Tattvaryastavam Hymn on Lord Nataraja at Chidambaram in Oriya:
॥ ତତ୍ତ୍ୱାର୍ୟାସ୍ତବଃ ॥
ଶିବକାମସୁନ୍ଦରୀଶଂ ଶିବଗଙ୍ଗାତୀରକଲ୍ପିତନିବେଶମ୍ ।
ଶିବମାଶ୍ରୟେ ଦ୍ୟୁକେଶଂ ଶିବମିଚ୍ଛନ୍ମା ବପୁଷ୍ୟଭିନିବେଶମ୍ ॥ ୧ ॥
ଗୀର୍ୱାଣଚକ୍ରବର୍ତୀ ଗୀଶ୍ଚେତୋମାର୍ଗଦୂରତୋବର୍ତୀ ।
ଭକ୍ତାଶୟାନୁବର୍ତୀ ଭବତୁ ନଟେଶୋଽଖିଲାମୟନିବର୍ତୀ ॥ ୨ ॥
ବୈୟାଘ୍ରପାଦଭାଗ୍ୟଂ ବୈୟାଘ୍ରଂ ଚର୍ମ କଂଚନ ବସାନମ୍ ।
ବୈୟାକରଣଫଣୀଡ୍ୟଂ ବୈୟାସିକ୍ୟା ଗିରା ସ୍ତୁତଂ ପ୍ରଣୁମଃ ॥ ୩ ॥
ହାଟକସଭାନିବାସଃ ଶାଟକତାପନ୍ନସକଲହରିଦନ୍ତଃ ।
ଘୋଟକନିଗମୋ ମାୟାନାଟକସାକ୍ଷୀ ଜଗତ୍ପତିର୍ଜୟତି ॥ ୪ ॥
ଶୈଲୂଷରାଜମାଦ୍ୟଂ ମାଲୂରପ୍ରସବମାଲିକାଭରଣମ୍ ।
ପୀଲୂପମୋଽନ୍ଧୁଜୀର୍ୟଚ୍ଛାଲୂରାଭଃ କଥଂ ବିଜାନୀୟାମ୍ ॥ ୫ ॥
କନକସଭୈକନିକେତଂ କଠିନପୁରାଣୋକ୍ତିସାରସଂକେତମ୍ ।
ନାରାଧୟନ୍ତି କେ ତଂ ନାରାୟଣ୍ୟା ଯୁତଂ ସ୍ୱତୋକେତମ୍ ॥ ୬ ॥
ତିଲ୍ଲବନେ କ୍ଷୁଲ୍ଲବନେ ପଲ୍ଲବସଂଭିନ୍ନଫୁଲ୍ଲପୁଷ୍ପଘନେ ।
ଚିଲ୍ଲହରୀମୁଲ୍ଲଲୟନ୍ ବଲ୍ଲଭୟା ଭିଲ୍ଲତଲ୍ଲଜୋ ନଟତି ॥ ୭ ॥
ବୈରାଜହୃତ୍ସରୋଜେ ବୈରାଜାଦ୍ୟୈଃ ସ ସାମଭିଃ ସ୍ତବ୍ୟଃ ।
ବୈରାଗ୍ୟାଦିଗୁଣାଢ୍ୟୈଃ ବୈରାଦ୍ୟୁତ୍ସୃଜ୍ୟ ଦୃଶ୍ୟତେ ନୃତ୍ୟନ୍ ॥ ୮ ॥
ଢକ୍କାନିନଦୈଃ ସୂତ୍ରାଣ୍ୟଙ୍ଗଦନାଦୈରହୋ ମହଦ୍ଭାଷ୍ୟମ୍ ।
ବ୍ୟାକରଣସ୍ୟ ବିବୃଣ୍ୱନ୍ ନୃତ୍ୟତି ଭୃତ୍ୟାନ୍ କୃତାର୍ଥୟନ୍ ମର୍ତ୍ୟାନ୍ ॥ ୯ ॥
ନଟନାୟକ ନଟନାୟ କ ଇହ ସୁକୃତୀ ନୋ ତବ ସ୍ପୃହୟେତ୍ ।
ମନ୍ଽଜୁଲତାମଞ୍ଜୁଲତାମହିତେ ବସ୍ତୁଂ ଚ ତିଲ୍ଲବନେ ॥ ୧୦ ॥
ଅତିଦୁରିତୋତ୍ତାରକୃତେ ଚିରଧୃତହର୍ଷଃ ସଭାପତିଃ ସଦ୍ୟଃ ।
ଅଗଣେୟାଘଘନଂ ମାମାସାଦ୍ୟାନନ୍ଦମେଦୁରୋ ନଟତି ॥ ୧୧ ॥
ମତ୍ପାଦଲଗ୍ନଜନତାମୁଦ୍ଧର୍ତାସ୍ମୀତି ଚିତ୍ସଭାନାଥଃ ।
ତାଣ୍ଡବମିଷୋଦ୍ଧୃତୈକସବାଙ୍ଘ୍ରିଃ ସର୍ୱାନ୍ ବିବୋଧୟତି ॥ ୧୨ ॥
ଆପନ୍ନଲୋକପାଲିନି କପାଲିନି ସ୍ତ୍ରୀକୃତାଙ୍ଗପାଲିନି ମେ ।
ଶମିତବିଧିଶ୍ରୀଶରଣେ ଶରଣା ଧୀରସ୍ତୁ ଚିତ୍ସଭାଶରଣେ ॥ ୧୩ ॥
ଭିକ୍ଷୁର୍ମହେଶ୍ୱରୋଽପି ଶ୍ରୁତ୍ୟା ପ୍ରୋକ୍ତଃ ଶିବୋଽପ୍ୟୁଗ୍ରଃ ।
ଅପି ଭବହାରୀ ଚ ଭବୋ ନଟୋଽପି ଚିତ୍ରଂ ସଭାନାଥଃ ॥ ୧୪ ॥
ନୃତ୍ୟନ୍ନଟେଶମୌଲିତ୍ୱଙ୍ଗଦ୍ଗଙ୍ଗାତରଙ୍ଗଶୀକରିଣଃ ।
ଭୂଷାହିପୀତଶିଷ୍ଟାଃ ପୁନନ୍ତୁ ମାଂ ତିଲ୍ଲବନବାତାଃ ॥ ୧୫ ॥
କନକସଭାସମ୍ରାଜୋ ନଟନାରମ୍ଭେ ଝଲଂଝଲଂଝଲିତି ।
ମଞ୍ଜୀରମଞ୍ଜୁନିନଦା ଧ୍ୱନିୟୁଃ ଶ୍ରୋତ୍ରେ କଦା ନୁ ମମ ॥ ୧୬ ॥
ପର୍ୱତରାଜତନୂଜାକୁଚତଟସଂକ୍ରାନ୍ତକୁଙ୍କୁମୋନ୍ମିଶ୍ରାଃ ।
ନଟନାର୍ଭଟୀବିଧୂତା ଭୂତିକଣାସ୍ତେ ସ୍ପୃଶେୟୁରପି ମେଽଙ୍ଗମ୍ ॥ ୧୭ ॥
ନଟନୋଚ୍ଚଲତ୍କପାଲାମର୍ଦିତଚନ୍ଦ୍ରକ୍ଷରତ୍ସୁଧାମିଲିତାଃ ।
ଆଦିନଟମୌଲିତଟିନୀପୃଷତୋ ଗୋତ୍ରେଽତ୍ର ମେ ସ୍ଖଲେୟୁଃ କିମ୍ ॥ ୧୮ ॥
ପଶ୍ୟାନି ସଭାଧୀଶଂ କଦା ନୁ ତଂ ମୂର୍ଧନି ସଭାଧୀଶମ୍ ।
ଯଃ କ୍ଷୟରସିକଂ କାଲଂ ଜିତବାନ୍ ଧତ୍ତେ ଚ ଶିରସି କଙ୍କାଲମ୍ ॥ ୧୯ ॥
ତନୁଜାୟାତନୁଜାୟାସକ୍ତାନାଂ ଦୁର୍ଲଭଂ ସଭାନାଥମ୍ ।
ନଗତନୟା ନଗତନୟା ବଶୟତି ଦତ୍ତ୍ୱା ଶରୀରାର୍ଧମ୍ ॥ ୨୦ ॥
ଆନନ୍ଦତାଣ୍ଡବଂ ଯସ୍ତବେଶ ପଶ୍ୟେନ୍ନ ଚାପି ନୃଗଣେ ଯଃ ।
ସ ଚ ସ ଚ ନ ଚନ୍ଦ୍ରମୌଲେ ବିଦ୍ୱଦ୍ଭିର୍ଜନ୍ମବତ୍ସୁ ବିଗଣେୟଃ ॥ ୨୧ ॥
କାମପରବଶଂ କୃତ୍ୱା କାମପରବଶଂ ତ୍ୱକୃତ୍ୱା ମାମ୍ ।
କନକସଭାଂ ଗମୟସି ରେ କନକସଭାଂ ହା ନ ଯାପୟସି ॥ ୨୨ ॥
ନଟନଂ ବିହାୟ ଶଂଭୋର୍ଘଟନଂ ପୀନସ୍ତନୀଭିରାଶାସ୍ସେ ।
ଅଟନଂ ଭବେ ଦୁରନ୍ତେ ବିଟ ନନ୍ଦସି ନ ସ୍ୱଭୂମସୁଖମ୍ ॥ ୨୩ ॥
କଲିତଭବଲଙ୍ଘନାନାଂ କିଂ କରୈବ ଚିତ୍ସୁଖଘନାନାମ୍ ।
ସୁମୁଦାଂ ସାପଘନାନାଂ ଶିବକାମେଶ୍ୟାଃ କୃପାମୃତଘନାନାମ୍ ॥ ୨୪ ॥
ନିନିଲୀୟେ ମାୟାୟାଂ ନ ବିଲିୟେ ବା ଶୁଚା ପରଂ ଲୀୟେ ।
ଆନନ୍ଦସୀମନି ଲସତ୍ତିଲ୍ଲବନୀଧାମନି ସ୍ୱଭୂମନି ତୁ ॥ ୨୫ ॥
ଅଧିହେମସଭଂ ପ୍ରସଭଂ ବିସଭଙ୍ଗବଦାନ୍ୟଧନ୍ୟରୁଚମ୍ ।
ଶ୍ରୁତଗଲଗରଲଂ ସରଲଂ ନିରତଂ ଭକ୍ତାବନେ ଭଜେ ଦେବମ୍ ॥ ୨୬ ॥
ସଭୟା ଚିତ୍ସଭୟାସୀନ୍ମାୟା ମାୟାପ୍ରବୋଧଶୀତରୁଚେଃ ।
ସୁହିତା ଧୀଃ ସୁହିତା ମେ ସୋମା ସୋମାର୍ଧଧାରିଣୀ ମୂର୍ତିଃ ॥ ୨୭ ॥
ପତ୍ୟା ହେମସଭାୟାଃ ସତ୍ୟାନନ୍ଦୈକଚିଦ୍ୱପୁଷା ।
କତ୍ୟାର୍ତା ନ ତ୍ରାତା ନୃତ୍ୟାୟତ୍ତେନ ମାଦୃଶା ମର୍ତ୍ୟାଃ ॥ ୨୮ ॥
ଭଜତାଂ ମୁମୁକ୍ଷୟା ତ୍ୱାଂ ନଟେଶ ଲଭୟାସ୍ତ୍ରୟଃ ପୁମର୍ଥାଶ୍ଚ ।
ଫଲଲିପ୍ସୟାମ୍ରଭାଜାଂ ଛାୟାସୌରଭ୍ୟମାଧବ୍ୟ ଇବ ॥ ୨୯ ॥
କଞ୍ଚୁକପଞ୍ଚକନଦ୍ଧଂ ନଟୟସି ମାଂ କିଂ ନଟେଶ ନାଟୟସି ।
ନଟସି ନିରାବୃତିସୁଖିତୋ ଜହି ମାୟାଂ ତ୍ୱାଦୃଶୋଽହମପି ତତ୍ ସ୍ୟାମ୍ ॥ ୩୦ ॥
ଆସ୍ତାଂ ନଟେଶ ତଦ୍ୟନ୍ନଟତି ଭବାନମ୍ବରେ ନିରାଲମ୍ବେ ।
ତ୍ୱନ୍ନଟନେଽପି ହି ନଟନଂ ବେଦପୁରାନାଗମାଃ ସମାଦଧତି ॥ ୩୧ ॥
ବେଧସି ସର୍ୱାଧୀଶେଽମେଧସି ବା ମାଦୃଶେ ସରୂପକୃତା ।
ରୋଧସି ଶିବଗଙ୍ଗାୟା ବୋଧସିରା କାଚିଦୁଲ୍ଲସତି ॥ ୩୨ ॥
ହଟ୍ଟାୟିତଂ ବିମୁକ୍ତେଃ କୁଟ୍ଟାକଂ ତଂ ଭଜାମି ମାୟାୟାଃ ।
ଭଟ୍ଟାରକଂ ସଭାୟାଃ କିଟ୍ଟାତ୍ମନ୍ୟଙ୍ଗକେ ତ୍ୟଜନ୍ମମତାମ୍ ॥ ୩୩ ॥
ଶ୍ରୀମଚ୍ଚିଦମ୍ବରେଶାଦନ୍ୟତ୍ରାନନ୍ଦତାଣ୍ଡବାସକ୍ତାତ୍ ।
ବ୍ରାହ୍ମଂ ଲକ୍ଷଣମାସ୍ତେ କୁତ୍ରଚିଦାନନ୍ଦରୂପତା ଦେବେ ॥ ୩୪ ॥
କ୍ଷୁଲ୍ଲକକାମକୃତେଽପି ତ୍ୱତ୍ସେବା ସ୍ୟାଦ୍ୱିମୁକ୍ତିମପି ଦାତ୍ରୀ ।
ପୀତାମୃତୋଽପ୍ୟୁଦନ୍ୟାଶାନ୍ତ୍ୟୈ ସ୍ୟାଚ୍ଚିତ୍ସଭାଧିପାମର୍ତ୍ୟଃ ॥ ୩୫ ॥
ସତ୍ୟଂ ସତ୍ୟଂ ଗତ୍ୟନ୍ତରମୁତ୍ସୃଜ୍ୟ ତେ ପଦାପାତ୍ୟମ୍ ।
ଅତ୍ୟନ୍ତାର୍ତଂ ଭୃତ୍ୟଂ ନ ତ୍ୟଜ ନିତ୍ୟଂ ନଟେଶ ମାଂ ପାହି ॥ ୩୬ ॥
ଷଟ୍ତ୍ରିଂଶତା ତତ୍ତ୍ୱମୟୀଭିରାଭିଃ ସୋପାନଭୂତାଭିରୁମାସହାୟମ୍ ।
ଆର୍ୟାଭିରାଦ୍ୟଂ ପରତତ୍ତ୍ୱଭୂତଂ ଚିଦମ୍ବରାନନ୍ଦନଟଂ ଭଜଧ୍ୱମ୍ ॥ ୩୭ ॥
॥ ଇତି ଶ୍ରୀତତ୍ତ୍ୱାର୍ୟାସ୍ତବଃ ସମ୍ପୂର୍ଣଃ ॥
Also Read:
Tattvaryastavam Hymn on Lord Nataraja at Chidambaram Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil
