Templesinindiainfo

Best Spiritual Website

1000 Names of Sri Devi or Parvati | Sahasranama Stotram Lyrics in Tamil

Shri Devi or Parvathisahasranamastotram Lyrics in Tamil:

॥ ஶ்ரீதே³வீ அத²வா பார்வதிஸஹஸ்ரநாமஸ்தோத்ரம் கூர்மபுராணாந்தர்க³தம் ॥

அத² தே³வீமாஹாத்ம்யம் ।
ஸூத உவாச
இத்யாகர்ண்யாத² முநய: கூர்மரூபேண பா⁴ஷிதம் ।
விஷ்ணுநா புநரேவைநம் ப்ரணதா ஹரிம் ॥ 12।1 ॥

ருʼஷய: ஊசு:
கைஷா ப⁴க³வதீ தே³வீ ஶங்கரார்த்³த⁴ஶரீரிணீ ।
ஶிவா ஸதீ ஹைமவதீ யதா²வத்³ப்³ரூஹி ப்ருʼச்ச²தாம் ॥ 12।2 ॥

தேஷாம் தத்³வசநம் ஶ்ருத்வா முநீநாம் புருஷோத்தம: ।
ப்ரத்யுவாச மஹாயோகீ³ த்⁴யாத்வா ஸ்வம் பரமம் பத³ம் ॥ 12।3 ॥

ஶ்ரீகூர்ம உவாச
புரா பிதாமஹேநோக்தம் மேருப்ருʼஷ்டே² ஸுஶோப⁴நே ।
ரஹஸ்யமேதத்³ விஜ்ஞாநம் கோ³பநீயம் விஶேஷத: ॥ 12।4 ॥

ஸாங்க்²யாநாம் பரமம் ஸாங்க்²யம் ப்³ரஹ்மவிஜ்ஞாநமுத்தமம் ।
ஸம்ஸாரார்ணவமக்³நாநாம் ஜந்தூநாமேகமோசநம் ॥ 12।5 ॥

யா ஸா மாஹேஶ்வரீ ஶக்திர்ஜ்ஞாநரூபாঽதிலாலஸா ।
வ்யோமஸம்ஜ்ஞா பரா காஷ்டா² ஸேயம் ஹைமவதீ மதா ॥ 12।6 ॥

ஶிவா ஸர்வக³தாঽநாந்தா கு³ணாதீதாதிநிஷ்கலா ।
ஏகாநேகவிபா⁴க³ஸ்தா² ஜ்ஞாநரூபாঽதிலாலஸா ॥ 12।7 ॥

அநந்யா நிஷ்கலே தத்த்வே ஸம்ஸ்தி²தா தஸ்ய தேஜஸா ।
ஸ்வாபா⁴விகீ ச தந்மூலா ப்ரபா⁴ பா⁴நோரிவாமலா ॥ 12।8 ॥

ஏகா மாஹேஶ்வரீ ஶக்திரநேகோபாதி⁴யோக³த: ।
பராவரேண ரூபேண க்ரீட³தே தஸ்ய ஸந்நிதௌ⁴ ॥ 12।9 ॥

ஸேயம் கரோதி ஸகலம் தஸ்யா: கார்யமித³ம் ஜக³த் ।
ந கார்யம் நாபி கரணமீஶ்வரஸ்யேதி ஸூரய: ॥ 12।10 ॥

சதஸ்ர: ஶக்தயோ தே³வ்யா: ஸ்வரூபத்வேந ஸம்ஸ்தி²தா: ।
அதி⁴ஷ்டா²நவஶாத்தஸ்யா: ஶ்ருʼணுத்⁴வம் முநிபுங்க³வா: ॥ 12।11 ॥

ஶாந்திர்வித்³யா ப்ரதிஷ்டா² ச நிவ்ருʼத்திஶ்சேதி தா: ஸ்ம்ருʼதா: ।
சதுர்வ்யூஹஸ்ததோ தே³வ: ப்ரோச்யதே பரமேஶ்வர: ॥ 12।12 ॥

அநயா பரயா தே³வ: ஸ்வாத்மாநந்த³ம் ஸமஶ்நுதே ।
சதுர்ஷ்வபி ச வேதே³ஷு சதுர்மூர்திர்மஹேஶ்வர: ॥ 12।13 ॥

அஸ்யாஸ்த்வநாதி³ஸம்ஸித்³த⁴மைஶ்வர்யமதுலம் மஹத் ।
தத்ஸம்ப³ந்தா⁴த³நந்தாயா ருத்³ரேண பரமாத்மநா ॥ 12।14 ॥

ஸைஷா ஸர்வேஶ்வரீ தே³வீ ஸர்வபூ⁴தப்ரவர்திகா ।
ப்ரோச்யதே ப⁴க³வாந் காலோ ஹரி: ப்ராணோ மஹேஶ்வர: ॥ 12।15 ॥

தத்ர ஸர்வமித³ம் ப்ரோதமோதஞ்சைவாகி²லம் ஜக³த் ।
ஸ காலோঽக்³நிர்ஹரோ ருத்³ரோ கீ³யதே வேத³வாதி³பி:⁴ ॥ 12।16 ॥

கால: ஸ்ருʼஜதி பூ⁴தாநி கால: ஸம்ஹரதே ப்ரஜா: ।
ஸர்வே காலஸ்ய வஶகா³ ந கால: கஸ்யசித்³ வஶே ॥ 12।17 ॥

ப்ரதா⁴நம் புருஷஸ்தத்த்வம் மஹாநாத்மா த்வஹங்க்ருʼதி: ।
காலேநாந்யாநி தத்த்வாநி ஸமாவிஷ்டாநி யோகி³நா ॥ 12।18 ॥

தஸ்ய ஸர்வஜக³ந்மூர்தி: ஶக்திர்மாயேதி விஶ்ருதா ।
ததே³யம் ப்⁴ராமயேதீ³ஶோ மாயாவீ புருஷோத்தம: ॥ 12।19 ॥

ஸைஷா மாயாத்மிகா ஶக்தி: ஸர்வாகாரா ஸநாதநீ ।
வைஶ்வரூபம் மஹேஶஸ்ய ஸர்வதா³ ஸம்ப்ரகாஶயேத் ॥ 12।20 ॥

அந்யாஶ்ச ஶக்தயோ முக்²யாஸ்தஸ்ய தே³வஸ்ய நிர்மிதா: ।
ஜ்ஞாநஶக்தி: க்ரியாஶக்தி: ப்ராணஶக்திரிதி த்ரயம் ॥ 12।21 ॥

ஸர்வாஸாமேவ ஶக்தீநாம் ஶக்திமந்தோ விநிர்மிதா: ।
மாயயைவாத² விப்ரேந்த்³ரா: ஸா சாநாதி³ரநஶ்வரா: ॥ 12।22 ॥

ஸர்வஶக்த்யாத்மிகா மாயா து³ர்நிவாரா து³ரத்யயா ।
மாயாவீ ஸர்வஶக்தீஶ: கால: காலகார: ப்ரபு:⁴ ॥ 12।23 ॥

கரோதி கால: ஸகலம் ஸம்ஹரேத் கால ஏவ ஹி ।
கால: ஸ்தா²பயதே விஶ்வம் காலாதீ⁴நமித³ம் ஜக³த் ॥ 12।24 ॥

லப்³த்⁴வா தே³வாதி⁴தே³வஸ்ய ஸந்நிதி⁴ம் பரமேஷ்டி²ந: ।
அநந்தஸ்யாகி²லேஶஸ்ய ஶம்போ:⁴ காலாத்மந: ப்ரபோ:⁴ ॥ 12।25 ॥

ப்ரதா⁴நம் புருஷோ மாயா மாயா சைவம் ப்ரபத்³யதே ।
ஏகா ஸர்வக³தாநந்தா கேவலா நிஷ்கலா ஶிவா ॥ 12।26 ॥

ஏகா ஶக்தி: ஶிவைகோঽபி ஶக்திமாநுச்யதே ஶிவ: ।
ஶக்தய: ஶக்திமந்தோঽந்யே ஸர்வஶக்திஸமுத்³ப⁴வா: ॥ 12।27 ॥

ஶக்திஶக்திமதோர்பே⁴த³ம் வத³ந்தி பரமார்த²த: ।
அபே⁴த³ஞ்சாநுபஶ்யந்தி யோகி³நஸ்தத்த்வசிந்தகா: ॥ 12।28 ॥

ஶக்தயோ கி³ரஜா தே³வீ ஶக்திமாநத² ஶங்கர: ।
விஶேஷ: கத்²யதே சாயம் புராணே ப்³ரஹ்மவாதி³பி:⁴ ॥ 12।29 ॥

போ⁴க்³யா விஶ்வேஶ்வரீ தே³வீ மஹேஶ்வரபதிவ்ரதா ।
ப்ரோச்யதே ப⁴க³வாந் போ⁴க்தா கபர்தீ³ நீலலோஹித: ॥ 12।30 ॥

மந்தா விஶ்வேஶ்வரோ தே³வ: ஶங்கரோ மந்மதா²ந்தக: ।
ப்ரோச்யதே மதிரீஶாநீ மந்தவ்யா ச விசாரத: ॥ 12।31 ॥

இத்யேதத³கி²லம் விப்ரா: ஶக்திஶக்திமது³த்³ப⁴வம் ।
ப்ரோச்யதே ஸர்வவேதே³ஷு முநிபி⁴ஸ்தத்த்வத³ர்ஶிபி:⁴ ॥ 12।32 ॥

ஏதத்ப்ரத³ர்ஶிதம் தி³வ்யம் தே³வ்யா மாஹாத்ம்யமுத்தமம் ।
ஸர்வவேதா³ந்தவீதே³ஷு நிஶ்சிதம் ப்³ரஹ்மவாதி³பி:⁴ ॥ 12।33 ॥

ஏகம் ஸர்வக³தம் ஸூக்ஷ்மம் கூடஸ்த²மசலம் த்⁴ருவம் ।
யோகி³நஸ்தத்ப்ரபஶ்யந்தி மஹாதே³வ்யா: பரம் பத³ம் ॥ 12।34 ॥

ஆநந்த³மக்ஷரம் ப்³ரஹ்ம கேவலம் நிஷ்கலம் பரம் ।
யோகி³நஸ்தத்ப்ரபஶ்யந்தி மஹாதே³வ்யா: பரம் பத³ம் ॥ 12।35 ॥

பராத்பரதரம் தத்த்வம் ஶாஶ்வதம் ஶிவமச்யுதம் ।
அநந்தப்ரக்ருʼதௌ லீநம் தே³வ்யாஸ்தத்பரமம் பத³ம் ॥ 12।36 ॥

ஶுப⁴ம் நிரஞ்ஜநம் ஶுத்³த⁴ம் நிர்கு³ணம் த்³வைதவர்ஜிதம் ।
ஆத்மோபலப்³தி⁴விஷயம் தே³வ்யாஸ்ததபரமம் பத³ம் ॥ 12।37 ॥

ஸைஷா தா⁴த்ரீ விதா⁴த்ரீ ச பரமாநந்த³மிச்ச²தாம் ।
ஸம்ஸாரதாபாநகி²லாந்நிஹந்தீஶ்வரஸம்ஶ்ரயா ॥ 12।38 ॥

தஸ்மாத்³விமுக்திமந்விச்ச²ந் பார்வதீம் பரமேஶ்வரீம் ।
ஆஶ்ரயேத்ஸர்வபூ⁴தாநாமாத்மபூ⁴தாம் ஶிவாத்மிகாம் ॥ 12।39 ॥

லப்³த்⁴வா ச புத்ரீம் ஶர்வாணீம் தபஸ்தப்த்வா ஸுது³ஶ்சரந் ।
ஸபா⁴ர்ய: ஶரணம் யாத: பார்வதீம் பரமேஶ்வரீம் ॥ 12।40 ॥

தாம் த்³ருʼஷ்ட்வா ஜாயமாநாம் ச ஸ்வேச்ச²யைவ வராநநாம் ।
மேநா ஹிமவத: பத்நீ ப்ராஹேத³ம் பர்வதேஶ்வரம் ॥ 12।41 ॥

மேநோவாச
பஶ்ய பா³லாமிமாம் ராஜந்ராஜீவஸத்³ருʼஶாநநாம் ।
ஹிதாய ஸர்வபூ⁴தாநாம் ஜாதா ச தபஸாவயோ: ॥ 12।42 ॥

ஸோঽபி த்³ருʼஷ்ட்வா தத: தே³வீம் தருணாதி³த்யஸந்நிபா⁴ம் ।
கபர்தி³நீம் சதுர்வக்ராம் த்ரிநேத்ராமதிலாலஸாம் ॥ 12।43 ॥

அஷ்டஹஸ்தாம் விஶாலாக்ஷீம் சந்த்³ராவயவபூ⁴ஷணாம் ।
நிர்கு³ணாம் ஸகு³ணாம் ஸாக்ஷாத்ஸத³ஸத்³வ்யக்திவர்ஜிதாம் ॥ 12।44 ॥

ப்ரணம்ய ஶிரஸா பூ⁴மௌ தேஜஸா சாதிவிஹ்வல: ।
பீ⁴த: க்ருʼதாஞ்ஜலிஸ்தஸ்யா: ப்ரோவாச பரமேஶ்வரீம் ॥ 12।45 ॥

ஹிமவாநுவாச
கா த்வம் தே³வி விஶாலாக்ஷி ஶஶாங்காவயவாங்கிதே ।
ந ஜாநே த்வாமஹம் வத்ஸே யதா²வத்³ப்³ரூஹி ப்ருʼச்ச²தே ॥ 12।46 ॥

கி³ரீந்த்³ரவசநம் ஶ்ருத்வா தத: ஸா பரமேஶ்வரீ ।
வ்யாஜஹார மஹாஶைலம் யோகி³நாமப⁴யப்ரதா³ ॥ 12।47 ॥

தே³வ்யுவாச
மாம் வித்³தி⁴ பரமாம் ஶக்திம் பரமேஶ்வரஸமாஶ்ரயாம் ॥ 12।48 ॥

அநந்யாமவ்யயாமேகாம் யாம் பஶ்யந்தி முமுக்ஷவ: ।
அஹம் வை ஸர்வபா⁴வாநாத்மா ஸர்வாந்தரா ஶிவா ॥ 12।49 ॥

ஶாஶ்வதைஶ்வர்யவிஜ்ஞாநமூர்தி: ஸர்வப்ரவர்திகா ।
அநந்தாঽநந்தமஹிமா ஸம்ஸாரார்ணவதாரிணீ ॥ 12।50 ॥

தி³வ்யம் த³தா³மி தே சக்ஷு: பஶ்ய மே ரூபமைஶ்வரம் ।
ஏதாவது³க்த்வா விஜ்ஞாநம் த³த்த்வா ஹிமவதே ஸ்வயம் ॥ 12।51 ॥

ஸ்வம் ரூபம் த³ர்ஶயாமாஸ தி³வ்யம் தத் பாரமேஶ்வரம் ।
கோடிஸூர்யப்ரிதீகாஶம் தேஜோபி³ம்ப³ம் நிராகுலம் ॥ 12।52 ॥

ஜ்வாலாமாலாஸஹஸ்ராட்⁴யம் காலாநலஶதோபமம் ।
த³ம்ஷ்ட்ராகராலம் து³ர்த்³த⁴ர்ஷம் ஜடாமணட³லமண்டி³தம் ॥ 12।53 ॥

கிரீடிநம் க³தா³ஹஸ்தம் ஶங்கசக்ரத⁴ரம் ததா² ।
த்ரிஶூலவரஹஸ்தம் ச கோ⁴ரரூபம் ப⁴யாநகம் ॥ 12।54 ॥

ப்ரஶாந்தம் ஸோம்யவத³நமநந்தாஶ்சர்யஸம்யுதம் ।
சந்த்³ராவயவலக்ஷ்மாணம் சந்த்³ரகோடிஸமப்ரப⁴ம் ॥ 12।55 ॥

கிரீடிநம் க³தா³ஹஸ்தம் நூபுரைருபஶோபி⁴தம் ।
தி³வ்யமால்யாம்ப³ரத⁴ரம் தி³வ்யக³ந்தா⁴நுலேபநம் ॥ 12।56 ॥

ஶங்க²சக்ரத⁴ரம் காம்யம் த்ரிநேத்ரம் க்ருʼத்திவாஸஸம் ।
அண்ட³ஸ்த²ம் சாண்ட³பா³ஹ்யஸ்த²ம் பா³ஹ்யமாப்⁴யந்தரம் பரம் ॥ 12।57 ॥

ஸர்வஶக்திமயம் ஶுப்⁴ரம் ஸர்வாகாரம் ஸநாதநம் ।
ப்³ரஹ்மோந்த்³ரோபேந்த்³ரயோகீ³ந்த்³ரைர்வந்த்³யமாநபதா³ம்பு³ஜம் ॥ 12।58 ॥

ஸர்வத: பாணிபாதா³ந்தம் ஸர்வதோঽக்ஷிஶிரோமுக²ம் ।
ஸர்வமாவ்ருʼத்ய திஷ்ட²ந்தம் த³த³ர்ஶ பரமேஶ்வரம் ॥ 12।59 ॥

த்³ருʼஷ்ட்வா ததீ³த்³ருʼஶம் ரூபம் தே³வ்யா மாஹேஶ்வரம் பரம் ।
ப⁴யேந ச ஸமாவிஷ்ட: ஸ ராஜா ஹ்ருʼஷ்டமாநஸ: ॥ 12।60 ॥

ஆத்மந்யாதா⁴ய சாத்மாநமோங்காரம் ஸமநுஸ்மரந் ।
நாம்நாமஷ்டஸஹஸ்ரேண துஷ்டாவ பரமேஶ்வரீம் ॥ 12।61 ॥

ஹிமவாநுவாச
ஶிவோமா பரமா ஶக்திரநந்தா நிஷ்கலாமலா ।
ஶாந்தா மாஹேஶ்வரீ நித்யா ஶாஶ்வதீ பரமாக்ஷரா ॥ 12।62 ॥

அசிந்த்யா கேவலாঽநந்த்யா ஶிவாத்மா பரமாத்மிகா ।
அநாதி³ரவ்யயா ஶுத்³தா⁴ தே³வாத்மா ஸர்வகா³ঽசலா ॥ 12।63 ॥

ஏகாநேகவிபா⁴க³ஸ்தா² மாயாதீதா ஸுநிர்மலா ।
மஹாமாஹேஶ்வரீ ஸத்யா மஹாதே³வீ நிரஞ்ஜநா ॥ 12।64 ॥

காஷ்டா² ஸர்வாந்தரஸ்தா² ச சிச்ச²க்திரதிலாலஸா ।
நந்தா³ ஸர்வாத்மிகா வித்³யா ஜ்யோதீரூபாঽம்ருʼதாக்ஷரா ॥ 12।65 ॥

ஶாந்தி: ப்ரதிஷ்டா² ஸர்வேஷாம் நிவ்ருʼத்திரம்ருʼதப்ரதா³ ।
வ்யோமமூர்திர்வ்யோமலயா வ்யோமாதா⁴ராঽச்யுதாঽமரா ॥ 12।66 ॥

அநாதி³நித⁴நாঽமோகா⁴ காரணாத்மாகுலாகுலா ।
ஸ்வத: ப்ரத²மஜாநாபி⁴ரம்ருʼதஸ்யாத்மஸம்ஶ்ரயா ॥ 12।67 ॥

ப்ராணேஶ்வரப்ரியா மாதா மஹாமஹிஷகா⁴திநீ ।
ப்ராணேஶ்வரீ ப்ராணரூபா ப்ரதா⁴நபுருஷேஶ்வரீ ॥ 12।68 ॥

மஹாமாயா ஸுது³ஷ்பூரா மூலப்ரக்ருʼதிரீஶ்வரீ
ஸர்வஶக்திகலாகாரா ஜ்யோத்ஸ்நா த்³யோர்மஹிமாஸ்பதா³ ॥ 12।69 ॥

ஸர்வகார்யநியந்த்ரீ ச ஸர்வபூ⁴தேஶ்வரேஶ்வரீ ।
ஸம்ஸாரயோநி: ஸகலா ஸர்வஶக்திஸமுத்³ப⁴வா ॥ 12।70 ॥

ஸம்ஸாரபோதா து³ர்வாரா து³ர்நிரீக்ஷ்ய து³ராஸதா³ ।
ப்ராணஶக்தி: ப்ராணவித்³யா யோக³நீபரமா கலா ॥ 12।71 ॥

மஹவிபூ⁴திது³ர்த³ர்ஷா மூலப்ரக்ருʼதிஸம்ப⁴வா ।
அநாத்³யநந்தவிப⁴வா பரமாத்³யாபகர்ஷிணீ ॥ 12।72 ॥

ஸர்க³ஸ்தி²த்யந்தகரணீ ஸுது³ர்வாச்யாது³ரத்யயா ।
ஶப்³த³யோநி: ஶப்³த³மயீ நாதா³க்²யா நாத³விக்³ரஹா ॥ 12।73 ॥

அநாதி³ரவ்யக்தகு³ணா மஹாநந்தா³ ஸநாதநீ ।
ஆகாஶயோநிர்யோக³ஸ்தா² மஹாயோகே³ஶ்வரேஶ்வரீ ॥ 12।74 ॥

மஹாமாயா ஸுது³ஷ்பாரா மூலப்ரக்ருʼதிரீஶ்வரீ
ப்ரதா⁴நபுருஷாதீதா ப்ரதா⁴நபுருஷாத்மிகா ॥ 12।75 ॥

புராணீ சிந்மயீ பும்ஸாமாதி:³ புருஷரூபிணீ ।
பூ⁴தாந்தராத்மா கூடஸ்தா² மஹாபுருஷஸம்ஜ்ஞிதா ॥ 12।76 ॥

ஜந்மம்ருʼத்யுஜராதீதா ஸர்வஶக்திஸமந்விதா ।
வ்யாபிநீ சாநவச்சி²ந்நா ப்ரதா⁴நாநுப்ரவேஶிநீ ॥ 12।77 ॥

க்ஷேத்ரஜ்ஞஶக்திரவ்யக்தலக்ஷணா மலவர்ஜிதா ।
அநாதி³மாயாஸம்பி⁴ந்நா த்ரிதத்த்வா ப்ரக்ருʼதிக்³ரஹா ॥ 12।78 ॥

மஹாமாயாஸமுத்பந்நா தாமஸீ பௌருஷீ த்⁴ருவா ।
வ்யக்தாவ்யக்தாத்மிகா க்ருʼஷ்ணா ரக்தா ஶுக்லா ப்ரஸூதிகா ॥ 12।79 ॥

அகார்யா கார்யஜநநீ நித்யம் ப்ரஸவத⁴ர்மிணீ ।
ஸர்க³ப்ரலயநிர்முக்தா ஸ்ருʼஷ்டிஸ்தி²த்யந்தத⁴ர்மிணீ ॥ 12।80 ॥

ப்³ரஹ்மக³ர்பா⁴ சதுர்விஶா பத்³மநாபா⁴ঽச்யுதாத்மிகா ।
வைத்³யுதீ ஶாஶ்வதீ யோநிர்ஜக³ந்மாதேஶ்வரப்ரியா ॥ 12।81 ॥

ஸர்வாதா⁴ரா மஹாரூபா ஸர்வைஶ்வர்யஸமந்விதா ।
விஶ்வரூபா மஹாக³ர்பா⁴ விஶ்வேஶேச்சா²நுவர்திநீ ॥ 12।82 ॥

மஹீயஸீ ப்³ரஹ்மயோநி: மஹாலக்ஷ்மீஸமுத்³ப⁴வா
மஹாவிமாநமத்⁴யஸ்தா² மஹாநித்³ராத்மஹேதுகா ॥ 12।83 ॥

ஸர்வஸாதா⁴ரணீ ஸூக்ஷ்மா ஹ்யவித்³யா பாரமார்தி²கா ।
அநந்தரூபாঽநந்தஸ்தா² தே³வீ புருஷமோஹிநீ ॥ 12।84 ॥

அநேகாகாரஸம்ஸ்தா²நா காலத்ரயவிவர்ஜிதா ।
ப்³ரஹ்மஜந்மா ஹரேர்மூர்திர்ப்³ரஹ்மவிஷ்ணுஶிவாத்மிகா ॥ 12।85 ॥

ப்³ரஹ்மேஶவிஷ்ணுஜநநீ ப்³ரஹ்மாக்²யா ப்³ரஹ்மஸம்ஶ்ரயா ।
வ்யக்தா ப்ரத²மஜா ப்³ராஹ்மீ மஹதீ ஜ்ஞாநரூபிணீ ॥ 12।86 ॥

வைராக்³யைஶ்வர்யத⁴ர்மாத்மா ப்³ரஹ்மமூர்திர்ஹ்ருʼதி³ஸ்தி²தா ।
அபாம்யோநி: ஸ்வயம்பூ⁴திர்மாநஸீ தத்த்வஸம்ப⁴வா ॥ 12।87 ॥

ஈஶ்வராணீ ச ஶர்வாணீ ஶங்கரார்த்³த⁴ஶரீரிணீ ।
ப⁴வாநீ சைவ ருத்³ராணீ மஹாலக்ஷ்மீரதா²ம்பி³கா ॥ 12।88 ॥

மஹேஶ்வரஸமுத்பந்நா பு⁴க்திமுக்திப²லப்ரதா³ ।
ஸர்வேஶ்வரீ ஸர்வவந்த்³யா நித்யம் முதி³தமாநஸா ॥ 12।89 ॥

ப்³ரஹ்மேந்த்³ரோபேந்த்³ரநமிதா ஶங்கரேச்சா²நுவர்திநீ ।
ஈஶ்வரார்த்³தா⁴ஸநக³தா மஹேஶ்வரபதிவ்ரதா ॥ 12।90 ॥

ஸக்ருʼத்³விபா⁴தா ஸர்வார்தி ஸமுத்³ரபரிஶோஷிணீ ।
பார்வதீ ஹிமவத்புத்ரீ பரமாநந்த³தா³யிநீ ॥ 12।91 ॥

கு³ணாட்⁴யா யோக³ஜா யோக்³யா ஜ்ஞாநமூர்திர்விகாஸிநீ ।
ஸாவித்ரீகமலா லக்ஷ்மீ: ஶ்ரீரநந்தோரஸி ஸ்தி²தா ॥ 12।92 ॥

ஸரோஜநிலயா முத்³ரா யோக³நித்³ரா ஸுரார்தி³நீ ।
ஸரஸ்வதீ ஸர்வவித்³யா ஜக³ஜ்ஜ்யேஷ்டா² ஸுமங்க³ளா ॥ 12।93 ॥

வாக்³தே³வீ வரதா³ வாச்யா கீர்தி: ஸர்வார்த²ஸாதி⁴கா ।
யோகீ³ஶ்வரீ ப்³ரஹ்மவித்³யா மஹாவித்³யா ஸுஶோப⁴நா ॥ 12।94 ॥

கு³ஹ்யவித்³யாத்மவித்³யா ச த⁴ர்மவித்³யாத்மபா⁴விதா ।
ஸ்வாஹா விஶ்வம்ப⁴ரா ஸித்³தி:⁴ ஸ்வதா⁴ மேதா⁴ த்⁴ருʼதி: ஶ்ருதி: ॥ 12।95 ॥

நீதி: ஸுநீதி: ஸுக்ருʼதிர்மாத⁴வீ நரவாஹிநீ ।
பூஜ்யா விபா⁴வரீ ஸௌம்யா போ⁴கி³நீ போ⁴க³ஶாயிநீ ॥ 12।96 ॥

ஶோபா⁴ வம்ஶகரீ லோலா மாலிநீ பரமேஷ்டி²நீ ।
த்ரைலோக்யஸுந்த³ரீ ரம்யா ஸுந்த³ரீ காமசாரிணீ ॥ 12।97 ॥

மஹாநுபா⁴வா ஸத்த்வஸ்தா² மஹாமஹிஷமர்தி³நீ ।
பத்³மமாலா பாபஹரா விசித்ரா முகுடாநநா ॥ 12।98 ॥

காந்தா சித்ராம்ப³ரத⁴ரா தி³வ்யாப³ரணபூ⁴ஷிதா ।
ஹம்ஸாக்²யா வ்யோமநிலயா ஜக³த்ஸ்ருʼஷ்டிவிவர்த்³தி⁴நீ ॥ 12।99 ॥

நிர்யந்த்ரா யந்த்ரவாஹஸ்தா² நந்தி³நீ ப⁴த்³ரகாலிகா ।
ஆதி³த்யவர்ணா கௌமாரீ மயூரவரவாஹநா ॥ 12।100 ॥

வ்ருʼஷாஸநக³தா கௌ³ரீ மஹாகாலீ ஸுரார்சிதா ।
அதி³திர்நியதா ரௌத்³ரா பத்³மக³ர்பா⁴ விவாஹநா ॥ 12।101 ॥

விரூபாக்ஷீ லேலிஹாநா மஹாபுரநிவாஸிநீ ।
மஹாப²லாঽநவத்³யாங்கீ³ காமருபா விபா⁴வரீ ॥ 12।102 ॥

விசித்ரரத்நமுகுடா ப்ரணதார்திப்ரப⁴ஞ்ஜநீ ।
கௌஶிகீ கர்ஷணீ ராத்ரிஸ்த்ரித³ஶார்திவிநாஶிநீ ॥ 12।103 ॥

ப³ஹுரூபா ஸ்வரூபா ச விரூபா ரூபவர்ஜிதா ।
ப⁴க்தார்திஶமநீ ப⁴வ்யா ப⁴வபா⁴ரவிநாஶநீ ॥ 12।104 ॥

நிர்கு³ணா நித்யவிப⁴வா நி:ஸாரா நிரபத்ரபா ।
யஶஸ்விநீ ஸாமகீ³திர்ப⁴வாங்க³நிலயாலயா ॥ 12।105 ॥

தீ³க்ஷா வித்³யாத⁴ரீ தீ³ப்தா மஹேந்த்³ரவிநிபாதிநீ ।
ஸர்வாதிஶாயிநீ விஶ்வா ஸர்வஸித்³தி⁴ப்ரதா³யிநீ ॥ 12।106 ॥

ஸர்வேஶ்வரப்ரியா பா⁴ர்யா ஸமுத்³ராந்தரவாஸிநீ ।
அகலங்கா நிராதா⁴ரா நித்யஸித்³தா⁴ நிராமயா ॥ 12।107 ॥

காமதே⁴நுர்ப்³ருʼஹத்³க³ர்பா⁴ தீ⁴மதீ மோஹநாஶிநீ ।
நி:ஸங்கல்பா நிராதங்கா விநயா விநயப்ரியா ॥ 12।108 ॥

ஜ்வாலாமாலாஸஹஸ்ராட்⁴யா தே³வதே³வீ மநோமயீ ।
மஹாப⁴க³வதீ ப⁴ர்கா³ வாஸுதே³வஸமுத்³ப⁴வா ॥ 12।109 ॥

மஹேந்த்³ரோபேந்த்³ரப⁴கி³நீ ப⁴க்திக³ம்யா பராவரா ।
ஜ்ஞாநஜ்ஞேயா ஜராதீதா வேதா³ந்தவிஷயா க³தி: ॥ 12।110 ॥

த³க்ஷிணா த³ஹநா மாயா ஸர்வபூ⁴தநமஸ்க்ருʼதா ।
யோக³மாயா விபா⁴க³ஜ்ஞா மஹாமோஹா மஹீயஸீ ॥ 12।111 ॥

ஸந்த்⁴யா ஸர்வஸமுத்³பூ⁴திர்ப்³ரஹ்மவ்ருʼக்ஷாஶ்ரயாநதி: ।
பீ³ஜாங்குரஸமுத்³பூ⁴திர்மஹாஶக்திர்மஹாமதி: ॥ 12।112 ॥

க்²யாதி: ப்ரஜ்ஞா சிதி: ஸஞ்ச்சிந்மஹாபோ⁴கீ³ந்த்³ரஶாயிநீ ।
விக்ருʼதி: ஶாம்ஸரீ ஶாஸ்திர்க³ணக³ந்த⁴ர்வஸேவிதா ॥ 12।113 ॥

வைஶ்வாநரீ மஹாஶாலா தே³வஸேநா கு³ஹப்ரியா ।
மஹாராத்ரி: ஶிவாமந்தா³ ஶசீ து:³ஸ்வப்நநாஶிநீ ॥ 12।114 ॥

இஜ்யா பூஜ்யா ஜக³த்³தா⁴த்ரீ து³ர்விஜ்ஞேயா ஸுரூபிணீ ।
தபஸ்விநீ ஸமாதி⁴ஸ்தா² த்ரிநேத்ரா தி³வி ஸம்ஸ்தி²தா ॥ 12।115 ॥

கு³ஹாம்பி³கா கு³ணோத்பத்திர்மஹாபீடா² மருத்ஸுதா ।
ஹவ்யவாஹாந்தராகா³தி:³ ஹவ்யவாஹஸமுத்³ப⁴வா ॥ 12।116 ॥

ஜக³த்³யோநிர்ஜக³ந்மாதா ஜந்மம்ருʼத்யுஜராதிகா³ ।
பு³த்³தி⁴மாதா பு³த்³தி⁴மதீ புருஷாந்தரவாஸிநீ ॥ 12।117 ॥

தரஸ்விநீ ஸமாதி⁴ஸ்தா² த்ரிநேத்ரா தி³விஸம்ஸ்தி²தா ।
ஸர்வேந்த்³ரியமநோமாதா ஸர்வபூ⁴தஹ்ருʼதி³ ஸ்தி²தா ॥ 12।118 ॥

ஸம்ஸாரதாரிணீ வித்³யா ப்³ரஹ்மவாதி³மநோலயா ।
ப்³ரஹ்மாணீ ப்³ருʼஹதீ ப்³ராஹ்மீ ப்³ரஹ்மபூ⁴தா ப⁴வாரணீ ॥ 12।119 ॥

ஹிரண்மயீ மஹாராத்ரி: ஸம்ஸாரபரிவர்த்திகா ।
ஸுமாலிநீ ஸுரூபா ச பா⁴விநீ தாரிணீ ப்ரபா⁴ ॥ 12।120 ॥

உந்மீலநீ ஸர்வஸஹா ஸர்வப்ரத்யயஸாக்ஷிணீ ।
ஸுஸௌம்யா சந்த்³ரவத³நா தாண்ட³வாஸக்தமாநஸா ॥ 12।121 ॥

ஸத்த்வஶுத்³தி⁴கரீ ஶுத்³தி⁴ர்மலத்ரயவிநாஶிநீ ।
ஜக³த்ப்ரியா ஜக³ந்மூர்திஸ்த்ரிமூர்திரம்ருʼதாஶ் ॥ 12।122 ॥

நிராஶ்ரயா நிராஹாரா நிரங்குரவநோத்³ப⁴வா ।
சந்த்³ரஹஸ்தா விசித்ராங்கீ³ ஸ்ரக்³விணீ பத்³மதா⁴ரிணீ ॥ 12।123 ॥

பராவரவிதா⁴நஜ்ஞா மஹாபுருஷபூர்வஜா ।
வித்³யேஶ்வரப்ரியா வித்³யா வித்³யுஜ்ஜிஹ்வா ஜிதஶ்ரமா ॥ 12।124 ॥

வித்³யாமயீ ஸஹஸ்ராக்ஷீ ஸஹஸ்ரவத³நாத்மஜா ।
ஸஹஸ்ரரஶ்மி: ஸத்த்வஸ்தா² மஹேஶ்வரபதா³ஶ்ரயா ॥ 12।125 ॥

க்ஷாலிநீ ஸந்மயீ வ்யாப்தா தைஜஸீ பத்³மபோ³தி⁴கா ।
மஹாமாயாஶ்ரயா மாந்யா மஹாதே³வமநோரமா ॥ 12।126 ॥

வ்யோமலக்ஷ்மீ: ஸிஹரதா² சேகிதாநாமிதப்ரபா⁴ ।
வீரேஶ்வரீ விமாநஸ்தா² விஶோகாஶோகநாஶிநீ ॥ 12।127 ॥

அநாஹதா குண்ட³லிநீ நலிநீ பத்³மவாஸிநீ ।
ஸதா³நந்தா³ ஸதா³கீர்தி: ஸர்வபூ⁴தாஶ்ரயஸ்தி²தா ॥ 12।128 ॥

வாக்³தே³வதா ப்³ரஹ்மகலா கலாதீதா கலாரணீ ।
ப்³ரஹ்மஶ்ரீர்ப்³ரஹ்மஹ்ருʼத³யா ப்³ரஹ்மவிஷ்ணுஶிவப்ரியா ॥ 12।129 ॥

வ்யோமஶக்தி: க்ரியாஶக்திர்ஜ்ஞாநஶக்தி: பராக³தி: ।
க்ஷோபி⁴கா ப³ந்தி⁴கா பே⁴த்³யா பே⁴தா³பே⁴த³விவர்ஜிதா ॥ 12।130 ॥

அபி⁴ந்நாபி⁴ந்நஸம்ஸ்தா²நா வம்ஶிநீ வம்ஶஹாரிணீ ।
கு³ஹ்யஶக்திர்கு³ணாதீதா ஸர்வதா³ ஸர்வதோமுகீ² ॥ 12।131 ॥

ப⁴கி³நீ ப⁴க³வத்பத்நீ ஸகலா காலகாரிணீ ।
ஸர்வவித் ஸர்வதோப⁴த்³ரா கு³ஹ்யாதீதா கு³ஹாவலி: ॥ 12।132 ॥

ப்ரக்ரியா யோக³மாதா ச க³ங்கா³ விஶ்வேஶ்வரேஶ்வரீ ।
கபிலா காபிலா காந்தாகநகாபா⁴கலாந்தரா ॥ 12।133 ॥

புண்யா புஷ்கரிணீ போ⁴க்த்ரீ புரந்த³ரபுரஸ்ஸரா ।
போஷணீ பரமைஶ்வர்யபூ⁴திதா³ பூ⁴திபூ⁴ஷணா ॥ 12।134 ॥

பஞ்சப்³ரஹ்மஸமுத்பத்தி: பரமார்தா²ர்த²விக்³ரஹா ।
த⁴ர்மோத³யா பா⁴நுமதீ யோகி³ஜ்ஞேய மநோஜவா ॥ 12।135 ॥

மநோஹரா மநோரஸ்தா² தாபஸீ வேத³ரூபிணீ ।
வேத³ஶக்திர்வேத³மாதா வேத³வித்³யாப்ரகாஶிநீ ॥ 12।136 ॥

யோகே³ஶ்வரேஶ்வரீ மாதா மஹாஶக்திர்மநோமயீ ।
விஶ்வாவஸ்தா² வியந்மூர்த்திர்வித்³யுந்மாலா விஹாயஸீ ॥ 12।137 ॥

கிம்நரீ ஸுரபி⁴ர்வந்த்³யா நந்தி³நீ நந்தி³வல்லபா⁴ ।
பா⁴ரதீ பரமாநந்தா³ பராபரவிபே⁴தி³கா ॥ 12।138 ॥

ஸர்வப்ரஹரணோபேதா காம்யா காமேஶ்வரேஶ்வரீ ।
அசிந்த்யாঽசிந்த்யவிப⁴வா ஹ்ருʼல்லேகா² கநகப்ரபா⁴ 12।139 ॥

கூஷ்மாண்டீ³ த⁴நரத்நாட்⁴யா ஸுக³ந்தா⁴ க³ந்தா⁴யிநீ ।
த்ரிவிக்ரமபதோ³த்³பூ⁴தா த⁴நுஷ்பாணி: ஶிவோத³யா ॥ 12।140 ॥

ஸுது³ர்லபா⁴ த⁴நாத்³யக்ஷா த⁴ந்யா பிங்க³லலோசநா ।
ஶாந்தி: ப்ரபா⁴வதீ தீ³ப்தி: பங்கஜாயதலோசநா ॥ 12।141 ॥

ஆத்³யா ஹ்ருʼத்கமலோத்³பூ⁴தா க³வாம் மதா ரணப்ரியா ।
ஸத்க்ரியா கி³ரிஜா ஶுதி³ர்நித்யபுஷ்டா நிரந்தரா ॥ 12।142 ॥

து³ர்கா³காத்யாயநீசண்டீ³ சர்சிகா ஶாந்தவிக்³ரஹா ।
ஹிரண்யவர்ணா ரஜநீ ஜக³த்³யந்த்ரப்ரவர்திகா ॥ 12।143 ॥

மந்த³ராத்³ரிநிவாஸா ச ஶாரதா³ ஸ்வர்ணமாலிநீ ।
ரத்நமாலா ரத்நக³ர்பா⁴ ப்ருʼத்²வீ விஶ்வப்ரமாதி²நீ ॥ 12।144 ॥

பத்³மாநநா பத்³மநிபா⁴ நித்யதுஷ்டாঽம்ருʼதோத்³ப⁴வா ।
து⁴ந்வதீ து:³ப்ரகம்பா ச ஸூர்யமாதா த்³ருʼஷத்³வதீ ॥ 12।145 ॥

மஹேந்த்³ரப⁴கி³நீ மாந்யா வரேண்யா வரத³யிகா ।
கல்யாணீ கமலாவாஸா பஞ்சசூடா³ வரப்ரதா³ ॥ 12।146 ॥

வாச்யா வரேஶ்வரீ வந்த்³யா து³ர்ஜயா து³ரதிக்ரமா ।
காலராத்ரிர்மஹாவேகா³ வீரப⁴த்³ரப்ரியா ஹிதா ॥ 12।147 ॥

ப⁴த்³ரகாலீ ஜக³ந்மாதா ப⁴க்தாநாம் ப⁴த்³ரதா³யிநீ ।
கராலா பிங்க³லாகாரா காமபே⁴தா³ঽமஹாமதா³ ॥ 12।148 ॥

யஶஸ்விநீ யஶோதா³ ச ஷட³த்⁴வபரிவர்த்திகா ।
ஶங்கி²நீ பத்³மிநீ ஸாங்க்²யா ஸாங்க்²யயோக³ப்ரவர்திகா ॥ 12।149 ॥

சைத்ரா ஸம்வத்ஸராரூடா⁴ ஜக³த்ஸம்பூரணீத்⁴வஜா ।
ஶும்பா⁴ரி: கே²சரீஸ்வஸ்தா² கம்பு³க்³ரீவாகலிப்ரியா ॥ 12।150 ॥

க²க³த்⁴வஜா க²கா³ரூடா⁴ பரார்யா பரமாலிநீ ।
ஐஶ்வர்யபத்³மநிலயா விரக்தா க³ருடா³ஸநா ॥ 12।151 ॥

ஜயந்தீ ஹ்ருʼத்³கு³ஹா க³ம்யா க³ஹ்வரேஷ்டா² க³ணாக்³ரணீ: ।
ஸங்கல்பஸித்³தா⁴ ஸாம்யஸ்தா² ஸர்வவிஜ்ஞாநதா³யிநீ ॥ 12।152 ॥

கலிகல்பவிஹந்த்ரீ ச கு³ஹ்யோபநிஷது³த்தமா ।
நிஷ்டா² த்³ருʼஷ்டி: ஸ்ம்ருʼதிர்வ்யாப்தி: புஷ்டிஸ்துஷ்டி: க்ரியாவதீ ॥ 12।153 ॥

விஶ்வாமரேஶ்வரேஶாநா பு⁴க்திர்முக்தி: ஶிவாঽம்ருʼதா ।
லோஹிதா ஸர்பமாலா ச பீ⁴ஷணீ வநமாலிநீ ॥ 12।154 ॥

அநந்தஶயநாঽநந்தா நரநாராயணோத்³ப⁴வா ।
ந்ருʼஸிம்ஹீ தை³த்யமத²நீ ஶங்க²சக்ரக³தா³த⁴ரா ॥ 12।155 ॥

ஸங்கர்ஷணஸமுத்பத்திரம்பி³காபாத³ஸம்ஶ்ரயா ।
மஹாஜ்வாலா மஹாமூர்த்தி: ஸுமூர்த்தி: ஸர்வகாமது⁴க் ॥ 12।156 ॥

ஸுப்ரபா⁴ ஸுஸ்தநா ஸௌரீ த⁴ர்மகாமார்த²மோக்ஷதா³ ।
ப்⁴ரூமத்⁴யநிலயா பூர்வா புராணபுருஷாரணி: ॥ 12।157 ॥

மஹாவிபூ⁴திதா³ மத்⁴யா ஸரோஜநயநா ஸமா ।
அஷ்டாத³ஶபு⁴ஜாநாத்³யா நீலோத்பலத³லப்ரப⁴12।158 ॥

ஸர்வஶக்த்யாஸநாரூடா⁴ ஸர்வத⁴ர்மார்த²வர்ஜிதா ।
வைராக்³யஜ்ஞாநநிரதா நிராலோகா நிரிந்த்³ரியா ॥ 12।159 ॥

விசித்ரக³ஹநாதா⁴ரா ஶாஶ்வதஸ்தா²நவாஸிநீ ।
ஸ்தா²நேஶ்வரீ நிராநந்தா³ த்ரிஶூலவரதா⁴ரிணீ ॥ 12।160 ॥

அஶேஷதே³வதாமூர்த்திர்தே³வதா வரதே³வதா ।
க³ணாம்பி³கா கி³ரே: புத்ரீ நிஶும்ப⁴விநிபாதிநீ ॥ 12।161 ॥

அவர்ணா வர்ணரஹிதா த்ரிவர்ணா ஜீவஸம்ப⁴வா ।
அநந்தவர்ணாঽநந்யஸ்தா² ஶங்கரீ ஶாந்தமாநஸா ॥ 12।162 ॥

அகோ³த்ரா கோ³மதீ கோ³ப்த்ரீ கு³ஹ்யரூபா கு³ணோத்தரா ।
கௌ³ர்கீ³ர்க³வ்யப்ரியா கௌ³ணீ க³ணேஶ்வரநமஸ்க்ருʼதா ॥ 12।163 ॥

ஸத்யமாதா ஸத்யஸந்தா⁴ த்ரிஸந்த்⁴யா ஸந்தி⁴வர்ஜிதா ।
ஸர்வவாதா³ஶ்ரயா ஸாங்க்²யா ஸாங்க்²யயோக³ஸமுத்³ப⁴வா ॥ 12।164 ॥

அஸங்க்²யேயாঽப்ரமேயாக்²யா ஶூந்யா ஶுத்³த⁴குலோத்³ப⁴வா ।
பி³ந்து³நாத³ஸமுத்பத்தி: ஶம்பு⁴வாமா ஶஶிப்ரபா⁴ ॥ 12।165 ॥

பிஷங்கா³ பே⁴த³ரஹிதா மநோஜ்ஞா மது⁴ஸூத³நீ ।
மஹாஶ்ரீ: ஶ்ரீஸமுத்பத்திஸ்தம:பாரே ப்ரதிஷ்டி²தா ॥ 12।166 ॥

த்ரிதத்த்வமாதா த்ரிவிதா⁴ ஸுஸூக்ஷ்மபத³ஸம்ஶ்ரயா ।
ஶந்தா பீ⁴தா மலாதீதா நிர்விகாரா நிராஶ்ரயா ॥ 12।167 ॥

ஶிவாக்²யா சித்தநிலயா ஶிவஜ்ஞாநஸ்வரூபிணீ ।
தை³த்யதா³நவநிர்மாத்ரீ காஶ்யபீ காலகர்ணிகா ॥ 12।168 ॥

ஶாஸ்த்ரயோநி: க்ரியாமூர்திஶ்சதுர்வர்க³ப்ரத³ர்ஶிகா ।
நாராயணீ நரோத்³பூ⁴தி: கௌமுதீ³ லிங்க³தா⁴ரிணீ ॥ 12।169 ॥

காமுகீ லலிதாபா⁴வா பராபரவிபூ⁴திதா³ ।
பராந்தஜாதமஹிமா ப³ட³வா வாமலோசநா ॥ 12।170 ॥

ஸுப⁴த்³ரா தே³வகீ ஸீதா வேத³வேதா³ங்க³பாரகா³ ।
மநஸ்விநீ மந்யுமாதா மஹாமந்யுஸமுத்³ப⁴வா ॥ 12।171 ॥

அம்ருʼத்யுரம்ருʼதாஸ்வாதா³ புருஹூதா புருஷ்டுதா ।
அஶோச்யா பி⁴ந்நவிஷயா ஹிரண்யரஜதப்ரியா ॥ 12।172 ॥

ஹிரண்யா ராஜதீ ஹைமா ஹேமாப⁴ரணபூ⁴ஷிதா ।
விப்⁴ராஜமாநா து³ர்ஜ்ஞேயா ஜ்யோதிஷ்டோமப²லப்ரதா³ ॥ 12।173 ॥

மஹாநித்³ராஸமுத்³பூ⁴திரநித்³ரா ஸத்யதே³வதா ।
தீ³ர்கா⁴ககுத்³மிநீ ஹ்ருʼத்³யா ஶாந்திதா³ ஶாந்திவர்த்³தி⁴நீ ॥ 12।174 ॥

லக்ஷ்ம்யாதி³ஶக்திஜநநீ ஶக்திசக்ரப்ரவர்திகா ।
த்ரிஶக்திஜநநீ ஜந்யா ஷடூ³ர்மிபரிவர்ஜிதா ॥ 12।175 ॥

ஸுதா⁴மா கர்மகரணீ யுகா³ந்தத³ஹநாத்மிகா ।
ஸங்கர்ஷணீ ஜக³த்³தா⁴த்ரீ காமயோநி: கிரீடிநீ ॥ 12।176 ॥

ஐந்த்³ரீ த்ரைலோக்யநமிதா வைஷ்ணவீ பரமேஶ்வரீ ।
ப்ரத்³யும்நத³யிதா தா³த்ரீ யுக்³மத்³ருʼஷ்டிஸ்த்ரிலோசநா ॥ 12।177 ॥

மதோ³த்கடா ஹம்ஸக³தி: ப்ரசண்டா³ சண்ட³விக்ரமா ।
வ்ருʼஷாவேஶா வியந்மாதா விந்த்⁴யபர்வதவாஸிநீ ॥ 12।178 ॥

ஹிமவந்மேருநிலயா கைலாஸகி³ரிவாஸிநீ ।
சாணூரஹந்த்ருʼதநயா நீதிஜ்ஞா காமரூபிணீ ॥ 12।179 ॥

வேத³வித்³யாவ்ரதஸ்நாதா த⁴ர்மஶீலாঽநிலாஶநா ।
வீரப⁴த்³ரப்ரியா வீரா மஹாகாமஸமுத்³ப⁴வா ॥ 12।180 ॥

வித்³யாத⁴ரப்ரியா ஸித்³தா⁴ வித்³யாத⁴ரநிராக்ருʼதி: ।
ஆப்யாயநீ ஹரந்தீ ச பாவநீ போஷணீ கலா ॥ 12।181 ॥

மாத்ருʼகா மந்மதோ²த்³பூ⁴தா வாரிஜா வாஹநப்ரியா ।
கரீஷிணீ ஸுதா⁴வாணீ வீணாவாத³நதத்பரா ॥ 12।182 ॥

ஸேவிதா ஸேவிகா ஸேவ்யா ஸிநீவாலீ க³ருத்மதீ ।
அருந்த⁴தீ ஹிரண்யாக்ஷீ ம்ருʼகா³ங்கா மாநதா³யிநீ ॥ 12।183 ॥

வஸுப்ரதா³ வஸுமதீ வஸோர்த்³தா⁴ரா வஸுந்த⁴ரா ।
தா⁴ராத⁴ரா வராரோஹா வராவரஸஹஸ்ரதா³ ॥ 12।184 ॥

ஶ்ரீப²லா ஶ்ரீமதீ ஶ்ரீஶா ஶ்ரீநிவாஸா ஶிவப்ரியா ।
ஶ்ரீத⁴ரா ஶ்ரீகரீ கல்யா ஶ்ரீத⁴ரார்த்³த⁴ஶரீரிணீ ॥ 12।185 ॥

அநந்தத்³ருʼஷ்டிரக்ஷுத்³ரா தா⁴த்ரீஶா த⁴நத³ப்ரியா ।
நிஹந்த்ரீ தை³த்யஸங்கா⁴நாம் ஸிஹிகா ஸிஹவாஹநா ॥ 12।186 ॥

ஸுஷேணா சந்த்³ரநிலயா ஸுகீர்திஶ்சி²ந்நஸம்ஶயா ।
ரஸஜ்ஞா ரஸதா³ ராமா லேலிஹாநாம்ருʼதஸ்ரவா ॥ 12।187 ॥

நித்யோதி³தா ஸ்வயஞ்ஜ்யோதிருத்ஸுகா ம்ருʼதஜீவநா ।
வஜ்ரத³ண்டா³ வஜ்ரஜிஹ்வா வைதே³ஹீ வஜ்ரவிக்³ரஹா ॥ 12।188 ॥

மங்க³ல்யா மங்க³ளா மாலா மலிநா மலஹாரிணீ ।
கா³ந்த⁴ர்வீ கா³ருடீ³ சாந்த்³ரீ கம்ப³லாஶ்வதரப்ரியா ॥ 12।189 ॥

ஸௌதா³மிநீ ஜநாநந்தா³ ப்⁴ருகுடீகுடிலாநநா ।
கர்ணிகாரகரா கக்ஷ்யா கம்ஸப்ராணாபஹாரிணீ ॥ 12।190 ॥

யுக³ந்த⁴ரா யுகா³வர்த்தா த்ரிஸந்த்⁴யா ஹர்ஷவர்த்³த⁴நீ ।
ப்ரத்யக்ஷதே³வதா தி³வ்யா தி³வ்யக³ந்தா⁴ தி³வா பரா ॥ 12।191 ॥

ஶக்ராஸநக³தா ஶாக்ரீ ஸாந்த்⁴யா சாருஶராஸநா ।
இஷ்டா விஶிஷ்டா ஶிஷ்டேஷ்டா ஶிஷ்டாஶிஷ்டப்ரபூஜிதா ॥ 12।192 ॥

ஶதரூபா ஶதாவர்த்தா விநதா ஸுரபி:⁴ ஸுரா ।
ஸுரேந்த்³ரமாதா ஸுத்³யும்நா ஸுஷும்நா ஸூர்யஸம்ஸ்தி²தா ॥ 12।193 ॥

ஸமீக்ஷ்யா ஸத்ப்ரதிஷ்டா² ச நிவ்ருʼத்திர்ஜ்ஞாநபாரகா³ ।
த⁴ர்மஶாஸ்த்ரார்த²குஶலா த⁴ர்மஜ்ஞா த⁴ர்மவாஹநா ॥ 12।194 ॥

த⁴ர்மாத⁴ர்மவிநிர்மாத்ரீ தா⁴ர்மிகாணாம் ஶிவப்ரதா³ ।
த⁴ர்மஶக்திர்த⁴ர்மமயீ வித⁴ர்மா விஶ்வத⁴ர்மிணீ ॥ 12।195 ॥

த⁴ர்மாந்தரா த⁴ர்மமயீ த⁴ர்மபூர்வா த⁴நாவஹா ।
த⁴ர்மோபதே³ஷ்ட்ரீ த⁴ர்மத்மா த⁴ர்மக³ம்யா த⁴ராத⁴ரா ॥ 12।196 ॥

காபாலீ ஶகலா மூர்த்தி: கலா கலிதவிக்³ரஹா ।
ஸர்வஶக்திவிநிர்முக்தா ஸர்வஶக்த்யாஶ்ரயாஶ்ரயா ॥ 12।197 ॥

ஸர்வா ஸர்வேஶ்வரீ ஸூக்ஷ்மா ஸூக்ஷ்மாஜ்ஞாநஸ்வரூபிணீ ।
ப்ரதா⁴நபுருஷேஶேஷா மஹாதே³வைகஸாக்ஷிணீ ॥ 12।198 ॥

ஸதா³ஶிவா வியந்மூர்த்திர்விஶ்வமூர்த்திரமூர்த்திகா ।
ஏவம் நாம்நாம் ஸஹஸ்ரேண ஸ்துத்வாঽஸௌ ஹிமவாந் கி³ரி: ॥ 12।199 ॥

பூ⁴ய: ப்ரணம்ய பீ⁴தாத்மா ப்ரோவாசேத³ம் க்ருʼதாஞ்ஜலி: ।
யதே³ததை³ஶ்வரம் ரூபம் கோ⁴ரம் தே பரமேஶ்வரி ॥ 12।200 ॥

பீ⁴தோঽஸ்மி ஸாம்ப்ரதம் த்³ருʼஷ்ட்வா ரூபமந்யத் ப்ரத³ர்ஶய ।
ஏவமுக்தாঽத² ஸா தே³வீ தேந ஶைலேந பார்வதீ ॥ 12।201 ॥

ஸம்ஹ்ருʼத்ய த³ர்ஶயாமாஸ ஸ்வரூபமபரம் புந: ।
நீலோத்பலத³லப்ரக்²யம் நீலோத்பலஸுக³ந்தி⁴கம் ॥ 12।202 ॥

த்³விநேத்ரம் த்³விபு⁴ஜம் ஸௌம்யம் நீலாலகவிபூ⁴ஷிதம் ।
ரக்தபாதா³ம்பு³ஜதலம் ஸுரக்தகரபல்லவம் ॥ 12।203 ॥

ஶ்ரீமத்³விஶாலஸம்வ்ருʼத்தம்லலாடதிலகோஜ்ஜ்வலம் ।
பூ⁴ஷிதம் சாருஸர்வாங்க³ம் பூ⁴ஷணைரதிகோமலம் ॥ 12।204 ॥

த³தா⁴நமுரஸா மாலாம் விஶாலாம் ஹேமநிர்மிதாம் ।
ஈஷத்ஸ்மிதம் ஸுபி³ம்போ³ஷ்ட²ம் நூபுராராவஸம்யுதம் ॥ 12।205 ॥

ப்ரஸந்நவத³நம் தி³வ்யமநந்தமஹிமாஸ்பத³ம் ।
ததீ³த்³ருʼஶம் ஸமாலோக்ய ஸ்வரூபம் ஶைலஸத்தம: ॥ 12।206 ॥

பீ⁴திம் ஸந்த்யஜ்ய ஹ்ருʼஷ்டாத்மா ப³பா⁴ஷே பரமேஶ்வரீம் ।
ஹிமவாநுவாச
அத்³ய மே ஸப²லம் ஜந்ம அத்³ய மே ஸப²லம் தப: ॥ 12।207 ॥

யந்மே ஸாக்ஷாத்த்வமவ்யக்தா ப்ரஸந்நா த்³ருʼஷ்டிகோ³சரா ।
த்வயா ஸ்ருʼஷ்டம் ஜக³த் ஸர்வம் ப்ரதா⁴நாத்³யம் த்வயி ஸ்தி²தம் ॥ 12।208 ॥

த்வய்யேவ லீயதே தே³வி த்வமேவ ச பரா க³தி: ।
வத³ந்தி கேசித் த்வாமேவ ப்ரக்ருʼதிம் ப்ரக்ருʼதே: பராம் ॥ 12।209 ॥

அபரே பரமார்த²ஜ்ஞா: ஶிவேதி ஶிவஸம்ஶ்ரயாத் ।
த்வயி ப்ரதா⁴நம் புருஷோ மஹாந் ப்³ரஹ்மா ததே²ஶ்வர: ॥ 12।210 ॥

அவித்³யா நியதிர்மாயா கலாத்³யா: ஶதஶோঽப⁴வந் ।
த்வம் ஹி ஸா பரமா ஶக்திரநந்தா பரமேஷ்டி²நீ ॥ 12।211 ॥

ஸர்வபே⁴த³விநிர்முக்தா ஸர்வேபே⁴தா³ஶ்ரயாஶ்ரயா ।
த்வாமதி⁴ஷ்டா²ய யோகே³ஶி மஹாதே³வோ மஹேஶ்வர: ॥ 12।212 ॥

ப்ரதா⁴நாத்³யம் ஜக³த் க்ருʼத்ஸ்நம் கரோதி விகரோதி ச ।
த்வயைவ ஸங்க³தோ தே³வ: ஸ்வமாநந்த³ம் ஸமஶ்நுதே ॥ 12।213 ॥

த்வமேவ பரமாநந்த³ஸ்த்வமேவாநந்த³தா³யிநீ ।
த்வமக்ஷரம் பரம் வ்யோம மஹஜ்ஜ்யோதிர்நிரஞ்ஜநம் ॥ 12।214 ॥

ஶிவம் ஸர்வக³தம் ஸூக்ஷ்மம் பரம் ப்³ரஹ்ம ஸநாதநம் ।
த்வம் ஶக்ர: ஸர்வதே³வாநாம் ப்³ரஹ்மா ப்³ரஹ்மவிதா³மஸி ॥ 12।215 ॥

வாயுர்ப³லவதாம் தே³வி யோகி³நாம் த்வம் குமாரக: ।
ருʼஷீணாம் ச வஸிஷ்ட²ஸ்த்வம் வ்யாஸோ வேத³விதா³மஸி ॥ 12।216 ॥

ஸாங்க்²யாநாம் கபிலோ தே³வோ ருத்³ராணாமஸி ஶங்கர: ।
ஆதி³த்யாநாமுபேந்த்³ரஸ்த்வம் வஸூநாம் சைவ பாவக: ॥ 12।217 ॥

வேதா³நாம் ஸாமவேத³ஸ்த்வம் கா³யத்ரீ ச²ந்த³ஸாமஸி ।
அத்⁴யாத்மவித்³யா வித்³யாநாம் க³தீநாம் பரமா க³தி: ॥ 12।218 ॥

மாயா த்வம் ஸர்வஶக்தீநாம் கால: கலயதாமஸி ।
ஓங்கார: ஸர்வகு³ஹ்யாநாம் வர்ணாநாம் ச த்³விஜாத்தம: ॥ 12।219 ॥

ஆஶ்ரமாணாம் ச கா³ர்ஹஸ்த்²யமீஶ்வராணாம் மஹேஶ்வர: ।
பும்ஸாம் த்வமேக: புருஷ: ஸர்வபூ⁴தஹ்ருʼதி³ ஸ்தி²த: ॥ 12।220 ॥

ஸர்வோபநிஷதா³ம் தே³வி கு³ஹ்யோபநிஷது³ச்யதே ।
ஈஶாநஶ்சாஸி கல்பாநாம் யுகா³நாம் க்ருʼதமேவ ச ॥ 12।221 ॥

ஆதி³த்ய: ஸர்வமார்கா³ணாம் வாசாம் தே³வி ஸரஸ்வதீ ।
த்வம் லக்ஷ்மீஶ்சாருரூபாணாம் விஷ்ணுர்மாயாவிநாமஸி ॥ 12।222 ॥

அருந்த⁴தீ ஸதீநாம் த்வம் ஸுபர்ண: பததாமஸி ।
ஸூக்தாநாம் பௌருஷம் ஸூக்தம் ஸாம ஜ்யேஷ்டம் ச ஸாமஸு ॥ 12।223 ॥

ஸாவித்ரீ சாஸி ஜாப்யாநாம் யஜுஷாம் ஶதருத்³ரியம் ।
பர்வதாநாம் மஹாமேருரநந்தோ போ⁴கி³நாமஸி ॥ 12।224 ॥

ஸர்வேஷாம் த்வம் பரம் ப்³ரஹ்ம த்வந்மயம் ஸர்வமேவ ஹி ॥ 12।225 ॥

ரூபம் தவாஶேஷகலாவிஹீந-
மகோ³சரம் நிர்மலமேகரூபம் ।
அநாதி³மத்⁴யாந்தமநந்தாமாத்³யம்
நமாமி ஸத்யம் தமஸ: பரஸ்தாத் ॥ 12।226 ॥

யதே³வ பஶ்யந்தி ஜக³த்ப்ரஸூதிம்
வேதா³ந்தவிஜ்ஞாநவிநிஶ்சிதார்தா:² ।
ஆநந்த³மாத்ரம் ப்ரணவாபி⁴தா⁴நம்
ததே³வ ரூபம் ஶரணம் ப்ரபத்³யே ॥ 12।227 ॥

அஶேஷபூ⁴தாந்தரஸந்நிவிஷ்டம்
ப்ரதா⁴நபும்யோக³வியோக³ஹேதும் ।
தேஜோமயம் ஜந்மவிநாஶஹீநம்
ப்ராணாபி⁴தா⁴நம் ப்ரணதோঽஸ்மி ரூபம் ॥ 12।228 ॥

ஆத்³யந்தஹீநம் ஜக³தா³த்மபூ⁴தம்
விபி⁴ந்நஸம்ஸ்த²ம் ப்ரக்ருʼதே: பரஸ்தாத் ।
கூடஸ்த²மவ்யக்தவபுஸ்ததை²வ
நமாமி ரூபம் புருஷாபி⁴தா⁴நம் ॥ 12।229 ॥

ஸர்வாஶ்ரயம் ஸர்வஜக³த்³விதா⁴நம்
ஸர்வத்ரக³ம் ஜந்மவிநாஶஹீநம் ।
ஸூக்ஷ்மம் விசித்ரம் த்ரிகு³ணம் ப்ரதா⁴நம்
நதோঽஸ்மி தே ரூபமரூபபே⁴த³ம் ॥ 12।230 ॥

ஆத்³யம் மஹாந்தம் புருஷாத்மரூபம்
ப்ரக்ருʼத்யவஸ்த²ம் த்ரிகு³ணாத்மபீ³ஜம் ।
ஐஶ்வர்யவிஜ்ஞாநவிராக³த⁴ர்மை:
ஸமந்விதம் தே³வி நதோঽஸ்மி ரூபம் ॥ 12।231 ॥

த்³விஸப்தலோகாத்மகமம்பு³ஸம்ஸ்த²ம்
விசித்ரபே⁴த³ம் புருஷைகநாத²ம் ।
அநந்தபூ⁴தைரதி⁴வாஸிதம் தே
நதோঽஸ்மி ரூபம் ஜக³த³ண்ட³ஸம்ஜ்ஞம் ॥ 12।231 ॥

அஶேஷவேதா³த்மகமேகமாத்³யம்
ஸ்வதேஜஸா பூரிதலோகபே⁴த³ம் ।
த்ரிகாலஹேதும் பரமேஷ்டி²ஸம்ஜ்ஞம்
நமாமி ரூபம் ரவிமண்ட³லஸ்த²ம் ॥ 12।232 ॥

ஸஹஸ்ரமூர்தா⁴நமநந்தஶக்திம்
ஸஹஸ்ரபா³ஹும் புருஷம் புராணம் ।
ஶயாநமந்த: ஸலிலே ததை²வ
நாராயணாக்²யம் ப்ரணதோঽஸ்மி ரூபம் ॥ 12।233 ॥

த³ம்ஷ்ட்ராகராலம் த்ரித³ஶாபி⁴வந்த்³யம்
யுகா³ந்தகாலாநலகல்பரூபம் ।
அஶேஷபூ⁴தாண்ட³விநாஶஹேதும்
நமாமி ரூபம் தவ காலஸம்ஜ்ஞம் ॥ 12।234 ॥

ப²ணாஸஹஸ்ரேண விராஜமாநம்
போ⁴கீ³ந்த்³ரமுக்²யைரபி⁴பூஜ்யமாநம் ।
ஜநார்த³நாரூட⁴தநும் ப்ரஸுப்தம்
நதோঽஸ்மி ரூபம் தவ ஶேஷஸம்ஜ்ஞம் ॥ 12।235 ॥

அவ்யாஹதைஶ்வர்யமயுக்³மநேத்ரம்
ப்³ரஹ்மாம்ருʼதாநந்த³ரஸஜ்ஞமேகம் ।
யுகா³ந்தஶேஷம் தி³வி ந்ருʼத்யமாநம்
நதோঽஸ்மி ரூபம் தவ ருத்³ரஸம்ஜ்ஞம் ॥ 12।236 ॥

ப்ரஹீணஶோகம் விமலம் பவித்ரம்
ஸுராஸுரைரர்சிதாபாத³பத்³மம் ।
ஸுகோமலம் தே³வி விபா⁴ஸி ஶுப்⁴ரம்
நமாமி தே ரூபமித³ம் ப⁴வாநி ॥ 12।237 ॥

ௐ நமஸ்தேঽஸ்து மஹாதே³வி நமஸ்தே பரமேஶ்வரி ।
நமோ ப⁴க³வதீஶாநி ஶிவாயை தே நமோ நம: ॥ 12।238 ॥

த்வந்மயோঽஹம் த்வதா³தா⁴ரஸ்த்வமேவ ச க³திர்மம ।
த்வாமேவ ஶரணம் யாஸ்யே ப்ரஸீத³ பரமேஶ்வரி ॥ 12।239 ॥

மயா நாஸ்தி ஸமோ லோகே தே³வோ வா தா³நவோঽபி வா ।
ஜக³ந்மாதைவ மத்புத்ரீ ஸம்பூ⁴தா தபஸா யத: ॥ 12।240 ॥

ஏஷா தவாம்பி³கா தே³வி கிலாபூ⁴த்பித்ருʼகந்யகா ।
மேநாঽஶேஷஜக³ந்மாதுரஹோ புண்யஸ்ய கௌ³ரவம் ॥ 12।241 ॥

பாஹி மாமமரேஶாநி மேநயா ஸஹ ஸர்வதா³ ।
நமாமி தவ பாதா³ப்³ஜம் வ்ரஜாமி ஶரணம் ஶிவாம் ॥ 12।242 ॥

அஹோ மே ஸுமஹத்³ பா⁴க்³யம் மஹாதே³வீஸமாக³மாத் ।
ஆஜ்ஞாபய மஹாதே³வி கிம் கரிஷ்யாமி ஶங்கரி ॥ 12।243 ॥

ஏதாவது³க்த்வா வசநம் ததா³ ஹிமகி³ரீஶ்வர: ।
ஸம்ப்ரேக்ஷணமாணோ கி³ரிஜாம் ப்ராஞ்ஜலி: பார்ஶ்வதோঽப⁴வத் ॥ 12।244 ॥

அத² ஸா தஸ்ய வசநம் நிஶம்ய ஜக³தோঽரணி: ।
ஸஸ்மிதம் ப்ராஹ பிதரம் ஸ்ம்ருʼத்வா பஶுபதிம் பதிம் ॥ 12।246 ॥

தே³வ்யுவாச
ஶ்ருʼணுஷ்வ சைதத் ப்ரத²மம் கு³ஹ்யமீஶ்வரகோ³சரம் ।
உபதே³ஶம் கி³ரிஶ்ரேஷ்ட² ஸேவிதம் ப்³ரஹ்மவாதி³பி:⁴ ॥ 12।247 ॥

யந்மே ஸாக்ஷாத் பரம் ரூபமைஶ்வரம் த்³ருʼஷ்டமத்³பு⁴தம் ।
ஸர்வஶக்திஸமாயுக்தமநந்தம் ப்ரேரகம் பரம் ॥ 12।248 ॥

ஶாந்த: ஸமாஹிதமநா த³ம்பா⁴ஹங்காரவர்ஜித: ।
தந்நிஷ்ட²ஸ்தத்பரோ பூ⁴த்வா ததே³வ ஶரணம் வ்ரஜ ॥ 12।249 ॥

ப⁴க்த்யா த்வநந்யயா தாத பத்³பா⁴வம் பரமாஶ்ரித: ।
ஸர்வயஜ்ஞதபோதா³நைஸ்ததே³வார்ச்சய ஸர்வதா³ ॥ 12।250 ॥

ததே³வ மநஸா பஶ்ய தத்³ த்⁴யாயஸ்வ யஜஸ்வ ச ।
மமோபதே³ஶாத்ஸம்ஸாரம் நாஶயாமி தவாநக⁴ ॥ 12।251 ॥

அஹம் வை மத்பராந் ப⁴க்தாநைஶ்வரம் யோக³மாஸ்தி²தாந் ।
ஸம்ஸாரஸாக³ராத³ஸ்மாது³த்³த⁴ராம்யசிரேண து ॥ 12।252 ॥

த்⁴யாநேந கர்மயோகே³ந ப⁴க்த்யா ஜ்ஞாநேந சைவ ஹி ।
ப்ராப்யாঽஹம் தே கி³ரிஶ்ரேஷ்ட² நாந்யதா² கர்மகோடிபி:⁴ ॥ 12।253 ॥

ஶ்ருதிஸ்ம்ருʼத்யுதி³தம் ஸம்யக் கர்ம வர்ணாஶ்ரமாத்மகம் ।
அத்⁴யாத்மஜ்ஞாநஸஹிதம் முக்தயே ஸததம் குரு ॥ 12।254 ॥

த⁴ர்மாத்ஸஞ்ஜாயதே ப⁴க்திர்ப⁴க்த்யா ஸம்ப்ராப்யதே பரம் ।
ஶ்ருதிஸ்ம்ருʼதிப்⁴யாமுதி³தோ த⁴ர்மோ யஜ்ஞாதி³கோ மத: ॥ 12।255 ॥

நாந்யதோ ஜாயதே த⁴ர்மோ வேதா³த்³ த⁴ர்மோ ஹி நிர்ப³பௌ⁴ ।
தஸ்மாந்முமுக்ஷுர்த⁴ர்மார்தீ² மத்³ரூபம் வேத³மாஶ்ரயேத் ॥ 12।256 ॥

மமைவைஷா பரா ஶக்திர்வேத³ஸம்ஜ்ஞா புராதநீ ।
ருʼக்³யஜு: ஸாமரூபேண ஸர்கா³தௌ³ ஸம்ப்ரவர்த்ததே ॥ 12।257 ॥

தேஷாமேவ ச கு³ப்த்யர்த²ம் வேதா³நாம் ப⁴க³வாநஜ: ।
ப்³ராஹ்மணாதீ³ந் ஸஸர்ஜாத² ஸ்வே ஸ்வே கர்மண்யயோஜயத் ॥ 12।258 ॥

யே ந குர்வந்தி தத்³ த⁴ர்மம் தத³ர்த²ம் ப்³ரஹ்மநிர்மிதா: ।
தேஷாமத⁴ஸ்தாத்³ நரகாம்ஸ்தாமிஸ்த்ராதீ³நகல்பயத் ॥ 12।259 ॥

ந ச வேதா³த்³ருʼதே கிஞ்சிச்சா²ஸ்த்ரம் த⁴ர்மாபி⁴தா⁴யகம் ।
யோঽந்யத்ரரமதேஸோঽஸௌ ந ஸம்பா⁴ஷ்யோ த்³விஜாதிபி:⁴ ॥ 12।260 ॥

யாநி ஶாஸ்த்ராணி த்³ருʼஶ்யந்தே லோகேঽஸ்மிந் விவிதா⁴நிது ।
ஶ்ருதிஸ்ம்ருʼதிவிருத்³தா⁴நி நிஷ்டா² தேஷாம் ஹி தாமஸீ ॥ 12।261 ॥

காபாலம் பஞ்சராத்ரம் ச யாமலம் வாமமார்ஹதம் ।
ஏவம்விதா⁴நி சாந்யாநி மோஹநார்தா²நி தாநி து ॥ 12।262 ॥

யே குஶாஸ்த்ராபி⁴யோகே³ந மோஹயந்தீஹ மாநவாந் ।
மயா ஸ்ருʼஷ்டாநி ஶாஸ்த்ராணி மோஹாயைஷாம் ப⁴வாந்தரே ॥ 12।263 ॥

வேதா³ர்த²வித்தமை: கார்யம் யத் ஸ்ம்ருʼதம் கர்ம வைதி³கம் ।
தத்ப்ரயத்நேந குர்வந்தி மத்ப்ரியாஸ்தே ஹி யே நரா: ॥ 12।264 ॥

வர்ணாநாமநுகம்பார்த²ம் மந்நியோகா³த்³விராட் ஸ்வயம் ।
ஸ்வாயம்பு⁴வோ மநுர்தா⁴ர்மாந் முநீநாம் பூர்வமுக்தவாந் ॥ 12।265 ॥

ஶ்ருத்வா சாந்யேঽபி முநயஸ்தந்முகா²த்³ த⁴ர்மமுத்தமம் ।
சக்ருர்த⁴ர்மப்ரதிஷ்டா²ர்த²ம் த⁴ர்மஶாஸ்த்ராணி சைவ ஹி ॥ 12।266 ॥

தேஷு சாந்தர்ஹிதேஷ்வேவம் யுகா³ந்தேஷு மஹர்ஷய: ।
ப்³ரஹ்மணோ வசநாத்தாநி கரிஷ்யந்தி யுகே³ யுகே³ ॥ 12।267 ॥

அஷ்டாத³ஶ புராணாநி வ்யாஸேந கதி²தாநி து ।
நியோகா³த்³ ப்³ரஹ்மணோ ராஜம்ஸ்தேஷு த⁴ர்ம: ப்ரதிஷ்டி²த: ॥ 12।268 ॥

அந்யாந்யுபபுராணாநி தச்சி²ஷ்யை: கதி²தாநி து ।
யுகே³ யுகே³ঽத்ர ஸர்வேஷாம் கர்தா வை த⁴ர்மஶாஸ்த்ரவித் ॥ 12।269 ॥

ஶிக்ஷா கல்போ வ்யாகரணம் நிருக்தம் ச²ந்த³ ஏவ ச ।
ஜ்யோதி: ஶாஸ்த்ரம் ந்யாயவித்³யா மீமாம்ஸா சோபப்³ருʼம்ஹணம் ॥ 12।270 ॥

ஏவம் சதுர்த³ஶைதாநி வித்³யாஸ்தா²நாநி ஸத்தம ।
சதுர்வேதை:³ ஸஹோக்தாநி த⁴ர்மோ நாந்யத்ர வித்³யதே ॥ 12।271 ॥

ஏவம் பைதாமஹம் த⁴ர்மம் மநுவ்யாஸாத³ய: பரம் ।
ஸ்தா²பயந்தி மமாதே³ஶாத்³ யாவதா³பூ⁴தஸம்ப்லவம் ॥ 12।272 ॥

ப்³ரஹ்மணா ஸஹ தே ஸர்வே ஸம்ப்ராப்தே ப்ரதிஸஞ்சரே ।
பரஸ்யாந்தே க்ருʼதாத்மாந: ப்ரவிஶந்தி பரம் பத³ம் ॥ 12।273 ॥

தஸ்மாத் ஸர்வப்ரயத்நேந த⁴ர்மார்த²ம் வேத³மாஶ்ரயேத் ।
த⁴ர்மேண ஸஹிதம் ஜ்ஞாநம் பரம் ப்³ரஹ்ம ப்ரகாஶயேத் ॥ 12।274 ॥

யே து ஸங்கா³ந் பரித்யஜ்ய மாமேவ ஶரணம் க³தா: ।
உபாஸதே ஸதா³ ப⁴க்த்யா யோக³மைஶ்வரமாஸ்தி²தா: ॥ 12।275 ॥

ஸர்வபூ⁴தத³யாவந்த: ஶாந்தா தா³ந்தா விமத்ஸரா: ।
அமாநிநோ பு³த்³தி⁴மந்தஸ்தாபஸா: ஶம்ஸிதவ்ரதா: ॥ 12।276 ॥

மச்சித்தா மத்³க³தப்ராணா மஜ்ஜ்ஞாநகத²நே ரதா: ।
ஸம்ந்யாஸிநோ க்³ருʼஹஸ்தா²ஶ்ச வநஸ்தா² ப்³ரஹ்மசாரிண: ॥ 12।277 ॥

தேஷாம் நித்யாபி⁴யுக்தாநாம் மாயாதத்த்வம் ஸமுத்தி²தம் ।
நாஶயாமி தம: க்ருʼத்ஸ்நம் ஜ்ஞாநதீ³பேந மா சிராத் ॥ 12।278 ॥

தே ஸுநிர்தூ⁴ததமஸோ ஜ்ஞாநேநைகேந மந்மயா: ।
ஸதா³நந்தா³ஸ்து ஸம்ஸாரே ந ஜாயந்தே புந: புந: ॥ 12।279 ॥

தஸ்மாத் ஸர்வப்ரகாரேண மத்³ப⁴க்தோ மத்பராயண: ।
மாமேவார்சய ஸர்வத்ர மநஸா ஶரணம் க³த: ॥ 12।280 ॥

அஶக்தோ யதி³ மே த்⁴யாதுமைஶ்வரம் ரூபமவ்யயம் ।
ததோ மே ஸகலம் ரூபம் காலாத்³யம் ஶரணம் வ்ரஜ ॥ 12।281 ॥

யத்³யத் ஸ்வரூபம் மே தாத மநஸோ கோ³சரம் தவ ।
தந்நிஷ்ட²ஸ்தத்பரோ பூ⁴த்வா தத³ர்சநபரோ ப⁴வ ॥ 12।282 ॥

யத்து மே நிஷ்கலம் ரூபம் சிந்மாத்ரம் கேவலம் ஶிவம் ।
ஸர்வோபாதி⁴விநிர்முக்தமநந்தமம்ருʼதம் பரம் ॥ 12।283 ॥

ஜ்ஞாநேநைகேந தல்லப்⁴யம் க்லேஶேந பரமம் பத³ம் ।
ஜ்ஞாநமேவ ப்ரபஶ்யந்தோ மாமேவ ப்ரவிஶந்தி தே ॥ 12।284 ॥

தத்³பு³த்³த⁴யஸ்ததா³த்மாநஸ்தந்நிஷ்டா²ஸ்தத்பராயணா: ।
க³ச்ச²ந்த்யபுநராவ்ருʼத்திம் ஜ்ஞாநநிர்தூ⁴தகல்மஷா: ॥ 12।285 ॥

மாமநாஶ்ரித்ய பரமம் நிர்வாணமமலம் பத³ம் ।
ப்ராப்யதே ந ஹி ராஜேந்த்³ர ததோ மாம் ஶரணம் வ்ரஜ ॥ 12।286 ॥

ஏகத்வேந ப்ருʼத²க்த்வேந ததா² சோப⁴யதா²பி வா ।
மாமுபாஸ்ய மஹாராஜ ததோ யாஸ்யாஸி தத்பத³ம் ॥ 12।287 ॥

மாமநாஶ்ரித்ய தத்தத்த்வம் ஸ்வபா⁴வவிமலம் ஶிவம் ।
ஜ்ஞாயதே ந ஹி ராஜேந்த்³ர ததோ மாம் ஶரணம் வ்ரஜ ॥ 12।288 ॥

தஸ்மாத் த்வமக்ஷரம் ரூபம் நித்யம் சாரூபமைஶ்வரம் ।
ஆராத⁴ய ப்ரயத்நேந ததோ ப³ந்த⁴ம் ப்ரஹாஸ்யஸி ॥ 12।289 ॥

கர்மணா மநஸா வாசா ஶிவம் ஸர்வத்ர ஸர்வதா³ ।
ஸமாராத⁴ய பா⁴வேந ததோ யாஸ்யஸி தத்பத³ம் ॥ 12।290 ॥

ந வை பஶ்யந்தி தத்தத்த்வம் மோஹிதா மம மாயயா ।
அநாத்³யநந்தம் பரமம் மஹேஶ்வரமஜம் ஶிவம் ॥ 12।291 ॥

ஸர்வபூ⁴தாத்மபூ⁴தஸ்த²ம் ஸர்வாதா⁴ரம் நிரஞ்ஜநம் ।
நித்யாநந்த³ம் நிராபா⁴ஸம் நிர்கு³ணம் தமஸ: பரம் ॥ 12।292 ॥

அத்³வைதமசலம் ப்³ரஹ்ம நிஷ்கலம் நிஷ்ப்ரபஞ்சகம் ।
ஸ்வஸம்வேத்³யமவேத்³யம் தத் பரே வ்யோம்நி வ்யவஸ்தி²தம் ॥ 12।293 ॥

ஸூக்ஷ்மேண தமஸா நித்யம் வேஷ்டிதா மம மாயயா ।
ஸம்ஸாரஸாக³ரே கோ⁴ரே ஜாயந்தே ச புந: புந: ॥ 12।294 ॥

ப⁴க்த்யா த்வநந்யயா ராஜந் ஸம்யக்³ ஜ்ஞாநேந சைவ ஹி ।
அந்வேஷ்டவ்யம் ஹி தத்³ ப்³ரஹ்ம ஜந்மப³ந்த⁴நிவ்ருʼத்தயே ॥ 12।295 ॥

அஹங்காரம் ச மாத்ஸர்யம் காமம் க்ரோத⁴பரிக்³ரஹம் ।
அத⁴ர்மாபி⁴நிவேஶம் ச த்யக்த்வா வைராக்³யமாஸ்தி²த: ॥ 12।296 ॥

ஸர்வபூ⁴தேஷு சாத்மாநம் ஸர்வபூ⁴தாநி சாத்மநி ।
அந்வீக்ஷ்ய சாத்மநாத்மாநம் ப்³ரஹ்மபூ⁴யாய கல்பதே ॥ 12।297 ॥

ப்³ரஹ்மபூ⁴த: ப்ரஸந்நாத்மா ஸர்வபூ⁴தாப⁴யப்ரத:³ ।
ஐஶ்வரீம் பரமாம் ப⁴க்திம் விந்தே³தாநந்யகா³மிநீம் ॥ 12।298 ॥

வீக்ஷதே தத்பரம் தத்த்வமைஶ்வரம் ப்³ரஹ்மநிஷ்கலம் ।
ஸர்வஸம்ஸாரநிர்முக்தோ ப்³ரஹ்மணேயவாவதிஷ்ட²தே ॥ 12।299 ॥

ப்³ரஹ்மணோ ஹி ப்ரதிஷ்டா²ঽயம் பரஸ்ய பரம: ஶிவ: ।
அநந்யஶ்சாவ்யயஸ்சைகஶ்சாத்மாதா⁴ரோ மஹேஶ்வர: ॥ 12।300 ॥

ஜ்ஞாநேந கர்மயோகே³ந ப⁴க்தியோகே³ந வா ந்ருʼப ।
ஸர்வஸம்ஸாரமுக்த்யர்த²மீஶ்வரம் ஶரணம் வ்ரஜ ॥ 12।301 ॥

ஏஷ கு³ஹ்யோபதே³ஶஸ்தே மயா த³த்தோ கி³ரீஶ்வர ।
அந்வீக்ஷ்ய சைதத³கி²லம் யதே²ஷ்டம் கர்த்துமர்ஹஸி ॥ 12।302 ॥

அஹம் வை யாசிதா தே³வை: ஸஞ்ஜாதா பரமேஶ்வராத் ।
விநிந்த்³ய த³க்ஷம் பிதரம் மஹேஶ்வரவிநிந்த³கம் ॥ 12।303 ॥

த⁴ர்மஸம்ஸ்தா²பநார்தா²ய தவாராத⁴நகாரணாத் ।
மேநாதே³ஹஸமுத்பந்நா த்வாமேவ பிதரம் ஶ்ரிதா ॥ 12।304 ॥

ஸ த்வம் நியோகா³த்³தே³வஸ்ய ப்³ரஹ்மண: பரமாத்மந: ।
ப்ரிதா³ஸ்யஸே மாம் ருத்³ராய ஸ்வயம்வரஸமாக³மே ॥ 12।305 ॥

தத்ஸம்ப³ந்தா⁴ச்ச தே ராஜந் ஸர்வே தே³வா: ஸவாஸவா: ।
த்வாம் நமஸ்யந்தி வை தாத ப்ரஸீத³தி ச ஶங்கர: ॥ 12।306 ॥

தஸ்மாத்ஸர்வப்ரயத்நேந மாம் வித்³தீ⁴ஶ்வரகோ³சராம் ।
ஸம்பூஜ்ய தே³வமீஶாநம் ஶரண்யம் ஶரணம் வ்ரஜ ॥ 12।307 ॥

ஸ ஏவமுக்தோ ப⁴க³வாந் தே³வதே³வ்யா கி³ரீஶ்வர: ।
ப்ரணம்ய ஶிரஸா தே³வீம் ப்ராஞ்ஜலி: புநரப்³ரவீத் ॥ 12।308 ॥

விஸ்தரேண மஹேஶாநி யோக³ம் மாஹேஶ்வரம் பரம் ।
ஜ்ஞாநம் வை சாத்மநோ யோக³ம் ஸாத⁴நாநி ப்ரசக்ஷ்வ மே ॥ 12।309 ॥

தஸ்யைதத் பரமம் ஜ்ஞாநமாத்மயோக³முத்தமம் ।
யதா²வத்³ வ்யாஜஹாரேஶாஸாத⁴நாநிச விஸ்தராத் ॥ 12।310 ॥

நிஶம்ய வத³நாம்போ⁴ஜாத்³ கி³ரீந்த்³ரோ லோகபூஜித: ।
லோகமாது: பரம் ஜ்ஞாநம் யோகா³ஸக்தோঽப⁴வத்புந: ॥ 12।311 ॥

ப்ரத³தௌ³ ச மஹேஶாய பார்வதீம் பா⁴க்³யகௌ³ரவாத் ।
நியோகா³த்³ப்³ரஹ்மண: ஸாத்⁴வீம் தே³வாநாம் சைவ ஸம்நிதௌ⁴ ॥ 12।312 ॥

ய இமம் பட²தேঽத்⁴யாயம் தே³வ்யா மாஹாத்ம்யகீர்தநம் ।
ஶிவஸ்ய ஸம்நிதௌ⁴ ப⁴க்த்யா ஸுசிஸ்தத்³பா⁴வபா⁴வித: ॥ 12।313 ॥

ஸர்வபாபவிநிர்முக்தோ தி³வ்யயோக³ஸமந்வித: ।
உல்லங்க்⁴ய ப்³ரஹ்மணோ லோகம் தே³வ்யா: ஸ்தா²நமவாப்நுயாத் ॥ 12।314 ॥

யஶ்சைதத் பட²தி ஸ்தோத்ரம் ப்³ராஹ்மணாநாம் ஸமீபத: ।
ஸமாஹிதமநா: ஸோঽபி ஸர்வபாபை: ப்ரமுச்யதே ॥ 12।315 ॥

நாம்நாமஷ்டஸஹஸ்ரம் து தே³வ்யா யத் ஸமுதீ³ரிதம் ।
ஜ்ஞாத்வாঽர்கமண்ட³லக³தாம் ஸம்பா⁴வ்ய பரமேஶ்வரீம் ॥ 12।316 ॥

அப்⁴யர்ச்ய க³ந்த⁴புஷ்பாத்³யைர்ப⁴க்தியோக³ஸமந்வித: ।
ஸம்ஸ்மரந்பரமம் பா⁴வம் தே³வ்யா மாஹேஶ்வரம் பரம் ॥ 12।317 ॥

அநந்யமாநஸோ நித்யம் ஜபேதா³மரணாத்³ த்³விஜ: ।
ஸோঽந்தகாலே ஸ்ம்ருʼதிம் லப்³த்⁴வா பரம் ப்³ரஹ்மாதி⁴க³ச்ச²தி ॥ 12।318 ॥

அத²வா ஜாயதே விப்ரோ ப்³ராஹ்மணாநாம் குலே ஶுசௌ ।
பூர்வஸம்ஸ்காரமாஹாத்ம்யாத்³ ப்³ரஹ்மவித்³யாமவாப்நுயாத் ॥ 12।319 ॥

ஸம்ப்ராப்ய யோக³ம் பரமம் தி³வ்யம் தத் பாரமேஶ்வரம் ।
ஶாந்த: ஸர்வகா³தோ பூ⁴த்வா ஶிவஸாயுஜ்யமாப்நுயாத் ॥ 12।320 ॥

ப்ரத்யேகம் சாத² நாமாநி ஜுஹுயாத் ஸவநத்ரயம் ।
பூதநாதி³க்ருʼதைர்தோ³ஷைர்க்³ரஹதோ³ஷைஶ்ச முச்யதே ॥ 12।321 ॥

ஜபேத்³ வாঽஹரஹர்நித்யம் ஸம்வத்ஸரமதந்த்³ரித: ।
ஶ்ரீகாம: பார்வதீம் தே³வீம் பூஜயித்வா விதா⁴நத: ॥ 12।322 ॥

ஸம்பூஜ்ய பார்ஶ்வத: ஶம்பு⁴ம் த்ரிநேத்ரம் ப⁴க்திஸம்யுத: ।
லப⁴தே மஹதீம் லக்ஷ்மீம் மஹாதே³வப்ரஸாத³த: ॥ 12।323 ॥

தஸ்மாத் ஸர்வப்ரயத்நேந ஜப்தவ்யம் ஹி த்³விஜாதிபி:⁴ ।
ஸர்வபாபாபநோதா³ர்த²ம் தே³வ்யா நாம ஸஹஸ்ரகம் ॥ 12।324 ॥

ப்ரஸங்கா³த் கதி²தம் விப்ரா தே³வ்யா மாஹாத்ம்யமுத்தமம் ।
அத: பரம் ப்ரஜாஸர்க³ம் ப்⁴ருʼக்³வாதீ³நாம் நிபோ³த⁴த ॥ 12।325 ॥

இதி ஶ்ரீகூர்மபுராணே ஷட்ஸாஹஸ்த்ர்யாம் ஸம்ஹிதாயாம் பூர்வவிபா⁴கே³
த்³வாத³ஶோঽத்⁴யாய: ॥ 12 ॥

Also Read 1000 Names of Sri Devi or Paravti:

1000 Names of Sri Devi or Parvati | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Devi or Parvati | Sahasranama Stotram Lyrics in Tamil

Leave a Reply

Your email address will not be published. Required fields are marked *

Scroll to top