Shataka

Vijnanashataka by Bhartrihari Sequence 2 Pathak Lyrics in Bengali

Bhartrihari’s Vijnana Shataka Lyrics in Bengali:

বিজ্ঞানশতকং পাঠকস্য ক্রম ভর্তৃহরিকৃত

বিগলদমলদানশ্রেণিসৌরভ্যলোভো-
পগতমধুপমালাব্যাকুলাকাশদেশঃ ।
অবতু জগদশেষং শশ্বদুগ্রাত্মদর্য্যো ?
বিপুলপরিঘদন্তোদ্দণ্ডশুণ্ডো গণেশঃ ॥ ১-১ ॥
য়ত্সত্তয়া শুচি বিভাতি য়দাত্মভাসা
প্রদ্যোতিতং জগদশেষমপাস্তদোষম্ ।
তদ্ব্রহ্ম নিষ্কলমসঙ্গমপারসৌখ্যং
প্রত্যগ্ভজে পরমমঙ্গলমদ্বিতীয়ম্ ॥ ২-২ ॥

হে পুত্রাঃ ব্রজতাভয়ং য়ত ইতো গেহং জনন্যা সমং
রাগদ্বেষমদাদয়ো ভবতু বঃ পন্থাঃ শিবোঽমায়য়া ।
কাশীং সাম্প্রতমাগতোঽহমহহ ক্লেশেন হাতুং বপুঃ
সর্বানর্থগৃহং সুপর্বতটিনীবীচিশ্রিয়ামণ্ডিতাম্ ॥ ৩-১০১ ॥

তীর্থাবস্থানজন্যং ন ভবতি সুকৃতং দুষ্কৃতোন্মূলনং বা
য়স্মাদাভ্যাং বিহীনঃ শ্রুতিসমধিগতঃ প্রত্যগাত্মা জনানাম্ ।
সর্বেষামদ্বিতীয়ো নিরতিশয়সুখং য়দ্যপি স্বপ্রকাশা-
স্তীর্থে বিদ্যাস্তথাপি স্পৃহয়তি তপসে য়ত্তদাশ্চর্যহেতুঃ ॥ ৪-৬৪ ॥

প্রজ্ঞাবন্তোঽপি কেচিচ্চিরমুপনিষদাদ্যর্থকারা য়তন্তো
ব্যাকুর্বন্তোঽপি কেচিদ্দলিতপরমতা য়দ্যপি জ্ঞাততত্ত্বাঃ ।
তীর্থে তীর্থং তথাপি ভ্রমণরসিকতাং নো জহত্যধ্বখেদা
য়ত্তত্কষ্টং বিধত্তে মম মনসি সদা পশ্যতস্তত্র কৃত্যম্ ॥ ৫-৬৩ ॥

য়াবত্তে য়মকিঙ্করাঃ করতলক্রূরাসিপাশাদয়ো
বুর্দান্তাঃ সৃণিরাজদীর্ঘসুনখা দংষ্ট্রাকরালাননাঃ ।
নাকর্ষন্তি নরান্ধনাদিরহিতান্যত্তাবদিষ্টেচ্ছয়া
য়ুষ্মাভিঃ ক্রিয়তাং ধনস্য কৃপণাস্ত্যাগঃ সুপর্বাদিষু ॥ ৬-৩২ ॥

আঢ্যঃ কশ্চিদপণ্ডিতোঽপি বিদুষাং সেব্যঃ সদা ধার্মিকো
বিশ্বেষামুপজারকো মৃগদৃশামানন্দকন্দাকরঃ ।
কর্পূরদ্যুতিকীর্তিভূষিতহরিদ্ভূমণ্ডলে গীয়তে
শশ্বদ্দ্বন্দিজনৈর্মহীতনুভৃতঃ পুণ্যৈর্ন কস্যোদয়ঃ ॥ ৭-৮২ ॥

য়মারাধ্যারাধ্যং ত্রিভুবনগুরোরাপ্তবসতিঃ
ধ্রুবো জ্যোতিশ্চক্রে সুচিরমনবদ্যং শিশুরপি ।
অবাপ প্রল্হাদঃ পরমপদমারাধ্য য়মিতঃ
স কস্যালং ক্লেশো হরতি ন হরিঃ কীর্তিতগুঅণঃ ॥ ৮-১৯ ॥

কো দেবো ভুবনোদয়াবনকরো বিশ্বেশ্বরো বিদ্যতে
য়স্যাজ্ঞাবশবর্তিনো জলধিয়ো নাপ্লাবয়ন্তি ক্ষিতিম্ ।
ইত্যাম্নাতমপীশ্বরং সুরশিরোরত্নং জগত্সাক্ষিণং
সর্বজ্ঞং ধনয়ৌবনোদ্ঘতমনা নো মন্যতে বালিশঃ ॥ ৯-৭৮ ॥

কস্যেমৌ পিতরৌ মনোভববতা তাপেন সংয়োজিতা-
বন্যোন্যং তনয়াদিকং জনয়তো ভূম্যাদিভূতাত্মভিঃ ।
ইত্থং দুঃস্থমতির্মনোভবরতির্যো মন্যতে নাস্তিকঃ
শান্তিস্তস্য কথং ভবেদ্ঘনবতো দুষ্কর্মধর্মশ্রমাত্ ॥ ১০-৭৯ ॥

দেহাদ্যাত্মমতানুসারি ভবতাং য়দ্যস্তি মুগ্ধং মতং
বেদব্যাসবিনিন্দিতং কথমহো পিত্রাদ্যপত্যে তদা ।
দাহাদিঃ ক্রিয়তে বিশুদ্ধফলকো য়ুষ্মাভিরুদ্বেজিতৈঃ
শোকেনার্থপরায়ণৈরপসদৈর্দৃষ্টার্থমাত্রার্থিভিঃ ॥ ১১-৩৩ ॥

বিপশ্চিদ্দেহাদৌ ক্বচিদপি মমত্বং ন কুরুতে
পরব্রহ্মধ্যাতা গগননগরাকারসদৃশে ।
নিরস্তাহঙ্কারঃ শ্রুতিজনিতবিশ্বাসমুষিতো
নিরাতঙ্কোঽব্যগ্রঃ প্রকৃতিমধুরালাপচতুরঃ ॥ ১২-১২ ॥

নিত্যানিত্যপদার্থতত্ত্ববিষয়ে নিত্যং বিচারঃ সতাং
সংসর্গে মিতভাষিতা হিতমিতাহারোঽনহঙ্কারিতা ।
কারুণ্যং কৃপণে জনে সুখিজনে প্রীতিঃ সদা য়স্য স
প্রায়েণৈব তপঃ করোতি সুকৃতী চেতোমুকুন্দপ্রিয়ঃ ॥ ১৩-২৭ ॥

সংসারেঽপি পরোপকারকরণখ্যাতব্রতা মানবা
য়ে সম্পত্তিগৃহা বিচারচতুরা বিশ্বেশ্বরারাধকাঃ ।
তেঽপ্যেনং ভবসাগরং জনিমৃতিগ্রাহাকুলং দুস্তরং
গম্ভীরং সুতরাং তরন্তি বিবিধব্যাধ্যাধিবীচীময়ম্ ॥ ১৪-৩০ ॥

ধন্যা এতে পুমাংসো য়দয়মহমিতি ত্যক্তচেতোবিকল্পা
নিশ্শঙ্কং সংচরন্তো বিদধতি মলিনং কর্ম কামপ্রয়ুক্তাঃ ।
জানন্তোঽপ্যর্থহীনং জগদিদমখিলং ভ্রান্তবদ্দ্বৈতজালং
রাগদ্বেষাদিমন্তো বয়ময়মিতি হা ন ত্যজন্তেঽভিমানম্ ॥ ১৫-৬২ ॥
ন চেত্তে সামর্থ্যং ভবনমরণাতঙ্কহরণে
মনোঽনির্দিষ্টেঽস্মিন্নবগতগুণে জ্ঞাতুমকলে ।
তদা মেঘশ্যামং কমলদলদীর্ঘাক্ষমমলং
ভজস্ব শ্রীরঙ্গং শরদমৃতধামাধিকমুখম্ ॥ ১৬-১৬ ॥

ভ্রাতঃ শান্তং প্রশান্তং ক্বচিদপি নিপতন্মিত্র রে ভূধরাগ্রে
গ্রীষ্মে ধ্যানায় বিষ্ণোঃ স্পৃহয়সি সুতরাং নির্বিশঙ্কে গুহায়াম্ ।
অন্বেষ্যান্তাদৃগত্র ক্ষিতিবলয়তলে স্থানমুন্মূল য়াব-
ত্সংসারানর্থবৃক্ষং প্রথিততমমহামোহমূলং বিশালম্ ॥ ১৭-৪৯ ॥

বিশ্বেশ্বরে ভবতি বিশ্বজনীনজন্ম-
বিশ্বম্ভরে ভগবতি প্রথিতপ্রভাবে ।
য়ো দত্তচিত্তবিষয়ঃ সুকৃতী কৃতার্থো
য়ত্র ক্বচিত্প্রতিদিনং নিবসন্ গৃহাদৌ ॥ ১৮-৫৪ ॥

ধ্যানব্যগ্রং ভবতু তব হৃত্তিষ্ঠতো য়ত্র তত্র
শ্রীমদ্বিষ্ণোস্ত্রিভুবনপতের্নিত্যমানন্দমূর্তেঃ ।
লক্ষ্মীচেতঃকুমুদবিপুলানন্দপীয়ূষধাম্নো
মেঘচ্ছায়াপ্রতিভটতনোঃ ক্লেশসিন্ধুং তিতীর্ষোঃ ॥ ১৯-৩৬ ॥

কামাদিত্রিকমেব মূলমখিলক্লেশস্য মায়োদ্ভবং
মর্ত্যানামিতি দেবমৌলিবিলসদ্ভাজিষ্ণুচূডামণিঃ ।
শ্রীকৃষ্ণো ভগবানবোচদখিলপ্রাণিপ্রিয়ো মত্প্রভু-
র্যস্মাত্তত্ত্রিকমুদ্যতেন মনসা হেয়ং পুমর্থার্থিনা ॥ ২০-৯৭ ॥

কামস্যাপি নিদানমাহুরপরে মায়াং মহাশাসনা
নিশ্চিত্কাং সকলপ্রপঞ্চরচনাচাতুর্যলীলাবতীম্ ।
য়ত্সঙ্গাদ্ভগবানপি প্রভবতি প্রত্যঙ্মহামোহহা
শ্রীরঙ্গো ভুবনোদয়াবনলয়ব্যাপারচক্রেক্রিয়াঃ ॥ ২১-৮৫ ॥

য়দধ্যস্তং সর্বং স্রজি ভুজগবদ্ভাতি পুরতো
মহামায়োদ্গীর্ণং গগনপবনাদ্যং তনুভৃতাম্ ।
ভবেত্তস্যা ভ্রান্তের্মুররিপুরধিষ্ঠানমুদয়ে
য়তো নস্যাদ্ভ্রান্তির্নিরধিকরণা ক্বাপি জগতি ॥ ২২-২৪ ॥

বিয়দ্ভূতং ভূতং য়দবনলভং ? চাখিলমিদং
মহামায়াসঙ্গাদ্ভুজগ ইব রজ্বাং ভ্রমকরম্ ।
তদত্যন্তাল্হাদং বিজরমমরং চিন্তয় মনঃ
পরব্রহ্মাব্যগ্রং হরিহরসুরাদ্যৈরবগতম্ ॥ ২৩-১৫ ॥

চিদ্রত্নমত্র পতিতং বপুরন্ধকূপে
পুংসো ভ্রমাদনুপমং সহনীয়তেজঃ ।
উদ্ধৃত্য য়ো জগতি তদ্ভবিতা কৃতার্থো
মন্যে স এব সমুপাসিতবিশ্বনাথঃ ॥ ২৪-৫৫ ॥

স্বান্তব্যোম্নি নিরস্তকল্মষঘনে সদ্বুদ্ধিতারাবলী-
সন্দীপ্তে সমুদেতি চেন্নিরুপমানন্দপ্রভামণ্ডলঃ ।
ব্রহ্মজ্ঞানসুধাকরঃ কবলিতাবিদ্যান্ধকারস্তদা
ক্ব ব্যোম ক্ব সদাগতিঃ ক্ব হুতভুক্ ক্বাম্ভাঃ ক্ব সর্বংসহা ॥ ২৫-৫৩ ॥

ক্বাহং ব্রহ্মেতি বিদ্যা নিরতিশয়সুখং দর্শয়ন্তী বিশুদ্ধং
কূটস্থং স্বপ্রকাশং প্রকৃতি সুচরিতা খণ্ডয়ন্তী চ মায়াম্ ।
ক্বাবিদ্যাহং মমেতি স্থগিতপরসুখা চিত্তভিত্তৌ লিখন্তী
সর্বানর্থাননর্থান্ বিষয়গিরিভুবা বাসনাগৈরিকেণ ॥ ২৬-৯১ ॥

চিদেব ধ্যাতব্যা সততমনবদ্যা সুখতনু-
র্নিরাধারা নিত্যা নিরবধিরবিদ্যাদিরহিতা ।
অনাস্থামাস্থায় ভ্রমবপুষি সর্বত্র বিষয়ে
সদা শেষব্যাখ্যানিপুণমতিভিঃ খ্যাতয়তিভিঃ ॥ ২৭-৭৫ ॥

নিষ্কামা মুনয়ঃ পরাবরদৃশো নির্ধূতপাপ্মোদয়া
নিঃসঙ্গা নিরহঙ্কৃতা নিরুপমানন্দং পরং লেভিরে ।
য়দ্গত্বা ন লুঠন্তি মাতৃজঠরে দুঃখাকরে মানবা
দুর্গন্ধে পুনরেত্যকামমকরে সংসারপাথোনিধৌ ॥ ২৮-৮৪ ॥

স্বান্তব্যোম্নি নিরস্তকল্মষঘনে সদ্বুদ্ধিতারাবলী-
সন্দীপ্তে সমুদেতি চেন্নিরুপমানন্দপ্রভামণ্ডলঃ ।
ব্রহ্মজ্ঞানসুধাকরঃ কবলিতাবিদ্যান্ধকারস্তদা
ক্ব ব্যোম ক্ব সদাগতিঃ ক্ব হুতভুক্ ক্বাম্ভাঃ ক্ব সর্বংসহা ॥ ৫৩ ॥

ব্রহ্মামৃতং ভজ সদা সহজপ্রকাশং
সর্বান্তরং নিরবধি প্রথিতপ্রভাবম্ ।
য়দ্যস্তি তে জিগমিষা সহসা ভবাব্ধেঃ
পারে পরে পরমশর্মণি নিষ্কলঙ্কে ॥ ২৯-৪ ॥

চিদেব ধ্যাতব্যা সততমনবদ্যা সুখতনু-
র্নিরাধারা নিত্যা নিরবধিরবিদ্যাদিরহিতা ।
অনাস্থামাস্থায় ভ্রমবপুষি সর্বত্র বিষয়ে
সদা শেষব্যাখ্যানিপুণমতিভিঃ খ্যাতয়তিভিঃ ॥ ৩০-২৫ ॥

য়ত্সাক্ষাদভিধাতুমক্ষমতয়া শব্দাদ্যনালিঙ্গিতং
কূটস্থং প্রতিপাদয়ন্তি বিলয়দ্বারা প্রপঞ্চস্রজঃ ।
মোক্ষায় শ্রুতয়ো নিরস্তবিধয়ো ধ্যানস্য চোচ্ছিত্তয়ে
তত্রাদ্বৈতবনে সদা বিচরতাচ্চেতঃ কুরঙ্গঃ সতাম্ ॥ ৩১-১০২ ॥

তুল্যার্থেন ত্বমৈক্যং ত্রিভুবনজনকস্তত্পদার্থঃপ্রপদ্য
প্রত্যক্ষং মোহজন্ম ত্যজতি ভগবতি ত্বংপদার্থোঽপি জীবঃ ।
শ্রুত্যাচার্যপ্রসাদান্নিরুপমবিলসদ্ব্রহ্মবিদ্যৈস্তদৈক্যং
প্রাপ্যানন্দপ্রতিষ্ঠো ভবতি বিগলিতানাদ্যবিদ্যোপরীহঃ ॥ ৩২-৮৬ ॥

অহং ব্রহ্মাস্মীতি স্ফুরদমলবোধো য়দি ভবে-
ত্পুমান্পুণ্যোদ্রেকাদুপচিতপরানর্থবিরতিঃ ।
তদানীং ক্বাবিদ্যা ভৃশমসহমানৌপনিষদং
বিচারং সংসারঃ ক্ব চ বিবিধদুঃখৈকবসতিঃ ॥ ৩৩-৯২ ॥
হিত্বা বিশ্বাদ্যবস্থাঃ প্রকৃতিবিলসিতা জাগ্রদাদ্যৈর্বিশেষৈঃ
সার্ধং চৈতন্যধাতৌ প্রকৃতিমপি সমং কার্যজাতৈরশেষৈঃ ।
জ্ঞানানন্দং তুরীয়ং বিগলিতগুণকং দেশকালাদ্যতীতং
স্বাত্মানং বীতনিদ্রঃ সততমধিকৃতশ্চিন্তয়েদদ্বিতীয়ম্ ॥ ৩৪-৮৮ ॥

সংন্যাসো বিহিতস্য কেশবপদদ্বন্দ্বে ব্যধায়ি শ্রুতা
বেদান্তা নিরবদ্যনিষ্কলপরানন্দাঃ সুনিষ্ঠাশ্চিরম্ ।
সংসারে বধবন্ধদুঃখবহুলে মায়াবিলাসেঽব্যয়ং
ব্রহ্মাস্মীতি বিহায় নান্যদধুনা কর্তব্যমাস্তে ক্বচিত্ ॥ ৩৫-৮৭ ॥

অগ্রেপশ্চাদধস্তাদুপরি চ পরিতো দিক্ষু ধান্যাস্বনাদিঃ
কূটস্থা সংবিদেকা সকলতনুভৃতামন্তরাত্মানিয়ন্ত্রী ।
য়স্যানন্দস্বভাবা স্ফুরতি শুভধিয়ঃ প্রত্যহং নিষ্প্রপঞ্চা
জীবন্মুক্তঃ স লোকে জয়তি গতমহামোহবিশ্বপ্রপঞ্চঃ ॥ ৩৬-৯০ ॥

তে ধন্যা ভুবনে সুশিক্ষিতপরব্রহ্মাত্মবিদ্যাজনা
লোকানামনুরঞ্জকা হরিকথাপীয়ূষপানপ্রিয়াঃ ।
য়েষাং নাকতরঙ্গিণীতটশিলাবদ্ধাসনানাং সতাং
প্রাণা য়ন্তি লয়ং সুখেন মনসা শ্রীরঙ্গচিন্তাভৃতাম্ ॥ ৩৭-১০০ ॥

শিব শিব মহাভ্রান্তিস্থানং সতাং বিদুষামপি
প্রকৃতিচপলা ধাত্রা সৃষ্টাঃ স্ত্রিয়ো হরিণীদৃশঃ ।
বিজহতি ধনং প্রাণৈঃ সাকং য়তস্তদবাপ্তয়ে
জগতি মনুজা রাগাকৃষ্টাস্তদেকপরায়ণাঃ ॥ ৩৮-৫৮ ॥

হরতি বপুষঃ কান্তিং পুংসঃ করোতি বলক্ষিতিং
জনয়তি ভৃশং ভ্রান্তিং নারী সুখায় নিষেবিতা ।
বিরতিবিরসা ভুক্তা য়স্মাত্ততো ন বিবেকিভি-
র্বিষয়বিরসৈঃ সেব্যা মায়াসমাশ্রিতবিগ্রহা ॥ ৩৯-৫৯ ॥

কমলবদনা পীনোত্তুঙ্গং ঘটাকৃতি বিভ্রতী
স্তনয়ুগমিয়ং তন্বী শ্যামা বিশালদৃগঞ্চলা ।
বিশদদশনা মধ্যক্ষামা বৃথেতি জনাঃ শ্রমং
বিদধতি মুধারাগাদুচ্চৈরনীদৃশবর্ণনে ॥ ৪০-৬০ ॥
য়দ্যেতা মদনেষবো মৃগদৃশশ্চেতঃকুরঙ্গারয়ো
ধীরাণামপি নো ভবেয়ুরবলাঃ সংসারমায়াপুরে ।
কো নামামৃতসাগরে ন রমতে ধীরস্তদা নির্মলে
পূর্ণানন্দমহোর্মিরম্যনিকরে রাগাদিনক্রোজ্ঝিতে ॥ ৪১-৫৬ ॥

বালেয়ং বালভাবং ত্যজতি ন সুদতি য়ত্কটাক্ষৈর্বিশালৈ-
রস্মান্বিভ্রাময়ন্তী লসদধরদলাক্ষিপ্তচূতপ্রবালা ।
নেতুং বাঞ্ছত্যকামান্ স্বসদনমধুনা ক্রীডিতুং দত্তচিত্তান্
পুষ্যন্নীলোত্পলোত্পলাভে মুরজিতি কমলাবল্লভে গোপলীলে ॥ ৪২-৫৭ ॥

জনয়তি সুতং কঞ্চিন্নারী সতী কুলভূষণং
নিরুপমগুণৈঃ পুণ্যাত্মানং জগত্পরিপালকম্ ।
কথমপি ন সাঽনিন্দ্যা বন্দ্যা ভবেন্মহতাং য়তঃ ।
সুরসরিদিব খ্যাতা লোকে পবিত্রিতভূতলা ॥ ৪৩-৬১ ॥

কিং স্থানস্য নিরীক্ষণেন মুরজিদ্ধ্যানায় ভূমণ্ডলে
ভ্রাতশ্চেদ্বিরতির্ভবেদ্দৃঢতরা য়স্য স্রগাদৌ সদা ।
তস্যৈষা য়দি নাস্তি হন্ত সুতরাং ব্যর্থং তদান্বেষণং
স্থানস্যানধিকারিণঃ সুরধুনীতীরাদ্রিকুঞ্জাদিষু ॥ ৪৪-৫২ ॥

জানন্নেব করোতি কর্ম বহুলং দুঃখাত্মকং প্রেরিতঃ
কেনাপ্যপ্রতিবাচ্যশক্তিমহিনা দেবেন মুক্তাত্মনা ।
সর্বজ্ঞেন হৃদিস্থিতেন তনুমত্সংসাররঙ্গাঙ্গণে
মাদ্যদ্বুদ্ধিনটীবিনোদনিপুণো নৃত্যন্নঙ্গপ্রিয়ঃ ॥ ৪৫-৭৭ ॥

কর্তব্যং ন করোতি বন্ধুভিরপি স্নেহাত্মভির্বোদিতঃ
কামিত্বাদভিমন্যতে হিতমতং ধীরোপ্যভীষ্টং নরঃ ।
নিষ্কামস্য ন বিক্রিয়া তনুভৃতো লোকে ক্বচিদ্দৃশ্যতে
য়ত্তস্মাদয়মেব মূলমখিলানর্থস্য নির্ধারিতম্ ॥ ৪৬-৮৩ ॥

য়দা দেবাদীনাপি ভবতি জন্মাদি নিয়তং
মহাহর্ম্যস্থানে ললিতললনালোলমনসাম্ ।
তদা কামার্তানাং সুগতিরিহ সংসারজলধৌ
নিমগ্নানামুচ্চৈ রতিবিষয়শোকাদিমকরে ॥৪৭-১০ ॥

ন জানীষে মূর্খ ক্বচিদপি হিতং লোকমহিতং
ভ্রমদ্ভোগাকাঙ্ক্ষাকলুষিততয়া মোহবহুলে ।
জগত্যত্রারণ্যে প্রতিপদমনেকাপদি সদা
হরিধ্যানে ব্যগ্রং ভব সকলতাপৈককদনে ॥ ৪৮-১৪ ॥

সদ্দ্বংশো গুণবানহং সুচরিতঃ শ্লাঘ্যাং করোত্যাত্মনো
নীচানাং বিদধাতি চ প্রতিদিনং সেবাং জনানাং দ্বিজঃ ।
য়োষিত্তস্য জিঘৃক্ষয়া স চ কুতো নো লজ্জতে সজ্জনা-
ল্লোভান্ধস্য নরস্য নো খলু সতাং দৃষ্টং হি লজ্জাভয়ম্ ॥ ৪৯-৯৬ ॥

নান্নং জীর্যতি কিঞ্চিদৌষধবলং নালং স্বকার্যোদয়ে
শক্তিশ্চংক্রমণে ন হন্ত জরয়া জীর্ণীকৃতায়াং তনৌ ।
অস্মাকং ত্বধুনা ন লোচনবলং পুত্রেতি চিন্তাকুলো
গ্লায়ত্যর্থপরায়ণোঽতিকৃপণো মিথ্যাভিমানো গৃহী ॥ ৫০-৯৪ ॥

অদ্যশ্বো বা মরণমশিবপ্রাণিনাং কালপাশৈ-
রাকৃষ্টানাং জগতি ভবতো নান্যথাত্বং কদাচিত্ ।
য়দ্যপ্যেবং ন খলু কুরুতে হা তথাপ্যর্থলোভং
হিত্বা প্রাণী হিতমবহিতো দেবলোকানুকূলম্ ॥ ৫১-৩৪ ॥

রে রে চিত্ত মদান্ধ মোহবধিরা মিথ্যাভিমানোদ্ধতা
ব্যর্থেয়ং ভবতাং ধনাবনরতিঃ সংসারকারাগৃহে ।
বদ্ধানাং নিগডেন গাত্রমমতাসংজ্ঞেন য়ত্কর্হিচি-
দ্দেবব্রাহ্মণভিক্ষুকাদিষু ধনং স্বপ্নেঽপি ন ব্যেতি বঃ ॥ ৫২-৩১ ॥

নাভ্যস্তো ধাতুবাদো ন চ য়ুবতীবশীকারকঃ কোপ্যুপায়ো
নো বা পৌরাণিকত্বং ন চ সরসকবিতা নাপি নীতির্ন গীতিঃ ।
তস্মাদর্থার্থিনাং য়া ন ভবতি ভবতশ্চাতুরী ক্বাপি বিদ্বন্
জ্ঞাত্বেত্থং চক্রপাণেরনুসর চরণাম্ভোজয়ুগ্মং বিভূত্যৈ ॥ ৫৩-৪৭ ॥

অর্থেভ্যোঽনর্থজাতং ভবতি তনুভৃতাং য়ৌবনাদিষ্ববশ্যং
পিত্রাদ্যৈরর্জিতেভ্যোঽনুপকৃতিমতিভিঃ স্বাত্মনৈবার্জিতেভ্যঃ ।
য়স্মাদ্দুঃখাকরেভ্যস্তমনুসর সদা ভদ্র লক্ষ্মীবিলাসং
গোপালং গোপকান্তাকুচকলশতটীকুঙ্কুমাসঙ্গরঙ্গম্ ॥ ৫৪-৪৮ ॥

মাদ্যত্তার্কিকতান্ত্রিকদ্বিপঘটাসঙ্ঘট্টপঞ্চানন-
স্তদ্বদৃপ্তকদন্তবৈদ্যককলাকল্পোঽপি নিষ্কিঞ্চনঃ ।
য়ত্র ক্বাপি বিনাশয়া কৃশতনুর্ভূপালসেবাপরো
জীবন্নেব মৃতায়তে কিমপরং সংসারদুঃসাগরে ॥ ৫৫-৮১ ॥

জগাম ব্যর্থং মে বহুদিনমথার্থার্থিততয়া
কুভূমীপালানাং নিকটগতিদোষাকুলমতেঃ ।
হরিধ্যানব্যগ্রং ভবিতুমধুনা বাঞ্ছতি মনঃ
ক্বচিদ্গঙ্গাতীরে তরুণতুলসীসৌরভভরে ॥ ৫৬-২১ ॥

অন্নাশায় সদা রটন্তি পৃথুকাঃক্ষুত্ক্ষামকণ্ঠাস্ত্রিয়ো
বাসোভী রহিতা বহির্ব্যবহৃতৌ নির্যান্তি নো লজ্জয়া ।
গেহাদঙ্গণমার্জনেঽপি গৃহিণো য়স্যেতি দুর্জীবিতং
য়দ্যপ্যস্তি তথাপি তস্য বিরতির্নোদেতি চিত্রং গৃহে ॥ ৫৯-৯৫ ॥

সন্ত্যর্থা মম সঞ্চিতা বহুধাঃ পিত্রাদিভিঃ সাম্প্রতং
বাণিজ্যৈঃ কৃষিভিঃ কলাভিরপি তান্বিস্তারয়িষ্যামি বঃ ।
হে পুত্রা ইতি ভাবন্ননুদিনং সংসারপাশাবলীং
ছেত্তায়ং তু কথং মনোরথময়ীং জীবো নিরালম্বনঃ ॥ ৬০-৭৬ ॥

মাতা মৃতা জনয়িতাপি জগাম শীঘ্রং
লোকান্তরং তব কলত্রসুতাদয়োঽপি ।
ভ্রাতস্তথাপি ন জহাসি মৃষাভিমানং
দুঃখাত্মকে বপুষি মূত্রকুদর্পকূপে ॥ ৬১-৩ ॥

কামব্যাঘ্রে কুমতিফণিনি স্বান্তদুর্বারনীডে
মায়াসিংহীবিহরণমহীলোভভল্লূকভীমে ।
জন্মারণ্যে ন ভবতি রতিঃ সজ্জনানাং কদাচি-
ত্তত্ত্বজ্ঞানাং বিষয়তুষিতাকণ্টকাকীর্ণপার্শ্বে ॥ ৬২-৩৭ ॥

স্বাধীনে নিকটস্থিতেঽপি বিমলজ্ঞানামৃতে মানসে
বিখ্যাতে মুনিসেবিতেঽপি কুধিয়ো ন স্নান্তি তীর্থে দ্বিজাঃ ।
য়ত্তত্কষ্টমহো বিবেকরহিতাস্তীর্থার্থিনো দুঃখিতা
য়ত্র ক্বাপ্যটবীমটন্তি জলধৌ মজ্জন্তি দুঃখাকরে ॥ ৬৩-৪৬ ॥

ত্বত্সাক্ষিকং সকলমেতদবোচমিত্থং
ভ্রাতর্বিচার্য ভবতা করণীয়মিষ্টম্ ।
য়েনেদৃশং ন ভবিতা ভবতোঽপি কষ্টং
শোকাকুলস্য ভবসাগরমগ্নমূর্তেঃ ॥ ৬৪-৭ ॥

য়ত্প্রীত্যর্থমনেকধামনি ময়া কষ্টেন বস্তু প্রিয়ং
স্বস্যাশাকবলীকৃতেন বিকলীভাবং দধানেন মে ।
তত্সর্বং বিলয়ং নিনায় ভগবান্ য়ো লীলয়া নির্জরো
মাং হিত্বা জরয়াকুলীকৃততনুং কালায় তস্মৈ নমঃ ॥ ৬৫-৯৮ ॥

আয়ুর্বেদবিদাং রসাশনবতাং পথ্যাশিনাং য়ত্নতো
বৈদ্যানামপি রোগজন্ম বপুষো হ্যন্তর্যতো দৃশ্যতে ।
দুশ্চক্ষোত্কবলীকৃতত্রিভুবনো লীলাবিহারস্থিতঃ
সর্বোপায়বিনাশনৈকচতুরঃ কালায় তস্মৈ নমঃ ॥ ৬৬-৯৯ ॥

দৃষ্টপ্রায়ং বিকলমখিলং কালসর্পেণ বিশ্বং
ক্রূরেণেদং শিব শিব মুনে ব্রূহি রক্ষাপ্রকারম্ ।
অস্যাস্তেকঃ শৃণু মুররিপোর্ধ্যানপীয়ূষপানং
ত্যক্ত্বা নান্যত্কিমপি ভুবনে দৃশ্যতে শাস্ত্রদৃষ্ট্যা ॥ ৬৭-৩৫ ॥

কশ্চিত্ক্রন্দতি কালকর্কশকরাকৃষ্টং বিনষ্টং হঠা-
দুত্কৃষ্টং তনয়ং বিলোক্য পুরতঃ পুত্রেতি হা হা ক্বচিত্ ।
কশ্চিন্নর্তকনর্তকীপরিবৃতো নৃত্যত্যহো কুত্রচি-
চ্চিত্রং সংসৃতিপদ্ধতিঃ প্রথয়তি প্রীতিঞ্চ কষ্টঞ্চ নঃ ॥ ৬৮-৯৩ ॥

সা রোগিণী য়দি ভবেদথবা বিবর্ণা
বালাপ্রিয়াশশিমুখী রসিকস্য পুংসঃ ।
শল্যায়তে হৃদি তথা মরণং কৃশাঙ্গ্যা-
য়ত্তস্য সা বিগতনিদ্রসরোরুহাক্ষী ॥ ৬৯-৬ ॥

নিষ্কণ্টকেঽপি ন সুখং বসুধাধিপত্যে
কস্যাপি রাজতিলকস্য য়দেষ দেবঃ ।
বিশ্বেশ্বরো ভুজগরাজবিভূতিভূষো
হিত্বা তপস্যতি চিরং সকলা বিভূতীঃ ॥ ৭০-৮ ॥

কদাচিত্কষ্টেন দ্রবিণমধমারাধনবশা-
ন্ময়া লব্ধং স্তোকং নিহিতমবনৌ তস্করভয়াত্ ।
ততো নিত্যে কশ্চিত্ক্বচিদপি তদাখুর্বিলগৃহেঽ-
নয়ল্লব্ধোঽপ্যর্থো ন ভবতি য়দা কর্ম বিষমম্ ॥ ৭১-২০ ॥

স্বয়ং ভোক্তা দাতা বসু সুবহু সম্পাদ্য ভবিতা
কুটুম্বানাং পোষ্টা গুণনিধিরশেষেপ্সিতনরঃ ।
ইতি প্রত্যাশস্য প্রবলদুরিতানীতবিধুরং
শিরস্যস্যাকস্মাত্পততি নিধনং য়েন ভবতি ॥ ৭২-১১ ॥

ভানুর্ভূবলয়প্রদক্ষিণগতিঃ ক্রীডারতিঃ সর্বদা
চন্দ্রোপ্যেষকলানিধিঃ কবলিতঃ স্বর্ভানুনা দুঃখিতঃ ।
ল্হাসং গচ্ছতি বর্ধতে চ সততং গীর্বাণবিশ্রামভূ-
স্তত্স্থানং খলু য়ত্র নাস্ত্যপহতিঃ ক্লেশস্য সংসারিণাম্ ॥ ৭৩-২৯ ॥
ভূমণ্ডলং লয়মুপৈতি ভবত্যবাধং
লব্ধাত্মকং পুনরপি প্রলয়ং প্রয়াতি ।
আবর্ততে সকলমেতদনন্তবারং
ব্রহ্মাদিভিঃ সমমহো ন সুখং জনানাম্ ॥ ৭৪-৯ ॥

অহোঽত্যর্থেঽপ্যর্থে শ্রুতিশতগুরুভ্যামবগতে
নিষিদ্ধত্বেনাপি প্রতিদিবসমাধাবতি মনঃ ।
পিশাচস্তত্রৈব স্থিররতিরসারেঽপি চপলং
ন জানে কেনাস্য প্রতিকৃতিরনার্যস্য ভবিতা ॥ ৭৫-২৬ ॥

অরে চেতশ্চিত্রং ভ্রমসি য়দপাস্য প্রিয়তমং
মুকুন্দং পার্শ্বস্থং পিতরমপি মান্যং সুমনসাম্ ।
বহিঃ শব্দাদ্যর্থে প্রকৃতিচপলে ক্লেশবহুলে
ন তে সংসারেঽস্মিন্ভবতি সুখদাদ্যাপি বিরতিঃ ॥ ৭৬-১৩ ॥

অহং শ্রান্তোঽধ্বানং বহুবিষমতিক্রম্য বিষমং
ধনাকাঙ্ক্ষাক্ষিপ্তঃ কুনৃপতিমুখালোকনপরঃ ।
ইদানীং কেনাপি স্থিতিমুদরকূপস্য ভরণে
কদন্নেনারণ্যে ক্বচিদপি সমীহে স্থিরমতিঃ ॥ ৭৭-১৮ ॥

সা গোষ্ঠী সুহৃদাং নিবারিতসুধাস্বাদাধুনা ক্বাগম-
ত্তেধীরা ধরণীধরোপকরণীভূতা য়য়ুঃ ক্বাপরে ।
তে ভূপা ভবভীরবো ভবরতাঃ ক্বাগুর্নিরস্তারয়ো
হা কষ্টং ক্ব চ গম্যতে নহি সুখং ক্বাপ্যস্তি লোকত্রয়ে ॥ ৭৮-২৮ ॥

উদাসীনো দেবো মদনমথনঃ সজ্জনকুলে
কলিক্রীডাসক্তঃকৃতপরিজনঃ প্রাকৃতজনঃ ।
ইয়ং ম্লেচ্ছাক্রান্তা ত্রিদশতটিনী চোভয়তটে
কথং ভ্রান্তস্থাতা কথয় সুকৃতী কুত্র বিভয়ঃ ॥ ৭৯-৬৫ ॥

নিস্সারাবসুধাধুনা সমজনি প্রৌঢপ্রতাপনল-
জ্বালাজ্বালসমাকুলা দ্বিপঘটাসঙ্ঘট্টবিক্ষোভিতা ।
ম্লেচ্ছানাং রথবাজিপত্তিনিবহৈরুন্মীলিতা কীদৃশী-
য়ং বিদ্যা ভবিতেতি হন্ত ন সখে জানীমহে মোহিতাঃ ॥ ৮০-৬৬ ॥

বেদো নির্বেদমাগাদিহ নমনভিয়া ব্রাহ্মণানাং বিয়োগা-
দ্বৈয়াসিক্যো গিরোঽপি ক্বচিদপি বিরলাঃ সম্মতং সন্তি দেশে ।
ইত্থং ধর্মে বিলীনে য়বনকুলপতৌ শাসতি ক্ষোণিবিম্বং
নিত্যং গঙ্গাবগাহাদ্ভবতি গতিরিতঃ সংসৃতেরর্থসিদ্ধৌ ॥ ৮১-৬৭ ॥

গঙ্গা গঙ্গেতি য়স্যাঃ শ্রুতমপি পঠিতং কেনচিন্নামমাত্রং
দুরস্থস্যাপি পুংসো দলয়তি দুরিতং প্রৌঢমিত্যাহুরেকে ।
স গঙ্গা কস্য সেব্যা ন ভবতি ভুবনে সজ্জনস্যাতিভব্যা
ব্রহ্মাণ্ডং প্লাবয়ন্তী ত্রিপুরহরজটামণ্ডলং মণ্ডয়ন্তীম্ ॥ ৮২-৬৮ ॥
কলৌ গঙ্গা কাশ্যাং ত্রিপুরহরপুর্যাং ভগবতী
প্রশস্তাদেবানামপি ভবতি সেব্যানুদিবসম্ ।
ইতি ব্যাসো ব্রূতে মুনিজনধুরীণো হরিকথা-
সুধাপানস্বস্থো গলিতভববন্ধোঽতুলমতিঃ ॥ ৮৩-৭৪ ॥

য়স্যাঃ সঙ্গতিরুন্নতিং বিতনুতে বারামমীষাং জনৈ-
রুদ্গীতা কবিভির্মহেশ্বরমনোভীষ্টা মহীমণ্ডলে ।
সা সন্তঃ শরদিন্দুসোদরপয়ঃ পূরাভিরামা নদ-
ত্কোকশ্রেণিমনোজপুণ্যপুলিনা ভাগীরথী সেব্যতাম্ ॥ ৮৪-৭২ ॥

কদা ভাগীরথ্যা ভবজলধিসন্তারতরণেঃ
স্খলদ্বীচীমালাচপলতলবিস্তারিতমুদঃ ।
তমস্স্থানে কুঞ্জে ক্বচিদপি নিবিশ্যাহৃতমনা
ভবিষ্যাম্যেকাকী নরকমথনে ধ্যানরসিকঃ ॥ ৮৫-২২ ॥

কদা গোবিন্দেতি প্রতিদিবসমুল্লাসমিলিতাঃ
সুধাধারাপ্রায়াস্ত্রিদশতটিনীবীচিমুখরে ।
ভবিষ্যন্ত্যেকান্তে ক্বচিদপি নিকুঞ্জে মম গিরো
মরালীচক্রাণাং স্থিতিসুখরবাক্রান্তপুলিনে ॥ ৮৬-২৩ ॥

ভজত বিবুধসিন্ধুং সাধবো লোকবন্ধুং
হরহসিততরঙ্গং শঙ্করাশীর্ষসঙ্গম্ ।
দলিতভবভুজঙ্গং খ্যাতমায়াবিভঙ্গং
নিখিলভুবনবন্দ্যং সর্বতীর্থানবদ্যম্ ॥ ৮৭-৪৪ ॥

য়দমৃতমমৃতানাং ভঙ্গরঙ্গপ্রসঙ্গ-
প্রকটিতরসবত্তাবৈভবং পীতমুচ্চৈঃ ।
দলয়তি কলিদন্তাংস্তাং সুপর্বস্রবন্তীং
কিমিতি ন ভজতার্তা ব্রহ্মলোকাবতীর্ণাম্ ॥ ৮৮-৪৫ ॥

য়ত্তীরে বসতাং সতামপি জলৈর্মূলৈঃ ফলৈর্জীবতাং
মুক্তাহংমমভাবশুদ্ধমনসামাচারবিদ্যাবতাম্ ।
কৈবল্যং করবিল্বতুল্যমমলং সম্পদ্যতে হেলয়া ।
স গঙ্গা হ্যতুলামলোর্মিমপটলা সদ্ভিঃ কুতো নেক্ষ্যতে ॥ ৮৯-৬৯ ॥

তীর্থানামবলোকনে সুমনসামুত্কণ্ঠতে মানসং
তাবদ্ভূবলয়ে সতাং পুররিপুধ্যানামৃতাস্বাদিনাম্।
পাবত্তে ন বিলোকয়ন্তি সরিতাং রোচিষ্ণুমুক্তাবলীম্ ।
শ্রীমন্নাকতরঙ্গিণীং হরজটাজূটাটবীবিভ্রমাম্ ॥ ৯০-৭০ ॥

সংসারো বিবিধাধিবাধবধিরঃ সারায়তে মানসে
নিঃসারোঽপি বপুষ্মতাং কলিবৃকগ্রাসীকৃতানাং চিরম্ ।
দৃষ্টায়াং ঘনসারপাথসি মহাপুণ্যেন য়স্যাং সতাং
সা সেব্যা ন কুতো ভবেত্সুরধুনীস্বর্গাপবর্গোদয়া ॥ ৯১-৭১ ॥

ক্বচিদ্ধংসশ্রেণী সুখয়তি রিরংসুঃ শ্রুতিসুখং
নদন্তী চেতো নো বিপুলপুলিনে মন্থরগতিঃ ।
তদেতস্যা য়োঽর্থী সুরতরুলতা নাকতটিনীঈ
সদা সদ্ভিঃ সেব্যা সকলপুরুষার্থায় কৃতিভিঃ ॥ ৯২-৭৩ ॥

য়ামাসাদ্য ত্রিলোকীজনমহিতশিবাবল্লভারামভূমিং
ব্রহ্মাদীনাং সুরাণাং সুখবসতিভুবো মণ্ডলং মণ্ডয়ন্তীম্ ।
নো গর্ভে ব্যালুঠন্তি ক্বচিদপি মনুজা মাতুরুত্ক্রান্তিভাজ-
স্তাং কাশীং নো ভজন্তে কিমিতি সুমতয়ো দুঃখভারং বহন্তে ॥ ৯৩-৩৮ ॥

বিদ্যন্তে দ্বারকাদ্যা জগতি কতি ন তা দেবতারাজধান্যো
য়দ্যপ্যন্যাস্তথাপি স্খলদমলজলাবর্তগঙ্গাতরঙ্গা ।
কাশ্যেবারামকূজত্পিকশুকচটকাক্রান্তদিক্কামিনীনাং
ক্রীডাকাসারশালা জয়তি মুনিজনানন্দকন্দৈকভূমিঃ ॥ ৯৪-৪১ ॥

কাশীয়ং সমলঙ্কৃতা নিরুপমস্বর্গাপগাব্যোমগা-
স্থূলোত্তারতরঙ্গবিন্দুবিলসন্মুক্তাফলশ্রেণিভিঃ ।
চঞ্চচ্চঞ্চলচঞ্চরীকনিকরারাগাম্বরা রাজতে
কাসারস্থবিনিদ্রপদ্মনয়না বিশ্বেশ্বরপ্রেয়সী ॥ ৯৫-৪২ ॥

বন্হিপ্রাকারবুদ্ধিং জনয়তি বলভীবাসিনাং নাগরাণাং
গন্ধারণ্যপ্রসূতস্ফুটকুসুমচয়ঃ কিংশুকানাং শুকানাম্ ।
চঞ্চ্বাকারো বসন্তে পরমপদপদং রাজধানী পুরারেঃ
সা কাশ্যারামরম্যা জয়তি মুনিজনানন্দকন্দৈকভূমিঃ ॥ ৯৬-৪৩ ॥

কিং কুর্মঃ কিং ভজামঃ কিমিহ সমুদ্রিতং সাধনং কিং বয়স্যাঃ
সংসারোন্মূলনায় প্রতিদিবসমিহানর্থশঙ্কাবতারঃ ।
ভ্রাতর্জ্ঞাতং নিদানং ভবভয়দলনে সঙ্গতং সজ্জ্নাং
তাং কাশীমাশ্রয়ামো নিরুপময়শসঃ স্বঃস্রবন্ত্যা বয়স্যাম্ ॥ ৯৭-৩৯ ॥

ভুক্তিঃ ক্বাপি ন মুক্তিরস্ত্যভিমতা ক্বাণ্যস্তি মুক্তির্ন সা
কাশ্যামস্তি বিশেষ এব সুতরাং শ্লাঘ্যং য়দেতদ্রূপম্ ।
সর্বৈরুত্তমমধ্যমাধমজনৈরাসাদ্যতেঽনুগ্রহা-
দ্দেবস্য ত্রিপুরদ্বিষঃ সুরধুনীস্নানাবদাতব্যয়ৈঃ ॥ ৯৮-৪০ ॥

সন্তন্যে ত্রিদশাপগাদিপতনাদেব প্রয়াগাদয়ঃ
প্রালেয়াচলসম্ভবা বহুফলাঃ সিদ্ধাশ্রমাঃ সিদ্ধয়ঃ ।
য়ত্রাঘৌঘসহা ভবন্তি সুধিয়াং ধ্যানেশ্বরণাং চিরং
মুক্তাশেষভিয়াং বিনিদ্রমনসাং কন্দাম্বুপর্ণাশিনাম্ ॥ ৯৯-৫১ ॥

কেদারস্থানমেকং রুচিরতরমুমানাট্যলীলাবনীকং
প্রালেয়াদ্রিপ্রদেশে প্রথিতমতিতরামস্তি গঙ্গানিবেশে ।
খ্যাতং নারায়ণস্য ত্রিজগতি বদরীনাম সিদ্ধাশ্রমস্য
তত্রৈবানাদিমূর্তের্মুনিজনমনসামন্যদানন্দমূর্তেঃ ॥ ১০০-৫০ ॥

বুধানাং বৈরাগ্যং সুঘটয়তু বৈরাগ্যশতকং
গৃহস্থানামেকং হরিপদসরোজপ্রণয়িনাম্ ।
জনানামানন্দং বিতরতু নিতান্তং সুবিশদ-
ত্রয়ং শেষব্যাখ্যাগলিততমসাং শুদ্ধমনসাম্ ॥ ১০১-১০৩ ॥

ইতি শ্রীভর্তৃহরিবিরচিতং বিজ্ঞানশতকং চতুর্থম্ ।

This verse sequence is based on two books, one by Pathak with Gujarati
translation and -number is based on that of Ghule with Sanskrit
commentary, 101 in number. While Ghule’s book has 103 verses,
Pathak’s book has selected resequenced 101 and 38 more as
parishiShTa given below and appears to be expanded.

॥ বিজ্ঞানশতক পরিশিষ্ট ॥

অকিঞ্চনস্য দান্তস্য শান্তস্য সমচেতসঃ ।
সদা সন্তুষ্টমনসঃ সর্বাঃ সুখময়া দিশঃ ॥ ১ ॥

অভিমতমহামানগ্রন্থিপ্রভেদপটীয়সী
গুরুতরগুরুগ্রামাম্ভোজস্ফুটোজ্জ্বলচন্দ্রিকা ।
বিপুলবিলসল্লজ্জাবল্লীবিদারকুঠারিকা
জঠরপিঠরী দুঃপূরেয়ং করোতি বিডম্বনম্ ॥ ২ ॥

উত্তিষ্ঠ ক্ষণমেকমুদ্বহ গুরুং দারিদ্র্যভারং সখে
শ্রান্তস্তাবদহং চিরং মরণজং সেবে ত্বদীয়ং সুখম্ ।
ইত্যুক্তো ধনবর্জিতেন সহসা গত্বা স্মশানে শবো
দারিদ্র্যান্মরণং বরং বরমিতি জ্ঞাত্বৈব তূষ্ণীং স্থিতঃ ॥ ৩ ॥

উদন্বচ্ছন্না ভূঃ স চ নিধিরপাং য়োজনশতম্
সদা পান্থঃ পূষা গগনপরিমাণং কলয়তি ।
ইতি প্রায়ো ভাবাঃ স্ফুরদবধিমুদ্রামুকুলিতাঃ
সতাং প্রজ্ঞোন্মেষঃ পুনরয়মসীমা বিজয়তে ॥ ৪ ॥

এতা হসন্তি চ রুদন্তি চ কার্যহেতো-
র্বিশ্বাসয়ন্তি চ পরং ন চ বিশ্বসন্তি ।
তস্মান্নরেণ তু সুশীলসমন্বিতেন
নার্যঃ স্মশানঘটিকা ইব বর্জনীয়াঃ ॥ ৫ ॥

কার্কশ্যং স্তনয়োর্দৃশোস্তরলতালীকং মুখে শ্লাঘ্যতে
কৌটিল্যং কচসঞ্চয়ে চ বদনে মান্দ্যং ত্রিকে স্থূলতা ।
ভীরুত্বং হৃদয়ে সদৈব কথিতং মায়াপ্রয়োগঃ প্রিয়ে
য়াসাং দোষগণঃ সদা মৃগদৃশাং তাঃ স্যুঃ পশূনাং প্রিয়াঃ ॥ ৬ ॥

কদা বারাণস্যামমরতটিনীরোধসি বসন্
বসানঃ কৌপীনং শিরসি নিদধানোঽঞ্জলিপুটম্ ।
অয়ে গৌরীনাথ ত্রিপুরহর শম্ভো ত্রিনয়ন
প্রসীদেত্যাক্রোশন্নিমিষমিব নেষ্যামি দিবসান্ ॥ ৭ ॥

গাত্রৈর্গিরা চ বিকলশ্চটুরীশ্বরাণাং
কুর্বন্নয়ং প্রহসনস্য নটঃ কৃতোঽসি ।
তং ত্বাং পুনঃ পলিতকর্ণকভাজমেনং
নাট্যেন কেন নটয়িষ্যতি দীর্ঘমায়ুঅঃ ॥ ৮ ॥

চলা লক্ষ্মীশ্চলাঃ প্রাণাশ্চলে জীবিতয়ৌবনে ।
চলাচলো চ সংসারে ধর্ম একো হি নিশ্চলঃ ॥ ৯ ॥

চেতশ্চিন্তয় মা রমাং সকৃদিমামস্থায়িনীমাস্থয়া
ভূপালভ্রুকুটীরবিহরব্যাপারপণ্যাঙ্গনাম্ ।
কন্যাকঞ্চুকিতাঃ প্রবিশ্য ভবনদ্বারাণি বারাণসী-
রথ্যাপঙ্ক্তিষু পাণিপাত্রপতিতাং ভিক্ষামপেক্ষামহে ॥ ১০ ॥

তুঙ্গং বেশ্ম সুতাঃ সতামভিমতাঃ সঙ্খ্যাতিগাঃ সম্পদঃ
কল্যাণী দয়িতা বয়শ্চ নবমিত্যজ্ঞানমূঢো জনঃ ।
মত্বা বিশ্বমনশ্বরং নিবিশতে সংসারকারাগৃহে
সন্দৃশ্যং ক্ষণভঙ্গুরং তদখিলং ধন্যস্তু সংন্যস্যতি ॥ ১১ ॥

ন ভিক্ষা দুষ্প্রাপা পথি মম মহারামরচিতে
ফলৈঃ সম্পূর্ণা ভূর্দ্বিপমৃগসুচর্মাপি বসনম্ ।
সুখৈর্বা দুঃখৈর্বা সদৃশপরিপাকঃ খলু তদা
ত্রিনেত্রং কস্ত্যক্ত্বা ধনলয়মদান্ধং প্রণমতি ॥ ১২ ॥

নো খড্গপ্রবিদারিতঃ করটিনো নোদ্বেজিতা বৈরিণ-
স্তন্বঙ্গ্যা বিপুলে নিবদ্ধফলকে ন ক্রীডিতং লীলয়া ।
নো জুষ্টং গিরিরাজনির্ঝরঝণজ্ঝাঙ্কারকারং বয়ঃ
কালোঽয়ং পরপিণ্ডলোলুপতয়া কাকৈরিব প্রেরিতঃ ॥ ১৩ ॥

পরিভ্রমসি কিং বৃথাক্বচন চিত্ত বিশ্রাম্যতাং
স্বয়ং ভবতি য়দ্যথা ভবতি তত্তথা নান্যথা ।
অতীতমপি ন স্মরন্নপি চ ভাব্যসঙ্কল্পয়-
ন্নতর্কিতগমাগমাননুভবস্ব ভোগানিহ ॥ ১৪ ॥

পাণিং পাত্রয়তাং নিসর্গশুচিনা ভৈক্ষেণ সন্তুষ্যতাং
য়ত্র ক্বাপি নিষীদতাং বহুতৃণং বিশ্বং মুহুঃ পশ্যতাম্ ।
অত্যাগেঽপি তনোরখণ্ডপরমানন্দাববোধস্পৃহাং
মত্যঃ কোঽপি শিবপ্রসাদসুলভাং সম্পত্স্যতে য়োগিনাম্ ॥ ১৫ ॥

পাতালান্ন বিমোচিতো বত বলী নীতো ন মৃত্যুঃ ক্ষয়ং
নো মৃষ্টং শশিলাঞ্ছনং চ মলিনং নোন্মূলিতা ব্যাধয়ঃ ।
শেষস্যাপি ধরাং বিধৃত্য ন কৃতো ভারাবতারঃ ক্ষণং
চেতঃ সত্পুরুষাভিমানগণনাং মিথ্যা বহন্ লজ্জসে ॥ ১৬ ॥

ফলং স্বেচ্ছালভ্যং প্রতিবনমখেদং ক্ষিতিরুহাং
পয়ঃ স্থানে স্থানে শিশিরমধুরং পুণ্যসরিতাম্ ।
মৃদুস্পর্শা শয়্যা সুললিতলতাপল্লবময়ী
সহন্তে সন্তাপং তদপি ধনিনাং দ্বারি কৃপণাঃ ॥ ১৭ ॥

ভিক্ষা কাম্দুধা ধেনুঃ কন্থা শীতনিবারিণী ।
অচলা তু শিব ভক্তির্বিভবৈঃ কিং প্রয়োজনম্ ॥ ১৮ ॥

য়দ্বক্ত্রং মুহরীক্ষসে ন ধনিনাং ব্রূষে ন চাটুং মৃষা
নৈষাং গর্বগিরঃ শৃণোষি ন পুনঃ প্রত্যাশয়া ধাবসি ।
কালো বালতৃণানি খাদসি সুখং নিদ্রাসি নিদ্রাগমে
তন্মে ব্রূহি কুরঙ্গ কুত্র ভবতা কিং নাম তপ্তং তপঃ ॥ ১৯ ॥

য়ে সন্তোষসুখপ্রমোদমুদিতাস্তেষাং ন ভিন্না মুদো
য়ে ত্বন্যে ধনলোভসঙ্কুলধিয়স্তেষাং ন তৃষ্ণা হতা ।
ইত্থং কস্য কৃতে কৃতঃ স বিধিনা তাদৃক্পদং সম্পদাং
স্বাত্মন্যেব সমাপ্তহেমমহিমা মেরুর্ন মে রোচতে ॥ ২০ ॥

বর্ণে সিতং শিরসি বীক্ষ্য শিরোরুহাণাং
স্থানং জরাপরিভবস্য তদেব পুংসাম্ ।
আরোপিতাস্থিশকলং পরিহৃত্য য়ান্তি
চাণ্ডালকূপমিব দূরতরং তরুণ্যঃ ॥ ২১ ॥

সমারম্ভা ভগ্নাঃ কতি ন কতিবারাঁস্তব পশো
পিপাসোস্তুচ্ছেঽস্মিন্দ্রবিণমৃগতৃষ্ণার্ণবজলে ।
তথাপি প্রত্যাশা বিরমতি ন তেঽদ্যাপি শতধা
ন দীর্ণং য়চ্চেতো নিয়তমশনিগ্রাবঘটিতম্ ॥ ২২ ॥

সিংহো বলী দ্বিরদশূকরমাংসভোজী
সংবত্সরেণ রতিমেতি কিলৈকবারম্ ।
পারাবতঃ খরশিলাকণমাত্রভোজী
কামী ভবত্যনুদিনং বদ কোঽত্র হেতুঃ ॥ ২৩ ॥

চূডোত্তংসিতচারুচন্দ্রকলিকাচঞ্চচ্ছিখাভাস্বরো
লীলাদগ্ধবিলোলকামশলভা শ্রেয়োদশাগ্রে স্ফুরন্ ।
অন্তঃস্ফূর্জদপারমোহতিমিরপ্রাগ্ভারমুচ্চাটয়ং-
শ্চেতঃ সদ্মনি য়োগিনাং বিজয়তে জ্ঞানপ্রদীপো হরঃ ॥ ২৪ ॥

ভিক্ষাহারমদৈন্যমপ্রতিসুখং ভীতিচ্ছিদং সর্বদা
দুর্মাত্সর্যমদাভিমানমথনং দুঃখৌঘবিধ্বংসনম্ ।
সর্বত্রান্বহমপ্রয়ত্নসুলভং সাধুপ্রিয়ং পাবনং
শম্ভোঃ সত্রমবার্যমক্ষয়নিধিং শংসন্তি য়োগীশ্বরাঃ ॥ ২৫ ॥

ভোগাস্তুঙ্গতরঙ্গভঙ্গচপলাঃ প্রাণাঃ ক্ষণধ্বংসিন-
স্তোকান্যেবদিনানি য়ৌবনসুখং প্রীতিঃ প্রিয়েষ্বস্থিরা ।
তত্সংসারমসারমেব নিখিলং বুদ্ধ্বা বুধা বোধকা
লোকানুগ্রহপেশলেন মনসা য়ত্নঃ সমাধীয়তাম্ ॥ ২৬ ॥

ব্রহ্মেন্দ্রাদিমরুদ্গণাংস্তৃণকণান্যত্র স্থিতো মন্যতে
য়ত্স্বাদাদ্বিরসা ভবন্তি বিভবাস্ত্রৈলোক্যরাজ্যাদয়ঃ ।
ভোগঃ কোঽপি স এক এব পরমো নিত্যোদিতো জৃম্ভতে
ভো সাধো ক্ষণভঙ্গুরে তদিতরে ভোগে রতিং মা কৃথাঃ ॥ ২৭ ॥

সা রম্যা নগরী মহান্স নৃপতিঃ সামন্তচক্রং চ তত্
পার্শ্বে তস্য চ সা বিদগ্ধপরিষত্তশ্চন্দ্রবিম্বাননাঃ ।
উত্সিক্তঃ স চ রাজপুত্রনিবহস্তে বন্দিনস্তাঃ কথাঃ
সর্বং য়স্য বশাদগাত্স্মৃতিপথং কালায় তস্মৈ নমঃ ॥ ২৮ ॥

ফলমলমশনায় স্বাদু পানায় তোয়ম্
শয়নমবনিপৃষ্ঠং বল্কলে বাসসী চ ।
নবধনমধুপানভ্রান্তসর্বেন্দ্রিয়াণা-
মবিনয়মনুমন্তং নোত্সহে দুর্জনানাম্ ॥ ২৯ ॥

অশীমহি বয়ং ভিক্ষামাশাবাসো বসীমহি ।
শয়ীমহি মহীপৃষ্ঠে কুর্বীমহি কিমীশ্বরৈঃ ॥ ৩০ ॥

অহৌ বা হারে বা বলবতি রিপৌ বা সুহৃদি বা
মণৌ বা লোষ্ঠে বা কুসুমশয়নে বা দৃশদি বা ।
তৃণে বা স্ত্রৈণে বা মম সমদৃশো য়ান্তু দিবসাঃ
ক্বচিত্পুণ্যারণ্যে শিব শিব শিবেতি প্রলপতঃ ॥ ৩১ ॥

অনাবর্তী কালো ব্রজতি স বৃথা তন্ন গণিতং
দশাস্তাস্তা সোঢা ব্যসনশতসম্পাতবিধুরাঃ ।
কিয়দ্বা বক্ষ্যামঃ কিমিব বত নাত্মন্যপকৃতং
ত্বয়া য়াবত্তাবত্পুনরপি তদেব ব্যবসিতম্ ॥ ৩২ ॥

দদতু দদতু গালীর্গালীমন্তো ভবন্তো
বয়মপি তদভাবাদ্গালিদানেঽসমর্থাঃ ।
জগতি বিদিতমেতদ্দীয়তে বিদ্যমানং
নহি শশকবিষাণং কোঽপি কস্মৈ দদাতি ॥ ৩৩ ॥

ভব্যং ভুক্তং ততঃ কিং কদশনমথবা বাসরান্তে ততঃ কিং
কৌপীনং বা ততঃ কিং কিমথ সিতমহচ্চাম্বরং বা ততঃ কিম্ ।
একা ভার্যা ততঃ কিং শতগুণগুণিতা কোটিরেকা ততঃ কিং
ত্বেকো ভ্রান্তস্ততঃ কিং করিতুরগশতৈর্বেষ্টিতো বা ততঃ কিম্ ॥ ৩৪ ॥

ভূঃ পর্যঙ্কো নিজভুজলতা কন্দুকং খং বিতানং
দীপশ্চান্দ্রো বিরতিবনিতালব্ধসঙ্গপ্রমোদঃ ।
দিক্কান্তাভিঃ পবনচমরৈর্বীজ্যমানঃ সমন্তা-
দ্ভিক্ষুঃ শেতে নৃপ ইব ভুবি ত্যক্তসর্বস্পৃহোঽপি ॥ ৩৫ ॥

সংমোহয়ন্তি মদয়ন্তি বিডম্বয়ন্তি
নির্ভর্ত্সয়ন্তি রময়ন্তি বিষাদয়ন্তি ।
এতাঃ প্রবিশ্য সদয়ং হৃদয়ং নরাণাং
কিং নাম বামনয়না ন সমাচরন্তি ॥ ৩৬ ॥

স্থিতিঃ পুণ্যেঽরণ্যে সহ পরিচয়ো হন্ত হরিণৈঃ
ফলৈর্মেধ্যা বৃত্তিঃ প্রতিনদি চ তল্পানি দৃষদঃ ।
ইতীয়ং সামগ্রী ভবতি হরভক্তিং স্পৃহয়তাং
বনং বা গেহং বা সদৃশমুপশান্ত্যেকমনসাম্ ॥ ৩৭ ॥

স্বাদিষ্ঠং মধুনো ঘৃতাচ্চ রসবদ্যত্প্রস্রবত্যক্ষরে
দৈবী বাগমৃতাত্মনো রসবতস্তেনৈব তৃপ্তা বয়ম্ ।
কুক্ষৌ য়াবদিমে ভবন্তি ধৃতয়ে ভিক্ষাহৃতাঃ সক্তব-
স্তাবদ্দাস্যকৃতার্জনৈর্ন হি ধনৈর্বৃত্তিং সমীহামহে ॥ ৩৮ ॥

Add Comment

Click here to post a comment