Templesinindiainfo

Best Spiritual Website

Shri Ganesha Namashtaka Stotram Lyrics in Telugu

Sri Ganesha Namashtaka Stotram from Brahmanda Purana 2.42 Lyrics in Telugu:

॥ శ్రీగణేశనామాష్టకస్తోత్రం ॥
శ్రీకృష్ణ ఉవాచ –
శ్రుణు దేవి మహాభాగే వేదోక్తం వచనం మమ ।
యచ్ఛ్రుత్వా హర్షితా నూనం భవిష్యసి న సంశయః ।
వినాయకస్తే తనయో మహాత్మా మహతాం మహాన్ ॥

యం కామః క్రోధ ఉద్వేగో భయం నావిశతే కదా ।
వేదస్మృతిపురాణేషు సంహితాసు చ భామిని ॥

నామాన్యస్యోపదిష్టాని సుపుణ్యాని మహాత్మభిః ।
యాని తాని ప్రవక్ష్యామి నిఖిలాఘహరాణి చ ॥

ప్రమథానాం గణా యై చ నానారూపా మహాబలాః ।
తేషామీశస్త్వయం యస్మాద్గణేశస్తేన కీర్త్తితః ॥ ౧ ॥ గణేశః

భూతాని చ భవిష్యాణి వర్తమానాని యాని చ ।
బ్రహ్మాణ్డాన్యఖిలాన్యేవ యస్మింల్లమ్బోదరః స తు ॥ ౨ ॥ లమ్బోదరః

యః శిరో దేవయోగేన ఛిన్నం సంయోజితం పునః ।
గజస్య శిరసా దేవి తేన ప్రోక్తో గజాననః ॥ ౩ ॥ గజానన

చతుర్థ్యాముదితశ్చన్ద్రో దర్భిణా శప్త ఆతురః ।
అనేన విధృతో భాలే భాలచన్ద్రస్తతః స్మృతః ॥ ౪ ॥ తతోఽభవత్ భాలచన్ద్రః

శప్తః పురా సప్తభిస్తు మునిభిః సఙ్క్షయం గతః ।
జాతవేదా దీపితోఽభూద్యేనాసౌ శూర్పకర్ణకః ॥ ౫ ॥ శూర్పకర్ణః

పురా దేవాసురే యుద్ధే పూజితో దివిషద్గణైః ।
విఘ్నం నివారయామాస విఘ్ననాశస్తతః స్మృతః ॥ ౬ ॥ విఘ్ననాశః

అద్యాయం దేవి రామేణ కుఠారేణ నిపాత్య చ ।
దశనం దైవతో భద్రే హ్యేకదన్తః కృతోఽమునా ॥ ౭ ॥ ఏకదన్తః

భవిష్యత్యథ పర్యాయే బ్రహ్మణో హరవల్లభః ।
వక్రీభవిష్యత్తుణ్డత్వాద్వక్రతుణ్డః స్మృతో బుధైః ॥ ౮ ॥ వక్రతుణ్డః

ఏవం తవాస్య పుత్రస్య సన్తి నామాని పార్వతీ ।
స్మరణాత్పాపహారీణి త్రికాలానుగతాన్యపి ॥ ౯ ॥

అస్మాత్త్రయోదశీకల్పాత్పూర్వస్మిన్దశమీభవే ।
మయాస్మై తు వరో దత్తః సర్గదేవాగ్రపూజనే ॥ ౧౦ ॥

జాతకర్మాదిసంస్కారే గర్భాధానాదికేఽపి చ ।
యాత్రాయాం చ వణిజ్యాదౌ యుద్ధే దేవార్చనే శుభే ॥ ౧౧ ॥

సఙ్కష్టే కామ్యసిద్‍ధ్యర్థం పూజయేద్యో గజాననమ్ ।
తస్య సర్వాణి కార్యాణి సిద్‍ధ్యన్త్యేవ న సంశయః ॥ ౧౨ ॥

ఇతి శ్రీబ్రహ్మాణ్డే మహాపురాణే వాయుప్రోక్తే మధ్యభాగే తృతీయ
ఉపోద్ధాతపాదే భార్గవచరితే ద్విచత్వారింశత్తమోఽధ్యాయాన్తర్గతం
శ్రీకృష్ణప్రోక్తం శ్రీగణేశనామాష్టకస్తోత్రం సమ్పూర్ణమ్ ॥ ౪౨ ॥

Also Read:

Shri Ganesha Namashtaka Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Shri Ganesha Namashtaka Stotram Lyrics in Telugu

Leave a Reply

Your email address will not be published. Required fields are marked *

Scroll to top