Sri Kashi Vishwanatha Suprabhatam in Oriya:
॥ ଶ୍ରୀକାଶୀବିଶ୍ୱନାଥସୁପ୍ରଭାତମ୍ ॥
॥ ଶ୍ରୀଗୁରୁଭ୍ୟୋ ନମଃ ॥
ବିଶ୍ୱେଶଂ ମାଧବଂ ଧୁଣ୍ଡିଂ ଦଣ୍ଡପାଣିଂ ଚ ଭୈରବମ୍ ।
ବନ୍ଦେ କାଶୀଂ ଗୁହାଂ ଗଙ୍ଗାଂ ଭବାନୀଂ ମଣିକର୍ଣିକାମ୍ ॥ ୧ ॥
ଉତ୍ତିଷ୍ଠ କାଶି ଭଗବାନ୍ ପ୍ରଭୁବିଶ୍ୱନାଥୋ
ଗଙ୍ଗୋର୍ମି-ସଂଗତି-ଶୁଭୈଃ ପରିଭୂଷିତୋଽବ୍ଜୈଃ ।
ଶ୍ରୀଧୁଣ୍ଡି-ଭୈରବ-ମୁଖୈଃ ସହିତାଽଽନ୍ନପୂର୍ଣା
ମାତା ଚ ବାଞ୍ଛତି ମୁଦା ତବ ସୁପ୍ରଭାତମ୍ ॥ ୨ ॥
ବ୍ରହ୍ମା ମୁରାରିସ୍ତ୍ରିପୁରାନ୍ତକାରିଃ
ଭାନୁଃ ଶଶୀ ଭୂମିସୁତୋ ବୁଧଶ୍ଚ ।
ଗୁରୁଶ୍ଚ ଶୁକ୍ରଃ ଶନି-ରାହୁ-କେତବଃ
କୁର୍ୱନ୍ତୁ ସର୍ୱେ ଭୁବି ସୁପ୍ରଭାତମ୍ ॥ ୩ ॥
ବାରାଣସୀ-ସ୍ଥିତ-ଗଜାନନ-ଧୁଣ୍ଡିରାଜ
ତାପତ୍ରୟାପହରଣେ ପ୍ରଥିତ-ପ୍ରଭାବ ।
ଆନନ୍ଦ-କନ୍ଦଲକୁଲ-ପ୍ରସବୈକଭୂମେ
ନିତ୍ୟଂ ସମସ୍ତ-ଜଗତଃ କୁରୁ ସୁପ୍ରଭାତମ୍ ॥ ୪ ॥
ବ୍ରହ୍ମଦ୍ରବୋପମିତ-ଗାଙ୍ଗ-ପୟଃ-ପ୍ରବାହୈଃ
ପୁଣ୍ୟୈଃ ସଦୈବ ପରିଚୁଂବିତ-ପାଦପଦ୍ମେ ।
ମଧ୍ୟେ-ଽଖିଲାମରଗଣୈଃ ପରିସେବ୍ୟମାନେ
ଶ୍ରୀକାଶିକେ କୁରୁ ସଦା ଭୁବି ସୁପ୍ରଭାତମ୍ ॥ ୫ ॥
ପ୍ରତ୍ନୈରସଂଖ୍ୟ-ମଠ-ମନ୍ଦିର-ତୀର୍ଥ-କୁଣ୍ଡ-
ପ୍ରାସାଦ-ଘଟ୍ଟ-ନିବହୈଃ ବିଦୁଷାଂ ବରୈଶ୍ଚ
ଆବର୍ଜୟସ୍ୟଖିଲ-ବିଶ୍ୱ-ମନାଂସି ନିତ୍ୟଂ
ଶ୍ରୀକାଶିକେ କୁରୁ ସଦା ଭୁବି ସୁପ୍ରଭାତମ୍ ॥ ୬ ॥।
କେ ବା ନରା ନୁ ସୁଧିୟଃ କୁଧିୟୋ.ଅଧିୟୋ ବା
ବାଞ୍ଛନ୍ତି ନାନ୍ତସମୟେ ଶରଣଂ ଭବତ୍ୟାଃ ।
ହେ କୋଟି-କୋଟି-ଜନ-ମୁକ୍ତି-ବିଧାନ-ଦକ୍ଷେ
ଶ୍ରୀକାଶିକେ କୁରୁ ସଦା ଭୁବି ସୁପ୍ରଭାତମ୍ ॥ ୭ ॥
ଯା ଦେବୈରସୁରୈର୍ମୁନୀନ୍ଦ୍ରତନୟୈର୍ଗନ୍ଧର୍ୱ-ଯକ୍ଷୋରଗୈଃ
ନାଗୈର୍ଭୂତଲବାସିଭିର୍ଦ୍ୱିଜବରୈସ୍ସଂସେବିତା ସିଦ୍ଧୟେ ।
ଯା ଗଙ୍ଗୋତ୍ତରବାହିନୀ-ପରିସରେ ତୀର୍ଥୈରସଂଖ୍ୟୈର୍ୱୃତା
ସା କାଶୀ ତ୍ରିପୁରାରିରାଜ-ନଗରୀ ଦେୟାତ୍ ସଦା ମଙ୍ଗଲମ୍ ॥ ୮ ॥
ତୀର୍ଥାନାଂ ପ୍ରବରା ମନୋରଥକରୀ ସଂସାର-ପାରାପରା
ନନ୍ଦା-ନନ୍ଦି-ଗଣେଶ୍ୱରୈରୁପହିତା ଦେବୈରଶେଷୈଃ-ସ୍ତୁତା ।
ଯା ଶଂଭୋର୍ମଣି-କୁଣ୍ଡଲୈକ-କଣିକା ବିଷ୍ଣୋସ୍ତପୋ-ଦୀର୍ଘିକା
ସେୟଂ ଶ୍ରୀମଣିକର୍ଣିକା ଭଗବତୀ ଦେୟାତ୍ ସଦା ମଙ୍ଗଲମ୍ ॥ ୯ ॥
ଅଭିନବ-ବିସ-ବଲ୍ଲୀ ପାଦ-ପଦ୍ମସ୍ୟ ବିଷ୍ଣୋଃ
ମଦନ-ମଥନ-ମୌଲେର୍ମାଲତୀ ପୁଷ୍ପମାଲା ।
ଜୟତି ଜୟ-ପତାକା କାପ୍ୟସୌ ମୋକ୍ଷଲକ୍ଷ୍ମ୍ୟାଃ
କ୍ଷପିତ-କଲି-କଲଙ୍କା ଜାହ୍ନବୀ ନଃ ପୁନାତୁ ॥ ୧୦ ॥
ଗାଙ୍ଗଂ ବାରି ମନୋହାରି ମୁରାରି-ଚରଣଚ୍ୟୁତମ୍ ।
ତ୍ରିପୁରାରି-ଶିରଶ୍ଚାରି ପାପହାରି ପୁନାତୁ ମାମ୍ ॥ ୧୧ ॥
ବିଘ୍ନାବାସ-ନିବାସକାରଣ-ମହାଗଣ୍ଡସ୍ଥଲାଲଂବିତଃ
ସିନ୍ଦୂରାରୁଣ-ପୁଞ୍ଜ-ଚନ୍ଦ୍ରକିରଣ-ପ୍ରଚ୍ଛାଦି-ନାଗଚ୍ଛବିଃ ।
ଶ୍ରୀବିଘ୍ନେଶ୍ୱର-ବଲ୍ଲଭୋ ଗିରିଜୟା ସାନନ୍ଦମାନନ୍ଦିତଃ (ପାଠଭେଦ ବିଶ୍ୱେଶ୍ୱର)
ସ୍ମେରାସ୍ୟସ୍ତବ ଧୁଣ୍ଡିରାଜ-ମୁଦିତୋ ଦେୟାତ୍ ସଦା ମଙ୍ଗଲମ୍ ॥ ୧୨ ॥
କଣ୍ଠେ ଯସ୍ୟ ଲସତ୍କରାଲ-ଗରଲଂ ଗଙ୍ଗାଜଲଂ ମସ୍ତକେ
ବାମାଙ୍ଗେ ଗିରିରାଜରାଜ-ତନୟା ଜାୟା ଭବାନୀ ସତୀ ।
ନନ୍ଦି-ସ୍କନ୍ଦ-ଗଣାଧିରାଜ-ସହିତଃ ଶ୍ରୀବିଶ୍ୱନାଥପ୍ରଭୁଃ
କାଶୀ-ମନ୍ଦିର-ସଂସ୍ଥିତୋଽଖିଲଗୁରୁଃ ଦେୟାତ୍ ସଦା ମଙ୍ଗଲମ୍ ॥ ୧୩ ॥
ଶ୍ରୀବିଶ୍ୱନାଥ କରୁଣାମୃତ-ପୂର୍ଣ-ସିନ୍ଧୋ
ଶୀତାଂଶୁ-ଖଣ୍ଡ-ସମଲଂକୃତ-ଭବ୍ୟଚୂଡ ।
ଉତ୍ତିଷ୍ଠ ବିଶ୍ୱଜନ-ମଙ୍ଗଲ-ସାଧନାୟ
ନିତ୍ୟଂ ସର୍ୱଜଗତଃ କୁରୁ ସୁପ୍ରଭାତମ୍ ॥ ୧୪ ॥
ଶ୍ରୀବିଶ୍ୱନାଥ ବୃଷଭ-ଧ୍ୱଜ ବିଶ୍ୱବନ୍ଦ୍ୟ
ସୃଷ୍ଟି-ସ୍ଥିତି-ପ୍ରଲୟ-କାରକ ଦେବଦେବ ।
ବାଚାମଗୋଚର ମହର୍ଷି-ନୁତାଙ୍ଘ୍ରି-ପଦ୍ମ
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୧୫ ॥
ଶ୍ରୀବିଶ୍ୱନାଥ ଭବଭଞ୍ଜନ ଦିବ୍ୟଭାବ
ଗଙ୍ଗାଧର ପ୍ରମଥ-ବନ୍ଦିତ ସୁନ୍ଦରାଙ୍ଗ ।
ନାଗେନ୍ଦ୍ର-ହାର ନତ-ଭକ୍ତ-ଭୟାପହାର
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୧୬ ॥
ଶ୍ରୀବିଶ୍ୱନାଥ ତବ ପାଦୟୁଗଂ ନମାମି
ନିତ୍ୟଂ ତବୈବ ଶିବ ନାମ ହୃଦା ସ୍ମରାମି ।
ବାଚଂ ତବୈବ ଯଶସାଽନଘ ଭୂଷୟାମି
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୧୭ ॥
କାଶୀ-ନିବାସ-ମୁନି-ସେବିତ-ପାଦ-ପଦ୍ମ
ଗଙ୍ଗା-ଜଲୌଘ-ପରିଷିକ୍ତ-ଜଟାକଲାପ ।
ଅସ୍ୟାଖିଲସ୍ୟ ଜଗତଃ ସଚରାଚରସ୍ୟ
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୧୮ ॥
ଗଙ୍ଗାଧରାଦ୍ରିତନୟା-ପ୍ରିୟ ଶାନ୍ତମୂର୍ତେ
ବେଦାନ୍ତ-ବେଦ୍ୟ ସକଲେଶ୍ୱର ବିଶ୍ୱମୂର୍ତେ ।
କୂଟସ୍ଥ ନିତ୍ୟ ନିଖିଲାଗମ-ଗୀତ-କୀର୍ତେ
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୧୯ ॥
ବିଶ୍ୱଂ ସମସ୍ତମିଦମଦ୍ୟ ଘନାନ୍ଧକାରେ
ମୋହାତ୍ମକେ ନିପତିତଂ ଜଡତାମୁପେତମ୍ ।
ଭାସା ବିଭାସ୍ୟ ପରୟା ତଦମୋଘ-ଶକ୍ତେ
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୨୦ ॥
ସୂନୁଃ ସମସ୍ତ-ଜନ-ବିଘ୍ନ-ବିନାସ-ଦକ୍ଷୋ
ଭାର୍ୟାଽନ୍ନଦାନ-ନିରତା-ଽବିରତଂ ଜନେଭ୍ୟଃ ।
ଖ୍ୟାତଃ ସ୍ୱୟଂ ଚ ଶିବକୃତ୍ ସକଲାର୍ଥି-ଭାଜାଂ
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୨୧ ॥
ଯେ ନୋ ନମନ୍ତି ନ ଜପନ୍ତି ନ ଚାମନନ୍ତି
ନୋ ବା ଲପନ୍ତି ବିଲପନ୍ତି ନିବେଦୟନ୍ତି ।
ତେଷାମବୋଧ-ଶିଶୁ-ତୁଲ୍ୟ-ଧିୟାଂ ନରାଣାଂ
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୨୨ ॥
ଶ୍ରୀକଣ୍ଠ କଣ୍ଠ-ଧୃତ-ପନ୍ନଗ ନୀଲକଣ୍ଠ
ସୋତ୍କଣ୍ଠ-ଭକ୍ତ-ନିବହୋପହିତୋପ-କଣ୍ଠ ।
ଭସ୍ମାଙ୍ଗରାଗ-ପରିଶୋଭିତ-ସର୍ୱଦେହ
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୨୩ ॥
ଶ୍ରୀପାର୍ୱତୀ-ହୃଦୟ-ବଲ୍ଲଭ ପଞ୍ଚ-ବକ୍ତ୍ର
ଶ୍ରୀନୀଲ-କଣ୍ଠ ନୃ-କପାଲ-କଲାପ-ମାଲ ।
ଶ୍ରୀବିଶ୍ୱନାଥ ମୃଦୁ-ପଙ୍କଜ-ମଞ୍ଜୁ-ପାଦ
ବାରାଣସୀପୁରପତେ କୁରୁ ସୁପ୍ରଭାତମ୍ ॥ ୨୪ ॥
ଦୁଗ୍ଧ-ପ୍ରବାହ-କମନୀୟ-ତରଙ୍ଗ-ଭଙ୍ଗେ
ପୁଣ୍ୟ-ପ୍ରବାହ-ପରିପାବିତ-ଭକ୍ତ-ସଙ୍ଗେ ।
ନିତ୍ୟଂ ତପସ୍ୱି-ଜନ-ସେବିତ-ପାଦ-ପଦ୍ମେ
ଗଙ୍ଗେ ଶରଣ୍ୟ-ଶିବଦେ କୁରୁ ସୁପ୍ରଭାତମ୍ ॥ ୨୫ ॥
ସାନନ୍ଦମାନନ୍ଦ-ବନେ ବସନ୍ତଂ ଆନନ୍ଦ-କନ୍ଦଂ ହତ-ପାପ-ବୃନ୍ଦମ୍ ।
ବାରାଣସୀ-ନାଥମନାଥ-ନାଥଂ ଶ୍ରୀବିଶ୍ୱନାଥଂ ଶରଣଂ ପ୍ରପଦ୍ୟେ ॥ ୨୬ ॥
Also Read:
Shri Kashi Viswanatha Suprabhatam Lyrics in Hindi | English | Bengali | Gujarati | Marathi | Kannada | Malayalam | Oriya | Telugu | Tamil
