Shri Renuka Sahasranamastotram Lyrics in Bengali:
॥ শ্রীরেণুকাসহস্রনামস্তোত্রম্ ॥
অথ শ্রীরেণুকাতন্ত্রান্তর্গতং শ্রীরেণুকাসহস্রনামস্তোত্রম্ ।
শ্রী গণেশায় নমঃ । শ্রী রেণুকায়ৈ নমঃ ।
গিরিপৃষ্ঠে সমাসীনং শঙ্করং লোকশঙ্করম্ ।
প্রণতঃ পরিপপ্রচ্ছ সংশয়স্থঃ ষডাননঃ ॥ ১ ॥
স্কন্দ উবাচ —
তাত সর্বেশ্বরস্ত্বং হি সর্বজ্ঞঃ সর্বভাবনঃ ।
কথয়স্ব প্রসাদেন রহস্যং সকলার্থদম্ ॥ ২ ॥
বিজয়ঃ সঙ্কটে ঘোরে নির্বিঘ্নং বলমুত্কটম্ ।
অন্যেঽপি বাঞ্ছিতার্থাশ্চ সিদ্ধ্যন্ত্যাশু বিনা শ্রমম্ ॥ ৩ ॥
শঙ্কর উবাচ —
সাধু পৃষ্টং মহাবাহো সংশয়ো মাস্তু মাস্তু তে ।
য়দনুষ্ঠানমাত্রেণ সর্বান্কামানবাপ্স্যসি ॥ ৪ ॥
কস্যচিন্নয়দাখ্যাতং তদ্রহস্যং বদাম্যহম্ ।
স্তোত্রং সহস্রনামাখ্যং রেণুকায়াস্তু সিদ্ধিদম্ ॥ ৫ ॥
সদ্যঃ প্রত্যয়কামস্ত্বং শৃণু ষণ্মুখ ভক্তিতঃ ।
সর্বদেবাশ্চ বেদাশ্চক্ষীণবীর্যা য়ুগে য়ুগে ॥ ৬ ॥
অক্ষীণফলদাত্রীয়ং ত্রিসত্যং মম ভাষিতম্ ।
সর্বদেবময়ী দেবী রেণুকা কামদার্চিতা ॥ ৭ ॥
পুরদাহে ময়া ধ্যাতা তথৈব গরলাশনে ।
বিষ্ণুনা সাগরোন্মাথে ব্রহ্মণা সৃষ্টিকর্মণি ॥ ৮ ॥
গোত্রভেদে মঘবতা জগতী ধারণেঽহিনা ।
কামেন শম্বরবধে রত্যা তত্প্রাপ্তয়ে পুনঃ ॥ ৯ ॥
গণাধীশেন সততং বিঘ্নবারণকর্মণি ।
কিং বত্স বহুনোক্তেন হৈমবত্যা মদাখ্যয়া ॥ ১০ ॥
ধ্যাত্বা সর্বার্থদা সা হি সর্বলোকৈকসংশ্রয়া ।
মহত্কার্যোদ্যতৈরন্যৈর্বহুভিশ্চিন্তিতা শিবা ॥ ১১ ॥
ধর্মার্থকামমোক্ষার্থমবাঙ্মনসগোচরা ।
তস্যা এব প্রসাদাত্তাং স্তৌমি নামাবলিচ্ছলাত্ ॥ ১২ ॥
ঋষ্যাদিকং চ সঙ্ক্ষেপাত্কথয়ামি ষডানন ।
ত্র্যম্বকশ্চ ঋষিঃ প্রোক্তোঽনুষ্টুপ্ছন্দঃ প্রকীর্তিতম্ ॥ ১৩ ॥
একবীরা মহামায়া রেণুকা দৈবতং স্মৃতম্ ।
সর্বপাপক্ষয়দ্বারা প্রীত্যৈ দেব্যা মুহুর্মুহুঃ ॥ ১৪ ॥
সর্বাভীষ্টফলপ্রাপ্তৌ বিনিয়োগ উদাহৃতঃ ।
রেণুকা রামমাতেতি মহাপুরনিবাসিনী ॥ ১৫ ॥
একবীরা কালরাত্রিরেকলা নামভিঃ ক্রমাত্
অঙ্গুষ্ঠাদি করন্যাসো হৃদয়াদি ষডঙ্গকম্ ।
চতুর্থ্যন্তৈর্নমোন্তৈশ্চ প্রণবাদিভিরাচরেত্ ॥ ১৬ ॥
অস্য শ্রী রেণুকা সহস্রনামস্তোত্রমন্ত্রস্য ত্র্যম্বক ঋষিঃ
শ্রীরেণুকা দেবতা । অনুষ্টুপ্ছন্দঃ । সর্বপাপক্ষয়দ্বারা
শ্রী জগদম্বা রেণুকা প্রীত্যর্থং সর্বাভীষ্টফলপ্রাপ্ত্যর্থং
চ জপে বিনিয়োগঃ ।
অথ ন্যাসঃ – শ্রীরেণুকায়ৈ নমঃ অঙ্গুষ্ঠাভ্যাং নমঃ ।
ওঁ রামমাত্রে নমঃ তর্জনীভ্যাং নমঃ ।
ওঁ মহাপুরবাসিন্যৈ নমঃ মধ্যমাভ্যাং নমঃ ।
ওঁ একবীরায়ৈ নমঃ অনামিকাভ্যাং নমঃ ।
ওঁ কালরাত্র্যৈ নমঃ কনিষ্ঠিকাভ্যাং নমঃ ।
ওঁ একলায়ৈ নমঃ করতলকরপৃষ্ঠাভ্যাং নমঃ ।
এবং হৃদয়াদি- ওঁ রেণুকায়ৈ নমঃ হৃদয়ায় নমঃ ।
ওঁ রামমাত্রে নমঃ শিরসে স্বাহা ।
ওঁ মহাপুরবাসিন্যৈ নমঃ শিখায়ৈ বষট্ ।
ওঁ একবীরায়ৈ নমঃ কবচায় হুং ।
ওঁ কালরাত্র্যৈ নমঃ নেত্রত্রয়ায় বৌষট্ ।
ওঁ একলায়ৈ নমঃ অস্ত্রায় ফট্ ।
ধ্যানম্ —
ধ্যায়েন্নিত্যমপূর্ববেষললিতাং কন্দর্পলাবণ্যদাং
দেবীং দেবগণৈরুপাস্যচরণাং কারুণ্যরত্নাকরাম্ ।
লীলাবিগ্রহিণীং বিরাজিতভুজাং সচ্চন্দ্রহাসাদিভি-
র্ভক্তানন্দবিধায়িনীং প্রমুদিতাং নিত্যোত্সবাং রেণুকাম্ ॥ ১৭ ॥
ওঁ রেণুকা রামজননী জমদগ্নিপ্রিয়া সতী ।
একবীরা মহামায়া কালরাত্রিঃ শিবাত্মিকা ॥ ১৮ ॥
মহামোহা মহাদীপ্তিঃ সিদ্ধবিদ্যা সরস্বতী ।
য়োগিনী চন্দ্রিকাসিদ্ধা সিদ্ধলক্ষ্মীঃ শিবপ্রিয়া ॥ ১৯ ॥
কামদা কামজননী মাতৃকা মন্ত্রসিদ্ধিদা ।
মন্ত্রসিদ্ধির্মহালক্ষ্মী মাতৃমণ্ডলবল্লভা ॥ ২০ ॥
চন্দ্রিকা চন্দ্রকান্তিশ্চ সূর্যকান্তিঃ শুচিস্মিতা ।
য়োগেশ্বরী য়োগনিদ্রা য়োগদাত্রী প্রভাবতী ॥ ২১ ॥
অনাদ্যন্তস্বরূপা শ্রীঃ ক্রোধরূপা মহাগতিঃ ।
মনঃশ্রুতিস্মৃতির্ঘ্রাণচক্ষুস্ত্বগ্রসনা রসা ॥ ২২ ॥
মাতৃকা পতিরুত্ক্রোশা চণ্ডহাসা মহাবরা ।
মহাবীরা মহাশূরা মহাচাপা রথস্থিতা ॥ ২৩ ॥
বর্হিপত্রপ্রিয়া তন্বী বর্হিপত্রা চতুর্ভুজা ।
নাদপ্রিয়া নাদলুব্ধা ত্র্যক্ষরা মৃতজীবনী ॥ ২৪ ॥
অমৃতামৃতপানেষ্টা সিন্ধুপা পাত্রশালিনী ।
চণ্ডহাসধরা শূরা বীরা ডমরুমালিনী ॥ ২৫ ॥
শিরোধরা পাত্রকরা বরদা বরবর্ণিনী ।
ত্রিমূর্তির্বেদজননী বেদবিদ্যা তপোনিধিঃ ॥ ২৬ ॥
তপোয়ুক্তা তপোলক্ষ্মীস্তপসঃ সিদ্ধিদাপরা ।
ললিতা সাত্বিকী শান্তা রাজসী রক্তদন্তিকা ॥ ২৭ ॥
একলা রেণুতনয়া কামাক্ষী সত্পরায়ণা ।
ঐন্দ্রী মাহেশ্বরী ব্রাহ্মী বৈষ্ণবী বডবানলা ॥ ২৮ ॥
কাবেরী ঘনদা য়াম্যা য়াম্যাগ্নেয়ী তনুর্নিশা ।
ঈশানী নৈঋতিঃ সৌম্যা মাহেন্দ্রী বারুণী সমা ॥ ২৯ ॥
সর্বর্ষিধ্যেয়চরণা নৃবারণা নরবল্লভা ।
ভিল্লীবেষধরা ভিল্লীবর্বরালক মণ্ডিতা ॥ ৩০ ॥
শৃঙ্গীবাদন সুরসা গুঞ্জাহার বিভূষণা ।
ময়ূর পিচ্ছাভরণা শ্যামা নীলাম্বরা শিবা ॥ ৩১ ॥
কালিকা রেণুদুহিতা শিবপূজ্যা প্রিয়ংবদা ।
সৃষ্টিকৃত্ স্থিতিকৃত্ক্রুদ্ধা পৃথ্বী নারদসেবিতা ॥ ৩২ ॥
সংহারকারিণীন্দ্রাক্ষী রক্ষোঘ্নী চন্দ্রশেখরা ।
হুং ফট্ বৌষট্ বষড্রূপা স্বধা স্বাহা নমো মনুঃ ॥ ৩৩ ॥
সুষুপ্তির্জাগ্রতির্নিদ্রা স্বপ্না তুর্যা চ চক্রিণী ।
তারা মন্দোদরী সীতাঽহল্যাঽরুন্ধতিকা দিতিঃ ॥ ৩৪ ॥
ভগীরথী চ কাবেরী গৌতমী নর্মদা মহী ।
সরয়ূর্গৌতমী ভীমা ত্রিবেণী গণ্ডকী সরী ॥ ৩৫ ॥
মানসং চন্দ্রভাগা চ রেবা গঙ্গা চ বেদিকা ।
হরিদ্বারং মাতৃপুরং দত্তাত্রেয়নিবাসভূঃ ॥ ৩৬ ॥
মাতৃস্থাদিসংস্থানা মাতৃমণ্ডলমণ্ডিতা ।
মাতৃমণ্ডলসম্পূজ্যা মাতৃমণ্ডলমধ্যগা ॥ ৩৭ ॥
নানাস্থানাবতারাদ্যা নানাস্থানচরিত্রকৃত্ ।
কমলা তুলজাত্রেয়ী কোহ্লাপুরনিবাসিনী ॥ ৩৮ ॥
মন্দাকিনী ভোগবতী দত্তাত্রেয়ানুসূয়কা ।
ষট্চক্রদেবতা পিঙ্গা জমদগ্নীশ্বরার্দ্ধহৃত্ ॥ ৩৯ ॥
ইডাখ্যা চ সুষুম্নাখ্যা চন্দ্রসূর্যগতির্বিয়ত্ ।
চন্দ্রসূর্যসমাখ্যাতা সর্বস্ত্রীনিলয়াধ্বনিঃ ॥ ৪০ ॥
সমস্তবিদ্যাতত্ত্বজ্ঞা সর্বরূপা সুখাশ্রয়া ।
পুণ্যপাপেশ্বরী কীর্তির্ভোক্ত্রী ভোগপ্রবর্তিনী ॥ ৪১ ॥
জমদগ্ন্যস্য জননী কবিশক্তিঃ কবিত্বদা ।
হ্রীঙ্কারাম্বা তমোরূপা ক্লীঙ্কারা কামদায়িনী ॥ ৪২ ॥
বাক্প্রদৈঙ্কাররূপা চ মুক্তিদৌঙ্কাররূপিণী ।
শ্রীঙ্কারাখিলদানোক্তা সর্ববীজাত্মিকাত্মভূঃ ॥ ৪৩ ॥
জমদগ্নি শিবাঙ্কস্থা ধর্মার্থকামমোক্ষদা ।
জমদগ্নিক্রোধহরা জমদগ্নিবচঃকরী ॥ ৪৪ ॥
জমদগ্নিতমোহন্ত্রী জমদগ্নিসুখৈকভূঃ ।
জিতবীরা বীরমাতা বীরভূর্বীরসেবিতা ॥ ৪৫ ॥
বীরদীক্ষাকরী সৌর্যদীক্ষিতা সর্বমঙ্গলা ।
কাত্যায়নী পরীবারা কালকালা কলানিধিঃ ॥ ৪৬ ॥
অষ্টসিদ্ধিপ্রদা ক্রূরা ক্রূরগ্রহবিনাশিনী ।
সাকারা চ নিরাকারাহঙ্কারাকারণা কৃতিঃ ॥ ৪৭ ॥
সম্মতা বিষমঘ্নী চ বিষহন্ত্রী বিষাশনা ।
ব্যালাভরণসংহৃষ্টা ব্যালমণ্ডনমণ্ডিতা ॥ ৪৮ ॥
অণুরূপা পরাণুশ্চ সদ্রূপা চ মহাপরা ।
হ্রস্বা হ্রস্বপরা দীর্ঘা পরদীর্ঘা পরাত্পরা ॥ ৪৯ ॥
অদ্বয়াদ্বয়রূপা চ প্রপঞ্চরহিতা পৃথুঃ ।
স্থূলসূক্ষ্মা নিরীহা চ স্নেহাঞ্জনবিবর্জিতা ॥ ৫০ ॥
ব্রহ্মসূতা মহানিদ্রা য়োগনিদ্রা হরিস্তুতা ।
হিরণ্যগর্ভরূপা চ পরব্রহ্মস্বরূপিণী ॥ ৫১ ॥
ব্রহ্মশক্তির্ব্রহ্মবিদ্যা বিশ্ববীজা নিরঞ্জনা ।
অতুলা কর্মরূপা চ শ্যামলা পরিঘায়ুধা ॥ ৫২ ॥
নারায়ণী বিষ্ণুশক্তিঃ অবাঙ্মনসগোচরা ।
ঘৃতমারী পুণ্যকরী পুণ্যশক্তিরমাম্বিকা ॥ ৫৩ ॥
রক্তবীজবধোদ্রিক্তা রক্তচন্দনচর্চিতা ।
সুরক্তপুষ্পাভরণা রক্তদংষ্ট্রাভয়প্রদা ॥ ৫৪ ॥
তীক্ষ্ণরক্তনখারক্তা নিশুম্ভপ্রাণকৃন্তিনী ।
শুম্ভপ্রাণনিহন্ত্রী চ মহামৃত্যুবিনাশিনী ॥ ৫৫ ॥
সর্বদেবমহাশক্তির্মহালক্ষ্মী সুরস্তুতা ।
অষ্টাদশভুজার্চ্যাংশা দশদোর্দণ্ডমণ্ডিতা ॥ ৫৬ ॥
নিষ্কলাষ্টভুজা ধাত্রী কল্পাতীতা মনোহরা ।
কল্পনা রহিতার্চ্যাদ্যা দারিদ্র্যবনদাহিনী ॥ ৫৭ ॥
কৌস্তুভা পারিজাতা চ হাহাদিরূপধারিণী ।
তিলোত্তমাপ্সরোরূপা নবনাগস্বরূপিণী ॥ ৫৮ ॥
নিধিরূপা সমাধিস্থা খড্গরূপা শবস্থিতা ।
মহিষাসুরদত্তাংঘ্রিঃ সিংহগা সিংহগামিনী ॥ ৫৯ ॥
ত্রিশূলধারিণী প্রৌঢা বালা মুগ্ধা সুধর্মিণী ।
শঙ্খভৃচ্চক্রভৃত্পাশা গদাভৃত্পাশমণ্ডিতা ॥ ৬০ ॥
কালশক্তিঃ কৃপাসিন্ধুর্মৃগারিবরবাহনা ।
গণরাজমহাশক্তিঃ শিবশক্তিঃ শিবস্তুতা ॥ ৬১ ॥
হরিপ্রিয়া শ্রাদ্ধদেবী প্রধানা গুহরূপিণী ।
গুহপ্রীতা গণেট্প্রীতা কামপ্রীতা গুহস্থিতা ॥ ৬২ ॥
সর্বার্থদায়িনী রৌদ্রী নীলাগতিরলোলুপা ।
চামুণ্ডা চিত্রঘণ্টা চ বিশ্বয়োনির্নিরন্তরম্ ॥ ৬৩ ॥
শ্রাবণী শ্রমহন্ত্রী চ সংসারভ্রমনাশিনী ।
সংসারফলসম্পন্না সংসারমতিরুচ্চগা ॥ ৬৪ ॥
উচ্চাসনসমারূঢা বিমানবরগামিনী ।
বিমানস্থা বিমানঘ্নী পাশঘ্নী কালনাশিনী ॥ ৬৫ ॥
কালচক্রভ্রমভ্রান্তা কালচক্রপ্রবর্তিনী ।
চেতনা চাপিনী ভব্যা ভব্যাভব্যবিনাশিনী ॥ ৬৬ ॥
সিংহাসনসুখাবিষ্টা ক্ষীরসাগরকন্যকা ।
বণিক্কন্যা ক্ষেমকরী মুকুটেশাবনিস্থিতা ॥ ৬৭ ॥
শ্রুতিজ্ঞা চ পুরাণজ্ঞা স্মৃতিজ্ঞা বেদবাদনী ।
বেদবেদার্থতত্ত্বজ্ঞা হিঙ্গুলা কালশালিনী ॥ ৬৮ ॥
ইতিহাসার্থবিদ্ধর্ম্যা ধ্যেয়া হন্ত্রী শিশুপ্রিয়া ।
স্তন্যদা স্তন্যধারা চ বনস্থা পার্বতীশিবা ॥ ৬৯ ॥
মেনা মৈনাকভগিনী সুরভির্জলভুক্তডিত্ ।
সর্ববীজান্তরস্থাত্রী সকলাগমদেবতা ॥ ৭০ ॥
স্থলস্থলা জলস্থা চ বনস্থা বনদেবতা ।
ক্ষয়হন্ত্রী নিহন্ত্রী চ নিরাতঙ্কামরপ্রিয়া ॥ ৭১ ॥
ত্রিকালজ্ঞা ত্রিরূপা চ লীলাবিগ্রহধারিণী ।
সমাধিঃ পুণ্যধিঃ পুণ্যা পাপাজ্ঞানবিনাশিনী ॥ ৭২ ॥
দৃশ্যা দৃগ্বিষয়া দৃষ্টিঃ পাপহন্ত্রী শমস্থিতা ।
বিরথা রথনিষ্ঠা চ বরূথরথসংস্থিতা ॥ ৭৩ ॥
মধুকৈটভহন্ত্রী চ সর্বদেবশরীরভৃত্ ।
ত্রিপুরা পুণ্যকীর্তিশ্চ নৃপবশ্যপ্রদায়িনী ॥ ৭৪ ॥
সাংখ্যবিদ্যা ত্রয়ীবিদ্যা য়োগবিদ্যা রবিস্থিতা ।
স্থাবরা জঙ্গমা ক্ষান্তির্বলিশক্তির্বলিপ্রিয়া ॥ ৭৫ ॥
মহিষাসুরনির্ণাশী দৈত্যসৈন্যপরান্তকৃত্ ।
ডমড্ডমরুডাঙ্কারা বীরশ্রীর্জনদেবতা ॥ ৭৬ ॥
উদ্গীথোদ্গীথমর্যাদা ক্ষীরসাগরশায়িনী ।
বীরলক্ষ্মীর্বীরকান্তা শিবদূতী সনাতনী ॥ ৭৭ ॥
শক্রাদিসংস্তুতা হৃষ্টা চণ্ডমুণ্ডবিনাশিনী ।
পঞ্চবক্ত্রৈকরূপা চ ত্রিনেত্রাবলিমোহিনী ॥ ৭৮ ॥
ধূম্রলোচননির্নাশাহঙ্কারোদ্গারভাষিণী ।
একমূর্তিস্ত্রিধামূর্তিঃ ত্রিলোকানন্দদায়িনী ॥ ৭৯ ॥
ভবানী দশমূর্তিশ্চ পঞ্চমূর্তির্জয়ন্তিকা ।
দক্ষিণা দক্ষিণামূর্তিঃ অনেকৈকাদশাকৃতিঃ ॥ ৮০ ॥
একচক্ষুরনন্তাক্ষী বিশ্বাক্ষী বিশ্বপালিনী ।
চতুর্বিংশতিতত্ত্বাদ্যা চতুর্বিংশতিতত্ত্ববিত্ ॥ ৮১ ॥
সোঽহং হংসাবিশেষজ্ঞা নির্বিশেষা নিরাকৃতিঃ ।
য়মঘণ্টামৃতকলা জয়ঘণ্টা জয়ধ্বনিঃ ॥ ৮২ ॥
পাঞ্চজন্যস্ফুরচ্ছক্তির্হনুমচ্ছক্তিরাস্তিকা ।
শীলাতরণশক্তিশ্চ রামশক্তির্বিরাট্তনুঃ ॥ ৮৩ ॥
লঙ্কাপ্রজ্বলনা বেলা সাগরক্রমণক্রমাত্ ।
নরনারায়ণপ্রীতির্লোকনীতিরঘৌঘকৃত্ ॥ ৮৪ ॥
বিপাশা পাশহস্তা চ বিশ্ববাহুস্ত্রিলিঙ্গিকা ।
প্রাচী প্রতীচী বিদিশা দক্ষিণা দক্ষকন্যকা ॥ ৮৫ ॥
শিবলিঙ্গপ্রতিষ্ঠাত্রী শিবলিঙ্গপ্রতিষ্ঠিতা ।
অজ্ঞাননাশিনী বুদ্ধিস্তত্ত্ববিদ্যা সুচেতনা ॥ ৮৬ ॥
প্রকাশা স্বপ্রকাশা চ দ্বয়াদ্বয়বর্জিতা ।
অসদ্রূপা চ সদ্রূপা সদসদ্রূপশালিনী ॥ ৮৭ ॥
কৈলাসনিলয়া গৌরী বৃষগা বৃষবাহনা ।
সোমসূর্যাগ্নিনয়না সোমসূর্যাগ্নিবিগ্রহা ॥ ৮৮ ॥
বিষমেক্ষণদুর্ধর্ষা লঙ্কাদাহকরী দিতিঃ ।
বৈকুণ্ঠবিলসন্মূর্তিঃ বৈকুণ্ঠনিলয়ানিলা ॥ ৮৯ ॥
নমোমূর্তিস্তমোমূর্তিস্তেজোমূর্তিরমেয়ধীঃ ।
সূর্যমূর্তিশ্চন্দ্রমূর্তিঃ য়জমানশরীরিণী ॥ ৯০ ॥
আপ্যমূর্তিরিলামূর্তিঃ নরনারায়ণাকৃতিঃ ।
বিষয়াজ্ঞানভিন্না চ বিষয়াজ্ঞাননির্বৃতিঃ ॥ ৯১ ॥
সুখবিত্সুখিনী সৌখ্যা বেদবেদাঙ্গপারগা ।
স্রুক্ স্রুবা চ বসোর্ধারা য়াগশক্তিরশক্তিহৃত্ ॥ ৯২ ॥
য়জ্ঞকৃত্ প্রাকৃতির্যজ্ঞা য়জ্ঞরাগবিবর্ধিনী ।
য়জ্ঞভোক্ত্রী য়জ্ঞভাগা সৌভাগ্যবরদায়িনী ॥ ৯৩ ॥
ব্যাপিনী দশদিগ্বাহুর্দিগন্তা বলিদায়িনী ।
কৃপা বিশ্বেশ্বরী স্বঙ্গা শতাক্ষী কামদেবতা ॥ ৯৪ ॥
কামচারপ্রিয়া কামা কামাচারপরায়ণা ।
চিকিত্সা বেদবিদ্যা চ বৈদ্যমাতামহৌষধিঃ ॥ ৯৫ ॥
মহৌষধিরসপ্রীতা বিকরালা কলাতিগা ।
মেঘশক্তির্মহাবৃষ্টিঃ সুবৃষ্টিঃ শিবশর্মদা ॥ ৯৬ ॥
রুদ্রাণী রুদ্রবদনা রুদ্রপূজ্যান্নপূর্ণিকা ।
অন্নদানরসান্নাদ্যা তৃপ্তিদা ভোজনপ্রিয়া ॥ ৯৭ ॥
কর্মপাশপ্রদা পঙ্ক্তিঃ পাকশক্তিঃ পচিক্রিয়া ।
সুপক্বফলদা বাঞ্ছা বাঞ্ছাধিকফলপ্রদা ॥ ৯৮ ॥
সর্বয়ন্ত্রময়ী পূর্ণা সর্বভূতাশ্রয়াম্বিকা ।
ব্রাহ্মণী ব্রহ্মশক্তিশ্চ চরাচরবিভাবিনী ॥ ৯৯ ॥
চরাচরগতির্জৈত্রী লক্ষালক্ষেশ্বরার্দ্ধহৃত্ ।
গুহশক্তির্গণেট্ শক্তির্নারসিংহী সহস্রদৃক্ ॥ ১০০ ॥
সর্পমালোত্তরীয়া চ সর্প সর্বাঙ্গভূষণা ।
বারাহী চ সহস্রাক্ষী কূর্মশক্তিঃ শুভালয়া ॥ ১০১ ॥
শেষরূপা শেষশক্তিঃ শেষপর্যঙ্কশায়িনী ।
বরাহদংষ্ট্রা বলিধিঃ কামধীঃ কামমোহিনী ॥ ১০২ ॥
মায়িনী চিত্তসদনা কামিকামপ্রবর্ধিনী ।
সর্বলক্ষণসম্পূর্ণা সর্বলক্ষণনাশিনী ॥ ১০৩ ॥
নাদরূপা বিন্দুরূপা কৃতকর্মফলপ্রদা ।
ধ্রুবশক্তিঃ ধ্রুবারোহা ধ্রুবাটোপা ধ্রুবার্থদা ॥ ১০৪ ॥
ধ্রুবাকারাগ্নিহোত্রাঢ্যা ধ্রুবাচারা ধ্রুবস্থিতিঃ ।
ধ্রুবাধ্রুবময়ী ধ্রৌব্যা চিদ্রূপানন্দরূপিণী ॥ ১০৫ ॥
হৃদ্রূপা বগলা কৃষ্ণা নীলগ্রীবা কুধীহরা ।
পবিত্রদৃষ্টিঃ পাবিত্র্যকারিণী ঋষিবত্সলা ॥ ১০৬ ॥
শিশূত্সঙ্গধরাসঙ্গা সঙ্গরাগপ্রবর্ধিনী ।
নিঃসঙ্গা সঙ্গবহুলা চতুরাশ্রমবাসিনী ॥ ১০৭ ॥
চতুর্বর্ণপরিষ্বঙ্গা চতুর্বর্ণবহিস্থিতা ।
নিরাশ্রয়া রাগবতী রাগিমানসসংশ্রয়া ॥ ১০৮ ॥
ব্রাহ্মণী রাজদুহিতা বৈশ্যা শূদ্রা পরাসুরা ।
গৃহাশ্রমসমাসীনা গৃহধর্মনিরূপিণী ॥ ১০৯ ॥
গৃহধর্মা বিষাদঘ্নী ব্রহ্মচর্যনিষেবিণী ।
বানপ্রস্থাশ্রমস্থা চ য়তিধর্মা স্ফুরত্তনুঃ ॥ ১১০ ॥
সংস্থিতিঃ প্রলয়া সৃষ্টিঃ সর্গস্থিত্যন্তখেলকৃত্ ।
জ্ঞানশক্তিঃ ক্রিয়াশক্তিঃ ছায়াশক্তিরপূর্বকৃত্ ॥ ১১১ ॥
নানাবাদবিশেষজ্ঞা নানাবাদনিরঙ্গতা ।
শূন্যবাদনিরাকারা ধর্মবাদনিরূপিণী ॥ ১১২ ॥
নবচণ্ডী ক্রিয়াহেতুঃ সঙ্কল্পাকল্পনাতিগা ।
নির্বিকল্পা বিকল্পাদ্যা সঙ্কল্পাকল্পভূরুহা ॥ ১১৩ ॥
সৃষ্টিঘ্নী চ স্থিতিঘ্নী চ বিনাশঘ্নী ত্রিরূপভৃত্ ।
অয়োধ্যা দ্বারকা কাশী মথুরা কাঞ্চ্যবন্তিকা ॥ ১১৪ ॥
বিশোকা শোকমার্তণ্ডী পাঞ্চালী শোকনাশিনী ।
শমনিয়মশক্তিশ্চ ধর্মশক্তির্জয়ধ্বজা ॥ ১১৫ ॥
মুক্তিঃ কুণ্ডলিনী ভুক্তির্বিষদৃষ্টিঃ সমেক্ষণা ।
কৃপেক্ষণা কৃপার্দ্রাঙ্গী কৃপার্চিতা কৃপাশ্রুতিঃ ॥ ১১৬ ॥
মহাপুরাদ্রিনিলয়া মহাপুরকৃতস্থিতিঃ ।
অজ্ঞানকল্পনানন্তা প্রপঞ্জকলনাতিগা ॥ ১১৭ ॥
সাম্যদৃষ্টিঃ দেহপুষ্টিঃ কৃতসৃষ্টির্হৃতাখিলা ।
বেণুপুণ্যপরীপাকাঽয়োনিজা বহ্নিসম্ভবা ॥ ১১৮ ॥
মহাপুরসুখাসীনা ডমড্ডমরুদর্পিতা ।
মহাপুরমহাদেবী ডমরুপ্রীতিবল্গিতা ॥ ১১৯ ॥
ভদ্রকালী পিতৃশক্তির্হ্যালসা ভুবনেশ্বরী ।
গায়ত্রী চ চতুর্বক্ত্রা ত্রিপুরা বীরবন্দিতা ॥ ১২০ ॥
য়মাম্বা ত্রিগুণানন্দা কৈবল্যপদদায়িনী ।
বডবা সদয়া ভূস্থা শাক্তসর্গপ্রবর্তিনী ॥ ১২১ ॥
ইন্দ্রাদি দেবজননী এলাম্বা কোলরূপিণী ।
কুম্ভদর্পহরা দোলা দোলাক্রীডনলালসা ॥ ১২২ ॥
শীতলা বিষ্ণুমায়া চ চতুর্বক্ত্রনমস্কৃতা ।
মাতঙ্গী বিষ্ণুজননী প্রেতাসননিবাসিনী ॥ ১২৩ ॥
গরুত্মত্গমনানীলা ব্রহ্মাস্ত্রা ব্রহ্মভূষিতা ।
সিদ্ধিঃ পাশুপতাস্ত্রা চ নীলেন্দীবরলোচনা ॥ ১২৪ ॥
রুক্মা শঙ্করজননী কর্মনাশা চ শাম্ভবী ।
ত্রিগা বামনশক্তিশ্চ হিরণ্যগর্ভভূসুরা ॥ ১২৫ ॥
বাগ্বাদিনী চ বর্ণা চ শঙ্করার্ধশরীরিণী ।
দারুণা মোহরাত্রিশ্চ ভ্রমাদিগণরূপিণী ॥ ১২৬ ॥
দীপিকা ক্রীডবরদা মোহিনী গরলাশনা ।
কপর্দার্চিতসর্বাঙ্গী কপর্দাভরণপ্রিয়া ॥ ১২৭ ॥
সাবিত্রী ভৈরবীবিঘ্না পীতাপীতাম্বরপ্রভুঃ ।
দশবক্ত্রানবদ্যাঙ্গী ত্রিংশল্লোচনভূষিতা ॥ ১২৮ ॥
দশাংঘ্রির্দশদোর্দণ্ডা স্ফুরদ্দংষ্ট্রাতিভীষণা ।
কর্পূরকান্তিবদনা নীলবাহুরনুত্তমা ॥ ১২৯ ॥
ব্রহ্মগেয়া মুনিধ্যেয়া হ্রীঙ্কারা কামবিগ্রহা ।
ষড্বীজা নববীজা চ নবাক্ষরতনুঃ খগা ॥ ১৩০ ॥
দশার্ণা দ্বাদশার্ণাঢ্যা ষোডশার্ণাবিবীজগা ।
মালামন্ত্রময়ী জয়্যা সর্ববীজৈকদেবতা ॥ ১৩১ ॥
জপমালা চ জয়দা জপবিঘ্নবিনাশিনী ।
জপকর্ত্রী জপস্তোত্রা মন্ত্রয়ন্ত্রফলপ্রদা ॥ ১৩২ ॥
মন্ত্রাবরণরূপৈকা য়ন্ত্রাবরণদেবতা ।
পদ্মিনী পদ্মপত্রাক্ষী শমী য়জ্ঞাঙ্গদেবতা ॥ ১৩৩ ॥
য়জ্ঞসিদ্ধিঃ সহস্রাক্ষী সহস্রাক্ষপদপ্রদা ।
রেণুবশাবতারাঢ্যা মহিষান্তকরী সমিত্ ॥ ১৩৪ ॥
ঋগ্বেদা চ য়জুর্বেদা সামবেদা ত্রয়ীপরা ।
অভিচারপ্রিয়াথর্বা পঞ্চতন্ত্রাধিদেবতা ॥ ১৩৫ ॥
অভিচারক্রিয়া শান্তিঃ শান্তিমন্ত্রাধিদেবতা ।
অভিচারোপশমনী সর্বানন্দবিধায়িনী ॥ ১৩৬ ॥
অথর্বপাঠসম্পন্না লেখনী লেখকস্থিতা ।
ভূমলেখ্যা বর্ণশক্তিঃ সর্বশক্তিঃ প্রসিদ্ধিদা ॥ ১৩৭ ॥
কীর্তিকামা কলাকামা কামাক্ষী সর্বমঙ্গলা ।
শূলেশ্বরী কুশূলঘ্নী চিন্তাশোকবিনাশিনী ॥ ১৩৮ ॥
চিন্তাদিদেবতা ভূতনায়কা নলকূবরী ।
করালীত্যূর্ধ্বকেশী চ শ্রীধরী চ বিনায়কী ॥ ১৩৯ ॥
কামেশ্বরী চ কৌবেরী পদ্মাবত্যভিধাগতিঃ ।
জ্বালামুখী চ কৌবেরী বিজয়া মেঘবাহনা ॥ ১৪০ ॥
মহাবলা মহোত্সাহা মহাভয়নিবারিণী ।
কামিনী শাঙ্করী কাষ্ঠা সহস্রভুজনিগ্রহা ॥ ১৪১ ॥
প্রভা প্রভাকরী ভাষা সপ্তাশ্বরথসংস্থিতা ।
অলকাপুরসংস্থানা মৃডানী বিন্ধ্যনিশ্চলা ॥ ১৪২ ॥
হিমাচলকৃতক্রীডা পীডাপাপনিবারিণী ।
অর্ধমাত্রাক্ষরা সন্ধ্যা ত্রিমাত্রা ভারতী ধৃতিঃ ॥ ১৪৩ ॥
বেদমাতা বেদগর্ভা কৌশিকী ত্র্যম্বকা স্বরা ।
অম্বালিকা ক্ষুধা তৃষ্ণা ধূম্রা রৌদ্রা দুরত্যয়া ॥ ১৪৪ ॥
পানপাত্রকরা জাতিঃ শ্রদ্ধাবার্তা চিতাস্থিতা ।
দুর্গাণী রক্তচামুণ্ডাবৃতিঃ সোমাবতংসিনী ॥ ১৪৫ ॥
শরণ্যার্যা দুর্গাপরা সারা জ্যোস্লা মহাস্মৃতিঃ । জ্যোত্স্না
জগত্প্রতিষ্ঠা কল্যাণী ছায়া তুষ্টিশ্চ তামসী ॥ ১৪৬ ॥
তৃষ্ণা বাগ্ধীশ্চ নদ্ধা চ গদিনী চক্রধারিণী ।
লজ্জা সহস্রনয়না মহিষাসুরমর্দিনী ॥ ১৪৭ ॥
ভীমা ভদ্রা ভগবতী নবদুর্গাঽপরাজিতা ।
মেঘাষ্টাদশ দোর্দণ্ডা দুর্গা কাত্যায়নী রতিঃ ॥ ১৪৮ ॥
সর্বতঃ পাণিপাদোরুর্ভ্রামরী চন্দ্ররূপিণী ।
ইন্দ্রাণী চ মহামারী সর্বতোঽক্ষিশিরোমুখা ॥ ১৪৯ ॥
সপ্তাধিসংশ্রয়া সত্তা সপ্তদ্বীপাব্ধিমেখলা ।
সূর্যদীপ্তির্বজ্রপংক্তিঃ পানোন্মত্তা চ পিঙ্গলা ॥ ১৫০ ॥
সর্বজ্ঞা বিশ্বমাতা চ ভক্তানুগ্রহকারিণী ।
বিশ্বপ্রিয়া প্রাণশক্তিরনন্তগুণনামধীঃ ॥ ১৫১ ॥
সর্বকল্যাণনিলয়া শারদা ত্র্যম্বিকা সুধা ॥ ১৫২ ॥
শ্রী শঙ্কর উবাচ —
দিব্যং নামসহস্রং তে রেণুকায়া ময়েরিতম্ ।
সর্বকামসমৃদ্ধ্যর্থমনেন ভজ ষণ্মুখ ॥ ১৫৩ ॥ সমৃদ্ধি অর্থং অনেন
ভুক্তিদো মুক্তিশ্চাপি ভজতাং কল্পপাদপঃ ।
জয়প্রদো বিশেষেণ নানেন সদৃশো মনুঃ ॥ ১৫৪ ॥
পুরশ্চরণমুদ্দিষ্টং সহস্রং নবকং শুভম্ ।
বিজয়ার্থং বিশেষেণ প্রয়োগং সাধয়েত্ততঃ ॥ ১৫৫ ॥
হস্তয়োর্ভাজনং কৃত্বা প্রসাদং য়াচয়েন্মুহুঃ ।
লব্ধপ্রসাদো ভক্তেভ্যশ্চিন্তয়েধৃদি রেণুকাম্ ॥ ১৫৬ ॥ চিন্তয়েত্ হৃদি
ভক্তিতো য়োগিনীবৃন্দং পূজয়েত্তোষয়েন্মুদা ।
তত্পাত্রং পূরয়েদন্নৈঃ পূজয়িত্বোপচারকৈঃ ॥ ১৫৭ ॥
শৃঙ্গিনাদং সমাকর্ণ্য প্রার্থয়েদুদয়াশিষম্ ।
সর্বেভ্যশ্চাশিষো লব্ধ্বা ভুঞ্জীত সহবান্ধবৈঃ ॥ ১৫৮ ॥
নানাজাতিভবান্ভক্তান্ প্রীয়তাং রেণুকেতি চ ।
উত্সর্গাদিপ্রসাদেন তোষয়েচ্চ মুহুর্মুহুঃ ॥ ১৫৯ ॥
দীপকাডমরুধ্বানৈরুদয়োদ্দামকীর্তনৈঃ ।
গোদোহসময়ে কুর্যাদ্গোদোহজমহোত্সবম্ ॥ ১৬০ ॥
জগদম্বাময়ং পশ্যন্ সকলং দৃষ্টিগোচরম্ ।
দীপিকাডমরূত্সাহং ভক্তৈঃ সহ নিশাং নয়েত্ ॥ ১৬১ ॥
অবর্ষণে ধরাকম্পে সংক্ষোভে সাগরস্য চ ।
আবর্তনসহস্রেণ নিশ্চিতে জায়তে শুভম্ ॥ ১৬২ ॥
দুষ্টোত্পাতে মহাঘোরে সঙ্কটে দুরতিক্রমে ।
অয়ুতাবর্তনান্নূনমসাধ্যমপি সাধয়েত্ ॥ ১৬৩ ॥
নিশীথে বা প্রদোষে বা জগদম্বালয়ে শুচিঃ ।
নবরাত্রং জপেদ্যস্তু প্রত্যহং নববারকম্ ॥ ১৬৪ ॥
নামভিঃ পূজনং হোমং প্রত্যয়ং কুরুতে ব্রতী ।
প্রসন্নাস্মৈ মহামায়া প্রত্যক্ষং ভবতি ধ্রুবম্ ॥ ১৬৫ ॥
ত্রিবারং নিয়তং জপ্ত্বা ষণ্মাসং ব্রতবান্ শুচিঃ ।
দারিদ্র্যার্ণবমুত্তীর্য বিপুলাং শ্রিয়মাপ্নুয়াত্ ॥ ১৬৬ ॥
বিশেষসাধনং কুর্যাত্পুরশ্চর্যাং পুনঃ সুধীঃ ।
সাধয়েত্সকলান্কামান্ সত্বরং নাত্র সংশয়ঃ ॥ ১৬৭ ॥
পুষ্পাজ্যপায়সতিলৈর্হরিদ্রামধুচন্দনৈঃ ।
নানাপরিমলদ্রব্যৈর্ভক্তিয়ুক্তো য়জেন্মুদা ॥ ১৬৮ ॥
ইদং পঠতি য়ো ভক্ত্যা শৃণুয়াদ্বাপি নিত্যশঃ ।
নির্বিঘ্নং লভতেঽভীষ্টং জীবেচ্চ শরদাং শতম্ ॥ ১৬৯ ॥
শুক্লপক্ষেঽথবা কৃষ্ণে ভূতাধঃ ষষ্ঠিকাদিনাত্ ।
সাধকঃ সাঙ্গবিধিনা সাধয়েত্স্তোত্রমন্ত্রবিত্ ॥ ১৭০ ॥
ইষে শুক্লনবম্যন্তমারভ্য প্রতিপত্তিথিম্ ।
নবরাত্রোক্তবিধিনা কলশং পূজয়েন্মুদা ॥ ১৭১ ॥
সঙ্কটে সত্বরে কৃত্যে বিধিনাবর্তয়েত্ স্থিতিম্ ।
প্রাপ্নোতি বাঞ্ছিতং সদ্যঃ সর্ববিঘ্নবিনাশকৃত্ ॥ ১৭২ ॥
ঘৃতদ্বীপদ্বয়ং কৃত্বা দক্ষিণোত্তরভাগয়োঃ ।
নানাভোগোপচারৈশ্চ তোষয়েজ্জগদম্বিকাম্ ॥ ১৭৩ ॥
কুঙ্কুমাগরুকস্তূরীচন্দনাভিরর্চয়েত্ ।
কুমারীং পূজয়েত্ভক্ত্যা ব্রাহ্মণাংশ্চ সুবাসিনীম্ ॥ ১৭৪ ॥
ষড্রসৈঃ স্বাদু পক্বান্নৈর্ভোজয়েচ্চ চতুর্বিধৈঃ ।
শক্তিতো দক্ষিণাং দদ্যাদ্বাসোধান্যং গবাদিকম্ ॥ ১৭৫ ॥
বিত্তশাঠ্যং ন কুর্বীত সর্বকার্যসমৃদ্ধয়ে ।
প্রণমেত্ প্রণমেদ্ভক্ত্যা প্রোচ্যতামুদয়োস্ত্বতিঃ ॥ ১৭৬ ॥
ভূষিতো মঙ্গলস্নানৈঃ স্বালেপ্যাম্বরমাল্যবান্ ।
বিভূষ্যাঙ্গং কপর্দৈশ্চ প্রজ্বাল্য ঘৃতদীপিকাম্ ॥ ১৭৭ ॥
য়দ্যদারভ্যতে কার্যং তদাদৌ চ সমাপনে ।
সম্পূজ্যাম্বাং কুমারীংশ্চ পূজয়েজ্জপপূর্বকম্ ॥ ১৭৮ ॥
ভূতাষ্টম্যাং নবম্যাং চ ভৌমে চ নিয়তঃ পঠেত্ ।
সর্বান্ কামানবাপ্নোতি নাত্র কার্যা বিচারণা ॥ ১৭৯ ॥
ভূতা রক্ষঃ পিশাচাদ্যা বৈরিণো দস্যবোপি চ ।
পঠ্যতেঽনুদিনং য়ত্র তদ্গৃহং ন বিশন্তি চ ॥ ১৮০ ॥
অব্ধিসঞ্চরণে পোতে লঙ্ঘনে গিরিরোহণে ।
চিত্তক্ষোভে প্রসাদে চ বিষাদে বা পঠেদিদম্ ॥ ১৮১ ॥
দুঃস্বপ্নদর্শনে মার্গে বিড্বরে কলহাগমে ।
য়াত্রাকালে পঠেদেতত্ সর্বমাঙ্গলিকাগমে ॥ ১৮২ ॥
নিষ্কামো বা সকামো বা পুরুষার্থপ্রদং য়তঃ ।
ত্রৈবর্ণিকঃ পঠেদেতদিতরঃ পাঠয়েত্ সদা ॥ ১৮৩ ॥
সৌভাগ্যং লভতে নারী কন্যা সর্বোত্তমং বরম্ ।
মৃতবত্সা লভেত্পুণ্যমায়ুষ্মত্সন্ততিং শুভাম্ ॥ ১৮৪ ॥
অসূতির্লভতে সূতিং সুসূতিং কষ্টসূতিকা ।
উদাসীনা লভেত্প্রীতিং পতিবালপ্রিয়ঙ্করী ॥ ১৮৫ ॥
ন বৈধব্যমবাপ্নোতি ন সপত্নীং লভেত্ক্বচিত্ ।
সুরূপা সুভগা ধন্যা বিরহং নাপ্নুয়াত্ক্বচিত্ ॥ ১৮৬ ॥
চ্যবদ্গর্ভবতী য়া চ দৃঢগর্ভবতী ভবেত্ ।
বিত্তাপত্যপরীবারা পতিমণ্ডিতবিগ্রহা ॥ ১৮৭ ॥
সহস্রনামকং স্তোত্রং পঠ্যতে য়ত্র বেশ্মনি ।
গ্রহাঃ কালগ্রহাঃ পীডাং নৈব কুর্বন্তি কর্হিচিত্ ॥ ১৮৮ ॥
য়দ্গৃহে পূজিতং হ্যেতত্ পুস্তকং বা সুভক্তিতঃ ।
শক্তিতো হবনং কুর্যাদ্ বিঘ্নস্তত্র বিনশ্যতি ॥ ১৮৯ ॥
গর্ভিণী স্রাবয়েন্নিত্যং গর্ভদোষান্নিবর্ততে ।
সূতিকায়তনে প্রোক্তং সূতিকাবালসৌখ্যদম্ ॥ ১৯০ ॥
সর্বং মন্ত্রাধিকমিদং ভক্ত্যা য়ঃ সর্বদা পঠেত্ ।
শ্রাবয়েত্ পাঠয়েদ্বাপি সর্বত্র লভতে জয়ম্ ॥ ১৯১ ॥
পুস্তকানি প্রদেয়ানি বিপ্রেভ্যো নবভক্তিতঃ ।
সোপচারাণি বিধিনা রেণুকা তুষ্টিহেতবে ॥ ১৯২ ॥
পুত্রকামী শুভান্ পুত্রান্ ধনার্থী বিপুলং ধনম্ ।
কন্যার্থী লভতে কন্যাং কুলশীলাদিমণ্ডিতাম্ ॥ ১৯৩ ॥
বিদ্যাকামো লভেদ্বিদ্যাং কবিত্বং কবিতাপ্রিয়ঃ ।
প্রজ্ঞাতিশয়মাসাদ্য সমর্থো গ্রন্থধারণে ॥ ১৯৪ ॥
মুচ্যতে নিগডাবদ্ধঃ স্খলদ্গীঃ স্পষ্টবাগ্ভবেত্ ।
কামুকঃ কামমাপ্নোতি ভূপালং বশমানয়েত্ ॥ ১৯৫ ॥
কুষ্ঠাপস্মাররহিতো জ্বররোগবিবর্জিতঃ ।
রোগী রোগবিনির্মুক্তঃ শত্রুসঙ্ঘাজ্জয়ো ভবেত্ ॥ ১৯৬ ॥
শীতলো জায়তে বহ্নির্বিষং স্যাদমৃতোপমম্ ।
শস্ত্রাণ্যুত্পলতাং য়ান্তি পঠনাদস্য ভক্তিতঃ ॥ ১৯৭ ॥
অন্ধো দৃষ্টিমবাপ্নোতি বধিরঃ শ্রুতিমান্ ভবেত্ ।
মূকো বাচালতামেতি রেণুকায়াঃ প্রসাদতঃ ॥ ১৯৮ ॥
রেণুকেত্যেকনামেদং ধর্মার্থকামমোক্ষদম্ ।
ফলং নামসহস্রস্য সমর্থো বক্তুমস্তি কঃ ॥ ১৯৯ ॥
রেণুকাস্মরণান্নূনং বিষং নাক্রমেত্ তনৌ ।
সর্বপীডোপশান্তিশ্চ সকলার্থসুখোদয়ঃ ॥ ২০০ ॥
নারায়ণঃ শ্রিয়া য়ুক্তঃ সাবিত্রীসহিতো বিধিঃ ।
অহং ভবানীসহিতো রেণুকার্চনতোঽর্চিতা ॥ ২০১ ॥
সর্বং য়জ্ঞফলং তস্য পারায়ণফলং তথা ।
সাঙ্গয়োগফলং তস্য রেণুকা য়েন পূজিতা ॥ ২০২ ॥
উচ্যতে বাহুমুদ্ধৃত্য বহুনোক্তেন ষণ্মুখ ।
সেব্যতে রেণুকা য়ৈস্তে সেব্যন্তে ত্রিদশৈরপি ॥ ২০৩ ॥
ইতি শ্রী পদ্মপুরাণে মায়োপাখ্যানে রেণুকাপ্রস্তাবে
রেণুকাপ্রকৃতিভাবে শঙ্করষণ্মুখসংবাদে
শঙ্করপ্রোক্তং রেণুকাসহস্রনামস্তোত্রং সম্পূর্ণম্ ॥
Also Read 1000 Names of Shri Renuka:
1000 Names of Sri Renuka | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
