Sri Kamalashtottara Shatanama Stotram Lyrics in Telugu:
॥ శ్రీకమలాష్టోత్తరశతనామస్తోత్రమ్ ॥
శ్రీశివ ఉవాచ
శతమష్టోత్తరం నామ్నాం కమలాయా వరాననే ।
ప్రవక్ష్యామ్యతిగుహ్యం హి న కదాపి ప్రకాశయేత్ ॥ ౧ ॥
మహామాయా మహాలక్ష్మీర్మహావాణీ మహేశ్వరీ ।
మహాదేవీ మహారాత్రిర్మహిషాసురమర్ది నీ ॥ ౨ ॥
కాలరాత్రిః కుహూః పూర్ణా నన్దాఽఽద్యా భద్రికా నిశా ।
జయా రిక్తా మహాశక్తిర్దేవమాతా కృశోదరీ ॥ ౩ ॥
శచీన్ద్రాణీ శక్రనుతా శఙ్కరప్రియవల్లభా ।
మహావరాహజననీ మదనోన్మథినీ మహీ ॥ ౪ ॥
వైకుణ్ఠనాథరమణీ విష్ణువక్షఃస్థలస్థితా ।
విశ్వేశ్వరీ విశ్వమాతా వరదాఽభయదా శివా ॥ ౫ ॥
శూలినీ చక్రిణీ మా చ పాశినీ శఙ్ఖధారిణీ ।
గదినీ ముణ్డమాలా చ కమలా కరుణాలయా ॥ ౬ ॥
పద్మాక్షధారిణీ హ్యమ్బా మహావిష్ణుప్రియఙ్కరీ ।
గోలోకనాథరమణీ గోలోకేశ్వరపూజితా ॥ ౭ ॥
గయా గఙ్గా చ యమునా గోమతీ గరుడాసనా ।
గణ్డకీ సరయూస్తాపీ రేవా చైవ పయస్వినీ ॥ ౮ ॥
నర్మదా చైవ కావేరీ కేదారస్థలవాసినీ ।
కిశోరీ కేశవనుతా మహేన్ద్రపరివన్దితా ॥ ౯ ॥
బ్రహ్మాదిదేవనిర్మాణకారిణీ వేదపూజితా ।
కోటిబ్రహ్మాణ్డమధ్యస్థా కోటిబ్రహ్మాణ్డకారిణీ ॥ ౧౦ ॥
శ్రుతిరూపా శ్రుతికరీ శ్రుతిస్మృతిపరాయణా ।
ఇన్దిరా సిన్ధుతనయా మాతఙ్గీ లోకమాతృకా ॥ ౧౧ ॥
త్రిలోకజననీ తన్త్రా తన్త్రమన్త్రస్వరూపిణీ ।
తరుణీ చ తమోహన్త్రీ మఙ్గలా మఙ్గలాయనా ॥ ౧౨ ॥
మధుకైటభమథనీ శుమ్భాసురవినాశినీ ।
నిశుమ్భాది హరా మాతా హరిశఙ్కరపూజితా ॥ ౧౩ ॥
సర్వదేవమయీ సర్వా శరణాగతపాలినీ ।
శరణ్యా శమ్భువనితా సిన్ధుతీరనివాసినీ ॥ ౧౪ ॥
గన్ధర్వగానరసికా గీతా గోవిన్దవల్లభా ।
త్రైలోక్యపాలినీ తత్త్వరూపా తారుణ్యపూరితా ॥ ౧౫ ॥
చన్ద్రావలీ చన్ద్రముఖీ చన్ద్రికా చన్ద్రపూజితా ।
చన్ద్రా శశాఙ్కభగినీ గీతవాద్యపరాయణా ॥ ౧౬ ॥
సృష్టిరూపా సృష్టికరీ సృష్టిసంహారకారిణీ ।
ఇతి తే కథితం దేవి రమానామశతాష్టకమ్ ॥ ౧౭ ॥
త్రిసన్ధ్యం ప్రయతో భూత్వా పఠేదేతత్సమాహితః ।
యం యం కామయతే కామం తం తం ప్రాప్నోత్యసంశయమ్ ॥ ౧౮ ॥
ఇమం స్తవం యః పఠతీహ మర్త్యో వైకుణ్ఠపత్న్యాః పరసాదరేణ ।
ధనాధిపాద్యైః పరివన్దితః స్యాత్ ప్రయాస్యతి శ్రీపదమన్తకాలే ॥ ౧౯ ॥
ఇతి శ్రీకమలాష్టోత్తరశతనామస్తోత్రం సమ్పూర్ణమ్ ॥
Also Read:
Shri Kamala Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
