Shri Mahakal Shani Mrityunjaya Stotra Lyrics in Telugu:
శ్రీమహాకాలశనిమృత్యుఞ్జయస్తోత్రమ్
అథ శనైశ్చరమృత్యుఞ్జయస్తోత్రమ్ ।
వినియోగః-
ఓం అస్య శ్రీ మహాకాల శని మృత్యుఞ్జయస్తోత్రమన్త్రస్య పిప్లాద
ఋషిరనుష్టుప్ఛన్దో మహాకాల శనిర్దేవతా శం బీజం మాయసీ శక్తిః కాల
పురుషాయేతి కీలకం మమ అకాల అపమృత్యు నివారణార్థే పాఠే వినియోగః ।
శ్రీ గణేశాయ నమః ।
ఓం మహాకాల శని మృత్యుఞ్జాయాయ నమః ।
నీలాద్రీశోభాఞ్చితదివ్యమూర్తిః ఖడ్గో త్రిదణ్డీ శరచాపహస్తః ।
శమ్భుర్మహాకాలశనిః పురారిర్జయత్యశేషాసురనాశకారీ ॥ ౧
మేరుపృష్ఠే సమాసీనం సామరస్యే స్థితం శివమ్ ।
ప్రణమ్య శిరసా గౌరీ పృచ్ఛతిస్మ జగద్ధితమ్ ॥ ౨ ॥
పార్వత్యువాచ –
భగవన్ ! దేవదేవేశ ! భక్తానుగ్రహకారక ! ।
అల్పమృత్యువినాశాయ యత్త్వయా పూర్వ సూచితమ్ ॥ ౩ ॥
తదేవత్వం మహాబాహో ! లోకానాం హితకారకమ్ ।
తవ మూర్తి ప్రభేదస్య మహాకాలస్య సామ్ప్రతమ్ ॥ ౪ ॥
శనేర్మృత్యుఞ్జయస్తోత్రం బ్రూహి మే నేత్రజన్మనః ।
అకాల మృత్యుహరణమపమృత్యు నివారణమ్ ॥ ౫ ॥
శనిమన్త్రప్రభేదా యే తైర్యుక్తం యత్స్తవం శుభమ్ ।
ప్రతినామ చథుర్యన్తం నమోన్తం మనునాయుతమ్ ॥ ౬ ॥
శ్రీశఙ్కర ఉవాచ –
నిత్యే ప్రియతమే గౌరి సర్వలోక-హితేరతే ।
గుహ్యాద్గుహ్యతమం దివ్యం సర్వలోకోపకారకమ్ ॥ ౭ ॥
శనిమృత్యుఞ్జయస్తోత్రం ప్రవక్ష్యామి తవఽధునా ।
సర్వమఙ్గలమాఙ్గల్యం సర్వశత్రు విమర్దనమ్ ॥ ౮ ॥
సర్వరోగప్రశమనం సర్వాపద్వినివారణమ్ ।
శరీరారోగ్యకరణమాయుర్వృద్ధికరం నృణామ్ ॥ ౯ ॥
యది భక్తాసి మే గౌరీ గోపనీయం ప్రయత్నతః ।
గోపితం సర్వతన్త్రేషు తచ్ఛ్రణుష్వ మహేశ్వరీ ! ॥ ౧౦ ॥
ఋషిన్యాసం కరన్యాసం దేహన్యాసం సమాచరేత్ ।
మహోగ్రం మూర్ఘ్ని విన్యస్య ముఖే వైవస్వతం న్యసేత్ ॥ ౧౧ ॥
గలే తు విన్యసేన్మన్దం బాహ్వోర్మహాగ్రహం న్యసేత్ ।
హృది న్యసేన్మహాకాలం గుహ్యే కృశతనుం న్యసేత్ ॥ ౧౨ ॥
జాన్వోమ్తూడుచరం న్యస్య పాదయోస్తు శనైశ్చరమ్ ।
ఏవం న్యాసవిధి కృత్వా పశ్చాత్ కాలాత్మనః శనేః ॥ ౧౩ ॥
న్యాసం ధ్యానం ప్రవక్ష్యామి తనౌ శ్యార్వా పఠేన్నరః ।
కల్పాదియుగభేదాంశ్చ కరాఙ్గన్యాసరుపిణః ॥ ౧౪ ॥
కాలాత్మనో న్యసేద్ గాత్రే మృత్యుఞ్జయ ! నమోఽస్తు తే ।
మన్వన్తరాణి సర్వాణి మహాకాలస్వరుపిణః ॥ ౧౫ ॥
భావయేత్ప్రతి ప్రత్యఙ్గే మహాకాలాయ తే నమః ।
భావయేత్ప్రభవాద్యబ్దాన్ శీర్షే కాలజితే నమః ॥ ౧౬ ॥
నమస్తే నిత్యసేవ్యాయ విన్యసేదయనే భ్రువోః ।
సౌరయే చ నమస్తేఽతు గణ్డయోర్విన్యసేదృతూన్ ॥ ౧౭ ॥
శ్రావణం భావయేదక్ష్ణోర్నమః కృష్ణనిభాయ చ ।
మహోగ్రాయ నమో భార్దం తథా శ్రవణయోర్న్యసేత్ ॥ ౧౮ ॥
నమో వై దుర్నిరీక్ష్యాయ చాశ్వినం విన్యసేన్ముఖే ।
నమో నీలమయూఖాయ గ్రీవాయాం కార్తికం న్యసేత్ ॥ ౧౯ ॥
మార్గశీర్ష న్యసేద్-బాహ్వోర్మహారౌద్రాయ తే నమః ।
ఊర్ద్వలోక-నివాసాయ పౌషం తు హృదయే న్యసేత్ ॥ ౨౦ ॥
నమః కాలప్రబోధాయ మాఘం వై చోదరేన్యసేత్ ।
మన్దగాయ నమో మేఢ్రే న్యసేర్ద్వఫాల్గునం తథా ॥ ౨౧ ॥
ఊర్వోర్న్యసేచ్చైత్రమాసం నమః శివోస్భవాయ చ ।
వైశాఖం విన్యసేజ్జాన్వోర్నమః సంవర్త్తకాయ చ ॥ ౨౨ ॥
జఙ్ఘయోర్భావయేజ్జ్యేష్ఠం భైరవాయ నమస్తథా ।
ఆషాఢ़ం పాద్యోశ్చైవ శనయే చ నమస్తథా ॥ ౨౩ ॥
కృష్ణపక్షం చ క్రూరాయ నమః ఆపాదమస్తకే ।
న్యసేదాశీర్షపాదాన్తే శుక్లపక్షం గ్రహాయ చ ॥ ౨౪ ॥
నయసేన్మూలం పాదయోశ్చ గ్రహాయ శనయే నమః ।
నమః సర్వజితే చైవ తోయం సర్వాఙ్గులౌ న్యసేత్ ॥ ౨౫ ॥
న్యసేద్-గుల్ఫ-ద్వయే విశ్వం నమః శుష్కతరాయ చ ।
విష్ణుభం భావయేజ్జఙ్ఘోభయే శిష్టతమాయ తే ॥ ౨౬ ॥
జానుద్వయే ధనిష్ఠాం చ న్యసేత్ కృష్ణరుచే నమః ।
ఊరుద్వయే వారుర్ణాన్న్యసేత్కాలభృతే నమః ॥ ౨౭ ॥
పూర్వభాద్రం న్యసేన్మేఢ్రే జటాజూటధరాయ చ ।
పృష్ఠఉత్తరభాద్రం చ కరాలాయ నమస్తథా ॥ ౨౮ ॥
రేవతీం చ న్యసేన్నాభో నమో మన్దచరాయ చ ।
గర్భదేశే న్యసేద్దస్త్రం నమః శ్యామతరాయ చ ॥ ౨౯ ॥
నమో భోగిస్రజే నిత్యం యమం స్తనయుగే న్యసేత్ ।
న్యేసత్కృత్తికాం హృదయే నమస్తైలప్రియాయ చ ॥ ౩౦ ॥
రోహిణీం భావయేద్ధస్తే నమస్తే ఖడ్గధారీణే ।
మృగం న్యేసతద్వామ హస్తే త్రిదణ్డోల్లసితాయ చ ॥ ౩౧ ॥
దక్షోర్ద్ధ్వ భావయేద్రౌద్రం నమో వై బాణధారిణే ।
పునర్వసుమూర్ద్ధ్వ నమో వై చాపధారిణే ॥ ౩౨ ॥
తిష్యం న్యసేద్దక్షబాహౌ నమస్తే హర మన్యవే ।
సార్పం న్యసేద్వామబాహౌ చోగ్రచాపాయ తే నమః ॥ ౩౩ ॥
మఘాం విభావయేత్కణ్ఠే నమస్తే భస్మధారిణే ।
ముఖే న్యసేద్-భగర్క్ష చ నమః క్రూరగ్రహాయ చ ॥ ౩౪ ॥
భావయేద్దక్షనాసాయామర్యమాణశ్వ యోగినే ।
భావయేద్వామనాసాయాం హస్తర్క్షం ధారిణే నమః ॥ ౩౫ ॥
త్వాష్ట్రం న్యసేద్దక్షకర్ణే కృసరాన్న ప్రియాయ తే ।
స్వాతీం న్యేసద్వామకర్ణే నమో బృహ్మమయాయ తే ॥ ౩౬ ॥
విశాఖాం చ దక్షనేత్రే నమస్తే జ్ఞానదృష్టయే ।
మైత్రం న్యసేద్వామనేత్రే నమోఽన్ధలోచనాయ తే ॥ ౩౭ ॥
శాక్రం న్యసేచ్చ శిరసి నమః సంవర్తకాయ చ ।
విష్కుమ్భం భావయేచ్ఛీర్షేసన్ధౌ కాలాయ తే నమః ॥ ౩౮ ॥
ప్రీతియోగం భ్రువోః సన్ధౌ మహామన్దం ! నమోఽస్తు తే ।
నేత్రయోః సన్ధావాయుష్మద్యోగం భీష్మాయ తే నమః ॥ ౩౯ ॥
సౌభాగ్యం భావయేన్నాసాసన్ధౌ ఫలాశనాయ చ ।
శోభనం భావయేత్కర్ణే సన్ధౌ పిణ్యాత్మనే నమః ॥ ౪౦ ॥
నమః కృష్ణయాతిగణ్డం హనుసన్ధౌ విభావయేత్ ।
నమో నిర్మాంసదేహాయ సుకర్మాణం శిరోధరే ॥ ౪౧ ॥
ధృతిం న్యసేద్దక్షవాహౌ పృష్ఠే ఛాయాసుతాయ చ ।
తన్మూలసన్ధౌ శూలం చ న్యసేదుగ్రాయ తే నమః ॥ ౪౨ ॥
తత్కూర్పరే న్యసేదగణ్డే నిత్యానన్దాయ తే నమః ।
వృద్ధిం తన్మణిబన్ధే చ కాలజ్ఞాయ నమో న్యసేత్ ॥ ౪౩ ॥
ధ్రువం తద్ఙ్గులీ-మూలసన్ధౌ కృష్ణాయ తే నమః ।
వ్యాఘాతం భావయేద్వామబాహుపృష్ఠే కృశాయ చ ॥ ౪౪ ॥
హర్షణం తన్మూలసన్ధౌ భుతసన్తాపినే నమః ।
తత్కూర్పరే న్యసేద్వజ్రం సానన్దాయ నమోఽస్తు తే ॥ ౪౫ ॥
సిద్ధిం తన్మణిబన్ధే చ న్యసేత్ కాలాగ్నయే నమః ।
వ్యతీపాతం కరాగ్రేషు న్యసేత్కాలకృతే నమః ॥ ౪౬ ॥
వరీయాంసం దక్షపార్శ్వసన్ధౌ కాలాత్మనే నమః ।
పరిఘం భావయేద్వామపార్శ్వసన్ధౌ నమోఽస్తు తే ॥ ౪౭ ॥
న్యసేద్దక్షోరుసన్ధౌ చ శివం వై కాలసాక్షిణే ।
తజ్జానౌ భావయేత్సిద్ధిం మహాదేహాయ తే నమః ॥ ౪౮ ॥
సాధ్యం న్యసేచ్చ తద్-గుల్ఫసన్ధౌ ఘోరాయ తే నమః ।
న్యసేత్తదఙ్గులీసన్ధౌ శుభం రౌద్రాయ తే నమః ॥ ౪౯ ॥
న్యసేద్వామారుసన్ధౌ చ శుక్లకాలవిదే నమః ।
బ్రహ్మయోగం చ తజ్జానో న్యసేత్సద్యోగినే నమః ॥ ౫౦ ॥
ఐన్ద్రం తద్-గుల్ఫసన్ధౌ చ యోగాఽధీశాయ తే నమః ।
న్యసేత్తదఙ్గులీసన్ధౌ నమో భవ్యాయ వైధృతిమ్ ॥ ౫౧ ॥
చర్మణి బవకరణం భావయేద్యజ్వనే నమః ।
బాలవం భావయేద్రక్తే సంహారక ! నమోఽస్తు తే ॥ ౫౨ ॥
కౌలవం భావయేదస్థ్ని నమస్తే సర్వభక్షిణే ।
తైత్తిలం భావయేన్మసి ఆమమాంసప్రియాయ తే ॥ ౫౩ ॥
గరం న్యసేద్వపాయాం చ సర్వగ్రాసాయ తే నమః ।
న్యసేద్వణిజం మజ్జాయాం సర్వాన్తక ! నమోఽస్తు తే ॥ ౫౪ ॥
విర్యేవిభావయేద్విష్టిం నమో మన్యూగ్రతేజసే ।
రుద్రమిత్ర ! పితృవసువారీణ్యేతాంశ్చ పఞ్చ చ ॥ ౫౫ ॥
ముహూర్తాంశ్చ దక్షపాదనఖేషు భావయేన్నమః ।
ఖగేశాయ చ ఖస్థాయ ఖేచరాయ స్వరుపిణే ॥ ౫౬ ॥
పురుహూతశతమఖే విశ్వవేధో-విధూంస్తథా ।
ముహూర్తాంశ్చ వామపాదనఖేషు భావయేన్నమః ॥ ౫౭ ॥
సత్యవ్రతాయ సత్యాయ నిత్యసత్యాయ తే నమః ।
సిద్ధేశ్వర ! నమస్తుభ్యం యోగేశ్వర ! నమోఽస్తు తే ॥ ౫౮ ॥
వహ్నినక్తఞ్చరాంశ్చైవ వరుణార్యమయోనకాన్ ।
ముహూర్తాంశ్చ దక్షహస్తనఖేషు భావయేన్నమః ॥ ౫౯ ॥
లగ్నోదయాయ దీర్ఘాయ మార్గిణే దక్షదృష్టయే ।
వక్రాయ చాతిక్రూరాయ నమస్తే వామదృష్టయే ॥ ౬౦ ॥
వామహస్తనఖేష్వన్త్యవర్ణేశాయ నమోఽస్తు తే ।
గిరిశాహిర్బుధ్న్యపూషాజపష్ద్దస్త్రాంశ్చ భావయేత్ ॥ ౬౧ ॥
రాశిభోక్త్రే రాశిగాయ రాశిభ్రమణకారిణే ।
రాశినాథాయ రాశీనాం ఫలదాత్రే నమోఽస్తు తే ॥ ౬౨ ॥
యమాగ్ని-చన్ద్రాదితిజవిధాతృంశ్చ విభావయేత్ ।
ఊర్ద్ధ్వ-హస్త-దక్షనఖేష్వత్యకాలాయ తే నమః ॥ ౬౩ ॥
తులోచ్చస్థాయ సౌమ్యాయ నక్రకుమ్భగృహాయ చ ।
సమీరత్వష్టజీవాంశ్చ విష్ణు తిగ్మ ద్యుతీన్నయసేత్ ॥ ౬౪ ॥
ఊర్ధ్వ-వామహస్త-నఖేష్వన్యగ్రహ నివారిణే ।
తుష్టాయ చ వరిష్ఠాయ నమో రాహుసఖాయ చ ॥ ౬౫ ॥
రవివారం లలాటే చ న్యసేద్-భీమదృశే నమః ।
సోమవారం న్యసేదాస్యే నమో మృతప్రియాయ చ ॥ ౬౬ ॥
భౌమవారం న్యసేత్స్వాన్తే నమో బ్రహ్మ-స్వరుపిణే ।
మేఢ్రం న్యసేత్సౌమ్యవారం నమో జీవ-స్వరుపిణే ॥ ౬౭ ॥
వృషణే గురువారం చ నమో మన్త్ర-స్వరుపిణే ।
భృగువారం మలద్వారే నమః ప్రలయకారిణే ॥ ౬౮ ॥
పాదయోః శనివారం చ నిర్మాంసాయ నమోఽస్తు తే ।
ఘటికా న్యసేత్కేశేషు నమస్తే సూక్ష్మరుపిణే ॥ ౬౯ ॥
కాలరుపిన్నమస్తేఽస్తు సర్వపాపప్రణాశకః !।
త్రిపురస్య వధార్థాంయ శమ్భుజాతాయ తే నమః ॥ ౭౦ ॥
నమః కాలశరీరాయ కాలనున్నాయ తే నమః ।
కాలహేతో ! నమస్తుభ్యం కాలనన్దాయ వై నమః ॥ ౭౧ ॥
అఖణ్డదణ్డమానాయ త్వనాద్యన్తాయ వై నమః ।
కాలదేవాయ కాలాయ కాలకాలాయ తే నమః ॥ ౭౨ ॥
నిమేషాదిమహాకల్పకాలరుపం చ భైరవమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౭౩ ॥
దాతారం సర్వభవ్యానాం భక్తానామభయఙ్కరమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౭౪ ॥
కర్త్తారం సర్వదుఃఖానాం దుష్టానాం భయవర్ధనమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౭౫ ॥
హర్త్తారం గ్రహజాతానాం ఫలానామఘకారిణామ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౭౬ ॥
సర్వేషామేవ భూతానాం సుఖదం శాన్తమవ్యయమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౭౭ ॥
కారణం సుఖదుఃఖానాం భావాఽభావ-స్వరుపిణమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౭౮ ॥
అకాల-మృత్యు-హరణఽమపమృత్యు నివారణమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౭౯ ॥
కాలరుపేణ సంసార భక్షయన్తం మహాగ్రహమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౮౦ ॥
దుర్నిరీక్ష్యం స్థూలరోమం భీషణం దీర్ఘ-లోచనమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౮౧ ॥
గ్రహాణాం గ్రహభూతం చ సర్వగ్రహ-నివారణమ్ ।
మృత్యుఞ్జయం మహాకాలం నమస్యామి శనైశ్చరమ్ ॥ ౮౨ ॥
కాలస్య వశగాః సర్వే న కాలః కస్యచిద్వశః ।
తస్మాత్త్వాం కాలపురుషం ప్రణతోఽస్మి శనైశ్చరమ్ ॥ ౮౩ ॥
కాలదేవ జగత్సర్వం కాల ఏవ విలీయతే ।
కాలరుపం స్వయం శమ్భుః కాలాత్మా గ్రహదేవతా ॥ ౮౪ ॥
చణ్డీశో రుద్రడాకిన్యాక్రాన్తశ్చణ్డీశ ఉచ్యతే ।
విద్యుదాకలితో నద్యాం సమారుఢో రసాధిపః ॥ ౮౫ ॥
చణ్డీశః శుకసంయుక్తో జిహ్వయా లలితః పునః ।
క్షతజస్తామసీ శోభీ స్థిరాత్మా విద్యుతా యుతః ॥ ౮౬ ॥
నమోఽన్తో మనురిత్యేష శనితుష్టికరః శివే ।
ఆద్యన్తేఽష్టోత్తరశతం మనుమేనం జపేన్నరః ॥ ౮౭ ॥
యః పఠేచ్ఛ్రణుయాద్వాపి ధ్యాత్త్వా సమ్పూజ్య భక్తితః ।
త్రస్య మృత్యోర్భయం నైవ శతవర్షావధిప్రియే ! ॥ ౮౮ ॥
జ్వరాః సర్వే వినశ్యన్తి దద్రు-విస్ఫోటకచ్ఛుకాః ।
దివా సౌరిం స్మరేత్ రాత్రౌ మహాకాలం యజన్ పఠేత ॥ ౮౯ ॥
జన్మర్క్షే చ యదా సౌరిర్జపేదేతత్సహస్రకమ్ ।
వేధగే వామవేధే వా జపేదర్ద్ధసహస్రకమ్ ॥ ౯౦ ॥
ద్వితీయే ద్వాదశే మన్దే తనౌ వా చాష్టమేఽపి వా ।
తత్తద్రాశౌ భవేద్యావత్ పఠేత్తావద్దినావధి ॥ ౯౧ ॥
చతుర్థే దశమే వాఽపి సప్తమే నవపఞ్చమే ।
గోచరే జన్మలగ్నేశే దశాస్వన్తర్దశాసు చ ॥ ౯౨ ॥
గురులాఘవజ్ఞానేన పఠేదావృత్తిసఙ్ఖ్యయా ।
శతమేకం త్రయం వాథ శతయుగ్మం కదాచన ॥ ౯౩ ॥
ఆపదస్తస్య నశ్యన్తి పాపాని చ జయం భవేత్ ।
మహాకాలాలయే పీఠే హ్యథవా జలసన్నిధౌ ॥ ౯౪ ॥
పుణ్యక్షేత్రేఽశ్వత్థమూలే తైలకుమ్భాగ్రతో గృహే ।
నియమేనైకభక్తేన బ్రహ్మచర్యేణ మౌనినా ॥ ౯౫ ॥
శ్రోతవ్యం పఠితవ్యం చ సాధకానాం సుఖావహమ్ ।
పరం స్వస్త్యయనం పుణ్యం స్తోత్రం మృత్యుఞ్జయాభిధమ్ ॥ ౯౬ ॥
కాలక్రమేణ కథితం న్యాసక్రమ సమన్వితమ్ ।
ప్రాతఃకాలే శుచిర్భూత్వా పూజాయాం చ నిశాముఖే ॥ ౯౭ ॥
పఠతాం నైవ దుష్టేభ్యో వ్యాఘ్రసర్పాదితో భయమ్ ।
నాగ్నితో న జలాద్వాయోర్దేశే దేశాన్తరేఽథవా ॥ ౯౮ ॥
నాఽకాలే మరణం తేషాం నాఽపమృత్యుభయం భవేత్ ।
ఆయుర్వర్షశతం సాగ్రం భవన్తి చిరజీవినః ॥ ౯౯ ॥
నాఽతః పరతరం స్తోత్రం శనితుష్టికరం మహత్ ।
శాన్తికం శీఘ్రఫలదం స్తోత్రమేతన్మయోదితమ్ ॥ ౧౦౦ ॥
తస్మాత్సర్వప్రయత్నేన యదీచ్ఛేదాత్మనో హితమ్ ।
కథనీయం మహాదేవి ! నైవాభక్తస్య కస్యచిత్ ॥ ౧౦౧ ॥
॥ ఇతి మార్తణ్డభైరవతన్త్రే మహాకాలశనిమృత్యుఞ్జయస్తోత్రం సమ్పూర్ణమ్ ॥
