Sri Dakshinamurthy Ashtottarashatanama Stotram Lyrics in Bengali:
শ্রীদক্ষিণামূর্ত্যষ্টোত্তরশতনামস্তোত্রম্
শ্রীমেধাদক্ষিণামূর্ত্যষ্টোত্তরশতনামস্তোত্রম্
মূলমন্ত্রবর্ণাদ্যাত্মকং
শ্রীদেব্যুবাচ –
ভগবন্দেবদেবেশ মন্ত্রার্ণস্তবমুত্তমম্ ।
দক্ষিণামূর্তিদেবস্য কৃপয়া বদ মে প্রভো ॥ ১ ॥
শ্রীমহাদেব উবাচ –
সাধু পৃষ্টং মহাদেবি সর্বলোকহিতায় তে ।
বক্ষ্যামি পরমং গুহ্যং মন্ত্রার্ণস্তবমুত্তমম্ ॥ ২ ॥
ঋষিশ্ছন্দো দেবতাঙ্গন্যাসাদিকমনুত্তমম্ ।
মূলমন্ত্রবদস্যাপি দ্রষ্টব্যং সকলং হি তত্ ॥ ৩ ॥
ধ্যানম্ –
ভস্মব্যাপাণ্ডুরাঙ্গঃ শশিশকলধরো জ্ঞানমুদ্রাক্ষমালা-
বীণাপুস্তৈর্বিরাজত্করকমলধরো য়োগপট্টাভিরামঃ ।
ব্যাখ্যাপীঠে নিষণ্ণে মুনিবরনিকরৈঃ সেব্যমানঃ প্রসন্নঃ
স্ব্যাল়ঃ কৃত্তিবাসাঃ সততমবতু নো দক্ষিণামূর্তিরীশঃ ॥ ৪ ॥
ইতি ধ্যাত্বা মহাদেবং মন্ত্রার্ণস্তবমুত্তমম্ ।
জপেত্ ত্রিসন্ধ্যং নিয়তো ভস্মরুদ্রাক্ষভূষিতহ ॥ ৫ ॥
ওঙ্কারাচলসিংহেন্দ্রঃ ওঙ্কারধ্যানকোকিলঃ ।
ওঙ্কারনীডশুকরাড্ ওঙ্কারার্ণবকুঞ্জরঃ ॥ ৬ ॥ ওঙ্কারারণ্যকুঞ্জরঃ
নগরাজসুতাজানির্নগরাজনিজালয়ঃ ।
নবমাণিক্যমালাঢ্যো নবচন্দ্রশিখামণিঃ ॥ ৭ ॥
নন্দিতাশেষমৌনীন্দ্রো নন্দীশাদিমদেশিকঃ ।
মোহানলসুধাসারো মোহাম্বুজসুধাকরঃ ॥ ৮ ॥
মোহান্ধকারতরণির্মোহোত্পলনভোমণিঃ ।
ভক্তজ্ঞানাব্ধিশীতাংশুঃ ভক্তাজ্ঞানতৃণানলঃ ॥ ৯ ॥
ভক্তাম্ভোজসহস্রাংশুঃ ভক্তকেকিঘনাঘনঃ ।
ভক্তকৈরবরাকেন্দুঃ ভক্তকোকদিবাকরঃ ॥ ১০ ॥
গজাননাদিসম্পূজ্যো গজচর্মোজ্জ্বলাকৃতিঃ ।
গঙ্গাধবলদিব্যাঙ্গো গঙ্গাভঙ্গলসজ্জটঃ ॥ ১১ ॥
গগনাম্বরসংবীতো গগনামুক্তমূর্ধজঃ ।
বদনাব্জজিতাব্জশ্রীঃ বদনেন্দুস্ফুরদ্দিশঃ ॥ ১২ ॥
বরদানৈকনিপুণো বরবীণোজ্জ্বলত্করঃ ।
বনবাসসমুল্লাসো বনবীরৈকলোলুপঃ ॥ ১৩ ॥
তেজঃপুঞ্জঘনাকারো তেজসামপি ভাসকঃ ।
তেজঃপ্রদো বিনেয়ানাং তেজোময়জনাশ্রয়ঃ ॥ ১৪ ॥
দমিতানঙ্গসঙ্গ্রামো দরহাসজিতাঙ্গনঃ ।
দয়ারসসুধাসিন্ধুঃ দরিদ্রধনশেবধিঃ ॥ ১৫ ॥
ক্ষীরেন্দুস্ফটিকাকারঃ ক্ষীণেন্দুমকুটোজ্জ্বলঃ ।
ক্ষীরোপহাররসিকঃ ক্ষিপ্রৈশ্বর্যফলপ্রদঃ ॥ ১৬ ॥
নানাভরণমুগ্ধাঙ্গো নারীসম্মোহনাকৃতিঃ ।
নাদব্রহ্মরসাস্বাদী নাগভূষণভূষিতঃ ॥ ১৭ ॥
মূর্তিনিন্দিতকন্দর্পো মূর্তামূর্তজগদ্বপুঃ ।
মূকাজ্ঞানতমোভানুঃ মূর্তিমত্কল্পপাদপঃ ॥ ১৮ ॥
তরুণাদিত্যসঙ্কাশঃ তন্ত্রীবাদনতত্পরঃ ।
তরুমূলৈকনিলয়ঃ তপ্তজাম্বূনদপ্রভঃ ॥ ১৯ ॥
তত্ত্বপুস্তোল্লসত্পাণিঃ তপনোডুপলোচনঃ ।
য়মসন্নুতসত্কীর্তিঃ য়মসংয়মসংয়ুতঃ ॥ ২০ ॥
য়তিরূপধরো মৌনী য়তীন্দ্রোপাস্যবিগ্রহঃ ।
মন্দারহাররুচিরো মদনায়ুতসুন্দরঃ ॥ ২১ ॥
মন্দস্মিতলসদ্বক্ত্রো মধুরাধরপল্লবঃ ।
মঞ্জীরমঞ্জুপাদাব্জো মণিপট্টোলসত্কটিঃ ॥ ২২ ॥
হস্তাঙ্কুরিতচিন্মুদ্রো হঠয়োগপরোত্তমঃ ।
হংসজপ্যাক্ষমালাঢ্যো হংসেন্দ্রারাধ্যপাদুকঃ ॥ ২৩ ॥
মেরুশৃঙ্গতটোল্লাসো মেঘশ্যামমনোহরঃ ।
মেধাঙ্কুরালবালাগ্র্যো মেধপক্বফলদ্রুমঃ ॥ ২৪ ॥
ধার্মিকান্তর্গুহাবাসো ধর্মমার্গপ্রবর্তকঃ ।
ধামত্রয়নিজারামো ধর্মোত্তমমনোরথঃ ॥ ২৫ ॥
প্রবোধোদারদীপশ্রীঃ প্রকাশিতজগত্ত্রয়ঃ ।
প্রজ্ঞাচন্দ্রশিলাদর্শঃ প্রজ্ঞামণিবরাকরঃ ॥ ২৬ ॥
জ্ঞানান্তরভাসাত্মা জ্ঞাতৃজ্ঞাতিবিদূরগঃ ।
জ্ঞানাদ্বৈতসুদিব্যাঙ্গো জ্ঞাতৃজ্ঞাতিকুলাগতঃ ॥ ২৭ ॥
প্রপন্নপারিজাতাগ্র্যঃ প্রণতার্ত্যব্ধিবাডবঃ ।
প্রমাণভূতো ভূতানাং প্রপঞ্চহিতকারকঃ ॥ ২৮ ॥
য়ত্তত্বমসিসংবেদ্যো য়ক্ষগেয়াত্মবৈভবঃ ।
য়জ্ঞাদিদেবতামূর্তিঃ য়জমানবপুর্ধরঃ ॥ ২৯ ॥
ছত্রাধিপতিবিশ্বেশঃ ছত্রচামরসেবিতঃ ।
ছান্দশ্শাস্ত্রাদিনিপুণশ্ছলজাত্যাদিদূরগঃ ॥ ৩০ ॥
স্বাভাবিকসুখৈকাত্মা স্বানুভূতরসোদধিঃ ।
স্বারাজ্যসম্পদধ্যক্ষঃ স্বাত্মারামমহামতিঃ ॥ ৩১ ॥
হাটকাভজটাজূটো হাসোদস্তারমণ্ডলঃ ।
হালাহলোজ্জ্বলগল়ো হারায়ুতমনোহরঃ ॥ ৩২ ॥
ইতি শ্রীমেধাদক্ষিণামূর্তিমনুবর্ণাদ্যাদিমা
শ্রীদক্ষিণামূর্ত্যষ্টোত্তরশতনামস্তোত্রং সম্পূর্ণম্ ।
Also Read:
Shri Dakshinamurti Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil