Vishnudevashtakam Lyrics in Malayalam:
വിഷ്ണുദേവാഷ്ടകം
ശ്രിയാ ജുഷ്ടം തുഷ്ടം ശ്രുതിശതനുതം ശ്രീമധുരിപും
പുരാണം പ്രത്യഞ്ചം പരമസഹിതം ശേഷശയനേ ।
ശയാനം യം ധ്യാത്വാ ജഹതി മുനയഃ സര്‍വവിഷയാ-
സ്തമീശം സദ്രൂപം പരമപുരുഷം നൌമി സതതം ॥ 1॥
ഗുണാതീതോ ഗീതോ ദഹന ഇവ ദീപ്തോ രിപുവനേ
നിരീഹോ നിഷ്കായഃ പരമഗുണപൂഗൈഃ പരിവൃതഃ ।
സദാ സേവ്യോ വന്ദ്യോഽമരസമുദയൈര്യോ മുനിഗണൈ-
സ്തമീശം സദ്രൂപം പരമപുരുഷം നൌമി സന്തതം ॥ 2॥
വിഭോ! ത്വം സംസാരസ്ഥിത-സകലജന്തൂനവസി യത്-
ത്രയാണാം രക്ഷായൈ നനു വരദ പദ്മേശ ജഗതാം ।
ദദൌ ചക്രം തസ്മാത്പരമദയയാ തേ പശുപതി-
സ്തതഃ ശാസ്ത്രം “വിശ്വംഭര”ഇതി പദേന പ്രഗിരതി ॥ 3॥
സദാ വിഷ്ണോ ! ദീനേ സകലബലഹീനേ യദുപതേ
ഹതാശേ സര്‍വാത്മന്‍ മയി കുരു കൃപാം ത്വം മുരരിപോ ।
യതോഽഹം സംസാരേ തവ ച രണസേവാ-വിരഹിതോ
ന മേ സൌഖ്യം ചേത്സ്യാദ് ഭവതി വിതഥം ശ്രീശ ! സകലം ॥ 4॥
യദീത്ഥം ത്വം ബ്രൂയാ ഭജനനിപുണാന്‍ യാമി സതതം
പ്രഭോ ഭക്താ ഭക്ത്യാ സകലസുഖഭാജോ ന കൃപയാ ।
വദ പ്രോത്തുങ്ഗാ യാ തവ ഖലു കൃപാ കുത്ര ഘടതേ
കഥം വാ ഭോ സ്വാമിന്‍ ! പതിതമനുജോദ്ധാരക ഇതി ॥ 5॥
മയാ ശാസ്ത്രേ ദൃഷ്ടം ഗുരുജനമുഖാദ് വാ ശ്രുതമിദം
കൃപാ വിഷ്ണോര്‍വന്ദ്യാ പതിതമനുജോദ്ധാരനിപുണാ ।
അതസ്ത്വാം സമ്പ്രാപ്തഃ ശരണദ ! ശരണ്യം കരുണയാ
ശ്രിയാ ഹീനം ദീനം മധുമഥന ! മാം പാലയ വിഭോ ॥ 6॥
ന ചേല്ലക്ഷ്മീജാനേ സകലഹിതകൃച്ഛാസ്ത്രനിചയോ
മൃഷാരൂപം ധത്തേ ഭവതി ഭവതോ ഹാനിരതുലാ ।
തവാഽസ്തിത്വം ശാസ്ത്രന്നഹി ഭവതി ശാസ്ത്രം യദി മൃഷാ
വിചാരോഽയം ചിത്തേ മമ ഭവപതേ ശ്രീധര ഹരേ ॥ 7॥
ന തേ സ്വാമിന്‍ വിഷ്ണോ കുരു മയി കൃപാം കൈടഭരിപോ
സ്വകീയം വാഽസ്തിത്ത്വം ജഹി ജഗതി കാരുണ്യജലധേ ।
ദ്വയോര്‍മധ്യേ ഹ്യേകം ഭവതി കരണീയം തവ വിഭോ
കഥാഃ സര്‍വാഃ സര്‍വാശ്രയ തവ പുരസ്കൃത്യ വിരതഃ ॥ 8॥
വിഷ്ണുദേവാഷ്ടകം സ്തോത്രം യഃ പഠേദ് ഭക്തിതോ നരഃ ।
സര്‍വാന്‍ കാമാനവാപ്നോതി ലക്ഷ്മീജാനേഃ പ്രസാദതഃ ॥ 9॥
ഇതി ജഗദ്ഗുരു-ശങ്കരാചാര്യസ്വാമിശ്രീശാന്താനന്ദസരസ്വതീശിഷ്യ-
സ്വാമീശ്രീമദനന്താനന്ദസരസ്വതീവിരചിതം വിഷ്ണുദേവാഷ്ടകം സമാപ്തം ।
