Shiva Stotram

Skanda Upanishat Lyrics in Telugu

Skanda Upanishad in Telugu:

॥ స్కందోపనిషత్ 51 ॥
యత్రాసంభవతాం యాతి స్వాతిరిక్తభిదాతతిః ।
సంవిన్మాత్రం పరం బ్రహ్మ తత్స్వమాత్రం విజృంభతే ॥

ఓం సహ నావవతు । సహ నౌ భునక్తు । సహ వీర్యం కరవావహై ।
తేజస్వి నావధీతమస్తు మా విద్విషావహై ॥

ఓం శాంతిః శాంతిః శాంతిః ॥

అచ్యుతోఽస్మి మహాదేవ తవ కారుణ్యలేశతః ।
విజ్ఞానఘన ఏవాస్మి శివోఽస్మి కిమతః పరం ॥ 1 ॥

న నిజం నిజవద్భాతి అంతఃకరణజృంభణాత్ ।
అంతఃకరణనాశేన సంవిన్మాత్రస్థితో హరిః ॥ 2 ॥

సంవిన్మాత్రస్థితశ్చాహమజోఽస్మి కిమతః పరం ।
వ్యతిరిక్తం జడం సర్వం స్వప్నవచ్చ వినశ్యతి ॥ 3 ॥

చిజ్జడానాం తు యో ద్రష్టా సోఽచ్యుతో జ్ఞానవిగ్రహః ।
స ఏవ హి మహాదేవః స ఏవ హి మహాహరిః ॥ 4 ॥

స ఏవ హి జ్యోతిషాం జ్యోతిః స ఏవ పరమేశ్వరః ।
స ఏవ హి పరం బ్రహ్మ తద్బ్రహ్మాహం న సంశయః ॥ 5 ॥

జీవః శివః శివో జీవః స జీవః కేవలః శివః ।
తుషేణ బద్ధో వ్రీహిః స్యాత్తుషాభావేన తండులః ॥ 6 ॥

ఏవం బద్ధస్తథా జీవః కర్మనాశే సదాశివః ।
పాశబద్ధస్తథా జీవః పాశముక్తః సదాశివః ॥ 7 ॥

శివాయ విష్ణురూపాయ శివరూపాయ విష్ణవే ।
శివస్య హృదయం విష్ణుః విష్ణోశ్చ హృదయం శివః ॥ 8 ॥

యథా శివమయో విష్ణురేవం విష్ణుమయః శివః ।
యథాంతరం న పశ్యామి తథా మే స్వస్తిరాయుషి ॥ 9 ॥

యథాంతరం న భేదాః స్యుః శివకేశవయోస్తథా ।
దేహో దేవాలయః ప్రోక్తః స జీవః కేవలః శివః ॥ 10 ॥

త్యజేదజ్ఞాననిర్మాల్యం సోఽహంభావేన పూజయేత్ ।
అభేదదర్శనం జ్ఞానం ధ్యానం నిర్విషయం మనః ।
స్నానం మనోమలత్యాగః శౌచమింద్రియనిగ్రహః ॥ 11 ॥

బ్రహ్మామృతం పిబేద్భైక్ష్యమాచరేద్దేహరక్షణే ।
వసేదేకాంతికో భూత్వా చైకాంతే ద్వైతవర్జితే ।
ఇత్యేవమాచరేద్ధీమాన్స ఏవం ముక్తిమాప్నుయాత్ ॥ 12 ॥

శ్రీపరమధామ్నే స్వస్తి చిరాయుష్యోన్నమ ఇతి ।
విరించినారాయణశంకరాత్మకం నృసింహ దేవేశ తవ
ప్రసాదతః ।
అచింత్యమవ్యక్తమనంతమవ్యయం వేదాత్మకం బ్రహ్మ నిజం విజానతే ॥ 13 ॥

తద్విష్ణోః పరమం పదం సదా పశ్యంతి సూరయః ।
దివీవ చక్షురాతతం ॥ 14 ॥

తద్విప్రాసో విపన్యవో జాగృవాంసః సమింధతే । విష్ణోర్యత్పరమం
పదం ।
ఇత్యేతన్నిర్వాణానుశాసనమితి వేదానుశాసనమితి
వేదానుశాసనమిత్యుపనిషత్ ॥ 15 ॥

॥ ఇతి కృష్ణయజుర్వేదీయ స్కందోపనిషత్సమాప్తా ॥

Also Read:

Skanda Upanishat Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil