Tattvaryastavam Hymn on Lord Nataraja at Chidambaram in Telugu:
॥ తత్త్వార్యాస్తవః ॥
శివకామసుందరీశం శివగంగాతీరకల్పితనివేశం ।
శివమాశ్రయే ద్యుకేశం శివమిచ్ఛన్మా వపుష్యభినివేశం ॥ 1 ॥
గీర్వాణచక్రవర్తీ గీశ్చేతోమార్గదూరతోవర్తీ ।
భక్తాశయానువర్తీ భవతు నటేశోఽఖిలామయనివర్తీ ॥ 2 ॥
వైయాఘ్రపాదభాగ్యం వైయాఘ్రం చర్మ కంచన వసానం ।
వైయాకరణఫణీడ్యం వైయాసిక్యా గిరా స్తుతం ప్రణుమః ॥ 3 ॥
హాటకసభానివాసః శాటకతాపన్నసకలహరిదంతః ।
ఘోటకనిగమో మాయానాటకసాక్షీ జగత్పతిర్జయతి ॥ 4 ॥
శైలూషరాజమాద్యం మాలూరప్రసవమాలికాభరణం ।
పీలూపమోఽన్ధుజీర్యచ్ఛాలూరాభః కథం విజానీయాం ॥ 5 ॥
కనకసభైకనికేతం కఠినపురాణోక్తిసారసంకేతం ।
నారాధయంతి కే తం నారాయణ్యా యుతం స్వతోకేతం ॥ 6 ॥
తిల్లవనే క్షుల్లవనే పల్లవసంభిన్నఫుల్లపుష్పఘనే ।
చిల్లహరీముల్లలయన్ వల్లభయా భిల్లతల్లజో నటతి ॥ 7 ॥
వైరాజహృత్సరోజే వైరాజాద్యైః స సామభిః స్తవ్యః ।
వైరాగ్యాదిగుణాఢ్యైః వైరాద్యుత్సృజ్య దృశ్యతే నృత్యన్ ॥ 8 ॥
ఢక్కానినదైః సూత్రాణ్యంగదనాదైరహో మహద్భాష్యం ।
వ్యాకరణస్య వివృణ్వన్ నృత్యతి భృత్యాన్ కృతార్థయన్ మర్త్యాన్ ॥ 9 ॥
నటనాయక నటనాయ క ఇహ సుకృతీ నో తవ స్పృహయేత్ ।
మన్ఽజులతామంజులతామహితే వస్తుం చ తిల్లవనే ॥ 10 ॥
అతిదురితోత్తారకృతే చిరధృతహర్షః సభాపతిః సద్యః ।
అగణేయాఘఘనం మామాసాద్యానందమేదురో నటతి ॥ 11 ॥
మత్పాదలగ్నజనతాముద్ధర్తాస్మీతి చిత్సభానాథః ।
తాండవమిషోద్ధృతైకసవాంఘ్రిః సర్వాన్ విబోధయతి ॥ 12 ॥
ఆపన్నలోకపాలిని కపాలిని స్త్రీకృతాంగపాలిని మే ।
శమితవిధిశ్రీశరణే శరణా ధీరస్తు చిత్సభాశరణే ॥ 13 ॥
భిక్షుర్మహేశ్వరోఽపి శ్రుత్యా ప్రోక్తః శివోఽప్యుగ్రః ।
అపి భవహారీ చ భవో నటోఽపి చిత్రం సభానాథః ॥ 14 ॥
నృత్యన్నటేశమౌలిత్వంగద్గంగాతరంగశీకరిణః ।
భూషాహిపీతశిష్టాః పునంతు మాం తిల్లవనవాతాః ॥ 15 ॥
కనకసభాసమ్రాజో నటనారంభే ఝలంఝలంఝలితి ।
మంజీరమంజునినదా ధ్వనియుః శ్రోత్రే కదా ను మమ ॥ 16 ॥
పర్వతరాజతనూజాకుచతటసంక్రాంతకుంకుమోన్మిశ్రాః ।
నటనార్భటీవిధూతా భూతికణాస్తే స్పృశేయురపి మేఽఙ్గం ॥ 17 ॥
నటనోచ్చలత్కపాలామర్దితచంద్రక్షరత్సుధామిలితాః ।
ఆదినటమౌలితటినీపృషతో గోత్రేఽత్ర మే స్ఖలేయుః కిం ॥ 18 ॥
పశ్యాని సభాధీశం కదా ను తం మూర్ధని సభాధీశం ।
యః క్షయరసికం కాలం జితవాన్ ధత్తే చ శిరసి కంకాలం ॥ 19 ॥
తనుజాయాతనుజాయాసక్తానాం దుర్లభం సభానాథం ।
నగతనయా నగతనయా వశయతి దత్త్వా శరీరార్ధం ॥ 20 ॥
ఆనందతాండవం యస్తవేశ పశ్యేన్న చాపి నృగణే యః ।
స చ స చ న చంద్రమౌలే విద్వద్భిర్జన్మవత్సు విగణేయః ॥ 21 ॥
కామపరవశం కృత్వా కామపరవశం త్వకృత్వా మాం ।
కనకసభాం గమయసి రే కనకసభాం హా న యాపయసి ॥ 22 ॥
నటనం విహాయ శంభోర్ఘటనం పీనస్తనీభిరాశాస్సే ।
అటనం భవే దురంతే విట నందసి న స్వభూమసుఖం ॥ 23 ॥
కలితభవలంఘనానాం కిం కరైవ చిత్సుఖఘనానాం ।
సుముదాం సాపఘనానాం శివకామేశ్యాః కృపామృతఘనానాం ॥ 24 ॥
నినిలీయే మాయాయాం న విలియే వా శుచా పరం లీయే ।
ఆనందసీమని లసత్తిల్లవనీధామని స్వభూమని తు ॥ 25 ॥
అధిహేమసభం ప్రసభం బిసభంగవదాన్యధన్యరుచం ।
శ్రుతగలగరలం సరలం నిరతం భక్తావనే భజే దేవం ॥ 26 ॥
సభయా చిత్సభయాసీన్మాయా మాయాప్రబోధశీతరుచేః ।
సుహితా ధీః సుహితా మే సోమా సోమార్ధధారిణీ మూర్తిః ॥ 27 ॥
పత్యా హేమసభాయాః సత్యానందైకచిద్వపుషా ।
కత్యార్తా న త్రాతా నృత్యాయత్తేన మాదృశా మర్త్యాః ॥ 28 ॥
భజతాం ముముక్షయా త్వాం నటేశ లభయాస్త్రయః పుమర్థాశ్చ ।
ఫలలిప్సయామ్రభాజాం ఛాయాసౌరభ్యమాధవ్య ఇవ ॥ 29 ॥
కంచుకపంచకనద్ధం నటయసి మాం కిం నటేశ నాటయసి ।
నటసి నిరావృతిసుఖితో జహి మాయాం త్వాదృశోఽహమపి తత్ స్యాం ॥ 30 ॥
ఆస్తాం నటేశ తద్యన్నటతి భవానంబరే నిరాలంబే ।
త్వన్నటనేఽపి హి నటనం వేదపురానాగమాః సమాదధతి ॥ 31 ॥
వేధసి సర్వాధీశేఽమేధసి వా మాదృశే సరూపకృతా ।
రోధసి శివగంగాయా బోధసిరా కాచిదుల్లసతి ॥ 32 ॥
హట్టాయితం విముక్తేః కుట్టాకం తం భజామి మాయాయాః ।
భట్టారకం సభాయాః కిట్టాత్మన్యంగకే త్యజన్మమతాం ॥ 33 ॥
శ్రీమచ్చిదంబరేశాదన్యత్రానందతాండవాసక్తాత్ ।
బ్రాహ్మం లక్షణమాస్తే కుత్రచిదానందరూపతా దేవే ॥ 34 ॥
క్షుల్లకకామకృతేఽపి త్వత్సేవా స్యాద్విముక్తిమపి దాత్రీ ।
పీతామృతోఽప్యుదన్యాశాంత్యై స్యాచ్చిత్సభాధిపామర్త్యః ॥ 35 ॥
సత్యం సత్యం గత్యంతరముత్సృజ్య తే పదాపాత్యం ।
అత్యంతార్తం భృత్యం న త్యజ నిత్యం నటేశ మాం పాహి ॥ 36 ॥
షట్త్రింశతా తత్త్వమయీభిరాభిః సోపానభూతాభిరుమాసహాయం ।
ఆర్యాభిరాద్యం పరతత్త్వభూతం చిదంబరానందనటం భజధ్వం ॥ 37 ॥
॥ ఇతి శ్రీతత్త్వార్యాస్తవః సంపూర్ణః ॥
Also Read:
Tattvaryastavam Hymn on Lord Nataraja at Chidambaram Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil
