Shiva Stotram

Skanda Upanishat Lyrics in Kannada

Skanda Upanishad in Kannada:

॥ ಸ್ಕಂದೋಪನಿಷತ್ 51 ॥
ಯತ್ರಾಸಂಭವತಾಂ ಯಾತಿ ಸ್ವಾತಿರಿಕ್ತಭಿದಾತತಿಃ ।
ಸಂವಿನ್ಮಾತ್ರಂ ಪರಂ ಬ್ರಹ್ಮ ತತ್ಸ್ವಮಾತ್ರಂ ವಿಜೃಂಭತೇ ॥

ಓಂ ಸಹ ನಾವವತು । ಸಹ ನೌ ಭುನಕ್ತು । ಸಹ ವೀರ್ಯಂ ಕರವಾವಹೈ ।
ತೇಜಸ್ವಿ ನಾವಧೀತಮಸ್ತು ಮಾ ವಿದ್ವಿಷಾವಹೈ ॥

ಓಂ ಶಾಂತಿಃ ಶಾಂತಿಃ ಶಾಂತಿಃ ॥

ಅಚ್ಯುತೋಽಸ್ಮಿ ಮಹಾದೇವ ತವ ಕಾರುಣ್ಯಲೇಶತಃ ।
ವಿಜ್ಞಾನಘನ ಏವಾಸ್ಮಿ ಶಿವೋಽಸ್ಮಿ ಕಿಮತಃ ಪರಂ ॥ 1 ॥

ನ ನಿಜಂ ನಿಜವದ್ಭಾತಿ ಅಂತಃಕರಣಜೃಂಭಣಾತ್ ।
ಅಂತಃಕರಣನಾಶೇನ ಸಂವಿನ್ಮಾತ್ರಸ್ಥಿತೋ ಹರಿಃ ॥ 2 ॥

ಸಂವಿನ್ಮಾತ್ರಸ್ಥಿತಶ್ಚಾಹಮಜೋಽಸ್ಮಿ ಕಿಮತಃ ಪರಂ ।
ವ್ಯತಿರಿಕ್ತಂ ಜಡಂ ಸರ್ವಂ ಸ್ವಪ್ನವಚ್ಚ ವಿನಶ್ಯತಿ ॥ 3 ॥

ಚಿಜ್ಜಡಾನಾಂ ತು ಯೋ ದ್ರಷ್ಟಾ ಸೋಽಚ್ಯುತೋ ಜ್ಞಾನವಿಗ್ರಹಃ ।
ಸ ಏವ ಹಿ ಮಹಾದೇವಃ ಸ ಏವ ಹಿ ಮಹಾಹರಿಃ ॥ 4 ॥

ಸ ಏವ ಹಿ ಜ್ಯೋತಿಷಾಂ ಜ್ಯೋತಿಃ ಸ ಏವ ಪರಮೇಶ್ವರಃ ।
ಸ ಏವ ಹಿ ಪರಂ ಬ್ರಹ್ಮ ತದ್ಬ್ರಹ್ಮಾಹಂ ನ ಸಂಶಯಃ ॥ 5 ॥

ಜೀವಃ ಶಿವಃ ಶಿವೋ ಜೀವಃ ಸ ಜೀವಃ ಕೇವಲಃ ಶಿವಃ ।
ತುಷೇಣ ಬದ್ಧೋ ವ್ರೀಹಿಃ ಸ್ಯಾತ್ತುಷಾಭಾವೇನ ತಂಡುಲಃ ॥ 6 ॥

ಏವಂ ಬದ್ಧಸ್ತಥಾ ಜೀವಃ ಕರ್ಮನಾಶೇ ಸದಾಶಿವಃ ।
ಪಾಶಬದ್ಧಸ್ತಥಾ ಜೀವಃ ಪಾಶಮುಕ್ತಃ ಸದಾಶಿವಃ ॥ 7 ॥

ಶಿವಾಯ ವಿಷ್ಣುರೂಪಾಯ ಶಿವರೂಪಾಯ ವಿಷ್ಣವೇ ।
ಶಿವಸ್ಯ ಹೃದಯಂ ವಿಷ್ಣುಃ ವಿಷ್ಣೋಶ್ಚ ಹೃದಯಂ ಶಿವಃ ॥ 8 ॥

ಯಥಾ ಶಿವಮಯೋ ವಿಷ್ಣುರೇವಂ ವಿಷ್ಣುಮಯಃ ಶಿವಃ ।
ಯಥಾಂತರಂ ನ ಪಶ್ಯಾಮಿ ತಥಾ ಮೇ ಸ್ವಸ್ತಿರಾಯುಷಿ ॥ 9 ॥

ಯಥಾಂತರಂ ನ ಭೇದಾಃ ಸ್ಯುಃ ಶಿವಕೇಶವಯೋಸ್ತಥಾ ।
ದೇಹೋ ದೇವಾಲಯಃ ಪ್ರೋಕ್ತಃ ಸ ಜೀವಃ ಕೇವಲಃ ಶಿವಃ ॥ 10 ॥

ತ್ಯಜೇದಜ್ಞಾನನಿರ್ಮಾಲ್ಯಂ ಸೋಽಹಂಭಾವೇನ ಪೂಜಯೇತ್ ।
ಅಭೇದದರ್ಶನಂ ಜ್ಞಾನಂ ಧ್ಯಾನಂ ನಿರ್ವಿಷಯಂ ಮನಃ ।
ಸ್ನಾನಂ ಮನೋಮಲತ್ಯಾಗಃ ಶೌಚಮಿಂದ್ರಿಯನಿಗ್ರಹಃ ॥ 11 ॥

ಬ್ರಹ್ಮಾಮೃತಂ ಪಿಬೇದ್ಭೈಕ್ಷ್ಯಮಾಚರೇದ್ದೇಹರಕ್ಷಣೇ ।
ವಸೇದೇಕಾಂತಿಕೋ ಭೂತ್ವಾ ಚೈಕಾಂತೇ ದ್ವೈತವರ್ಜಿತೇ ।
ಇತ್ಯೇವಮಾಚರೇದ್ಧೀಮಾನ್ಸ ಏವಂ ಮುಕ್ತಿಮಾಪ್ನುಯಾತ್ ॥ 12 ॥

ಶ್ರೀಪರಮಧಾಮ್ನೇ ಸ್ವಸ್ತಿ ಚಿರಾಯುಷ್ಯೋನ್ನಮ ಇತಿ ।
ವಿರಿಂಚಿನಾರಾಯಣಶಂಕರಾತ್ಮಕಂ ನೃಸಿಂಹ ದೇವೇಶ ತವ
ಪ್ರಸಾದತಃ ।
ಅಚಿಂತ್ಯಮವ್ಯಕ್ತಮನಂತಮವ್ಯಯಂ ವೇದಾತ್ಮಕಂ ಬ್ರಹ್ಮ ನಿಜಂ ವಿಜಾನತೇ ॥ 13 ॥

ತದ್ವಿಷ್ಣೋಃ ಪರಮಂ ಪದಂ ಸದಾ ಪಶ್ಯಂತಿ ಸೂರಯಃ ।
ದಿವೀವ ಚಕ್ಷುರಾತತಂ ॥ 14 ॥

ತದ್ವಿಪ್ರಾಸೋ ವಿಪನ್ಯವೋ ಜಾಗೃವಾಂಸಃ ಸಮಿಂಧತೇ । ವಿಷ್ಣೋರ್ಯತ್ಪರಮಂ
ಪದಂ ।
ಇತ್ಯೇತನ್ನಿರ್ವಾಣಾನುಶಾಸನಮಿತಿ ವೇದಾನುಶಾಸನಮಿತಿ
ವೇದಾನುಶಾಸನಮಿತ್ಯುಪನಿಷತ್ ॥ 15 ॥

॥ ಇತಿ ಕೃಷ್ಣಯಜುರ್ವೇದೀಯ ಸ್ಕಂದೋಪನಿಷತ್ಸಮಾಪ್ತಾ ॥

Also Read:

Skanda Upanishat Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil

Add Comment

Click here to post a comment