Tattvaryastavam Hymn on Lord Nataraja at Chidambaram in Kannada:
॥ ತತ್ತ್ವಾರ್ಯಾಸ್ತವಃ ॥
ಶಿವಕಾಮಸುಂದರೀಶಂ ಶಿವಗಂಗಾತೀರಕಲ್ಪಿತನಿವೇಶಂ ।
ಶಿವಮಾಶ್ರಯೇ ದ್ಯುಕೇಶಂ ಶಿವಮಿಚ್ಛನ್ಮಾ ವಪುಷ್ಯಭಿನಿವೇಶಂ ॥ 1 ॥
ಗೀರ್ವಾಣಚಕ್ರವರ್ತೀ ಗೀಶ್ಚೇತೋಮಾರ್ಗದೂರತೋವರ್ತೀ ।
ಭಕ್ತಾಶಯಾನುವರ್ತೀ ಭವತು ನಟೇಶೋಽಖಿಲಾಮಯನಿವರ್ತೀ ॥ 2 ॥
ವೈಯಾಘ್ರಪಾದಭಾಗ್ಯಂ ವೈಯಾಘ್ರಂ ಚರ್ಮ ಕಂಚನ ವಸಾನಂ ।
ವೈಯಾಕರಣಫಣೀಡ್ಯಂ ವೈಯಾಸಿಕ್ಯಾ ಗಿರಾ ಸ್ತುತಂ ಪ್ರಣುಮಃ ॥ 3 ॥
ಹಾಟಕಸಭಾನಿವಾಸಃ ಶಾಟಕತಾಪನ್ನಸಕಲಹರಿದಂತಃ ।
ಘೋಟಕನಿಗಮೋ ಮಾಯಾನಾಟಕಸಾಕ್ಷೀ ಜಗತ್ಪತಿರ್ಜಯತಿ ॥ 4 ॥
ಶೈಲೂಷರಾಜಮಾದ್ಯಂ ಮಾಲೂರಪ್ರಸವಮಾಲಿಕಾಭರಣಂ ।
ಪೀಲೂಪಮೋಽನ್ಧುಜೀರ್ಯಚ್ಛಾಲೂರಾಭಃ ಕಥಂ ವಿಜಾನೀಯಾಂ ॥ 5 ॥
ಕನಕಸಭೈಕನಿಕೇತಂ ಕಠಿನಪುರಾಣೋಕ್ತಿಸಾರಸಂಕೇತಂ ।
ನಾರಾಧಯಂತಿ ಕೇ ತಂ ನಾರಾಯಣ್ಯಾ ಯುತಂ ಸ್ವತೋಕೇತಂ ॥ 6 ॥
ತಿಲ್ಲವನೇ ಕ್ಷುಲ್ಲವನೇ ಪಲ್ಲವಸಂಭಿನ್ನಫುಲ್ಲಪುಷ್ಪಘನೇ ।
ಚಿಲ್ಲಹರೀಮುಲ್ಲಲಯನ್ ವಲ್ಲಭಯಾ ಭಿಲ್ಲತಲ್ಲಜೋ ನಟತಿ ॥ 7 ॥
ವೈರಾಜಹೃತ್ಸರೋಜೇ ವೈರಾಜಾದ್ಯೈಃ ಸ ಸಾಮಭಿಃ ಸ್ತವ್ಯಃ ।
ವೈರಾಗ್ಯಾದಿಗುಣಾಢ್ಯೈಃ ವೈರಾದ್ಯುತ್ಸೃಜ್ಯ ದೃಶ್ಯತೇ ನೃತ್ಯನ್ ॥ 8 ॥
ಢಕ್ಕಾನಿನದೈಃ ಸೂತ್ರಾಣ್ಯಂಗದನಾದೈರಹೋ ಮಹದ್ಭಾಷ್ಯಂ ।
ವ್ಯಾಕರಣಸ್ಯ ವಿವೃಣ್ವನ್ ನೃತ್ಯತಿ ಭೃತ್ಯಾನ್ ಕೃತಾರ್ಥಯನ್ ಮರ್ತ್ಯಾನ್ ॥ 9 ॥
ನಟನಾಯಕ ನಟನಾಯ ಕ ಇಹ ಸುಕೃತೀ ನೋ ತವ ಸ್ಪೃಹಯೇತ್ ।
ಮನ್ಽಜುಲತಾಮಂಜುಲತಾಮಹಿತೇ ವಸ್ತುಂ ಚ ತಿಲ್ಲವನೇ ॥ 10 ॥
ಅತಿದುರಿತೋತ್ತಾರಕೃತೇ ಚಿರಧೃತಹರ್ಷಃ ಸಭಾಪತಿಃ ಸದ್ಯಃ ।
ಅಗಣೇಯಾಘಘನಂ ಮಾಮಾಸಾದ್ಯಾನಂದಮೇದುರೋ ನಟತಿ ॥ 11 ॥
ಮತ್ಪಾದಲಗ್ನಜನತಾಮುದ್ಧರ್ತಾಸ್ಮೀತಿ ಚಿತ್ಸಭಾನಾಥಃ ।
ತಾಂಡವಮಿಷೋದ್ಧೃತೈಕಸವಾಂಘ್ರಿಃ ಸರ್ವಾನ್ ವಿಬೋಧಯತಿ ॥ 12 ॥
ಆಪನ್ನಲೋಕಪಾಲಿನಿ ಕಪಾಲಿನಿ ಸ್ತ್ರೀಕೃತಾಂಗಪಾಲಿನಿ ಮೇ ।
ಶಮಿತವಿಧಿಶ್ರೀಶರಣೇ ಶರಣಾ ಧೀರಸ್ತು ಚಿತ್ಸಭಾಶರಣೇ ॥ 13 ॥
ಭಿಕ್ಷುರ್ಮಹೇಶ್ವರೋಽಪಿ ಶ್ರುತ್ಯಾ ಪ್ರೋಕ್ತಃ ಶಿವೋಽಪ್ಯುಗ್ರಃ ।
ಅಪಿ ಭವಹಾರೀ ಚ ಭವೋ ನಟೋಽಪಿ ಚಿತ್ರಂ ಸಭಾನಾಥಃ ॥ 14 ॥
ನೃತ್ಯನ್ನಟೇಶಮೌಲಿತ್ವಂಗದ್ಗಂಗಾತರಂಗಶೀಕರಿಣಃ ।
ಭೂಷಾಹಿಪೀತಶಿಷ್ಟಾಃ ಪುನಂತು ಮಾಂ ತಿಲ್ಲವನವಾತಾಃ ॥ 15 ॥
ಕನಕಸಭಾಸಮ್ರಾಜೋ ನಟನಾರಂಭೇ ಝಲಂಝಲಂಝಲಿತಿ ।
ಮಂಜೀರಮಂಜುನಿನದಾ ಧ್ವನಿಯುಃ ಶ್ರೋತ್ರೇ ಕದಾ ನು ಮಮ ॥ 16 ॥
ಪರ್ವತರಾಜತನೂಜಾಕುಚತಟಸಂಕ್ರಾಂತಕುಂಕುಮೋನ್ಮಿಶ್ರಾಃ ।
ನಟನಾರ್ಭಟೀವಿಧೂತಾ ಭೂತಿಕಣಾಸ್ತೇ ಸ್ಪೃಶೇಯುರಪಿ ಮೇಽಙ್ಗಂ ॥ 17 ॥
ನಟನೋಚ್ಚಲತ್ಕಪಾಲಾಮರ್ದಿತಚಂದ್ರಕ್ಷರತ್ಸುಧಾಮಿಲಿತಾಃ ।
ಆದಿನಟಮೌಲಿತಟಿನೀಪೃಷತೋ ಗೋತ್ರೇಽತ್ರ ಮೇ ಸ್ಖಲೇಯುಃ ಕಿಂ ॥ 18 ॥
ಪಶ್ಯಾನಿ ಸಭಾಧೀಶಂ ಕದಾ ನು ತಂ ಮೂರ್ಧನಿ ಸಭಾಧೀಶಂ ।
ಯಃ ಕ್ಷಯರಸಿಕಂ ಕಾಲಂ ಜಿತವಾನ್ ಧತ್ತೇ ಚ ಶಿರಸಿ ಕಂಕಾಲಂ ॥ 19 ॥
ತನುಜಾಯಾತನುಜಾಯಾಸಕ್ತಾನಾಂ ದುರ್ಲಭಂ ಸಭಾನಾಥಂ ।
ನಗತನಯಾ ನಗತನಯಾ ವಶಯತಿ ದತ್ತ್ವಾ ಶರೀರಾರ್ಧಂ ॥ 20 ॥
ಆನಂದತಾಂಡವಂ ಯಸ್ತವೇಶ ಪಶ್ಯೇನ್ನ ಚಾಪಿ ನೃಗಣೇ ಯಃ ।
ಸ ಚ ಸ ಚ ನ ಚಂದ್ರಮೌಲೇ ವಿದ್ವದ್ಭಿರ್ಜನ್ಮವತ್ಸು ವಿಗಣೇಯಃ ॥ 21 ॥
ಕಾಮಪರವಶಂ ಕೃತ್ವಾ ಕಾಮಪರವಶಂ ತ್ವಕೃತ್ವಾ ಮಾಂ ।
ಕನಕಸಭಾಂ ಗಮಯಸಿ ರೇ ಕನಕಸಭಾಂ ಹಾ ನ ಯಾಪಯಸಿ ॥ 22 ॥
ನಟನಂ ವಿಹಾಯ ಶಂಭೋರ್ಘಟನಂ ಪೀನಸ್ತನೀಭಿರಾಶಾಸ್ಸೇ ।
ಅಟನಂ ಭವೇ ದುರಂತೇ ವಿಟ ನಂದಸಿ ನ ಸ್ವಭೂಮಸುಖಂ ॥ 23 ॥
ಕಲಿತಭವಲಂಘನಾನಾಂ ಕಿಂ ಕರೈವ ಚಿತ್ಸುಖಘನಾನಾಂ ।
ಸುಮುದಾಂ ಸಾಪಘನಾನಾಂ ಶಿವಕಾಮೇಶ್ಯಾಃ ಕೃಪಾಮೃತಘನಾನಾಂ ॥ 24 ॥
ನಿನಿಲೀಯೇ ಮಾಯಾಯಾಂ ನ ವಿಲಿಯೇ ವಾ ಶುಚಾ ಪರಂ ಲೀಯೇ ।
ಆನಂದಸೀಮನಿ ಲಸತ್ತಿಲ್ಲವನೀಧಾಮನಿ ಸ್ವಭೂಮನಿ ತು ॥ 25 ॥
ಅಧಿಹೇಮಸಭಂ ಪ್ರಸಭಂ ಬಿಸಭಂಗವದಾನ್ಯಧನ್ಯರುಚಂ ।
ಶ್ರುತಗಲಗರಲಂ ಸರಲಂ ನಿರತಂ ಭಕ್ತಾವನೇ ಭಜೇ ದೇವಂ ॥ 26 ॥
ಸಭಯಾ ಚಿತ್ಸಭಯಾಸೀನ್ಮಾಯಾ ಮಾಯಾಪ್ರಬೋಧಶೀತರುಚೇಃ ।
ಸುಹಿತಾ ಧೀಃ ಸುಹಿತಾ ಮೇ ಸೋಮಾ ಸೋಮಾರ್ಧಧಾರಿಣೀ ಮೂರ್ತಿಃ ॥ 27 ॥
ಪತ್ಯಾ ಹೇಮಸಭಾಯಾಃ ಸತ್ಯಾನಂದೈಕಚಿದ್ವಪುಷಾ ।
ಕತ್ಯಾರ್ತಾ ನ ತ್ರಾತಾ ನೃತ್ಯಾಯತ್ತೇನ ಮಾದೃಶಾ ಮರ್ತ್ಯಾಃ ॥ 28 ॥
ಭಜತಾಂ ಮುಮುಕ್ಷಯಾ ತ್ವಾಂ ನಟೇಶ ಲಭಯಾಸ್ತ್ರಯಃ ಪುಮರ್ಥಾಶ್ಚ ।
ಫಲಲಿಪ್ಸಯಾಮ್ರಭಾಜಾಂ ಛಾಯಾಸೌರಭ್ಯಮಾಧವ್ಯ ಇವ ॥ 29 ॥
ಕಂಚುಕಪಂಚಕನದ್ಧಂ ನಟಯಸಿ ಮಾಂ ಕಿಂ ನಟೇಶ ನಾಟಯಸಿ ।
ನಟಸಿ ನಿರಾವೃತಿಸುಖಿತೋ ಜಹಿ ಮಾಯಾಂ ತ್ವಾದೃಶೋಽಹಮಪಿ ತತ್ ಸ್ಯಾಂ ॥ 30 ॥
ಆಸ್ತಾಂ ನಟೇಶ ತದ್ಯನ್ನಟತಿ ಭವಾನಂಬರೇ ನಿರಾಲಂಬೇ ।
ತ್ವನ್ನಟನೇಽಪಿ ಹಿ ನಟನಂ ವೇದಪುರಾನಾಗಮಾಃ ಸಮಾದಧತಿ ॥ 31 ॥
ವೇಧಸಿ ಸರ್ವಾಧೀಶೇಽಮೇಧಸಿ ವಾ ಮಾದೃಶೇ ಸರೂಪಕೃತಾ ।
ರೋಧಸಿ ಶಿವಗಂಗಾಯಾ ಬೋಧಸಿರಾ ಕಾಚಿದುಲ್ಲಸತಿ ॥ 32 ॥
ಹಟ್ಟಾಯಿತಂ ವಿಮುಕ್ತೇಃ ಕುಟ್ಟಾಕಂ ತಂ ಭಜಾಮಿ ಮಾಯಾಯಾಃ ।
ಭಟ್ಟಾರಕಂ ಸಭಾಯಾಃ ಕಿಟ್ಟಾತ್ಮನ್ಯಂಗಕೇ ತ್ಯಜನ್ಮಮತಾಂ ॥ 33 ॥
ಶ್ರೀಮಚ್ಚಿದಂಬರೇಶಾದನ್ಯತ್ರಾನಂದತಾಂಡವಾಸಕ್ತಾತ್ ।
ಬ್ರಾಹ್ಮಂ ಲಕ್ಷಣಮಾಸ್ತೇ ಕುತ್ರಚಿದಾನಂದರೂಪತಾ ದೇವೇ ॥ 34 ॥
ಕ್ಷುಲ್ಲಕಕಾಮಕೃತೇಽಪಿ ತ್ವತ್ಸೇವಾ ಸ್ಯಾದ್ವಿಮುಕ್ತಿಮಪಿ ದಾತ್ರೀ ।
ಪೀತಾಮೃತೋಽಪ್ಯುದನ್ಯಾಶಾಂತ್ಯೈ ಸ್ಯಾಚ್ಚಿತ್ಸಭಾಧಿಪಾಮರ್ತ್ಯಃ ॥ 35 ॥
ಸತ್ಯಂ ಸತ್ಯಂ ಗತ್ಯಂತರಮುತ್ಸೃಜ್ಯ ತೇ ಪದಾಪಾತ್ಯಂ ।
ಅತ್ಯಂತಾರ್ತಂ ಭೃತ್ಯಂ ನ ತ್ಯಜ ನಿತ್ಯಂ ನಟೇಶ ಮಾಂ ಪಾಹಿ ॥ 36 ॥
ಷಟ್ತ್ರಿಂಶತಾ ತತ್ತ್ವಮಯೀಭಿರಾಭಿಃ ಸೋಪಾನಭೂತಾಭಿರುಮಾಸಹಾಯಂ ।
ಆರ್ಯಾಭಿರಾದ್ಯಂ ಪರತತ್ತ್ವಭೂತಂ ಚಿದಂಬರಾನಂದನಟಂ ಭಜಧ್ವಂ ॥ 37 ॥
॥ ಇತಿ ಶ್ರೀತತ್ತ್ವಾರ್ಯಾಸ್ತವಃ ಸಂಪೂರ್ಣಃ ॥
Also Read:
Tattvaryastavam Hymn on Lord Nataraja at Chidambaram Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil