Templesinindiainfo

Best Spiritual Website

1000 Names of Lord Agni Deva | Sahasranama Lyrics in Bengali

Lord Agni is the god of fire, is one of the most important deities of the Vedas, especially Rigveda. With the sole exception of Indra, more hymns are addressed to Agni deva than to any other deity. Agni is considered the mouth of the gods and goddesses, and the medium that transmits the offerings in a homa. He is conceptualized in the ancient Hindu scripts to exist on three levels, on earth like fire, in the atmosphere like lightning and in the sky like the sun. This triple presence links him as the messenger between the gods and human beings in Vedic thought.

Agni Sahasranama Stotram Lyrics in Bengali:

॥ অগ্নিসহস্রনামস্তোত্রম্ ॥
ওঁ শ্রীগণেশায় নমঃ ।
শ্রীগুরুঃ শরণম্ ।
শ্রীকাঞ্চীকামকোটীমঠপয়তিবরং শঙ্করার্যস্বরূপম্
সুজ্ঞানং সার্বভৌমং সকলমতবিদাং পালকং দ্বৈতহীনম্ ।
কালে কল্কিপ্রভাবান্নিগমগিরিমধস্তাত্পতন্তং বহন্তং
বন্দে কূর্মস্বরূপং হরিমিব সততং চন্দ্রমৌল়িং য়তীন্দ্রম্ ॥

শ্রীমন্মহাদেবয়তীশ্বরাণাং
করাব্জজাতং সুয়মীন্দ্রমুখ্যম্ ।
সর্বজ্ঞকল্পং বিধিবিষ্ণুরূপং
শ্রীচন্দ্রমৌল়ীন্দ্রয়তিং নমামি ॥

শ্রীশঙ্করাচর্যগুরুস্বরূপং
শ্রীচন্দ্রমৌল়ীন্দ্রকরাব্জজাতম্ ।
শ্রীকামকোটীন্দ্রয়তিং বরেণ্যং
শ্রীমজ্জয়েন্দ্রং শরণং প্রপদ্যে ॥

বেদাখ্যবৃক্ষমনিশং পরিপালয়ন্তং
বিদ্বদ্বরেণ্যপততাং ভুবি কল্পবৃক্ষম্ ।
নিত্যং হসন্মুখমনোজ্ঞশশিস্বরূপং
শ্রীমজ্জয়েন্দ্রমনিশং শরণং প্রপদ্যে ॥

জগদ্গুরুভ্যাং বিবুধার্চিতাভ্যাং
শ্রীচন্দ্রমৌল়ীন্দ্রজয়েন্দ্রকাভ্যাম্ ।
শ্রীকামকোটীশ্বরশঙ্করাভ্যাং
নমঃ সুবিদ্রক্ষণদীক্ষিতাভ্যাম্ ॥

॥ ইতি শ্রীগুরুচরণদাসঃ সাম্বদীক্ষিতশর্মা হরিতঃ –
শ্রীক্ষেত্রগোকর্ণম্ ॥

শ্রীগণেশায় নমঃ ।

বাঙ্মুখম্ –
মাতরং পিতরং নত্বা লক্ষ্মীং দামোদরং তথা ॥

পূর্বৈঃ সদেডিতং চাগ্নিং গুরুং গণপতিং বিভুম্ ॥ ১ ॥

অগ্নের্নামসস্রাণাং সঙ্গ্রহং বেদতো ময়া ।
উদ্ধৃত্য ক্রিয়তে ভক্ত্যা চিত্রভানুপ্রতুষ্টয়ে ॥ ২ ॥

অত্র প্রমাণমৃগ্বেদে শুনঃশেপো বসুশ্চ তৌ ।
য়দাহতুর্মন্ত্রবর্ণৈর্মর্তা, অগ্নের্বয়ম্, ইতি ॥ ৩ ॥

কাণ্বোবসুঃ
মর্তা অম⁠র্ত্যস্য তে⁠ ভূরি⁠নাম⁠ মনামহে ।
বিপ্রা⁠সো জা⁠তবে⁠দসঃ ॥

আজীগর্তিঃ শুনঃশেপঃ –
অ⁠গ্নের্ব⁠য়ং প্র⁠থ⁠মস্যা⁠মৃতা⁠নাং⁠ মনা⁠মহে⁠ চারু⁠দে⁠বস্য⁠ নাম⁠ ।
স নো⁠ ম⁠হ্যা অদি⁠তয়ে⁠ মুন⁠র্দাত্ পি⁠তরং⁠ চ দৃ⁠শেয়ং⁠ মা⁠তরং⁠ চ ॥

অস্য নাম্নাং সহস্রস্য ঋষিঃ শ্রীব্রহ্মণস্পতিঃ ।
সর্বমন্ত্রপ্রভুঃ সাক্ষাদগ্নিরেব হি দেবতা ॥ ৪ ॥

অনুষ্টুপ্ ত্রিষ্টুপ্ শক্বর্যশ্ছন্দাংসি সুমহন্তি চ ।
ধর্মার্থকামমোক্ষার্থং বিনিয়োগো জপাদিপু ॥ ৫ ॥

ধ্যানং চত্বারি শৃঙ্গেতি বামদেবর্ষি দর্শনম্ ।
আগ্নেয়ং দৈবতং ত্রিষ্টুপ্ ছন্দো জাপ্যে হি য়ুজ্যতে ॥ ৬ ॥

ওঁ চত্বারি⁠শৃঙ্গা⁠ ত্রয়ো⁠ অস্য⁠ পাদা⁠ দ্বে শী⁠র্ষে স⁠প্ত হস্তা⁠সো অস্য ।
ত্রিধা⁠ ব্দ্ধো বৃ⁠ষ⁠ভো রো⁠রবীতি ম⁠হে দে⁠বো ম⁠র্ত্যা⁠আবি⁠বেশ ॥

ওঁ শ্রীগণেশায় নমঃ ।
ওঁ শ্রীসরস্বত্যৈ নমঃ ।

অথাগ্নিসহস্রনামস্তোত্রম্ ।
ওঁ অগ্নির্বসুপতির্হোতা দীদিবী রত্নধাতমঃ ।
আধ্রসাচিত্পিতা জাতঃ শীর্ষতঃ সুক্রতুর্যুবা ॥ ১ ॥ var আধ্রস্যচিত্পিতা

ভাসাকেতুর্বৃহত্কেতুর্বৃহদর্চাঃ কবিক্রতুঃ
সত্যঃ সত্যয়জো দূতো বিশ্ববেদা অপস্তমঃ ॥ ২ ॥

স্বে দমে বর্ধমানোঽর্হন্তনূকৃন্মৃল়য়ত্তমঃ ।
ক্ষেমো গুহাচরন্নাভিঃ পৃথিব্যাঃ সপ্তমানুষঃ ॥ ৩ ॥

অদ্রেঃ সূনুর্নরাশংসো বর্হিঃ স্বর্ণর ঈল়িতঃ ।
পাবকো রেরিহত্ক্ষামা ঘৃতপৃষ্ঠো বনস্পতিঃ ॥ ৪ ॥

সুজিহ্বো য়জ্ঞনীরুক্ষন্সত্যমন্মা সুমদ্রথঃ ।
সমুদ্রঃ সুত্যজো মিত্রো মিয়েধ্যো নৃমণোঽর্যমা ॥ ৫ ॥

পূর্ব্যশ্চিত্ররথঃ স্পার্হঃ সুপ্রথাঃ সহসোয়হুঃ ।
য়জ্বা বিমানো রজসা রক্ষোহাঽথর্যুরধ্রিগুঃ ॥ ৬ ॥

সহন্যো য়জ্ঞিয়ো ধূমকেতুর্বাজোঽঙ্গিরস্তমঃ ।
পুরুচন্দ্রো বপূরেবদনিমানো বিচর্ষণিঃ ॥ ৭ ॥

দ্বিমাতা মেধিরো দেবো দেবানাং শন্তমো বসুঃ ।
চোদিষ্ঠো বৃষভশ্চারূঃ পুরোগাঃ পুষ্টিবর্ধনঃ ॥ ৮ ॥

রায়োধর্তা মন্দ্রজিহ্বঃ কল্যাণো বসুবিত্তমঃ ।
জামিঃ পূষা বাবশানো ব্রতপা অস্তৃতোঽন্তরঃ ॥ ৯ ॥

সম্মিশ্লোঽঙ্গিরসাং জ্যেষ্টো গবাং ত্রাতা মহিব্রতঃ ।
বিশাং দূতস্তপুর্মূর্ধা স্বধ্বরো দেববীতমঃ ॥ ১০ ॥

প্রত্নো ধনস্পৃদবিতা তপুর্জম্মো মহাগয়ঃ ।
অরুষোঽতিথিরস্যদ্মসদ্বা দক্ষপতিঃ সহঃ ॥ ১১ ॥

তুবিষ্মাঞ্ছবসাসূনুঃ স্বধাবা জ্যোতিরপ্সুজাঃ ।
অধ্বরাণাং রথী শ্রেষ্ঠঃ স্বাহুতো বাতচোদিতঃ ॥ ১২ ॥

ধর্ণসির্ভোজনস্ত্রাতা মধুজিহ্বো মনুর্হিতঃ ।
নমস্য ঋগ্মিয়ো জীরঃ প্রচেতাঃ প্রভুরাশ্রিতঃ ॥ ১৩ ॥

রোহিদশ্বঃ সুপ্রণীতিঃ স্বরাড্গৃত্সঃ সুদীদিতিঃ ।
দক্ষো বিবস্বতো দূতো বৃহদ্ভা রয়িবান্ রয়িঃ ॥ ১৪ ॥

অধ্বরাণাং পতিঃ সম্রাড্ ঘৃষ্বির্দাস্বদ্বিশাং প্রিয়ঃ
ঘৃতস্নুরদিতিঃ স্বর্বাঞ্ছ্রুত্কর্ণো নৃতমো য়মঃ ॥ ১৫ ॥

অঙ্গিরাঃ সহসঃসূনুর্বসূনামরতিঃ ক্রতুঃ ।
সপ্তহোতা কেবলোঽপ্যো বিভাবা মঘবা ধুনিঃ ॥ ১৬ ॥

সমিধানঃ প্রতরণঃ পৃক্ষস্তমসি তস্থিবান্ ।
বৈশ্বানরো দিবোমূর্ধা রোদস্যোররতিঃ প্রিয়ঃ ॥ ১৭ ॥

য়জ্ঞানাং নাভিরত্রিঃ সত্সিন্ধূনাঞ্জামিরাহুতঃ ।
মাতরিশ্বা বসুধিতির্বেধা ঊর্ধ্বস্তবো হিতঃ ॥ ১৮ ॥

অশ্বী ভূর্ণিরিনো বামো জনীনাং পতিরন্তমঃ ।
পায়ুর্মর্তেষু মিত্রোঽর্যঃ শ্রুষ্টিঃ সাধুরহিরৃভুঃ ॥ ১৯ ॥

ভদ্রোঽজুর্যো হব্যদাতিশ্চিকিত্বান্বিশ্বশুক্পৃণন্ ।
শংসঃ সংজ্ঞাতরূপোঽপাঙ্গর্ভস্তুবিশ্রবস্তমঃ ॥ ২০ ॥

গৃধ্নুঃঃ শূরঃ সুচন্দ্রোঽশ্বোঽদব্ধো বেধস্তমঃ শিশুঃ ।
বাজশ্রবা হর্যমাণ ঈশানো বিশ্বচর্ষণিঃ ॥ ২১ ॥

পুরুপ্রশস্তো বাধ্র্যশ্বোঽনূনবর্চাঃ কনিক্রদত্ ।
হরিকেশো রথী মর্যঃ স্বশ্বো রাজন্তুবিষ্বণিঃ ॥ ২২ ॥

তিগ্মজম্ভঃ সহস্রাক্ষস্তিগ্মশোচির্দ্রুহন্তরঃ ।
ককুদুক্থ্যো বিশাং গোপা মংহিষ্ঠো ভারতো মৃগঃ ॥ ২৩ ॥

শতাত্মোরুজ্রয়া বীরশ্চেকিতানো ধৃতব্রতঃ ।
তনূরুক্ চেতনোঽপূর্ব্যো ব্যধ্বা চক্রির্ধিয়াবসুঃ ॥ ২৪ ॥

শ্রিতঃ সিন্ধুষু বিশ্বেষ্বনেহা জ্যেষ্ঠশ্চনোহিতঃ ।
অদাভ্যশ্চোদ ঋতুপা অমৃক্তঃ শবসস্পতিঃ ॥ ২৫ ॥

গুহাসদ্বীরুধাং গর্ভঃ সুমেধাঃ শুষ্মিণস্পতিঃ ।
সৃপ্রদানুঃ কবিতমঃ শ্বিতানো য়জ্ঞসাধনঃ ॥ ২৬ ॥

তুবিদ্যুম্নোঽরুণস্তূপো বিশ্ববিদ্গাতুবিত্তমঃ ।
শ্রুষ্টীবাঞ্ছ্রেণিদন্দাতা পৃথুপাজাঃ সহস্কৃতঃ ॥ ২৭ ॥

অভিশ্রীঃ সত্যবাক্ত্বেষো মাত্রোঃ পুত্রো মহিন্তমঃ ।
ঘৃতয়োনির্দিদৃক্ষেয়ো বিশ্বদেব্যো হিরণ্ময়ঃ ॥ ২৮ ॥ var হিরণ্যয়ঃ

অনুষত্যঃ কৃষ্ণজংহাঃ শতনীথোঽপ্রতিষ্কুতঃ ।
ইল়ায়াঃ পুত্র ঈল়েন্যো বিচেতা বাঘতামুশিক্ ॥ ২৯ ॥

বীতোঽর্কো মানুষোঽজস্রো বিপ্রঃ শ্রোতোর্বিয়া বৃষঃ
আয়োয়ুবান আবাধো বীল়ুজম্ভো হরিব্রতঃ ॥ ৩০ ॥

দিবঃকেতুর্ভুবোমূর্ধা সরণ্যন্দুর্দভঃ সুরুক্ ।
দিব্যেন শোচিষা রাজন্সুদীতিরিষিরো বৃহত্ ॥ ৩১ ॥

সুদৃশীকো বিশাঙ্কেতুঃ পুরুহূত উপস্থসদ্ ।
পুরোয়াবা পুর্বণীকোঽনিবৃতঃ সত্পতির্দ্যুমান্ ॥ ৩২ ॥

য়জ্ঞস্য বিদ্বানব্যথ্যো দুর্বর্তু র্ভূর্জয়ন্নপাত্ ।
অমৃতঃ সৌভগস্যেশঃ স্বরাজ্যো দেবহূতমঃ ॥ ৩৩ ॥

কীলালপা বীতিহোত্রো ঘৃতনির্ণিক্ সনশ্রুতঃ ।
শুচিবর্ণস্তুবিগ্রীবো ভারতী শোচিষস্পতিঃ ॥ ৩৪ ॥

সোমপৃষ্ঠো হিরিশ্মশ্রুর্ভদ্রশোচির্জুগুর্বণিঃ ।
ঋত্বিক্ পূর্বেভিরৃষিভিরীড্যশ্চিত্রশ্রবস্তমঃ ॥ ৩৫ ॥

ভীমঃ স্তিয়ানাং বৃষভো নূতনৈরীড্য আসুরঃ ।
স্তভূয়মানোঽধ্বরাণাং গোপা বিশ্পতিরস্ময়ুঃ ॥ ৩৬ ॥

ঋতস্য গোপা জীরাশ্বো জোহূত্রো দম্পতিঃ কবিঃ ।
ঋতজাতো দ্যুক্ষবচা জুহ্বাস্যোঽমীবচাতনঃ ॥ ৩৭ ॥

সোমগোপাঃ শুক্ত্রশোচি র্ঘৃতাহবন আয়জিঃ ।
অসন্দিতঃ সত্যধর্মা শশমানঃ শুশুক্বনিঃ ॥ ৩৮ ॥

বাতজূতো বিশ্বরূপস্ত্বষ্টা চারুতমো মহান্ ।
ইল়া সরস্বতী হর্ষন্তিস্ত্রো দেব্যো ময়োভুবঃ ॥ ৩৯ ॥

অর্বা সুপেশসৌ দেব্যৌ হোতারৌ স্বর্পতিঃ সুভাঃ ।
দেবীর্দ্বারো জরাবোধো হূয়মানো বিভাবসুঃ ॥ ৪০ ॥

সহসাবান্ মর্মৃজেন্যো হিংস্ত্রোঽমৃতস্য রক্ষিতা ।
দ্রবিণোদা ভ্রাজমানো ধৃষ্ণুরূর্জাম্পতিঃ পিতা ॥ ৪১ ॥

সদায়বিষ্ঠো বরুণো বরেণ্যো ভাজয়ুঃ পৃথুঃ ।
বন্দ্যোধ্বরাণাং সম্রাজন্ সুশেবো ধীরৃষিঃ শিবঃ ॥ ৪২ ॥

পৃথুপ্রগামা বিশ্বায়ুর্মীঢ্বান্যন্তা শুচত্ সখা ।
অনবদ্যঃ পপ্রথানঃ স্তবমানো বিভুঃ শয়ুঃ ॥ ৪৩ ॥

শ্বৈত্রেয়ঃ প্রথমো দ্যুক্ষো বৃহদুক্ষা সুকৃত্তরঃ ।
বয়স্কৃদগ্নিত্তোকস্য ত্রাতা প্রীতো বিদুষ্টরঃ ॥ ৪৪ ॥

তিগ্মানীকো হোত্রবাহো বিগাহঃ স্বতবান্ভৃমিঃ ।
জুজুষাণঃ সপ্তরশ্মিরৃষিকৃত্তুর্বণিঃ শুচিঃ ॥ ৪৫ ॥

ভূরিজন্মা সমনগাঃ প্রশস্তো বিশ্বতস্পৃথুঃ ।
বাজস্য রাজা শ্রুত্যস্য রাজা বিশ্বভরা বৃষা ॥ ৪৬ ॥

সত্যতাতির্জাতবেদাস্ত্বাষ্টোঽমর্ত্যো বসুশ্রবাঃ ।
সত্যশুষ্মো ভাঋজীকোঽধ্বরশ্রীঃ সপ্রথস্তমঃ ॥ ৪৭ ॥

পুরুরূপো বৃহদ্ভানুর্বিশ্বদেবো মরুত্সখঃ ।
রুশদূর্মির্জেহমানো ভৃগবান্ বৃত্রহা ক্ষয়ঃ ॥ ৪৮ ॥

বামস্যরাতিঃ কৃষ্টীনাং রাজা রুদ্রঃ শচীবসুঃ ।
দক্ষৈঃ সুদক্ষ ইন্ধানো বিশ্বকৃষ্টির্বৃহস্পতিঃ ॥ ৪৯ ॥

অপাংসধস্থো বসুবিদ্রণ্বো ভুজ্ম বিশাম্পতিঃ ।
সহস্রবল্শো ধরুণো বহ্নিঃ শম্ভুঃ সহন্তমঃ ॥ ৫০ ॥

অচ্ছিদ্রোতিশ্চিত্রশোচির্হৃষীবানতিথির্বিশাম্ ।
দুর্ধরীতুঃ সপর্যেণ্যো বেদিষচ্চিত্র আতনিঃ ॥ ৫১ ॥

দৈব্যঃকেতুস্তিগ্মহেতিঃ কনীনাঞ্জার আনবঃ ।
ঊর্জাহুতিরৃতশ্চেত্যঃ প্রজানন্সর্পিরাসুতিঃ ॥ ৫২ ॥

গুহাচতঞ্চিত্রমহা দ্ব্রন্নঃ সূরো নিতোশনঃ ।
ক্রত্বাচেতিষ্ঠ ঋতচিত্ত্রিবরূথঃ সহস্রজিত্ ॥ ৫৩ ॥

সন্দৃগ্জূর্ণিঃ ক্ষোদায়ুরুষর্ভুদ্বাজসাতমঃ ।
নিত্যঃ সূনুর্জন্য ঋতপ্রজাতো বৃত্রহন্তমঃ ॥ ৫৪ ॥

বর্ষিষ্ঠঃ স্পৃহয়দ্বর্ণো ঘৃণির্জাতো য়শস্তমঃ ।
বনেষু জায়ুঃ পুত্রঃসন্পিতা শুক্ত্রো দুরোণয়ুঃ ॥ ৫৫ ॥

আশুহেমঃ ক্ষয়দ্ঘোরো দেবানাং কেতুরহ্নয়ঃ ।
দুরোকশোচিঃ পলিতঃ সুবর্চা বহুলোঽদ্ভুতঃ ॥ ৫৬ ॥

রাজা রয়ীণাং নিষত্তো ধূর্ষদ্রূক্ষো ধ্রুবো হরিঃ ।
ধর্মো দ্বিজন্মা সুতুকঃ শুশুক্বাঞ্জার উক্ষিতঃ ॥ ৫৭ ॥

নাদ্যঃ সিষ্ণুর্দধিঃ সিংহ ঊর্ধ্বরোচিরনানতঃ ।
শেবঃ পিতূনাং স্বাদ্মাঽঽহাবোঽপ্সু সিংহ ইব শ্রিতঃ ॥ ৫৮ ॥

গর্ভো বনানাঞ্চরথাং গর্ভো য়জ্ঞঃ পুরূবসুঃ ।
ক্ষপাবান্নৃপতির্মেধ্যো বিশ্বঃ শ্বেতোঽপরীবৃতঃ ॥ ৫৯ ॥

স্থাতাং গর্ভঃ শুক্রবর্চাস্তস্থিবান্ পরমে পদে ।
বিদ্বান্মর্তাগুংশ্চ দেবানাং জন্ম শ্যেতঃ শুচিব্রতঃ ॥ ৬০ ॥

ঋতপ্রবীতঃ সুব্রহ্মা সবিতা চিত্তিরপ্সুষদ্ ।
চন্দ্রঃ পুরস্তূর্ণিতমঃ স্পন্দ্রো দেবেষু জাগৃবিঃ ॥ ৬১ ॥

পুর এতা সত্যতর ঋতাবা দেববাহনঃ ।
অতন্দ্র ইন্দ্রঃ ঋতুবিচ্ছোচিষ্ঠঃ শুচিদচ্ছিতঃ ॥ ৬২ ॥

হিরণ্যকেশঃ সুপ্রীতো বসূনাং জনিতাঽসুরঃ ।
ঋভ্বা সুশর্মা দেবাবীর্দধদ্রত্নানি দাশুষে ॥ ৬৩ ॥

পূর্বো দধৃগ্দিবস্পায়ুঃ পোতা ধীরঃ সহস্রসাঃ ।
সুমৃল়ীকো দেবকামো নবজাতো ধনঞ্জয়ঃ ॥ ৬৪ ॥

শশ্বত্তমো নীলপৃষ্ঠ ঋষ্বো মন্দ্রতরোঽগ্রিয়ঃ ।
স্বর্চিরংশো দারুরস্রিচ্ছিতিপৃষ্ঠো নমোবহন্ ॥ ৬৫ ॥

পন্যাংসস্তরুণঃ সম্রাট্ চর্ষণীনাং বিচক্ষণঃ ।
স্বঙ্গঃ সুবীরঃ কৃষ্ণাধ্বা সুপ্রতূর্তিরিল়ো মহী ॥ ৬৬ ॥

য়বিষ্ঠ্যো দক্ষুষবৃকো বাশীমানবনো ঘৃতম্ ।
ঈবানস্তা বিশ্ববারাশ্চিত্রভানুরপাং নপাত্ ॥ ৬৭ ॥

নৃচক্ষা ঊর্জয়ঞ্চ্ছীরঃ সহোজা অদ্ভুতক্ত্রতুঃ ।
বহুনামবমোঽভিদ্যুর্ভানুর্মিত্রমহো ভগঃ ॥ ৬৮ ॥

বৃশ্চদ্বনো রোরুচানঃ পৃথিব্যাঃ পতিরাধৃষঃ ।
দিবঃ সূনুর্দস্মবর্চা য়ন্তুরো দুষ্টরো জয়ন্ ॥ ৬৯ ॥

স্বর্বিদ্গণশ্রীরথিরো নাকঃ শুভ্রোঽপ্তুরঃ সসঃ ।
হিরিশিপ্রো বিশ্বমিন্বো ভৃগূণাং রাতিরদ্বয়ন্ ॥ ৭০ ॥

সুহোতা সুরণঃ সুদ্যৌর্মন্ধাতা স্ববসঃ পুমান্ ।
অশ্বদাবা শ্রেষ্ঠশোচির্যজীয়ান্হর্যতোঽর্ণবঃ ॥ ৭১ ॥

সুপ্রতীকশ্চিত্রয়ামঃ স্বভিষ্টিশ্চক্ষণীরুশন্ ।
বৃহত্সূরঃ পৃষ্টবন্ধুঃ শচীবান্সংয়তশ্চিকিত্ ॥ ৭২ ॥

বিশামীড্যোঽহিংস্যমানো বয়োধা গির্বণাস্তপুঃ ।
বশান্ন উগ্রোঽদ্বয়াবী ত্রিধাতুস্তরণিঃ স্বয়ুঃ ॥ ৭৩ ॥

ত্রয়য়ায়্যশ্চর্ষণীনাং হোতা বীল়ুঃ প্রজাপতিঃ ।
গুহমানো নির্মথিতঃ সুদানুরিষিতো য়জন্ ॥ ৭৪ ॥

মেধাকারো বিপ্রবীরঃ ক্ষিতীনাং বৃষভোঽরতিঃ ।
বাজিন্তমঃ কণ্বতমো জরিতা মিত্রিয়োঽজরঃ ॥ ৭৫ ॥

রায়স্পতিঃ কূচিদর্থী কৃষ্ণয়ামো দিবিক্ষয়ঃ ।
ঘৃতপ্রতীকশ্চেতিষ্ঠঃ পুরুক্ষুঃ সত্বনোঽক্ষিতঃ ॥ ৭৬ ॥

নিত্যহোতা পূতদক্ষঃ ককুদ্মান্ ক্রব্যবাহনঃ ।
দিধিষায়্যো দিদ্যুতানঃ সুদ্যোত্মা দস্যুহন্তমঃ ॥ ৭৭ ॥

পুরুবারঃ পুরুতমো জর্হৃষাণঃ পুরোহিতঃ ।
শুচিজিহ্বো জর্ভুরাণো রেজমানস্তনূনপাত্ ॥ ৭৮ ॥

আদিতেয়ো দেবতমো দীর্ঘতন্তুঃ পুরন্দরঃ ।
দিবিয়োনির্দর্শতশ্রীর্জরমাণঃ পুরুপ্রিয়ঃ ॥ ৭৯ ॥

জ্রয়সানঃ পুরুপ্রৈষো বিশ্বতূর্তিঃ পিতুষ্পিতা ।
সহসানঃ সঞ্চিকিত্বান্ দৈবোদাসঃ সহোবৃধঃ ॥ ৮০ ॥

শোচিষ্কেশো ধৃষদ্বর্ণঃ সুজাতঃ পুরুচেতনঃ ।
বিশ্বশ্রুষ্টির্বিশ্ববর্য আয়জিষ্ঠঃ সদানবঃ ॥ ৮১ ॥

নেতা ক্ষিতীনাং দৈবীনাং বিশ্বাদঃ পুরুশোভনঃ ।
য়জ্ঞবন্যুর্বহ্নিতমো রংসুজিহ্বো গুহাহিতঃ ॥ ৮২ ॥

ত্রিষধস্থো বিশ্বধায়া হোত্রাবিদ্বিশ্বদর্শতঃ ।
চিত্ররাধাঃ সূনৃতাবান্ সদ্যোজাতঃ পরিষ্কৃতঃ ॥ ৮৩ ॥

চিত্রক্ষত্রো বৃদ্ধশোচির্বনিষ্টো ব্রহ্মণস্পতিঃ ।
বভ্রিঃ পরস্পা উষসামিঘানঃ সাসহিঃ সদৃক্ ॥ ৮৪ ॥

বাজী প্রশংস্যো মধুপৃক্ চিকিত্রো নক্ষ্যঃ সুদক্ষোঽদৃপিতো বসিষ্ঠঃ ।
দিব্যো জুষাণো রঘুয়ত্প্রয়জ্যুঃ দুর্যঃ সুরাধাঃ প্রয়তোঽপ্রমৃষ্যঃ ॥ ৮৫ ॥

বাতোপধূতো মহিনাদৃশেন্যঃ শ্রীণামুদারো ধরুণো রয়ীণাম্ ।
দীদ্যদ্রুরুক্ব্বান্দ্রবিণস্যুরত্যঃ শ্রিয়ংবসানঃ প্রবপন্যজিষ্ঠঃ ॥ ৮৬ ॥

বস্যো বিদানো দিবিজঃ পনিষ্ঠো দম্যঃ পরিজ্মা সুহবো বিরূপঃ ।
জামির্জনানাং বিষিতো বপুষ্যঃ শুক্রেভিরঙ্গৈরজ আততন্বান্ ॥ ৮৭ ॥

অধ্রুগ্বরূথ্যঃ সুদৃশীকরূপঃ ব্রহ্মা বিবিদ্বাঞ্চিকিতুর্বিভানুঃ । var অদ্রুহ্বরূথ্যঃ
ধর্ণি র্বিধর্তা বিবিচিঃ স্বনীকো য়হ্বঃ প্রকেতো বৃষণশ্চকানঃ ॥ ৮৮ ॥

জুষ্টো মনোতা প্রমতির্বিহায়াঃ জেন্যো হবিষ্কৃত্ পিতুমাঞ্ছবিষ্ঠঃ ।
মতিঃ সুপিত্র্যঃ সহসীদৃশানঃ শুচিপ্রতীকো বিষুণো মিতদ্রুঃ ॥ ৮৯ ॥

দবিদ্যুতদ্বাজপতির্বিজাবা বিশ্বস্য নাভিঃ সনৃজঃসুবৃক্তিঃ ।
তিগ্মঃ সুদংসা হরিতস্তমোহা জেতা জনানাং ততুরির্বনর্গুঃ ॥ ৯০ ॥

প্রেষ্ঠো ধনর্চঃ সুষখো ধিয়ন্ধিঃ মন্যুঃপয়স্বান্মহিষঃ সমানঃ ।
সূর্যো ঘৃণীবান্ রথয়ুর্ঘৃতশ্রীঃ ভ্রাতা শিমীবান্ভুবনস্য গর্ভঃ ॥ ৯১ ॥

সহস্ররেতা নৃষদপ্রয়ুচ্ছন্ বেনো বপবান্সুষুমঞ্ছিশানঃ ।
মধুপ্রতীকঃ স্বয়শাঃ সহীয়ান্ নব্যো মুহুর্গীঃ সুভগো রভস্বান্ ॥ ৯২ ॥

য়জ্ঞস্য কেতুঃ সুমনস্যমানঃ দেবঃ শ্রবস্যো বয়ুনানি বিদ্বান্ ।
দিবস্পৃথিব্যোররতির্হবির্বাট্ বিষ্ণূ রথঃ সুষ্টুত ঋঞ্জসানঃ ॥ ৯৩ ॥

বিশ্বস্য কেতুশ্চ্যবনঃ সহস্যো হিরণ্যরূপঃ প্রমহাঃ সুজম্ভঃ ।
রুশদ্বসানঃ কৃপনীল় ঋন্ধন্ কৃত্ব্যো ঘৃতান্নঃ পুরুধপ্রতীকঃ ॥ ৯৪ ॥

সহস্রমুষ্কঃ সুশমী ত্রিমূর্ধা মন্দ্রঃ সহস্বানিষয়ন্তরুত্রঃ ।
তৃষুচ্যুতশ্চন্দ্ররথোভুরণ্যুঃ ধাসিঃ সুবেদঃ সমিধা সমিদ্ধঃ ॥ ৯৫ ॥

হিরণ্যবর্ণঃ শমিতা সুদত্রঃ য়জ্ঞস্য নেতা সুধিতঃ সুশোকঃ ।
কবিপ্রশস্তঃ প্রথমোঽমৃতানাং সহস্রশৃঙ্গো রয়িবিদ্রয়ীণাম্ ॥ ৯৬ ॥

ব্রধ্নো হৃদিস্পৃক্ প্রদিবোদিবিস্পৃক্ বিভ্বা সুবন্ধুঃ সুয়জো জরদ্বিট্ ।
অপাকচক্ষা মধুহস্ত্য ইদ্ধো ধর্মস্ত্রিপস্ত্যো দ্রবিণা প্রতিব্যঃ ॥ ৯৭ ॥

পুরুষ্টুতঃ কৃষ্ণপবিঃ সুশিপ্রঃ পিশঙ্গরূপঃ পুরুনিষ্ঠ একঃ ।
হিরণ্যদন্তঃ সুমখঃ সুহব্যো দস্মস্তপিষ্ঠঃ সুসমিদ্ধ ইর্যঃ ॥ ৯৮ ॥

সুদ্যুত্ সুয়জ্ঞঃ সুমনা সুরত্নঃ সুশ্রীঃ সুসংসত্ সুরথঃ সুসন্দৃক্ ।
তন্বা সুজাতো বসুভিঃ সুজাতঃ সুদৃক্ সুদেবঃ সুভরঃ সুবর্হিঃ ॥

ঊর্জোনপাদ্রয়িপতিঃ সুবিদত্র আপিঃ
অক্রোঽজিরো গৃহপতিঃ পুরুবারপুষ্টিঃ ।
বিদ্যুদ্রথঃ সুসনিতা চতুরক্ষ ইষ্টিঃ
দীদ্যান ইন্দুরুরুকৃদ্ধৃতকেশ আশুঃ ॥ ১০০ ॥

॥ ইত্যগ্নিসহস্রনামস্তোত্রং সম্পূর্ণম্ ॥

অন্তিম বাক্ –
নাম্নাং সহস্রজাপেন প্রীতঃ শ্রীহব্যবাহনঃ
চতুর্ণাং পুরুষার্থানাং দাত ভবতু মে প্রভুঃ ॥ ১ ॥

নাত্র নাম্নাং পৌনরুক্ত্যং ন চকারাদিপূরণম্ ।
শ্লোকানাং শতকেনৈব সহস্রং গ্রথিতং ত্বিদম্ ॥ ২ ॥

শ্লোকাশ্চতুরশীতিঃ স্যুরাদিতস্তা অনুষ্টুভঃ ।
ততঃ পঞ্চদশ ত্রিষ্টুবিন্দ্রবজ্রোপজাতিভিঃ ॥ ৩ ॥

একান্ত্যা শক্করী সাহি বসন্ততিলকা মতা ।
সার্ধৈকাদশকৈঃ শ্লোকৈর্নাম্নামষ্টোত্তরং শতম্ ॥ ৪ ॥

সঙ্গৃহীতানি বেদাব্ধেরগ্নেরেব মহীয়সঃ ।
ওঙ্কারমাদৌ নামানি চতুর্থ্যন্তানি তত্ততঃ ॥ ৫ ॥

নমোঽন্তানি প্রয়োজ্যানি বিনিয়োগে মনীষিভিঃ ।
বৈদিকত্ত্বাচ্চ সর্বেষাং নাম্নামন্তে প্রদর্শিতম্ ॥ ৬ ॥

সৌকর্যায় হি সর্বেষাং চতুর্থ্যন্তং মুদে ময়া ।
নাম্নাং বিশেষজ্ঞানার্থং মন্ত্রাঙ্কশ্চ প্রদর্শিতঃ ॥ ৭ ॥

॥ ইতি শ্রীগোকর্ণাভিজনস্য দীক্ষিতদামোদরসূনোঃ
সাম্বদীক্ষিতস্য কৃতৌ অগ্নিসহস্রনামস্ত্রোত্রম্ ॥

Also Read 1000 Names of Lord Agni:

1000 Names of Lord Agni Deva | Sahasranama in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Lord Agni Deva | Sahasranama Lyrics in Bengali

Leave a Reply

Your email address will not be published. Required fields are marked *

Scroll to top