Shiva Stotram

Shivastutih (Langeshvara Virachitaa) Lyrics in Kannada | Kannada Shlokas

Shivastutih (Langeshwara Virachitaa) in Kannada:

॥ ಶಿವಸ್ತುತಿಃ (ಲಙ್ಕೇಶ್ವರವಿರಚಿತಾ) ॥
ಶಿವಾಯ ನಮಃ ॥

ಶಿವಸ್ತುತಿಃ
(ಲಙ್ಕೇಶ್ವರವಿರಚಿತಾ)

ಗಲೇ ಕಲಿತಕಾಲಿಮಃ ಪ್ರಕಟಿತೇನ್ದುಭಾಲಸ್ಥಲೇ ವಿನಾಟಿತಜಟೋತ್ಕರಂ ರುಚಿರಪಾಣಿಪಾಥೋರುಹೇ |
ಉದಞ್ಚಿತಕಪಾಲಕಂ ಜಘನಸೀಮ್ನಿ ಸನ್ದರ್ಶಿತದ್ವಿಪಾಜಿನಮನುಕ್ಷಣಂ ಕಿಮಪಿ ಧಾಮ ವನ್ದಾಮಹೇ ॥ ೧ ॥

ವೃಷೋಪರಿ ಪರಿಸ್ಫುರದ್ಧವಳಧಾಮ ಧಾಮ ಶ್ರಿಯಾಂ ಕುಬೇರಗಿರಿಗೌರಿಮಪ್ರಭವಗರ್ವನಿರ್ವಾಸಿ ತತ್ |
ಕ್ವಚಿತ್ಪುನರುಮಾಕುಚೋಪಚಿತಕುಙ್ಕುಮೈ ರಞ್ಜಿತಂ ಗಜಾಜಿನವಿರಾಜಿತಂ ವೃಜಿನಭಙ್ಗಬೀಜಂ ಭಜೇ ॥ ೨ ॥

ಉದಿತ್ವರವಿಲೋಚನತ್ರಯವಿಸುತ್ವರಜ್ಯೋತಿಷಾ ಕಲಾಕರಕಲಾಕರವ್ಯತಿಕರೇಣ ಚಾಹರ್ನಿಶಮ್ |
ಷಿಕಾಸಿತಜಟಾಟವೀವಿಹರಣೋತ್ಸವಪ್ರೋಲ್ಲಸತ್ತರಾಮರತರಙ್ಗಿಣೀತರಲಚೂಡಮೀಡೇ ಮೃಡಮ್ ॥ ೩ ॥

ವಿಹಾಯ ಕಮಲಾಲಯಾವಿಲಸಿತಾನಿ ವಿದ್ಯುನ್ನಟೀವಿಡಮ್ಬನಪಟೂನಿ ಮೇ ವಿಹರಣಂ ವಿಧತ್ತಾಂ ಮನಃ |
ಕಪರ್ದಿನಿ ಕುಮುದ್ವತೀರಮಣಖಣ್ಡಚೂಡಾಮಣೌ ಕಟೀತಟಪಟೀಭವತ್ಕರಟಿಚರ್ಮಣಿ ಬ್ರಹ್ಮಣಿ ॥ ೪ ॥

ಭವದ್ಭವನದೇಹಲೀನಿಕಟತುಣ್ಡದಣ್ಡಾಹತಿತ್ರುಟನ್ಮುಕುಟಕೋಟಿಮಿರ್ಮಘವದಾದಿಮಿರ್ಭೂಯತೇ ವ್ರಜೇಮ
ಭವದನ್ತಿಕಂ ಪ್ರಕೃತಿಮೇತ್ಯ ಪೈಶಾಚಿಕೀಂ ಕಿಮಿತ್ಯಮರಸಂಪದಃ ಪ್ರಮಥನಾಥ ನಾಥಾಮಹೇ ॥ ೫ ॥

ತ್ವದರ್ಚನಪರಾಯಣಪ್ರಮಥಕನ್ಯಕಾಲುಂಠಿತಪ್ರಸೂನಸಫಲದ್ರುಮಂ ಕಮಪಿ ಶೈಲಮಾಶಾಸ್ಮಹೇ |
ಅಲಂ ತಟವಿತರ್ದಿಕಾಶಯಿತಸಿದ್ಧಸೀಮನ್ತೀನೀಪ್ರಕೀರ್ಣಸುಮನೋಮನೋರಮಣಮೇರುಣಾ ಮೇರುಣಾ ॥ ೬ ॥

ನ ಜಾತು ಹರ ಯಾತು ಮೇ ವಿಷಯದುರ್ವಿಲಾಸಂ ಮನೋ ಮನೋಭವಕಥಾಽಸ್ತು ಮೇ ನ ಚ ಮನೋರಥಾತಿಥ್ಯಭೂಃ |
ಸ್ಫುರತ್ಸುರತರಙ್ಗಿಣೀತಟಕುಟೀರಕೋಟೌ ವಸನ್ನಯೇ ಶಿವ ದಿವಾನಿಶಂ ತವ ಭವಾನಿ ಪೂಜಾಪರಃ ॥ ೭ ॥

ವಿಭೂಷಣಸುರಾಪಗಾಶುಚಿತರಾಲವಾಲಾವಲೀವಲದ್ವಹಲಸೀ ಕರಪ್ರಕರಸೇಕಸಂವರ್ಧಿತಾ |
ಮಹೇಶ್ವರಸುರದ್ರುಮಸ್ಫುರಿತಸಜ್ಜಟಾಮಞ್ಜರೀ ನಿಮಜ್ಜನಫಲಪ್ರದಾ ಮಮ ನು ಹನ್ತ ಭೂಯಾದಿಯಮ್ ॥ ೮ ॥

ಬಹಿರ್ವಿಷಯಸಙ್ಗತಿಪ್ರತಿನಿವರ್ತಿತಾಕ್ಷಾವಲೇಃ ಸಮಾಧಿಕಲಿತಾತ್ಮನಃ ಪಶುಪತೇರಶೇಷಾತ್ಮನಃ |
ಶಿರಃಸುರಸರಿತ್ತಟೀಕುಟಿಲಕಲ್ಪಕಲ್ಪದ್ರುಮಂ ನಿಶಾಕರಕಲಾಮಹಂ ಬಟುವಿಭೃಶ್ಯಮಾನಾಂ ಭಜೇ ॥ ೯ ॥

ತ್ವದೀಯಸುರವಾಹಿನೀವಿಮಲವಾರಿಧಾರಾಬಲಜ್ಜಟಾಗಹನಗಾಹಿನೀ ಮತಿರಿಯಂ ಮಮ ಕ್ರಾಮತು |
ಉಪೋತ್ತಮಸರಿತ್ತಟೀವಿಟಪಿತಾಟವೀ ಪ್ರೋಲ್ಲಸತ್ತಪಸ್ವಿಪರಿಷತ್ತುಲಾಮಮಲಮಲ್ಲಿಕಾಭ ಪ್ರಭೋ ॥ ೧೦ ॥

ಇತಿ ಲಙ್ಕೇಶ್ವರವಿರಚಿತಾ ಶಿವಸ್ತುತಿಃ ಸಂಪೂರ್ಣಾ ॥

Also Read:

Shivastutih (Langeshvara Virachitaa) Stuti Lyrics in Marathi | GujaratiBengali | Kannada | Malayalam | Telugu

Add Comment

Click here to post a comment