1008 - Sahasranamavali Shiva Stotram

1000 Names of Shiva | Sahasranama Stotram Lyrics in Bengali

Shiva Sahasranama Stotram Lyrics in Bengali:

॥ শ্রীশিবসহস্রনামস্তোত্রম্ ॥
মহাভারতান্তর্গতম্

ততঃ স প্রয়তো ভূত্বা মম তাত য়ুধিষ্ঠির ।
প্রাঞ্জলিঃ প্রাহ বিপ্রর্ষির্নামসঙ্গ্রহমাদিতঃ ॥ ১ ॥

উপমন্যুরুবাচ
ব্রহ্মপ্রোক্তৈরৃষিপ্রোক্তৈর্বেদবেদাঙ্গসম্ভবৈঃ ।
সর্বলোকেষু বিখ্যাতং স্তুত্যং স্তোষ্যামি নামভিঃ ॥ ২ ॥

মহদ্ভির্বিহিতৈঃ সত্যৈঃ সিদ্ধৈঃ সর্বার্থসাধকৈঃ ।
ঋষিণা তণ্ডিনা ভক্ত্যা কৃতৈর্বেদকৃতাত্মনা ॥ ৩ ॥

য়থোক্তৈঃ সাধুভিঃ খ্যাতৈর্মুনিভিস্তত্ত্বদর্শিভিঃ ।
প্রবরং প্রথমং স্বর্গ্যং সর্বভূতহিতং শুভম্ ॥ ৪ ॥

শ্রুতেঃ সর্বত্র জগতি ব্রহ্মলোকাবতারিতৈঃ ।
সত্যৈস্তত্পরমং ব্রহ্ম ব্রহ্মপ্রোক্তং সনাতনম্ ।
বক্ষ্যে য়দুকুলশ্রেষ্ঠ শৃণুষ্বাবহিতো মম ॥ ৫ ॥

বরয়ৈনং ভবং দেবং ভক্তস্ত্বং পরমেশ্বরম্ ।
তেন তে শ্রাবয়িষ্যামি য়ত্তদ্ব্রহ্ম সনাতনম্ ॥ ৬ ॥

ন শক্যং বিস্তরাত্কৃত্স্নং বক্তুং সর্বস্য কেনচিত্ ।
য়ুক্তেনাপি বিভূতীনামপি বর্ষশতৈরপি ॥ ৭ ॥

য়স্যাদির্মধ্যমন্তং চ সুরৈরপি ন গম্যতে ।
কস্তস্য শক্নুয়াদ্বক্তুং গুণান্কার্ত্স্ন্যেন মাধব ॥ ৮ ॥

কিন্তু দেবস্য মহতঃ সঙ্ক্ষিপ্তার্থপদাক্ষরম্ ।
শক্তিতশ্চরিতং বক্ষ্যে প্রসাদাত্তস্য ধীমতঃ ॥ ৯ ॥

অপ্রাপ্য তু ততোঽনুজ্ঞাং ন শক্যঃ স্তোতুমীশ্বরঃ ।
য়দা তেনাভ্যনুজ্ঞাতঃ স্তুতো বৈ স তদা ময়া ॥ ১০ ॥

অনাদিনিধনস্যাহং জগদ্যোনের্মহাত্মনঃ ।
নাম্নাং কঞ্চিত্সমুদ্দেশং বক্ষ্যাম্যব্যক্তয়োনিনঃ ॥ ১১ ॥

বরদস্য বরেণ্যস্য বিশ্বরূপস্য ধীমতঃ ।
শৃণু নাম্নাং চয়ং কৃষ্ণ য়দুক্তং পদ্ময়োনিনা ॥ ১২ ॥

দশ নামসহস্রাণি য়ান্যাহ প্রপিতামহঃ ।
তানি নির্মথ্য মনসা দধ্নো ঘৃতমিবোদ্ধৃতম্ ॥ ১৩ ॥

গিরেঃ সারং য়থা হেম পুষ্পসারং য়থা মধু ।
ঘৃতাত্সারং য়থা মণ্ডস্তথৈতত্সারমুদ্ধৃতম্। ১৪ ॥

সর্বপাপাপহমিদং চতুর্বেদসমন্বিতম্ ।
প্রয়ত্নেনাধিগন্তব্যং ধার্যং চ প্রয়তাত্মনা ॥ ১৫ ॥

মাঙ্গল্যং পৌষ্টিকং চৈব রক্ষোঘ্নং পাবনং মহত্ ॥ ১৬ ॥

ইদং ভক্তায় দাতব্যং শ্রদ্দধানাস্তিকায় চ ।
নাশ্রদ্দধানরূপায় নাস্তিকায়াজিতাত্মনে ॥ ১৭ ॥

য়শ্চাভ্যসূয়তে দেবং কারণাত্মানমীশ্বরম্ ।
স কৃষ্ণ নরকং য়াতি সহপূর্বৈঃ সহাত্মজৈঃ ॥ ১৮ ॥

ইদং ধ্যানমিদং য়োগমিদং ধ্যেয়মনুত্তমম্ ।
ইদং জপ্যমিদং জ্ঞানং রহস্যমিদমুত্তম্ ॥ ১৯ ॥

য়ং জ্ঞাত্বা অন্তকালেঽপি গচ্ছেত পরমাং গতিম্ ।
পবিত্রং মঙ্গলং মেধ্যং কল্যাণমিদমুত্তমম্ ॥ ২০ ॥

ইদং ব্রহ্মা পুরা কৃত্বা সর্বলোকপিতামহঃ ।
সর্বস্তবানাং রাজত্বে দিব্যানাং সমকল্পয়ত্ ॥ ২১ ॥

তদা প্রভৃতি চৈবায়মীশ্বরস্য মহাত্মনঃ ।
স্তবরাজ ইতি খ্যাতো জগত্যমরপূজিতঃ ॥ ২২ ॥

ব্রহ্মলোকাদয়ং স্বর্গে স্তবরাজোঽবতারিতঃ ।
য়তস্তণ্ডিঃ পুরা প্রাপ তেন তণ্ডিকৃতোঽভবত্ ॥ ২৩ ॥

স্বর্গাচ্চৈবাত্র ভূর্লোকং তণ্ডিনা হ্যবতারিতঃ ।
সর্বমঙ্গলমাঙ্গল্যং সর্বপাপপ্রণাশনম্ ॥ ২৪ ॥

নিগদিষ্যে মহাবাহো স্তবানামুত্তমং স্তবম্ ।
ব্রহ্মণামপি য়দ্ব্রহ্ম পরাণামপি য়ত্পরম্ ॥ ২৫ ॥

তেজসামপি য়ত্তেজস্তপসামপি য়ত্তপঃ ।
শান্তীনামপি য়া শান্তির্দ্যুতীনামপি য়া দ্যুতিঃ ॥ ২৬ ॥

দান্তানামপি য়ো দান্তো ধীমতামপি য়া চ ধীঃ ।
দেবানামপি য়ো দেবো ঋষীণামপি য়স্ত্বৃষিঃ ॥ ২৭ ॥

য়জ্ঞানামপি য়ো য়জ্ঞঃ শিবানামপি য়ঃ শিবঃ ।
রুদ্রাণামপি য়ো রুদ্রঃ প্রভা প্রভবতামপি ॥ ২৮ ॥

য়োগিনামপি য়ো য়োগী কারণানাং চ কারণম্ ।
য়তো লোকাঃ সম্ভবন্তি ন ভবন্তি য়তঃ পুনঃ ॥ ২৯ ॥

সর্বভূতাত্মভূতস্য হরস্যামিততেজসঃ ।
অষ্টোত্তরসহস্রং তু নাম্নাং শর্বস্য মে শৃণু ।
য়চ্ছ্রুত্বা মনুজব্যাঘ্র সর্বান্কামানবাপ্স্যসি ॥ ৩০ ॥

(অথ সহস্রনামস্তোত্রম্ ।)
স্থিরঃ স্থাণুঃ প্রভুর্ভীমঃ প্রবরো বরদো বরঃ । var প্রভুর্ভানুঃ
সর্বাত্মা সর্ববিখ্যাতঃ সর্বঃ সর্বকরো ভবঃ ॥ ৩১ ॥

জটী চর্মী শিখী খড্গী সর্বাঙ্গঃ সর্বভাবনঃ । var শিখণ্ডী চ
হরশ্চ হরিণাক্ষশ্চ সর্বভূতহরঃ প্রভুঃ ॥ ৩২ ॥

প্রবৃত্তিশ্চ নিবৃত্তিশ্চ নিয়তঃ শাশ্বতো ধ্রুবঃ ।
শ্মশানবাসী ভগবান্খচরো গোচরোঽর্দনঃ ॥ ৩৩ ॥

অভিবাদ্যো মহাকর্মা তপস্বী ভূতভাবনঃ ।
উন্মত্তবেষপ্রচ্ছন্নঃ সর্বলোকপ্রজাপতিঃ ॥ ৩৪ ॥

মহারূপো মহাকায়ো বৃষরূপো মহায়শাঃ ।
মহাত্মা সর্বভূতাত্মা বিশ্বরূপো মহাহনুঃ ॥ ৩৫ ॥

লোকপালোঽন্তর্হিতাত্মা প্রসাদো হয়গর্দভিঃ ।
পবিত্রং চ মহাংশ্চৈব নিয়মো নিয়মাশ্রিতঃ ॥ ৩৬ ॥

সর্বকর্মা স্বয়ম্ভূত আদিরাদিকরো নিধিঃ ।
সহস্রাক্ষো বিশালাক্ষঃ সোমো নক্ষত্রসাধকঃ ॥ ৩৭ ॥

চন্দ্রঃ সূর্যঃ শনিঃ কেতুর্গ্রহো গ্রহপতির্বরঃ ।
অত্রিরত্র্যানমস্কর্তা মৃগবাণার্পণোঽনঘঃ ॥ ৩৮ ॥

মহাতপা ঘোরতপা অদীনো দীনসাধকঃ ।
সংবত্সরকরো মন্ত্রঃ প্রমাণং পরমং তপঃ ॥ ৩৯ ॥

য়োগী য়োজ্যো মহাবীজো মহারেতা মহাবলঃ ।
সুবর্ণরেতাঃ সর্বজ্ঞঃ সুবীজো বীজবাহনঃ ॥ ৪০ ॥

দশবাহুস্ত্বনিমিষো নীলকণ্ঠ উমাপতিঃ ।
বিশ্বরূপঃ স্বয়ংশ্রেষ্ঠো বলবীরো বলো গণঃ ॥ ৪১ ॥ var বলবীরোঽবলো
গণকর্তা গণপতির্দিগ্বাসাঃ কাম এব চ ।
মন্ত্রবিত্পরমো মন্ত্রঃ সর্বভাবকরো হরঃ ॥ ৪২ ॥

কমণ্ডলুধরো ধন্বী বাণহস্তঃ কপালবান্ ।
অশনী শতঘ্নী খড্গী পট্টিশী চায়ুধী মহান্ ॥ ৪৩ ॥

স্রুবহস্তঃ সুরূপশ্চ তেজস্তেজস্করো নিধিঃ ।
উষ্ণীষী চ সুবক্ত্রশ্চ উদগ্রো বিনতস্তথা ॥ ৪৪ ॥

দীর্ঘশ্চ হরিকেশশ্চ সুতীর্থঃ কৃষ্ণ এব চ ।
শৃগালরূপঃ সিদ্ধার্থো মুণ্ডঃ সর্বশুভঙ্করঃ ॥ ৪৫ ॥

অজশ্চ বহুরূপশ্চ গন্ধধারী কপর্দ্যপি ।
ঊর্ধ্বরেতা ঊর্ধ্বলিঙ্গ ঊর্ধ্বশায়ী নভঃস্থলঃ ॥ ৪৬ ॥

ত্রিজটী চীরবাসাশ্চ রুদ্রঃ সেনাপতির্বিভুঃ ।
অহশ্চরো নক্তঞ্চরস্তিগ্মমন্যুঃ সুবর্চসঃ ॥ ৪৭ ॥

গজহা দৈত্যহা কালো লোকধাতা গুণাকরঃ ।
সিংহশার্দূলরূপশ্চ আর্দ্রচর্মাম্বরাবৃতঃ ॥ ৪৮ ॥

কালয়োগী মহানাদঃ সর্বকামশ্চতুষ্পথঃ ।
নিশাচরঃ প্রেতচারী ভূতচারী মহেশ্বরঃ ॥ ৪৯ ॥

বহুভূতো বহুধরঃ স্বর্ভানুরমিতো গতিঃ ।
নৃত্যপ্রিয়ো নিত্যনর্তো নর্তকঃ সর্বলালসঃ ॥ ৫০ ॥

ঘোরো মহাতপাঃ পাশো নিত্যো গিরিরুহো নভঃ ।
সহস্রহস্তো বিজয়ো ব্যবসায়ো হ্যতন্দ্রিতঃ ॥ ৫১ ॥

অধর্ষণো ধর্ষণাত্মা য়জ্ঞহা কামনাশকঃ ।
দক্ষয়াগাপহারী চ সুসহো মধ্যমস্তথা ॥ ৫২ ॥

তেজোপহারী বলহা মুদিতোঽর্থোঽজিতোঽবরঃ । var ঽজিতো বরঃ
গম্ভীরঘোষা গম্ভীরো গম্ভীরবলবাহনঃ ॥ ৫৩ ॥

ন্যগ্রোধরূপো ন্যগ্রোধো বৃক্ষপর্ণস্থিতির্বিভুঃ । var বৃক্ষকর্ণ
সুতীক্ষ্ণদশনশ্চৈব মহাকায়ো মহাননঃ ॥ ৫৪ ॥

বিষ্বক্সেনো হরির্যজ্ঞঃ সংয়ুগাপীডবাহনঃ ।
তীক্ষ্ণতাপশ্চ হর্যশ্বঃ সহায়ঃ কর্মকালবিত্ ॥ ৫৫ ॥

বিষ্ণুপ্রসাদিতো য়জ্ঞঃ সমুদ্রো বডবামুখঃ ।
হুতাশনসহায়শ্চ প্রশান্তাত্মা হুতাশনঃ ॥ ৫৬ ॥

উগ্রতেজা মহাতেজা জন্যো বিজয়কালবিত্ ।
জ্যোতিষাময়নং সিদ্ধিঃ সর্ববিগ্রহ এব চ ॥ ৫৭ ॥

শিখী মুণ্ডী জটী জ্বালী মূর্তিজো মূর্ধগো বলী ।
বেণবী পণবী তালী খলী কালকটঙ্কটঃ ॥ ৫৮ ॥

নক্ষত্রবিগ্রহমতির্গুণবুদ্ধির্লয়ো গমঃ । var লয়োঽগমঃ
প্রজাপতির্বিশ্ববাহুর্বিভাগঃ সর্বগোমুখঃ ॥ ৫৯ ॥ var সর্বগোঽমুখঃ
বিমোচনঃ সুসরণো হিরণ্যকবচোদ্ভবঃ ॥ var সুশরণো
মেঢ্রজো বলচারী চ মহীচারী স্রুতস্তথা ॥ ৬০ ॥

সর্বতূর্যনিনাদী চ সর্বাতোদ্যপরিগ্রহঃ ।
ব্যালরূপো গুহাবাসী গুহো মালী তরঙ্গবিত্ ॥ ৬১ ॥

ত্রিদশস্ত্রিকালধৃক্কর্মসর্ববন্ধবিমোচনঃ ।
বন্ধনস্ত্বসুরেন্দ্রাণাং য়ুধি শত্রুবিনাশনঃ ॥ ৬২ ॥

সাঙ্খ্যপ্রসাদো দুর্বাসাঃ সর্বসাধুনিষেবিতঃ ।
প্রস্কন্দনো বিভাগজ্ঞো অতুল্যো য়জ্ঞভাগবিত্ ॥ ৬৩ ॥

সর্ববাসঃ সর্বচারী দুর্বাসা বাসবোঽমরঃ ।
হৈমো হেমকরো য়জ্ঞঃ সর্বধারী ধরোত্তমঃ ॥ ৬৪ ॥

লোহিতাক্ষো মহাক্ষশ্চ বিজয়াক্ষো বিশারদঃ ।
সঙ্গ্রহো নিগ্রহঃ কর্তা সর্পচীরনিবাসনঃ ॥ ৬৫ ॥

মুখ্যোঽমুখ্যশ্চ দেহশ্চ কাহলিঃ সর্বকামদঃ । var মুখ্যো মুখ্যশ্চ
সর্বকাসপ্রসাদশ্চ সুবলো বলরূপধৃত্ ॥ ৬৬ ॥

সর্বকামবরশ্চৈব সর্বদঃ সর্বতোমুখঃ ।
আকাশনির্বিরূপশ্চ নিপাতী হ্যবশঃ খগঃ ॥ ৬৭ ॥

রৌদ্ররূপোংঽশুরাদিত্যো বহুরশ্মিঃ সুবর্চসী ।
বসুবেগো মহাবেগো মনোবেগো নিশাচরঃ ॥ ৬৮ ॥

সর্ববাসী শ্রিয়াবাসী উপদেশকরোঽকরঃ ।
মুনিরাত্মনিরালোকঃ সম্ভগ্নশ্চ সহস্রদঃ ॥ ৬৯ ॥

পক্ষী চ পক্ষরূপশ্চ অতিদীপ্তো বিশাম্পতিঃ ।
উন্মাদো মদনঃ কামো হ্যশ্বত্থোঽর্থকরো য়শঃ ॥ ৭০ ॥

বামদেবশ্চ বামশ্চ প্রাগ্দক্ষিণশ্চ বামনঃ ।
সিদ্ধয়োগী মহর্ষিশ্চ সিদ্ধার্থঃ সিদ্ধসাধকঃ ॥ ৭১ ॥

ভিক্ষুশ্চ ভিক্ষুরূপশ্চ বিপণো মৃদুরব্যয়ঃ ।
মহাসেনো বিশাখশ্চ ষষ্টিভাগো গবাম্পতিঃ ॥ ৭২ ॥

বজ্রহস্তশ্চ বিষ্কম্ভী চমূস্তম্ভন এব চ ।
বৃত্তাবৃত্তকরস্তালো মধুর্মধুকলোচনঃ ॥ ৭৩ ॥

বাচস্পত্যো বাজসনো নিত্যমাশ্রমপূজিতঃ ।
ব্রহ্মচারী লোকচারী সর্বচারী বিচারবিত্ ॥ ৭৪ ॥

ঈশান ঈশ্বরঃ কালো নিশাচারী পিনাকবান্ ।
নিমিত্তস্থো নিমিত্তং চ নন্দির্নন্দিকরো হরিঃ ॥ ৭৫ ॥

নন্দীশ্বরশ্চ নন্দী চ নন্দনো নন্দিবর্ধনঃ ।
ভগহারী নিহন্তা চ কালো ব্রহ্মা পিতামহঃ ॥ ৭৬ ॥

চতুর্মুখো মহালিঙ্গশ্চারুলিঙ্গস্তথৈব চ ।
লিঙ্গাধ্যক্ষঃ সুরাধ্যক্ষো য়োগাধ্যক্ষো য়ুগাবহঃ ॥ ৭৭ ॥

বীজাধ্যক্ষো বীজকর্তা অব্যাত্মাঽনুগতো বলঃ ।
ইতিহাসঃ সকল্পশ্চ গৌতমোঽথ নিশাকরঃ ॥ ৭৮ ॥

দম্ভো হ্যদম্ভো বৈদম্ভো বশ্যো বশকরঃ কলিঃ ।
লোককর্তা পশুপতির্মহাকর্তা হ্যনৌষধঃ ॥ ৭৯ ॥

অক্ষরং পরমং ব্রহ্ম বলবচ্ছক্র এব চ ।
নীতির্হ্যনীতিঃ শুদ্ধাত্মা শুদ্ধো মান্যো গতাগতঃ ॥ ৮০ ॥

বহুপ্রসাদঃ সুস্বপ্নো দর্পণোঽথ ত্বমিত্রজিত্ ।
বেদকারো মন্ত্রকারো বিদ্বান্সমরমর্দনঃ ॥ ৮১ ॥

মহামেঘনিবাসী চ মহাঘোরো বশীকরঃ ।
অগ্নির্জ্বালো মহাজ্বালো অতিধূম্রো হুতো হবিঃ ॥ ৮২ ॥

বৃষণঃ শঙ্করো নিত্যং বর্চস্বী ধূমকেতনঃ । var নিত্যবর্চস্বী
নীলস্তথাঙ্গলুব্ধশ্চ শোভনো নিরবগ্রহঃ ॥ ৮৩ ॥

স্বস্তিদঃ স্বস্তিভাবশ্চ ভাগী ভাগকরো লঘুঃ ।
উত্সঙ্গশ্চ মহাঙ্গশ্চ মহাগর্ভপরায়ণঃ ॥ ৮৪ ॥

কৃষ্ণবর্ণঃ সুবর্ণশ্চ ইন্দ্রিয়ং সর্বদেহিনাম্ ।
মহাপাদো মহাহস্তো মহাকায়ো মহায়শাঃ ॥ ৮৫ ॥

মহামূর্ধা মহামাত্রো মহানেত্রো নিশালয়ঃ ।
মহান্তকো মহাকর্ণো মহোষ্ঠশ্চ মহাহনুঃ ॥ ৮৬ ॥

মহানাসো মহাকম্বুর্মহাগ্রীবঃ শ্মশানভাক্ ।
মহাবক্ষা মহোরস্কো হ্যন্তরাত্মা মৃগালয়ঃ ॥ ৮৭ ॥

লম্বনো লম্বিতোষ্ঠশ্চ মহামায়ঃ পয়োনিধিঃ ।
মহাদন্তো মহাদংষ্ট্রো মহাজিহ্বো মহামুখঃ ॥ ৮৮ ॥

মহানখো মহারোমা মহাকেশো মহাজটঃ ।
প্রসন্নশ্চ প্রসাদশ্চ প্রত্যয়ো গিরিসাধনঃ ॥ ৮৯ ॥

স্নেহনোঽস্নেহনশ্চৈব অজিতশ্চ মহামুনিঃ ।
বৃক্ষাকারো বৃক্ষকেতুরনলো বায়ুবাহনঃ ॥ ৯০ ॥

গণ্ডলী মেরুধামা চ দেবাধিপতিরেব চ ।
অথর্বশীর্ষঃ সামাস্য ঋক্সহস্রামিতেক্ষণঃ ॥ ৯১ ॥

য়জুঃপাদভুজো গুহ্যঃ প্রকাশো জঙ্গমস্তথা ।
অমোঘার্থঃ প্রসাদশ্চ অভিগম্যঃ সুদর্শনঃ ॥ ৯২ ॥

উপকারঃ প্রিয়ঃ সর্বঃ কনকঃ কাঞ্চনচ্ছবিঃ ।
নাভির্নন্দিকরো ভাবঃ পুষ্করস্থপতিঃ স্থিরঃ ॥ ৯৩ ॥

দ্বাদশস্ত্রাসনশ্চাদ্যো য়জ্ঞো য়জ্ঞসমাহিতঃ ।
নক্তং কলিশ্চ কালশ্চ মকরঃ কালপূজিতঃ ॥ ৯৪ ॥

সগণো গণকারশ্চ ভূতবাহনসারথিঃ ।
ভস্মশয়ো ভস্মগোপ্তা ভস্মভূতস্তরুর্গণঃ ॥ ৯৫ ॥

লোকপালস্তথা লোকো মহাত্মা সর্বপূজিতঃ । var লোকপালস্তথাঽলোকো
শুক্লস্ত্রিশুক্লঃ সম্পন্নঃ শুচির্ভূতনিষেবিতঃ ॥ ৯৬ ॥

আশ্রমস্থঃ ক্রিয়াবস্থো বিশ্বকর্মমতির্বরঃ ।
বিশালশাখস্তাম্রোষ্ঠো হ্যম্বুজালঃ সুনিশ্চলঃ ॥ ৯৭ ॥

কপিলঃ কপিশঃ শুক্ল আয়ুশ্চৈবি পরোঽপরঃ ।
গন্ধর্বো হ্যদিতিস্তার্ক্ষ্যঃ সুবিজ্ঞেয়ঃ সুশারদঃ ॥ ৯৮ ॥

পরশ্বধায়ুধো দেব অনুকারী সুবান্ধবঃ ।
তুম্ববীণো মহাক্রোধ ঊর্ধ্বরেতা জলেশয়ঃ ॥ ৯৯ ॥

উগ্রো বংশকরো বংশো বংশনাদো হ্যনিন্দিতঃ ।
সর্বাঙ্গরূপো মায়াবী সুহৃদো হ্যনিলোঽনলঃ ॥ ১০০ ॥

বন্ধনো বন্ধকর্তা চ সুবন্ধনবিমোচনঃ ।
স য়জ্ঞারিঃ স কামারির্মহাদংষ্ট্রো মহায়ুধঃ ॥ ১০১ ॥

বহুধানিন্দিতঃ শর্বঃ শঙ্করঃ শঙ্করোঽধনঃ । var শঙ্করোঽনঘঃ
অমরেশো মহাদেবো বিশ্বদেবঃ সুরারিহা ॥ ১০২ ॥

অহির্বুধ্ন্যোঽনিলাভশ্চ চেকিতানো হবিস্তথা ।
অজৈকপাচ্চ কাপালী ত্রিশঙ্কুরজিতঃ শিবঃ ॥ ১০৩ ॥

ধন্বন্তরির্ধূমকেতুঃ স্কন্দো বৈশ্রবণস্তথা ।
ধাতা শক্রশ্চ বিষ্ণুশ্চ মিত্রস্ত্বষ্টা ধ্রুবো ধরঃ ॥ ১০৪ ॥

প্রভাবঃ সর্বগো বায়ুরর্যমা সবিতা রবিঃ । var সর্বগোবায়ুরর্যমা
উষঙ্গুশ্চ বিধাতা চ মান্ধাতা ভূতভাবনঃ ॥ ১০৫ ॥

বিভুর্বর্ণবিভাবী চ সর্বকামগুণাবহঃ ।
পদ্মনাভো মহাগর্ভশ্চন্দ্রবক্ত্রোঽনিলোঽনলঃ ॥ ১০৬ ॥

বলবাংশ্চোপশান্তশ্চ পুরাণঃ পুণ্যচঞ্চুরী ।
কুরুকর্তা কুরুবাসী কুরুভূতো গুণৌষধঃ ॥ ১০৭ ॥

সর্বাশয়ো দর্ভচারী সর্বেষাং প্রাণিনাং পতিঃ ।
দেবদেবঃ সুখাসক্তঃ সদসত্সর্বরত্নবিত্ ॥ ১০৮ ॥

কৈলাসগিরিবাসী চ হিমবদ্গিরিসংশ্রয়ঃ ।
কূলহারী কূলকর্তা বহুবিদ্যো বহুপ্রদঃ ॥ ১০৯ ॥

বণিজো বর্ধকী বৃক্ষো বকুলশ্চন্দনশ্ছদঃ ।
সারগ্রীবো মহাজত্রুরলোলশ্চ মহৌষধঃ ॥ ১১০ ॥

সিদ্ধার্থকারী সিদ্ধার্থশ্ছন্দোব্যাকরণোত্তরঃ ।
সিংহনাদঃ সিংহদংষ্ট্রঃ সিংহগঃ সিংহবাহনঃ ॥ ১১১ ॥

প্রভাবাত্মা জগত্কালস্থালো লোকহিতস্তরুঃ ।
সারঙ্গো নবচক্রাঙ্গঃ কেতুমালী সভাবনঃ ॥ ১১২ ॥

ভূতালয়ো ভূতপতিরহোরাত্রমনিন্দিতঃ ॥ ১১৩ ॥

বাহিতা সর্বভূতানাং নিলয়শ্চ বিভুর্ভবঃ ।
অমোঘঃ সংয়তো হ্যশ্বো ভোজনঃ প্রাণধারণঃ ॥ ১১৪ ॥ var প্রাণধারকঃ

ধৃতিমান্মতিমান্দক্ষঃ সত্কৃতশ্চ য়ুগাধিপঃ ।
গোপালির্গোপতির্গ্রামো গোচর্মবসনো হরিঃ। ১১৫ ॥

হিরণ্যবাহুশ্চ তথা গুহাপালঃ প্রবেশিনাম্ ।
প্রকৃষ্টারির্মহাহর্ষো জিতকামো জিতেন্দ্রিয়ঃ ॥ ১১৬ ॥

গান্ধারশ্চ সুবাসশ্চ তপঃসক্তো রতির্নরঃ ।
মহাগীতো মহানৃত্যো হ্যপ্সরোগণসেবিতঃ ॥ ১১৭ ॥

মহাকেতুর্মহাধাতুর্নৈকসানুচরশ্চলঃ ।
আবেদনীয় আদেশঃ সর্বগন্ধসুখাবহঃ ॥ ১১৮ ॥

তোরণস্তারণো বাতঃ পরিধী পতিখেচরঃ ।
সংয়োগো বর্ধনো বৃদ্ধো অতিবৃদ্ধো গুণাধিকঃ ॥ ১১৯ ॥

নিত্য আত্মসহায়শ্চ দেবাসুরপতিঃ পতিঃ ।
য়ুক্তশ্চ য়ুক্তবাহুশ্চ দেবো দিবি সুপর্বণঃ ॥ ১২০ ॥

আষাঢশ্চ সুষাণ্ঢশ্চ ধ্রুবোঽথ হরিণো হরঃ ।
বপুরাবর্তমানেভ্যো বসুশ্রেষ্ঠো মহাপথঃ ॥ ১২১ ॥

শিরোহারী বিমর্শশ্চ সর্বলক্ষণলক্ষিতঃ ।
অক্ষশ্চ রথয়োগী চ সর্বয়োগী মহাবলঃ ॥ ১২২ ॥

সমাম্নায়োঽসমাম্নায়স্তীর্থদেবো মহারথঃ ।
নির্জীবো জীবনো মন্ত্রঃ শুভাক্ষো বহুকর্কশঃ ॥ ১২৩ ॥

রত্নপ্রভূতো রত্নাঙ্গো মহার্ণবনিপানবিত্ ।
মূলং বিশালো হ্যমৃতো ব্যক্তাব্যক্তস্তপোনিধিঃ ॥ ১২৪ ॥

আরোহণোঽধিরোহশ্চ শীলধারী মহায়শাঃ ।
সেনাকল্পো মহাকল্পো য়োগো য়ুগকরো হরিঃ ॥ ১২৫ ॥

য়ুগরূপো মহারূপো মহানাগহনো বধঃ ।
ন্যায়নির্বপণঃ পাদঃ পণ্ডিতো হ্যচলোপমঃ ॥ ১২৬ ॥

বহুমালো মহামালঃ শশী হরসুলোচনঃ ।
বিস্তারো লবণঃ কূপস্ত্রিয়ুগঃ সফলোদয়ঃ ॥ ১২৭ ॥

ত্রিলোচনো বিষণ্ণাঙ্গো মণিবিদ্ধো জটাধরঃ ।
বিন্দুর্বিসর্গঃ সুমুখঃ শরঃ সর্বায়ুধঃ সহঃ ॥ ১২৮ ॥

নিবেদনঃ সুখাজাতঃ সুগন্ধারো মহাধনুঃ ।
গন্ধপালী চ ভগবানুত্থানঃ সর্বকর্মণাম্ ॥ ১২৯ ॥

মন্থানো বহুলো বায়ুঃ সকলঃ সর্বলোচনঃ ।
তলস্তালঃ করস্থালী ঊর্ধ্বসংহননো মহান্ ॥ ১৩০ ॥

ছত্রং সুচ্ছত্রো বিখ্যাতো লোকঃ সর্বাশ্রয়ঃ ক্রমঃ ।
মুণ্ডো বিরূপো বিকৃতো দণ্ডী কুণ্ডী বিকুর্বণঃ। ১৩১ ॥

হর্যক্ষঃ ককুভো বজ্রো শতজিহ্বঃ সহস্রপাত্ ।
সহস্রমূর্ধা দেবেন্দ্রঃ সর্বদেবময়ো গুরুঃ ॥ ১৩২ ॥

সহস্রবাহুঃ সর্বাঙ্গঃ শরণ্যঃ সর্বলোককৃত্ ।
পবিত্রং ত্রিককুন্মন্ত্রঃ কনিষ্ঠঃ কৃষ্ণপিঙ্গলঃ। ১৩৩ ॥

ব্রহ্মদণ্ডবিনির্মাতা শতঘ্নীপাশশক্তিমান্ ।
পদ্মগর্ভো মহাগর্ভো ব্রহ্মগর্ভো জলোদ্ভবঃ ॥ ১৩৪ ॥

গভস্তির্ব্রহ্মকৃদ্ব্রহ্মী ব্রহ্মবিদ্ব্রাহ্মণো গতিঃ ।
অনন্তরূপো নৈকাত্মা তিগ্মতেজাঃ স্বয়ম্ভুবঃ ॥ ১৩৫ ॥

ঊর্ধ্বগাত্মা পশুপতির্বাতরংহা মনোজবঃ ।
চন্দনী পদ্মনালাগ্রঃ সুরভ্যুত্তরণো নরঃ ॥ ১৩৬ ॥

কর্ণিকারমহাস্রগ্বী নীলমৌলিঃ পিনাকধৃত্ ।
উমাপতিরুমাকান্তো জাহ্নবীধৃগুমাধবঃ ॥ ১৩৭ ॥

বরো বরাহো বরদো বরেণ্যঃ সুমহাস্বনঃ ।
মহাপ্রসাদো দমনঃ শত্রুহা শ্বেতপিঙ্গলঃ ॥ ১৩৮ ॥

পীতাত্মা পরমাত্মা চ প্রয়তাত্মা প্রধানধৃত্ ।
সর্বপার্শ্বমুখস্ত্র্যক্ষো ধর্মসাধারণো বরঃ ॥ ১৩৯ ॥

চরাচরাত্মা সূক্ষ্মাত্মা অমৃতো গোবৃষেশ্বরঃ ।
সাধ্যর্ষির্বসুরাদিত্যো বিবস্বান্সবিতাঽমৃতঃ ১৪০ ॥

ব্যাসঃ সর্গঃ সুসঙ্ক্ষেপো বিস্তরঃ পর্যয়ো নরঃ ।
ঋতু সংবত্সরো মাসঃ পক্ষঃ সঙ্খ্যাসমাপনঃ ॥ ১৪১ ॥

কলা কাষ্ঠা লবা মাত্রা মুহূর্তাহঃক্ষপাঃ ক্ষণাঃ ।
বিশ্বক্ষেত্রং প্রজাবীজং লিঙ্গমাদ্যস্তু নির্গমঃ ॥ ১৪২ ॥

সদসদ্ব্যক্তমব্যক্তং পিতা মাতা পিতামহঃ ।
স্বর্গদ্বারং প্রজাদ্বারং মোক্ষদ্বারং ত্রিবিষ্টপম্ ॥ ১৪৩ ॥

নির্বাণং হ্লাদনশ্চৈব ব্রহ্মলোকঃ পরা গতিঃ ।
দেবাসুরবিনির্মাতা দেবাসুরপরায়ণঃ ॥ ১৪৪ ॥

দেবাসুরগুরুর্দেবো দেবাসুরনমস্কৃতঃ ।
দেবাসুরমহামাত্রো দেবাসুগণাশ্রয়ঃ ॥ ১৪৫ ॥

দেবাসুরগণাধ্যক্ষো দেবাসুরগণাগ্রণীঃ ।
দেবাতিদেবো দেবর্ষির্দেবাসুরবরপ্রদঃ ॥ ১৪৬ ॥

দেবাসুরেশ্বরো বিশ্বো দেবাসুরমহেশ্বরঃ ।
সর্বদেবময়োঽচিন্ত্যো দেবতাত্মাঽঽত্মসম্ভবঃ ॥ ১৪৭ ॥

উদ্ভিত্ত্রিবিক্রমো বৈদ্যো বিরজো নীরজোঽমরঃ ॥

ঈড্যো হস্তীশ্বরো ব্যাঘ্রো দেবসিংহো নরর্ষভঃ ॥ ১৪৮ ॥

বিবুধোঽগ্রবরঃ সূক্ষ্মঃ সর্বদেবস্তপোময়ঃ ।
সুয়ুক্তঃ শোভনো বজ্রী প্রাসানাং প্রভবোঽব্যয়ঃ ॥ ১৪৯ ॥

গুহঃ কান্তো নিজঃ সর্গঃ পবিত্রং সর্বপাবনঃ ।
শৃঙ্গী শৃঙ্গপ্রিয়ো বভ্রূ রাজরাজো নিরাময়ঃ ॥ ১৫০ ॥

অভিরামঃ সুরগণো বিরামঃ সর্বসাধনঃ ।
ললাটাক্ষো বিশ্বদেবো হরিণো ব্রহ্মবর্চসঃ ॥ ১৫১ ॥

স্থাবরাণাং পতিশ্চৈব নিয়মেন্দ্রিয়বর্ধনঃ ।
সিদ্ধার্থঃ সিদ্ধভূতার্থোঽচিন্ত্যঃ সত্যব্রতঃ শুচিঃ ॥ ১৫২ ॥

ব্রতাধিপঃ পরং ব্রহ্ম ভক্তানাং পরমা গতিঃ ।
বিমুক্তো মুক্ততেজাশ্চ শ্রীমান্শ্রীবর্ধনো জগত্ ॥ ১৫৩ ॥

(ইতি সহস্রনামস্তোত্রম্ । )

য়থা প্রধানং ভগবানিতি ভক্ত্যা স্তুতো ময়া ।
য়ন্ন ব্রহ্মাদয়ো দেবা বিদুস্তত্ত্বেন নর্ষয়ঃ ।
স্তোতব্যমর্চ্যং বন্দ্যং চ কঃ স্তোষ্যতি জগত্পতিম্ ॥ ১৫৪ ॥

ভক্তিং ত্বেবং পুরস্কৃত্য ময়া য়জ্ঞপতির্বিভুঃ ।
ততোঽভ্যনুজ্ঞাং সম্প্রাপ্য স্তুতো মতিমতাং বরঃ ॥ ১৫৫ ॥

শিবমেভিঃ স্তুবন্দেবং নামভিঃ পুষ্টিবর্ধনৈঃ ।
নিত্যয়ুক্তঃ শুচির্ভক্তঃ প্রাপ্নোত্যাত্মানমাত্মনা ॥ ১৫৬ ॥

এতদ্ধি পরমং ব্রহ্ম পরং ব্রহ্মাধিগচ্ছতি ॥ ১৫৭ ॥

ঋষয়শ্চৈব দেবাশ্চ স্তুবন্ত্যেতেন তত্পরম্ ॥ ১৫৮ ॥

স্তূয়মানো মহাদেবস্তুষ্যতে নিয়তাত্মভিঃ ।
ভক্তানুকম্পী ভগবানাত্মসংস্থাকরো বিভুঃ ॥ ১৫৯ ॥

তথৈব চ মনুষ্যেষু য়ে মনুষ্যাঃ প্রধানতঃ ।
আস্তিকাঃ শ্রদ্ধধানাশ্চ বহুভির্জন্মভিঃ স্তবৈঃ ॥ ১৬০ ॥

ভক্ত্যা হ্যনন্যমীশানং পরং দেবং সনাতনম্ ।
কর্মণা মনসা বাচা ভাবেনামিততেজসঃ ॥ ১৬১ ॥

শয়ানা জাগ্রমাণাশ্চ ব্রজন্নুপবিশংস্তথা ।
উন্মিষন্নিমিষংশ্চৈব চিন্তয়ন্তঃ পুনঃপনঃ ॥ ১৬২ ॥

শৃণ্বন্তঃ শ্রাবয়ন্তশ্চ কথয়ন্তশ্চ তে ভবম্ ।
স্তুবন্তঃ স্তূয়মানাশ্চ তুষ্যন্তি চ রমন্তি চ ॥ ১৬৩ ॥

জন্মকোটিসহস্রেষু নানাসংসারয়োনিষু ।
জন্তোর্বিগতপাপস্য ভবে ভক্তিঃ প্রজায়তে ॥ ১৬৪ ॥

উত্পন্না চ ভবে ভক্তিরনন্যা সর্বভাবতঃ ।
ভাবিনঃ কারণে চাস্য সর্বয়ুক্তস্য সর্বথা ॥ ১৬৫ ॥

এতদ্দেবেষু দুষ্প্রাপং মনুষ্যেষু ন লভ্যতে ।
নির্বিঘ্না নিশ্চলা রুদ্রে ভক্তিরব্যভিচারিণী ॥ ১৬৬ ॥

তস্যৈব চ প্রসাদেন ভক্তিরুত্পদ্যতে নৄণাম্ ।
য়েন য়ান্তি পরাং সিদ্ধিং তদ্ভাগবতচেতসঃ ॥ ১৬৭ ॥ var য়ে ন

য়ে সর্বভাবানুগতাঃ প্রপদ্যন্তে মহেশ্বরম্ ।
প্রপন্নবত্সলো দেবঃ সংসারাত্তান্সমুদ্ধরেত্ ॥ ১৬৮ ॥

এবমন্যে বিকুর্বন্তি দেবাঃ সংসারমোচনম্ ।
মনুষ্যাণামৃতে দেবং নান্যা শক্তিস্তপোবলম্ ॥ ১৬৯ ॥

ইতি তেনেন্দ্রকল্পেন ভগবান্সদসত্পতিঃ ।
কৃত্তিবাসাঃ স্তুতঃ কৃষ্ণ তণ্ডিনা শুভবুদ্ধিনা ॥ ১৭০ ॥

স্তবমেতং ভগবতো ব্রহ্মা স্বয়মধারয়ত্ ।
গীয়তে চ স বুদ্ধ্যেত ব্রহ্মা শঙ্করসন্নিধৌ ॥ ১৭১ ॥

ইদং পুণ্যং পবিত্রং চ সর্বদা পাপনাশনম্ ।
য়োগদং মোক্ষদং চৈব স্বর্গদং তোষদং তথা ॥ ১৭২ ॥

এবমেতত্পঠন্তে য় একভক্ত্যা তু শঙ্করম্ ।
য়া গতিঃ সাঙ্খ্যয়োগানাং ব্রজন্ত্যেতাং গতিং তদা ॥ ১৭৩ ॥

স্তবমেতং প্রয়ত্নেন সদা রুদ্রস্য সন্নিধৌ ।
অব্দমেকং চরেদ্ভক্তঃ প্রাপ্নুয়াদীপ্সিতং ফলম্ ॥ ১৭৪ ॥

এতদ্রহস্যং পরমং ব্রহ্মণো হৃদি সংস্থিতম্ ।
ব্রহ্মা প্রোবাচ শক্রায় শক্রঃ প্রোবাচ মৃত্যবে ॥ ১৭৫ ॥

মৃত্যুঃ প্রোবাচ রুদ্রেভ্যো রুদ্রেভ্যস্তণ্ডিমাগমত্ ।
মহতা তপসা প্রাপ্তস্তণ্ডিনা ব্রহ্মসদ্মনি ॥ ১৭৬ ॥

তণ্ডিঃ প্রোবাচ শুক্রায় গৌতমায় চ ভার্গবঃ ।
বৈবস্বতায় মনবে গৌতমঃ প্রাহ মাধব ॥ ১৭৭ ॥

নারায়ণায় সাধ্যায় সমাধিষ্ঠায় ধীমতে ।
য়মায় প্রাহ ভগবান্সাধ্যো নারায়ণোঽচ্যুতঃ ॥ ১৭৮ ॥

নাচিকেতায় ভগবানাহ বৈবস্বতো য়মঃ ।
মার্কণ্ডেয়ায় বার্ষ্ণেয় নাচিকেতোঽভ্যভাষত ॥ ১৭৯ ॥

মার্কণ্ডেয়ান্ময়া প্রাপ্তো নিয়মেন জনার্দন ।
তবাপ্যহমমিত্রঘ্ন স্তবং দদ্যাং হ্যবিশ্রুতম্ ॥ ১৮০ ॥

স্বর্গ্যমারোগ্যমায়ুষ্যং ধন্যং বেদেন সংমিতম্ ।
নাস্য বিঘ্নং বিকুর্বন্তি দানবা য়ক্ষরাক্ষসাঃ ॥ ১৮১ ॥

পিশাচা য়াতুধানা বা গুহ্যকা ভুজগা অপি ।
য়ঃ পঠেত শুচিঃ পার্থ ব্রহ্মচারী জিতেন্দ্রিয়ঃ ।
অভগ্নয়োগো বর্ষং তু সোঽশ্বমেধফলং লভেত্ ॥ ১৮২ ॥

ইতি শ্রীমন্মহাভারতে অনুশাসনপর্বণি দানধর্মপর্বণি
অষ্টচত্বারিংশোঽধ্যায়ঃ ॥ ৪৮ ॥

শ্রীমহাদেবসহস্রনামস্তোত্রং সমাপ্তম্ ।
শ্রীকৃষ্ণার্পণমস্তু ।
শ্রীশিবার্পণমস্তু ।

Also Read 1000 Names of Shiva :

1000 Names of Shiva | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil