Gita - Geetaa

Vichakhnu Gita Lyrics in Malayalam

Vichakhnu Geetaa in Malayalam:

॥ വിചഖ്നുഗീതാ ॥

അധ്യായഃ 257
ഭീ
അത്രാപ്യുദാഹരന്തീമമിതിഹാസം പുരാതനം ।
പ്രജാനാമനുകമ്പാർഥം ഗീതം രാജ്ഞാ വിചഖ്നുനാ ॥ 1 ॥

ഛിന്നസ്ഥൂനം വൃഷം ദൃഷ്ട്വാ വിരാവം ച ഗവാം ഭൃശം ।
ഗോഗ്രഹേ യജ്ഞവാതസ്യ പ്രേക്ഷമാണഃ സ പാർഥിവഃ ॥ 2 ॥

സ്വസ്തി ഗോഭ്യോഽസ്തു ലോകേഷു തതോ നിർവചനം കൃതം ।
ഹിംസായാം ഹി പ്രവൃത്തായാമാശീരേഷാനുകൽപിതാ ॥ 3 ॥

അവ്യവസ്ഥിത മര്യാദൈർവിമൂഢൈർനാസ്തികൈർനരൈഃ ।
സംശയാത്മഭിരവ്യക്തൈർഹിംസാ സമനുകീർതിതാ ॥ 4 ॥

സർവകർമ സ്വഹിംസാ ഹി ധർമാത്മാ മനുരബ്രവീത് ।
കാമരാഗാദ്വിഹിംസന്തി ബഹിർവേദ്യാം പശൂന്നരാഃ ॥ 5 ॥

തസ്മാത്പ്രമാനതഃ കാര്യോ ധർമഃ സൂക്ഷ്മോ വിജാനതാ ।
അഹിംസൈവ ഹി സർവേഭ്യോ ധർമേഭ്യോ ജ്യായസീ മതാ ॥ 6 ॥

ഉപോഷ്യ സംശിതോ ഭൂത്വാ ഹിത്വാ വേദ കൃതാഃ ശ്രുതീഃ ।
ആചാര ഇത്യനാചാരാഃ കൃപണാഃ ഫലഹേതവഃ ॥ 7 ॥

യദി യജ്ഞാംശ്ച വൃക്ഷാംശ്ച യൂപാംശ്ചോദ്ധിശ്യ മാനവാഃ ।
വൃഥാ മാംസാനി ഖാദന്തി നൈഷ ധർമഃ പ്രശസ്യതേ ॥ 8 ॥

മാംസം മധു സുരാ മത്സ്യാ ആസവം കൃസരൗദനം ।
ധൂർതൈഃ പ്രവർതിതം ഹ്യേതന്നൈതദ്വേദേഷു കൽപിതം ॥ 9 ॥

കാമാന്മോഹാച്ച ലോഭാച്ച ലൗല്യമേതത്പ്രവർതിതം ।
വിഷ്ണുമേവാഭിജാനന്തി സർവയജ്ഞേഷു ബ്രാഹ്മണാഃ ।
പായസൈഃ സുമനോഭിശ്ച തസ്യാപി യജനം സ്മൃതം ॥ 10 ॥

യജ്ഞിയാശ്ചൈവ യേ വൃക്ഷാ വേദേഷു പരികൽപിതാഃ ।
യച്ചാപി കിം ചിത്കർതവ്യമന്യച്ചോക്ഷൈഃ സുസംസ്കൃതം ।
മഹാസത്ത്വൈഃ ശുദ്ധഭാവൈഃ സർവം ദേവാർഹമേവ തത് ॥ 11 ॥

യ്
ശരീരമാപദശ്ചാപി വിവദന്ത്യവിഹിംസതഃ ।
കഥം യാത്രാ ശരീരസ്യ നിരാരംഭസ്യ സേത്സ്യതി ॥ 12 ॥

ഭീ
യഥാ ശരീരം ന ഗ്ലായേന്നേയാന്മൃത്യുവശം യഥാ ।
തഥാ കർമസു വർതേത സമർഥോ ധർമമാചരേത് ॥ 13 ॥

॥ ഇതി വിചഖ്നുഗീതാ സമാപ്താ ॥

Also Read:

Vichakhnu Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil