Shri Renuka Sahasranamastotram Lyrics in Gujarati:
॥ શ્રીરેણુકાસહસ્રનામસ્તોત્રમ્ ॥
અથ શ્રીરેણુકાતન્ત્રાન્તર્ગતં શ્રીરેણુકાસહસ્રનામસ્તોત્રમ્ ।
શ્રી ગણેશાય નમઃ । શ્રી રેણુકાયૈ નમઃ ।
ગિરિપૃષ્ઠે સમાસીનં શઙ્કરં લોકશઙ્કરમ્ ।
પ્રણતઃ પરિપપ્રચ્છ સંશયસ્થઃ ષડાનનઃ ॥ ૧ ॥
સ્કન્દ ઉવાચ —
તાત સર્વેશ્વરસ્ત્વં હિ સર્વજ્ઞઃ સર્વભાવનઃ ।
કથયસ્વ પ્રસાદેન રહસ્યં સકલાર્થદમ્ ॥ ૨ ॥
વિજયઃ સઙ્કટે ઘોરે નિર્વિઘ્નં બલમુત્કટમ્ ।
અન્યેઽપિ વાઞ્છિતાર્થાશ્ચ સિદ્ધ્યન્ત્યાશુ વિના શ્રમમ્ ॥ ૩ ॥
શઙ્કર ઉવાચ —
સાધુ પૃષ્ટં મહાબાહો સંશયો માસ્તુ માસ્તુ તે ।
યદનુષ્ઠાનમાત્રેણ સર્વાન્કામાનવાપ્સ્યસિ ॥ ૪ ॥
કસ્યચિન્નયદાખ્યાતં તદ્રહસ્યં વદામ્યહમ્ ।
સ્તોત્રં સહસ્રનામાખ્યં રેણુકાયાસ્તુ સિદ્ધિદમ્ ॥ ૫ ॥
સદ્યઃ પ્રત્યયકામસ્ત્વં શૃણુ ષણ્મુખ ભક્તિતઃ ।
સર્વદેવાશ્ચ વેદાશ્ચક્ષીણવીર્યા યુગે યુગે ॥ ૬ ॥
અક્ષીણફલદાત્રીયં ત્રિસત્યં મમ ભાષિતમ્ ।
સર્વદેવમયી દેવી રેણુકા કામદાર્ચિતા ॥ ૭ ॥
પુરદાહે મયા ધ્યાતા તથૈવ ગરલાશને ।
વિષ્ણુના સાગરોન્માથે બ્રહ્મણા સૃષ્ટિકર્મણિ ॥ ૮ ॥
ગોત્રભેદે મઘવતા જગતી ધારણેઽહિના ।
કામેન શમ્બરવધે રત્યા તત્પ્રાપ્તયે પુનઃ ॥ ૯ ॥
ગણાધીશેન સતતં વિઘ્નવારણકર્મણિ ।
કિં વત્સ બહુનોક્તેન હૈમવત્યા મદાખ્યયા ॥ ૧૦ ॥
ધ્યાત્વા સર્વાર્થદા સા હિ સર્વલોકૈકસંશ્રયા ।
મહત્કાર્યોદ્યતૈરન્યૈર્બહુભિશ્ચિન્તિતા શિવા ॥ ૧૧ ॥
ધર્માર્થકામમોક્ષાર્થમવાઙ્મનસગોચરા ।
તસ્યા એવ પ્રસાદાત્તાં સ્તૌમિ નામાવલિચ્છલાત્ ॥ ૧૨ ॥
ઋષ્યાદિકં ચ સઙ્ક્ષેપાત્કથયામિ ષડાનન ।
ત્ર્યમ્બકશ્ચ ઋષિઃ પ્રોક્તોઽનુષ્ટુપ્છન્દઃ પ્રકીર્તિતમ્ ॥ ૧૩ ॥
એકવીરા મહામાયા રેણુકા દૈવતં સ્મૃતમ્ ।
સર્વપાપક્ષયદ્વારા પ્રીત્યૈ દેવ્યા મુહુર્મુહુઃ ॥ ૧૪ ॥
સર્વાભીષ્ટફલપ્રાપ્તૌ વિનિયોગ ઉદાહૃતઃ ।
રેણુકા રામમાતેતિ મહાપુરનિવાસિની ॥ ૧૫ ॥
એકવીરા કાલરાત્રિરેકલા નામભિઃ ક્રમાત્
અઙ્ગુષ્ઠાદિ કરન્યાસો હૃદયાદિ ષડઙ્ગકમ્ ।
ચતુર્થ્યન્તૈર્નમોન્તૈશ્ચ પ્રણવાદિભિરાચરેત્ ॥ ૧૬ ॥
અસ્ય શ્રી રેણુકા સહસ્રનામસ્તોત્રમન્ત્રસ્ય ત્ર્યમ્બક ઋષિઃ
શ્રીરેણુકા દેવતા । અનુષ્ટુપ્છન્દઃ । સર્વપાપક્ષયદ્વારા
શ્રી જગદમ્બા રેણુકા પ્રીત્યર્થં સર્વાભીષ્ટફલપ્રાપ્ત્યર્થં
ચ જપે વિનિયોગઃ ।
અથ ન્યાસઃ – શ્રીરેણુકાયૈ નમઃ અઙ્ગુષ્ઠાભ્યાં નમઃ ।
ૐ રામમાત્રે નમઃ તર્જનીભ્યાં નમઃ ।
ૐ મહાપુરવાસિન્યૈ નમઃ મધ્યમાભ્યાં નમઃ ।
ૐ એકવીરાયૈ નમઃ અનામિકાભ્યાં નમઃ ।
ૐ કાલરાત્ર્યૈ નમઃ કનિષ્ઠિકાભ્યાં નમઃ ।
ૐ એકલાયૈ નમઃ કરતલકરપૃષ્ઠાભ્યાં નમઃ ।
એવં હૃદયાદિ- ૐ રેણુકાયૈ નમઃ હૃદયાય નમઃ ।
ૐ રામમાત્રે નમઃ શિરસે સ્વાહા ।
ૐ મહાપુરવાસિન્યૈ નમઃ શિખાયૈ વષટ્ ।
ૐ એકવીરાયૈ નમઃ કવચાય હું ।
ૐ કાલરાત્ર્યૈ નમઃ નેત્રત્રયાય વૌષટ્ ।
ૐ એકલાયૈ નમઃ અસ્ત્રાય ફટ્ ।
ધ્યાનમ્ —
ધ્યાયેન્નિત્યમપૂર્વવેષલલિતાં કન્દર્પલાવણ્યદાં
દેવીં દેવગણૈરુપાસ્યચરણાં કારુણ્યરત્નાકરામ્ ।
લીલાવિગ્રહિણીં વિરાજિતભુજાં સચ્ચન્દ્રહાસાદિભિ-
ર્ભક્તાનન્દવિધાયિનીં પ્રમુદિતાં નિત્યોત્સવાં રેણુકામ્ ॥ ૧૭ ॥
ૐ રેણુકા રામજનની જમદગ્નિપ્રિયા સતી ।
એકવીરા મહામાયા કાલરાત્રિઃ શિવાત્મિકા ॥ ૧૮ ॥
મહામોહા મહાદીપ્તિઃ સિદ્ધવિદ્યા સરસ્વતી ।
યોગિની ચન્દ્રિકાસિદ્ધા સિદ્ધલક્ષ્મીઃ શિવપ્રિયા ॥ ૧૯ ॥
કામદા કામજનની માતૃકા મન્ત્રસિદ્ધિદા ।
મન્ત્રસિદ્ધિર્મહાલક્ષ્મી માતૃમણ્ડલવલ્લભા ॥ ૨૦ ॥
ચન્દ્રિકા ચન્દ્રકાન્તિશ્ચ સૂર્યકાન્તિઃ શુચિસ્મિતા ।
યોગેશ્વરી યોગનિદ્રા યોગદાત્રી પ્રભાવતી ॥ ૨૧ ॥
અનાદ્યન્તસ્વરૂપા શ્રીઃ ક્રોધરૂપા મહાગતિઃ ।
મનઃશ્રુતિસ્મૃતિર્ઘ્રાણચક્ષુસ્ત્વગ્રસના રસા ॥ ૨૨ ॥
માતૃકા પતિરુત્ક્રોશા ચણ્ડહાસા મહાવરા ।
મહાવીરા મહાશૂરા મહાચાપા રથસ્થિતા ॥ ૨૩ ॥
બર્હિપત્રપ્રિયા તન્વી બર્હિપત્રા ચતુર્ભુજા ।
નાદપ્રિયા નાદલુબ્ધા ત્ર્યક્ષરા મૃતજીવની ॥ ૨૪ ॥
અમૃતામૃતપાનેષ્ટા સિન્ધુપા પાત્રશાલિની ।
ચણ્ડહાસધરા શૂરા વીરા ડમરુમાલિની ॥ ૨૫ ॥
શિરોધરા પાત્રકરા વરદા વરવર્ણિની ।
ત્રિમૂર્તિર્વેદજનની વેદવિદ્યા તપોનિધિઃ ॥ ૨૬ ॥
તપોયુક્તા તપોલક્ષ્મીસ્તપસઃ સિદ્ધિદાપરા ।
લલિતા સાત્વિકી શાન્તા રાજસી રક્તદન્તિકા ॥ ૨૭ ॥
એકલા રેણુતનયા કામાક્ષી સત્પરાયણા ।
ઐન્દ્રી માહેશ્વરી બ્રાહ્મી વૈષ્ણવી વડવાનલા ॥ ૨૮ ॥
કાવેરી ઘનદા યામ્યા યામ્યાગ્નેયી તનુર્નિશા ।
ઈશાની નૈઋતિઃ સૌમ્યા માહેન્દ્રી વારુણી સમા ॥ ૨૯ ॥
સર્વર્ષિધ્યેયચરણા નૃવારણા નરવલ્લભા ।
ભિલ્લીવેષધરા ભિલ્લીવર્વરાલક મણ્ડિતા ॥ ૩૦ ॥
શૃઙ્ગીવાદન સુરસા ગુઞ્જાહાર વિભૂષણા ।
મયૂર પિચ્છાભરણા શ્યામા નીલામ્બરા શિવા ॥ ૩૧ ॥
કાલિકા રેણુદુહિતા શિવપૂજ્યા પ્રિયંવદા ।
સૃષ્ટિકૃત્ સ્થિતિકૃત્ક્રુદ્ધા પૃથ્વી નારદસેવિતા ॥ ૩૨ ॥
સંહારકારિણીન્દ્રાક્ષી રક્ષોઘ્ની ચન્દ્રશેખરા ।
હું ફટ્ વૌષટ્ વષડ્રૂપા સ્વધા સ્વાહા નમો મનુઃ ॥ ૩૩ ॥
સુષુપ્તિર્જાગ્રતિર્નિદ્રા સ્વપ્ના તુર્યા ચ ચક્રિણી ।
તારા મન્દોદરી સીતાઽહલ્યાઽરુન્ધતિકા દિતિઃ ॥ ૩૪ ॥
ભગીરથી ચ કાવેરી ગૌતમી નર્મદા મહી ।
સરયૂર્ગૌતમી ભીમા ત્રિવેણી ગણ્ડકી સરી ॥ ૩૫ ॥
માનસં ચન્દ્રભાગા ચ રેવા ગઙ્ગા ચ વેદિકા ।
હરિદ્વારં માતૃપુરં દત્તાત્રેયનિવાસભૂઃ ॥ ૩૬ ॥
માતૃસ્થાદિસંસ્થાના માતૃમણ્ડલમણ્ડિતા ।
માતૃમણ્ડલસમ્પૂજ્યા માતૃમણ્ડલમધ્યગા ॥ ૩૭ ॥
નાનાસ્થાનાવતારાદ્યા નાનાસ્થાનચરિત્રકૃત્ ।
કમલા તુલજાત્રેયી કોહ્લાપુરનિવાસિની ॥ ૩૮ ॥
મન્દાકિની ભોગવતી દત્તાત્રેયાનુસૂયકા ।
ષટ્ચક્રદેવતા પિઙ્ગા જમદગ્નીશ્વરાર્દ્ધહૃત્ ॥ ૩૯ ॥
ઇડાખ્યા ચ સુષુમ્નાખ્યા ચન્દ્રસૂર્યગતિર્વિયત્ ।
ચન્દ્રસૂર્યસમાખ્યાતા સર્વસ્ત્રીનિલયાધ્વનિઃ ॥ ૪૦ ॥
સમસ્તવિદ્યાતત્ત્વજ્ઞા સર્વરૂપા સુખાશ્રયા ।
પુણ્યપાપેશ્વરી કીર્તિર્ભોક્ત્રી ભોગપ્રવર્તિની ॥ ૪૧ ॥
જમદગ્ન્યસ્ય જનની કવિશક્તિઃ કવિત્વદા ।
હ્રીઙ્કારામ્બા તમોરૂપા ક્લીઙ્કારા કામદાયિની ॥ ૪૨ ॥
વાક્પ્રદૈઙ્કારરૂપા ચ મુક્તિદૌઙ્કારરૂપિણી ।
શ્રીઙ્કારાખિલદાનોક્તા સર્વબીજાત્મિકાત્મભૂઃ ॥ ૪૩ ॥
જમદગ્નિ શિવાઙ્કસ્થા ધર્માર્થકામમોક્ષદા ।
જમદગ્નિક્રોધહરા જમદગ્નિવચઃકરી ॥ ૪૪ ॥
જમદગ્નિતમોહન્ત્રી જમદગ્નિસુખૈકભૂઃ ।
જિતવીરા વીરમાતા વીરભૂર્વીરસેવિતા ॥ ૪૫ ॥
વીરદીક્ષાકરી સૌર્યદીક્ષિતા સર્વમઙ્ગલા ।
કાત્યાયની પરીવારા કાલકાલા કલાનિધિઃ ॥ ૪૬ ॥
અષ્ટસિદ્ધિપ્રદા ક્રૂરા ક્રૂરગ્રહવિનાશિની ।
સાકારા ચ નિરાકારાહઙ્કારાકારણા કૃતિઃ ॥ ૪૭ ॥
સમ્મતા વિષમઘ્ની ચ વિષહન્ત્રી વિષાશના ।
વ્યાલાભરણસંહૃષ્ટા વ્યાલમણ્ડનમણ્ડિતા ॥ ૪૮ ॥
અણુરૂપા પરાણુશ્ચ સદ્રૂપા ચ મહાપરા ।
હ્રસ્વા હ્રસ્વપરા દીર્ઘા પરદીર્ઘા પરાત્પરા ॥ ૪૯ ॥
અદ્વયાદ્વયરૂપા ચ પ્રપઞ્ચરહિતા પૃથુઃ ।
સ્થૂલસૂક્ષ્મા નિરીહા ચ સ્નેહાઞ્જનવિવર્જિતા ॥ ૫૦ ॥
બ્રહ્મસૂતા મહાનિદ્રા યોગનિદ્રા હરિસ્તુતા ।
હિરણ્યગર્ભરૂપા ચ પરબ્રહ્મસ્વરૂપિણી ॥ ૫૧ ॥
બ્રહ્મશક્તિર્બ્રહ્મવિદ્યા વિશ્વબીજા નિરઞ્જના ।
અતુલા કર્મરૂપા ચ શ્યામલા પરિઘાયુધા ॥ ૫૨ ॥
નારાયણી વિષ્ણુશક્તિઃ અવાઙ્મનસગોચરા ।
ઘૃતમારી પુણ્યકરી પુણ્યશક્તિરમામ્બિકા ॥ ૫૩ ॥
રક્તબીજવધોદ્રિક્તા રક્તચન્દનચર્ચિતા ।
સુરક્તપુષ્પાભરણા રક્તદંષ્ટ્રાભયપ્રદા ॥ ૫૪ ॥
તીક્ષ્ણરક્તનખારક્તા નિશુમ્ભપ્રાણકૃન્તિની ।
શુમ્ભપ્રાણનિહન્ત્રી ચ મહામૃત્યુવિનાશિની ॥ ૫૫ ॥
સર્વદેવમહાશક્તિર્મહાલક્ષ્મી સુરસ્તુતા ।
અષ્ટાદશભુજાર્ચ્યાંશા દશદોર્દણ્ડમણ્ડિતા ॥ ૫૬ ॥
નિષ્કલાષ્ટભુજા ધાત્રી કલ્પાતીતા મનોહરા ।
કલ્પના રહિતાર્ચ્યાદ્યા દારિદ્ર્યવનદાહિની ॥ ૫૭ ॥
કૌસ્તુભા પારિજાતા ચ હાહાદિરૂપધારિણી ।
તિલોત્તમાપ્સરોરૂપા નવનાગસ્વરૂપિણી ॥ ૫૮ ॥
નિધિરૂપા સમાધિસ્થા ખડ્ગરૂપા શવસ્થિતા ।
મહિષાસુરદત્તાંઘ્રિઃ સિંહગા સિંહગામિની ॥ ૫૯ ॥
ત્રિશૂલધારિણી પ્રૌઢા બાલા મુગ્ધા સુધર્મિણી ।
શઙ્ખભૃચ્ચક્રભૃત્પાશા ગદાભૃત્પાશમણ્ડિતા ॥ ૬૦ ॥
કાલશક્તિઃ કૃપાસિન્ધુર્મૃગારિવરવાહના ।
ગણરાજમહાશક્તિઃ શિવશક્તિઃ શિવસ્તુતા ॥ ૬૧ ॥
હરિપ્રિયા શ્રાદ્ધદેવી પ્રધાના ગુહરૂપિણી ।
ગુહપ્રીતા ગણેટ્પ્રીતા કામપ્રીતા ગુહસ્થિતા ॥ ૬૨ ॥
સર્વાર્થદાયિની રૌદ્રી નીલાગતિરલોલુપા ।
ચામુણ્ડા ચિત્રઘણ્ટા ચ વિશ્વયોનિર્નિરન્તરમ્ ॥ ૬૩ ॥
શ્રાવણી શ્રમહન્ત્રી ચ સંસારભ્રમનાશિની ।
સંસારફલસમ્પન્ના સંસારમતિરુચ્ચગા ॥ ૬૪ ॥
ઉચ્ચાસનસમારૂઢા વિમાનવરગામિની ।
વિમાનસ્થા વિમાનઘ્ની પાશઘ્ની કાલનાશિની ॥ ૬૫ ॥
કાલચક્રભ્રમભ્રાન્તા કાલચક્રપ્રવર્તિની ।
ચેતના ચાપિની ભવ્યા ભવ્યાભવ્યવિનાશિની ॥ ૬૬ ॥
સિંહાસનસુખાવિષ્ટા ક્ષીરસાગરકન્યકા ।
વણિક્કન્યા ક્ષેમકરી મુકુટેશાવનિસ્થિતા ॥ ૬૭ ॥
શ્રુતિજ્ઞા ચ પુરાણજ્ઞા સ્મૃતિજ્ઞા વેદવાદની ।
વેદવેદાર્થતત્ત્વજ્ઞા હિઙ્ગુલા કાલશાલિની ॥ ૬૮ ॥
ઇતિહાસાર્થવિદ્ધર્મ્યા ધ્યેયા હન્ત્રી શિશુપ્રિયા ।
સ્તન્યદા સ્તન્યધારા ચ વનસ્થા પાર્વતીશિવા ॥ ૬૯ ॥
મેના મૈનાકભગિની સુરભિર્જલભુક્તડિત્ ।
સર્વબીજાન્તરસ્થાત્રી સકલાગમદેવતા ॥ ૭૦ ॥
સ્થલસ્થલા જલસ્થા ચ વનસ્થા વનદેવતા ।
ક્ષયહન્ત્રી નિહન્ત્રી ચ નિરાતઙ્કામરપ્રિયા ॥ ૭૧ ॥
ત્રિકાલજ્ઞા ત્રિરૂપા ચ લીલાવિગ્રહધારિણી ।
સમાધિઃ પુણ્યધિઃ પુણ્યા પાપાજ્ઞાનવિનાશિની ॥ ૭૨ ॥
દૃશ્યા દૃગ્વિષયા દૃષ્ટિઃ પાપહન્ત્રી શમસ્થિતા ।
વિરથા રથનિષ્ઠા ચ વરૂથરથસંસ્થિતા ॥ ૭૩ ॥
મધુકૈટભહન્ત્રી ચ સર્વદેવશરીરભૃત્ ।
ત્રિપુરા પુણ્યકીર્તિશ્ચ નૃપવશ્યપ્રદાયિની ॥ ૭૪ ॥
સાંખ્યવિદ્યા ત્રયીવિદ્યા યોગવિદ્યા રવિસ્થિતા ।
સ્થાવરા જઙ્ગમા ક્ષાન્તિર્બલિશક્તિર્બલિપ્રિયા ॥ ૭૫ ॥
મહિષાસુરનિર્ણાશી દૈત્યસૈન્યપરાન્તકૃત્ ।
ડમડ્ડમરુડાઙ્કારા વીરશ્રીર્જનદેવતા ॥ ૭૬ ॥
ઉદ્ગીથોદ્ગીથમર્યાદા ક્ષીરસાગરશાયિની ।
વીરલક્ષ્મીર્વીરકાન્તા શિવદૂતી સનાતની ॥ ૭૭ ॥
શક્રાદિસંસ્તુતા હૃષ્ટા ચણ્ડમુણ્ડવિનાશિની ।
પઞ્ચવક્ત્રૈકરૂપા ચ ત્રિનેત્રાવલિમોહિની ॥ ૭૮ ॥
ધૂમ્રલોચનનિર્નાશાહઙ્કારોદ્ગારભાષિણી ।
એકમૂર્તિસ્ત્રિધામૂર્તિઃ ત્રિલોકાનન્દદાયિની ॥ ૭૯ ॥
ભવાની દશમૂર્તિશ્ચ પઞ્ચમૂર્તિર્જયન્તિકા ।
દક્ષિણા દક્ષિણામૂર્તિઃ અનેકૈકાદશાકૃતિઃ ॥ ૮૦ ॥
એકચક્ષુરનન્તાક્ષી વિશ્વાક્ષી વિશ્વપાલિની ।
ચતુર્વિંશતિતત્ત્વાદ્યા ચતુર્વિંશતિતત્ત્વવિત્ ॥ ૮૧ ॥
સોઽહં હંસાવિશેષજ્ઞા નિર્વિશેષા નિરાકૃતિઃ ।
યમઘણ્ટામૃતકલા જયઘણ્ટા જયધ્વનિઃ ॥ ૮૨ ॥
પાઞ્ચજન્યસ્ફુરચ્છક્તિર્હનુમચ્છક્તિરાસ્તિકા ।
શીલાતરણશક્તિશ્ચ રામશક્તિર્વિરાટ્તનુઃ ॥ ૮૩ ॥
લઙ્કાપ્રજ્વલના વેલા સાગરક્રમણક્રમાત્ ।
નરનારાયણપ્રીતિર્લોકનીતિરઘૌઘકૃત્ ॥ ૮૪ ॥
વિપાશા પાશહસ્તા ચ વિશ્વબાહુસ્ત્રિલિઙ્ગિકા ।
પ્રાચી પ્રતીચી વિદિશા દક્ષિણા દક્ષકન્યકા ॥ ૮૫ ॥
શિવલિઙ્ગપ્રતિષ્ઠાત્રી શિવલિઙ્ગપ્રતિષ્ઠિતા ।
અજ્ઞાનનાશિની બુદ્ધિસ્તત્ત્વવિદ્યા સુચેતના ॥ ૮૬ ॥
પ્રકાશા સ્વપ્રકાશા ચ દ્વયાદ્વયવર્જિતા ।
અસદ્રૂપા ચ સદ્રૂપા સદસદ્રૂપશાલિની ॥ ૮૭ ॥
કૈલાસનિલયા ગૌરી વૃષગા વૃષવાહના ।
સોમસૂર્યાગ્નિનયના સોમસૂર્યાગ્નિવિગ્રહા ॥ ૮૮ ॥
વિષમેક્ષણદુર્ધર્ષા લઙ્કાદાહકરી દિતિઃ ।
વૈકુણ્ઠવિલસન્મૂર્તિઃ વૈકુણ્ઠનિલયાનિલા ॥ ૮૯ ॥
નમોમૂર્તિસ્તમોમૂર્તિસ્તેજોમૂર્તિરમેયધીઃ ।
સૂર્યમૂર્તિશ્ચન્દ્રમૂર્તિઃ યજમાનશરીરિણી ॥ ૯૦ ॥
આપ્યમૂર્તિરિલામૂર્તિઃ નરનારાયણાકૃતિઃ ।
વિષયાજ્ઞાનભિન્ના ચ વિષયાજ્ઞાનનિર્વૃતિઃ ॥ ૯૧ ॥
સુખવિત્સુખિની સૌખ્યા વેદવેદાઙ્ગપારગા ।
સ્રુક્ સ્રુવા ચ વસોર્ધારા યાગશક્તિરશક્તિહૃત્ ॥ ૯૨ ॥
યજ્ઞકૃત્ પ્રાકૃતિર્યજ્ઞા યજ્ઞરાગવિવર્ધિની ।
યજ્ઞભોક્ત્રી યજ્ઞભાગા સૌભાગ્યવરદાયિની ॥ ૯૩ ॥
વ્યાપિની દશદિગ્બાહુર્દિગન્તા બલિદાયિની ।
કૃપા વિશ્વેશ્વરી સ્વઙ્ગા શતાક્ષી કામદેવતા ॥ ૯૪ ॥
કામચારપ્રિયા કામા કામાચારપરાયણા ।
ચિકિત્સા વેદવિદ્યા ચ વૈદ્યમાતામહૌષધિઃ ॥ ૯૫ ॥
મહૌષધિરસપ્રીતા વિકરાલા કલાતિગા ।
મેઘશક્તિર્મહાવૃષ્ટિઃ સુવૃષ્ટિઃ શિવશર્મદા ॥ ૯૬ ॥
રુદ્રાણી રુદ્રવદના રુદ્રપૂજ્યાન્નપૂર્ણિકા ।
અન્નદાનરસાન્નાદ્યા તૃપ્તિદા ભોજનપ્રિયા ॥ ૯૭ ॥
કર્મપાશપ્રદા પઙ્ક્તિઃ પાકશક્તિઃ પચિક્રિયા ।
સુપક્વફલદા વાઞ્છા વાઞ્છાધિકફલપ્રદા ॥ ૯૮ ॥
સર્વયન્ત્રમયી પૂર્ણા સર્વભૂતાશ્રયામ્બિકા ।
બ્રાહ્મણી બ્રહ્મશક્તિશ્ચ ચરાચરવિભાવિની ॥ ૯૯ ॥
ચરાચરગતિર્જૈત્રી લક્ષાલક્ષેશ્વરાર્દ્ધહૃત્ ।
ગુહશક્તિર્ગણેટ્ શક્તિર્નારસિંહી સહસ્રદૃક્ ॥ ૧૦૦ ॥
સર્પમાલોત્તરીયા ચ સર્પ સર્વાઙ્ગભૂષણા ।
વારાહી ચ સહસ્રાક્ષી કૂર્મશક્તિઃ શુભાલયા ॥ ૧૦૧ ॥
શેષરૂપા શેષશક્તિઃ શેષપર્યઙ્કશાયિની ।
વરાહદંષ્ટ્રા વલિધિઃ કામધીઃ કામમોહિની ॥ ૧૦૨ ॥
માયિની ચિત્તસદના કામિકામપ્રવર્ધિની ।
સર્વલક્ષણસમ્પૂર્ણા સર્વલક્ષણનાશિની ॥ ૧૦૩ ॥
નાદરૂપા બિન્દુરૂપા કૃતકર્મફલપ્રદા ।
ધ્રુવશક્તિઃ ધ્રુવારોહા ધ્રુવાટોપા ધ્રુવાર્થદા ॥ ૧૦૪ ॥
ધ્રુવાકારાગ્નિહોત્રાઢ્યા ધ્રુવાચારા ધ્રુવસ્થિતિઃ ।
ધ્રુવાધ્રુવમયી ધ્રૌવ્યા ચિદ્રૂપાનન્દરૂપિણી ॥ ૧૦૫ ॥
હૃદ્રૂપા બગલા કૃષ્ણા નીલગ્રીવા કુધીહરા ।
પવિત્રદૃષ્ટિઃ પાવિત્ર્યકારિણી ઋષિવત્સલા ॥ ૧૦૬ ॥
શિશૂત્સઙ્ગધરાસઙ્ગા સઙ્ગરાગપ્રવર્ધિની ।
નિઃસઙ્ગા સઙ્ગબહુલા ચતુરાશ્રમવાસિની ॥ ૧૦૭ ॥
ચતુર્વર્ણપરિષ્વઙ્ગા ચતુર્વર્ણબહિસ્થિતા ।
નિરાશ્રયા રાગવતી રાગિમાનસસંશ્રયા ॥ ૧૦૮ ॥
બ્રાહ્મણી રાજદુહિતા વૈશ્યા શૂદ્રા પરાસુરા ।
ગૃહાશ્રમસમાસીના ગૃહધર્મનિરૂપિણી ॥ ૧૦૯ ॥
ગૃહધર્મા વિષાદઘ્ની બ્રહ્મચર્યનિષેવિણી ।
વાનપ્રસ્થાશ્રમસ્થા ચ યતિધર્મા સ્ફુરત્તનુઃ ॥ ૧૧૦ ॥
સંસ્થિતિઃ પ્રલયા સૃષ્ટિઃ સર્ગસ્થિત્યન્તખેલકૃત્ ।
જ્ઞાનશક્તિઃ ક્રિયાશક્તિઃ છાયાશક્તિરપૂર્વકૃત્ ॥ ૧૧૧ ॥
નાનાવાદવિશેષજ્ઞા નાનાવાદનિરઙ્ગતા ।
શૂન્યવાદનિરાકારા ધર્મવાદનિરૂપિણી ॥ ૧૧૨ ॥
નવચણ્ડી ક્રિયાહેતુઃ સઙ્કલ્પાકલ્પનાતિગા ।
નિર્વિકલ્પા વિકલ્પાદ્યા સઙ્કલ્પાકલ્પભૂરુહા ॥ ૧૧૩ ॥
સૃષ્ટિઘ્ની ચ સ્થિતિઘ્ની ચ વિનાશઘ્ની ત્રિરૂપભૃત્ ।
અયોધ્યા દ્વારકા કાશી મથુરા કાઞ્ચ્યવન્તિકા ॥ ૧૧૪ ॥
વિશોકા શોકમાર્તણ્ડી પાઞ્ચાલી શોકનાશિની ।
શમનિયમશક્તિશ્ચ ધર્મશક્તિર્જયધ્વજા ॥ ૧૧૫ ॥
મુક્તિઃ કુણ્ડલિની ભુક્તિર્વિષદૃષ્ટિઃ સમેક્ષણા ।
કૃપેક્ષણા કૃપાર્દ્રાઙ્ગી કૃપાર્ચિતા કૃપાશ્રુતિઃ ॥ ૧૧૬ ॥
મહાપુરાદ્રિનિલયા મહાપુરકૃતસ્થિતિઃ ।
અજ્ઞાનકલ્પનાનન્તા પ્રપઞ્જકલનાતિગા ॥ ૧૧૭ ॥
સામ્યદૃષ્ટિઃ દેહપુષ્ટિઃ કૃતસૃષ્ટિર્હૃતાખિલા ।
વેણુપુણ્યપરીપાકાઽયોનિજા વહ્નિસમ્ભવા ॥ ૧૧૮ ॥
મહાપુરસુખાસીના ડમડ્ડમરુદર્પિતા ।
મહાપુરમહાદેવી ડમરુપ્રીતિવલ્ગિતા ॥ ૧૧૯ ॥
ભદ્રકાલી પિતૃશક્તિર્હ્યાલસા ભુવનેશ્વરી ।
ગાયત્રી ચ ચતુર્વક્ત્રા ત્રિપુરા વીરવન્દિતા ॥ ૧૨૦ ॥
યમામ્બા ત્રિગુણાનન્દા કૈવલ્યપદદાયિની ।
વડવા સદયા ભૂસ્થા શાક્તસર્ગપ્રવર્તિની ॥ ૧૨૧ ॥
ઇન્દ્રાદિ દેવજનની એલામ્બા કોલરૂપિણી ।
કુમ્ભદર્પહરા દોલા દોલાક્રીડનલાલસા ॥ ૧૨૨ ॥
શીતલા વિષ્ણુમાયા ચ ચતુર્વક્ત્રનમસ્કૃતા ।
માતઙ્ગી વિષ્ણુજનની પ્રેતાસનનિવાસિની ॥ ૧૨૩ ॥
ગરુત્મત્ગમનાનીલા બ્રહ્માસ્ત્રા બ્રહ્મભૂષિતા ।
સિદ્ધિઃ પાશુપતાસ્ત્રા ચ નીલેન્દીવરલોચના ॥ ૧૨૪ ॥
રુક્મા શઙ્કરજનની કર્મનાશા ચ શામ્ભવી ।
ત્રિગા વામનશક્તિશ્ચ હિરણ્યગર્ભભૂસુરા ॥ ૧૨૫ ॥
વાગ્વાદિની ચ વર્ણા ચ શઙ્કરાર્ધશરીરિણી ।
દારુણા મોહરાત્રિશ્ચ ભ્રમાદિગણરૂપિણી ॥ ૧૨૬ ॥
દીપિકા ક્રીડવરદા મોહિની ગરલાશના ।
કપર્દાર્ચિતસર્વાઙ્ગી કપર્દાભરણપ્રિયા ॥ ૧૨૭ ॥
સાવિત્રી ભૈરવીવિઘ્ના પીતાપીતામ્બરપ્રભુઃ ।
દશવક્ત્રાનવદ્યાઙ્ગી ત્રિંશલ્લોચનભૂષિતા ॥ ૧૨૮ ॥
દશાંઘ્રિર્દશદોર્દણ્ડા સ્ફુરદ્દંષ્ટ્રાતિભીષણા ।
કર્પૂરકાન્તિવદના નીલબાહુરનુત્તમા ॥ ૧૨૯ ॥
બ્રહ્મગેયા મુનિધ્યેયા હ્રીઙ્કારા કામવિગ્રહા ।
ષડ્બીજા નવબીજા ચ નવાક્ષરતનુઃ ખગા ॥ ૧૩૦ ॥
દશાર્ણા દ્વાદશાર્ણાઢ્યા ષોડશાર્ણાવિબીજગા ।
માલામન્ત્રમયી જય્યા સર્વબીજૈકદેવતા ॥ ૧૩૧ ॥
જપમાલા ચ જયદા જપવિઘ્નવિનાશિની ।
જપકર્ત્રી જપસ્તોત્રા મન્ત્રયન્ત્રફલપ્રદા ॥ ૧૩૨ ॥
મન્ત્રાવરણરૂપૈકા યન્ત્રાવરણદેવતા ।
પદ્મિની પદ્મપત્રાક્ષી શમી યજ્ઞાઙ્ગદેવતા ॥ ૧૩૩ ॥
યજ્ઞસિદ્ધિઃ સહસ્રાક્ષી સહસ્રાક્ષપદપ્રદા ।
રેણુવશાવતારાઢ્યા મહિષાન્તકરી સમિત્ ॥ ૧૩૪ ॥
ઋગ્વેદા ચ યજુર્વેદા સામવેદા ત્રયીપરા ।
અભિચારપ્રિયાથર્વા પઞ્ચતન્ત્રાધિદેવતા ॥ ૧૩૫ ॥
અભિચારક્રિયા શાન્તિઃ શાન્તિમન્ત્રાધિદેવતા ।
અભિચારોપશમની સર્વાનન્દવિધાયિની ॥ ૧૩૬ ॥
અથર્વપાઠસમ્પન્ના લેખની લેખકસ્થિતા ।
ભૂમલેખ્યા વર્ણશક્તિઃ સર્વશક્તિઃ પ્રસિદ્ધિદા ॥ ૧૩૭ ॥
કીર્તિકામા કલાકામા કામાક્ષી સર્વમઙ્ગલા ।
શૂલેશ્વરી કુશૂલઘ્ની ચિન્તાશોકવિનાશિની ॥ ૧૩૮ ॥
ચિન્તાદિદેવતા ભૂતનાયકા નલકૂબરી ।
કરાલીત્યૂર્ધ્વકેશી ચ શ્રીધરી ચ વિનાયકી ॥ ૧૩૯ ॥
કામેશ્વરી ચ કૌવેરી પદ્માવત્યભિધાગતિઃ ।
જ્વાલામુખી ચ કૌવેરી વિજયા મેઘવાહના ॥ ૧૪૦ ॥
મહાબલા મહોત્સાહા મહાભયનિવારિણી ।
કામિની શાઙ્કરી કાષ્ઠા સહસ્રભુજનિગ્રહા ॥ ૧૪૧ ॥
પ્રભા પ્રભાકરી ભાષા સપ્તાશ્વરથસંસ્થિતા ।
અલકાપુરસંસ્થાના મૃડાની વિન્ધ્યનિશ્ચલા ॥ ૧૪૨ ॥
હિમાચલકૃતક્રીડા પીડાપાપનિવારિણી ।
અર્ધમાત્રાક્ષરા સન્ધ્યા ત્રિમાત્રા ભારતી ધૃતિઃ ॥ ૧૪૩ ॥
વેદમાતા વેદગર્ભા કૌશિકી ત્ર્યમ્બકા સ્વરા ।
અમ્બાલિકા ક્ષુધા તૃષ્ણા ધૂમ્રા રૌદ્રા દુરત્યયા ॥ ૧૪૪ ॥
પાનપાત્રકરા જાતિઃ શ્રદ્ધાવાર્તા ચિતાસ્થિતા ।
દુર્ગાણી રક્તચામુણ્ડાવૃતિઃ સોમાવતંસિની ॥ ૧૪૫ ॥
શરણ્યાર્યા દુર્ગાપરા સારા જ્યોસ્લા મહાસ્મૃતિઃ । જ્યોત્સ્ના
જગત્પ્રતિષ્ઠા કલ્યાણી છાયા તુષ્ટિશ્ચ તામસી ॥ ૧૪૬ ॥
તૃષ્ણા વાગ્ધીશ્ચ નદ્ધા ચ ગદિની ચક્રધારિણી ।
લજ્જા સહસ્રનયના મહિષાસુરમર્દિની ॥ ૧૪૭ ॥
ભીમા ભદ્રા ભગવતી નવદુર્ગાઽપરાજિતા ।
મેઘાષ્ટાદશ દોર્દણ્ડા દુર્ગા કાત્યાયની રતિઃ ॥ ૧૪૮ ॥
સર્વતઃ પાણિપાદોરુર્ભ્રામરી ચન્દ્રરૂપિણી ।
ઇન્દ્રાણી ચ મહામારી સર્વતોઽક્ષિશિરોમુખા ॥ ૧૪૯ ॥
સપ્તાધિસંશ્રયા સત્તા સપ્તદ્વીપાબ્ધિમેખલા ।
સૂર્યદીપ્તિર્વજ્રપંક્તિઃ પાનોન્મત્તા ચ પિઙ્ગલા ॥ ૧૫૦ ॥
સર્વજ્ઞા વિશ્વમાતા ચ ભક્તાનુગ્રહકારિણી ।
વિશ્વપ્રિયા પ્રાણશક્તિરનન્તગુણનામધીઃ ॥ ૧૫૧ ॥
સર્વકલ્યાણનિલયા શારદા ત્ર્યમ્બિકા સુધા ॥ ૧૫૨ ॥
શ્રી શઙ્કર ઉવાચ —
દિવ્યં નામસહસ્રં તે રેણુકાયા મયેરિતમ્ ।
સર્વકામસમૃદ્ધ્યર્થમનેન ભજ ષણ્મુખ ॥ ૧૫૩ ॥ સમૃદ્ધિ અર્થં અનેન
ભુક્તિદો મુક્તિશ્ચાપિ ભજતાં કલ્પપાદપઃ ।
જયપ્રદો વિશેષેણ નાનેન સદૃશો મનુઃ ॥ ૧૫૪ ॥
પુરશ્ચરણમુદ્દિષ્ટં સહસ્રં નવકં શુભમ્ ।
વિજયાર્થં વિશેષેણ પ્રયોગં સાધયેત્તતઃ ॥ ૧૫૫ ॥
હસ્તયોર્ભાજનં કૃત્વા પ્રસાદં યાચયેન્મુહુઃ ।
લબ્ધપ્રસાદો ભક્તેભ્યશ્ચિન્તયેધૃદિ રેણુકામ્ ॥ ૧૫૬ ॥ ચિન્તયેત્ હૃદિ
ભક્તિતો યોગિનીવૃન્દં પૂજયેત્તોષયેન્મુદા ।
તત્પાત્રં પૂરયેદન્નૈઃ પૂજયિત્વોપચારકૈઃ ॥ ૧૫૭ ॥
શૃઙ્ગિનાદં સમાકર્ણ્ય પ્રાર્થયેદુદયાશિષમ્ ।
સર્વેભ્યશ્ચાશિષો લબ્ધ્વા ભુઞ્જીત સહબાન્ધવૈઃ ॥ ૧૫૮ ॥
નાનાજાતિભવાન્ભક્તાન્ પ્રીયતાં રેણુકેતિ ચ ।
ઉત્સર્ગાદિપ્રસાદેન તોષયેચ્ચ મુહુર્મુહુઃ ॥ ૧૫૯ ॥
દીપકાડમરુધ્વાનૈરુદયોદ્દામકીર્તનૈઃ ।
ગોદોહસમયે કુર્યાદ્ગોદોહજમહોત્સવમ્ ॥ ૧૬૦ ॥
જગદમ્બામયં પશ્યન્ સકલં દૃષ્ટિગોચરમ્ ।
દીપિકાડમરૂત્સાહં ભક્તૈઃ સહ નિશાં નયેત્ ॥ ૧૬૧ ॥
અવર્ષણે ધરાકમ્પે સંક્ષોભે સાગરસ્ય ચ ।
આવર્તનસહસ્રેણ નિશ્ચિતે જાયતે શુભમ્ ॥ ૧૬૨ ॥
દુષ્ટોત્પાતે મહાઘોરે સઙ્કટે દુરતિક્રમે ।
અયુતાવર્તનાન્નૂનમસાધ્યમપિ સાધયેત્ ॥ ૧૬૩ ॥
નિશીથે વા પ્રદોષે વા જગદમ્બાલયે શુચિઃ ।
નવરાત્રં જપેદ્યસ્તુ પ્રત્યહં નવવારકમ્ ॥ ૧૬૪ ॥
નામભિઃ પૂજનં હોમં પ્રત્યયં કુરુતે વ્રતી ।
પ્રસન્નાસ્મૈ મહામાયા પ્રત્યક્ષં ભવતિ ધ્રુવમ્ ॥ ૧૬૫ ॥
ત્રિવારં નિયતં જપ્ત્વા ષણ્માસં વ્રતવાન્ શુચિઃ ।
દારિદ્ર્યાર્ણવમુત્તીર્ય વિપુલાં શ્રિયમાપ્નુયાત્ ॥ ૧૬૬ ॥
વિશેષસાધનં કુર્યાત્પુરશ્ચર્યાં પુનઃ સુધીઃ ।
સાધયેત્સકલાન્કામાન્ સત્વરં નાત્ર સંશયઃ ॥ ૧૬૭ ॥
પુષ્પાજ્યપાયસતિલૈર્હરિદ્રામધુચન્દનૈઃ ।
નાનાપરિમલદ્રવ્યૈર્ભક્તિયુક્તો યજેન્મુદા ॥ ૧૬૮ ॥
ઇદં પઠતિ યો ભક્ત્યા શૃણુયાદ્વાપિ નિત્યશઃ ।
નિર્વિઘ્નં લભતેઽભીષ્ટં જીવેચ્ચ શરદાં શતમ્ ॥ ૧૬૯ ॥
શુક્લપક્ષેઽથવા કૃષ્ણે ભૂતાધઃ ષષ્ઠિકાદિનાત્ ।
સાધકઃ સાઙ્ગવિધિના સાધયેત્સ્તોત્રમન્ત્રવિત્ ॥ ૧૭૦ ॥
ઇષે શુક્લનવમ્યન્તમારભ્ય પ્રતિપત્તિથિમ્ ।
નવરાત્રોક્તવિધિના કલશં પૂજયેન્મુદા ॥ ૧૭૧ ॥
સઙ્કટે સત્વરે કૃત્યે વિધિનાવર્તયેત્ સ્થિતિમ્ ।
પ્રાપ્નોતિ વાઞ્છિતં સદ્યઃ સર્વવિઘ્નવિનાશકૃત્ ॥ ૧૭૨ ॥
ઘૃતદ્વીપદ્વયં કૃત્વા દક્ષિણોત્તરભાગયોઃ ।
નાનાભોગોપચારૈશ્ચ તોષયેજ્જગદમ્બિકામ્ ॥ ૧૭૩ ॥
કુઙ્કુમાગરુકસ્તૂરીચન્દનાભિરર્ચયેત્ ।
કુમારીં પૂજયેત્ભક્ત્યા બ્રાહ્મણાંશ્ચ સુવાસિનીમ્ ॥ ૧૭૪ ॥
ષડ્રસૈઃ સ્વાદુ પક્વાન્નૈર્ભોજયેચ્ચ ચતુર્વિધૈઃ ।
શક્તિતો દક્ષિણાં દદ્યાદ્વાસોધાન્યં ગવાદિકમ્ ॥ ૧૭૫ ॥
વિત્તશાઠ્યં ન કુર્વીત સર્વકાર્યસમૃદ્ધયે ।
પ્રણમેત્ પ્રણમેદ્ભક્ત્યા પ્રોચ્યતામુદયોસ્ત્વતિઃ ॥ ૧૭૬ ॥
ભૂષિતો મઙ્ગલસ્નાનૈઃ સ્વાલેપ્યામ્બરમાલ્યવાન્ ।
વિભૂષ્યાઙ્ગં કપર્દૈશ્ચ પ્રજ્વાલ્ય ઘૃતદીપિકામ્ ॥ ૧૭૭ ॥
યદ્યદારભ્યતે કાર્યં તદાદૌ ચ સમાપને ।
સમ્પૂજ્યામ્બાં કુમારીંશ્ચ પૂજયેજ્જપપૂર્વકમ્ ॥ ૧૭૮ ॥
ભૂતાષ્ટમ્યાં નવમ્યાં ચ ભૌમે ચ નિયતઃ પઠેત્ ।
સર્વાન્ કામાનવાપ્નોતિ નાત્ર કાર્યા વિચારણા ॥ ૧૭૯ ॥
ભૂતા રક્ષઃ પિશાચાદ્યા વૈરિણો દસ્યવોપિ ચ ।
પઠ્યતેઽનુદિનં યત્ર તદ્ગૃહં ન વિશન્તિ ચ ॥ ૧૮૦ ॥
અબ્ધિસઞ્ચરણે પોતે લઙ્ઘને ગિરિરોહણે ।
ચિત્તક્ષોભે પ્રસાદે ચ વિષાદે વા પઠેદિદમ્ ॥ ૧૮૧ ॥
દુઃસ્વપ્નદર્શને માર્ગે વિડ્વરે કલહાગમે ।
યાત્રાકાલે પઠેદેતત્ સર્વમાઙ્ગલિકાગમે ॥ ૧૮૨ ॥
નિષ્કામો વા સકામો વા પુરુષાર્થપ્રદં યતઃ ।
ત્રૈવર્ણિકઃ પઠેદેતદિતરઃ પાઠયેત્ સદા ॥ ૧૮૩ ॥
સૌભાગ્યં લભતે નારી કન્યા સર્વોત્તમં વરમ્ ।
મૃતવત્સા લભેત્પુણ્યમાયુષ્મત્સન્તતિં શુભામ્ ॥ ૧૮૪ ॥
અસૂતિર્લભતે સૂતિં સુસૂતિં કષ્ટસૂતિકા ।
ઉદાસીના લભેત્પ્રીતિં પતિબાલપ્રિયઙ્કરી ॥ ૧૮૫ ॥
ન વૈધવ્યમવાપ્નોતિ ન સપત્નીં લભેત્ક્વચિત્ ।
સુરૂપા સુભગા ધન્યા વિરહં નાપ્નુયાત્ક્વચિત્ ॥ ૧૮૬ ॥
ચ્યવદ્ગર્ભવતી યા ચ દૃઢગર્ભવતી ભવેત્ ।
વિત્તાપત્યપરીવારા પતિમણ્ડિતવિગ્રહા ॥ ૧૮૭ ॥
સહસ્રનામકં સ્તોત્રં પઠ્યતે યત્ર વેશ્મનિ ।
ગ્રહાઃ કાલગ્રહાઃ પીડાં નૈવ કુર્વન્તિ કર્હિચિત્ ॥ ૧૮૮ ॥
યદ્ગૃહે પૂજિતં હ્યેતત્ પુસ્તકં વા સુભક્તિતઃ ।
શક્તિતો હવનં કુર્યાદ્ વિઘ્નસ્તત્ર વિનશ્યતિ ॥ ૧૮૯ ॥
ગર્ભિણી સ્રાવયેન્નિત્યં ગર્ભદોષાન્નિવર્તતે ।
સૂતિકાયતને પ્રોક્તં સૂતિકાબાલસૌખ્યદમ્ ॥ ૧૯૦ ॥
સર્વં મન્ત્રાધિકમિદં ભક્ત્યા યઃ સર્વદા પઠેત્ ।
શ્રાવયેત્ પાઠયેદ્વાપિ સર્વત્ર લભતે જયમ્ ॥ ૧૯૧ ॥
પુસ્તકાનિ પ્રદેયાનિ વિપ્રેભ્યો નવભક્તિતઃ ।
સોપચારાણિ વિધિના રેણુકા તુષ્ટિહેતવે ॥ ૧૯૨ ॥
પુત્રકામી શુભાન્ પુત્રાન્ ધનાર્થી વિપુલં ધનમ્ ।
કન્યાર્થી લભતે કન્યાં કુલશીલાદિમણ્ડિતામ્ ॥ ૧૯૩ ॥
વિદ્યાકામો લભેદ્વિદ્યાં કવિત્વં કવિતાપ્રિયઃ ।
પ્રજ્ઞાતિશયમાસાદ્ય સમર્થો ગ્રન્થધારણે ॥ ૧૯૪ ॥
મુચ્યતે નિગડાબદ્ધઃ સ્ખલદ્ગીઃ સ્પષ્ટવાગ્ભવેત્ ।
કામુકઃ કામમાપ્નોતિ ભૂપાલં વશમાનયેત્ ॥ ૧૯૫ ॥
કુષ્ઠાપસ્મારરહિતો જ્વરરોગવિવર્જિતઃ ।
રોગી રોગવિનિર્મુક્તઃ શત્રુસઙ્ઘાજ્જયો ભવેત્ ॥ ૧૯૬ ॥
શીતલો જાયતે વહ્નિર્વિષં સ્યાદમૃતોપમમ્ ।
શસ્ત્રાણ્યુત્પલતાં યાન્તિ પઠનાદસ્ય ભક્તિતઃ ॥ ૧૯૭ ॥
અન્ધો દૃષ્ટિમવાપ્નોતિ બધિરઃ શ્રુતિમાન્ ભવેત્ ।
મૂકો વાચાલતામેતિ રેણુકાયાઃ પ્રસાદતઃ ॥ ૧૯૮ ॥
રેણુકેત્યેકનામેદં ધર્માર્થકામમોક્ષદમ્ ।
ફલં નામસહસ્રસ્ય સમર્થો વક્તુમસ્તિ કઃ ॥ ૧૯૯ ॥
રેણુકાસ્મરણાન્નૂનં વિષં નાક્રમેત્ તનૌ ।
સર્વપીડોપશાન્તિશ્ચ સકલાર્થસુખોદયઃ ॥ ૨૦૦ ॥
નારાયણઃ શ્રિયા યુક્તઃ સાવિત્રીસહિતો વિધિઃ ।
અહં ભવાનીસહિતો રેણુકાર્ચનતોઽર્ચિતા ॥ ૨૦૧ ॥
સર્વં યજ્ઞફલં તસ્ય પારાયણફલં તથા ।
સાઙ્ગયોગફલં તસ્ય રેણુકા યેન પૂજિતા ॥ ૨૦૨ ॥
ઉચ્યતે બાહુમુદ્ધૃત્ય બહુનોક્તેન ષણ્મુખ ।
સેવ્યતે રેણુકા યૈસ્તે સેવ્યન્તે ત્રિદશૈરપિ ॥ ૨૦૩ ॥
ઇતિ શ્રી પદ્મપુરાણે માયોપાખ્યાને રેણુકાપ્રસ્તાવે
રેણુકાપ્રકૃતિભાવે શઙ્કરષણ્મુખસંવાદે
શઙ્કરપ્રોક્તં રેણુકાસહસ્રનામસ્તોત્રં સમ્પૂર્ણમ્ ॥
Also Read 1000 Names of Shri Renuka:
1000 Names of Sri Renuka | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
