Templesinindiainfo

Best Spiritual Website

Skanda Upanishat Lyrics in Bengali

Skanda Upanishad in Bengali:

॥ স্কন্দোপনিষৎ ৫১ ॥
যত্রাসংভবতাং যাতি স্বাতিরিক্তভিদাততিঃ । ।
সংবিন্মাত্রং পরং ব্রহ্ম তৎস্বমাত্রং বিজৃম্ভতে ॥

ওঁ সহ নাববতু । সহ নৌ ভুনক্তু । সহ বীর্যং করবাবহৈ ।
তেজস্বি নাবধীতমস্তু মা বিদ্বিষাবহৈ ॥

ওঁ শান্তিঃ শান্তিঃ শান্তিঃ ॥

অচ্যুতোঽস্মি মহাদেব তব কারুণ্যলেশতঃ ।
বিজ্ঞানঘন এবাস্মি শিবোঽস্মি কিমতঃ পরম্ ॥ ১ ॥

ন নিজং নিজবদ্ভাতি অন্তঃকরণজৃম্ভণাৎ ।
অন্তঃকরণনাশেন সংবিন্মাত্রস্থিতো হরিঃ ॥ ২ ॥

সংবিন্মাত্রস্থিতশ্চাহমজোঽস্মি কিমতঃ পরম্ ।
ব্যতিরিক্তং জডং সর্বং স্বপ্নবচ্চ বিনশ্যতি ॥ ৩ ॥

চিজ্জডানাং তু যো দ্রষ্টা সোঽচ্যুতো জ্ঞানবিগ্রহঃ ।
স এব হি মহাদেবঃ স এব হি মহাহরিঃ ॥ ৪ ॥

স এব হি জ্যোতিষাং জ্যোতিঃ স এব পরমেশ্বরঃ ।
স এব হি পরং ব্রহ্ম তদ্ব্রহ্মাহং ন সংশয়ঃ ॥ ৫ ॥

জীবঃ শিবঃ শিবো জীবঃ স জীবঃ কেবলঃ শিবঃ ।
তুষেণ বদ্ধো ব্রীহিঃ স্যাত্তুষাভাবেন তণ্ডুলঃ ॥ ৬ ॥

এবং বদ্ধস্তথা জীবঃ কর্মনাশে সদাশিবঃ ।
পাশবদ্ধস্তথা জীবঃ পাশমুক্তঃ সদাশিবঃ ॥ ৭ ॥

শিবায় বিষ্ণুরূপায় শিবরূপায় বিষ্ণবে ।
শিবস্য হৃদয়ং বিষ্ণুঃ বিষ্ণোশ্চ হৃদয়ং শিবঃ ॥ ৮ ॥

যথা শিবময়ো বিষ্ণুরেবং বিষ্ণুময়ঃ শিবঃ ।
যথান্তরং ন পশ্যামি তথা মে স্বস্তিরায়ুষি ॥ ৯ ॥

যথান্তরং ন ভেদাঃ স্যুঃ শিবকেশবয়োস্তথা ।
দেহো দেবালয়ঃ প্রোক্তঃ স জীবঃ কেবলঃ শিবঃ ॥ ১০ ॥

ত্যজেদজ্ঞাননির্মাল্যং সোঽহংভাবেন পূজয়েৎ ।
অভেদদর্শনং জ্ঞানং ধ্যানং নির্বিষয়ং মনঃ ।
স্নানং মনোমলত্যাগঃ শৌচমিন্দ্রিয়নিগ্রহঃ ॥ ১১ ॥

ব্রহ্মামৃতং পিবেদ্ভৈক্ষ্যমাচরেদ্দেহরক্ষণে ।
বসেদেকান্তিকো ভূৎবা চৈকান্তে দ্বৈতবর্জিতে ।
ইত্যেবমাচরেদ্ধীমান্স এবং মুক্তিমাপ্নুয়াৎ ॥ ১২ ॥

শ্রীপরমধাম্নে স্বস্তি চিরায়ুষ্যোন্নম ইতি ।
বিরিঞ্চিনারায়ণশঙ্করাত্মকং নৃসিংহ দেবেশ তব
প্রসাদতঃ ।
অচিন্ত্যমব্যক্তমনন্তমব্যযং বেদাত্মকং ব্রহ্ম নিজং বিজানতে
॥ ১৩ ॥

তদ্বিষ্ণোঃ পরমং পদং সদা পশ্যন্তি সূরয়ঃ ।
দিবীব চক্ষুরাততম্ ॥ ১৪ ॥

তদ্বিপ্রাসো বিপন্যবো জাগৃবাংসঃ সমিন্ধতে । বিষ্ণোর্যৎপরমং
পদম্ ।
ইত্যেতন্নির্বাণানুশাসনমিতি বেদানুশাসনমিতি
বেদানুশাসনমিত্যুপনিষৎ ॥ ১৫ ॥

॥ ইতি কৃষ্ণয়জুর্বেদীয় স্কন্দোপনিষৎসমাপ্তা ॥

Also Read:

Skanda Upanishat Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil

Skanda Upanishat Lyrics in Bengali

Leave a Reply

Your email address will not be published. Required fields are marked *

Scroll to top