Templesinindiainfo

Best Spiritual Website

Shivastutih (Langeshvara Virachitaa) Lyrics in Malayalam | Malayalam Shlokas

Shivastutih (Langeshwara Virachitaa) in Malayalam:

॥ ശിവസ്തുതിഃ (ലങ്കേശ്വരവിരചിതാ) ॥
ശിവായ നമഃ ॥

ശിവസ്തുതിഃ
(ലങ്കേശ്വരവിരചിതാ)

ഗലേ കലിതകാലിമഃ പ്രകടിതേന്ദുഭാലസ്ഥലേ വിനാടിതജടോത്കരം രുചിരപാണിപാഥോരുഹേ |
ഉദഞ്ചിതകപാലകം ജഘനസീമ്നി സന്ദര്ശിതദ്വിപാജിനമനുക്ഷണം കിമപി ധാമ വന്ദാമഹേ ॥ ൧ ॥

വൃഷോപരി പരിസ്ഫുരദ്ധവളധാമ ധാമ ശ്രിയാം കുബേരഗിരിഗൗരിമപ്രഭവഗര്വനിര്വാസി തത് |
ക്വചിത്പുനരുമാകുചോപചിതകുങ്കുമൈ രഞ്ജിതം ഗജാജിനവിരാജിതം വൃജിനഭങ്ഗബീജം ഭജേ ॥ ൨ ॥

ഉദിത്വരവിലോചനത്രയവിസുത്വരജ്യോതിഷാ കലാകരകലാകരവ്യതികരേണ ചാഹര്നിശം |
ഷികാസിതജടാടവീവിഹരണോത്സവപ്രോല്ലസത്തരാമരതരങ്ഗിണീതരലചൂഢമീഡേ മൃഡം ॥ ൩ ॥

വിഹായ കമലാലയാവിലസിതാനി വിദ്യുന്നടീവിഡംബനപടൂനി മേ വിഹരണം വിധത്താം മനഃ |
കപര്ദിനി കുമുദ്വതീരമണഖണ്ഡചൂഡാമണൗ കടീതടപടീഭവത്കരടിചര്മണി ബ്രഹ്മണി ॥ ൪ ॥

ഭവദ്ഭവനദേഹലീനികടതുണ്ഡദണ്ഡാഹതിത്രുടന്മുകുടകോടിമിര്മഘവദാദിമിര്ഭൂയതേ വ്രജേമ
ഭവദന്തികം പ്രകൃതിമേത്യ പൈശാചികീം കിമിത്യമരസംപദഃ പ്രമഥനാഥ നാഥാമഹേ ॥ ൫ ॥

ത്വദര്ചനപരായണപ്രമഥകന്യകാലുംഠിതപ്രസൂനസഫലദ്രുമം കമപി ശൈലമാശാസ്മഹേ |
അലം തടവിതര്ദികാശയിതസിദ്ധസീമന്തീനീപ്രകീര്ണസുമനോമനോരമണമേരുണാ മേരുണാ ॥ ൬ ॥

ന ജാതു ഹര യാതു മേ വിഷയദുര്വിലാസം മനോ മനോഭവകഥാഽസ്തു മേ ന ച മനോരഥാതിഥ്യഭൂഃ |
സ്ഫുരത്സുരതരങ്ഗിണീതടകുടീരകോടൗ വസന്നയേ ശിവ ദിവാനിശം തവ ഭവാനി പൂജാപരഃ ॥ ൭ ॥

വിഭൂഷണസുരാപഗാശുചിതരാലവാലാവലീവലദ്വഹലസീകരപ്രകരസേകസംവര്ധിതാ |
മഹേശ്വരസുരദ്രുമസ്ഫുരിതസജ്ജടാമഞ്ജരീ നിമജ്ജനഫലപ്രദാ മമ നു ഹന്ത ഭൂയാദിയം ॥ ൮ ॥

ബഹിര്വിഷയസങ്ഗതിപ്രതിനിവര്തിതാക്ഷാവലേഃ സമാധികലിതാത്മനഃ പശുപതേരശേഷാത്മനഃ |
ശിരഃസുരസരിത്തടീകുടിലകല്പകല്പദ്രുമം നിശാകരകലാമഹം ബടുവിഭൃശ്യമാനാം ഭജേ ॥ ൯ ॥

ത്വദീയസുരവാഹിനീവിമലവാരിധാരാബലജ്ജടാഗഹനഗാഹിനീ മതിരിയം മമ ക്രാമതു |
ഉപോത്തമസരിത്തടീവിടപിതാടവീ പ്രോല്ലസത്തപസ്വിപരിഷത്തുലാമമലമല്ലികാഭ പ്രഭോ ॥ ൧൦ ॥

ഇതി ലങ്കേശ്വരവിരചിതാ ശിവസ്തുതിഃ സംപൂര്ണാ ॥

Also Read:

Shivastutih (Langeshvara Virachitaa) Stuti Lyrics in Marathi | GujaratiBengali | Kannada | Malayalam | Telugu

Shivastutih (Langeshvara Virachitaa) Lyrics in Malayalam | Malayalam Shlokas

Leave a Reply

Your email address will not be published. Required fields are marked *

Scroll to top