Shiva Stotram

Skanda Upanishat Lyrics in Malayalam

Skanda Upanishad in Malayalam:

॥ സ്കന്ദോപനിഷത് 51 ॥
യത്രാസംഭവതാം യാതി സ്വാതിരിക്തഭിദാതതിഃ ।
സംവിന്മാത്രം പരം ബ്രഹ്മ തത്സ്വമാത്രം വിജൃംഭതേ ॥

ഓം സഹ നാവവതു । സഹ നൗ ഭുനക്തു । സഹ വീര്യം കരവാവഹൈ ।
തേജസ്വി നാവധീതമസ്തു മാ വിദ്വിഷാവഹൈ ॥

ഓം ശാന്തിഃ ശാന്തിഃ ശാന്തിഃ ॥

അച്യുതോഽസ്മി മഹാദേവ തവ കാരുണ്യലേശതഃ ।
വിജ്ഞാനഘന ഏവാസ്മി ശിവോഽസ്മി കിമതഃ പരം ॥ 1 ॥

ന നിജം നിജവദ്ഭാതി അന്തഃകരണജൃംഭണാത് ।
അന്തഃകരണനാശേന സംവിന്മാത്രസ്ഥിതോ ഹരിഃ ॥ 2 ॥

സംവിന്മാത്രസ്ഥിതശ്ചാഹമജോഽസ്മി കിമതഃ പരം ।
വ്യതിരിക്തം ജഡം സർവം സ്വപ്നവച്ച വിനശ്യതി ॥ 3 ॥

ചിജ്ജഡാനാം തു യോ ദ്രഷ്ടാ സോഽച്യുതോ ജ്ഞാനവിഗ്രഹഃ ।
സ ഏവ ഹി മഹാദേവഃ സ ഏവ ഹി മഹാഹരിഃ ॥ 4 ॥

സ ഏവ ഹി ജ്യോതിഷാം ജ്യോതിഃ സ ഏവ പരമേശ്വരഃ ।
സ ഏവ ഹി പരം ബ്രഹ്മ തദ്ബ്രഹ്മാഹം ന സംശയഃ ॥ 5 ॥

ജീവഃ ശിവഃ ശിവോ ജീവഃ സ ജീവഃ കേവലഃ ശിവഃ ।
തുഷേണ ബദ്ധോ വ്രീഹിഃ സ്യാത്തുഷാഭാവേന തണ്ഡുലഃ ॥ 6 ॥

ഏവം ബദ്ധസ്തഥാ ജീവഃ കർമനാശേ സദാശിവഃ ।
പാശബദ്ധസ്തഥാ ജീവഃ പാശമുക്തഃ സദാശിവഃ ॥ 7 ॥

ശിവായ വിഷ്ണുരൂപായ ശിവരൂപായ വിഷ്ണവേ ।
ശിവസ്യ ഹൃദയം വിഷ്ണുഃ വിഷ്ണോശ്ച ഹൃദയം ശിവഃ ॥ 8 ॥

യഥാ ശിവമയോ വിഷ്ണുരേവം വിഷ്ണുമയഃ ശിവഃ ।
യഥാന്തരം ന പശ്യാമി തഥാ മേ സ്വസ്തിരായുഷി ॥ 9 ॥

യഥാന്തരം ന ഭേദാഃ സ്യുഃ ശിവകേശവയോസ്തഥാ ।
ദേഹോ ദേവാലയഃ പ്രോക്തഃ സ ജീവഃ കേവലഃ ശിവഃ ॥ 10 ॥

ത്യജേദജ്ഞാനനിർമാല്യം സോഽഹംഭാവേന പൂജയേത് ।
അഭേദദർശനം ജ്ഞാനം ധ്യാനം നിർവിഷയം മനഃ ।
സ്നാനം മനോമലത്യാഗഃ ശൗചമിന്ദ്രിയനിഗ്രഹഃ ॥ 11 ॥

ബ്രഹ്മാമൃതം പിബേദ്ഭൈക്ഷ്യമാചരേദ്ദേഹരക്ഷണേ ।
വസേദേകാന്തികോ ഭൂത്വാ ചൈകാന്തേ ദ്വൈതവർജിതേ ।
ഇത്യേവമാചരേദ്ധീമാൻസ ഏവം മുക്തിമാപ്നുയാത് ॥ 12 ॥

ശ്രീപരമധാമ്നേ സ്വസ്തി ചിരായുഷ്യോന്നമ ഇതി ।
വിരിഞ്ചിനാരായണശങ്കരാത്മകം നൃസിംഹ ദേവേശ തവ
പ്രസാദതഃ ।
അചിന്ത്യമവ്യക്തമനന്തമവ്യയം വേദാത്മകം ബ്രഹ്മ നിജം വിജാനതേ ॥ 13 ॥

തദ്വിഷ്ണോഃ പരമം പദം സദാ പശ്യന്തി സൂരയഃ ।
ദിവീവ ചക്ഷുരാതതം ॥ 14 ॥

തദ്വിപ്രാസോ വിപന്യവോ ജാഗൃവാംസഃ സമിന്ധതേ । വിഷ്ണോര്യത്പരമം
പദം ।
ഇത്യേതന്നിർവാണാനുശാസനമിതി വേദാനുശാസനമിതി
വേദാനുശാസനമിത്യുപനിഷത് ॥ 15 ॥

॥ ഇതി കൃഷ്ണയജുർവേദീയ സ്കന്ദോപനിഷത്സമാപ്താ ॥

Also Read:

Skanda Upanishat Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil

Add Comment

Click here to post a comment