Templesinindiainfo

Best Spiritual Website

Sri Narayana Ashtottara Shatanama Stotram Lyrics in Telugu | Sri Vishnu Slokam

Narayana Ashtottarashatanama Stotram Lyrics in Telugu:

॥ నారాయణాష్టోత్తరశతనామస్తోత్రమ్ ॥

శ్రీగణేశాయ నమః ।
నారాయణాయ సురమణ్డనమణ్డనాయ నారాయణాయ సకలస్థితికారణాయ ।
నారాయణాయ భవభీతినివారణాయ నారాయణాయ ప్రభవాయ నమో నమస్తే ॥ ౧ ॥

నారాయణాయ శతచన్ద్రనిభాననాయ నారాయణాయ మణికుణ్డలధారణాయ ।
నారాయణాయ నిజభక్తపరాయణాయ నారాయణాయ సుభగాయ నమో నమస్తే ॥ ౨ ॥

నారాయణాయ సురలోకప్రపోషకాయ నారాయణాయ ఖలదుష్టవినాశకాయ ।
నారాయణాయ దితిపుత్రవిమర్దనాయ నారాయణాయ సులభాయ నమో నమస్తే ॥ ౩ ॥

నారాయణాయ రవిమణ్డలసంస్థితాయ నారాయణాయ పరమార్థప్రదర్శనాయ ।
నారాయణాయ అతులాయ అతీన్ద్రియాయ నారాయణాయ విరజాయ నమో నమస్తే ॥ ౪ ॥

నారాయణాయ రమణాయ రమావరాయ నారాయణాయ రసికాయ రసోత్సుకాయ ।
నారాయణాయ రజోవర్జితనిర్మలాయ నారాయణాయ వరదాయ నమో నమస్తే ॥ ౫ ॥

నారాయణాయ వరదాయ మురోత్తమాయ నారాయణాయ అఖిలాన్తరసంస్థితాయ ।
నారాయణాయ భయశోకవివర్జితాయ నారాయణాయ ప్రబలాయ నమో నమస్తే ॥ ౬ ॥

నారాయణాయ నిగమాయ నిరఞ్జనాయ నారాయణాయ చ హరాయ నరోత్తమాయ ।
నారాయణాయ కటిసూత్రవిభూషణాయ నారాయణాయ హరయే మహతే నమస్తే ॥ ౭ ॥

వారాయణాయ కటకాఙ్గదభూషణాయ నారాయణాయ మణికౌస్తుభశోభనాయ ।
నారాయణాయ తులమౌక్తికభూషణాయ నారాయణాయ చ యమాయ నమో నమస్తే ॥ ౮ ॥

నారాయణాయ రవికోటిప్రతాపనాయ నారాయణాయ శశికోటిసుశీతలాయ ।
నారాయణాయ యమకోటిదురాసదాయ నారాయణాయ కరుణాయ నమో నమస్తే ॥ ౯ ॥

నారాయణాయ ముకుటోజ్జ్వలసోజ్జ్వలాయ నారాయణాయ మణినూపురభూషణాయ ।
నారాయణాయ జ్వలితాగ్నిశిఖప్రభాయ నారాయణాయ హరయే గురవే నమస్తే ॥ ౧౦ ॥

నారాయణాయ దశకణ్ఠవిమర్దనాయ నారాయణాయ వినతాత్మజవాహనాయ ।
నారాయణాయ మణికౌస్తుభభూషణాయ నారాయణాయ పరమాయ నమో నమస్తే ॥ ౧౧ ॥

నారాయణాయ విదురాయ చ మాధవాయ నారాయణాయ కమఠాయ మహీధరాయ ।
నారాయణాయ ఉరగాధిపమఞ్చకాయ నారాయణాయ విరజాపతయే నమస్తే ॥ ౧౨ ॥

నారాయణాయ రవికోటిసమామ్బరాయ నారాయణాయ చ హరాయ మనోహరాయ ।
నారాయణాయ నిజధర్మప్రతిష్ఠితాయ నారాయణాయ చ మఖాయ నమో నమస్తే ॥ ౧౩ ॥

నారాయణాయ భవరోగరసాయనాయ నారాయణాయ శివచాపప్రతోటనాయ ।
నారాయణాయ నిజవానరజీవనాయ నారాయణాయ సుభుజాయ నమో నమస్తే ॥ ౧౪ ॥

నారాయణాయ సురథాయ సుహృచ్ఛ్రితాయ నారాయణాయ కుశలాయ ధురన్ధరాయ ।
నారాయణాయ గజపాశవిమోక్షణాయ నారాయణాయ జనకాయ నమో నమస్తే ॥ ౧౫ ॥

నారాయణాయ నిజభృత్యప్రపోషకాయ నారాయణాయ శరణాగతపఞ్జరాయ ।
నారాయణాయ పురుషాయ పురాతనాయ నారాయణాయ సుపథాయ నమో నమస్తే ॥ ౧౬ ॥

నారాయణాయ మణిస్వాసనసంస్థితాయ నారాయణాయ శతవీర్యశతాననాయ ।
నారాయణాయ పవనాయ చ కేశవాయ నారాయణాయ రవిభాయ నమో నమస్తే ॥ ౧౭ ॥

శ్రియఃపతిర్యజ్ఞపతిః ప్రజాపతిర్ధియామ్పతిర్లోకపతిర్ధరాపతిః ।
పతిర్గతిశ్చాన్ధకవృష్ణిసాత్త్వతాం ప్రసీదతాం మే భగవాన్ సతామ్పతిః ॥ ౧౮ ॥

త్రిభువనకమనం తమాలవర్ణం రవికరగౌరవరామ్బరం దధానే ।
వపురలకకులావృతాననాబ్జం విజయసఖే రతిరస్తు మేఽనవద్యా ॥ ౧౯ ॥

అష్టోత్తరాధికశతాని సుకోమలాని నామాని యే సుకృతినః సతతం స్మరన్తి ।
తేఽనేకజన్మకృతపాపచయాద్విముక్తా నారాయణేఽవ్యవహితాం గతిమాప్నువన్తి ॥ ౨౦ ॥

ఇతి నారాయణాష్టోత్తరశతనామస్తోత్రం సమ్పూర్ణమ్ ॥

Also Read:

Sri Narayana Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Sri Narayana Ashtottara Shatanama Stotram Lyrics in Telugu | Sri Vishnu Slokam

Leave a Reply

Your email address will not be published. Required fields are marked *

Scroll to top