Narasimhasahasranama Stotram Lyrics in Bengali:
॥ লক্ষ্মীনৃসিংহসহস্রনামস্তোত্রম্ ॥
দিব্যলক্ষ্মীনৃসিংহসহস্রনামস্তোত্রম্
॥ স্তোত্রস্য পূর্বপীঠিকা ॥
ওঁ মার্কণ্ডেয় উবাচ –
এবং য়ুদ্ধমভূদ্ঘোরং রৌদ্রং দৈত্যবলৈঃ সহ ।
নৃসিংহস্যাঙ্গসম্ভূতৈর্নারসিংহৈরনেকশঃ ॥ ১ ॥
দৈত্যকোটিহতাস্তত্র কেচিদ্ভীতাঃ পলায়িতাঃ ।
তং দৃষ্ট্বাতীব সঙ্ক্রুদ্ধো হিরণ্যকশিপুঃ স্বয়ম্ ॥ ২ ॥
ভূতপূর্বৈরমৃত্যুর্মে ইতি ব্রহ্মবরোদ্ধতঃ ।
ববর্ষ শরবর্ষেণ নারসিংহো ভৃশং বলী ॥ ৩ ॥
দ্বন্দ্বয়ুদ্ধমভূদুগ্রং দিব্যবর্ষসহস্রকম্ ।
দৈত্যেন্দ্রসাহসং দৃষ্ট্বা দেবাশ্চেন্দ্রপুরোগমাঃ ॥ ৪ ॥
শ্রেয়ঃ কস্য ভবেদত্র ইতি চিন্তাপরাভবন্ ।
তদা ক্রুদ্ধো নৃসিংহস্তু দৈত্যেন্দ্রপ্রহিতান্যপি ॥ ৫ ॥
বিষ্ণুচক্রং মহাচক্রং কালচক্রং তু বৈষ্ণবম্ ।
রৌদ্রং পাশুপতং ব্রাহ্মং কৌবেরং কুলিশাসনম্ ॥ ৬ ॥
আগ্নেয়ং বারুণং সৌম্যং মোহনং সৌরপার্বতম্ ।
ভার্গবাদিবহূন্যস্ত্রাণ্যভক্ষয়ত কোপনঃ ॥ ৭ ॥
সন্ধ্যাকালে সভাদ্বারে স্বাঙ্কে নিক্ষিপ্যভৈরবঃ ।
ততঃ খট্গধরং দৈত্যং জগ্রাহ নরকেসরী ॥ ৮ ॥
হিরণ্যকশিপোর্বক্ষো বিদার্যাতীব রোষিতঃ ।
উদ্ধৃত্য চান্ত্রমালানি নখৈর্বজ্রসমপ্রভৈঃ ॥ ৯ ॥
মেনে কৃতার্থমাত্মানং সর্বতঃ পর্যবৈক্ষত ।
হর্ষিতা দেবতাঃ সর্বাঃ পুষ্পবৃষ্টিমবাকিরন্ ॥ ১০ ॥
দেবদুন্দুভয়ো নেদুর্বিমলাশ্চ দিশোঽভবন্ ।
নরসিংহ মতীবোগ্রং বিকীর্ণবদনং ভৃশম্ ॥ ১১ ॥
লেলিহানং চ গর্জন্তং কালানলসমপ্রভম্ ।
অতিরৌদ্রং মহাকায়ং মহাদংষ্ট্রং মহারুতম্ ॥ ১২ ॥
মহাসিংহং মহারূপং দৃষ্ট্বা সঙ্ক্ষুভিতং জগত্ ।
সর্বদেবগণৈঃ সার্থং তত্রাগত্য পিতামহঃ ॥ ১৩ ॥
আগন্তুকৈর্ভূতপূর্বৈর্বর্তমানৈরনুত্তমৈঃ ।
গুণৈর্নামসহস্রেণ তুষ্টাব শ্রুতিসম্মতৈঃ ॥ ১৪ ॥
॥ অথ শ্রীনৃসিংহসহস্রনামস্তোত্রম্ ॥
ওঁ নমঃ শ্রীমদ্দিব্যলক্ষ্মীনৃসিংহসহস্রনামস্তোত্রমহামন্ত্রস্য
ব্রহ্মা ঋষিঃ শ্রীলক্ষ্মীনৃসিংহোদেবতা । অনুষ্টুপ্ছন্দঃ
শ্রীনৃসিংহঃপরমাত্মা বীজং লক্ষ্মীর্মায়াশক্তিঃ জীবোবীজং
বুদ্ধিঃ শক্তিঃ উদানবায়ুঃ বীজং সরস্বতী শক্তিঃ ব্যঞ্জনানি
বীজানি স্বরাঃ শক্তয়ঃ ওঁ ক্ষ্রৌং হ্রীং ইতি বীজানি ওঁ শ্রীং
অং আং ইতি শক্তয়ঃ বিকীর্ণনখদংষ্ট্রায়ুধায়েতি কীলকং
অকারাদিতি বোধকং শ্রীলক্ষ্মীনৃসিংহপ্রসাদসিদ্ধ্যর্থে
শ্রীলক্ষ্মীনৃসিংহসহস্রনামস্তোত্রমন্ত্রজপে বিনিয়োগঃ –
ব্রহ্মোবাচ –
ওঁ শ্রীলক্ষ্মীনৃসিংহায় নমঃ । অঙ্গুষ্ঠাভ্যাং নমঃ
ওঁ বজ্রনখায় নমঃ । তর্জনীভ্যাং নমঃ
ওঁ মহারুদ্রায় নমঃ । মধ্যমাভ্যাং নমঃ
ওঁ সর্বতোমুখায় নমঃ । অনামিকাভ্যাং নমঃ
ওঁ বিকটাস্যায় নমঃ । কনিষ্ঠিকাভ্যাং নমঃ
ওঁ বীরায় নমঃ । করতলকরপৃষ্ঠাভ্যাং নমঃ
এবং হৃদয়াদিন্যাসঃ – ইতি দিগ্বন্ধঃ
ওঁ ঐন্দ্রীং দিশং সুদর্শনেন বধ্নামি নমশ্চক্রায় স্বাহা ।
ওঁ আগ্নেয়ীং দিশং সুদর্শনেন বধ্নামি নমশ্চক্রায় স্বাহা ।
ওঁ য়াম্যাং দিশং সুদর্শনেন বধ্নামি নমশ্চক্রায় স্বাহা ।
ওঁ নৈঋতিং দিশং সুদর্শনেন বধ্নামি নমশ্চক্রায় স্বাহা ।
ওঁ বারুণীং দিশং সুদর্শনেন বধ্নামি নমশ্চক্রায় স্বাহা ।
ওঁ বায়বীং দিশং সুদর্শনেন বধ্নামি নমশ্চক্রায় স্বাহা ।
ওঁ কৌবেরীং দিশং সুদর্শনেন বধ্নামি নমশ্চক্রায় স্বাহা ।
ওঁ ঈশানীং দিশং সুদর্শনেন বধ্নামি নমশ্চক্রায় স্বাহা ।
ওঁ ঊর্ধ্বাং দিশং সুদর্শনেন বধ্নামি নমশ্চক্রায় স্বাহা ।
ওঁ অধস্তাদ্দিশং দিশং সুদর্শনেন বধ্নামি নমশ্চক্রায় স্বাহা ।
ওঁ অন্তরিক্ষাং দিশং সুদর্শনেন বধ্নামি নমশ্চক্রায় স্বাহা ।
অথ ধ্যানম্ –
সত্যজ্ঞানসুখস্বরূপমমলং ক্ষীরাব্ধিমধ্যে স্থিতং
য়োগারূঢমতিপ্রসন্নবদনং ভূষাসহস্রোজ্বলম্ ।
ত্র্যক্ষং চক্রপিনাকস্নাভয়করান্বিভ্রাণমর্কচ্ছবিং
ছত্রীভূতফণীন্দ্রমিন্দুধবলং লক্ষ্মীনৃসিংহং ভজে ॥ ১ ॥
উপাস্মহে নৃসিংহাখ্যং ব্রহ্ম বেদান্তগোচরম্ ।
ভূয়োলালিতসংসারচ্ছেদহেতুং জগদ্গুরুম্ ॥ ২ ॥
ব্রহ্মোবাচ –
ওঁ হ্রীং শ্রীং ঐং ক্ষ্রৌং
ব্রহ্মোবাচ –
ওঁ নমো নারসিংহায় বজ্রদংষ্ট্রায় বজ্রিণে ।
বজ্রদেহায় বজ্রায় নমো বজ্রনখায় চ ॥ ১ ॥
বাসুদেবায় বন্দ্যায় বরদায় বরাত্মনে ।
বরদাভয়হস্তায় বরায় বররূপিণে ॥ ২ ॥
বরেণ্যায় বরিষ্ঠায় শ্রীবরায় নমো নমঃ ।
প্রহ্লাদবরদায়ৈব প্রত্যক্ষবরদায় চ ॥ ৩ ॥
পরাত্পরপরেশায় পবিত্রায় পিনাকিনে ।
পাবনায় প্রসন্নায় পাশিনে পাপহারিণে ॥ ৪ ॥
পুরুষ্টুতায় পুণ্যায় পুরুহূতায় তে নমঃ ।
তত্পুরুষায় তথ্যায় পুরাণপুরুষায় চ ॥ ৫ ॥
পুরোধসে পূর্বজায় পুষ্করাক্ষায় তে নমঃ ।
পুষ্পহাসায় হাসায় মহাহাসায় শার্ঙ্গিণে ॥ ৬ ॥
সিংহায় সিংহরাজায় জগদ্বশ্যায় তে নমঃ ।
অট্টহাসায় রোষায় জলবাসায় তে নমঃ ॥ ৭ ॥
ভূতাবাসায় ভাসায় শ্রীনিবাসায় খড্গিনে ।
খড্গজিহ্বায় সিংহায় খড্গবাসায় তে নমঃ ॥ ৮ ॥
নমো মূলাধিবাসায় ধর্মবাসায় ধন্বিনে ।
ধনঞ্জয়ায় ধন্যায় নমো মৃত্যুঞ্জয়ায় চ ॥ ৯ ॥
শুভঞ্জয়ায় সূত্রায় নমঃ শত্রুঞ্জয়ায় চ ।
নিরঞ্জনায় নীরায় নির্গুণায় গুণায় চ ॥ ১০ ॥
নিষ্প্রপঞ্চায় নির্বাণপ্রদায় নিবিডায় চ ।
নিরালম্বায় নীলায় নিষ্কলায় কলায় চ ॥ ১১ ॥
নিমেষায় নিবন্ধায় নিমেষগমনায় চ ।
নির্দ্বন্দ্বায় নিরাশায় নিশ্চয়ায় নিরায় চ ॥ ১২ ॥
নির্মলায় নিবন্ধায় নির্মোহায় নিরাকৃতে ।
নমো নিত্যায় সত্যায় সত্কর্মনিরতায় চ ॥ ১৩ ॥
সত্যধ্বজায় মুঞ্জায় মুঞ্জকেশায় কেশিনে ।
হরীশায় চ শেষায় গুডাকেশায় বৈ নমঃ ॥ ১৪ ॥
সুকেশায়োর্ধ্বকেশায় কেশিসংহারকায় চ ।
জলেশায় স্থলেশায় পদ্মেশায়োগ্ররূপিণে ॥ ১৫ ॥
কুশেশয়ায় কূলায় কেশবায় নমো নমঃ ।
সূক্তিকর্ণায় সূক্তায় রক্তজিহ্বায় রাগিণে ॥ ১৬ ॥
দীপ্তরূপায় দীপ্তায় প্রদীপ্তায় প্রলোভিনে ।
প্রচ্ছিন্নায় প্রবোধায় প্রভবে বিভবে নমঃ ॥ ১৭ ॥
প্রভঞ্জনায় পান্থায় প্রমায়াপ্রমিতায় চ ।
প্রকাশায় প্রতাপায় প্রজ্বলায়োজ্বলায় চ ॥ ১৮ ॥
জ্বালামালাস্বরূপায় জ্বলজ্জিহ্বায় জ্বালিনে ।
মহোজ্জ্বলায় কালায় কালমূর্তিধরায় চ ॥ ১৯ ॥
কালান্তকায় কল্পায় কলনায় কৃতে নমঃ ।
কালচক্রায় শক্রায় বষট্চক্রায় চক্রিণে ॥ ২০ ॥
অক্রূরায় কৃতান্তায় বিক্রমায় ক্রমায় চ ।
কৃত্তিনে কৃত্তিবাসায় কৃতঘ্নায় কৃতাত্মনে ॥ ২১ ॥
সঙ্ক্রমায় চ ক্রুদ্ধায় ক্রান্তলোকত্রয়ায় চ ।
অরূপায় স্বরূপায় হরয়ে পরমাত্মনে ॥ ২২ ॥
অজয়ায়াদিদেবায় অক্ষয়ায় ক্ষয়ায় চ ।
অঘোরায় সুঘোরায় ঘোরাঘোরতরায় চ ॥ ২৩ ॥
নমোঽস্ত্বঘোরবীর্যায় লসদ্ঘোরায় তে নমঃ ।
ঘোরাধ্যক্ষায় দক্ষায় দক্ষিণার্যায় শম্ভবে ॥ ২৪ ॥
অমোঘায় গুণৌঘায় অনঘায়াঘহারিণে ।
মেঘনাদায় নাদায় তুভ্যং মেঘাত্মনে নমঃ ॥ ২৫ ॥
মেঘবাহনরূপায় মেঘশ্যামায় মালিনে ।
ব্যালয়জ্ঞোপবীতায় ব্যাঘ্রদেহায় বৈ নমঃ ॥ ২৬ ॥
ব্যাঘ্রপাদায় চ ব্যাঘ্রকর্মিণে ব্যাপকায় চ ।
বিকটাস্যায় বীরায় বিষ্টরশ্রবসে নমঃ ॥ ২৭ ॥
বিকীর্ণনখদংষ্ট্রায় নখদংষ্ট্রায়ুধায় চ ।
বিশ্বক্সেনায় সেনায় বিহ্বলায় বলায় চ ॥ ২৮ ॥
বিরূপাক্ষায় বীরায় বিশেষাক্ষায় সাক্ষিণে ।
বীতশোকায় বিস্তীর্ণবদনায় নমো নমঃ ॥ ২৯ ॥
বিধানায় বিধেয়ায় বিজয়ায় জয়ায় চ ।
বিবুধায় বিভাবায় নমো বিশ্বম্ভরায় চ ॥ ৩০ ॥
বীতরাগায় বিপ্রায় বিটঙ্কনয়নায় চ ।
বিপুলায় বিনীতায় বিশ্বয়োনে নমো নমঃ ॥ ৩১ ॥
চিদম্বরায় বিত্তায় বিশ্রুতায় বিয়োনয়ে ।
বিহ্বলায় বিকল্পায় কল্পাতীতায় শিল্পিনে ॥ ৩২ ॥
কল্পনায় স্বরূপায় ফণিতল্পায় বৈ নমঃ ।
তডিত্প্রভায় তার্যায় তরুণায় তরস্বিনে ॥ ৩৩ ॥
তপনায় তরক্ষায় তাপত্রয়হরায় চ ।
তারকায় তমোঘ্নায় তত্ত্বায় চ তপস্বিনে ॥ ৩৪ ॥
তক্ষকায় তনুত্রায় তটিনে তরলায় চ ।
শতরূপায় শান্তায় শতধারায় তে নমঃ ॥ ৩৫ ॥
শতপত্রায় তার্ক্ষ্যায় স্থিতয়ে শতমূর্তয়ে ।
শতক্রতুস্বরূপায় শাশ্বতায় শতাত্মনে ॥ ৩৬ ॥
নমঃ সহস্রশিরসে সহস্রবদনায় চ ।
সহস্রাক্ষায় দেবায় দিশশ্রোত্রায় তে নমঃ ॥ ৩৭ ॥
নমঃ সহস্রজিহ্বায় মহাজিহ্বায় তে নমঃ ।
সহস্রনামধেয়ায় সহস্রাক্ষিধরায় চ ॥ ৩৮ ॥
সহস্রবাহবে তুভ্যং সহস্রচরণায় চ ।
সহস্রার্কপ্রকাশায় সহস্রায়ুধধারিণে ॥ ৩৯ ॥
নমঃ স্থূলায় সূক্ষ্মায় সুসূক্ষ্মায় নমো নমঃ ।
সুক্ষুণ্যায় সুভিক্ষায় সুরাধ্যক্ষায় শৌরিণে ॥ ৪০ ॥
ধর্মাধ্যক্ষায় ধর্মায় লোকাধ্যক্ষায় বৈ নমঃ ।
প্রজাধ্যক্ষায় শিক্ষায় বিপক্ষক্ষয়মূর্তয়ে ॥ ৪১ ॥
কলাধ্যক্ষায় তীক্ষ্ণায় মূলাধ্যক্ষায় তে নমঃ ।
অধোক্ষজায় মিত্রায় সুমিত্রবরুণায় চ ॥ ৪২ ॥
শত্রুঘ্নায় অবিঘ্নায় বিঘ্নকোটিহরায় চ ।
রক্ষোঘ্নায় তমোঘ্নায় ভূতঘ্নায় নমো নমঃ ॥ ৪৩ ॥
ভূতপালায় ভূতায় ভূতবাসায় ভূতিনে ।
ভূতবেতালঘাতায় ভূতাধিপতয়ে নমঃ ॥ ৪৪ ॥
ভূতগ্রহবিনাশায় ভূতসংয়মতে নমঃ ।
মহাভূতায় ভৃগবে সর্বভূতাত্মনে নমঃ ॥ ৪৫ ॥
সর্বারিষ্টবিনাশায় সর্বসম্পত্করায় চ ।
সর্বাধারায় সর্বায় সর্বার্তিহরয়ে নমঃ ॥ ৪৬ ॥
সর্বদুঃখপ্রশান্তায় সর্বসৌভাগ্যদায়িনে ।
সর্বজ্ঞায়াপ্যনন্তায় সর্বশক্তিধরায় চ ॥ ৪৭ ॥
সর্বৈশ্বর্যপ্রদাত্রে চ সর্বকার্যবিধায়িনে ।
সর্বজ্বরবিনাশায় সর্বরোগাপহারিণে ॥ ৪৮ ॥
সর্বাভিচারহন্ত্রে চ সর্বৈশ্বর্যবিধায়িনে ।
পিঙ্গাক্ষায়ৈকশৃঙ্গায় দ্বিশৃঙ্গায় মরীচয়ে ॥ ৪৯ ॥
বহুশৃঙ্গায় লিঙ্গায় মহাশৃঙ্গায় তে নমঃ ।
মাঙ্গল্যায় মনোজ্ঞায় মন্তব্যায় মহাত্মনে ॥ ৫০ ॥
মহাদেবায় দেবায় মাতুলিঙ্গধরায় চ ।
মহামায়াপ্রসূতায় প্রস্তুতায় চ মায়িনে ॥ ৫১ ॥
অনন্তানন্তরূপায় মায়িনে জলশায়িনে ।
মহোদরায় মন্দায় মদদায় মদায় চ ॥ ৫২ ॥
মধুকৈটভহন্ত্রে চ মাধবায় মুরারয়ে ।
মহাবীর্যায় ধৈর্যায় চিত্রবার্যায় তে নমঃ ॥ ৫৩ ॥
চিত্রকূর্মায় চিত্রায় নমস্তে চিত্রভানবে ।
মায়াতীতায় মায়ায় মহাবীরায় তে নমঃ ॥ ৫৪ ॥
মহাতেজায় বীজায় তেজোধাম্নে চ বীজিনে ।
তেজোময় নৃসিংহায় নমস্তে চিত্রভানবে ॥ ৫৫ ॥
মহাদংষ্ট্রায় তুষ্টায় নমঃ পুষ্টিকরায় চ ।
শিপিবিষ্টায় হৃষ্টায় পুষ্টায় পরমেষ্ঠিনে ॥ ৫৬ ॥
বিশিষ্টায় চ শিষ্টায় গরিষ্ঠায়েষ্টদায়িনে ।
নমো জ্যেষ্ঠায় শ্রেষ্ঠায় তুষ্টায়ামিততেজসে ॥ ৫৭ ॥
অষ্টাঙ্গন্যস্তরূপায় সর্বদুষ্টান্তকায় চ ।
বৈকুণ্ঠায় বিকুণ্ঠায় কেশিকণ্ঠায় তে নমঃ ॥ ৫৮ ॥
কণ্ঠীরবায় লুণ্ঠায় নিঃশঠায় হঠায় চ ।
সত্ত্বোদ্রিক্তায় রুদ্রায় ঋগ্যজুস্সামগায় চ ॥ ৫৯ ॥
ঋতুধ্বজায় বজ্রায় মন্ত্ররাজায় মন্ত্রিণে ।
ত্রিনেত্রায় ত্রিবর্গায় ত্রিধাম্নে চ ত্রিশূলিনে ॥ ৬০ ॥
ত্রিকালজ্ঞানরূপায় ত্রিদেহায় ত্রিধাত্মনে ।
নমস্ত্রিমূর্তিবিদ্যায় ত্রিতত্ত্বজ্ঞানিনে নমঃ ॥ ৬১ ॥
অক্ষোভ্যায়ানিরুদ্ধায় অপ্রমেয়ায় ভানবে ।
অমৃতায় অনন্তায় অমিতায়ামিতৌজসে ॥ ৬২ ॥
অপমৃত্যুবিনাশায় অপস্মারবিঘাতিনে ।
অন্নদায়ান্নরূপায় অন্নায়ান্নভুজে নমঃ ॥ ৬৩ ॥
নাদ্যায় নিরবদ্যায় বিদ্যায়াদ্ভুতকর্মণে ।
সদ্যোজাতায় সঙ্ঘায় বৈদ্যুতায় নমো নমঃ ॥ ৬৪ ॥
অধ্বাতীতায় সত্ত্বায় বাগতীতায় বাগ্মিনে ।
বাগীশ্বরায় গোপায় গোহিতায় গবাম্পতে ॥ ৬৫ ॥
গন্ধর্বায় গভীরায় গর্জিতায়োর্জিতায় চ ।
পর্জন্যায় প্রবুদ্ধায় প্রধানপুরুষায় চ ॥ ৬৬ ॥
পদ্মাভায় সুনাভায় পদ্মনাভায় মানিনে ।
পদ্মনেত্রায় পদ্মায় পদ্মায়াঃ পতয়ে নমঃ ॥ ৬৭ ॥
পদ্মোদরায় পূতায় পদ্মকল্পোদ্ভবায় চ ।
নমো হৃত্পদ্মবাসায় ভূপদ্মোদ্ধরণায় চ ॥ ৬৮ ॥
শব্দব্রহ্মস্বরূপায় ব্রহ্মরূপধরায় চ ।
ব্রহ্মণে ব্রহ্মরূপায় পদ্মনেত্রায় তে নমঃ ॥ ৬৯ ॥
ব্রহ্মদায় ব্রাহ্মণায় ব্রহ্মব্রহ্মাত্মনে নমঃ ।
সুব্রহ্মণ্যায় দেবায় ব্রহ্মণ্যায় ত্রিবেদিনে ॥ ৭০ ॥
পরব্রহ্মস্বরূপায় পঞ্চব্রহ্মাত্মনে নমঃ ।
নমস্তে ব্রহ্মশিরসে তদাঽশ্বশিরসে নমঃ ॥ ৭১ ॥
অথর্বশিরসে নিত্যমশনিপ্রমিতায় চ ।
নমস্তে তীক্ষ্ণদংষ্ট্রায় লোলায় ললিতায় চ ॥ ৭২ ॥
লাবণ্যায় লবিত্রায় নমস্তে ভাসকায় চ ।
লক্ষণজ্ঞায় লক্ষায় লক্ষণায় নমো নমঃ ॥ ৭৩ ॥
লসদ্দীপ্তায় লিপ্তায় বিষ্ণবে প্রভবিষ্ণবে ।
বৃষ্ণিমূলায় কৃষ্ণায় শ্রীমহাবিষ্ণবে নমঃ ॥ ৭৪ ॥
পশ্যামি ত্বাং মহাসিংহং হারিণং বনমালিনম্ ।
কিরীটিনং কুণ্ডলিনং সর্বাঙ্গং সর্বতোমুখম্ ॥ ৭৫ ॥
সর্বতঃ পাণিপাদোরং সর্বতোঽক্ষি শিরোমুখম্ ।
সর্বেশ্বরং সদাতুষ্টং সমর্থং সমরপ্রিয়ম্ ॥ ৭৬ ॥
বহুয়োজনবিস্তীর্ণং বহুয়োজনমায়তম্ ।
বহুয়োজনহস্তাঙ্ঘ্রিং বহুয়োজননাসিকম্ ॥ ৭৭ ॥
মহারূপং মহাবক্ত্রং মহাদংষ্ট্রং মহাভুজম্ ।
মহানাদং মহারৌদ্রং মহাকায়ং মহাবলম্ ॥ ৭৮ ॥
আনাভের্ব্রহ্মণো রূপমাগলাদ্বৈষ্ণবং তথা ।
আশীর্ষাদ্রন্ধ্রমীশানং তদগ্রে সর্বতঃ শিবম্ ॥ ৭৯ ॥
নমোঽস্তু নারায়ণ নারসিংহ নমোঽস্তু নারায়ণ বীরসিংহ ।
নমোঽস্তু নারায়ণ ক্রূরসিংহ নমোঽস্তু নারায়ণ দিব্যসিংহ ॥ ৮০ ॥
নমোঽস্তু নারায়ণ ব্যাঘ্রসিংহ নমোঽস্তু নারায়ণ পুচ্ছসিংহ ।
নমোঽস্তু নারায়ণ পূর্ণসিংহ নমোঽস্তু নারায়ণ রৌদ্রসিংহ ॥ ৮১ ॥
নমো নমো ভীষণভদ্রসিংহ নমো নমো বিহ্বলনেত্রসিংহ ।
নমো নমো বৃংহিতভূতসিংহ নমো নমো নির্মলচিত্রসিংহ ॥ ৮২ ॥
নমো নমো নির্জিতকালসিংহ নমো নমঃ কল্পিতকল্পসিংহ ।
নমো নমো কামদকামসিংহ নমো নমস্তে ভুবনৈকসিংহ ॥ ৮৩ ॥
দ্যাবাপৃথিব্যোরিদমন্তরং হি ব্যাপ্তং ত্বয়ৈকেন দিশশ্চ সর্বাঃ ।
দৃষ্ট্বাদ্ভুতং রূপমুগ্রং তবেদং লোকত্রয়ং প্রব্যথিতং মহাত্মন্ ॥ ৮৪ ॥
অমী হিত্বা সুরসঙ্ঘা বিশন্তি কেচিদ্ভীতাঃ প্রাঞ্জলয়ো গৃণন্তি ।
স্বস্তীত্যুক্ত্বা মুনয়ঃ সিদ্ধসঙ্ঘাঃ স্তুবন্তি ত্বাং স্তুতিভিঃ পুষ্কলাভিঃ ॥ ৮৫ ॥
রুদ্রাদিত্যাবসবো য়ে চ সাধ্যা বিশ্বেদেবা মরুতশ্চোষ্মপাশ্চ ।
গন্ধর্বয়ক্ষাসুরসিদ্ধসঙ্ঘা বীক্ষন্তি ত্বাং বিস্মিতাশ্চৈব সর্বে ॥ ৮৬ ॥
লেলিহ্যসে গ্রসমানঃ সমন্তাল্লোকান্সমগ্রান্বদনৈর্জ্বলদ্ভিঃ ।
তেজোভিরাপূর্য জগত্সমগ্রং ভাসস্তবোগ্রাঃ প্রতপন্তি বিষ্ণো ॥ ৮৭ ॥
ভবিষ্ণুস্ত্বং সহিষ্ণুস্ত্বং ভ্রজিষ্ণুর্জিষ্ণুরেব চ ।
পৃথিবীমন্তরীক্ষং ত্বং পর্বতারণ্যমেব চ ॥ ৮৮ ॥
কলাকাষ্ঠা বিলিপ্তস্ত্বং মুহূর্তপ্রহরাদিকম্ ।
অহোরাত্রং ত্রিসন্ধ্যা চ পক্ষমাসর্তুবত্সরাঃ ॥ ৮৯ ॥
য়ুগাদির্যুগভেদস্ত্বং সংয়ুগো য়ুগসন্ধয়ঃ ।
নিত্যং নৈমিত্তিকং দৈনং মহাপ্রলয়মেব চ ॥ ৯০ ॥
করণং কারণং কর্তা ভর্তা হর্তা ত্বমীশ্বরঃ ।
সত্কর্তা সত্কৃতির্গোপ্তা সচ্চিদানন্দবিগ্রহঃ ॥ ৯১ ॥
প্রাণস্ত্বং প্রাণিনাং প্রত্যগাত্মা ত্বং সর্বদেহিনাম্ ।
সুজ্যোতিস্ত্বং পরঞ্জ্যোতিরাত্মজ্যোতিঃ সনাতনঃ ॥ ৯২ ॥
জ্যোতির্লোকস্বরূপস্ত্বং ত্বং জ্যোতির্জ্যোতিষাং পতিঃ ।
স্বাহাকারঃ স্বধাকারো বষট্কারঃ কৃপাকরঃ ॥ ৯৩ ॥
হন্তকারো নিরাকারো বেগকারশ্চ শঙ্করঃ ।
অকারাদিহকারান্ত ওঙ্কারো লোককারকঃ ॥ ৯৪ ॥
একাত্মা ত্বমনেকাত্মা চতুরাত্মা চতুর্ভুজঃ ।
চতুর্মূর্তিশ্চতুর্দংষ্ট্রশ্চতুর্বেদময়োত্তমঃ ॥ ৯৫ ॥
লোকপ্রিয়ো লোকগুরুর্লোকেশো লোকনায়কঃ ।
লোকসাক্ষী লোকপতির্লোকাত্মা লোকলোচনঃ ॥ ৯৬ ॥
লোকাধারো বৃহল্লোকো লোকালোকময়ো বিভুঃ ।
লোককর্তা বিশ্বকর্তা কৃতাবর্তঃ কৃতাগমঃ ॥ ৯৭ ॥
অনাদিস্ত্বমনন্তস্ত্বমভূতোভূতবিগ্রহঃ ।
স্তুতিঃ স্তুত্যঃ স্তবপ্রীতঃ স্তোতা নেতা নিয়ামকঃ ॥ ৯৮ ॥
ত্বং গতিস্ত্বং মতির্মহ্যং পিতা মাতা গুরুঃ সখা ।
সুহৃদশ্চাত্মরূপস্ত্বং ত্বাং বিনা নাস্তি মে গতিঃ ॥ ৯৯ ॥
নমস্তে মন্ত্ররূপায় অস্ত্ররূপায় তে নমঃ ।
বহুরূপায় রূপায় পঞ্চরূপধরায় চ ॥ ১০০ ॥
ভদ্ররূপায় রূঢায় য়োগরূপায় য়োগিনে ।
সমরূপায় য়োগায় য়োগপীঠস্থিতায় চ ॥ ১০১ ॥
য়োগগম্যায় সৌম্যায় ধ্যানগম্যায় ধ্যায়িনে ।
ধ্যেয়গম্যায় ধাম্নে চ ধামাধিপতয়ে নমঃ ॥ ১০২ ॥
ধরাধরায় ধর্মায় ধারণাভিরতায় চ ।
নমো ধাত্রে চ সন্ধাত্রে বিধাত্রে চ ধরায় চ ॥ ১০৩ ॥
দামোদরায় দান্তায় দানবান্তকরায় চ ।
নমঃ সংসারবৈদ্যায় ভেষজায় নমো নমঃ ॥ ১০৪ ॥
সীরধ্বজায় শীতায় বাতায়াপ্রমিতায় চ ।
সারস্বতায় সংসারনাশনায়াক্ষ মালিনে ॥ ১০৫ ॥
অসিধর্মধরায়ৈব ষট্কর্মনিরতায় চ ।
বিকর্মায় সুকর্মায় পরকর্মবিধায়িনে ॥ ১০৬ ॥
সুশর্মণে মন্মথায় নমো বর্মায় বর্মিণে ।
করিচর্মবসানায় করালবদনায় চ ॥ ১০৭ ॥
কবয়ে পদ্মগর্ভায় ভূতগর্ভঘৃণানিধে ।
ব্রহ্মগর্ভায় গর্ভায় বৃহদ্গর্ভায় ধূর্জটে ॥ ১০৮ ॥
নমস্তে বিশ্বগর্ভায় শ্রীগর্ভায় জিতারয়ে ।
নমো হিরণ্যগর্ভায় হিরণ্যকবচায় চ ॥ ১০৯ ॥
হিরণ্যবর্ণদেহায় হিরণ্যাক্ষবিনাশিনে ।
হিরণ্যকশিপোর্হন্ত্রে হিরণ্যনয়নায় চ ॥ ১১০ ॥
হিরণ্যরেতসে তুভ্যং হিরণ্যবদনায় চ ।
নমো হিরণ্যশৃঙ্গায় নিঃশৃঙ্গায় শৃঙ্গিণে ॥ ১১১ ॥
ভৈরবায় সুকেশায় ভীষণায়ান্ত্রিমালিনে ।
চণ্ডায় রুণ্ডমালায় নমো দণ্ডধরায় চ ॥ ১১২ ॥
অখণ্ডতত্ত্বরূপায় কমণ্ডলুধরায় চ ।
নমস্তে খণ্ডসিংহায় সত্যসিংহায় তে নমঃ ॥ ১১৩ ॥
নমস্তে শ্বেতসিংহায় পীতসিংহায় তে নমঃ ।
নীলসিংহায় নীলায় রক্তসিংহায় তে নমঃ ॥ ১১৪ ॥
নমো হারিদ্রসিংহায় ধূম্রসিংহায় তে নমঃ ।
মূলসিংহায় মূলায় বৃহত্সিংহায় তে নমঃ ॥ ১১৫ ॥
পাতালস্থিতসিংহায় নমঃ পর্বতবাসিনে ।
নমো জলস্থসিংহায় অন্তরিক্ষস্থিতায় চ ॥ ১১৬ ॥
কালাগ্নিরুদ্রসিংহায় চণ্ডসিংহায় তে নমঃ ।
অনন্তসিংহসিংহায় অনন্তগতয়ে নমঃ ॥ ১১৭ ॥
নমো বিচিত্রসিংহায় বহুসিংহস্বরূপিণে ।
অভয়ঙ্করসিংহায় নরসিংহায় তে নমঃ ॥ ১১৮ ॥
নমোঽস্তু সিংহরাজায় নারসিংহায় তে নমঃ ।
সপ্তাব্ধিমেখলায়ৈব সত্যসত্যস্বরূপিণে ॥ ১১৯ ॥
সপ্তলোকান্তরস্থায় সপ্তস্বরময়ায় চ ।
সপ্তার্চীরূপদংষ্ট্রায় সপ্তাশ্বরথরূপিণে ॥ ১২০ ॥
সপ্তবায়ুস্বরূপায় সপ্তচ্ছন্দোময়ায় চ ।
স্বচ্ছায় স্বচ্ছরূপায় স্বচ্ছন্দায় চ তে নমঃ ॥ ১২১ ॥
শ্রীবত্সায় সুবেধায় শ্রুতয়ে শ্রুতিমূর্তয়ে ।
শুচিশ্রবায় শূরায় সুপ্রভায় সুধন্বিনে ॥ ১২২ ॥
শুভ্রায় সুরনাথায় সুপ্রভায় শুভায় চ ।
সুদর্শনায় সূক্ষ্মায় নিরুক্তায় নমো নমঃ ॥ ১২৩ ॥
সুপ্রভায় স্বভাবায় ভবায় বিভবায় চ ।
সুশাখায় বিশাখায় সুমুখায় মুখায় চ ॥ ১২৪ ॥
সুনখায় সুদংষ্ট্রায় সুরথায় সুধায় চ ।
সাঙ্খ্যায় সুরমুখ্যায় প্রখ্যাতায় প্রভায় চ ॥ ১২৫ ॥
নমঃ খট্বাঙ্গহস্তায় খেটমুদ্গরপাণয়ে ।
খগেন্দ্রায় মৃগেন্দ্রায় নাগেন্দ্রায় দৃঢায় চ ॥ ১২৬ ॥
নাগকেয়ূরহারায় নাগেন্দ্রায়াঘমর্দিনে ।
নদীবাসায় নগ্নায় নানারূপধরায় চ ॥ ১২৭ ॥
নাগেশ্বরায় নাগায় নমিতায় নরায় চ ।
নাগান্তকরথায়ৈব নরনারায়ণায় চ ॥ ১২৮ ॥
নমো মত্স্যস্বরূপায় কচ্ছপায় নমো নমঃ ।
নমো য়জ্ঞবরাহায় নরসিংহায় নমো নমঃ ॥ ১২৯ ॥
বিক্রমাক্রান্তলোকায় বামনায় মহৌজসে ।
নমো ভার্গবরামায় রাবণান্তকরায় চ ॥ ১৩০ ॥
নমস্তে বলরামায় কংসপ্রধ্বংসকারিণে ।
বুদ্ধায় বুদ্ধরূপায় তীক্ষ্ণরূপায় কল্কিনে ॥ ১৩১ ॥
আত্রেয়ায়াগ্নিনেত্রায় কপিলায় দ্বিজায় চ ।
ক্ষেত্রায় পশুপালায় পশুবক্ত্রায় তে নমঃ ॥ ১৩২ ॥
গৃহস্থায় বনস্থায় য়তয়ে ব্রহ্মচারিণে ।
স্বর্গাপবর্গদাত্রে চ তদ্ভোক্ত্রে চ মুমুক্ষবে ॥ ১৩৩ ॥
শালগ্রামনিবাসায় ক্ষীরাব্ধিশয়নায় চ ।
শ্রীশৈলাদ্রিনিবাসায় শিলাবাসায় তে নমঃ ॥ ১৩৪ ॥
য়োগিহৃত্পদ্মবাসায় মহাহাসায় তে নমঃ ।
গুহাবাসায় গুহ্যায় গুপ্তায় গুরবে নমঃ ॥ ১৩৫ ॥
নমো মূলাধিবাসায় নীলবস্ত্রধরায় চ ।
পীতবস্ত্রায় শস্ত্রায় রক্তবস্ত্রধরায় চ ॥ ১৩৬ ॥
রক্তমালাবিভূষায় রক্তগন্ধানুলেপিনে ।
ধুরন্ধরায় ধূর্তায় দুর্ধরায় ধরায় চ ॥ ১৩৭ ॥
দুর্মদায় দুরন্তায় দুর্ধরায় নমো নমঃ ।
দুর্নিরীক্ষ্যায় নিষ্ঠায় দুর্দর্শায় দ্রুমায় চ ॥ ১৩৮ ॥
দুর্ভেদায় দুরাশায় দুর্লভায় নমো নমঃ ।
দৃপ্তায় দৃপ্তবক্ত্রায় অদৃপ্তনয়নায় চ ॥ ১৩৯ ॥
উন্মত্তায় প্রমত্তায় নমো দৈত্যারয়ে নমঃ ।
রসজ্ঞায় রসেশায় অরক্তরসনায় চ ॥ ১৪০ ॥
পথ্যায় পরিতোষায় রথ্যায় রসিকায় চ ।
ঊর্ধ্বকেশোর্ধ্বরূপায় নমস্তে চোর্ধ্বরেতসে ॥ ১৪১ ॥
ঊর্ধ্বসিংহায় সিংহায় নমস্তে চোর্ধ্ববাহবে ।
পরপ্রধ্বংসকায়ৈব শঙ্খচক্রধরায় চ ॥ ১৪২ ॥
গদাপদ্মধরায়ৈব পঞ্চবাণধরায় চ ।
কামেশ্বরায় কামায় কামপালায় কামিনে ॥ ১৪৩ ॥
নমঃ কামবিহারায় কামরূপধরায় চ ।
সোমসূর্যাগ্নিনেত্রায় সোমপায় নমো নমঃ ॥ ১৪৪ ॥
নমঃ সোমায় বামায় বামদেবায় তে নমঃ ।
সামস্বনায় সৌম্যায় ভক্তিগম্যায় বৈ নমঃ ॥ ১৪৫ ॥
কূষ্মাণ্ডগণনাথায় সর্বশ্রেয়স্করায় চ ।
ভীষ্মায় ভীষদায়ৈব ভীমবিক্রমণায় চ ॥ ১৪৬ ॥
মৃগগ্রীবায় জীবায় জিতায়াজিতকারিণে ।
জটিনে জামদগ্নায় নমস্তে জাতবেদসে ॥ ১৪৭ ॥
জপাকুসুমবর্ণায় জপ্যায় জপিতায় চ ।
জরায়ুজায়াণ্ডজায় স্বেদজায়োদ্ভিজায় চ ॥ ১৪৮ ॥
জনার্দনায় রামায় জাহ্নবীজনকায় চ ।
জরাজন্মাদিদূরায় প্রদ্যুম্নায় প্রমোদিনে ॥ ১৪৯ ॥
জিহ্বারৌদ্রায় রুদ্রায় বীরভদ্রায় তে নমঃ ।
চিদ্রূপায় সমুদ্রায় কদ্রুদ্রায় প্রচেতসে ॥ ১৫০ ॥
ইন্দ্রিয়ায়েন্দ্রিয়জ্ঞায় নমোঽস্ত্বিন্দ্রানুজায় চ ।
অতীন্দ্রিয়ায় সারায় ইন্দিরাপতয়ে নমঃ ॥ ১৫১ ॥
ঈশানায় চ ঈড্যায় ঈশিতায় ইনায় চ ।
ব্যোমাত্মনে চ ব্যোম্নে চ নমস্তে ব্যোমকেশিনে ॥ ১৫২ ॥
ব্যোমাধারায় চ ব্যোমবক্ত্রায়াসুরঘাতিনে ।
নমস্তে ব্যোমদংষ্ট্রায় ব্যোমবাসায় তে নমঃ ॥ ১৫৩ ॥
সুকুমারায় রামায় শিশুচারায় তে নমঃ ।
বিশ্বায় বিশ্বরূপায় নমো বিশ্বাত্মকায় চ ॥ ১৫৪ ॥
জ্ঞানাত্মকায় জ্ঞানায় বিশ্বেশায় পরাত্মনে ।
একাত্মনে নমস্তুভ্যং নমস্তে দ্বাদশাত্মনে ॥ ১৫৫ ॥
চতুর্বিংশতিরূপায় পঞ্চবিংশতিমূর্তয়ে ।
ষড্বিংশকাত্মনে নিত্যং সপ্তবিংশতিকাত্মনে ॥ ১৫৬ ॥
ধর্মার্থকামমোক্ষায় বিরক্তায় নমো নমঃ ।
ভাবশুদ্ধায় সিদ্ধায় সাধ্যায় শরভায় চ ॥ ১৫৭ ॥
প্রবোধায় সুবোধায় নমো বুধিপ্রিয়ায় চ ।
স্নিগ্ধায় চ বিদগ্ধায় মুগ্ধায় মুনয়ে নমঃ ॥ ১৫৮ ॥
প্রিয়ংবদায় শ্রব্যায় স্রুক্স্রুবায় শ্রিতায় চ ।
গৃহেশায় মহেশায় ব্রহ্মেশায় নমো নমঃ ॥ ১৫৯ ॥
শ্রীধরায় সুতীর্থায় হয়গ্রীবায় তে নমঃ ।
উগ্রায় উগ্রবেগায় উগ্রকর্মরতায় চ ॥ ১৬০ ॥
উগ্রনেত্রায় ব্যগ্রায় সমগ্রগুণশালিনে ।
বালগ্রহবিনাশায় পিশাচগ্রহঘাতিনে ॥ ১৬১ ॥
দুষ্টগ্রহনিহন্ত্রে চ নিগ্রহানুগ্রহায় চ ।
বৃষধ্বজায় বৃষ্ণ্যায় বৃষায় বৃষভায় চ ॥ ১৬২ ॥
উগ্রশ্রবায় শান্তায় নমঃ শ্রুতিধরায় চ ।
নমস্তে দেবদেবেশ নমস্তে মধুসূদন ॥ ১৬৩ ॥
নমস্তে পুণ্ডরীকাক্ষ নমস্তে দুরিতক্ষয় ।
নমস্তে করুণাসিন্ধো নমস্তে সমিতিঞ্জয় ॥ ১৬৪ ॥
নমস্তে নরসিংহায় নমস্তে গরুডধ্বজ ।
য়জ্ঞনেত্র নমস্তেঽস্তু কালধ্বজ জয়ধ্বজ ॥ ১৬৫ ॥
অগ্নিনেত্র নমস্তেঽস্তু নমস্তে হ্যমরপ্রিয় ।
মহানেত্র নমস্তেঽস্তু নমস্তে ভক্তবত্সল ॥ ১৬৬ ॥
ধর্মনেত্র নমস্তেঽস্তু নমস্তে করুণাকর ।
পুণ্যনেত্র নমস্তেঽস্তু নমস্তেঽভীষ্টদায়ক ॥ ১৬৭ ॥
নমো নমস্তে দয়াসিংহরূপ নমো নমস্তে নরসিংহরূপ ।
নমো নমস্তে রণসিংহরূপ নমো নমস্তে নরসিংহরূপ ॥ ১৬৮ ॥
উদ্ধৃত্য গর্বিতং দৈত্যং নিহত্যাজৌ সুরদ্বিষম্ ।
দেবকার্যং মহত্কৃত্বা গর্জসে স্বাত্মতেজসা ॥ ১৬৯ ॥
অতিরুদ্রমিদং রূপং দুস্সহং দুরতিক্রমম্ ।
দৃষ্ট্বা তু শঙ্কিতাঃ সর্বাদেবতাস্ত্বামুপাগতাঃ ॥ ১৭০ ॥
এতান্পশ্য মহেশানং ব্রহ্মাণং মাং শচীপতিম্ ।
দিক্পালান্ দ্বাদশাদিত্যান্ রুদ্রানুরগরাক্ষসান্ ॥ ১৭১ ॥
সর্বান্ ঋষিগণান্সপ্তমাতৃগৌরীং সরস্বতীম্ ।
লক্ষ্মীং নদীশ্চ তীর্থানি রতিং ভূতগাণান্যপি ॥ ১৭২ ॥
প্রসীদ ত্বং মহাসিংহ উগ্রভাবমিমং ত্যজ ।
প্রকৃতিস্থো ভব ত্বং হি শান্তিভাবং চ ধারয় ॥ ১৭৩ ॥
ইত্যুক্ত্বা দণ্ডবদ্ভূমৌ পপাত স পিতামহঃ ।
প্রসীদ ত্বং প্রসীদ ত্বং প্রসীদেতি পুনঃ পুনঃ ॥ ১৭৪ ॥
মার্কণ্ডেয় উবাচ-
দৃষ্ট্বা তু দেবতাঃ সর্বাঃ শ্রুত্বা তাং ব্রহ্মণো গিরম্ ।
স্তোত্রেণাপি চ সংহৃষ্টঃ সৌম্যভাবমধারয়ত্ ॥ ১৭৫ ॥
অব্রবীন্নারসিংহস্তু বীক্ষ্য সর্বান্সুরোত্তমান্ ।
সংত্রস্তান্ ভয়সংবিগ্নান্ শরণং সমুপাগতান্ ॥ ১৭৬ ॥
শ্রীনৃসিংহ উবাচ-
ভো ভো দেববরাঃ সর্বে পিতামহপুরোগমাঃ ।
শৃণুধ্বং মম বাক্যং চ ভবংতু বিগতজ্বরাঃ ॥ ১৭৭ ॥
য়দ্ধিতং ভবতাং নূনং তত্করিষ্যামি সাংপ্রতম্ ।
এবং নামসহস্রং মে ত্রিসন্ধ্যং য়ঃ পঠেত্ শুচিঃ ॥ ১৭৮ ॥
শৃণোতি বা শ্রাবয়তি পূজাং তে ভক্তিসংয়ুতঃ ।
সর্বান্কামানবাপ্নোতি জীবেচ্চ শরদাং শতম্ ॥ ১৭৯ ॥
য়ো নামভির্নৃসিংহাদ্যৈরর্চয়েত্ক্রমশো মম ।
সর্বতীর্থেষু য়ত্পুণ্যং সর্বতীর্থেষু য়ত্ফলম ॥ ১৮০ ॥।
সর্ব পূজাসু য়ত্প্রোক্তং তত্সর্বং লভতে ভৃশম্ ।
জাতিস্মরত্বং লভতে ব্রহ্মজ্ঞানং সনাতনম্ ॥ ১৮১ ॥
সর্বপাপবিনির্মুক্তঃ তদ্বিষ্ণোঃ পরমং পদম্ ।
মন্নামকবচং বধ্বা বিচরেদ্বিগতজ্বরঃ ॥ ১৮২ ॥
ভূতভেতালকূষ্মাণ্ড পিশাচব্রহ্মরাক্ষসাঃ ।
শাকিনীডাকিনীজ্যেষ্ঠা নীলী বালগ্রহাদিকাঃ ॥ ১৮৩ ॥
দুষ্টগ্রহাশ্চ নশ্যন্তি য়ক্ষরাক্ষসপন্নগাঃ ।
য়ে চ সন্ধ্যাগ্রহাঃ সর্বে চাণ্ডালগ্রহসংজ্ঞিকাঃ ॥ ১৮৪ ॥
নিশাচরগ্রহাঃ সর্বে প্রণশ্যন্তি চ দূরতঃ ।
কুক্ষিরোগং চ হৃদ্রোগং শূলাপস্মারমেব চ ॥ ১৮৫ ॥
ঐকাহিকং দ্ব্যাহিকং চাতুর্ধিকমধজ্বরম্ ।
আধয়ে ব্যাধয়ঃ সর্বে রোগা রোগাধিদেবতাঃ ॥ ১৮৬ ॥
শীঘ্রং নশ্যন্তি তে সর্বে নৃসিংহস্মরণাত্সুরাঃ ।
রাজানো দাসতাং য়ান্তি শত্রবো য়ান্তি মিত্রতাম্ ॥ ১৮৭ ॥
জলানি স্থলতাং য়ান্তি বহ্নয়ো য়ান্তি শীততাম্ ।
বিষা অপ্যমৃতা য়ান্তি নৃসিংহস্মরণাত্সুরাঃ ॥ ১৮৮ ॥
রাজ্যকামো লভেদ্রাজ্যং ধনকামো লভেদ্ধনম্ ।
বিদ্যাকামো লভেদ্বিদ্যাং বদ্ধো মুচ্যেত বন্ধনাত্ ॥ ১৮৯ ॥
ব্যালব্যাঘ্রভয়ং নাস্তি চোরসর্পাদিকং তথা ।
অনুকূলা ভবেদ্ভার্যা লোকৈশ্চ প্রতিপূজ্যতে ॥ ১৯০ ॥
সুপুত্রং ধনধান্যং চ ভবন্তি বিগতজ্বরাঃ ।
এতত্সর্বং সমাপ্নোতি নৃসিংহস্য প্রসাদতঃ ॥ ১৯১ ॥
জলসন্তরণে চৈব পর্বতারণ্যমেব চ ।
বনেঽপি বিচিরন্মর্ত্যো দুর্গমে বিষমে পথি ॥ ১৯২ ॥
কলিপ্রবেশনে চাপি নারসিংহং ন বিস্মরেত্ ।
ব্রহ্মঘ্নশ্চ পশুঘ্নশ্চ ভ্রূণহা গুরুতল্পগঃ ॥ ১৯৩ ॥
মুচ্যতে সর্বপাপেভ্যঃ কৃতঘ্ন স্ত্রীবিঘাতকঃ ।
বেদানাং দূষকশ্চাপি মাতাপিতৃ বিনিন্দকঃ ॥ ১৯৪ ॥
অসত্যস্তু তেথা য়জ্ঞ নিন্দকো লোকনিন্দকঃ ।
স্মৃত্বা সকৃন্নৃসিংহ তু মুচ্যতে সর্বকিল্বষৈঃ ॥ ১৯৫ ॥
বহুনাত্র কিমুক্তেন স্মৃত্বা মাং শুদ্ধমানসঃ ।
য়ত্র য়ত্র চরেন্মর্ত্যো নৃসিংহস্তত্র রক্ষতি ॥ ১৯৬ ॥
গচ্ছন্ তিষ্ঠন্ শ্বপন্ভুঞ্জন্ জাগ্রন্নপি হসন্নপি ।
নৃসিংহেতি নৃসিংহেতি নৃসিংহেতি সদা স্মরন্ ॥ ১৯৭ ॥
পুমান্নলিপ্যতে পাপৈর্ভুক্তিং মুক্তিং চ বিন্দতি ।
নারী সুভগতামেতি সৌভাগ্যং চ স্বরূপতাম্ ॥ ১৯৮ ॥
ভর্তুঃ প্রিয়ত্বং লভতে ন বৈধব্যং চ বিন্দতি ।
ন সপত্নীং চ জন্মান্তে সম্যক্ জ্ঞানী ভবেদ্বিজঃ ॥ ১৯৯ ॥
ভূমিপ্রদক্ষিণান্মর্ত্যো য়ত্ফলং লভতে চিরাত্ ।
তত্ফলং লভতে নারসিংহমূর্তিপ্রদক্ষিণাত্ ॥ ২০০ ॥
মার্কণ্ডেয় উবাচ –
ইত্যুক্ত্বা দেবদেবেশো লক্ষ্মীমালিঙ্গ্গ্য লীলয়া ।
প্রহ্লাদস্যাভিষেকং তু ব্রহ্মণে চোপদিষ্টবান্ ॥ ২০১ ॥
শ্রীশৈলস্য প্রদাসে তু লোকানাং চ হিতায় বৈ ।
স্বরূপং স্থাপয়ামাস প্রকৃতিস্থোঽভবত্তদা ॥ ২০২ ॥
ব্রহ্মাপি দৈত্যরাজানং প্রহ্লাদমভ্যষেচয়ত্ ।
দৈবতৈঃ সহ সুপ্রীতো হ্যাত্মলোলং য়য়ৌ স্বয়ম্ ॥ ২০৩ ॥
হিরণ্যকশিপোর্ভীত্যা প্রপলায় শচীপতিঃ ।
স্বর্গরাজ্যপরিভ্রষ্টো য়ুগানামেকবিংশতিঃ ॥ ২০৪ ॥
নৃসিংহেন হতে দৈত্যে স্বর্গলোকমবাপ সঃ ।
দিক্পালশ্চ সুসংপ্রাপ্তঃ স্বস্বস্থানমনুত্তমম্ ॥ ২০৫ ॥
ধর্মে মতিঃ সমস্তানাং প্রজানামভবত্তদা ।
এবং নামসহস্রং মে ব্রহ্মণা নির্মিতং পুরা ॥ ২০৬ ॥
পুত্রানধ্যাপয়ামাস সনকাদীন্মহামতিঃ ।
ঊচুস্তে চ ততঃ সর্বলোকানাং হিতকাম্যয়া ॥ ২০৭ ॥
দেবতা ঋষয়ঃ সিদ্ধা য়ক্ষবিদ্যাধরোরগাঃ ।
গন্ধর্বাশ্চ মনুষ্যাশ্চ ইহামুত্রফলৈষিণঃ ॥ ২০৮ ॥
য়স্য স্তোত্রস্য পাঠা দ্বিশুদ্ধ মনসোভবন্ ।
সনত্কুমারঃ সম্প্রাপ্তৌ ভারদ্বাজা মহামতিঃ ॥ ২০৯ ॥
তস্মাদাঙ্গিরসঃ প্রাপ্তস্তস্মাত্প্রাপ্তো মহাক্রতুঃ ।
জৈগীষব্যায় সপ্রাহ সোঽব্রবীচ্ছ্যবনায় চ ॥ ২১০ ॥
তস্মা উবাচ শাণ্ডিল্যো গর্গায় প্রাহ বৈ মুনিঃ ।
ক্রতুঞ্জয়ায় স প্রাহ জতুকর্ণ্যায় সংয়মী ॥ ২১১ ॥
বিষ্ণুবৃদ্ধায় সোঽপ্যাহ সোঽপি বোধায়নায় চ ।
ক্রমাত্স বিষ্ণবে প্রাহ স প্রাহোদ্ধামকুক্ষয়ে ॥ ২১২ ॥
সিংহ তেজাশ্চ তস্মাচ্চ শ্রীপ্রিয়ায় দদৌ চ নঃ ।
উপদিষ্টোস্মি তেনাহমিদং নামসহস্রকম্ ॥ ২১৩ ॥
তত্প্রসাদাদমৃত্যুর্মে য়স্মাত্কস্মাদ্ভয়ং ন হি ।
ময়া চ কথিতং নারসিংহস্তোত্রমিদং তব ॥ ২১৪ ॥
ত্বং হি নিত্যং শুচির্ভূত্বা তমারাধয় শাশ্বতম্ ।
সর্বভূতাশ্রয়ং দেবং নৃসিংহং ভক্তবত্সলম্ ॥ ২১৫ ॥
পূজয়িত্বা স্তবং জপ্ত্বা হুত্বা নিশ্চলমানসঃ ।
প্রাপ্যসে মহতীং সিদ্ধিং সর্বান্কামান্বরোত্তমান্ ॥ ২১৬ ॥
অয়মেব পরোধর্মস্ত্বিদমেব পরং তপঃ ।
ইদমেব পরং জ্ঞানমিদমেব মহদ্ব্রতম্ ॥ ২১৭ ॥
অয়মেব সদাচারস্ত্বয়মেব সদা মখঃ ।
ইদমেব ত্রয়ো বেদাঃ সচ্ছাস্ত্রাণ্যাগমানি চ ॥ ২১৮ ॥
নৃসিংহমন্ত্রাদন্যচ্চ বৈদিকং তু ন বিদ্যতে ।
য়দিহাস্তি তদন্যত্র য়ন্নেহাস্তি ন তত্ক্বচিত্ ॥ ২১৯ ॥
কথিতং তে নৃসিংহস্য চরিতং পাপনাশনম্ ।
সর্বমন্ত্রময়ং তাপত্রয়োপশমনং পরম্ ॥ ২২০ ॥
সর্বার্থসাধনং দিব্যং কিং ভূয়ঃ শ্রোতুমিচ্ছসি ॥ ২২১ ॥
ইতি শ্রীনৃসিংহপুরাণে নৃসিংহপ্রাদুর্ভাবে সর্বার্থ সাধনং দিব্যং
শ্রীমদ্দিব্যলক্ষ্মীনৃসিংহসহস্রনামস্তোত্রং সম্পূর্ণম্ ॥
Also Read 1000 Names of Nrisimha / Narasimha :
1000 Names of Nrisimha | Narasimha Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
