Tattvaryastavam Hymn on Lord Nataraja at Chidambaram in Gujarati:
॥ તત્ત્વાર્યાસ્તવઃ ॥
શિવકામસુન્દરીશં શિવગઙ્ગાતીરકલ્પિતનિવેશમ્ ।
શિવમાશ્રયે દ્યુકેશં શિવમિચ્છન્મા વપુષ્યભિનિવેશમ્ ॥ ૧ ॥
ગીર્વાણચક્રવર્તી ગીશ્ચેતોમાર્ગદૂરતોવર્તી ।
ભક્તાશયાનુવર્તી ભવતુ નટેશોઽખિલામયનિવર્તી ॥ ૨ ॥
વૈયાઘ્રપાદભાગ્યં વૈયાઘ્રં ચર્મ કંચન વસાનમ્ ।
વૈયાકરણફણીડ્યં વૈયાસિક્યા ગિરા સ્તુતં પ્રણુમઃ ॥ ૩ ॥
હાટકસભાનિવાસઃ શાટકતાપન્નસકલહરિદન્તઃ ।
ઘોટકનિગમો માયાનાટકસાક્ષી જગત્પતિર્જયતિ ॥ ૪ ॥
શૈલૂષરાજમાદ્યં માલૂરપ્રસવમાલિકાભરણમ્ ।
પીલૂપમોઽન્ધુજીર્યચ્છાલૂરાભઃ કથં વિજાનીયામ્ ॥ ૫ ॥
કનકસભૈકનિકેતં કઠિનપુરાણોક્તિસારસંકેતમ્ ।
નારાધયન્તિ કે તં નારાયણ્યા યુતં સ્વતોકેતમ્ ॥ ૬ ॥
તિલ્લવને ક્ષુલ્લવને પલ્લવસંભિન્નફુલ્લપુષ્પઘને ।
ચિલ્લહરીમુલ્લલયન્ વલ્લભયા ભિલ્લતલ્લજો નટતિ ॥ ૭ ॥
વૈરાજહૃત્સરોજે વૈરાજાદ્યૈઃ સ સામભિઃ સ્તવ્યઃ ।
વૈરાગ્યાદિગુણાઢ્યૈઃ વૈરાદ્યુત્સૃજ્ય દૃશ્યતે નૃત્યન્ ॥ ૮ ॥
ઢક્કાનિનદૈઃ સૂત્રાણ્યઙ્ગદનાદૈરહો મહદ્ભાષ્યમ્ ।
વ્યાકરણસ્ય વિવૃણ્વન્ નૃત્યતિ ભૃત્યાન્ કૃતાર્થયન્ મર્ત્યાન્ ॥ ૯ ॥
નટનાયક નટનાય ક ઇહ સુકૃતી નો તવ સ્પૃહયેત્ ।
મન્ઽજુલતામઞ્જુલતામહિતે વસ્તું ચ તિલ્લવને ॥ ૧૦ ॥
અતિદુરિતોત્તારકૃતે ચિરધૃતહર્ષઃ સભાપતિઃ સદ્યઃ ।
અગણેયાઘઘનં મામાસાદ્યાનન્દમેદુરો નટતિ ॥ ૧૧ ॥
મત્પાદલગ્નજનતામુદ્ધર્તાસ્મીતિ ચિત્સભાનાથઃ ।
તાણ્ડવમિષોદ્ધૃતૈકસવાઙ્ઘ્રિઃ સર્વાન્ વિબોધયતિ ॥ ૧૨ ॥
આપન્નલોકપાલિનિ કપાલિનિ સ્ત્રીકૃતાઙ્ગપાલિનિ મે ।
શમિતવિધિશ્રીશરણે શરણા ધીરસ્તુ ચિત્સભાશરણે ॥ ૧૩ ॥
ભિક્ષુર્મહેશ્વરોઽપિ શ્રુત્યા પ્રોક્તઃ શિવોઽપ્યુગ્રઃ ।
અપિ ભવહારી ચ ભવો નટોઽપિ ચિત્રં સભાનાથઃ ॥ ૧૪ ॥
નૃત્યન્નટેશમૌલિત્વઙ્ગદ્ગઙ્ગાતરઙ્ગશીકરિણઃ ।
ભૂષાહિપીતશિષ્ટાઃ પુનન્તુ માં તિલ્લવનવાતાઃ ॥ ૧૫ ॥
કનકસભાસમ્રાજો નટનારમ્ભે ઝલંઝલંઝલિતિ ।
મઞ્જીરમઞ્જુનિનદા ધ્વનિયુઃ શ્રોત્રે કદા નુ મમ ॥ ૧૬ ॥
પર્વતરાજતનૂજાકુચતટસંક્રાન્તકુઙ્કુમોન્મિશ્રાઃ ।
નટનાર્ભટીવિધૂતા ભૂતિકણાસ્તે સ્પૃશેયુરપિ મેઽઙ્ગમ્ ॥ ૧૭ ॥
નટનોચ્ચલત્કપાલામર્દિતચન્દ્રક્ષરત્સુધામિલિતાઃ ।
આદિનટમૌલિતટિનીપૃષતો ગોત્રેઽત્ર મે સ્ખલેયુઃ કિમ્ ॥ ૧૮ ॥
પશ્યાનિ સભાધીશં કદા નુ તં મૂર્ધનિ સભાધીશમ્ ।
યઃ ક્ષયરસિકં કાલં જિતવાન્ ધત્તે ચ શિરસિ કઙ્કાલમ્ ॥ ૧૯ ॥
તનુજાયાતનુજાયાસક્તાનાં દુર્લભં સભાનાથમ્ ।
નગતનયા નગતનયા વશયતિ દત્ત્વા શરીરાર્ધમ્ ॥ ૨૦ ॥
આનન્દતાણ્ડવં યસ્તવેશ પશ્યેન્ન ચાપિ નૃગણે યઃ ।
સ ચ સ ચ ન ચન્દ્રમૌલે વિદ્વદ્ભિર્જન્મવત્સુ વિગણેયઃ ॥ ૨૧ ॥
કામપરવશં કૃત્વા કામપરવશં ત્વકૃત્વા મામ્ ।
કનકસભાં ગમયસિ રે કનકસભાં હા ન યાપયસિ ॥ ૨૨ ॥
નટનં વિહાય શંભોર્ઘટનં પીનસ્તનીભિરાશાસ્સે ।
અટનં ભવે દુરન્તે વિટ નન્દસિ ન સ્વભૂમસુખમ્ ॥ ૨૩ ॥
કલિતભવલઙ્ઘનાનાં કિં કરૈવ ચિત્સુખઘનાનામ્ ।
સુમુદાં સાપઘનાનાં શિવકામેશ્યાઃ કૃપામૃતઘનાનામ્ ॥ ૨૪ ॥
નિનિલીયે માયાયાં ન વિલિયે વા શુચા પરં લીયે ।
આનન્દસીમનિ લસત્તિલ્લવનીધામનિ સ્વભૂમનિ તુ ॥ ૨૫ ॥
અધિહેમસભં પ્રસભં બિસભઙ્ગવદાન્યધન્યરુચમ્ ।
શ્રુતગલગરલં સરલં નિરતં ભક્તાવને ભજે દેવમ્ ॥ ૨૬ ॥
સભયા ચિત્સભયાસીન્માયા માયાપ્રબોધશીતરુચેઃ ।
સુહિતા ધીઃ સુહિતા મે સોમા સોમાર્ધધારિણી મૂર્તિઃ ॥ ૨૭ ॥
પત્યા હેમસભાયાઃ સત્યાનન્દૈકચિદ્વપુષા ।
કત્યાર્તા ન ત્રાતા નૃત્યાયત્તેન માદૃશા મર્ત્યાઃ ॥ ૨૮ ॥
ભજતાં મુમુક્ષયા ત્વાં નટેશ લભયાસ્ત્રયઃ પુમર્થાશ્ચ ।
ફલલિપ્સયામ્રભાજાં છાયાસૌરભ્યમાધવ્ય ઇવ ॥ ૨૯ ॥
કઞ્ચુકપઞ્ચકનદ્ધં નટયસિ માં કિં નટેશ નાટયસિ ।
નટસિ નિરાવૃતિસુખિતો જહિ માયાં ત્વાદૃશોઽહમપિ તત્ સ્યામ્ ॥ ૩૦ ॥
આસ્તાં નટેશ તદ્યન્નટતિ ભવાનમ્બરે નિરાલમ્બે ।
ત્વન્નટનેઽપિ હિ નટનં વેદપુરાનાગમાઃ સમાદધતિ ॥ ૩૧ ॥
વેધસિ સર્વાધીશેઽમેધસિ વા માદૃશે સરૂપકૃતા ।
રોધસિ શિવગઙ્ગાયા બોધસિરા કાચિદુલ્લસતિ ॥ ૩૨ ॥
હટ્ટાયિતં વિમુક્તેઃ કુટ્ટાકં તં ભજામિ માયાયાઃ ।
ભટ્ટારકં સભાયાઃ કિટ્ટાત્મન્યઙ્ગકે ત્યજન્મમતામ્ ॥ ૩૩ ॥
શ્રીમચ્ચિદમ્બરેશાદન્યત્રાનન્દતાણ્ડવાસક્તાત્ ।
બ્રાહ્મં લક્ષણમાસ્તે કુત્રચિદાનન્દરૂપતા દેવે ॥ ૩૪ ॥
ક્ષુલ્લકકામકૃતેઽપિ ત્વત્સેવા સ્યાદ્વિમુક્તિમપિ દાત્રી ।
પીતામૃતોઽપ્યુદન્યાશાન્ત્યૈ સ્યાચ્ચિત્સભાધિપામર્ત્યઃ ॥ ૩૫ ॥
સત્યં સત્યં ગત્યન્તરમુત્સૃજ્ય તે પદાપાત્યમ્ ।
અત્યન્તાર્તં ભૃત્યં ન ત્યજ નિત્યં નટેશ માં પાહિ ॥ ૩૬ ॥
ષટ્ત્રિંશતા તત્ત્વમયીભિરાભિઃ સોપાનભૂતાભિરુમાસહાયમ્ ।
આર્યાભિરાદ્યં પરતત્ત્વભૂતં ચિદમ્બરાનન્દનટં ભજધ્વમ્ ॥ ૩૭ ॥
॥ ઇતિ શ્રીતત્ત્વાર્યાસ્તવઃ સમ્પૂર્ણઃ ॥
Also Read:
Tattvaryastavam Hymn on Lord Nataraja at Chidambaram Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil
