Tattvaryastavam Hymn on Lord Nataraja at Chidambaram in Bengali:
॥ তত্ত্বার্যাস্তবঃ ॥
শিবকামসুন্দরীশং শিবগঙ্গাতীরকল্পিতনিবেশম্ ।
শিবমাশ্রয়ে দ্যুকেশং শিবমিচ্ছন্মা বপুষ্যভিনিবেশম্ ॥ ১ ॥
গীর্বাণচক্রবর্তী গীশ্চেতোমার্গদূরতোবর্তী ।
ভক্তাশয়ানুবর্তী ভবতু নটেশোঽখিলাময়নিবর্তী ॥ ২ ॥
বৈয়াঘ্রপাদভাগ্যং বৈয়াঘ্রং চর্ম কংচন বসানম্ ।
বৈয়াকরণফণীড্যং বৈয়াসিক্যা গিরা স্তুতং প্রণুমঃ ॥ ৩ ॥
হাটকসভানিবাসঃ শাটকতাপন্নসকলহরিদন্তঃ ।
ঘোটকনিগমো মায়ানাটকসাক্ষী জগৎপতির্জয়তি ॥ ৪ ॥
শৈলূষরাজমাদ্যং মালূরপ্রসবমালিকাভরণম্ ।
পীলূপমোঽন্ধুজীর্যচ্ছালূরাভঃ কথং বিজানীয়াম্ ॥ ৫ ॥
কনকসভৈকনিকেতং কঠিনপুরাণোক্তিসারসংকেতম্ ।
নারাধয়ন্তি কে তং নারায়ণ্যা যুতং স্বতোকেতম্ ॥ ৬ ॥
তিল্লবনে ক্ষুল্লবনে পল্লবসংভিন্নফুল্লপুষ্পঘনে ।
চিল্লহরীমুল্ললয়ন্ বল্লভয়া ভিল্লতল্লজো নটতি ॥ ৭ ॥
বৈরাজহৃৎসরোজে বৈরাজাদ্যৈঃ স সামভিঃ স্তব্যঃ ।
বৈরাগ্যাদিগুণাঢ্যৈঃ বৈরাদ্যুৎসৃজ্য দৃশ্যতে নৃত্যন্ ॥ ৮ ॥
ঢক্কানিনদৈঃ সূত্রাণ্যঙ্গদনাদৈরহো মহদ্ভাষ্যম্ ।
ব্যাকরণস্য বিবৃণ্বন্ নৃত্যতি ভৃত্যান্ কৃতার্থয়ন্ মর্ত্যান্ ॥ ৯ ॥
নটনায়ক নটনায় ক ইহ সুকৃতী নো তব স্পৃহয়েৎ ।
মন্ঽজুলতামঞ্জুলতামহিতে বস্তুং চ তিল্লবনে ॥ ১০ ॥
অতিদুরিতোত্তারকৃতে চিরধৃতহর্ষঃ সভাপতিঃ সদ্যঃ ।
অগণেয়াঘঘনং মামাসাদ্যানন্দমেদুরো নটতি ॥ ১১ ॥
মৎপাদলগ্নজনতামুদ্ধর্তাস্মীতি চিৎসভানাথঃ ।
তাণ্ডবমিষোদ্ধৃতৈকসবাঙ্ঘ্রিঃ সর্বান্ বিবোধয়তি ॥ ১২ ॥
আপন্নলোকপালিনি কপালিনি স্ত্রীকৃতাঙ্গপালিনি মে ।
শমিতবিধিশ্রীশরণে শরণা ধীরস্তু চিৎসভাশরণে ॥ ১৩ ॥
ভিক্ষুর্মহেশ্বরোঽপি শ্রুত্যা প্রোক্তঃ শিবোঽপ্যুগ্রঃ ।
অপি ভবহারী চ ভবো নটোঽপি চিত্রং সভানাথঃ ॥ ১৪ ॥
নৃত্যন্নটেশমৌলিৎবঙ্গদ্গঙ্গাতরঙ্গশীকরিণঃ ।
ভূষাহিপীতশিষ্টাঃ পুনন্তু মাং তিল্লবনবাতাঃ ॥ ১৫ ॥
কনকসভাসম্রাজো নটনারম্ভে ঝলংঝলংঝলিতি ।
মঞ্জীরমঞ্জুনিনদা ধ্বনিয়ুঃ শ্রোত্রে কদা নু মম ॥ ১৬ ॥
পর্বতরাজতনূজাকুচতটসংক্রান্তকুঙ্কুমোন্মিশ্রাঃ ।
নটনার্ভটীবিধূতা ভূতিকণাস্তে স্পৃশেয়ুরপি মেঽঙ্গম্ ॥ ১৭ ॥
নটনোচ্চলৎকপালামর্দিতচন্দ্রক্ষরৎসুধামিলিতাঃ ।
আদিনটমৌলিতটিনীপৃষতো গোত্রেঽত্র মে স্খলেয়ুঃ কিম্ ॥ ১৮ ॥
পশ্যানি সভাধীশং কদা নু তং মূর্ধনি সভাধীশম্ ।
যঃ ক্ষয়রসিকং কালং জিতবান্ ধত্তে চ শিরসি কঙ্কালম্ ॥ ১৯ ॥
তনুজায়াতনুজায়াসক্তানাং দুর্লভং সভানাথম্ ।
নগতনয়া নগতনয়া বশয়তি দত্ত্বা শরীরার্ধম্ ॥ ২০ ॥
আনন্দতাণ্ডবং যস্তবেশ পশ্যেন্ন চাপি নৃগণে যঃ ।
স চ স চ ন চন্দ্রমৌলে বিদ্বদ্ভির্জন্মবৎসু বিগণেয়ঃ ॥ ২১ ॥
কামপরবশং কৃৎবা কামপরবশং ৎবকৃৎবা মাম্ ।
কনকসভাং গময়সি রে কনকসভাং হা ন যাপয়সি ॥ ২২ ॥
নটনং বিহায় শংভোর্ঘটনং পীনস্তনীভিরাশাস্সে ।
অটনং ভবে দুরন্তে বিট নন্দসি ন স্বভূমসুখম্ ॥ ২৩ ॥
কলিতভবলঙ্ঘনানাং কিং করৈব চিৎসুখঘনানাম্ ।
সুমুদাং সাপঘনানাং শিবকামেশ্যাঃ কৃপামৃতঘনানাম্ ॥ ২৪ ॥
নিনিলীয়ে মায়ায়াং ন বিলিয়ে বা শুচা পরং লীয়ে ।
আনন্দসীমনি লসত্তিল্লবনীধামনি স্বভূমনি তু ॥ ২৫ ॥
অধিহেমসভং প্রসভং বিসভঙ্গবদান্যধন্যরুচম্ ।
শ্রুতগলগরলং সরলং নিরতং ভক্তাবনে ভজে দেবম্ ॥ ২৬ ॥
সভয়া চিৎসভয়াসীন্মায়া মায়াপ্রবোধশীতরুচেঃ ।
সুহিতা ধীঃ সুহিতা মে সোমা সোমার্ধধারিণী মূর্তিঃ ॥ ২৭ ॥
পত্যা হেমসভায়াঃ সত্যানন্দৈকচিদ্বপুষা ।
কত্যার্তা ন ত্রাতা নৃত্যায়ত্তেন মাদৃশা মর্ত্যাঃ ॥ ২৮ ॥
ভজতাং মুমুক্ষয়া ৎবাং নটেশ লভয়াস্ত্রয়ঃ পুমর্থাশ্চ ।
ফললিপ্সয়াম্রভাজাং ছায়াসৌরভ্যমাধব্য ইব ॥ ২৯ ॥
কঞ্চুকপঞ্চকনদ্ধং নটয়সি মাং কিং নটেশ নাটয়সি ।
নটসি নিরাবৃতিসুখিতো জহি মায়াং ৎবাদৃশোঽহমপি তৎ স্যাম্ ॥ ৩০ ॥
আস্তাং নটেশ তদ্যন্নটতি ভবানম্বরে নিরালম্বে ।
ৎবন্নটনেঽপি হি নটনং বেদপুরানাগমাঃ সমাদধতি ॥ ৩১ ॥
বেধসি সর্বাধীশেঽমেধসি বা মাদৃশে সরূপকৃতা ।
রোধসি শিবগঙ্গায়া বোধসিরা কাচিদুল্লসতি ॥ ৩২ ॥
হট্টায়িতং বিমুক্তেঃ কুট্টাকং তং ভজামি মায়ায়াঃ ।
ভট্টারকং সভায়াঃ কিট্টাত্মন্যঙ্গকে ত্যজন্মমতাম্ ॥ ৩৩ ॥
শ্রীমচ্চিদম্বরেশাদন্যত্রানন্দতাণ্ডবাসক্তাৎ ।
ব্রাহ্মং লক্ষণমাস্তে কুত্রচিদানন্দরূপতা দেবে ॥ ৩৪ ॥
ক্ষুল্লককামকৃতেঽপি ৎবৎসেবা স্যাদ্বিমুক্তিমপি দাত্রী ।
পীতামৃতোঽপ্যুদন্যাশান্ত্যৈ স্যাচ্চিৎসভাধিপামর্ত্যঃ ॥ ৩৫ ॥
সত্যং সত্যং গত্যন্তরমুৎসৃজ্য তে পদাপাত্যম্ ।
অত্যন্তার্তং ভৃত্যং ন ত্যজ নিত্যং নটেশ মাং পাহি ॥ ৩৬ ॥
ষট্ত্রিংশতা তত্ত্বময়ীভিরাভিঃ সোপানভূতাভিরুমাসহায়ম্ ।
আর্যাভিরাদ্যং পরতত্ত্বভূতং চিদম্বরানন্দনটং ভজধ্বম্ ॥ ৩৭ ॥
॥ ইতি শ্রীতত্ত্বার্যাস্তবঃ সম্পূর্ণঃ ॥
Also Read:
Tattvaryastavam Hymn on Lord Nataraja at Chidambaram Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil
