Vichakhnu Geetaa in Gujarati:
॥ વિચખ્નુગીતા ॥
અધ્યાયઃ ૨૫૭
ભી
અત્રાપ્યુદાહરન્તીમમિતિહાસં પુરાતનમ્ ।
પ્રજાનામનુકમ્પાર્થં ગીતં રાજ્ઞા વિચખ્નુના ॥ ૧ ॥
છિન્નસ્થૂનં વૃષં દૃષ્ટ્વા વિરાવં ચ ગવાં ભૃશમ્ ।
ગોગ્રહે યજ્ઞવાતસ્ય પ્રેક્ષમાણઃ સ પાર્થિવઃ ॥ ૨ ॥
સ્વસ્તિ ગોભ્યોઽસ્તુ લોકેષુ તતો નિર્વચનં કૃતમ્ ।
હિંસાયાં હિ પ્રવૃત્તાયામાશીરેષાનુકલ્પિતા ॥ ૩ ॥
અવ્યવસ્થિત મર્યાદૈર્વિમૂઢૈર્નાસ્તિકૈર્નરૈઃ ।
સંશયાત્મભિરવ્યક્તૈર્હિંસા સમનુકીર્તિતા ॥ ૪ ॥
સર્વકર્મ સ્વહિંસા હિ ધર્માત્મા મનુરબ્રવીત્ ।
કામરાગાદ્વિહિંસન્તિ બહિર્વેદ્યાં પશૂન્નરાઃ ॥ ૫ ॥
તસ્માત્પ્રમાનતઃ કાર્યો ધર્મઃ સૂક્ષ્મો વિજાનતા ।
અહિંસૈવ હિ સર્વેભ્યો ધર્મેભ્યો જ્યાયસી મતા ॥ ૬ ॥
ઉપોષ્ય સંશિતો ભૂત્વા હિત્વા વેદ કૃતાઃ શ્રુતીઃ ।
આચાર ઇત્યનાચારાઃ કૃપણાઃ ફલહેતવઃ ॥ ૭ ॥
યદિ યજ્ઞાંશ્ચ વૃક્ષાંશ્ચ યૂપાંશ્ચોદ્ધિશ્ય માનવાઃ ।
વૃથા માંસાનિ ખાદન્તિ નૈષ ધર્મઃ પ્રશસ્યતે ॥ ૮ ॥
માંસં મધુ સુરા મત્સ્યા આસવં કૃસરૌદનમ્ ।
ધૂર્તૈઃ પ્રવર્તિતં હ્યેતન્નૈતદ્વેદેષુ કલ્પિતમ્ ॥ ૯ ॥
કામાન્મોહાચ્ચ લોભાચ્ચ લૌલ્યમેતત્પ્રવર્તિતમ્ ।
વિષ્ણુમેવાભિજાનન્તિ સર્વયજ્ઞેષુ બ્રાહ્મણાઃ ।
પાયસૈઃ સુમનોભિશ્ચ તસ્યાપિ યજનં સ્મૃતમ્ ॥ ૧૦ ॥
યજ્ઞિયાશ્ચૈવ યે વૃક્ષા વેદેષુ પરિકલ્પિતાઃ ।
યચ્ચાપિ કિં ચિત્કર્તવ્યમન્યચ્ચોક્ષૈઃ સુસંસ્કૃતમ્ ।
મહાસત્ત્વૈઃ શુદ્ધભાવૈઃ સર્વં દેવાર્હમેવ તત્ ॥ ૧૧ ॥
ય્
શરીરમાપદશ્ચાપિ વિવદન્ત્યવિહિંસતઃ ।
કથં યાત્રા શરીરસ્ય નિરારમ્ભસ્ય સેત્સ્યતિ ॥ ૧૨ ॥
ભી
યથા શરીરં ન ગ્લાયેન્નેયાન્મૃત્યુવશં યથા ।
તથા કર્મસુ વર્તેત સમર્થો ધર્મમાચરેત્ ॥ ૧૩ ॥
॥ ઇતિ વિચખ્નુગીતા સમાપ્તા ॥
Also Read:
Vichakhnu Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
