Tattvaryastavam Hymn on Lord Nataraja at Chidambaram in Malayalam:
॥ തത്ത്വാര്യാസ്തവഃ ॥
ശിവകാമസുന്ദരീശം ശിവഗംഗാതീരകൽപിതനിവേശം ।
ശിവമാശ്രയേ ദ്യുകേശം ശിവമിച്ഛന്മാ വപുഷ്യഭിനിവേശം ॥ 1 ॥
ഗീർവാണചക്രവർതീ ഗീശ്ചേതോമാർഗദൂരതോവർതീ ।
ഭക്താശയാനുവർതീ ഭവതു നടേശോഽഖിലാമയനിവർതീ ॥ 2 ॥
വൈയാഘ്രപാദഭാഗ്യം വൈയാഘ്രം ചർമ കഞ്ചന വസാനം ।
വൈയാകരണഫണീഡ്യം വൈയാസിക്യാ ഗിരാ സ്തുതം പ്രണുമഃ ॥ 3 ॥
ഹാടകസഭാനിവാസഃ ശാടകതാപന്നസകലഹരിദന്തഃ ।
ഘോടകനിഗമോ മായാനാടകസാക്ഷീ ജഗത്പതിർജയതി ॥ 4 ॥
ശൈലൂഷരാജമാദ്യം മാലൂരപ്രസവമാലികാഭരണം ।
പീലൂപമോഽന്ധുജീര്യച്ഛാലൂരാഭഃ കഥം വിജാനീയാം ॥ 5 ॥
കനകസഭൈകനികേതം കഠിനപുരാണോക്തിസാരസങ്കേതം ।
നാരാധയന്തി കേ തം നാരായണ്യാ യുതം സ്വതോകേതം ॥ 6 ॥
തില്ലവനേ ക്ഷുല്ലവനേ പല്ലവസംഭിന്നഫുല്ലപുഷ്പഘനേ ।
ചില്ലഹരീമുല്ലലയൻ വല്ലഭയാ ഭില്ലതല്ലജോ നടതി ॥ 7 ॥
വൈരാജഹൃത്സരോജേ വൈരാജാദ്യൈഃ സ സാമഭിഃ സ്തവ്യഃ ।
വൈരാഗ്യാദിഗുണാഢ്യൈഃ വൈരാദ്യുത്സൃജ്യ ദൃശ്യതേ നൃത്യൻ ॥ 8 ॥
ഢക്കാനിനദൈഃ സൂത്രാണ്യംഗദനാദൈരഹോ മഹദ്ഭാഷ്യം ।
വ്യാകരണസ്യ വിവൃണ്വൻ നൃത്യതി ഭൃത്യാൻ കൃതാർഥയൻ മർത്യാൻ ॥ 9 ॥
നടനായക നടനായ ക ഇഹ സുകൃതീ നോ തവ സ്പൃഹയേത് ।
മൻഽജുലതാമഞ്ജുലതാമഹിതേ വസ്തും ച തില്ലവനേ ॥ 10 ॥
അതിദുരിതോത്താരകൃതേ ചിരധൃതഹർഷഃ സഭാപതിഃ സദ്യഃ ।
അഗണേയാഘഘനം മാമാസാദ്യാനന്ദമേദുരോ നടതി ॥ 11 ॥
മത്പാദലഗ്നജനതാമുദ്ധർതാസ്മീതി ചിത്സഭാനാഥഃ ।
താണ്ഡവമിഷോദ്ധൃതൈകസവാംഘ്രിഃ സർവാൻ വിബോധയതി ॥ 12 ॥
ആപന്നലോകപാലിനി കപാലിനി സ്ത്രീകൃതാംഗപാലിനി മേ ।
ശമിതവിധിശ്രീശരണേ ശരണാ ധീരസ്തു ചിത്സഭാശരണേ ॥ 13 ॥
ഭിക്ഷുർമഹേശ്വരോഽപി ശ്രുത്യാ പ്രോക്തഃ ശിവോഽപ്യുഗ്രഃ ।
അപി ഭവഹാരീ ച ഭവോ നടോഽപി ചിത്രം സഭാനാഥഃ ॥ 14 ॥
നൃത്യന്നടേശമൗലിത്വംഗദ്ഗംഗാതരംഗശീകരിണഃ ।
ഭൂഷാഹിപീതശിഷ്ടാഃ പുനന്തു മാം തില്ലവനവാതാഃ ॥ 15 ॥
കനകസഭാസമ്രാജോ നടനാരംഭേ ഝലംഝലംഝലിതി ।
മഞ്ജീരമഞ്ജുനിനദാ ധ്വനിയുഃ ശ്രോത്രേ കദാ നു മമ ॥ 16 ॥
പർവതരാജതനൂജാകുചതടസങ്ക്രാന്തകുങ്കുമോന്മിശ്രാഃ ।
നടനാർഭടീവിധൂതാ ഭൂതികണാസ്തേ സ്പൃശേയുരപി മേഽംഗം ॥ 17 ॥
നടനോച്ചലത്കപാലാമർദിതചന്ദ്രക്ഷരത്സുധാമിലിതാഃ ।
ആദിനടമൗലിതടിനീപൃഷതോ ഗോത്രേഽത്ര മേ സ്ഖലേയുഃ കിം ॥ 18 ॥
പശ്യാനി സഭാധീശം കദാ നു തം മൂർധനി സഭാധീശം ।
യഃ ക്ഷയരസികം കാലം ജിതവാൻ ധത്തേ ച ശിരസി കങ്കാലം ॥ 19 ॥
തനുജായാതനുജായാസക്താനാം ദുർലഭം സഭാനാഥം ।
നഗതനയാ നഗതനയാ വശയതി ദത്ത്വാ ശരീരാർധം ॥ 20 ॥
ആനന്ദതാണ്ഡവം യസ്തവേശ പശ്യേന്ന ചാപി നൃഗണേ യഃ ।
സ ച സ ച ന ചന്ദ്രമൗലേ വിദ്വദ്ഭിർജന്മവത്സു വിഗണേയഃ ॥ 21 ॥
കാമപരവശം കൃത്വാ കാമപരവശം ത്വകൃത്വാ മാം ।
കനകസഭാം ഗമയസി രേ കനകസഭാം ഹാ ന യാപയസി ॥ 22 ॥
നടനം വിഹായ ശംഭോർഘടനം പീനസ്തനീഭിരാശാസ്സേ ।
അടനം ഭവേ ദുരന്തേ വിട നന്ദസി ന സ്വഭൂമസുഖം ॥ 23 ॥
കലിതഭവലംഘനാനാം കിം കരൈവ ചിത്സുഖഘനാനാം ।
സുമുദാം സാപഘനാനാം ശിവകാമേശ്യാഃ കൃപാമൃതഘനാനാം ॥ 24 ॥
നിനിലീയേ മായായാം ന വിലിയേ വാ ശുചാ പരം ലീയേ ।
ആനന്ദസീമനി ലസത്തില്ലവനീധാമനി സ്വഭൂമനി തു ॥ 25 ॥
അധിഹേമസഭം പ്രസഭം ബിസഭംഗവദാന്യധന്യരുചം ।
ശ്രുതഗലഗരലം സരലം നിരതം ഭക്താവനേ ഭജേ ദേവം ॥ 26 ॥
സഭയാ ചിത്സഭയാസീന്മായാ മായാപ്രബോധശീതരുചേഃ ।
സുഹിതാ ധീഃ സുഹിതാ മേ സോമാ സോമാർധധാരിണീ മൂർതിഃ ॥ 27 ॥
പത്യാ ഹേമസഭായാഃ സത്യാനന്ദൈകചിദ്വപുഷാ ।
കത്യാർതാ ന ത്രാതാ നൃത്യായത്തേന മാദൃശാ മർത്യാഃ ॥ 28 ॥
ഭജതാം മുമുക്ഷയാ ത്വാം നടേശ ലഭയാസ്ത്രയഃ പുമർഥാശ്ച ।
ഫലലിപ്സയാമ്രഭാജാം ഛായാസൗരഭ്യമാധവ്യ ഇവ ॥ 29 ॥
കഞ്ചുകപഞ്ചകനദ്ധം നടയസി മാം കിം നടേശ നാടയസി ।
നടസി നിരാവൃതിസുഖിതോ ജഹി മായാം ത്വാദൃശോഽഹമപി തത് സ്യാം ॥ 30 ॥
ആസ്താം നടേശ തദ്യന്നടതി ഭവാനംബരേ നിരാലംബേ ।
ത്വന്നടനേഽപി ഹി നടനം വേദപുരാനാഗമാഃ സമാദധതി ॥ 31 ॥
വേധസി സർവാധീശേഽമേധസി വാ മാദൃശേ സരൂപകൃതാ ।
രോധസി ശിവഗംഗായാ ബോധസിരാ കാചിദുല്ലസതി ॥ 32 ॥
ഹട്ടായിതം വിമുക്തേഃ കുട്ടാകം തം ഭജാമി മായായാഃ ।
ഭട്ടാരകം സഭായാഃ കിട്ടാത്മന്യംഗകേ ത്യജന്മമതാം ॥ 33 ॥
ശ്രീമച്ചിദംബരേശാദന്യത്രാനന്ദതാണ്ഡവാസക്താത് ।
ബ്രാഹ്മം ലക്ഷണമാസ്തേ കുത്രചിദാനന്ദരൂപതാ ദേവേ ॥ 34 ॥
ക്ഷുല്ലകകാമകൃതേഽപി ത്വത്സേവാ സ്യാദ്വിമുക്തിമപി ദാത്രീ ।
പീതാമൃതോഽപ്യുദന്യാശാന്ത്യൈ സ്യാച്ചിത്സഭാധിപാമർത്യഃ ॥ 35 ॥
സത്യം സത്യം ഗത്യന്തരമുത്സൃജ്യ തേ പദാപാത്യം ।
അത്യന്താർതം ഭൃത്യം ന ത്യജ നിത്യം നടേശ മാം പാഹി ॥ 36 ॥
ഷട്ത്രിംശതാ തത്ത്വമയീഭിരാഭിഃ സോപാനഭൂതാഭിരുമാസഹായം ।
ആര്യാഭിരാദ്യം പരതത്ത്വഭൂതം ചിദംബരാനന്ദനടം ഭജധ്വം ॥ 37 ॥
॥ ഇതി ശ്രീതത്ത്വാര്യാസ്തവഃ സമ്പൂർണഃ ॥
Also Read:
Tattvaryastavam Hymn on Lord Nataraja at Chidambaram Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil
