Sri Lalitha Stavaraja Stotram in English:
॥ śrī lalitā stavarājaḥ ॥
dēvā ūcuḥ |
jaya dēvi jaganmātarjaya dēvi parātparē |
jaya kalyāṇanilayē jaya kāmakalātmikē || 1 ||
jayakāri ca vāmākṣi jaya kāmākṣi sundari |
jayākhilasurārādhyē jaya kāmēśi mānadē || 2 ||
jaya brahmamayē dēvi brahmātmakarasātmikē |
jaya nārāyaṇi parē nanditāśēṣaviṣṭapē || 3 ||
jaya śrīkaṇṭhadayitē jaya śrīlalitē:’ṁbikē |
jaya śrīvijayē dēvi vijaya śrīsamr̥ddhidē || 4 ||
jātasya jāyamānasya iṣṭāpūrtasya hētavē |
namastasyai trijagatāṁ pālayitryai parātparē || 5 ||
kalāmuhūrtakāṣṭhāharmāsartuśaradātmanē |
namaḥ sahasraśīrṣāyai sahasramukhalōcanē || 6 ||
namaḥ sahasrahastābjapādapaṅkajaśōbhitē |
aṇōraṇutarē dēvi mahatō:’pi mahīyasi || 7 ||
parātparatarē mātastējastējīyasāmapi |
atalaṁ tu bhavētpādau vitalaṁ jānunī tava || 8 ||
rasātalaṁ kaṭīdēśaḥ kukṣistē dharaṇī bhavēt |
hr̥dayaṁ tu bhuvarlōkaḥ svastē mukhamudāhr̥tam || 9 ||
dr̥śaścandrārkadahanā diśastē bāhavō:’ṁbikē |
marutastu tavōcchvāsā vācastē śrutayō:’khilāḥ || 10 ||
krīḍā tē lōkaracanā sakhā tē cinmayaḥ śivaḥ |
āhārastē sadānandō vāsastē hr̥dayē satām || 11 ||
dr̥śyādr̥śyasvarūpāṇi rūpāṇi bhuvanāni tē |
śirōruhā ghanāstē tu tārakāḥ kusumāni tē || 12 ||
dharmādyā bāhavastē syuradharmādyāyudhāni tē |
yamāśca niyamāścaiva karapādaruhāstathā || 13 ||
stanau svāhāsvadhā:’:’karau lōkōjjīvanakārakau |
prāṇāyāmastu tē nāsā rasanā tē sarasvatī || 14 ||
pratyāhārastvindriyāṇi dhyānaṁ tē dhīstu sattamā |
manastē dhāraṇāśaktirhr̥dayaṁ tē samādhikaḥ || 15 ||
mahīruhāstē:’ṅgaruhāḥ prabhātaṁ vasanaṁ tava |
bhūtaṁ bhavyaṁ bhaviṣyacca nityaṁ ca tava vigrahaḥ || 16 ||
yajñarūpā jagaddhātrī viśvarūpā ca pāvanī |
ādau yā tu dayābhūtā sasarja nikhilāḥ prajāḥ || 17 ||
hr̥dayasthāpi lōkānāmadr̥śyā mōhanātmikā || 18 ||
nāmarūpavibhāgaṁ ca yā karōti svalīlayā |
tānyadhiṣṭhāya tiṣṭhantī tēṣvasaktārthakāmadā |
namastasyai mahādēvyai sarvaśaktyai namōnamaḥ || 19 ||
yadājñayā pravartantē vahnisūryēndumārutāḥ |
pr̥thivyādīni bhūtāni tasyai dēvyai namōnamaḥ || 20 ||
yā sasarjādidhātāraṁ sargādāvādibhūridam |
dadhāra svayamēvaikā tasyai dēvyai namōnamaḥ || 21 ||
yathā dhr̥tā tu dharaṇī yayā:’:’kāśamamēyayā |
yasyāmudēti savitā tasyai dēvyai namōnamaḥ || 22 ||
yatrōdēti jagatkr̥tsnaṁ yatra tiṣṭhati nirbharam |
yatrāntamēti kālē tu tasyai dēvyai namōnamaḥ || 23 ||
namōnamastē rajasē bhavāyai
namōnamaḥ sāttvikasaṁsthitāyai |
namōnamastē tamasē harāyai
namōnamō nirguṇataḥ śivāyai || 24 ||
namōnamastē jagadēkamātrē
namōnamastē jagadēkapitrē |
namōnamastē:’khilarūpatantrē
namōnamastē:’khilayantrarūpē || 25 ||
namōnamō lōkagurupradhānē
namōnamastē:’khilavāgvibhūtyai |
namō:’stu lakṣmyai jagadēkatuṣṭyai
namōnamaḥ śāṁbhavi sarvaśaktyai || 26 ||
anādimadhyāntamapāñcabhautikaṁ
hyavāṅmanōgamyamatarkyavaibhavam |
arūpamadvandvamadr̥ṣṭagōcaraṁ
prabhāvamagryaṁ kathamaṁba varṇayē || 27 ||
prasīda viśvēśvari viśvavanditē
prasīda vidyēśvari vēdarūpiṇi |
prasīda māyāmayi mantrāvigrahē
prasīda sarvēśvari sarvarūpiṇi || 28 ||
iti stutvā mahādēvīṁ dēvāḥ sarvē savāsavāḥ |
bhūyō bhūyō namaskr̥tya śaraṇaṁ jagmurañjasā || 29 ||
tataḥ prasannā sā dēvī praṇataṁ vīkṣya vāsavam |
varēṇa cchandayāmāsa varadākhiladēhinām || 30 ||
indra uvāca |
yadi tuṣṭāsi kalyāṇi varaṁ daityēndrapīḍitāḥ |
durdharaṁ jīvitaṁ dēhi tvāṁ gatāḥ śaraṇārthinaḥ || 31 ||
śrīdēvyuvāca |
ahamēva vinirjitya bhaṇḍaṁ daityakulōdbhavam |
acirāttava dāsyāmi trailōkyaṁ sacarācaram || 32 ||
nirbhayā muditāḥ santu sarvē dēvagaṇāstathā |
yē stōṣyanti ca māṁ bhaktyā stavēnānēna mānavāḥ || 33 ||
bhājanaṁ tē bhaviṣyanti dharmaśrīyaśasāṁ sadā |
vidyāvinayasampannā nīrōgā dīrghajīvinaḥ || 34 ||
putramitrakalatrāḍhyā bhavantu madanugrahāt |
iti labdhavarā dēvā dēvēndrō:’pi mahābalaḥ || 35 ||
āmōdaṁ paramaṁ jagmustāṁ vilōkya muhurmuhuḥ || 36 ||
iti śrībrahmāṇḍamahāpurāṇē uttarabhāgē hayagrīvāgastyasaṁvādē lalitōpākhyānē lalitāstavarājō nāma trayōdaśō:’dhyāyaḥ ||
Also Read:
Sri Lalitha Stavaraja Stotram Lyrics in English | Hindi | Kannada | Telugu | Tamil