శ్రీవేఙ్కటేశపఞ్చకస్తోత్రమ్ Lyrics in Telugu :
శ్రీధరాధినాయకం శ్రితాపవర్గదాయకం
శ్రీగిరీశమిత్రమమ్బుజేక్షణం విచక్షణమ్ ।
శ్రీనివాసమాదిదేవమక్షరం పరాత్పరం
నాగరాఙ్గిరీశ్వరం నమామి వేఙ్కటేశ్వరమ్ ॥ ౧॥
ఉపేన్ద్రమిన్దుశేఖరారవిన్దజామరేన్ద్ర
బృన్దారకాదిసేవ్యమానపాదపఙ్కజద్వయమ్ ।
చన్ద్రసూర్యలోచనం మహేన్ద్రనీలసన్నిభమ్
నాగరాఙ్గిరీశ్వరం నమామి వేఙ్కటేశ్వరమ్ ॥ ౨॥
నన్దగోపనన్దనం సనన్దనాదివన్దితం
కున్దకుట్మలాగ్రదన్తమిన్దిరామనోహరమ్ ।
నన్దకారవిన్దశఙ్ఖచక్రశార్ఙ్గసాధనం
నాగరాఙ్గిరీశ్వరం నమామి వేఙ్కటేశ్వరమ్ ॥ ౩॥
నాగరాజపాలనం భోగినాథశాయినం
నాగవైరిగామినం నగారిశత్రుసూదనమ్ ।
నాగభూషణార్చితం సుదర్శనాద్యుదాయుధం
నాగరాఙ్గిరీశ్వరం నమామి వేఙ్కటేశ్వరమ్ ॥ ౪॥
తారహీరక్షీరశార [తారహీరశార] దాభ్రతారకేశకీర్తి [సం]
విహార [హారహార] మాదిమధ్య్ [మ] ఆన్తశూన్యమవ్యయమ్ ।
తారకాసురాటవీకుఠారమద్వితీయకం
నాగరాఙ్గిరీశ్వరం నమామి వేఙ్కటేశ్వరమ్ ॥ ౫॥
॥ ఇతి శ్రీవేఙ్కటేశ్వరపఞ్చకస్తోత్రం సమ్పూర్ణమ్ ॥
॥ శ్రీవేఙ్కటేశ్వరార్పణమస్తు ॥
॥ శ్రీరస్తు ॥
