Shri Chinnamasta Sahasranama Stotram Lyrics in Bengali:
॥ শ্রীছিন্নমস্তাসহস্রনামস্তোত্রম্ ॥
শ্রীগণেশায় নমঃ ।
শ্রীদেব্যুবাচ ।
দেবদেব মহাদেব সর্বশাস্ত্রবিদাংবর ।
কৃপাং কুরু জগন্নাথ কথয়স্ব মম প্রভো ॥ ১ ॥
প্রচণ্ডচণ্ডিকা দেবী সর্বলোকহিতৈষিণী ।
তস্যাশ্চ কথিতং সর্বং স্তবং চ কবচাদিকম্ ॥ ২ ॥
ইদানীং ছিন্নমস্তায়া নাম্নাং সাহস্রকং শুভম্ ।
ত্বং প্রকাশয় মে দেব কৃপয়া ভক্তবত্সল ॥ ৩ ॥
শ্রীশিব উবাচ ।
শৃণু দেবি প্রবক্ষ্যামি চ্ছিন্নায়াঃ সুমনোহরম্ ।
গোপনীয়ং প্রয়ত্নেন য়দীচ্ছেদাত্মনো হিতম্ ॥ ৪ ॥
ন বক্তব্যং চ কুত্রাপি প্রাণৈঃ কণ্ঠগতৈরপি ।
তচ্ছৃণুষ্ব মহেশানি সর্বং তত্কথয়ামি তে ॥ ৫ ॥
বিনা পূজাং বিনা ধ্যানং বিনা জাপ্যেন সিদ্ধ্যতি ।
বিনা ধ্যানং তথা দেবি বিনা ভূতাদিশোধনম্ ॥ ৬ ॥
পঠনাদেব সিদ্ধিঃ স্যাত্সত্যং সত্যং বরাননে ।
পুরা কৈলাসশিখরে সর্বদেবসভালয়ে ॥ ৭ ॥
পরিপপ্রচ্ছ কথিতং তথা শৃণু বরাননে ।
ওঁ অস্য শ্রীপ্রচণ্ডচণ্ডিকাসহস্রনামস্তোত্রস্য ভৈরব ঋষিঃ ,
সম্রাট্ ছন্দঃ , প্রচণ্ডচণ্ডিকা দেবতা ,
ধর্মার্থকামমোক্ষার্থে পাঠে বিনিয়োগঃ ॥ ৮ ॥
ওঁ প্রচণ্ডচণ্ডিকা চণ্ডা চণ্ডদৈত্যবিনাশিনী ।
চামুণ্ডা চ সচণ্ডা চ চপলা চারুদেহিনী ॥ ৯ ॥
ললজিহ্বা চলদ্রক্তা চারুচন্দ্রনিভাননা ।
চকোরাক্ষী চণ্ডনাদা চঞ্চলা চ মনোন্মদা ॥ ১০ ॥
চেতনা চিতিসংস্থা চ চিত্কলা জ্ঞানরূপিণী ।
মহাভয়ঙ্করী দেবী বরদাভয়ধারিণী ॥ ১১ ॥
ভবাঢ্যা ভবরূপা চ ভববন্ধবিমোচিনী ।
ভবানী ভুবনেশী চ ভবসংসারতারিণী ॥ ১২ ॥
ভবাব্ধির্ভবমোক্ষা চ ভববন্ধবিঘাতিনী ।
ভাগীরথী ভগস্থা চ ভাগ্যভোগপ্রদায়িনী ॥ ১৩ ॥
কমলা কামদা দুর্গা দুর্গবন্ধবিমোচিনী ।
দুর্দ্দর্শনা দুর্গরূপা দুর্জ্ঞেয়া দুর্গনাশিনী ॥ ১৪ ॥
দীনদুঃখহরা নিত্যা নিত্যশোকবিনাশিনী ।
নিত্যানন্দময়া দেবী নিত্যং কল্যাণকারিণী ॥ ১৫ ॥
সর্বার্থসাধনকরী সর্বসিদ্ধিস্বরূপিণী ।
সর্বক্ষোভণশক্তিশ্চ সর্ববিদ্রাবিণী পরা ॥ ১৬ ॥
সর্বরঞ্জনশক্তিশ্চ সর্বোন্মাদস্বরূপিণী ।
সর্বদা সিদ্ধিদাত্রী চ সিদ্ধবিদ্যাস্বরূপিণী ॥ ১৭ ॥
সকলা নিষ্কলা সিদ্ধা কলাতীতা কলাময়ী ।
কুলজ্ঞা কুলরূপা চ চক্ষুরানন্দদায়িনী ॥ ১৮ ॥
কুলীনা সামরূপা চ কামরূপা মনোহরা ।
কমলস্থা কঞ্জমুখী কুঞ্জরেশ্বরগামিনী ॥ ১৯ ॥
কুলরূপা কোটরাক্ষী কমলৈশ্বর্যদায়িনী ।
কুন্তী ককুদ্মিনী কুল্লা কুরুকুল্লা করালিকা ॥ ২০ ॥
কামেশ্বরী কামমাতা কামতাপবিমোচিনী ।
কামরূপা কামসত্বা কামকৌতুককারিণী ॥ ২১ ॥
কারুণ্যহৃদয়া ক্রীংক্রীংমন্ত্ররূপা চ কোটরা ।
কৌমোদকী কুমুদিনী কৈবল্যা কুলবাসিনী ॥ ২২ ॥
কেশবী কেশবারাধ্যা কেশিদৈত্যনিষূদিনী ।
ক্লেশহা ক্লেশরহিতা ক্লেশসঙ্ঘবিনাশিনী ॥ ২৩ ॥
করালী চ করালাস্যা করালাসুরনাশিনী ।
করালচর্মাসিধরা করালকলনাশিনী ॥ ২৪ ॥
কঙ্কিনী কঙ্কনিরতা কপালবরধারিণী ।
খড্গহস্তা ত্রিনেত্রা চ খণ্ডমুণ্ডাসিধারিণী ॥ ২৫ ॥
খলহা খলহন্ত্রী চ ক্ষরন্তী খগতা সদা ।
গঙ্গাগৌতমপূজ্যা চ গৌরী গন্ধর্ববাসিনী ॥ ২৬ ॥
গন্ধর্বা গগণারাধ্যা গণা গন্ধর্বসেবিতা ।
গণত্কারগণা দেবী নির্গুণা চ গুণাত্মিকা ॥ ২৭ ॥
গুণতা গুণদাত্রী চ গুণগৌরবদায়িনী ।
গণেশমাতা গম্ভীরা গগণা জ্যোতিকারিণী ॥ ২৮ ॥
গৌরাঙ্গী চ গয়া গম্যা গৌতমস্থানবাসিনী ।
গদাধরপ্রিয়া জ্ঞেয়া জ্ঞানগম্যা গুহেশ্বরী ॥ ২৯ ॥
গায়ত্রী চ গুণবতী গুণাতীতা গুণেশ্বরী ।
গণেশজননী দেবী গণেশবরদায়িনী ॥ ৩০ ॥
গণাধ্যক্ষনুতা নিত্যা গণাধ্যক্ষপ্রপূজিতা ।
গিরীশরমণী দেবী গিরীশপরিবন্দিতা ॥ ৩১ ॥
গতিদা গতিহা গীতা গৌতমী গুরুসেবিতা ।
গুরুপূজ্যা গুরুয়ুতা গুরুসেবনতত্পরা ॥ ৩২ ॥
গন্ধদ্বারা চ গন্ধাঢ্যা গন্ধাত্মা গন্ধকারিণী ।
গীর্বাণপতিসম্পূজ্যা গীর্বাণপতিতুষ্টিদা ॥ ৩৩ ॥
গীর্বাণাধিশরমণী গীর্বাণাধিশবন্দিতা ।
গীর্বাণাধিশসংসেব্যা গীর্বাণাধিশহর্ষদা ॥ ৩৪ ॥
গানশক্তির্গানগম্যা গানশক্তিপ্রদায়িনী ।
গানবিদ্যা গানসিদ্ধা গানসন্তুষ্টমানসা ॥ ৩৫ ॥
গানাতীতা গানগীতা গানহর্ষপ্রপূরিতা ।
গন্ধর্বপতিসংহৃষ্টা গন্ধর্বগুণমণ্ডিতা ॥ ৩৬ ॥
গন্ধর্বগণসংসেব্যা গন্ধর্বগণমধ্যগা ।
গন্ধর্বগণকুশলা গন্ধর্বগণপূজিতা ॥ ৩৭ ॥
গন্ধর্বগণনিরতা গন্ধর্বগণভূষিতা ।
ঘর্ঘরা ঘোররূপা চ ঘোরঘুর্ঘুরনাদিনী ॥ ৩৮ ॥
ঘর্মবিন্দুসমুদ্ভূতা ঘর্মবিন্দুস্বরূপিণী ।
ঘণ্টারবা ঘনরবা ঘনরূপা ঘনোদরী ॥ ৩৯ ॥
ঘোরসত্বা চ ঘনদা ঘণ্টানাদবিনোদনী ।
ঘোরচাণ্ডালিনী ঘোরা ঘোরচণ্ডবিনাশিনী ॥ ৪০ ॥
ঘোরদানবদমনী ঘোরদানবনাশিনী ।
ঘোরকর্মাদিরহিতা ঘোরকর্মনিষেবিতা ॥ ৪১ ॥
ঘোরতত্বময়ী দেবী ঘোরতত্ববিমোচনী ।
ঘোরকর্মাদিরহিতা ঘোরকর্মাদিপূরিতা ॥ ৪২ ॥
ঘোরকর্মাদিনিরতা ঘোরকর্মপ্রবর্দ্ধিনী ।
ঘোরভূতপ্রমথিনী ঘোরবেতালনাশিনী ॥ ৪৩ ॥
ঘোরদাবাগ্নিদমনী ঘোরশত্রুনিষূদিনী ।
ঘোরমন্ত্রয়ুতা চৈব ঘোরমন্ত্রপ্রপূজিতা ॥ ৪৪ ॥
ঘোরমন্ত্রমনোভিজ্ঞা ঘোরমন্ত্রফলপ্রদা ।
ঘোরমন্ত্রনিধিশ্চৈব ঘোরমন্ত্রকৃতাস্পদা ॥ ৪৫ ॥
ঘোরমন্ত্রেশ্বরী দেবী ঘোরমন্ত্রার্থমানসা ।
ঘোরমন্ত্রার্থতত্বজ্ঞা ঘোরমন্ত্রার্থপারগা ॥ ৪৬ ॥
ঘোরমন্ত্রার্থবিভবা ঘোরমন্ত্রার্থবোধিনী ।
ঘোরমন্ত্রার্থনিচয়া ঘোরমন্ত্রার্থজন্মভূঃ ॥ ৪৭ ॥
ঘোরমন্ত্রজপরতা ঘোরমন্ত্রজপোদ্যতা ।
ঙকারবর্ণানিলয়া ঙকারাক্ষরমণ্ডিতা ॥ ৪৮ ॥
ঙকারাপররূপা ঙকারাক্ষররূপিণী ।
চিত্ররূপা চিত্রনাডী চারুকেশী চয়প্রভা ॥ ৪৯ ॥
চঞ্চলা চঞ্চলাকারা চারুরূপা চ চণ্ডিকা ।
চতুর্বেদময়ী চণ্ডা চণ্ডালগণমণ্ডিতা ॥ ৫০ ॥
চাণ্ডালচ্ছেদিনী চণ্ডতপোনির্মূলকারিণী ।
চতুর্ভুজা চণ্ডরূপা চণ্ডমুণ্ডবিনাশিনী ॥ ৫১ ॥
চন্দ্রিকা চন্দ্রকীর্তিশ্চ চন্দ্রকান্তিস্তথৈব চ ।
চন্দ্রাস্যা চন্দ্ররূপা চ চন্দ্রমৌলিস্বরূপিণী ॥ ৫২ ॥
চন্দ্রমৌলিপ্রিয়া চন্দ্রমৌলিসন্তুষ্টমানসা ।
চকোরবন্ধুরমণী চকোরবন্ধুপূজিতা ॥ ৫৩ ॥
চক্ররূপা চক্রময়ী চক্রাকারস্বরূপিণী ।
চক্রপাণিপ্রিয়া চক্রপাণিপ্রীতিদায়িনী ॥ ৫৪ ॥
চক্রপাণিরসাভিজ্ঞা চক্রপাণিবরপ্রদা ।
চক্রপাণিবরোন্মত্তা চক্রপাণিস্বরূপিণী ॥ ৫৫ ॥
চক্রপাণিশ্বরী নিত্যং চক্রপাণিনমস্কৃতা ।
চক্রপাণিসমুদ্ভূতা চক্রপাণিগুণাস্পদা ॥ ৫৬ ॥
চন্দ্রাবলী চন্দ্রবতী চন্দ্রকোটিসমপ্রভা ।
চন্দনার্চিতপাদাব্জা চন্দনান্বিতমস্তকা ॥ ৫৭ ॥
চারুকীর্তিশ্চারুনেত্রা চারুচন্দ্রবিভূষণা ।
চারুভূষা চারুবেষা চারুবেষপ্রদায়িনী ॥ ৫৮ ॥
চারুভূষাভূষিতাঙ্গী চতুর্বক্ত্রবরপ্রদা ।
চতুর্বক্ত্রসমারাধ্যা চতুর্বক্ত্রসমাশ্রিতা ॥ ৫৯ ॥
চতুর্বক্ত্রচতুর্বাহা চতুর্থী চ চতুর্দশী ।
চিত্রা চর্মণ্বতী চৈত্রী চন্দ্রভাগা চ চম্পকা ॥ ৬০ ॥
চতুর্দ্দশয়মাকারা চতুর্দশয়মানুগা ।
চতুর্দশয়মপ্রীতা চতুর্দশয়মপ্রিয়া ॥ ৬১ ॥
ছলস্থা চ্ছিদ্ররূপা চ চ্ছদ্মদা চ্ছদ্মরাজিকা ।
ছিন্নমস্তা তথা চ্ছিন্না চ্ছিন্নমুণ্ডবিধারিণী ॥ ৬২ ॥
জয়দা জয়রূপা চ জয়ন্তী জয়মোহিনী ।
জয়া জীবনসংস্থা চ জালন্ধরনিবাসিনী ॥ ৬৩ ॥
জ্বালামুখী জ্বালদাত্রী জাজ্বল্যদহনোপমা ।
জগদ্বন্দ্যা জগত্পূজ্যা জগত্ত্রাণপরায়ণা ॥ ৬৪ ॥
জগতী জগতাধারা জন্মমৃত্যুজরাপহা ।
জননী জন্মভূমিশ্চজন্মদা জয়শালিনী ॥ ৬৫ ॥
জ্বররোগহরা জ্বালা জ্বালামালাপ্রপূরিতা ।
জম্ভারাতীশ্বরী জম্ভারাতিবৈভবকারিণী ॥ ৬৬ ॥
জম্ভারাতিস্তুতা জম্ভারাতিশত্রুনিষূদিনী ।
জয়দুর্গা জয়ারাধ্যা জয়কালী জয়েশ্বরী ॥ ৬৭ ॥
জয়তারা জয়াতীতা জয়শঙ্করবল্লভা ।
জয়দা জহ্নুতনয়া জলধিত্রাসকারিণী ॥ ৬৮ ॥
জলধিব্যাধিদমনী জলধিজ্বরনাশিনী ।
জঙ্গমেশী জাড্যহরা জাড্যসঙ্ঘনিবারিণী ॥ ৬৯ ॥
জাড্যগ্রস্তজনাতীতা জাড্যরোগনিবারিণী ।
জন্মদাত্রী জন্মহর্ত্রী জয়ঘোষসমন্বিতা ॥ ৭০ ॥
জপয়োগসমায়ুক্তা জপয়োগবিনোদিনী ।
জপয়োগপ্রিয়া জাপ্যা জপাতীতা জয়স্বনা ॥ ৭১ ॥
জায়াভাবস্থিতা জায়া জায়াভাবপ্রপূরণী ।
জপাকুসুমসঙ্কাশা জপাকুসুমপূজিতা ॥ ৭২ ॥
জপাকুসুমসম্প্রীতা জপাকুসুমমণ্ডিতা ।
জপাকুসুমবদ্ভাসা জপাকুসুমরূপিণী ॥ ৭৩ ॥
জমদগ্নিস্বরূপা চ জানকী জনকাত্মজা ।
ঝঞ্ঝাবাতপ্রমুক্তাঙ্গী ঝোরঝঙ্কারবাসিনী ॥ ৭৪ ॥
ঝঙ্কারকারিণী ঝঞ্ঝাবাতরূপা চ ঝঙ্করী ।
ঞকারাণুস্বরূপা চ টনটঙ্কারনাদিনী ॥ ৭৫ ॥
টঙ্কারী টকুবাণী চ ঠকারাক্ষররূপিণী ।
ডিণ্ডিমা চ তথা ডিম্ভা ডিণ্ডুডিণ্ডিমনাদিনী ॥ ৭৬ ॥
ঢক্কাময়ী ঢিলময়ী নৃত্যশব্দা বিলাসিনী ।
ঢক্কা ঢক্কেশ্বরী ঢক্কাশব্দরূপা তথৈব চ ॥ ৭৭ ॥
ঢক্কানাদপ্রিয়া ঢক্কানাদসন্তুষ্টমানসা ।
ণঙ্কারা ণাক্ষরময়ী ণাক্ষরাদিস্বরূপিণী ॥ ৭৮ ॥
ত্রিপুরা ত্রিপুরময়ী চৈব ত্রিশক্তিস্ত্রিগুণাত্মিকা ।
তামসী চ ত্রিলোকেশী ত্রিপুরা চ ত্রয়ীশ্বরী ॥ ৭৯ ॥
ত্রিবিদ্যা চ ত্রিরূপা চ ত্রিনেত্রা চ ত্রিরূপিণী ।
তারিণী তরলা তারা তারকারিপ্রপূজিতা ॥ ৮০ ॥
তারকারিসমারাধ্যা তারকারিবরপ্রদা ।
তারকারিপ্রসূস্তন্বী তরুণী তরলপ্রভা ॥ ৮১ ॥
ত্রিরূপা চ ত্রিপুরগা ত্রিশূলবরধারিণী ।
ত্রিশূলিনী তন্ত্রময়ী তন্ত্রশাস্ত্রবিশারদা ॥ ৮২ ॥
তন্ত্ররূপা তপোমূর্তিস্তন্ত্রমন্ত্রস্বরূপিণী ।
তডিত্তডিল্লতাকারা তত্বজ্ঞানপ্রদায়িনী ॥ ৮৩ ॥
তত্বজ্ঞানেশ্বরী দেবী তত্বজ্ঞানপ্রবোধিনী ।
ত্রয়ীময়ী ত্রয়ীসেব্যা ত্র্যক্ষরী ত্র্যক্ষরেশ্বরী ॥ ৮৪ ॥
তাপবিধ্বংসিনী তাপসঙ্ঘনির্মূলকারিণী ।
ত্রাসকর্ত্রী ত্রাসহর্ত্রী ত্রাসদাত্রী চ ত্রাসহা ॥ ৮৫ ॥
তিথীশা তিথিরূপা চ তিথিস্থা তিথিপূজিতা ।
তিলোত্তমা চ তিলদা তিলপ্রিতা তিলেশ্বরী ॥ ৮৬ ॥
ত্রিগুণা ত্রিগুণাকারা ত্রিপুরী ত্রিপুরাত্মিকা ।
ত্রিকুটা ত্রিকুটাকারা ত্রিকুটাচলমধ্যগা ॥ ৮৭ ॥
ত্রিজটা চ ত্রিনেত্রা চ ত্রিনেত্রবরসুন্দরী ।
তৃতীয়া চ ত্রিবর্ষা চ ত্রিবিধা ত্রিমতেশ্বরী ॥ ৮৮ ॥
ত্রিকোণস্থা ত্রিকোণেশী ত্রিকোণয়ন্ত্রমধ্যগা ।
ত্রিসন্ধ্যা চ ত্রিসন্ধ্যার্চ্যা ত্রিপদা ত্রিপদাস্পদা ॥ ৮৯ ॥
স্থানস্থিতা স্থলস্থা চ ধন্যস্থলনিবাসিনী ।
থকারাক্ষররূপা চ স্থলরূপা তথৈব চ ॥ ৯০ ॥
স্থূলহস্তা তথা স্থূলা স্থৈর্যরূপপ্রকাশিনী ।
দুর্গা দুর্গার্তিহন্ত্রী চ দুর্গবন্ধবিমোচিনী ॥ ৯১ ॥
দেবী দানবসংহন্ত্রী দনুজ্যেষ্ঠনিষূদিনী ।
দারাপত্যপ্রদা নিত্যা শঙ্করার্দ্ধাঙ্গধারিণী ॥ ৯২ ॥
দিব্যাঙ্গী দেবমাতা চ দেবদুষ্টবিনাশিনী ।
দীনদুঃখহরা দীনতাপনির্মূলকারিণী ॥ ৯৩ ॥
দীনমাতা দীনসেব্যা দীনদম্ভবিনাশিনী ।
দনুজধ্বংসিনী দেবী দেবকী দেববল্লভা ॥ ৯৪ ॥
দানবারিপ্রিয়া দীর্ঘা দানবারিপ্রপূজিতা ।
দীর্ঘস্বরা দীর্ঘতনুর্দ্দীর্ঘদুর্গতিনাশিনী ॥ ৯৫ ॥
দীর্ঘনেত্রা দীর্ঘচক্ষুর্দ্দীর্ঘকেশী দিগম্বরা ।
দিগম্বরপ্রিয়া দান্তা দিগম্বরস্বরূপিণী ॥ ৯৬ ॥
দুঃখহীনা দুঃখহরা দুঃখসাগরতারিণী ।
দুঃখদারিদ্র্যশমনী দুঃখদারিদ্র্যকারিণী ॥ ৯৭ ॥
দুঃখদা দুস্সহা দুষ্টখণ্ডনৈকস্বরূপিণী ।
দেববামা দেবসেব্যা দেবশক্তিপ্রদায়িনী ॥ ৯৮ ॥
দামিনী দামিনীপ্রীতা দামিনীশতসুন্দরী ।
দামিনীশতসংসেব্যা দামিনীদামভূষিতা ॥ ৯৯ ॥
দেবতাভাবসন্তুষ্টা দেবতাশতমধ্যগা ।
দয়ার্দ্দরা চ দয়ারূপা দয়াদানপরায়ণা ॥ ১০০ ॥
দয়াশীলা দয়াসারা দয়াসাগরসংস্থিতা ।
দশবিদ্যাত্মিকা দেবী দশবিদ্যাস্বরূপিণী ॥ ১০১ ॥
ধরণী ধনদা ধাত্রী ধন্যা ধন্যপরা শিবা ।
ধর্মরূপা ধনিষ্ঠা চ ধেয়া চ ধীরগোচরা ॥ ১০২ ॥
ধর্মরাজেশ্বরী ধর্মকর্মরূপা ধনেশ্বরী ।
ধনুর্বিদ্যা ধনুর্গম্যা ধনুর্দ্ধরবরপ্রদা ॥ ১০৩ ॥
ধর্মশীলা ধর্মলীলা ধর্মকর্মবিবর্জিতা ।
ধর্মদা ধর্মনিরতা ধর্মপাখণ্ডখণ্ডিনী ॥ ১০৪ ॥
ধর্মেশী ধর্মরূপা চ ধর্মরাজবরপ্রদা ।
ধর্মিণী ধর্মগেহস্থা ধর্মাধর্মস্বরূপিণী ॥ ১০৫ ॥
ধনদা ধনদপ্রীতা ধনধান্যসমৃদ্ধিদা ।
ধনধান্যসমৃদ্ধিস্থা ধনধান্যবিনাশিনী ॥ ১০৬ ॥
ধর্মনিষ্ঠা ধর্মধীরা ধর্মমার্গরতা সদা ।
ধর্মবীজকৃতস্থানা ধর্মবীজসুরক্ষিণী ॥ ১০৭ ॥
ধর্মবীজেশ্বরী ধর্মবীজরূপা চ ধর্মগা ।
ধর্মবীজসমুদ্ভূতা ধর্মবীজসমাশ্রিতা ॥ ১০৮ ॥
ধরাধরপতিপ্রাণা ধরাধরপতিস্তুতা ।
ধরাধরেন্দ্রতনুজা ধরাধরেন্দ্রবন্দিতা ॥ ১০৯ ॥
ধরাধরেন্দ্রগেহস্থা ধরাধরেন্দ্রপালিনী ।
ধরাধরেন্দ্রসর্বার্তিনাশিনী ধর্মপালিনী ॥ ১১০ ॥
নবীনা নির্ম্মলা নিত্যা নাগরাজপ্রপূজিতা ।
নাগেশ্বরী নাগমাতা নাগকন্যা চ নগ্নিকা ॥ ১১১ ॥
নির্লেপা নির্বিকল্পা চ নির্লোমা নিরুপদ্রবা ।
নিরাহারা নিরাকারা নিরঞ্জনস্বরূপিণী ॥ ১১২ ॥
নাগিনী নাগবিভবা নাগরাজপরিস্তুতা ।
নাগরাজগুণজ্ঞা চ নাগরাজসুখপ্রদা ॥ ১১৩ ॥
নাগলোকগতা নিত্যং নাগলোকনিবাসিনী ।
নাগলোকেশ্বরী নাগভাগিনী নাগপূজিতা ॥ ১১৪ ॥
নাগমধ্যস্থিতা নাগমোহসংক্ষোভদায়িনী ।
নৃত্যপ্রিয়া নৃত্যবতী নৃত্যগীতপরায়ণা ॥ ১১৫ ॥
নৃত্যেশ্বরী নর্তকী চ নৃত্যরূপা নিরাশ্রয়া ।
নারায়ণী নরেন্দ্রস্থা নরমুণ্ডাস্থিমালিনী ॥ ১১৬ ॥
নরমাংসপ্রিয়া নিত্যা নররক্তপ্রিয়া সদা ।
নররাজেশ্বরী নারীরূপা নারীস্বরূপিণী ॥ ১১৭ ॥
নারীগণার্চিতা নারীমধ্যগা নূতনাম্বরা ।
নর্মদা চ নদীরূপা নদীসঙ্গমসংস্থিতা ॥ ১১৮ ॥
নর্মদেশ্বরসম্প্রীতা নর্মদেশ্বররূপিণী ।
পদ্মাবতী পদ্মমুখী পদ্মকিঞ্জল্কবাসিনী ॥ ১১৯ ॥
পট্টবস্ত্রপরীধানা পদ্মরাগবিভূষিতা ।
পরমা প্রীতিদা নিত্যং প্রেতাসননিবাসিনী ॥ ১২০ ॥
পরিপূর্ণরসোন্মত্তা প্রেমবিহ্বলবল্লভা ।
পবিত্রাসবনিষ্পূতা প্রেয়সী পরমাত্মিকা ॥ ১২১ ॥
প্রিয়ব্রতপরা নিত্যং পরমপ্রেমদায়িনী ।
পুষ্পপ্রিয়া পদ্মকোশা পদ্মধর্মনিবাসিনী ॥ ১২২ ॥
ফেত্কারিণী তন্ত্ররূপা ফেরুফেরবনাদিনী ।
বংশিনী বংশরূপা চ বগলা বামরূপিণী ॥ ১২৩ ॥
বাঙ্ময়ী বসুধা ধৃষ্যা বাগ্ভবাখ্যা বরা নরা ।
বুদ্ধিদা বুদ্ধিরূপা চ বিদ্যা বাদস্বরূপিণী ॥ ১২৪ ॥
বালা বৃদ্ধময়ীরূপা বাণী বাক্যনিবাসিনী ।
বরুণা বাগ্বতী বীরা বীরভূষণভূষিতা ॥ ১২৫ ॥
বীরভদ্রার্চিতপদা বীরভদ্রপ্রসূরপি ।
বেদমার্গরতা বেদমন্ত্ররূপা বষট্ প্রিয়া ॥ ১২৬ ॥
বীণাবাদ্যসমায়ুক্তা বীণাবাদ্যপরায়ণা ।
বীণারবা তথা বীণাশব্দরূপা চ বৈষ্ণবী ॥ ১২৭ ॥
বৈষ্ণবাচারনিরতা বৈষ্ণবাচারতত্পরা ।
বিষ্ণুসেব্যা বিষ্ণুপত্নী বিষ্ণুরূপা বরাননা ॥ ১২৮ ॥
বিশ্বেশ্বরী বিশ্বমাতা বিশ্বনির্মাণকারিণী ।
বিশ্বরূপা চ বিশ্বেশী বিশ্বসংহারকারিণী ॥ ১২৯ ॥
ভৈরবী ভৈরবারাধ্যা ভূতভৈরবসেবিতা ।
ভৈরবেশী তথা ভীমা ভৈরবেশ্বরতুষ্টিদা ॥ ১৩০ ॥
ভৈরবাধিশরমণী ভৈরবাধিশপালিনী ।
ভীমেশ্বরী ভীমমাতা ভীমশব্দপরায়ণা ॥ ১৩১ ॥
ভীমরূপা চ ভীমেশী ভীমা ভীমবরপ্রদা ।
ভীমপূজিতপাদাব্জা ভীমভৈরবপালিনী ॥ ১৩২ ॥
ভীমাসুরধ্বংসকরী ভীমদুষ্টবিনাশিনী ।
ভুবনা ভুবনারাধ্যা ভবানী ভূতিদা সদা ॥ ১৩৩ ॥
ভয়দা ভয়হন্ত্রী চ অভয়া ভয়রূপিণী ।
ভীমনাদা বিহ্বলা চ ভয়ভীতিবিনাশিনী ॥ ১৩৪ ॥
মত্তা প্রমত্তরূপা চ মদোন্মত্তস্বরূপিণী ।
মান্যা মনোজ্ঞা মানা চ মঙ্গলা চ মনোহরা ॥ ১৩৫ ॥
মাননীয়া মহাপূজ্যা মহামহিষমর্দ্দিনী ।
মহিষাসুরহন্ত্রী চ মাতঙ্গী ময়বাসিনী ॥ ১৩৬ ॥
মাধ্বী মধুময়ী মুদ্রা মুদ্রিকা মন্ত্ররূপিণী ।
মহাবিশ্বেশ্বরী দূতী মৌলিচন্দ্রপ্রকাশিনী ॥ ১৩৭ ॥
য়শঃস্বরূপিণী দেবী য়োগমার্গপ্রদায়িনী ।
য়োগিনী য়োগগম্যা চ য়াম্যেশী য়োগরূপিণী ॥ ১৩৮ ॥
য়জ্ঞাঙ্গী চ য়োগময়ী জপরূপা জপাত্মিকা ।
য়ুগাখ্যা চ য়ুগান্তা চ য়োনিমণ্ডলবাসিনী ॥ ১৩৯ ॥
অয়োনিজা য়োগনিদ্রা য়োগানন্দপ্রদায়িনী ।
রমা রতিপ্রিয়া নিত্যং রতিরাগবিবর্দ্ধিনী ॥ ১৪০ ॥
রমণী রাসসম্ভূতা রম্যা রাসপ্রিয়া রসা ।
রণোত্কণ্ঠা রণস্থা চ বরা রঙ্গপ্রদায়িনী ॥ ১৪১ ॥
রেবতী রণজৈত্রী চ রসোদ্ভূতা রণোত্সবা ।
লতা লাবণ্যরূপা চ লবণাব্ধিস্বরূপিণী ॥ ১৪২ ॥
লবঙ্গকুসুমারাধ্যা লোলজিহ্বা চ লেলিহা ।
বশিনী বনসংস্থা চ বনপুষ্পপ্রিয়া বরা ॥ ১৪৩ ॥
প্রাণেশ্বরী বুদ্ধিরূপা বুদ্ধিদাত্রী বুধাত্মিকা ।
শমনী শ্বেতবর্ণা চ শাঙ্করী শিবভাষিণী ॥ ১৪৪ ॥
শ্যাম্যরূপা শক্তিরূপা শক্তিবিন্দুনিবাসিনী ।
সর্বেশ্বরী সর্বদাত্রী সর্বমাতা চ শর্বরী ॥ ১৪৫ ॥
শাম্ভবী সিদ্ধিদা সিদ্ধা সুষুম্না সুরভাসিনী ।
সহস্রদলমধ্যস্থা সহস্রদলবর্ত্তিনী ॥ ১৪৬ ॥
হরপ্রিয়া হরধ্যেয়া হূঁকারবীজরূপিণী ।
লঙ্কেশ্বরী চ তরলা লোমমাংসপ্রপূজিতা ॥ ১৪৭ ॥
ক্ষেম্যা ক্ষেমকরী ক্ষামা ক্ষীরবিন্দুস্বরূপিণী ।
ক্ষিপ্তচিত্তপ্রদা নিত্যং ক্ষৌমবস্ত্রবিলাসিনী ॥ ১৪৮ ॥
ছিন্না চ চ্ছিন্নরূপা চ ক্ষুধা ক্ষৌত্কাররূপিণী ।
সর্ববর্ণময়ী দেবী সর্বসম্পত্প্রদায়িনী ॥ ১৪৯ ॥
সর্বসম্পত্প্রদাত্রী চ সম্পদাপদ্বিভূষিতা ।
সত্ত্বরূপা চ সর্বার্থা সর্বদেবপ্রপূজিতা ॥ ১৫০ ॥
সর্বেশ্বরী সর্বমাতা সর্বজ্ঞা সুরসৃত্মিকা ।
সিন্ধুর্মন্দাকিনী গঙ্গা নদীসাগররূপিণী ॥ ১৫১ ॥
সুকেশী মুক্তকেশী চ ডাকিনী বরবর্ণিনী ।
জ্ঞানদা জ্ঞানগগনা সোমমণ্ডলবাসিনী ॥ ১৫২ ॥
আকাশনিলয়া নিত্যা পরমাকাশরূপিণী ।
অন্নপূর্ণা মহানিত্যা মহাদেবরসোদ্ভবা ॥ ১৫৩ ॥
মঙ্গলা কালিকা চণ্ডা চণ্ডনাদাতিভীষণা ।
চণ্ডাসুরস্য মথিনী চামুণ্ডা চপলাত্মিকা ॥ ১৫৪ ॥
চণ্ডী চামরকেশী চ চলত্কুণ্ডলধারিণী ।
মুণ্ডমালাধরা নিত্যা খণ্ডমুণ্ডবিলাসিনী ॥ ১৫৫ ॥
খড্গহস্তা মুণ্ডহস্তা বরহস্তা বরপ্রদা ।
অসিচর্মধরা নিত্যা পাশাঙ্কুশধরা পরা ॥ ১৫৬ ॥
শূলহস্তা শিবহস্তা ঘণ্টানাদবিলাসিনী ।
ধনুর্বাণধরাঽঽদিত্যা নাগহস্তা নগাত্মজা ॥ ১৫৭ ॥
মহিষাসুরহন্ত্রী চ রক্তবীজবিনাশিনী ।
রক্তরূপা রক্তগা চ রক্তহস্তা ভয়প্রদা ॥ ১৫৮ ॥
অসিতা চ ধর্মধরা পাশাঙ্কুশধরা পরা ।
ধনুর্বাণধরা নিত্যা ধূম্রলোচননাশিনী ॥ ১৫৯ ॥
পরস্থা দেবতামূর্তিঃ শর্বাণী শারদা পরা ।
নানাবর্ণবিভূষাঙ্গী নানারাগসমাপিনী ॥ ১৬০ ॥
পশুবস্ত্রপরীধানা পুষ্পায়ুধধরা পরা ।
মুক্তরঞ্জিতমালাঢ্যা মুক্তাহারবিলাসিনী ॥ ১৬১ ॥
স্বর্ণকুণ্ডলভূষা চ স্বর্ণসিংহাসনস্থিতা ।
সুন্দরাঙ্গী সুবর্ণাভা শাম্ভবী শকটাত্মিকা ॥ ১৬২ ॥
সর্বলোকেশবিদ্যা চ মোহসম্মোহকারিণী ।
শ্রেয়সী সৃষ্টিরূপা চ চ্ছিন্নচ্ছদ্মময়ী চ্ছলা ॥ ১৬৩ ॥
ছিন্নমুণ্ডধরা নিত্যা নিত্যানন্দবিধায়িনী ।
নন্দা পূর্ণা চ রিক্তা চ তিথয়ঃ পূর্ণষোডশী ॥ ১৬৪ ॥
কুহূঃ সঙ্ক্রান্তিরূপা চ পঞ্চপর্ববিলাসিনী ।
পঞ্চবাণধরা নিত্যা পঞ্চমপ্রীতিদা পরা ॥ ১৬৫ ॥
পঞ্চপত্রাভিলাষা চ পঞ্চামৃতবিলাসিনী ।
পঞ্চালী পঞ্চমী দেবী পঞ্চরক্তপ্রসারিণী ॥ ১৬৬ ॥
পঞ্চবাণধরা নিত্যা নিত্যদাত্রী দয়াপরা ।
পললাদিপ্রিয়া নিত্যাঽপশুগম্যা পরেশিতা ॥ ১৬৭ ॥
পরা পররহস্যা চ পরমপ্রেমবিহ্বলা ।
কুলিনা কেশিমার্গস্থা কুলমার্গপ্রকাশিনী ॥ ১৬৮ ॥
কুলাকুলস্বরূপা চ কুলার্ণবময়ী কুলা ।
রুক্মা চ কালরূপা চ কালকম্পনকারিণী ॥ ১৬৯ ॥
বিলাসরূপিণী ভদ্রা কুলাকুলনমস্কৃতা ।
কুবেরবিত্তধাত্রী চ কুমারজননী পরা ॥ ১৭০ ॥
কুমারীরূপসংস্থা চ কুমারীপূজনাম্বিকা ।
কুরঙ্গনয়না দেবী দিনেশাস্যাঽপরাজিতা ॥ ১৭১ ॥
কুণ্ডলীকদলী সেনা কুমার্গরহিতা বরা ।
অনতরূপাঽনন্তস্থা আনন্দসিন্ধুবাসিনী ॥ ১৭২ ॥
ইলাস্বরূপিণী দেবী ইঈভেদভয়ঙ্করী ।
ইডা চ পিঙ্গলা নাডী ইকারাক্ষররূপিণী ॥ ১৭৩ ॥
উমা চোত্পত্তিরূপা চ উচ্চভাববিনাশিনী ।
ঋগ্বেদা চ নিরারাধ্যা য়জুর্বেদপ্রপূজিতা ॥ ১৭৪ ॥
সামবেদেন সঙ্গীতা অথর্ববেদভাষিণী ।
ঋকাররূপিণী ঋক্ষা নিরক্ষরস্বরূপিণী ॥ ১৭৫ ॥
অহিদুর্গাসমাচারা ইকারার্ণস্বরূপিণী ।
ওঁকারা প্রণবস্থা চ ওঁকারাদিস্বরূপিণী ॥ ১৭৬ ॥
অনুলোমবিলোমস্থা থকারবর্ণসম্ভবা ।
পঞ্চাশদ্বর্ণবীজাঢ্যা পঞ্চাশন্মুণ্ডমালিকা ॥ ১৭৭ ॥
প্রত্যেকা দশসংখ্যা চ ষোডশী চ্ছিন্নমস্তকা ।
ষডঙ্গয়ুবতীপূজ্যা ষডঙ্গরূপবর্জিতা ॥ ১৭৮ ॥
ষড্বক্ত্রসংশ্রিতা নিত্যা বিশ্বেশী খড্গদালয়া ।
মালামন্ত্রময়ী মন্ত্রজপমাতা মদালসা ॥ ১৭৯ ॥
সর্ববিশ্বেশ্বরী শক্তিঃ সর্বানন্দপ্রদায়িনী ।
ইতি শ্রীচ্ছিন্নমস্তায়া নামসহস্রমুত্তমম্ ॥ ১৮০ ॥
পূজাক্রমেণ কথিতং সাধকানাং সুখাবহম্ ।
গোপনীয়ং গোপনীয়ং গোপনীয়ং ন সংশয়ঃ ॥ ১৮১ ॥
অর্দ্ধরাত্রে মুক্তকেশো ভক্তিয়ুক্তো ভবেন্নরঃ ।
জপিত্বা পূজয়িত্বা চ পঠেন্নামসহস্রকম্ ॥ ১৮২ ॥
বিদ্যাসিদ্ধির্ভবেত্তস্য ষণ্মাসাভ্যাসয়োগতঃ ।
য়েন কেন প্রকারেণ দেবীভক্তিপরো ভবেত্ ॥ ১৮৩ ॥
অখিলান্স্তম্ভয়েল্লোকাংরাজ্ঞোঽপি মোহয়েত্সদা ।
আকর্ষয়েদ্দেবশক্তিং মারয়েদ্দেবি বিদ্বিষম্ ॥ ১৮৪ ॥
শত্রবো দাসতাং য়ান্তি য়ান্তি পাপানি সংক্ষয়ম্ ।
মৃত্যুশ্চ ক্ষয়তাং য়াতি পঠনাদ্ভাষণাত্প্রিয়ে ॥ ১৮৫ ॥
প্রশস্তায়াঃ প্রসাদেন কিং ন সিদ্ধ্যতি ভূতলে ।
ইদং রহস্যং পরমং পরং স্বস্ত্যয়নং মহত্ ॥ ১৮৬ ॥
ধৃত্বা বাহৌ মহাসিদ্ধিঃ প্রাপ্যতে নাত্র সংশয়ঃ ।
অনয়া সদৃশী বিদ্যা বিদ্যতে ন মহেশ্বরি ॥ ১৮৭ ॥
বারমেকং তু য়োঽধীতে সর্বসিদ্ধীশ্বরো ভবেত্ ।
কুলবারে কুলাষ্টম্যাং কুহূসঙ্ক্রান্তিপর্বসু ॥ ১৮৮ ॥
য়শ্চেমং পঠতে বিদ্যাং তস্য সম্যক্ফলং শৃণু ।
অষ্টোত্তরশতং জপ্ত্বা পঠেন্নামসহস্রকম্ ॥ ১৮৯ ॥
ভক্ত্যা স্তুত্বা মহাদেবি সর্বপাপাত্প্রমুচ্যতে ।
সর্বপাপৈর্বিনির্মুক্তঃ সর্বসিদ্ধীশ্বরো ভবেত্ ॥ ১৯০ ॥
অষ্টম্যাং বা নিশীথে চ চতুষ্পথগতো নরঃ ।
মাষভক্তবলিং দত্বা পঠেন্নামসহস্রকম্ ॥ ১৯১ ॥
সুদর্শবামবেদ্যাং তু মাসত্রয়বিধানতঃ ।
দুর্জয়ঃ কামরূপশ্চ মহাবলপরাক্রমঃ ॥ ১৯২ ॥
কুমারীপূজনং নাম মন্ত্রমাত্রং পঠেন্নরঃ ।
এতন্মন্ত্রস্য পঠনাত্সর্বসিদ্ধীশ্বরো ভবেত্ ॥ ১৯৩ ॥
ইতি তে কথিতং দেবি সর্বসিদ্ধিপরং নরঃ ।
জপ্ত্বা স্তুত্বা মহাদেবীং সর্বপাপৈঃ প্রমুচ্যতে ॥ ১৯৪ ॥
ন প্রকাশ্যমিদং দেবি সর্বদেবনমস্কৃতম্ ।
ইদং রহস্যং পরমং গোপ্তব্যং পশুসঙ্কটে ॥ ১৯৫ ॥
ইতি সকলবিভূতের্হেতুভূতং প্রশস্তং পঠতি
য় ইহ মর্ত্ত্যশ্ছিন্নমস্তাস্তবং চ ।
ধনদ ইব ধনাঢ্যো মাননীয়ো নৃপাণাং স ভবতি
চ জনানামাশ্রয়ঃ সিদ্ধিবেত্তা ॥ ১৯৬ ॥
॥ ইতি শ্রীবিশ্বসারতন্ত্রে শিবপার্বতীসংবাদে
শ্রীচ্ছিন্নমস্তাসহস্রনামস্তোত্রং সম্পূর্ণম্ ॥
Also Read 1000 Names of Sri Chinnamasta Stotram:
1000 Names Sri Chinnamasta | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil