Templesinindiainfo

Best Spiritual Website

Vichakhnu Gita Lyrics in Telugu

Vichakhnu Geetaa in Telugu:

॥ విచఖ్నుగీతా ॥

అధ్యాయః 257
భీ
అత్రాప్యుదాహరంతీమమితిహాసం పురాతనం ।
ప్రజానామనుకంపార్థం గీతం రాజ్ఞా విచఖ్నునా ॥ 1 ॥

ఛిన్నస్థూనం వృషం దృష్ట్వా విరావం చ గవాం భృశం ।
గోగ్రహే యజ్ఞవాతస్య ప్రేక్షమాణః స పార్థివః ॥ 2 ॥

స్వస్తి గోభ్యోఽస్తు లోకేషు తతో నిర్వచనం కృతం ।
హింసాయాం హి ప్రవృత్తాయామాశీరేషానుకల్పితా ॥ 3 ॥

అవ్యవస్థిత మర్యాదైర్విమూఢైర్నాస్తికైర్నరైః ।
సంశయాత్మభిరవ్యక్తైర్హింసా సమనుకీర్తితా ॥ 4 ॥

సర్వకర్మ స్వహింసా హి ధర్మాత్మా మనురబ్రవీత్ ।
కామరాగాద్విహింసంతి బహిర్వేద్యాం పశూన్నరాః ॥ 5 ॥

తస్మాత్ప్రమానతః కార్యో ధర్మః సూక్ష్మో విజానతా ।
అహింసైవ హి సర్వేభ్యో ధర్మేభ్యో జ్యాయసీ మతా ॥ 6 ॥

ఉపోష్య సంశితో భూత్వా హిత్వా వేద కృతాః శ్రుతీః ।
ఆచార ఇత్యనాచారాః కృపణాః ఫలహేతవః ॥ 7 ॥

యది యజ్ఞాంశ్చ వృక్షాంశ్చ యూపాంశ్చోద్ధిశ్య మానవాః ।
వృథా మాంసాని ఖాదంతి నైష ధర్మః ప్రశస్యతే ॥ 8 ॥

మాంసం మధు సురా మత్స్యా ఆసవం కృసరౌదనం ।
ధూర్తైః ప్రవర్తితం హ్యేతన్నైతద్వేదేషు కల్పితం ॥ 9 ॥

కామాన్మోహాచ్చ లోభాచ్చ లౌల్యమేతత్ప్రవర్తితం ।
విష్ణుమేవాభిజానంతి సర్వయజ్ఞేషు బ్రాహ్మణాః ।
పాయసైః సుమనోభిశ్చ తస్యాపి యజనం స్మృతం ॥ 10 ॥

యజ్ఞియాశ్చైవ యే వృక్షా వేదేషు పరికల్పితాః ।
యచ్చాపి కిం చిత్కర్తవ్యమన్యచ్చోక్షైః సుసంస్కృతం ।
మహాసత్త్వైః శుద్ధభావైః సర్వం దేవార్హమేవ తత్ ॥ 11 ॥

య్
శరీరమాపదశ్చాపి వివదంత్యవిహింసతః ।
కథం యాత్రా శరీరస్య నిరారంభస్య సేత్స్యతి ॥ 12 ॥

భీ
యథా శరీరం న గ్లాయేన్నేయాన్మృత్యువశం యథా ।
తథా కర్మసు వర్తేత సమర్థో ధర్మమాచరేత్ ॥ 13 ॥

॥ ఇతి విచఖ్నుగీతా సమాప్తా ॥

Also Read:

Vichakhnu Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

Vichakhnu Gita Lyrics in Telugu

Leave a Reply

Your email address will not be published. Required fields are marked *

Scroll to top