Shri Shankara Stotram 2 in Bengali:
॥ শ্রীশঙ্করস্তোত্রম্ ২ ॥
ওঁ কারবাচ্য সকলার্চিতপাদপদ্ম
ন ষ্টস্বকষ্ট তব নৌমি সুভদ্রসদ্ম ॥
ম ত্তারিহন্তৃচরণং শরণং সদাপ্তা-
স্তে ভূয় ঈশ জননীজঠরং ন চাপ্তাঃ ॥ ১ ॥
অ হং ৎবদর্চাবিধিং ন জানে
স্তু ত চ গিরিজাসূনু জানে ॥
ভ ক্তিস্ত্বয়ীশে ন দৃঢা মমাস্তি
গ রিষ্ঠসৎসঙ্গ উতাপি নাস্তি ॥ ২ ॥
বন দে পদে তে ভুবনাধিরাজ
বি দ্যাধিরাজাপ্যমৃতাধিরাজ ॥
শ্বে তদ্যুতে ভক্তপতে নমস্তে
শ্ব ভ্রাঝ্ঝটিত্যুদ্ধর মাং ভবাখ্যাৎ ॥ ৩ ॥
রা জাসুরাণাং ৎবমভীষ্টদাতা
য দ্যপ্যহো সিদ্ধনিধিপ্রদাতা ॥
ম হাশ্মশানে নৃকরোটিমালাং
হা র্দেন ধৃৎবা প্রকরোষি লীলাম্ ॥ ৪ ॥
দে বাঙ্গলেপনমুতাপি চিতাবিভূতির্
বা হো বৃষঃ সহচরাস্তব ভূতবারাঃ
য স্যাঙ্কুশং ৎবগশিবাপি শিবাপি তেঽস্তি
ত্রি ষ্বীশিতঃ পিতৃবনে সবনেঽপি বাসঃ ॥ ৫ ॥
যং তাখিলস্যেদৃশ ঈশ তেঽপি
ব লারিমুখ্যা অমরা হি তেঽপি
কা শীশ জানন্তি পরং ন তত্ত্বং
য স্যেশ মাং চানুগৃহাণ স ৎবম্ ॥ ৬ ॥
ত্রি বিক্রমোঽপ্যব্জভ্জভবশ্চ লিঙ্গং
পু রা পরিচ্ছেত্তুমনীশ্বরৌ তে ॥
রু দ্রেদৃশস্তে গুণবর্ণনায়
ষা ণ্মাতুরে ভাস্য গুরো প্রভুঃ কঃ ॥ ৭ ॥
য স্ত ঈশ পরিকীর্তয়েদ্গুণান্
ত্রি ষ্বপীহ সবনেষু ভক্তিমান্ ॥
পু ণ্যবানিহ ভবেত্তথা নরো
রাং কবাম্বরধরোঽপি নাপরঃ ॥ ৮ ॥
ত পো জপো যজ্ঞমুখা ক্রিয়া যা
কা চিৎপ্রমাদাদ্বিকলা যদি স্যাৎ ॥
য ন্নামসঙ্কীর্তনতঃ সুপূর্ণা
ত্রি দৃগ্ভবেত্ত্বাং তমজং গৃণামি ॥ ৯ ॥
কা লো মৃকণ্ডাত্মজমর্কচন্দ্রমোঽ-
গ্নি নেত্রং নেতুং সমুপাগতস্তদা ॥
কা লান্তকাগচ্ছশিবেত্যহো তদাঽঽ-
লা পশ্রুতেস্ত্বং তমু মুক্তবানসি ॥ ১০ ॥
য স্মৈ সকৃন্নমশ্চক্রে বাণরাবণ আসুরঃ ।
কা মপূর্তিস্তয়োরাসীৎসম্পদ্দেবশ্রিয়োঽধিকা ॥ ১১ ॥
লা ভোঽপরো নশ্বর এব কামোঽ-
গ্নি বদ্ঘৃতেনেশ ন কামভোগৈঃ ॥
রু দ্রোপ্রশাম্যত্যত এব দেহি
দ্রা ক্শান্তিদাং ৎবয়্যচলাং সুভক্তিম্ ॥ ১২ ॥
য ত্নং বিনা দুঃখমপৈতি যদ্বৎ
নী রাগমপ্যেতি সুখং চ তদ্বৎ ॥
ল ব্ধুং যতে তন্ন বৃণোমি চার্থং
কং চিত্ত্বয়ীশার্পয় ভক্তিমেকাম্ ॥ ১৩ ॥
ঠা যে বিদা তানপি ভক্তিয়োগো
য থানুগৃহ্ণাতি তথা পরো নো ॥
স র্বেঽপি যস্মাদিহ পাবনাঃ স্যু-
র্বে দাঃ প্রমাণং ৎবিহ সংশয়ো নো ॥ ১৪ ॥
শ্ব পাকমুখ্যা অপি যস্য ভক্ত্যা
রা জন্ত ঈশান তবৈব লোকে ॥
য জ্ঞেশ চণ্ডালসুতাপি যাতা
স তীং গতিং বিশ্রুতমেতদস্তি ॥ ১৫ ॥
দা রাত্মজাগারধনাদি সর্বং
শি বেহ সন্ন্যস্য সদা ভজন্তি ॥
বা মং পরং ৎবাং মুহুরত্র তে কিং
য মীশ মৃত্যূদ্ভবদুঃখভাজঃ ॥ ১৬ ॥
শ্রী কণ্ঠ সূর্যেন্দুপয়োনভোঽগ্নি-
ম রুদ্ধরাত্মান ইমাস্তনূস্তে ॥
হা লাহলাদানিশমানতোঽস্মি
দে বাধিদেবেশ্বর মে প্রসীদ ॥ ১৭ ॥
বা তাশনোপবীতো
য উ পঞ্চাস্যস্ত্রিলোচনো নগ্নঃ ॥
ন ন্দিগতো দশহস্তো
মঃ কেস্য স পাতু মুন্মগ্নঃ ॥ ১৮ ॥
ইতি শ্রীবাসুদেবানন্দসরস্বতীবিরচিতং শ্রীশঙ্করস্তোত্রং সম্পূর্ণম্ ।
Also Read:
Shri Shankara Stotram 2 Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
