তুরগশ্চৈব সানুমান্ ।
তাম্রাহশ্চ বিষশ্চৈব তথা শ্বেতোদনো গিরিঃ ॥ ৭৮.১৫ ॥
সমূলশ্চৈব সরলো রত্নকেতুশ্চ পর্বতঃ ।
একমূলো মহাশৃঙ্গো গজমূলোঽপি শাবকঃ ॥ ৭৮.১৬ ॥
পঞ্চশৈলশ্চ কৈলাসো হিমবানচলোত্তমঃ ।
উত্তরা যে মহাশৈলাস্তান্ বক্ষ্যামি নিবোধত ॥ ৭৮.১৭ ॥
কপিলঃ পিঙ্গলো ভদ্রঃ সরসশ্চ মহাচলঃ ।
কুমুদো মধুমাংশ্চৈব গর্জনো মর্কটস্তথা ॥ ৭৮.১৮ ॥
কৃষ্ণশ্চ পাণ্ডবশ্চৈব সহস্রশিরসস্তথা ।
পারিয়াত্রশ্চ শৈলেন্দ্রঃ শৃঙ্গবানচলোত্তমঃ ।
ইত্যেতে পর্বতবরাঃ শ্রীমন্তঃ পশ্চিমে স্মৃতাঃ ॥ ৭৮.১৯ ॥
মহাভদ্রস্য সরস উত্তরেণ দ্বিজোত্তমাঃ ।
যে পর্বতাঃ স্থিতা বিপ্রাস্তান্ বক্ষ্যামি নিবোধত ॥ ৭৮.২০ ॥
হংসকূটো মহাশৈলো বৃষহংসশ্চ পর্বতঃ ।
কপিঞ্জলশ্চ শৈলেন্দ্র ইন্দ্রশৈলশ্চ সানুমান্ ॥ ৭৮.২১ ॥
নীলঃ কনকশৃঙ্গশ্চ শতশৃঙ্গশ্চ পর্বতঃ ।
পুষ্করো মেঘশৈলোঽথ বিরজাশ্চাচলোত্তমঃ ।
জারুচিশ্চৈব শৈলেন্দ্র ইত্যেতে উত্তরাঃ স্মৃতাঃ ॥ ৭৮.২২ ॥
ইত্যেতেষাং তু মুখ্যানামুত্তরেষু যথাক্রমম্ ।
স্থলীরন্তরদ্রোণ্যশ্চ সরাংসি চ নিবোধত ॥ ৭৮.২৩ ॥
॥ ইতি শ্রীবরাহপুরাণে ভগবচ্ছাস্ত্রে অষ্টসপ্ততিতমোঽধ্যায়ঃ ॥ ৭৮ ॥
রুদ্র উবাচ ।
সীতান্তস্যাচলেন্দ্রস্য কুমুদস্যান্তরেণ চ ।
দ্রোণ্যাং বিহঙ্গপুষ্টায়াং নানাসত্ত্বনিষেবিতম্ ॥ ৭৯.১ ॥
ত্রিয়োজনশতায়ামং শতয়োজনবিস্তৃতম্ ।
সুরসামলপানীয়ং রম্যং তত্র সুরোচনম্ ॥ ৭৯.২ ॥
দ্রোণমাত্রপ্রমাণৈশ্চ পুণ্ডরীকৈঃ সুগন্ধিভিঃ ।
সহস্রশতপত্রৈশ্চ মহাপদ্মৈরলঙ্কৃতম্ ॥ ৭৯.৩ ॥
দেবদানবগন্ধর্বৈর্মহাসর্পৈরধিষ্ঠিতম্ ।
পুণ্যং তচ্ছ্রীসরো নাম সপ্রকাশমিহেহ চ ॥ ৭৯.৪ ॥
প্রসন্নসলিলৈঃ পূর্ণং শরণ্যং সর্বদেহিনাম্ ।
তত্র ৎবেকং মহাপদ্মং মধ্যে পদ্মবনস্য চ ॥ ৭৯.৫ ॥
কোটিপত্রপ্রকলিতং তরুণাদিত্যবর্চসম্ ।
নিত্যং ব্যাকোশমধুরং চলৎবাদতিমণ্ডলম্ ॥ ৭৯.৬ ॥
চারুকেসরজালাঢ্যং মত্তভ্রমরনাদিতম্ ।
তস্মিন্ মধ্যে ভগবতী সাক্ষাৎ শ্রীর্নিত্যমেব হি ।
লক্ষ্মীস্তু তং তদাবাসং মূর্ত্তিমন্তং ন সংশয়ঃ ॥ ৭৯.৭ ॥
সরসস্তস্য তীরে তু তস্মিন্ সিদ্ধনিষেবিতম্ ।
সদা পুষ্পফলং রম্যং তত্র বিল্ববনং মহৎ ॥ ৭৯.৮ ॥
শতয়োজনবিস্তীর্ণং দ্বিয়োজনশতায়তম্ ।
অর্দ্ধক্রোশোচ্চশিখরৈর্মহাবৃক্ষৈঃ সমন্ততঃ ।
শাখাসহস্রকলিতৈর্মহাস্কন্ধৈঃ সমাকুলম্ ॥ ৭৯.৯ ॥
ফলৈঃ সহস্রসঙ্কাশৈঃ হরিতৈঃ পাণ্ডুরৈস্তথা ।
অমৃতস্বাদুসদৃশৈর্ভেরীমাত্রৈঃ সুগন্ধিভিঃ ॥ ৭৯.১০ ॥
শীর্যদ্ভিশ্চ পতদ্ভিশ্চ কীর্ণভূমিবনান্তরম্ ।
নাম্না তচ্ছ্রীবনং নাম সর্বলোকেষু বিশ্রুতম্ ॥ ৭৯.১১ ॥
দেবাদিভিঃ সমাকীর্ণমষ্টাভিঃ ককুভিঃ শুভম্ ।
বিল্বাশিভিশ্চ মুনিভিঃ সেবিতং পুণ্যকারিভিঃ ।
তত্র শ্রীঃ সংস্থিতা নিত্যং সিদ্ধসঙ্ঘনিষেবিতা ॥ ৭৯.১২ ॥
একৈকস্যাচলেন্দ্রস্য মণিশৈলস্য চান্তরম্ ।
শতয়োজনবিস্তীর্ণং দ্বিয়োজনশতায়তম্ ॥ ৭৯.১৩ ॥
বিমলং পঙ্কজবনং সিদ্ধচারণসেবিতম্ ।
পুষ্পং লক্ষ্ম্যা ধৃতং ভাতি নিত্যং প্রজ্বলতীব হ ॥ ৭৯.১৪ ॥
অর্দ্ধক্রোশং চ শিখরৈর্মহাস্কন্ধৈঃ সমাবৃতম্ ।
প্রফুল্লশাখাশিখরং পিঞ্জরং ভাতি তদ্বনম্ ॥ ৭৯.১৫ ॥
দ্বিবাহুপরিণাহৈস্তৈস্ত্রিহস্তায়ামবিস্তৃতৈঃ ।
মনঃশিলাচূর্ণনিভৈঃ পাণ্ডুকেসরশালিভিঃ ॥ ৭৯.১৬ ॥
পুষ্পৈর্মনোহরৈর্ব্যাপ্তং ব্যাকোশৈর্গন্ধশোভিভিঃ ।
বিরাজতি বনং সর্বং মত্তভ্রমরনাদিতম্ ॥ ৭৯.১৭ ॥
তদ্বনং দানবৈর্দৈত্যৈর্গন্ধর্বৈর্যক্ষরাক্ষসৈঃ ।
কিন্নরৈরপ্সরোভিশ্চ মহাভোগৈশ্চ সেবিতম্ ॥ ৭৯.১৮ ॥
তত্রাশ্রমো ভগবতঃ কশ্যপস্য প্রজাপতেঃ ।
সিদ্ধসাধুগণাকীর্ণং নানাশ্রমসমাকুলম্ ॥ ৭৯.১৯ ॥
মহানীলস্য মধ্যে তু কুম্ভস্য চ গিরেস্তথা ।
মধ্যে সুখা নদী নাম তস্যাস্তীরে মহদ্বনম্ ॥ ৭৯.২০ ॥
পঞ্চাশদ্যোজনায়ামং ত্রিংশদ্যোজনমণ্ডলম্ ।
রম্যং তালবনং শ্রীমৎ ক্রোশার্দ্ধোচ্ছ্রিতপাদপম্ ॥ ৭৯.২১ ॥
মহাবলৈর্মহাসারৈঃ স্থিরৈরবিচলৈঃ শুভৈঃ ।
মহদঞ্জনসংস্থানৈঃ পরিবৃত্তৈর্মহাফলৈঃ ॥ ৭৯.২২ ॥
মৃষ্টগন্ধগুণোপেতৈরুপেতং সিদ্ধসেবিতম্ ।
ঐরাবতস্য করিণস্তত্রৈব সমুদাহৃতম্ ॥ ৭৯.২৩ ॥
ঐরাবতস্য রুদ্রস্য দেবশৈলস্য চান্তরে ।
সহস্রয়োজনায়ামা শতয়োজনবিস্তৃতা ॥ ৭৯.২৪ ॥
সর্বা হ্যেকশিলা ভূমির্বৃক্ষবীরুধবর্জিতা ।
আপ্লুতা পাদমাত্রেণ সলিলেন সমন্ততঃ ॥ ৭৯.২৫ ॥
ইত্যেতাভ্যন্তরদ্রোণ্যো নানাকারাঃ প্রকীর্ত্তিতাঃ ।
মেরোঃ পার্শ্বেন বিপ্রেন্দ্রা যথাবদনুপূর্বশঃ ॥ ৭৯.২৬ ॥
॥ ইতি শ্রীবরাহপুরাণে ভগবচ্ছাস্ত্রে একোনাশীতিতমোঽধ্যায়ঃ ॥ ৭৯ ॥
রুদ্র উবাচ ।
অথ দক্ষিণদিগ্ব্যবস্থিতাঃ পর্বতদ্রোণ্যঃ সিদ্ধাচরিতাঃ
কীর্ত্যন্তে । শিশিরপতঙ্গয়োর্মধ্যে শুক্লভূমিস্ত্রিয়া মুক্তলতাগলিতপাদপম্ ।
ইক্ষুক্ষেপে চ শিখরে পাদপৈরুপশোভিতম্ ।
উদুম্বরবনং রম্যং পক্ষিসঙ্ঘনিষেবিতম্ ॥ ৮০.১ ॥
ফলিতং তদ্ বনং ভাতি মহাকূর্মোপমৈঃ ফলৈঃ ॥
তদ্ বনং দেবয়োন্যোঽষ্টৌ সেবন্তে সর্বদৈব ॥ ৮০.২ ॥
বরাহপুরাণ ॥ ৮০.৩ ॥
তত্র প্রসন্নস্বাদুসলিলা বহূদকা নদ্যো বহন্তি । তত্রাশ্রমো
ভগবতঃ কর্দমস্য প্রজাপতেঃ । নানামুনিজনাকীর্ণস্তচ্চ
শতয়োজনমেকং পরিমণ্ডলং বনং চ । তথা চ তাম্রাভস্য
শৈলস্য পতঙ্গস্য চান্তরে শতয়োজনবিস্তীর্ণং
দ্বিগুণায়তং বালার্কসদৃশরাজীবপুণ্রীকৈঃ ??
সমন্ততঃ সহস্রপত্রৈরবিরলৈরলংকৃতং মহৎ
সরোঽনেকসিদ্ধগন্ধর্বাধ্যুষিতম্ । তস্য চ মধ্যে মহাশিখরঃ
শতয়োজনায়ামস্ত্রিংশদ্যোজনবিস্তীর্ণোঽনেকধাতুরত্নভূষিতস্তস্য
চোপরি মহতী রথ্যা রত্নপ্রাকারতোরণা । তস্যাং মহদ্ বিদ্যাধরপুরম্ ।
তত্র পুলোমনামা বিদ্যাধররাজঃ শতসহস্রপরীবারঃ । তথা চ
বিখাখাচলেন্দ্রস্য শ্বেতস্য চান্তরে সরঃ । তস্য চ পূর্বতীরে
মহদাম্রবনং কনকসংকাশৈঃ ফলৈরতিসুগন্ধিভির্মহাকুম্ভমাত্রৈঃ
সর্বতশ্চিতম্ । দেবগন্ধর্বাদয়শ্চ তত্র নিবসন্তি ।
সুমুলস্যাচলেন্দ্রস্য বসুধারস্য চান্তরে ত্রিংশদ্যোজনবিস্তীর্ণে
পঞ্চাশদ্যোজনায়তে । বিল্বস্থলী নাম । তত্র ফলানি বিদ্রুমসংকাশানি
তৈশ্চ পতদ্ভিঃ স্থলমৃত্তিকা ক্লিন্না । তাং চ স্থলীং সুগুহ্যকাদয়ঃ
সেবন্তে বিল্বফলাশিনঃ । তথা চ বসুধাররত্নধারয়োরন্তরে
ত্রিংশদ্যোজনবিস্তীর্ণং শতয়োজনমায়তং সুগন্ধিকিংশুকবনং
সদাকুসুমং যস্য গন্ধেন বাস্যতে যোজনশতম্ । তত্র সিদ্ধাধ্যুষিতং
জলোপেতং চ । তত্র চাদিত্যস্য দেবস্য মহদায়তনম্ । সমাসে মাসে চ
ভগবানবতরতি সূর্যঃ প্রজাপতিঃ । কালজনকং দেবাদয়ো নমস্যন্তি ।
তথা চ পঞ্চকূটস্য কৈলাসস্য চান্তরে সহস্রয়োজনায়ামং
বিস্তীর্ণং শতয়োজনং হংসপাণ্ডুরং ক্ষুদ্রসত্ত্বৈরনাধৃষ্যং
স্বর্গসোপানমিব ভূমণ্ডলম্ । অথ পশ্চিমদিগ্ভাগে ব্যবস্থিতা
গিরিদ্রোণ্যঃ কীর্ত্যন্তে । সুপার্শ্বশিখিশৈলয়োর্মধ্যে সমন্তাদ্
যোজনশতমেকং ভৌমশিলাতলং নিত্যতপ্তং দুঃস্পর্শম্ । তস্য মধ্যে
ত্রিংশদ্যোজনবিস্তীর্ণং মণ্ডলং বহ্নিস্থানম্ । স চ সর্বকালমনিন্ধনো
ভগবান্ লোকক্ষয়কারী সংবর্তকো জ্বলতে । অন্তরে চ শৈলবরয়োঃ
কুমুদাঞ্জনয়োঃ শতয়োজনবিস্তীর্ণামাতুলুঙ্গস্থলী সর্বসত্ত্বানামগম্যা ।
পীতবর্ণৈঃ ফলৈরাবৃতা সতী সা স্থলী শোভতে । তত্র চ শৈলয়োঃ
পিঞ্জরগৌরয়োরন্তরেণ সরোদ্রোণী হ্যনেকশতয়োজনায়তা মহদ্ভিশ্চ
ষট্পদোদ্ঘুষ্টৈঃ কুমুদৈরুপশোভিতা । তত্র চ ভগবতো বিষ্ণোঃ
পরমেশ্বরস্যায়তনম্ । তথা চ শুক্লপাণ্ডুরয়োরপি মহাগির্যোরন্তরে
ত্রিংশদ্যোজনবিস্তীর্ণো নবত্যায়ত একঃ শিলোদ্দেশোবৃক্ষবিবর্জিতঃ ।
তত্র নিষ্পঙ্কা দীর্ঘিকা সবৃক্ষা চ স্থলপদ্মিনী অনেকজাতীয়ৈশ্চ
পদ্মৈঃ শোভিতা । তস্যাশ্চ মধ্যে পঞ্চয়োজনপ্রমাণো
মহান্যগ্রোধবৃক্ষঃ । তস্মিংশ্চন্দ্রশেখরোমাপতির্নীলবাসাশ্চ
দেবো নিবসতি যক্ষাদিভিরীড্যমানঃ । সহস্রশিখরস্য
গিরেঃ কুমুদস্য চান্তরে পঞ্চাশদ্যোজনায়ামং
বিংশদ্যোজনবিস্তৃতমিক্ষুক্ষেপোচ্চশিখরমনেকপক্ষিসেবিতম্ ।
অনেকবৃক্ষফলৈর্মধুরস্ত্রবৈরুপশোভিতম্ । তত্র
চেন্দ্রস্য মহানাশ্রমো দিব্যাভিপ্রায়নির্মিতঃ । তথা চ
শঙ্খকূটঋষভয়োর্মধ্যে পুরুষস্থলীরম্যাঽনেকগুণানেকয়োজনায়তা
বিল্বপ্রমাণৈঃ কঙ্কোলকৈঃ সুগন্ধিভিরুপেতা । তত্র পুরুষকরসোন্মত্তা
নাগাদ্যাঃ প্রতিবসন্তি । তথা কপিঞ্জলনাগশৈলয়োরন্তরে
দ্বিশতয়োজনমায়ামবিস্তীর্ণা শতয়োজনস্থলী নানাবনবিভূষিতা
দ্রাক্ষাখর্জূরখণ্ডৈরুপেতা অনেকবৃক্ষবল্লীভিরনেকৈশ্চ
সরোভিরুপেতা সা স্থলী । তথা চ পুষ্করমহামেঘয়োরন্তরে
ষষ্টিয়োজনবিস্তীর্ণা শতায়ামা পাণিতলপ্রখ্যা মহতী স্থলী
বৃক্ষবীরুধবিবর্জিতা ।তস্যাশ্চ পার্শ্বে চৎবারি মহাবনানি
সরাংসি চানেকয়োজনানাম্ ।দশ পঞ্চ সপ্ত তথাষ্টৌ ত্রিংশদ্
বিংশতি যোজনানাং স্থল্যো দ্রোণ্যশ্চ । তত্র কাশ্চিন্মহাঘোরাঃ
পর্বতকুক্ষয়ঃ ।
॥ ইতি শ্রীবরাহপুরাণে ভগবচ্ছাস্ত্রে অশীতিতমোঽধ্যায়ঃ ॥ ৮০ ॥
রুদ্র উবাচ ।
অতঃ পরং পর্বতেষু দেবানামবকাশা বর্ণ্যন্তে । তত্র যোঽসৌ
শান্তাখ্যঃ পর্বতস্তস্যোপরি মহেন্দ্রস্য ক্রীডাস্থানম্ । তত্র
দেবরাজস্য পারিজাতকবৃক্ষবনম্ । তস্য পূর্বপার্শ্বে কুঞ্জরো
নাম গিরিঃ । তস্যোপরি দানবানামষ্টৌ পুরাণি চ । তথা বজ্রকে
পর্বতবরে রাক্ষসানামনেকানি পুরাণি । তে চ নাম্না নীলকাঃ কামরূপিণঃ ।
মহানীলেঽপি শৈলেন্দ্রপুরাণি । পঞ্চদশসহস্রাণি কিন্নরাণাং
খ্যাতানি । তত্র দেবদত্তচন্দ্রাদয়ো রাজানঃ । পঞ্চদশকিন্নরাণাং
গর্বিতাঃ । তানি সৌবর্ণানি বিলপ্রবেশনানি চ পুরাণি । চন্দ্রোদয়ে
চ পর্বতবরে নাগানামধিবাসঃ । তে চ বিলপ্রবেশাঃ বিলেষু
বৈনতেয়বিষয়াবর্ত্তিনো ব্যবস্থিতানুরাগে চ দানবেন্দ্রা ব্যবস্থিতাঃ ।
বেণুমত্যপি বিদ্যাধরপুরত্রয়ং । ত্রিংশদ্যোজনশতবিস্তীর্ণমেকৈকং
তাবদায়তম্ । উলূকরোমশমহাবেত্রাদয়শ্চ রাজানো বিদ্যাধরাণাম্ ।
একৈকে চ শৈলরাজনি স্বয়মেব গরুডো ব্যবস্থিতঃ । কুঞ্জরে তু
পর্বতবরে নিত্যং পশুপতিঃ স্থিতঃ । বৃষভাঙ্কো মহাদেবঃ
শংকরো যোগিনাং বরঃ অনেকগণভূতকোটিসহস্রবারো ভগবান্
অনাদিপুরুষো ব্যবস্থিতঃ । বসুধারে চ পুষ্পবতাং বসূনাং চ
সমাবাসঃ । বসুধাররত্নধারয়োর্মূর্ধ্নি অষ্টৌ সপ্ত চ সংখ্যযা ।
পুরাণি বসুসপ্তর্ষীণাং চেতি । একশৃঙ্গে চ পর্বতোত্তমে
প্রজাপতেঃ স্থানং চতুর্বক্ত্রস্য ব্রহ্মণঃ । গজপর্বতে চ
মহাভূতপরিবৃতা স্বয়মেব ভগবতী তিষ্ঠতি । বসুধারে চ
পর্বতবরে মুনিসিদ্ধবিদ্যাধরাণামায়তনম্ । চতুরাশীত্যপরপুর্যো
মহাপ্রাকারতোরণাঃ । তত্র চানেকপর্বতা নাম গন্ধর্বা
যুদ্ধশালিনো বসন্তি । তেষাং চাধিপতির্দেবো রাজরাজৈকপিঙ্গলঃ ।
সুররাক্ষসাঃ পঞ্চকূটেদানবাঃ শতশৃঙ্গেয়ক্ষাণাং পুরশতম্ ।
তাম্রাভে তক্ষকস্যপুরশতম্ । বিশখপর্বতে গুহস্যায়তনম্
।শ্বেতোদয়ে গিরিবরে মহাগন্ধর্বভবনম্ । হরিকূটে হরির্দেবঃ ।
কুমুদে কিন্নরাবাসঃ । অঞ্জনে মহোরগাঃ । সহস্রশিখরে চ
দৈত্যানামুগ্রকর্মিণামাবাসঃ । পুরাণাং সহস্রমেকং হেমমালিনাম্
মুকুটে পন্নপ্রপক্ষে পর্বতবরে চৎবার্যায়তনানি তু । এবং
মেরুপর্বতেষু দেবানামধিবাসঃ । মর্যাদাপর্বতে দেবকূটে পুরবিন্যাসঃ
কীর্ত্যতে । তস্যোপরি যোজনশতং গরুডস্য জাতং ক্ষেত্রম্ ।
তস্যৈব পার্শ্বতস্ত্রিংশদ্যোজনবিস্তীর্ণাশ্চৎবারিংশদায়তাঃ
সপ্তগন্ধর্বনগরাঃ । আগ্নেয়াশ্চ নাম্না গন্ধর্বাতিবলিনঃ ।
তত্র চান্যৎ ত্রিংশদ্যোজনমণ্ডলং পুরম্ সৈংহিকেয়ানাম্ । তত্র
চ দেবর্ষিচরিতানি দেবকূটে দৃশ্যন্তে । পুরং চ কালকেয়ানাং
তত্রৈব । তথা চান্তরতটেঽন্যেসুনান্নাম তস্যৈব দক্ষিণে
ত্রিংশদ্যোজনবিস্তৃতং দ্বিষষ্টিয়োজনায়ামং পুরম্ কামরূপিণাং
দৃপ্তানাং মধ্যমে চ তস্য হেমকূটে মহাদেবস্য ন্যগ্রোধঃ । অথাতঃ
কৈলাসবর্ণকো ভবতি । কৈলাসস্য তটে যোজনশতমায়ামবস্তৃতম্
ভুবনমালাভিব্যাপ্তম্ । তস্যাশ্চ মধ্যে সভা । তত্র চ তৎপুষ্করং
নাম বিমানং তিষ্ঠতি । ধনদস্য চ তদ্বিমানমধিবাসশ্চ । তত্র
পদ্মমহাপদ্মমকরকচ্ছপকুমুদশঙ্খনীলনন্দমহানিধয়ঃ
প্রতিবসন্তি । তত্র চন্দ্রাদীনাং লোকপালানামাবাসঃ । তত্র
চ মন্দাকিনী নাম নদী । তথা কনকমন্দা মন্দা চেতি
নামভিঃ সরিতঃ । তত্রান্যা অপি নদ্যঃ সন্তি । পূর্বপার্শ্বে চ
শতয়োজনমায়ামাস্ত্রিংশদ্যোজনবিস্তৃতা দশগন্ধর্বপুর্যঃ তাসু চ
সকুবাহুহরিকেশচিত্রসেনাদয়ো রাজানঃ । তস্যৈব চ পশ্চিমকূটে
অশীতিয়োজনায়ামং চৎবারিংশদ্বিস্তৃতমেকৈকং যক্ষনগরম্ । তেষু
চ মহামালিসুনেত্র চক্রাদয়ো নায়কাঃ । তস্যৈব দক্ষিণে পার্শ্বে
কুঞ্জদরীষু গুহাসু সমুদ্রাঃ সমুদ্রং যাবৎকিন্নরাণাং পুরশতম্ । তেষু
চ দ্রুমসুগ্রীবাদিভগদত্তপ্রমুখং রাজশতম্ । তত্র চ রুদ্রস্যোময়া
সার্দ্ধং বিবাহস্সংবৃত্তঃ । তপশ্চ কৃতবতী গৌরী । কিরাতরূপিণা
চ রুদ্রেণ স্থিতম্ । তত্রৈব তত্র স্থিতেন সোমেন শংকরেণ
জম্বূদ্বীপাবলোকনং কৃতম্ । তত্র চানেককিন্নরগন্ধর্বোপগীতমুমাবনং
নামাপ্সরোভিরনেকপুষ্পলতাবল্লীভিরুপেতম্ । যত্র ভগবতা
মহেশ্বরেণার্দ্ধনারীনরবপুঃ প্রাপ্তম্ । তত্র চ কার্তিকেয়স্য
শরদ্বনম্ । পুষ্পচিত্রক্রৌঞ্চয়োর্মধ্যে কার্তিকেয়াভিষেকঃ কৃতঃ
তস্য চ পূর্বতটে সিদ্ধমুনিগণাবাসঃ কলাপগ্রামো নাম । তথা চ
মার্কণ্ডেয়বসিষ্ঠপরাশরনলবিশ্বামিত্রোদ্দালকাদীনাং মহর্ষীণামনেকানি
সহস্রাণ্যাশ্রমাণাং হি ভবতি । তথা চ পশ্চিমস্যাচলেন্দ্রস্য
নিষধস্য ভাগং শৃণুত । তস্য চ মধ্যমকূটে বিষ্ণ্বায়তনং
মহাদেবস্য । তস্যৈবোত্তরতটে ত্রিংশদ্যোজনবিস্তৃতং মহৎপুরং
লম্বাখ্যাতং রাক্ষসানাম্ । তস্যৈব দক্ষিণে পার্শ্বে বিলপ্রবেশনগরম্ ।
প্রভেদকস্য পশ্চিমেন দেবদানবসিদ্ধাদীনাং পুরাণি । তস্য
গিরের্মূর্ধ্নি মহতী সোমশিলা তিষ্ঠতি । তস্যাং চ পর্বণি সোমঃ
স্বয়মেবাবতরতি । তস্যৈবোত্তরপার্শ্বে ত্রিকূটং নাম । তত্র ব্রহ্মা
তিষ্ঠতি ক্বচিৎ । তথা চ বহ্ন্যায়তনম্ । মূর্ত্তিমান্ বহ্নিরুপাস্যতে
দেবৈঃ । উত্তরে চ শৃঙ্গাখ্যে পর্বতবরে দেবতানামায়তনানি ।
পূর্বে নারায়ণস্যায়তনম্ । মধ্যে ব্রহ্মণঃ । শংকরস্য পশ্চিমে ।
তত্র চ যক্ষাদীনাং কেচিৎ পুরাণি তস্য চোত্তরতীরে জাতুছে মহাপর্বতে
ত্রিংশদ্যোজনমণ্ডলং নন্দজলং নাম সরস্ তত্র নন্দো নাম নাগরাজা
বসতি শতশীর্ষপ্রচণ্ড ইতি ইত্যেতেঽষ্টৌ দেবপর্বতা বিজ্ঞেয়াঃ ।
তেনানুক্রমেণ হেমরজতরত্নবৈদূর্যমানঃ শিলাহিঙ্গুলাদিবর্ণাঃ ।
ইয়ং চ পৃথ্বী লক্ষকোটিশতানেকসংখ্যাতানাং পূর্ণা তেষু চ
সিদ্ধবিদ্যাধরাণাং নিলয়াঃ তে চ মেরোঃ পার্শ্বতঃ কেসরবলয়ালবালং
সিদ্ধলোকেতি কীর্ত্ত্যতে । ইয়ং পৃথ্বী পদ্মাকারেণ ব্যবস্থিতা । এষ
চ সর্বপুরাণেষু ক্রমঃ সামান্যতঃ প্রতিপাদ্যতে ।
॥ ইতি শ্রীবরাহপুরাণে ভগবচ্ছাস্ত্রে একাশীতিতমোঽধ্যায়ঃ ॥ ৮১ ॥
রুদ্র উবাচ ।
অথ নদীনামবতারং শৃণুত । আকাশসমুদ্রো যঃ কীর্ত্যতে সামাখ্যস্
তস্মাদাকাশগামিনী নদী প্রবৃত্তা । সা চানবরতমিন্দ্রগজেন
ক্ষোভ্যতে । সা চ চতুরশীতিসহস্রোচ্ছ্রায়া । সা মেরোঃ সুদর্শনং
করোতি । সা চ মেরুকূটতটান্তেভ্যঃ প্রস্খলিতা চতুর্ধা সংজাতা ।
ষষ্টিং চ যোজনসহস্রং নিরালম্বা পতমানা প্রদক্ষিণমনুসরন্তী
চতুর্দ্ধা জগাম । সীতা চালকনন্দা চক্ষুর্ভদ্রা চেতি নামভিঃ ।
যথোদ্দেশং সা চানেকশতসহস্রপর্বতানাং দারয়ন্তী গাং গতেতি
গঙ্গেত্যুচ্যতে অথ গন্ধমাদনপার্শ্বেঽমরগণ্ডিকা বর্ণ্যতে ।
একত্রিংশদ্যোজনসহস্রাণি আয়ামঃ চতুঃশতবিস্তীর্ণম্ । তত্র কেতুমালাঃ
সর্বে জনপদাঃ । কৃষ্ণবর্ণাঃ পুরুষা মহাবলিনঃ । উৎপলবর্ণাঃ
স্ত্রিয়ঃ শুভদর্শনাঃ । তত্র চ মহাবৃক্ষাঃ পনসাঃ সন্তি ।
তত্রেশ্বরো ব্রহ্মপুত্রস্তিষ্ঠতি । তত্রোদপানাচ্চ জরারোগবিবর্জিতা
বর্ষায়ুতায়ুষশ্চ নরাঃ । মাল্যবতঃ পূর্বপার্শ্বে পূর্বগণ্ডিকা
একশৃঙ্গাদ্যোজনসহস্রাণি মানতস্তত্র চ ভদ্রাশ্বা নাম জনপদাঃ
ভদ্রসালবনং চ তত্র ব্যবস্থিতম্ । কালাম্রবৃক্ষাঃ পুরুষাঃ শ্বেতাঃ
পদ্মবর্ণিনঃ স্ত্রিয়ঃ কুমুদবর্ণা দশবর্ষসহস্রাণি তেষামায়ুঃ ।
তত্র চ পঞ্চ কুলপর্বতাঃ । তদ্যথা শৈলবর্ণঃ মালাখ্যঃ
কোরজশ্চ ত্রিপর্ণঃ নীলশ্চেতি তদ্বিনির্গতাঃ । তদম্ভঃস্থিতানাং
দেশানাং তান্যেব নামানি । তে চ দেশা এতা নদীঃ পিবন্তি । তদ্যথা
সীতা সুবাহিনী হংসবতী কাসা মহাচক্রা চন্দ্রবতী কাবেরী সুরসা
শাখাবতী ইন্দ্রবতী অঙ্গারবাহিনী হরিতোয়া সোমাবর্তা শতহ্রদা
বনমালা বসুমতী হংসা সুপর্ণা পঞ্চগঙ্গা ধনুষ্মতী মণিবপ্রা
সুব্রহ্মভাগা বিলাসিনী কৃষ্ণতোয়া পুণ্যোদা নাগবতী শিবা শেবালিনী
মণিতটা ক্ষীরোদা বরুণাবতী বিষ্ণুপদী মহানদী হিরণ্যস্কন্ধবাহা
সুরাবতী কামোদা পতাকাশ্চেত্যেতা মহানদ্যঃ । এতাশ্চ গঙ্গাসমাঃ
কীর্তিতাঃ । আজন্মান্তং পাপং বিনাশয়ন্তি । ক্ষুদ্রনদ্যশ্চ কোটিশঃ ।
তাশ্চ নদীর্যে পিবন্তি তে দশবর্ষসহস্রায়ুষঃ । রুদ্রোমাভক্তা ইতি ।
॥ ইতি শ্রীবরাহপুরাণে ভগবচ্ছাস্ত্রে দ্ব্যশীতিতমোঽধ্যায়ঃ ॥ ৮২ ॥
রুদ্র উবাচ ।
নিসর্গ এষ ভদ্রাশ্বানাং কীর্তিতঃ কেতুমালানাং বিস্তরেণ কথিতং ।
নৈষধস্যাচলেনদ্রস্য পশ্চিমেন কুলাচলজনপদনদ্যঃ কীর্ত্যন্তে ।
তথা চ বিশাখকম্বলজয়ন্তকৃষ্ণহরিতাশোকবর্দ্ধমানা ইত্যেতেষাং
সপ্তকুলপর্বতানাং কোটিশঃ প্রসূতিঃ । তন্নিবাসিনো জনপদাস্তন্নামান
এব দ্রষ্টব্যাঃ । তদ্যথা সৌরগ্রামাত্তসাংতপো কৃতসুরাশ্রবণ
কম্বলমাহেয়াচলকূটবাসমূলতপক্রৌঞ্চকৃষ্ণাঙ্গমণিপঙ্কজচূডমলসোমীয়সমুদ্রান্তক
কুরকুঞ্চসুবর্ণঃ তটককুহ
শ্বেতাঙ্গকৃষ্ণপাটবিদকপিলকর্ণিকমহিষকুব্জকরনাটমহোৎকটশুকনাসগজভূমককুরঞ্জন
মনাহকিংকিসপার্ণভৌমকচোরকধূমজন্ম
অঙ্গারজতীবনজীবলৌকিলবাচাং
সহাঙ্গমধুরেয়শুকেচকেয়শ্রবণমত্ত
কাসিকগোদাবামকুলপঞ্জাবর্জহমোদশালক এতে জনপদাস্তৎপর্বতোত্থা
নদীঃ পিবন্তি । তদ্যথা প্লক্ষা মহাকদম্বা মানসী শ্যামা সুমেধা
বহুলা বিবর্ণা পুঙ্খা মালা দর্ভবতী ভদ্রানদী শুকনদী পল্লবা ভীমা
প্রভঞ্জনা কাম্বা কুশাবতী দক্ষা কাসবতী তুঙ্গা পুণ্যোদা চন্দ্রাবতী
সুমূলাবতী ককুদ্মিনী বিশালা করণ্টকা পীবরী মহামায়া মহিষী মানুষী
চণ্ডা এতা নদীঃ প্রধানাঃ । শেষাঃ ক্ষুদ্রনদ্যঃ সহস্রশশ্চেতি ।
॥ ইতি শ্রীবরাহপুরাণে ভগবচ্ছাস্ত্রে ত্র্যশীতিতমোঽধ্যায়ঃ ॥ ৮৩ ॥
রুদ্র উবাচ ।
উত্তরাণাং চ বর্ষাণাং দক্ষিণানাং চ সর্বশঃ ।
আচক্ষতে যথান্যায়ং যে চ পর্বতবাসিনঃ ।
তচ্ছৃণুধ্বং ময়া বিপ্রাঃ কীর্ত্ত্যমানং সমাহিতাঃ ॥ ৮৪.১ ॥
দক্ষিণেন তু শ্বেতস্য নীলস্য চোত্তরেণ চ ।
বায়ব্যাং রম্যকং নাম জায়ন্তে তত্র মানবাঃ ।
মতিপ্রধানা বিমলা জরাদৌর্গন্ধ্যবর্জিতাঃ ॥ ৮৪.২ ॥
তত্রাপি সুমহান্ বৃক্ষো ন্যগ্রোধো রোহিতঃ স্মৃতঃ ।
তৎফলাদ্ রসপানাদ্ধি দশবর্ষসহস্রিণঃ ।
আয়ুষা সর্বমনুজা জায়ন্তে দেবরূপিণঃ ॥ ৮৪.৩ ॥
উত্তরেণ চ শ্বেতস্য ত্রিশৃঙ্গস্য চ দক্ষিণে ।
বর্ষং হিরণ্ময়ং নাম তত্র হৈরণ্বতী নদী ।
যক্ষা বসন্তি তত্রৈব বলিনঃ কামরূপিণঃ ॥ ৮৪.৪ ॥
একাদশহস্ত্রাণি সমানাং তেন জীবতে ।
শতান্যন্যানি জীবন্তে বর্ষাণাং দশ পঞ্চ চ ॥ ৮৪.৫ ॥
লকুচাঃ ক্ষুদ্রসা বৃক্ষাস্তস্মিন্ দেশে ব্যবস্থিতাঃ ।
তৎফলপ্রাশমানা হি তেন জীবন্তি মানবাঃ ॥ ৮৪.৬ ॥
তথা ত্রিশৃঙ্গে চ মণিকাঞ্চনসর্বরত্নশিখরানুক্রমেণ
তস্য চোত্তরশৃঙ্গাদ্দক্ষিণসমুদ্রান্তে চোত্তরকুরবঃ ।
বস্ত্রাণ্যাভরণানি চ বৃক্ষেষ্বেব জায়ন্তে ক্ষীরবৃক্ষাঃ
ক্ষীরাসবাঃ সন্তি । মণিভূমিঃ সুবর্ণবালুকা । তস্মিন্
স্বর্গচ্যুতাশ্চ পুরুষা বসন্তি ত্রয়োদশবর্ষসহস্রায়ুষঃ ।
তস্যৈব দ্বীপস্য পশ্চিমেন চতুর্যোজনসহস্রমতিক্রম্য
দেবলোকাচ্চন্দ্রদ্বীপো ভবতি যোজনসহস্রপরিমণ্ডলঃ । তস্য মধ্যে
চন্দ্রকান্তসূর্যকান্তনামানৌ গিরিবরৌ । তয়োশ্চ মধ্যে চন্দ্রাবতী
নাম মহানদী অনেকবৃক্ষফলানেকনদীসমাকুলা । এতৎকুরুবর্ষং চ ।
তস্যোত্তরপার্শ্বে সমুদ্রোর্মিমালাঢ্যং পঞ্চয়োজনসহস্রমতিক্রম্য
দেবলোকাৎ সূর্যদ্বীপো ভবতি যোজনসহস্রপরিমণ্ডলঃ ।
তস্য মধ্যে গিরিবরঃ শতয়োজনবিস্তীর্ণস্তাবদুচ্ছ্রিতঃ ।
তস্মাৎসূর্যাবর্ত্তনামা নদী নির্গতা । তত্র চ সূর্যস্যাধিষ্ঠিতম্
তত্র সূর্যদৈবত্যাস্তদ্বর্ণাশ্চ প্রজা দশবর্ষসহস্রায়ুষঃ ।
তস্য চ দ্বীপস্য পশ্চিমেন চতুর্যোজনসহস্রমতিক্রম্য সমুদ্রং
দশয়োজনসহস্রং পরিমণ্ডলৎবেন দ্বীপো রুদ্রাকরো নাম । তত্র চ
ভদ্রাসনং বায়োরনেকরত্নশোভিতম্ । তত্র বিগ্রহবান্ বায়ুস্তিষ্ঠতি ।
তপনীয়বর্ণাশ্চ প্রজাঃ পঞ্চবর্ষসহস্রায়ুষঃ ॥ ৮৪.৭ ॥
॥ ইতি শ্রীবরাহপুরাণে ভগবচ্ছাস্ত্রে চতুরশীতিতমোঽধ্যায়ঃ ॥ ৮৪ ॥
রুদ্র উবাচ ।
ইয়ং ভূপদ্মব্যবস্থা কথিতা । ইদানীং ভারতং নবভেদং শৃণুত ।
তদ্যথা । ইন্দ্রঃ কসেরুঃ তাম্রবর্ণো গভস্তিঃ নাগদ্বীপঃ সৌম্যঃ
গন্ধর্বঃ বারুণঃ ভাতরং চেতি । সাগরসংবৃতমেকৈকং
যোজনসহস্রপ্রমাণম্ । তত্র চ সপ্ত কুলপর্বতা ভবন্তি ।
তদ্যথা । মহেন্দ্রো মলয়ঃ সহ্যঃ শুক্তিমান্নৃক্ষপর্বতঃ ।
বিন্ধ্যশ্চ পারিয়াত্রশ্চ ইত্যেতে কুলপর্বতাঃ । অন্যে চ
মন্দরশারদর্দুরকোলাহলসুরমৈনাকবৈদ্যুতবারন্ধমপাণ্ডুরতুঙ্গপ্রস্থকৃষ্ণগিরিজয়ন্তরৈবতঋষ্যমূকগোমন্তচিত্রকূটশ্রীচকোরকূটশৈলকৃতস্থল
ইত্যেতে ক্ষুদ্রপর্বতাঃ । শেষাঃ ক্ষুদ্রতরাঃ । তেষামার্যা ম্লেচ্ছা
জনপদা বসন্তি । পিবন্তি চৈতাসু নদীষু পানীয়ম্ । তদ্যথা গঙ্গা
সিন্ধু সরস্বতী শতদ্রু বিতস্তা বিপাশা চন্দ্রভাগা সরয়ূ যমুনা
ইরাবতী দেবিকা কুহূ গোমতী ধূতপাপা বাহুদা দৃষদ্বতী কৌশিকী নিস্বরা
গণ্ডকী চক্ষুষ্মতী লোহিতা ইত্যেতা হিমবৎপাদনির্গতাঃ ॥
বেদস্মৃতির্বেদবতী সিন্ধুপর্ণা সচন্দনা সদাচারা রোহিপারা চর্মণ্বতী
বিদিশা বেদত্রয়ী ইত্যেতা পারিয়াত্রোদ্ভবাঃ শোণা জ্যোতীরথা নর্মদা
সুরসা মন্দাকিনী দশার্ণা চিত্রকূটা তমসা পিপ্পলা করতোয়া পিশাচিকা
চিত্রোৎপলা বিশালা বঞ্জুলা বালুকা বাহিনী শুক্তিমতী বিরজা পঙ্কিনী
রিরী কুহূ ইত্যেতা ঋক্ষপ্রসূতাঃ । মণিজালা শুভা তাপী পয়োষ্ণীং
শীঘ্রোদা বেষ্ণা পাশা বৈতরণী বেদী পালী কুমুদ্বতী তোয়া দুর্গা
অন্ত্যা গিরা এতা বিন্ধ্যপাদোদ্ভবাঃ । গোদাবরী ভীমরথী কৃষ্ণা বেণা
বঞ্জুলা তুঙ্গভদ্রা সুপ্রয়োগা বাহ্যা কাবেরী ইত্যেতাঃ সহ্যপাদোদ্ভবাঃ ।
শতমালা তাম্রপর্ণী পুষ্পাবতী উৎপলাবতী ইত্যেতা মলয়জাঃ । ত্রিয়ামা
ঋষিকুল্যা ইক্ষুলা ত্রিবিদা লাঙ্গূলিনী বংশবরা মহেন্দ্রতনয়াঃ ।
ঋষিকা লূমতী মন্দগামিনী পলাশিনী ইত্যেতাঃ শুক্তিমৎপ্রভবাঃ ।
এতাঃ প্রাধান্যেন কুলপর্বতনদ্যঃ । শেষাঃ ক্ষুদ্রনদ্যঃ । এষ
জম্বূদ্বীপো যোজনলক্ষপ্রমাণতঃ । অতঃ পরং শাকদ্বীপং নিবোধত ।
জম্বূদ্বীপস্য বিস্তারাদ্ দ্বিগুণপরিণাহাল্লবণোদকশ্চ জম্বূদ্বীপসমস্তেন
দ্বিগুণাবৃতঃ । তত্র চ পুণ্যা জনপদাশ্চিরান্ম্রিয়ন্তে
দুর্ভিক্ষজরাব্যাধিরহিতশ্চ দেশোঽয়ম্ । সপ্তৈব কুলপর্বতাস্তাবৎ
তিষ্ঠন্তি তস্য চোভয়তো লবণক্ষীরোদধী ব্যবস্থিতৌ । তত্র চ
প্রাগায়তঃ শৈলেন্দ্র উদয়ো নাম পর্বতঃ । তস্যাপরেণ জলধারো নাম
গিরিঃ । সৈব চন্দ্রেতি কীর্ত্তিতঃ । তস্য চ জলমিন্দ্রো গৃহীৎবা
বর্ষতি । তস্য পারে রৈবতকো নাম গিরিঃ । সৈব নারদো বর্ণ্যতে
তস্মিংশ্চ নারদপর্বতাদুৎপন্নো তস্য চাপরেণ শ্যামো নাম গিরিঃ ।
তস্মিংশ্চ প্রজাঃ শ্যামৎবমাপন্নাঃ সৈব দুন্দুভির্বর্ণ্যতে । তস্মিন্
সিদ্ধা ইতি কীর্তিতাঃ প্রজানেকবিধাঃ ক্রীডন্তস্তস্যাপরে রজতো নাম গিরিঃ
সৈব শাকোচ্যতে । তস্যাপরেণাম্বিকেয়ঃ স চ বিভ্রাজসো ভণ্যতে ।
স এব কেসরীত্যুচ্যতে । ততশ্চ বায়ুঃ প্রবর্ত্ততে । গিরিনামান্যেব
বর্ষাণি তদ্যথা । উদয়সুকুমারো জলধারক্ষেমকমহাদ্রুমেতি
প্রধানানি দ্বিতীয়পর্বতনামভিরপি বক্তব্যানি । তস্য চ মধ্যে
শাকবৃক্ষস্তত্র চ সপ্তমহানদ্যো দ্বিনাম্ন্যঃ । তদ্যথা সুকুমারী
কুমারী নন্দা বেণিকা ধেনুঃ ইক্ষুমতী গভস্তি ইত্যেতা নদ্যঃ ।
॥ ইতি শ্রীবরাহপুরাণে ভগবচ্ছাস্ত্রে পঞ্চাশীতিতমোঽধ্যায়ঃ ॥ ৮৫ ॥
অথ তৃতীয়ং কুশদ্বীপং শৃণুত । কুশদ্বীপেন ক্ষীরোদঃ পরিবৃতঃ
শাকদ্বীপস্য বিস্তারাদ্ দ্বিগুণেন । তত্রাপি সপ্ত কুলপর্বতাঃ । সর্বে
চ দ্বিনামানঃ । তদ্ যথা — কুমুদবিদ্রুমেতি চ সোচ্যতে । উন্নতো
হেমপর্বতঃ সৈব । বলাহকো দ্যুতিমান্ সৈব । তথা দ্রোণঃ সৈব
পুষ্পবান্ । কঙ্কশ্চ পর্বতঃ সৈব কুশেশয়ঃ । তথা ষষ্ঠো
মহিষনামা স এব হরিরিত্যুচ্যতে । তত্রাগ্নির্বসতি । সপ্তমস্তু
ককুদ্মান্ নাম সৈব মন্দরঃ কীর্ত্যতে । ইত্যেতে পর্বতাঃ কুশদ্বীপে
ব্যবস্থিতাঃ এতেষাং বর্ষভেদো ভবতি দ্বিনামসংজ্ঞঃ । কুমুদস্য
শ্বেতমুদ্ভিদং তদেব কীর্ত্যতে । উন্নতস্য লোহিতং বেণুমণ্ডলং তদেব
ভবতি । বলাহকস্য জীমূতং তদেব রথাকার ইতি ।দ্রোণস্য হরিতং
তদেব বলাধনং ভবতি । কঙ্কস্যাপি ককুদ্মান্ নাম । বৃত্তিমৎ তদেব
মানসং মহিষস্য প্রভাকরম্ । ককুদ্মতঃ কপিলং তদেব সংখ্যাতং
নাম । ইত্যেতানি বর্ষাণি । তত্র দ্বিনাম্ন্যো নদ্যঃ । প্রতপা প্রবেশা
সৈবোচ্যতে । দ্বিতীয়া শিবা যশোদা সা চ ভবতি । তৃতীয়া পিত্রা নাম
সৈব কৃষ্ণা ভণ্যতে । চতুর্থী হ্রাদিনী নাম সৈব চন্দ্রা নিগদ্যতে ।
বিদ্যুতা চ পঞ্চমী শুক্লা সৈব । বর্ণা ষষ্ঠী সৈব বিভাবরী ।
মহতী সপ্তমী সৈব ধৃতিঃ । এতাঃ প্রধানাঃ শেষাঃ ক্ষুদনদ্যঃ ।
ইত্যেষ কুশদ্বীপস্য সংনিবেশঃ । শাকদ্বীপো দ্বিগুণঃ সংনিবিষ্টশ্চ
কথিতঃ । তস্য চ মধ্যে মহাকুশস্তম্বঃ । এষ চ কুশদ্বীপো
দধিমণ্ডোদেনাবৃতঃ ক্ষীরোদদ্বিগুণেন ।
॥ ইতি শ্রীবরাহপুরাণে ভগবচ্ছাস্ত্রে ষডশীতিতমোঽধ্যায়ঃ ॥ ৮৬ ॥
রুদ্র উবাচ ।
অথ ক্রৌঞ্চং ভবতি চতুর্থং কুশদ্বীপাদ্ দ্বিগুণমানতঃ সমুদ্রঃ
ক্রৌঞ্চেন দ্বিগুণেনাবৃতঃ । তস্মিংশ্চ সপ্তৈব প্রধানপর্বতাঃ ।
প্রথমঃ কৌঞ্চো বিদ্যুল্লতো রৈবতো মানসঃ সৈব পাবকঃ ।
তথৈবান্ধকারঃ সৈবাচ্ছোদকঃ । দেবাবৃত্তো স চ সুরাপো ভণ্যতে ।
ততো দেবিষ্ঠঃ স এব কাঞ্চনশৃঙ্গো ভবতি । দেবনন্দাৎপরো
গোবিন্দঃ, দ্বিবিন্দ ইতি । ততঃ পুণ্ডরীকঃ সৈব তোষাশয়ঃ । এতে
সপ্ত রত্নময়াঃ পর্বতাঃ ক্রীঞ্চদ্বীপে ব্যবস্থিতাঃ । সর্বে চ
পরস্পরেণোচ্ছ্রয়াঃ । তত্র বর্ষাণি তথা ক্রৌঞ্চস্য কুশলো দেশঃ
সৈব মাধবঃ স্মৃতঃ বামনস্য মনোঽনুগঃ সৈব সংবর্তকস্ততোষ্ণবান্
সোমপ্রকাশঃ । ততঃ পাবকঃ সৈব সুদর্শনঃ । তথা চান্ধকারঃ
সৈব সংমোহঃ । ততো মুনিদেশঃ স চ প্রকাশঃ । ততো দুন্দুভিঃ
সৈবানর্থ উচ্যতে । তত্রাপি সপ্তৈব নদ্যঃ ॥ ৮৭.১ ॥
গৌরী কুমুদ্বতী চৈব সন্ধ্যা রাত্রির্মনোজবা খ্যাতিশ্চ পুণ্ডরীকা চ
গঙ্গা সপ্তবিধাঃ স্মৃতাঃ । গৌরী সৈব পুষ্পবহা কুমুদ্বতী তাম্রবতী
রোধসংধ্যা সুখাবহা চ মনোজবা চ ক্ষিপ্রোদা চ খ্যাতিঃ সৈব
গোবহুলা পুণ্ডরীকা চিত্রবেগা শেষাঃ ক্ষুদ্রনদ্যঃ ॥ ক্রৌঞ্চদ্বীপো
ঘৃতোদেনাবৃতঃ । ঘৃতোদা শাল্মলেনেতি ॥ ৮৭.২ ॥
॥ ইতি শ্রীবরাহপুরাণে ভগবচ্ছাস্ত্রে সপ্তাশীতিতমোঽধ্যায়ঃ ॥ ৮৭ ॥
রুদ্র উবাচ ।
ত্রিষু শিষ্টেষু বক্ষ্যামি দ্বীপেষু মনুজান্যুত ।
শাল্মলং পঞ্চমং বর্ষং প্রবক্ষ্যে তন্নিবোধত ।
ক্রৌঞ্চদ্বীপস্য বিস্তারাচ্ছাল্মলো দ্বিগুণো মতঃ ॥ ৮৮.১ ॥
ঘৃতসমুদ্রমাবৃত্য ব্যবস্থিস্তদ্বিস্তারো দ্বিগুণস্তত্র চ সপ্ত
পর্বতাঃ প্রধানাস্তাবন্তি বর্ষাণি তাবত্যো নদ্যঃ । তত্র চ পর্বতাঃ ।
সুমহান্ পীতঃশাতকৌম্ভাৎ সার্বগুণসৌবর্ণরোহিতসুমনসকুশল
জাম্বূনদবৈদ্যুতা ইত্যেতে কুলপর্বতা বর্ষাণি চেতি । অথ ষষ্ঠং
গোমেদং কথ্যতে । শাল্মলং যথা সুরোদেনাবৃতং তদ্বৎ সুরোদোঽপি
তদ্বিগুণেন গোমেদেনাবৃতঃ । তত্র চ প্রধানপর্বতৌ দ্বাবেব । একস্য
তাবত্তাবসরঃ । অপরশ্চ কুমুদ ইতি । সমুদ্রশ্চেক্ষুরসস্তদ্দ্বিগুণেন
পুষ্করেণাবৃতঃ । তত্র চ পুষ্করাখ্যে মানসো নাম পর্বতঃ ।
তদপি দ্বিধা ছিন্নং বর্ষং তৎপ্রমাণেন চ । স্বাদোদকেনাবৃতম্ ।
ততশ্চ কটাহম্ । এতৎ পৃথিব্যাঃ প্রমাণম্ । ব্রহ্মাণ্ডস্য চ
সকটাহবিস্তারপ্রমাণম্ । এবংবিধানামণ্ডানাং পরিসংখ্যা ন বিদ্যতে ।
এতানি কল্পে কল্পে ভগবান্ নারায়ণঃ ক্রোডরূপী রসাতলান্তঃপ্রবিষ্টানি
দংষ্ট্রৈকৈনোদ্ধৃত্য স্থিতৌ স্থাপয়তি । এষ বঃ কথিতো মার্গো
ভূমেরায়ামবিস্তরঃ । স্বস্তি বোঽস্তু গমিষ্যামি কৈলাসং নিলয়ং দ্বিজাঃ ॥ ৮৮.২ ॥
শ্রীবরাহ উবাচ ।
এবমুক্ত্বা গতো রুদ্রঃ ক্ষণাদদৃশ্যমূর্তিমান্ ।
তে চ সর্বে গতা দেবা ঋষয়শ্চ যথাগতম্ ॥ ৮৮.৩ ॥
॥ ইতি শ্রীবরাহপুরাণে ভগবচ্ছাস্ত্রে অষ্টাশীতিতমোঽধ্যায়ঃ ॥ ৮৮ ॥
ধরণ্যুবাচ ।
পরমাত্মা শিবঃ পুণ্য ইতি কেচিদ্ ভবং বিদুঃ ।
অপরে হরিমীশানমিতি কেচিচ্চতুর্মুখম্ ॥ ৮৯.১ ॥
এতেষাং কতমো দেবঃ পরঃ কো বাঽথবাঽপরঃ ।
এতদ্দেব মমাচক্ষ্ব পরং কৌতূহলং বিভো ॥ ৮৯.২ ॥
শ্রীবরাহ উবাচ ।
পরো নারায়ণো দেবস্তস্মাজ্জাতশ্চতুর্মুখঃ ।
তস্মাদ্ রুদ্রোঽভবদ্ দেবি স চ সর্বজ্ঞতাং গতঃ ॥ ৮৯.৩ ॥
তস্যাশ্চর্যাণ্যনেকানি বিবিধানি বরাননে ।
শৃণু সর্বাণি চার্বঙ্গি কথ্যমানং ময়াঽনঘে ॥ ৮৯.৪ ॥
কৈলাসশিখরে রম্যে নানাধাতুবিচিত্রিতে ।
বসত্যনুদিনং দেবঃ শূলপাণিস্ত্রিলোচনঃ ॥ ৮৯.৫ ॥
সৈকস্মিন্ দিবসে দেবঃ সর্বভূতনমস্কৃতঃ ।
গণৈঃ পরিবৃতো গৌর্যা মহানাসীৎ পিনাকধৃক্ ॥ ৮৯.৬ ॥
তত্র সিংহমুখাঃ কেচিদ্ গণা নর্দন্তি সিংহবৎ ।
অপরে হস্তিবক্ত্রাশ্চ হয়বক্ত্রাস্তথাপরে ॥ ৮৯.৭ ॥
অপরে শিংশুমারাস্যা অপরে সূকরাননাঃ ।
অপরেঽশ্বামুখা রৌদ্রা খরাস্যাজাননাস্তথা ।
ছাগমৎস্যাননাঃ ক্রূরা হ্যনন্তাঃ শস্ত্রপাণয়ঃ ॥ ৮৯.৮ ॥
কেচিদ্ গায়ন্তি নৃত্যন্তি ধাবন্তি স্ফোটয়ন্তি চ ।
হসন্তি কিলকিলায়ন্তি গর্জন্তি চ মহাবলাঃ ॥ ৮৯.৯ ॥
কেচিল্লোষ্টাংস্তু সংগৃহ্য যুয়ুধুর্গণনায়কাঃ ।
অপরে মল্লয়ুদ্ধেন যুয়ুধুর্বলদর্পিতাঃ ।
এবং গণসহস্রেণ বৃতো দেবো মহেশ্বরঃ ॥ ৮৯.১০ ॥
যাবদাস্তে স্বয়ং দেব্যা ক্রীডন্ দেববরঃ স্বয়ম্ ।
তাবদ্ ব্রহ্মা স্বয়ং দেবৈরুপায়াৎ সহ সৎবরঃ ॥ ৮৯.১১ ॥
তমাগতমথো দৃষ্ট্বা পূজয়িৎবা বিধানতঃ ।
উবাচ পরমো দেবো রুদ্রো ব্রহ্মাণমব্যম্ ॥ ৮৯.১২ ॥
কিমাগমনকৃত্যং তে ব্রহ্মন্ ব্রূহি মমাচিরম্ ।
কিং চ দেবাস্ত্বরায়ুক্তা আগতা মম সন্নিধৌ ॥ ৮৯.১৩ ॥
ব্রহ্মোবাচ ।
অস্ত্যন্ধকো মহাদৈত্যস্তেন সর্বে দিবৌকসঃ ।
অর্দিতা মৎসমীপং তু বুদ্ধ্বা মাং শরণৈষিণঃ ॥ ৮৯.১৪ ॥
ততশ্চৈতে ময়া সর্বে প্রোক্তা দেবা ভবং প্রতি ।
গচ্ছাম ইতি দেবেশ ততস্ত্বেতে সমাগতাঃ ॥ ৮৯.১৫ ॥
এবমুক্ত্বা স্বয়ং ব্রহ্মা বীক্ষাং চক্রে পিনাকিনম্ ।
নারায়ণং চ মনসা সস্মার পরমেশ্বরম্ ।
ততো নারায়ণো দেবো দ্বাভ্যাং মধ্যে ব্যবস্থিতঃ ॥ ৮৯.১৬ ॥
ততস্ত্বেকীগতাস্তে তু ব্রহ্মবিষ্ণুমহেশ্বরাঃ ।
পরস্পরং সূক্ষ্মদৃষ্ট্যা বীক্ষাং চক্রুর্মুদায়ুতাঃ ॥ ৮৯.১৭ ॥
ততস্তেষাং ত্রিধা দৃষ্টির্ভূৎবৈকা সমজায়ত ।
তস্যাং দৃষ্ট্যাং সমুৎপন্না কুমারী দিব্যরূপিণী ॥ ৮৯.১৮ ॥
নীলোৎপলদলশ্যামা নীলকুঞ্চিতমূর্দ্ধজা ।
সুনাসা সুললাটান্তা সুবক্ত্রা সুপ্রতিষ্ঠিতা ॥ ৮৯.১৯ ॥
ৎবষ্ট্রা যদগ্নিজিহ্বং তু লক্ষণং পরিভাষিতম্ ।
তৎসর্বমেকতঃ সংস্থং কন্যায়াং সম্প্রদৃশ্যতে ॥ ৮৯.২০ ॥
অথ তাং দৃশ্য কন্যাং তু ব্রহ্মবিষ্ণুমহেশ্বরাঃ ।
ঊচুঃ কাঽসি শুভে ব্রূহি কিং বা কার্যং বিপশ্চিতম্ ॥ ৮৯.২১ ॥
ত্রিবর্ণা চ কুমারী সা কৃষ্ণশুক্লা চ পীতিকা ।
উবাচ ভবতাং দৃষ্টের্যোগাজ্জাতাঽস্মি সত্তমাঃ ।
কিং মাং ন বেত্থ সুশ্রোণীং স্বশক্তিং পরমেশ্বরীম্ ॥ ৮৯.২২ ॥
ততো ব্রহ্মাদয়স্তে চ তস্যাস্তুষ্টা বরং দদুঃ ।
নাম্নাঽসি ত্রিকলা দেবী পাহি বিশ্বং চ সর্বদা ॥ ৮৯.২৩ ॥
অপরাণ্যপি নামানি ভবিষ্যন্তি তবানঘে ।
গুণোত্থানি মহাভাগে সর্বসিদ্ধিকরাণি চ ॥ ৮৯.২৪ ॥
অন্যচ্চ কারণং দেবি ত্রিবর্ণাঽসি বরাননে ।
মূর্তিত্রয়ং ত্রিভির্বর্ণৈঃ কুরু দেবি স্বকং দ্রুতম্ ॥ ৮৯.২৫ ॥
এবমুক্তা তদা দেবৈরকরোৎ ত্রিবিধাং তনুম্ ।
সিতাং রক্তাং তথা কৃষ্ণাং ত্রিমূর্তিৎবং জগাম হ ॥ ৮৯.২৬ ॥
যা সা ব্রাহ্মী শুভা মূর্ত্তিস্তয়া সৃজতি বৈ প্রজাঃ ।
সৌম্যরূপেণ সুশ্রোণী ব্রহ্মসৃষ্ট্যা বিধানতঃ ॥ ৮৯.২৭ ॥
যা সা রক্তেন বর্ণেন সুরূপা তনুমধ্যমা ।
শঙ্খচক্রধরা দেবী বৈষ্ণবী সা কলা স্মৃতা ।
সা পাতি সকলং বিশ্বং বিষ্ণুমায়েতি কীর্ত্ত্যতে ॥ ৮৯.২৮ ॥
যা সা কৃষ্ণেন বর্ণেন রৌদ্রী মূর্ত্তিস্ত্রিশূলিনী ।
দংষ্ট্রাকরালিনী দেবী সা সংহরতি বৈ জগৎ ॥ ৮৯.২৯ ॥
যা সৃষ্টির্ব্রহ্মণো দেবী শ্বেতবর্ণা বিভাবরী ।
সা কুমারী মহাভাগা বিপুলাব্জদলেক্ষণা ।
সদ্যো ব্রহ্মাণমামন্ত্র্য তত্রৈবান্তরধীয়ত ॥ ৮৯.৩০ ॥
সাঽন্তর্হিতা যয়ৌ দেবী বরদা শ্বেতপর্বতম্ ।
তপস্তপ্তুং মহৎ তীব্রং সর্বগৎবমভীপ্সতী ॥ ৮৯.৩১ ॥
যা বৈষ্ণবী কুমারী তু সাপ্যনুজ্ঞায় কেশবম্ ।
মন্দরাদ্রিং যয়ৌ তপ্তুং তপঃ পরমদুশ্চরম্ ॥ ৮৯.৩২ ॥
যা সা কৃষ্ণা বিশালাক্ষী রৌদ্রী দংষ্ট্রাকরালিনী ।
সা নীলপর্বতবরং তপশ্চর্তুং যয়ৌ শুভা ॥ ৮৯.৩৩ ॥
অথ কালেন মহতা প্রজাঃ স্ত্রষ্টুং প্রজাপতিঃ ।
আরব্ধবান্ তদা তস্য ববৃধে সৃজতো বলম্ ॥ ৮৯.৩৪ ॥
যদা ন ববৃধে তস্য ব্রহ্মণো মানসী প্রজা ।
তদা দধ্যৌ কিমেতন্মে ন তথা বর্দ্ধতে প্রজা ॥ ৮৯.৩৫ ॥
ততো ব্রহ্মা হৃদা দধ্যৌ যোগাভ্যাসেন সুব্রতে ।
চিন্তয়ন্ বুবুধে দেবস্তাং কন্যাং শ্বেতপর্বতে ।
তপশ্চরন্তীং সুমহৎ তপসা দগ্ধকিল্বিষাম্ ॥ ৮৯.৩৬ ॥
ততো ব্রহ্মা যয়ৌ তত্র যত্র সা কমলেক্ষণা ।
তপশ্চরতি তাং দৃষ্ট্বা বাক্যমেতদুবাচ হ ॥ ৮৯.৩৭ ॥
ব্রহ্মোবাচ ।
কিং তপঃ ক্রিয়তে ভদ্রে কার্যমাবেক্ষ্য শোভতে ।
তুষ্টোঽস্মি তে বিশালাক্ষি বরং কিং তে দদাম্যহম্ ॥ ৮৯.৩৮ ॥
সৃষ্টিরুবাচ ।
ভগবন্নেকদেশস্থা নোৎসহে স্থাতুমঞ্জসা ।
অতোঽর্থং ৎবাং বরং যাচে সর্বগৎবমভীপ্সতী ॥ ৮৯.৩৯ ॥
এবমুক্তস্তদা দেব্যা সৃষ্ট্যা ব্রহ্মা প্রজাপতিঃ ।
উবাচ তাং তদা দেবীং সর্বগা ৎবং ভবিষ্যসি ॥ ৮৯.৪০ ॥
এবমুক্তা তদা তেন সৃষ্টিঃ সা কমলেক্ষণা ।
তস্য হ্যঙ্কে লয়ং প্রাপ্তা সা দেবী পদ্মলোচনা ।
তস্মাদারভ্য কালাৎ তু ব্রাহ্মী সৃষ্টির্ব্যবর্দ্ধত ॥ ৮৯.৪১ ॥
ব্রহ্মণো মানসাঃ সপ্ত তেষামন্যে তপোধনাঃ ।
তেষামন্যে ততস্ত্বন্যে চতুর্দ্ধা ভূতসংগ্রহঃ ।
সস্থাণুজঙ্গমানাং চ সৃষ্টিঃ সর্বত্র সংস্থিতা ॥ ৮৯.৪২ ॥
যৎকিংচিদ্ বাঙ্ময়ং লোকে জগৎস্থাবরজঙ্গমম্ ।
তৎসর্বং স্থাপিতং সৃষ্ট্যা ভূতং ভব্যং চ সর্বদা ॥ ৮৯.৪৩ ॥
॥ ইতি শ্রীবরাহপুরাণে ভগবচ্ছাস্ত্রে একোননবতিতমোঽধ্যায়ঃ ॥ ৮৯ ॥
ইতি শ্রীরুদ্রগীতা সমাপ্তা ।
Also Read:
Rudra Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
