Templesinindiainfo

Best Spiritual Website

Shivastutih (Langeshvara Virachitaa) Lyrics in Telugu | Telugu Shlokas

Shivastutih (Langeshwara Virachitaa) in Telugu:

॥ శివస్తుతిః (లఙ్కేశ్వర విరచితా) ॥
శివాయ నమః ॥

శివస్తుతిః
లఙ్కేశ్వర విరచితా

గలే కలితకాలిమః ప్రకటితేన్దుభాలస్థలే వినాటితజటోత్కరం రుచిరపాణిపాథోరుహే |
ఉదఞ్చితకపాలకం జఘనసీమ్ని సన్దర్శితద్విపాజినమనుక్షణం కిమపి ధామ వన్దామహే ॥ ౧ ॥

వృషోపరి పరిస్ఫురద్ధవళధామ ధామ శ్రియాం కుబేరగిరిగౌరిమప్రభవగర్వనిర్వాసి తత్ |
క్వచిత్పునరుమాకుచోపచితకుఙ్కుమై రఞ్జితం గజాజినవిరాజితం వృజినభఙ్గబీజం భజే ॥ ౨ ॥

ఉదిత్వరవిలోచనత్రయవిసుత్వరజ్యోతిషా కలాకరకలాకరవ్యతికరేణ చాహర్నిశమ్ |
షికాసితజటాటవీవిహరణోత్సవప్రోల్లసత్తరామరతరఙ్గిణీతరలచూడమీడే మృడమ్ ॥ ౩ ॥

విహాయ కమలాలయావిలసితాని విద్యున్నటీవిడమ్బనపటూని మే విహరణం విధత్తాం మనః |
కపర్దిని కుముద్వతీరమణఖణ్డచూడామణౌ కటీతటపటీభవత్కరటిచర్మణి బ్రహ్మణి ॥ ౪ ॥

భవద్భవనదేహలీనికటతుణ్డదణ్డాహతిత్రుటన్ముకుటకోటిమిర్మఘవదాదిమిర్భూయతే వ్రజేమ
భవదన్తికం ప్రకృతిమేత్య పైశాచికీం కిమిత్యమరసంపదః ప్రమథనాథ నాథామహే ॥ ౫ ॥

త్వదర్చనపరాయణప్రమథకన్యకాలుంఠితప్రసూనసఫలద్రుమం కమపి శైలమాశాస్మహే |
అలం తటవితర్దికాశయితసిద్ధసీమన్తీనీప్రకీర్ణసుమనోమనోరమణమేరుణా మేరుణా ॥ ౬ ॥

న జాతు హర యాతు మే విషయదుర్విలాసం మనో మనోభవకథాఽస్తు మే న చ మనోరథాతిథ్యభూః |
స్ఫురత్సురతరఙ్గిణీతటకుటీరకోటౌ వసన్నయే శివ దివానిశం తవ భవాని పూజాపరః ॥ ౭ ॥

విభూషణసురాపగాశుచితరాలవాలావలీవలద్వహలసీ కరప్రకరసేకసంవర్ధితా |
మహేశ్వరసురద్రుమస్ఫురితసజ్జటామఞ్జరీ నిమజ్జనఫలప్రదా మమ ను హన్త భూయాదియమ్ ॥ ౮ ॥

బహిర్విషయసఙ్గతిప్రతినివర్తితాక్షావలేః సమాధికలితాత్మనః పశుపతేరశేషాత్మనః |
శిరఃసురసరిత్తటీకుటిలకల్పకల్పద్రుమం నిశాకరకలామహం బటువిభృశ్యమానాం భజే ॥ ౯ ॥

త్వదీయసురవాహినీవిమలవారిధారాబలజ్జటాగహనగాహినీ మతిరియం మమ క్రామతు |
ఉపోత్తమసరిత్తటీవిటపితాటవీ ప్రోల్లసత్తపస్విపరిషత్తులామమలమల్లికాభ ప్రభో ॥ ౧౦ ॥

ఇతి లఙ్కేశ్వరవిరచితా శివస్తుతిః సంపూర్ణా ॥

Also Read:

Shivastutih (Langeshvara Virachitaa) Stuti Lyrics in Marathi | GujaratiBengali | Kannada | Malayalam | Telugu

Shivastutih (Langeshvara Virachitaa) Lyrics in Telugu | Telugu Shlokas

Leave a Reply

Your email address will not be published. Required fields are marked *

Scroll to top