Shri Bhavani Sahasranamastotram Lyrics in Bengali:
॥ শ্রীভবানীসহস্রনামস্তোত্রম্ ॥
শ্রীগণেশায় নমঃ ।
কৈলাস শিখরে রম্যে দেবদেবং মহেশ্বরম্ ।
ধ্যানোপরতমাসীনং প্রসন্নমুখপঙ্কজম্ ॥ ১ ॥
সুরাসুরশিরোরত্নরঞ্জিতাঙ্ঘ্রিয়ুগং প্রভুম্ ।
প্রণম্য শিরসা নন্দী বদ্ধাঞ্জলিরভাষত ॥ ২ ॥
শ্রীনন্দিকেশ্বর উবাচ ।
দেবদেব জগন্নাথ সংশয়োঽস্তি মহান্মম ।
রহস্যমেকমিচ্ছামি প্রষ্টুং ত্বাং ভক্তবত্সল ॥ ৩ ॥
দেবতায়াস্ত্বয়া কস্যাঃ স্তোত্রমেতদ্দিবানিশম্ ।
পঠ্যতে নিরতং নাথ ত্বত্তঃ কিমপরং মহত্ ॥ ৪ ॥
ইতি পৃষ্টস্তদা দেবো নন্দিকেন জগদ্গুরুঃ ।
প্রোবাচ ভগবানীশো বিকসন্নেত্রপঙ্কজঃ ॥ ৫ ॥
ঈশ্বর উবাচ ।
সাধু সাধু গুণশ্রেষ্ঠ পৃষ্টবানসি মাং চ য়ত্ ।
স্কন্দস্যাপি চ য়দ্গোপ্যং রহস্যং কথয়ামি তত্ ॥ ৬ ॥
পুরা কল্পক্ষয়ে লোকান্সিসৃক্ষুর্মূঢচেতনঃ ।
গুণত্রয়ময়ী শক্তির্মূলপ্রকৃতিসংজ্ঞিতা ॥ ৭ ॥
তস্যামহং সমুত্পন্নস্তত্বৈস্তৈর্মহদাদিভিঃ ।
চেতনেতি ততঃ শক্তির্মাং কাপ্যালিঙ্গ্য তস্থুষী ॥ ৮ ॥
হেতুস্সঙ্কল্পজালস্য মনোধিষ্ঠায়িনী শুভা ।
ইচ্ছেতি পরমা শক্তিরুন্মিলতি ততঃ পরম্ ॥ ৯ ॥
ততো বাগিতি বিখ্যাতা শক্তিঃ শব্দময়ী পুরা ।
প্রাদুরাসীজ্জগন্মাতা বেদমাতা সরস্বতী ॥ ১০ ॥
ব্রাহ্মী চ বৈষ্ণবী সৈন্দ্রী কৌমারী পার্বতী শিবা ।
সিদ্ধিদা বুদ্ধিদা শান্তা সর্বমঙ্গলদায়িনী ॥ ১১ ॥
তয়ৈতত্সৃজ্যতে বিশ্বমনাধারং চ ধার্যতে ।
তয়ৈতত্পাল্যতে সর্বং তস্যামেব প্রলীয়তে ॥ ১২ ॥
অর্চিতা প্রণতা ধ্যাতা সর্বভাববিনিশ্চতৈঃ ।
আরাধিতা স্তুতা সৈব সর্বসিদ্ধিপ্রদায়িনী ॥ ১৩ ॥
তস্যাশ্চানুগ্রহাদেব তামেব স্তুতবানহম্ ।
সহস্রৈর্নামর্ভির্দিব্যৈস্ত্রৈলোক্য প্রণিপূজিতৈঃ ॥ ১৪ ॥
স্তবেনানেন সন্তুষ্টা মামেব প্রতিবেশ সা ।
তদারভ্য ময়া প্রাপ্তমৈশ্বর্যং পদমুত্তমম্ ॥ ১৫ ॥
তত্প্রভাবান্ময়া সৃষ্টং জগদেতচ্চরাচরম্ ।
সসুরাসুরগন্ধর্বয়ক্ষরাক্ষসমানবম্ ॥ ১৬ ॥
সপন্নগং সাচ্ছিকং চ সশৈলবনকাননম্ ।
সরাশিগ্রহনক্ষত্রং পঞ্চভূতগুণান্বিতম্ ॥ ১৭ ॥
নন্দিন্নাম সহস্রেণ স্তবেনানেন সর্বদা ।
স্তৌম্যহং পরাপরাশক্তিং মমানুগ্রহকারিণীম্ ॥ ১৮ ॥
ইত্যুক্ত্বোপরতং দেবং চরাচরগুরুং বিভুম্ ।
প্রণম্য শিরসা নন্দী প্রোবাচ পরমেশ্বরম্ ॥ ১৯ ॥
শ্রীনন্দিকেশ্বর উবাচ ।
ভগবন্দেবদেবেশ লোকনাথ জগত্পতে ।
ভক্তোঽস্মি তব দাসোঽস্মি প্রসাদঃ ক্রিয়তাং ময়ি ॥ ২০ ॥
দেব্যাঃ স্তবমিদং পুণ্যং দুর্লভং য়ত্সুরৈরপি ।
শ্রোতুমিচ্ছাম্যহং দেব প্রভাবমপি চাস্য তু ॥ ২১ ॥
শৃণু নন্দিন্মহাভাগ স্তবরাজমিমং শুভম্ ।
সহস্রৈর্নামর্ভির্দিব্যৈঃ সিদ্ধিদং সুখমোক্ষদম্ ॥ ২২ ॥
শুচিভিঃ প্রাতরুত্থায় পঠিতব্যং সমাহিতৈঃ ।
ত্রিকালং শ্রদ্ধয়া য়ুক্তৈর্নাতঃ পরতরঃ স্তব; ॥ ২৩ ॥
ওঁ অস্যশ্রীভবানীনামসহস্রস্তবরাজস্য,
শ্রীভগবান্মহাদেব ঋষিঃ ,অনুষ্টুপ্ছন্দঃ,
আদ্যা শক্তিঃ শ্রীভগবতী ভবানী দেবতা,
হ্রীং বীজং, শ্রীং শক্তিঃ, ক্লীং কীলকং,
শ্রীভগবতীভবানীপ্রীত্যর্থে জপে বিনিয়োগঃ ।
অথ ধ্যানম্
অর্ধেন্দুমৌলিমমলামমরাভিবন্দ্যামম্ভোজপাশসৃণিরক্তকপালহস্তাম্ ।
রক্তাঙ্গরাগরসনাভরণান্ত্রিনেত্রান্ধ্যায়েচ্ছিবস্যবনিতাং বিহ্বলাঙ্গীম্ ॥ ১ ॥
ওঁ বালার্কমণ্ডলাভাসাং চতুর্বাহুং ত্রিলোচনাম্ ।
পাশাঙ্কুশশরং চাপং ধারয়ন্তীং শিবাং ভজে ॥ ২ ॥
ওঁ মহাবিদ্যা জগন্মাতা মহালক্ষ্মীঃ শিবপ্রিয়া ।
বিষ্ণুমায়া শুভা শান্তা সিদ্ধাসিদ্ধসরস্বতী ॥ ১ ॥
ক্ষমা কান্তিঃ প্রভা জ্যোত্স্না পার্বতী সর্বমঙ্গলা ।
হিঙ্গুলা চণ্ডিকা দান্তা পদ্মা লক্ষ্মীর্হরিপ্রিয়া ॥ ২ ॥
ত্রিপুরা নন্দিনী নন্দা সুনন্দা সুরবন্দিতা ।
য়জ্ঞবিদ্যা মহামায়া বেদমাতা সুধাধৃতিঃ ॥ ৩ ॥
প্রীতিপ্রদা প্রসিদ্ধা চ মৃডানী বিন্ধ্যবাসিনী ।
সিদ্ধবিদ্যা মহাশক্তিঃ পৃথিবী নারদসেবিতা ॥ ৪ ॥
পুরুহূতপ্রিয়া কান্তা কামিনী পদ্মলোচনা ।
প্রল্হাদিনী মহামাতা দুর্গা দুর্গতিনাশিনী ॥ ৫ ॥
জ্বালামুখী সুগোত্রা চ জ্যোতিঃ কুমুদবাসিনী ।
দুর্গমা দুর্লভা বিদ্যা স্বর্গতিঃ পুরবাসিনী ॥ ৬ ॥
অপর্ণা শাম্বরী মায়া মদিরামৃদুহাসিনী ।
কুলবাগীশ্বরী নিত্যা নিত্যক্লিন্না কৃশোদরী ॥ ৭ ॥
কামেশ্বরী চ নীলা চ ভিরুণ্ডা বহ্রিবাসিনী ।
লম্বোদরী মহাকালী বিদ্যাবিদ্যেশ্বরী তথা ॥ ৮ ॥
নরেশ্বরী চ সত্যা চ সর্বসৌভাগ্যবর্ধিনী ।
সঙ্কর্ষিণী নারসিংহী বৈষ্ণবী চ মহোদরী ॥ ৯ ॥
কাত্যায়নী চ চম্পা চ সর্বসম্পত্তিকারিণী ।
নারায়ণী মহানিদ্রা য়োগনিদ্রা প্রভাবতী ॥ ১০ ॥
প্রজ্ঞা পারমিতাপ্রাজ্ঞা তারা মধুমতী মধুঃ ।
ক্ষীরার্ণবসুধাহারা কালিকা সিংহবাহনা ॥ ১১ ॥
ওঁকারা চ সুধাকারা চেতনা কোপনাকৃতিঃ ।
অর্ধবিন্দুধরাধারা বিশ্বমাতা কলাবতী ॥ ১২ ॥
পদ্মাবতী সুবস্ত্রা চ প্রবুদ্ধা চ সরস্বতী ।
কুণ্ডাসনা জগদ্বাত্রী বুদ্ধমাতা জিনেশ্বরী ॥ ১৩ ॥
জিনমাতা জিনেন্দ্রা চ শারদা হংসবাহনা ।
রাজলক্ষ্মীর্বষট্কারা সুধাকারা সুধোত্সুকা ॥ ১৪ ॥
রাজনীতিস্ত্রয়ী বার্তা দণ্ডনীতিঃ ক্রিয়াবতী ।
সদ্ভূতিস্তারিণী শ্রদ্ধা সদ্গতিঃ সত্যপরায়ণা ॥ ১৫ ॥
সিন্ধুর্মন্দাকিনী গঙ্গা য়মুনা চ সরস্বতী ।
গোদাবরী বিপাশা চ কাবেরী চ শতহ্রদা ॥ ১৬ ॥
সরয়ূশ্চন্দ্রভাগা চ কৌশিকী গণ্ডকী শুচিঃ ।
নর্মদা কর্মনাশা চ চর্মণ্বতী চ বেদিকা ॥ ১৭ ॥
বেত্রবতী বিতস্তা চ বরদা নরবাহনা ।
সতী পতিব্রতা সাধ্বী সুচক্ষুঃ কুণ্ডবাসিনী ॥ ১৮ ॥
একচক্ষুঃ সহস্রাক্ষী সুশ্রোণির্ভগমালিনী ।
সেনাশ্রোণিঃ পতাকা চ সুব্যূহা য়ুদ্ধকাংক্ষিণী ॥ ১৯ ॥
পতাকিনী দয়ারম্ভা বিপঞ্চী পঞ্চমপ্রিয়া ।
পরা পরকলাকান্তা ত্রিশক্তির্মোক্ষদায়িনী ॥ ২০ ॥
ঐন্দ্রী মাহেশ্বরী ব্রাহ্মী কৌমারী কমলাসনা ।
ইচ্ছা ভগবতী শক্তিঃ কামধেনুঃ কৃপাবতী ॥ ২১ ॥
বজ্রায়ুধা বজ্রহস্তা চণ্ডী চণ্ডপরাক্রমা ।
গৌরী সুবর্ণবর্ণা চ স্থিতিসংহারকারিণী ॥ ২২ ॥
একানেকা মহেজ্যা চ শত বাহুর্মহাভুজা ।
ভুজঙ্গভূষণা ভূষা ষট্চক্রাক্রমবাসিনী ॥ ২৩ ॥
ষট্চক্রভেদিনী শ্যামা কায়স্থা কায়বর্জিতা ।
সুস্মিতা সুমুখী ক্ষামা মূলপ্রকৃতিরীশ্বরী ॥ ২৪ ॥
অজা চ বহুবর্ণা চ পুরুষার্থপ্রর্বতিনী ।
রক্তা নীলা সিতা শ্যামা কৃষ্ণা পীতা চ কর্বুরা ॥ ২৫ ॥
ক্ষুধা তৃষ্ণা জরা বৃদ্ধা তরুণী করুণালয়া ।
কলা কাষ্ঠা মুহূর্তা চ নিমিষা কালরূপিণী ॥ ২৬ ॥
সুবর্ণরসনা নাসাচক্ষুঃ স্পর্শবতী রসা ।
গন্ধপ্রিয়া সুগন্ধা চ সুস্পর্শা চ মনোগতিঃ ॥ ২৭ ॥
মৃগনাভির্মৃগাক্ষী চ কর্পূরামোদধারিণী ।
পদ্ময়োনিঃ সুকেশী চ সুলিঙ্গা ভগরূপিণী ॥ ২৮ ॥
য়োনিমুদ্রা মহামুদ্রা খেচরী খগগামিনী ।
মধুশ্রীর্মাধবী বল্লী মধুমত্তা মদোদ্ধতা ॥ ২৯ ॥
মাতঙ্গী শুকহস্তা চ পুষ্পবাণেক্ষুচাপিনী ।
রক্তাম্বরধরাক্ষীবা রক্তপুষ্পাবতংসিনী ॥ ৩০ ॥
শুভ্রাম্বরধরা ধীরা মহাশ্বেতা বসুপ্রিয়া ।
সুবেণী পদ্মহস্তা চ মুক্তাহারবিভূষণা ॥ ৩১ ॥
কর্পূরামোদনিঃশ্বাসা পদ্মিনী পদ্মমন্দিরা ।
খড্গিনী চক্রহস্তা চ ভুশুণ্ডী পরিঘায়ুধা ॥ ৩২ ॥
চাপিনী পাশহস্তা চ ত্রিশূলবরধারিণী ।
সুবাণা শক্তিহস্তা চ ময়ূরবরবাহনা ॥ ৩৩ ॥
বরায়ুধধরা বীরা বীরপানমদোত্কটা ।
বসুধা বসুধারা চ জয়া শাকম্ভরী শিবা ॥ ৩৪ ॥
বিজয়া চ জয়ন্তী চ সুস্তনী শত্রুনাশিনী ।
অন্তর্বতী বেদশক্তির্বরদা বরধারিণী ॥ ৩৫ ॥
শীতলা চ সুশীলা চ বালগ্রহবিনাশিনী ।
কৌমারী চ সুপর্ণা চ কামাখ্যা কামবন্দিতা ॥ ৩৬ ॥
জালন্ধরধরানন্তা কামরূপনিবাসিনী ।
কামবীজবতী সত্যা সত্যমার্গপরায়ণা ॥ ৩৭ ॥
স্থূলমার্গস্থিতা সূক্ষ্মা সূক্ষ্মবুদ্ধিপ্রবোধিনী ।
ষট্কোণা চ ত্রিকোণা চ ত্রিনেত্রা ত্রিপুরসুন্দরী ॥ ৩৮ ॥
বৃষপ্রিয়া বৃষারূঢা মহিষাসুরঘাতিনী ।
শুম্ভদর্পহরা দীপ্তা দীপ্তপাবকসন্নিভা ॥ ৩৯ ॥
কপালভূষণা কালী কপালামাল্যধারিণী ।
কপালকুণ্ডলা দীর্ঘা শিবদূতী ঘনধ্বনিঃ ॥ ৪০ ॥
সিদ্ধিদা বুদ্ধিদা নিত্যা সত্যমার্গপ্রবোধিনী ।
কম্বুগ্রীবাবসুমতী ছত্রচ্ছায়া কৃতালয়া ॥ ৪১ ॥
জগদ্গর্ভা কুণ্ডলিনী ভুজগাকারশায়িনী ।
প্রোল্লসত্সপ্তপদ্মা চ নাভিনালমৃণালিনী ॥ ৪২ ॥
মূলাধারা নিরাকারা বহ্রিকুণ্ডকৃতালয়া ।
বায়ুকুণ্ডসুখাসীনা নিরাধারা নিরাশ্রয়া ॥ ৪৩ ॥
শ্বাসোচ্ছবাসগতির্জীবা গ্রাহিণী বহ্নিসংশ্রয়া ।
বল্লীতন্তুসমুত্থানা ষড্রসা স্বাদলোলুপা ॥ ৪৪ ॥
তপস্বিনী তপঃসিদ্ধি স্সপ্তধা সিদ্ধিদায়িনী ।
তপোনিষ্ঠা তপোয়ুক্তাঃ তাপসী চ তপঃপ্রিয়া ॥ ৪৫ ॥
সপ্তধাতুর্ময়ীর্মূতিঃ সপ্তধাত্বন্তরাশ্রয়া ।
দেহপুষ্টির্মনঃপুষ্টিরন্নপুষ্টির্বলোদ্ধতা ॥ ৪৬ ॥
ঔষধী বৈদ্যমাতা চ দ্রব্যশক্তিপ্রভাবিনী ।
বৈদ্যা বৈদ্যচিকিত্সা চ সুপথ্যা রোগনাশিনী ॥ ৪৭ ॥
মৃগয়া মৃগমাংসাদা মৃগত্বঙ্ মৃগলোচনা ।
বাগুরাবন্ধরূপা চ বন্ধরূপাবধোদ্ধতা ॥ ৪৮ ॥
বন্দী বন্দিস্তুতা কারাগারবন্ধবিমোচিনী ।
শৃঙ্খলা কলহা বদ্ধা দৃঢবন্ধবিমোক্ষিণী ॥ ৪৯ ॥
অম্বিকাম্বালিকা চাম্বা স্বচ্ছা সাধুজর্নাচিতা ।
কৌলিকী কুলবিদ্যা চ সুকুলা কুলপূজিতা ॥ ৫০ ॥
কালচক্রভ্রমা ভ্রান্তা বিভ্রমাভ্রমনাশিনী ।
বাত্যালী মেঘমালা চ সুবৃষ্টিঃ সস্যর্বধিনী ॥ ৫১ ॥
অকারা চ ইকারা চ উকারৌকাররূপিণী ।
হ্রীঙ্কার বীজরূপা চ ক্লীঙ্কারাম্বরবাসিনী ॥ ৫২ ॥
সর্বাক্ষরময়ীশক্তিরক্ষরা বর্ণমালিনী ।
সিন্দূরারুণবর্ণা চ সিন্দূরতিলকপ্রিয়া ॥ ৫৩ ॥
বশ্যা চ বশ্যবীজা চ লোকবশ্যবিভাবিনী ।
নৃপবশ্যা নৃপৈঃ সেব্যা নৃপবশ্যকরপ্রিয়া ॥ ৫৪ ॥
মহিষা নৃপমান্যা চ নৃপান্যা নৃপনন্দিনী ।
নৃপধর্মময়ী ধন্যা ধনধান্যবিবর্ধিনী ॥ ৫৫ ॥
চতুর্বর্ণময়ীমূর্তিশ্চতুর্বণৈংশ্চ পূজিতা ।
সর্বধর্মময়ীসিদ্ধি শ্চতুরাশ্রমবাসিনী ॥ ৫৬ ॥
ব্রাহ্মণী ক্ষত্রিয়া বৈশ্যা শূদ্রা চাবরবর্ণজা ।
বেদমার্গরতা য়জ্ঞা বেদির্বিশ্ববিভাবিনী ॥ ৫৭ ॥
অনুশস্ত্রময়ী বিদ্যা বরশস্ত্রাস্ত্রধারিণী ।
সুমেধা সত্যমেধা চ ভদ্রকাল্যপরাজিতা ॥ ৫৮ ॥
গায়ত্রী সত্কৃতিঃ সন্ধ্যা সাবিত্রী ত্রিপদাশ্রয়া ।
ত্রিসন্ধ্যা ত্রিপদী ধাত্রী সুপর্বা সামগায়িনী ॥ ৫৯ ॥
পাঞ্চালী বালিকা বালা বালক্রীডা সনাতনী ।
গর্ভাধারধরাশূন্যা গর্ভাশয়নিবাসিনী ॥ ৬০ ॥
সুরারিঘাতিনী কৃত্যা পূতনা চ তিলোত্তমা ।
লজ্জা রসবতী নন্দা ভবানী পাপনাশিনী ॥ ৬১ ॥
পট্টাম্বরধরা গীতিঃ সুগীতির্জ্ঞানগোচরা ।
সপ্তস্বরময়ী তন্ত্রী ষড্জমধ্যমধৈবতা ॥ ৬২ ॥
মূর্ছনা গ্রামসংস্থানা মূর্ছা সুস্থানবাসিনী ।
অট্টাট্টহাসিনী প্রেতা প্রেতাসননিবাসিনী ॥ ৬৩ ॥
গীতনৃত্যপ্রিয়া কামা তুষ্টিদা পুষ্টিদা ক্ষমা ।
নিষ্ঠা সত্যপ্রিয়া প্রাজ্ঞা লোলাক্ষী চ সুরোত্তমা ॥ ৬৪ ॥
সবিষা জ্বালিনী জ্বালা বিশ্বমোহার্তিনাশিনী ।
শতমারী মহাদেবী বৈষ্ণবী শতপত্রিকা ॥ ৬৫ ॥
বিষারির্নাগদমনী কুরুকুল্ল্যাঽমৃতোদ্ভবা ।
ভূতভীতিহরারক্ষা ভূতাবেশবিনাশিনী ॥ ৬৬ ॥
রক্ষোঘ্নী রাক্ষসী রাত্রির্দীর্ঘনিদ্রা নিবারিণী ।
চন্দ্রিকা চন্দ্রকান্তিশ্চ সূর্যকান্তির্নিশাচরী ॥ ৬৭ ॥
ডাকিনী শাকিনী শিষ্যা হাকিনী চক্রবাকিনী ।
শীতা শীতপ্রিয়া স্বঙ্গা সকলা বনদেবতা ॥ ৬৮ ॥
গুরুরূপধরা গুর্বী মৃত্যুর্মারী বিশারদা ।
মহামারী বিনিদ্রা চ তন্দ্রা মৃত্যুবিনাশিনী ॥ ৬৯ ॥
চন্দ্রমণ্ডলসঙ্কাশা চন্দ্রমণ্ডলবাসিনী ।
অণিমাদিগুণোপেতা সুস্পৃঅহা কামরূপিণী ॥ ৭০ ॥
অষ্টসিদ্ধিপ্রদা প্রৌঢা দুষ্টদানবঘাতিনী ।
অনাদিনিধনা পুষ্টিশ্চতুর্বাহুশ্চতুর্মুখী ॥ ৭১ ॥
চতুস্সমুদ্রশয়না চতুর্বর্গফলপ্রদা ।
কাশপুষ্পপ্রতীকাশা শরত্কুমুদলোচনা ॥ ৭২ ॥
সোমসূর্যাগ্নিনয়না ব্রহ্মবিষ্ণুশির্বার্চিতা ।
কল্যাণীকমলা কন্যা শুভা মঙ্গলচণ্ডিকা ॥ ৭৩ ॥
ভূতা ভব্যা ভবিষ্যা চ শৈলজা শৈলবাসিনী ।
বামমার্গরতা বামা শিববামাঙ্গবাসিনী ॥ ৭৪ ॥
বামাচারপ্রিয়া তুষ্টির্লোংপামুদ্রা প্রবোধিনী ।
ভূতাত্মা পরমাত্মা ভূতভাববিভাবিনী ॥ ৭৫ ॥
মঙ্গলা চ সুশীলা চ পরমার্থপ্রবোধিনী ।
দক্ষিঈণা দক্ষিণামূর্তিঃ সুদীক্ষা চ হরিপ্রসূঃ ॥ ৭৬ ॥
য়োগিনী য়োগয়ুক্তা চ য়োগাঙ্গ ধ্যানশালিনী ।
য়োগপট্টধরা মুক্তা মুক্তানাং পরমা গতিঃ ॥ ৭৭ ॥
নারস্ংইহী সুজন্মা চ ত্রিবর্গফলদায়িনী ।
ধর্মদা ধনদা চৈব কামদা মোক্ষদাদ্যুতিঃ ॥ ৭৮ ॥
সাক্ষিণী ক্ষণদা কাংক্ষা দক্ষজা কূটরূপিণী ।
ঋঅতুঃ কাত্যায়নী স্বচ্ছা সুচ্ছন্দা কবিপ্রিয়া ॥ ৭৯ ॥
সত্যাগমা বহিঃস্থা চ কাব্যশক্তিঃ কবিত্বদা ।
মীনপুত্রী সতী সাধ্বী মৈনাকভগিনী তডিত্ ॥ ৮০ ॥
সৌদামিনী সুদামা চ সুধামা ধামশালিনী ।
সৌভাগ্যদায়িনী দ্যৌশ্চ সুভগা দ্যুতিবর্ধিনী ॥ ৮১ ॥
শ্রীকৃত্তিবসনা চৈব কঙ্কালী কলিনাশিনী ।
রক্তবীজবধোদ্যুক্তা সুতন্তুর্বীজসন্ততিঃ ॥ ৮২ ॥
জগজ্জীবা জগদ্বীজা জগত্রয়হিতৈষিণী ।
চামীকররুচিশ্চন্দ্রী সাক্ষাদ্যা ষোডশী কলা ॥ ৮৩ ॥
য়ত্তত্পদানুবন্ধা চ য়ক্ষিণী ধনদার্চিতা ।
চিত্রিণী চিত্রমায়া চ বিচিত্রা ভুবনেশ্বরী ॥ ৮৪ ॥
চামুণ্ডা মুণ্ডহস্তা চ চণ্ডমুণ্ডবধোদ্যতা ।
অষ্টম্যেকাদশী পূর্ণা নবমী চ চতুর্দশী ॥ ৮৫ ॥
উমা কলশহস্তা চ পূর্ণকুম্ভপয়োধরা ।
অভীরূর্ভৈরবী ভীরূ ভীমা ত্রিপুরভৈরবী ॥ ৮৬ ॥
মহাচণ্ডী চ রৌদ্রী চ মহাভৈরবপূজিতা ।
নির্মুণ্ডা হস্তিনীচণ্ডা করালদশনাননা ॥ ৮৭ ॥
করালা বিকরালা চ ঘোরা ঘুর্ঘুরনাদিনী ।
রক্তদন্তোর্ধ্বকেশী চ বন্ধূককুসুমারুণা ॥ ৮৮ ॥
কাদম্বিনী বিপাশা চ কাশ্মীরী কুঙ্কুমপ্রিয়া ।
ক্ষান্তির্বহুসুবর্ণা চ রতির্বহুসুবর্ণদা ॥ ৮৯ ॥
মাতঙ্গিনী বরারোহা মত্তমাতঙ্গগামিনী ।
হংসা হংসগতির্হংসী হংসোজ্বলশিরোরুহা ॥ ৯০ ॥
পূর্ণচন্দ্রমুখী শ্যামা স্মিতাস্যা চ সুকুণ্ডলা ।
মহিষী চ লেখনী লেখা সুলেখা লেখকপ্রিয়া ॥ ৯১ ॥
শঙ্খিনী শঙ্খহস্তা চ জলস্থা জলদেবতা ।
কুরুক্ষেত্রাঽবনিঃ কাশী মথুরা কাঞ্চ্যবন্তিকা ॥ ৯২ ॥
অয়োধ্যা দ্বারিকা মায়া তীর্থা তীর্থকরপ্রিয়া ।
ত্রিপুষ্করাঽপ্রমেয়া চ কোশস্থা কোশবাসিনী ॥ ৯৩ ॥
কৌশিকী চ কুশাবর্তা কৌশাম্বী কোশবর্ধিনী ।
কোশদা পদ্মকোশাক্ষী কৌসুম্ভকুসুমপ্রিয়া ॥ ৯৪ ॥
তোতলা চ তুলাকোটিঃ কূটস্থা কোটরাশ্রয়া ।
স্বয়ম্ভূশ্চ সুরূপা চ স্বরূপা পুণ্যবর্ধিনী ॥ ৯৫ ॥
তেজস্বিনী সুভিক্ষা চ বলদা বলদায়িনী ।
মহাকোশী মহাবার্তা বুদ্ধিঃ সদসদাত্মিকা ॥ ৯৬ ॥
মহাগ্রহহরা সৌম্যা বিশোকা শোকনাশিনী ।
সাত্বিকী সত্বসংস্থা চ রাজসী চ রজোবৃতা ॥ ৯৭ ॥
তামসী চ তমোয়ুক্তা গুণত্রয়বিভাবিনী ।
অব্যক্তা ব্যক্তরূপা চ বেদবিদ্যা চ শাম্ভবী ॥ ৯৮ ॥
শঙ্করা কল্পিনী কল্পা মনস্সঙ্কল্পসন্ততিঃ ।
সর্বলোকময়ী শক্তিঃ সর্বশ্রবণগোচরা ॥ ৯৯ ॥
সর্বজ্ঞানবতী বাঞ্ছা সর্বতত্ত্বাববোধিকা ।
জাগ্রতিশ্চ সুষুপ্তিশ্চ স্বপ্নাবস্থা তুরীয়কা ॥ ১০০ ॥
সত্বরা মন্দরা গতির্মন্দা মন্দিরা মোদদায়িনী ।
মানভূমিঃ পানপাত্রা পানদানকরোদ্যতা ॥ ১০১ ॥
আধূর্ণারূণনেত্রা চ কিঞ্চিদব্যক্তভাষিণী ।
আশাপুরা চ দীক্ষা চ দক্ষা দীক্ষিতপূজিতা ॥ ১০২ ॥
নাগবল্লী নাগকন্যা ভোগিনী ভোগবল্লভা ।
সর্বশাস্ত্রময়ী বিদ্যা সুস্মৃতির্ধর্মবাদিনী ॥ ১০৩ ॥
শ্রুতিস্মৃতিধরা জ্যেষ্ঠা শ্রেষ্ঠা পাতালবাসিনী ।
মীমাংসা তর্কবিদ্যা চ সুভক্তির্ভক্তবত্সলা ॥ ১০৪ ॥
সুনাভির্যাতনাজাতির্গম্ভীরা ভাববর্জিতা ।
নাগপাশধরামূর্তিরগাধা নাগকুণ্ডলা ॥ ১০৫ ॥
সুচক্রা চক্রমধ্যস্থা চক্রকোণনিবাসিনী ।
সর্বমন্ত্রময়ী বিদ্যা সর্বমন্ত্রাক্ষরাবলিঃ ॥ ১০৬ ॥
মধুস্ত্রবাস্ত্রবন্তী চ ভ্রামরী ভ্রমরালিকা ।
মাতৃমণ্ডলমধ্যস্থা মাতৃমণ্ডলবাসিনী ॥ ১০৭ ॥
কুমার জননী ক্রূরা সুমুখী জ্বরনাশিনী ।
নিধানা পঞ্চভূতানাং ভবসাগরতারিণী ॥ ১০৮ ॥
অক্রূরা চ গ্রহাবতী বিগ্রহা গ্রহবর্জিতা ।
রোহিণী ভূমিগর্মা চ কালভূঃ কালবর্তিনী ॥ ১০৯ ॥
কলঙ্করহিতা নারী চতুঃষষ্ঠ্যভিধাবতী ।
অতীতা বিদ্যমানা চ ভাবিনী প্রীতিমঞ্জরী ॥ ১১০ ॥
সর্বসৌখ্যবতীয়ুক্তিরাহারপরিণামিনী ।
জীর্ণা চ জীর্ণবস্রা চ নূতনা নববল্লভা ॥ ১১১ ॥
অজরা চ রজঃপ্রীতা রতিরাগবিবর্ধিনী ।
পঞ্চবাতগতির্ভিন্না পঞ্চশ্লেষ্মাশয়াধরা ॥ ১১২ ॥
পঞ্চপিত্তবতীশক্তিঃ পঞ্চস্থানবিভাবিনী ।
উদক্যা চ বৃষস্যন্তী বহিঃ প্রস্রবিণী ত্র্যহা ॥ ১১৩ ॥
রজঃশুক্রধরা শক্তির্জরায়ুর্গর্ভধারিণী ।
ত্রিকালজ্ঞা ত্রিলিঙ্গা চ ত্রিমূর্তিস্ত্রিপুরবাসিনী ॥ ১১৪ ॥
অরাগা শিবতত্ত্বা চ কামতত্বানুরাগিণী ।
প্রাচ্যবাচী প্রতীচী চ দিগুদীচী চ দিগ্বিদিগ্দিশা ॥ ১১৫ ॥
অহঙ্কৃতিরহঙ্কারা বালা মায়া বলিপ্রিয়া ।
শুক্রশ্রবা সামিধেনী সুশ্রদ্ধা শ্রাদ্ধদেবতা ॥ ১১৬ ॥
মাতা মাতামহী তৃপ্তিঃ পিতুমাতা পিতামহী ।
স্নুষা দৌহিত্রিণী পুত্রী পৌত্রী নপ্ত্রী শিশুপ্রিয়া ॥ ১১৭ ॥
স্তনদা স্তনধারা চ বিশ্বয়োনিঃ স্তনন্ধয়ী ।
শিশূত্সঙ্গধরা দোলা লোলা ক্রীডাভিনন্দিনী ॥ ১১৮ ॥
উর্বশী কদলী কেকা বিশিখা শিখিবর্তিনী ।
খট্বাঙ্গধারিণী খট্ব বাণপুঙ্খানুবর্তিনী ॥ ১১৯ ॥
লক্ষ্যপ্রাপ্তিকরা লক্ষ্যালধ্যা চ শুভলক্ষণা ।
বর্তিনী সুপথাচারা পরিখা চ খনির্বুতিঃ ॥ ১২০ ॥
প্রাকারবলয়া বেলা মর্যাদা চ মহোদধিঃ ।
পোষিণী শোষিণী শক্তির্দীর্ঘকেশী সুলোমশা ॥ ১২১ ॥
ললিতা মাংসলা তন্বী বেদবেদাঙ্গধারিণী ।
নরাসৃক্পানমত্তা চ নরমুণ্ডাস্থিভূষণা ॥ ১২২ ॥
অক্ষক্রীডারতিঃ শারি শারিকাশুকভাষিণী ।
শাম্ভরী গারুডীবিদ্যা বারুণী বরুণার্চিতা ॥ ১২৩ ॥
বারাহী তুণ্ডহস্তা চ দংষ্ট্রোদ্ধৃতবসুন্ধরা ।
মীনমূর্তির্ধরামূর্তিঃ বদান্যাঽপ্রতিমাশ্রয়া ॥ ১২৪ ॥
অমূর্তা নিধিরূপা চ শালিগ্রামশিলাশুচিঃ ।
স্মৃতিসংস্কাররূপা চ সুসংস্কারা চ সংস্কৃতিঃ ॥ ১২৫ ॥
প্রাকৃতা দেশভাষা চ গাথা গীতিঃ প্রহেলিকা ।
ইডা চ পিঙ্গলা পিঙ্গা সুষুম্না সূর্যবাহিনী ॥ ১২৬ ॥
শশিস্রবা চ তালুস্থা কাকিন্যমৃতজীবিনী ।
অণুরূপা বৃহদ্রূপা লঘুরূপা গুরুস্থিতা ॥ ১২৭ ॥
স্থাবরা জঙ্গমাচৈব কৃতকর্মফলপ্রদা ।
বিষয়াক্রান্তদেহা চ নির্বিশেষা জিতেন্দ্রিয়া ॥ ১২৮ ॥
চিত্স্বরূপা চিদানন্দা পরব্রহ্মপ্রবোধিনী ।
নির্বিকারা চ নির্বৈরা বিরতিঃ সত্যবর্দ্ধিনী ॥ ১২৯ ॥
পুরুষাজ্ঞা চা ভিন্না চ ক্ষান্তিঃ কৈবল্যদায়িনী ।
বিবিক্তসেবিনী প্রজ্ঞা জনয়িত্রী চ বহুশ্রুতিঃ ॥ ১৩০ ॥
নিরীহা চ সমস্তৈকা সর্বলোকৈকসেবিতা ।
শিবা শিবপ্রিয়া সেব্যা সেবাফলবিবর্দ্ধিনী ॥ ১৩১ ॥
কলৌ কল্কিপ্রিয়া কালী দুষ্টম্লেচ্ছবিনাশিনী ।
প্রত্যঞ্চা চ ধুনর্যষ্টিঃ খড্গধারা দুরানতিঃ ॥ ১৩২ ॥
অশ্বপ্লুতিশ্চ বল্গা চ সৃণিঃ স্যন্মৃত্যুবারিণী ।
বীরভূর্বীরমাতা চ বীরসূর্বীরনন্দিনী ॥ ১৩৩ ॥
জয়শ্রীর্জয়দীক্ষা চ জয়দা জয়বর্দ্ধিনী ।
সৌভাগ্যসুভগাকারা সর্বসৌভাগ্যবর্দ্ধিনী ॥ ১৩৪ ॥
ক্ষেমঙ্করী ক্ষেমরূপা সর্ত্কীত্তিঃ পথিদেবতা ।
সর্বতীর্থময়ীমূর্তিঃ সর্বদেবময়ীপ্রভা ॥ ১৩৫ ॥
সর্বসিদ্ধিপ্রদা শক্তিঃ সর্বমঙ্গলমঙ্গলা ।
পুণ্যং সহস্রনামেদং শিবায়াঃ শিবভাষিতম্ ॥ ১৩৬ ॥
য়ঃ পঠেত্প্রাতরুত্থায় শুচির্ভূত্বা সমাহিতঃ ।
য়শ্চাপিশৃণুয়ান্নিত্যং নরো নিশ্চলমানসঃ ॥ ১৩৭ ॥
এককালং দ্বিকালং বা ত্রিকালং শ্রদ্ধয়ান্বিতঃ ।
সর্বদুঃখবিনির্মুক্তো ধনধান্যসমন্বিতঃ ॥ ১৩৮ ॥
তেজস্বী বলবাঞ্ছূরঃ শোকরোগবিবর্জিতঃ ।
য়শস্বী কীর্তিমান্ধন্যঃ সুভগো লোকপূজিতঃ ॥ ১৩৯ ॥
রূপবান্গুণসম্পন্নঃ প্রভাবীর্যসমন্বিতঃ ।
শ্রেয়াংসি লভতেনিত্যং নিশ্চলাং চ শুভাং শ্রিয়ম্ ॥ ১৪০ ॥
সর্বপাপবিনির্মুক্তো লোভক্রোধ বিবর্জিতঃ ।
নিত্যং বন্ধুসুতৈর্ দারৈঃ পুত্রপৌত্রৈর্মহোত্সবৈঃ ॥ ১৪১ ॥
নন্দিতঃ সেবিতো ভৃত্যৈর্বহুভিঃ শুদ্ধমানসৈঃ ।
বিদ্যানাং পারগো বিপ্রঃ ক্ষত্রিয়ো বিজয়ী রণে । ॥ ১৪২ ॥
বৈশ্যস্তুধনলাভাঢ্যঃ শূদ্রশ্চসুখমেধতে ।
পুত্রার্থী লভতে পুত্রং ধনার্থী লভতে ধনম্ ॥ ১৪৩ ॥
ইচ্ছাকামং তু কামার্থী ধর্মার্থী ধর্মমক্ষয়ম্ ।
কন্যার্থী লভতে কন্যাং রূপশীলগুণন্বিতাম্ ॥ ১৪৪ ॥
ক্ষেত্রং চ বহুশস্যং স্যাদ্গাবস্তু বহুদুগ্ধদাঃ ।
নাশুভং নাপদস্তস্য ন ভয়ং নৃপশত্রুভিঃ ॥ ১৪৫ ॥
জায়তে না শুভাবুদ্ধির্লভতে কুলধুর্যতাম্ ।
ন বাধন্তে গ্রহাস্তস্য ন রক্ষাংসি ন পন্নগাঃ ॥ ১৪৬ ॥
ন পিশাচো ন ডাকিন্যো ভূতব্যন্তরজৃম্ভিকাঃ ।
বালগ্রহাভিভূতানাং বালানাং শান্তিকারকম্ ॥ ১৪৭ ॥
দ্বন্দ্বানাং প্রীতিভেদে চ মৈত্রীকরণমুত্তমম্ ।
লোহপাশৈর্দৃঢৈর্বদ্ধো বদ্ধো বেশ্মনি দুর্গমে ॥ ১৪৮ ॥
তিষ্ঠন্ শৃণ্বন্পঠেন্মর্ত্যো মুচ্যতে নাত্র সংশয়ঃ ।
ন দারাণাং ন পুত্রাণাং ন বন্ধূনাং ন মিত্রজম্ ॥ ১৪৯ ॥
পশ্যন্তি নহি তে শোকং হি বিয়োগং চিরজীবিতাম্ ।
অন্ধস্তু লভতে দৃষ্টিং চক্ষুরোগৈর্নবাধ্যতে ॥ ১৫০ ॥
বধিরঃ শ্রুতিমাপ্নোতি মূকো বাচং শুভান্নরঃ ।
এতদ্গর্ভা চ য়া নারী স্থিরগর্ভা প্রজায়তে ॥ ১৫১ ॥
স্রাবণী বদ্ধগর্ভা চ সুখমেবপ্রসূয়তে ।
কুষ্ঠিনঃ শীর্ণদেহা য়ে গতকেশনখত্বচঃ ॥ ১৫২ ॥
পঠনাচ্ছ্রবণা দ্বাপি দিব্যকায়া ভবন্তি তে ।
য়ে পঠন্তি শতাবর্তং শুচিষ্মন্তো জিতেন্দ্রিয়াঃ ॥ ১৫৩ ॥
অপুত্রাঃ প্রাপ্নুয়ুঃ পুত্রান্ শৃণ্বন্তোঽপি ন সংশয়ঃ ।
মহাব্যাধি পরিগ্রস্তাস্তপ্তা য়ে বিবিধৈর্জ্বরৈঃ ॥ ১৫৪ ॥
ভূতাভিষঙ্গ সঙ্ঘাতৈশ্চার্তুথিক তৃতীয়কৈঃ ।
অন্যৈশ্চ দারুণৈরোগৈঃ পীড্যমানাশ্চ মানবাঃ ॥ ১৫৫ ॥
গতবাধাঃ প্রজায়ন্তে মুক্তাস্তেতৈর্নসংশয়ঃ ।
শ্রুতিগ্রন্থধরোবালো দিব্যবাদী কবীশ্বরঃ ॥ ১৫৬ ॥
পঠনাচ্ছ্রবণাদ্বাপি ভবত্যেব ন সংশয়ঃ ।
অষ্টম্যাং বা চতুর্দশ্যাং নবম্যাং চৈকচেতসঃ ॥ ১৫৭ ॥
য়ে পঠন্তি সদাভক্ত্যা ন তে বৈ দুঃখভাগিনঃ ।
নবরাত্রং জিতাহারো দৃঢভক্তির্জিন্তেন্দ্রিয়ঃ ॥ ১৫৮ ॥
চণ্ডিকায়তনে বিদ্বান্চ্ছুচিষ্মান্ মূর্তিসন্নিধৌ ।
একাকী চ শতাবর্তং পঠন্ধীরশ্চ নির্ভয়ঃ ॥ ১৫৯ ॥
সাক্ষাদ্ভগবতী তস্মৈ প্রয়চ্ছেদীপ্সিতং ফলম্ ।
সিদ্ধপীঠে গিরৌ রম্যে সিদ্ধক্ষেত্রে সুরালয়ে ॥ ১৬০ ॥
পঠনাত্সাধকস্যাশু সিদ্ধির্ভবতি বাঞ্ছিতা ।
দশাবর্তং পঠেন্নিত্যং ভূমিশায়ী নরঃ শুচিঃ ॥ ১৬১ ॥
স্বপ্নে মূর্তিময়ীং দেবীং বরদাং সোঽপি পশ্যতি ।
আবর্তন সহস্রৈর্যে পঠন্তি পুরুষোত্তমাঃ ॥ ১৬২ ॥
তে সিদ্ধাঃ সিদ্ধিদা লোকে শাপানুগ্রহণে ক্ষমাঃ ।
কবিত্বং সংস্কৃতেতেষাং শাস্রাণাং ব্যাকৃতৌ ততঃ ॥ ১৬৩ ॥
শক্তিঃ প্রোন্মীল্যতে শাস্ত্রেষ্বনধীতেষু ভারতী ।
নখরাগশিরোরত্নদ্বিগুণীকৃতরোচিষঃ ॥ ১৬৪ ॥
প্রয়চ্ছন্তশ্চ সর্বস্বং সেবন্তে তান্মহীশ্বরাঃ ।
রোচনালিখিতং ভূর্জেং কুঙ্কুমেন শুভে দিনে ॥ ১৬৫ ॥
ধারয়েদ্যন্ত্রিতং দেহে পূজয়িত্বা কুমারিকাম্ ।
বিপ্রাঞ্শ্চ বরনারীশ্চ ধূপৈঃ কুসুমচন্দনৈঃ ॥ ১৬৬ ॥
ক্ষীরখণ্ডাজ্য ভোজ্যৈশ্চ পূজয়িত্বা সুভূষিতাঃ ।
বিধায় মাতৃকা ন্যাসং অঙ্গন্যাস পুরস্সরম্ ॥ ১৬৭ ॥
ভূতশুদ্ধি সমোপৈতং শৃঙ্খলা ন্যাসমাচরেত্ ।
য়থাবদাশাসম্বদ্ধঃ সাধকঃ প্রীতি সংয়ুতঃ ॥ ১৬৮ ॥
মূলমন্ত্রং জপেদ্বীমান্ পরয়া সংয়ুতোধিয়া ।
প্রণবং পূর্বমুদ্ধৃত্য রমাবীজমনুস্মরন্ ॥ ১৬৯ ॥
মায়া কামৌ সমুচ্চার্য পুনর্জায়াং বিভাবসোঃ ।
বধ্নন্তিয়ে মহারক্ষাং বালানাং চ বিশেষতঃ ॥ ১৭০ ॥
ভবন্তি নৃপ পূজ্যাস্তে কীর্তিভাজো য়শস্বিনঃ ।
শত্রুতো ন ভয়ংতেষাং দুর্জনেভ্যো ন রাজতঃ ॥ ১৭১ ॥
ন চ রোগো ন বৈ দুঃখ ন দারিদ্র্যং ন দুর্গতিঃ ।
মহার্ণবে মহানদ্যাং স্থিতেঽপি চ নভীঃ ক্বচিত্ ॥ ১৭২ ॥
রণে দ্যুতে বিবাদে চ বিজয়ং প্রাপ্নুবন্তি তে ।
নৃপাশ্চ বশ্যতাং য়ান্তি নৃপমান্যাশ্চ য়ে নরাঃ ॥ ১৭৩ ॥
সর্বত্র পূজিতা লোকে বহুমানপুরস্সরাঃ ।
রতিরাগবিবৃদ্ধাশ্চ বিহ্বলাঃ কামপীডিতাঃ ॥ ১৭৪ ॥
য়ৌবনাক্রান্তদেহা স্তাঃ শ্রয়ন্তে বামলোচনাঃ ।
লিখিতং মূর্ধ্নিকণ্ঠে বা ধারয়েদ্যো রণে শুচিঃ ॥ ১৭৫ ॥
শতধায়ুধ্যমানং তু প্রতিয়োদ্ধা ন পশ্যতি ।
কেতৌ বা দুন্দুভৌ য়েষাং নিবদ্ধং লিখিতং রণে ॥ ১৭৬ ॥
মহাসৈন্যে পরিত্রস্তান্কান্দিশীকান্হতৌজসঃ ।
বিচেতনান্বিমূঢাংশ্চ শত্রুকৃত্যবিবর্জিতান্ ॥ ১৭৭ ॥
নির্জিত্য শত্রুসঙ্ঘাস্তে লভন্তে বিজয়ং ধ্রুবম্ ।
নাভিচারো নে শাপশ্চ বাণবীরাদিকীলনম্ ॥ ১৭৮ ॥
ডাকিনী পূতনাকৃত্যা মহামারী চ শাকিনী ।
ভূতপ্রেত পিশাচাশ্চ রক্ষাংসি ব্যন্তরাদয়ঃ ॥ ১৭৯ ॥
ন বিশন্তি গৃহে দেহে লিখিতং য়ত্রতিষ্ঠতি ।
ন শস্ত্রানলতোয়ৌঘৈর্ভয়ং তস্যোপজায়তে ॥ ১৮০ ॥
দুর্বৃত্তানাং চ পাপানাং বলহানিকরং পরম্ ।
মন্দুরাকরিশালাসু গবাং গোষ্ঠে সমাহিতঃ ॥ ১৮১ ॥
পঠেত্তদ্দোষশান্ত্যর্থং কূটং কপটনাশিনী ।
য়মদূতান্ন পশ্যন্তি ন তে নিরয়য়াতনাম্ ॥ ১৮২ ॥
প্রাপ্নুবন্ত্যক্ষয়ং শান্তং শিবলোকং সনাতনম্ ।
সর্ববাধা সুঘোরাষু সর্বদুঃখনিবারণম্ ॥ ১৮৩ ॥
সর্বমঙ্গলকং স্বর্গ্যং পঠিতব্যং সমাহিতৈঃ ।
শ্রোতব্যং চ সদা ভক্ত্যা পরং স্বস্ত্যয়নং মহত্ ॥ ১৮৪ ॥
পুণ্যং সহস্রনামেদমম্বায়া রুদ্রভাষিতম্ ।
চতুর্বর্গপ্রদং সত্যং নন্দিকেন প্রকাশিতম্ ॥ ১৮৫ ॥
নাতঃ পরতরো মন্ত্রো নাতঃ পরতরঃ স্তবঃ ।
নাতঃ পরতরা বিদ্যা তীর্থং নাতঃ পরাত্পরম্ ॥ ১৮৬ ॥
তেধন্যাঃ কৃতপুণ্যাস্তে ত এব ভুবি পূজিতাঃ ।
একবারং মুদা নিত্যং য়েঽর্চয়ন্তি মহেশ্বরীম্ ॥ ১৮৭ ॥
দেবতানাং দেবতায়া ব্রহ্মাদ্যৈর্যা চ পূজিতা ।
ভূয়াত্সা বরদা লোকে সাধূনাং বিশ্বমঙ্গলা ॥ ১৮৮ ॥
এতামেব পুরারাদ্যাং বিদ্যাং ত্রিপুরভৈরবীম্ ।
ত্রৈলোক্যমোহিনীরূপামকার্ষীদ্ভগবান্হরিঃ ॥ ১৮৯ ॥
॥ ইতি শ্রীরুদ্রয়ামলেতন্ত্রে নন্দিকেশ্বরসংবাদে মহাপ্রভাবী
ভবানীনামসহস্রস্তোত্রং সম্পূর্ণম্ ॥
Also Read 1000 Names of Sri Bhavani:
1000 Names of Sri Bhavani | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
