Skanda Upanishad in Gujarati:
॥ સ્કન્દોપનિષત્ ૫૧ ॥
યત્રાસંભવતાં યાતિ સ્વાતિરિક્તભિદાતતિઃ ।
સંવિન્માત્રં પરં બ્રહ્મ તત્સ્વમાત્રં વિજૃમ્ભતે ॥
ૐ સહ નાવવતુ । સહ નૌ ભુનક્તુ । સહ વીર્યં કરવાવહૈ ।
તેજસ્વિ નાવધીતમસ્તુ મા વિદ્વિષાવહૈ ॥
ૐ શાન્તિઃ શાન્તિઃ શાન્તિઃ ॥
અચ્યુતોઽસ્મિ મહાદેવ તવ કારુણ્યલેશતઃ ।
વિજ્ઞાનઘન એવાસ્મિ શિવોઽસ્મિ કિમતઃ પરમ્ ॥ ૧ ॥
ન નિજં નિજવદ્ભાતિ અન્તઃકરણજૃમ્ભણાત્ ।
અન્તઃકરણનાશેન સંવિન્માત્રસ્થિતો હરિઃ ॥ ૨ ॥
સંવિન્માત્રસ્થિતશ્ચાહમજોઽસ્મિ કિમતઃ પરમ્ ।
વ્યતિરિક્તં જડં સર્વં સ્વપ્નવચ્ચ વિનશ્યતિ ॥ ૩ ॥
ચિજ્જડાનાં તુ યો દ્રષ્ટા સોઽચ્યુતો જ્ઞાનવિગ્રહઃ ।
સ એવ હિ મહાદેવઃ સ એવ હિ મહાહરિઃ ॥ ૪ ॥
સ એવ હિ જ્યોતિષાં જ્યોતિઃ સ એવ પરમેશ્વરઃ ।
સ એવ હિ પરં બ્રહ્મ તદ્બ્રહ્માહં ન સંશયઃ ॥ ૫ ॥
જીવઃ શિવઃ શિવો જીવઃ સ જીવઃ કેવલઃ શિવઃ ।
તુષેણ બદ્ધો વ્રીહિઃ સ્યાત્તુષાભાવેન તણ્ડુલઃ ॥ ૬ ॥
એવં બદ્ધસ્તથા જીવઃ કર્મનાશે સદાશિવઃ ।
પાશબદ્ધસ્તથા જીવઃ પાશમુક્તઃ સદાશિવઃ ॥ ૭ ॥
શિવાય વિષ્ણુરૂપાય શિવરૂપાય વિષ્ણવે ।
શિવસ્ય હૃદયં વિષ્ણુઃ વિષ્ણોશ્ચ હૃદયં શિવઃ ॥ ૮ ॥
યથા શિવમયો વિષ્ણુરેવં વિષ્ણુમયઃ શિવઃ ।
યથાન્તરં ન પશ્યામિ તથા મે સ્વસ્તિરાયુષિ ॥ ૯ ॥
યથાન્તરં ન ભેદાઃ સ્યુઃ શિવકેશવયોસ્તથા ।
દેહો દેવાલયઃ પ્રોક્તઃ સ જીવઃ કેવલઃ શિવઃ ॥ ૧૦ ॥
ત્યજેદજ્ઞાનનિર્માલ્યં સોઽહંભાવેન પૂજયેત્ ।
અભેદદર્શનં જ્ઞાનં ધ્યાનં નિર્વિષયં મનઃ ।
સ્નાનં મનોમલત્યાગઃ શૌચમિન્દ્રિયનિગ્રહઃ ॥ ૧૧ ॥
બ્રહ્મામૃતં પિબેદ્ભૈક્ષ્યમાચરેદ્દેહરક્ષણે ।
વસેદેકાન્તિકો ભૂત્વા ચૈકાન્તે દ્વૈતવર્જિતે ।
ઇત્યેવમાચરેદ્ધીમાન્સ એવં મુક્તિમાપ્નુયાત્ ॥ ૧૨ ॥
શ્રીપરમધામ્ને સ્વસ્તિ ચિરાયુષ્યોન્નમ ઇતિ ।
વિરિઞ્ચિનારાયણશઙ્કરાત્મકં નૃસિંહ દેવેશ તવ
પ્રસાદતઃ ।
અચિન્ત્યમવ્યક્તમનન્તમવ્યયં વેદાત્મકં બ્રહ્મ નિજં વિજાનતે ॥ ૧૩ ॥
તદ્વિષ્ણોઃ પરમં પદં સદા પશ્યન્તિ સૂરયઃ ।
દિવીવ ચક્ષુરાતતમ્ ॥ ૧૪ ॥
તદ્વિપ્રાસો વિપન્યવો જાગૃવાંસઃ સમિન્ધતે । વિષ્ણોર્યત્પરમં
પદમ્ ।
ઇત્યેતન્નિર્વાણાનુશાસનમિતિ વેદાનુશાસનમિતિ
વેદાનુશાસનમિત્યુપનિષત્ ॥ ૧૫ ॥
॥ ઇતિ કૃષ્ણયજુર્વેદીય સ્કન્દોપનિષત્સમાપ્તા ॥
Also Read:
Skanda Upanishat Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
