1008 - Sahasranamavali Shiva Stotram

1000 Names of Sri Shiva from Rudrayamala Tantra Lyrics in Bengali

Shiva Sahasranama Stotram from Rudrayamala Tantra in Bengali:

॥ শ্রীশিবসহস্রনামস্তোত্রম্ ॥

ওঁ শ্রীগণেশায় নমঃ ।
পূর্বপীঠিকা
ওঁ ওংকারনিলয়ং দেবং গজবক্ত্রং চতুর্ভুজম্ ।
পিচণ্ডিলমহং বন্দে সর্ববিঘ্নোপশান্তয়ে ॥

শ্রুতিস্মৃতিপুরাণানামালয়ং করুণালয়ম্ ।
নমামি ভগবত্পাদশঙ্করং লোকশঙ্করম্ ॥

শঙ্করং শঙ্করাচার্যং কেশবং বাদরায়ণম্ ।
সূত্রভাষ্যকৃতৌ বন্দে ভগবন্তৌ পুনঃপুনঃ ॥

বন্দে শম্ভুমুমাপতিং সুরগুরুং বন্দে জগত্কারণং
বন্দে পন্নগভূষণং মৃগধরং বন্দে পশূনাম্পতিম্ ।
বন্দে সূর্যশশাঙ্কবহ্নিনয়নং বন্দে মুকুন্দপ্রিয়ং
বন্দে ভক্তজনাশ্রয়ং চ বরদং বন্দে শিবং শঙ্করম্ ॥

তব তত্ত্বং ন জানামি কীদৃশোঽসি মহেশ্বর ।
য়াদৃশোঽসি মহাদেব তাদৃশায় নমো নমঃ ॥

ঋষয় ঊচুঃ-
সূত বেদার্থতত্ত্বজ্ঞ শিবধ্যানপরায়ণ ।
মুক্ত্যুপায়ং বদাস্মভ্যং কৃপালো মুনিসত্তম ॥ ১ ॥

কঃ সেব্যঃ সর্বদেবেষু কো বা জপ্যো মনুঃ সদা ।
স্থাতব্যং কুত্র বা নিত্যং কিং বা সর্বার্থসাধকম্ ॥ ২ ॥

শ্রীসূত উবাচ-
ধন্যান্মন্যামহে নূনমনন্যশরণান্মুনীন্ ।
বন্যাশিনো বনেবাসান্ ন্যস্তমানুষ্যকল্মষান্ ॥ ৩ ॥

ভবদ্ভিঃ সর্ববেদার্থতত্ত্বং জ্ঞাতমতন্দ্রিতৈঃ ।
ভবদ্ভিঃ সর্ববেদার্থো জ্ঞাত এবাস্তি য়দ্যপি ॥ ৪ ॥

তথাপি কিঞ্চিদ্বক্ষ্যামি য়থা জ্ঞাতং ময়া তথা ।
পুরা কৈলাসশিখরে সুখাসীনং জগত্প্রভুম্ ॥ ৫ ॥

বেদান্তবেদ্যমীশানং শঙ্করং লোকশঙ্করম্ ।
বিলোক্যাতীব সন্তুষ্টঃ ষণ্মুখঃ সাম্বমীশ্বরম্ ॥ ৬ ॥

মত্বা কৃতার্থমাত্মানং প্রণিপত্য সদাশিবম্ ।
পপ্রচ্ছ সর্বলোকানাং মুক্ত্যুপায়ং কৃতাঞ্জলিঃ ॥ ৭ ॥

শ্রীস্কন্দ উবাচ-
বিশ্বেশ্বর মহাদেব বিষ্ণুব্রহ্মাদিবন্দিত ।
দেবানাং মানবানাং চ কিং মোক্ষস্যাস্তি সাধনম্ ॥ ৮ ॥

তব নামান্যনন্তানি সন্তি য়দ্যপি শঙ্কর ।
তথাপি তানি দিব্যানি ন জ্ঞায়ন্তে ময়াধুনা ॥ ৯ ॥

প্রিয়াণি শিবনামানি সর্বাণি শিব য়দ্যপি ।
তথাপি কানি রম্যাণি তেষু প্রিয়তমানি তে ॥

তানি সর্বার্থদান্যদ্য কৃপয়া বক্তুমর্হসি ॥ ১০ ॥

শ্রীসূত উবাচ-
কুমারোদীরিতাং বাচং সর্বলোকহিতাবহাম্ ।
শ্রুত্বা প্রসন্নবদনস্তমুবাচ সদাশিবঃ ॥ ১১ ॥

শ্রীসদাশিব উবাচ-
সাধু সাধু মহাপ্রাজ্ঞ সম্যক্পৃষ্ঠং ত্বয়াধুনা ।
য়দিদানীং ত্বয়া পৃষ্টং তদ্বক্ষ্যে শৃণু সাদরম্ ॥ ১২ ॥

এবমেব পুরা গৌর্যা পৃষ্টঃ কাশ্যামহং তদা ।
সমাখ্যাতং ময়া সম্যক্সর্বেষাং মোক্ষসাধনম্ ॥ ১৩ ॥

দিব্যান্যনন্তনামানি সন্তি তন্মধ্যগং পরম্ ।
অষ্টোত্তরসহস্রং তু নাম্নাং প্রিয়তরং মম ॥ ১৪ ॥

একৈকমেব তন্মধ্যে নাম সর্বার্থসাধকম্ ।
ময়াপি নাম্নাং সর্বেষাং ফলং বক্তুং ন শক্যতে ॥ ১৫ ॥

তিলাক্ষতৈর্বিল্বপত্রৈঃ কমলৈঃ কোমলৈর্নবৈঃ ।
পূজয়িষ্যতি মাং ভক্ত্যা য়স্ত্বেতন্নামসঙ্খ্যয়া ॥ ১৬ ॥

স পাপেভ্যঃ সংসৃতেশ্চ মুচ্যতে নাত্র সংশয়ঃ ।
ততো মমান্তিকং য়াতি পুনরাবৃত্তিদুর্লভম্ ॥ ১৭ ॥

একৈকেনৈব নাম্না মাং অর্চয়িত্বা দৃঢব্রতাঃ ।
স্বেষ্টং ফলং প্রাপ্নুবন্তি সত্যমেবোচ্যতে ময়া ॥ ১৮ ॥

এতন্নামাবলীং য়স্তু পঠন্মাং প্রণমেত্সদা ।
স য়াতি মম সায়ুজ্যং স্বেষ্টং বন্ধুসমন্বিতঃ ॥ ১৯ ॥

স্পৃষ্ট্বা মল্লিঙ্গমমলং এতন্নামানি য়ঃ পঠেত্ ।
স পাতকেভ্যঃ সর্বেভ্যঃ সত্যমেব প্রমুচ্যতে ॥ ২০ ॥

য়স্ত্বেতন্নামভিঃ সম্যক্ ত্রিকালং বত্সরাবধি ।
মামর্চয়তি নির্দম্ভঃ স দেবেন্দ্রো ভবিষ্যতি ॥ ২১ ॥

এতন্নামানুসন্ধাননিরতঃ সর্বদাঽমুনা ।
মম প্রিয়করস্তস্মান্নিবসাম্যত্র সাদরম্ ॥ ২২ ॥

তত্পূজয়া পূজিতোঽহং স এবাহং মতো মম ।
তস্মাত্প্রিয়তরং স্থানমন্যন্নৈব হি দৃশ্যতে ॥ ২৩ ॥

হিরণ্যবাহুরিত্যাদিনাম্নাং শম্ভুরহং ঋষিঃ ।
দেবতাপ্যহমেবাত্র শক্তির্গৌরী মম প্রিয়া ॥ ২৪ ॥

মহেশ এব সংসেব্যঃ সর্বৈরিতি হি কীলকম্ ।
ধর্মাদ্যর্থাঃ ফলং জ্ঞেয়ং ফলদায়ী সদাশিবঃ ॥ ২৫ ॥

ওঁ
সৌরমণ্ডলমধ্যস্থং সাম্বং সংসারভেষজম্ ।
নীলগ্রীবং বিরূপাক্ষং নমামি শিবমব্যয়ম্ ॥

॥ ন্যাসঃ ॥

ওঁ অস্য শ্রীশিবসহস্রনামস্তোত্রমহামন্ত্রস্য শম্ভুরৃষিঃ ।
অনুষ্টুপ্ ছন্দঃ । পরমাত্মা শ্রীসদাশিবো দেবতা ।
মহেশ্বর ইতি বীজম্ । গৌরী শক্তিঃ ।
মহেশ এব সংসেব্যঃ সর্বৈরিতি কীলকম্ ।
শ্রীসাম্বসদাশিব প্রীত্যর্থে মুখ্যসহস্রনামজপে বিনিয়োগঃ ।
॥ ধ্যানম্ ॥

শান্তং পদ্মাসনস্থং শশিধরমকুটং পঞ্চবক্ত্রং ত্রিনেত্রং
শূলং বজ্রং চ খড্গং পরশুমভয়দং দক্ষভাগে বহন্তম্ ।
নাগং পাশং চ ঘণ্টাং বরডমরুয়ুতং চাঙ্কুশং বামভাগে
নানালঙ্কারয়ুক্তং স্ফটিকমণিনিভং পার্বতীশং নমামি ॥

ওঁ নমো ভগবতে রুদ্রায় ।
ওঁ হিরণ্যবাহুঃ সেনানীর্দিক্পতিস্তরুরাট্ হরঃ ।
হরিকেশঃ পশুপতির্মহান্ সস্পিঞ্জরো মৃডঃ ॥ ১ ॥

বিব্যাধী বভ্লুশঃ শ্রেষ্ঠঃ পরমাত্মা সনাতনঃ ।
সর্বান্নরাট্ জগত্কর্তা পুষ্টেশো নন্দিকেশ্বরঃ ॥ ২ ॥

আততাবী মহারুদ্রঃ সংসারাস্ত্রঃ সুরেশ্বরঃ ।
উপবীতিরহন্ত্যাত্মা ক্ষেত্রেশো বননায়কঃ ॥ ৩ ॥

রোহিতঃ স্থপতিঃ সূতো বাণিজো মন্ত্রিরুন্নতঃ ।
বৃক্ষেশো হুতভুগ্দেবো ভুবন্তির্বারিবস্কৃতঃ ॥ ৪ ॥

উচ্চৈর্ঘোষো ঘোররূপঃ পত্তীশঃ পাশমোচকঃ ।
ওষধীশঃ পঞ্চবক্ত্রঃ কৃত্স্নবীতো ভয়ানকঃ ॥ ৫ ॥

সহমানঃ স্বর্ণরেতাঃ নিব্যাধির্নিরুপপ্লবঃ ।
আব্যাধিনীশঃ ককুভো নিষঙ্গী স্তেনরক্ষকঃ ॥ ৬ ॥

মন্ত্রাত্মা তস্করাধ্যক্ষো বঞ্চকঃ পরিবঞ্চকঃ ।
অরণ্যেশঃ পরিচরো নিচেরুঃ স্তায়ুরক্ষকঃ ॥ ৭ ॥

প্রকৃন্তেশো গিরিচরঃ কুলুঞ্চেশো গুহেষ্টদঃ ।
ভবঃ শর্বো নীলকণ্ঠঃ কপর্দী ত্রিপুরান্তকঃ ॥ ৮ ॥

ব্যুপ্তকেশো গিরিশয়ঃ সহস্রাক্ষঃ সহস্রপাত্ ।
শিপিবিষ্টশ্চন্দ্রমৌলির্হ্রস্বো মীঢুষ্টমোঽনঘঃ ॥ ৯ ॥

বামনো ব্যাপকঃ শূলী বর্ষীয়ানজডোঽনণুঃ ।
ঊর্ব্যঃ সূর্ম্যোঽগ্রিয়ঃ শীভ্যঃ প্রথমঃ পাবকাকৃতিঃ ॥ ১০ ॥

আচারস্তারকস্তারোঽবস্বন্যোঽনন্তবিগ্রহঃ ।
দ্বীপ্যঃ স্রোতস্য ঈশানো ধুর্যো গব্যয়নো য়মঃ ॥ ১১ ॥

পূর্বজোঽপরজো জ্যেষ্ঠঃ কনিষ্ঠো বিশ্বলোচনঃ ।
অপগল্ভো মধ্যমোর্ম্যো জঘন্যো বুধ্নিয়ঃ প্রভুঃ ॥ ১২ ॥

প্রতিসর্যোঽনন্তরূপঃ সোভ্যো য়াম্যো সুরাশ্রয়ঃ ।
খল্যোর্বর্যোঽভয়ঃ ক্ষেম্যঃ শ্লোক্যঃ পথ্যো নভোঽগ্রণীঃ ॥ ১৩ ॥

বন্যোঽবসান্যঃ পূতাত্মা শ্রবঃ কক্ষ্যঃ প্রতিশ্রবঃ ।
আশুষেণো মহাসেনো মহাবীরো মহারথঃ ॥ ১৪ ॥

শূরোঽতিঘাতকো বর্মী বরূথী বিল্মিরুদ্যতঃ ।
শ্রুতসেনঃ শ্রুতঃ সাক্ষী কবচী বশকৃদ্বশী ॥ ১৫ ॥

আহনন্যোঽনন্যনাথো দুন্দুভ্যোঽরিষ্টনাশকঃ ।
ধৃষ্ণুঃ প্রমৃশ ইত্যাত্মা বদান্যো বেদসম্মতঃ ॥ ১৬ ॥

তীক্ষ্ণেষুপাণিঃ প্রহিতঃ স্বায়ুধঃ শস্ত্রবিত্তমঃ ।
সুধন্বা সুপ্রসন্নাত্মা বিশ্ববক্ত্রঃ সদাগতিঃ ॥ ১৭ ॥

স্রুত্যঃ পথ্যো বিশ্ববাহুঃ কাট্যো নীপ্যো শুচিস্মিতঃ ।
সূদ্যঃ সরস্যো বৈশন্তো নাদ্যঃ কূপ্যো ঋষির্মনুঃ ॥ ১৮ ॥

সর্বো বর্ষ্যো বর্ষরূপঃ কুমারঃ কুশলোঽমলঃ ।
মেঘ্যোঽবর্ষ্যোঽমোঘশক্তিঃ বিদ্যুত্যোঽমোঘবিক্রমঃ ॥ ১৯ ॥

দুরাসদো দুরারাধ্যো নির্দ্বন্দ্বো দুঃসহর্ষভঃ ।
ঈধ্রিয়ঃ ক্রোধশমনো জাতুকর্ণঃ পুরুষ্টুতঃ ॥ ২০ ॥

আতপ্যো বায়ুরজরো বাত্যঃ কাত্যায়নীপ্রিয়ঃ ।
বাস্তব্যো বাস্তুপো রেষ্ম্যো বিশ্বমূর্ধা বসুপ্রদঃ ॥ ২১ ॥

সোমস্তাম্রোঽরুণঃ শঙ্গঃ রুদ্রঃ সুখকরঃ সুকৃত্ ।
উগ্রোঽনুগ্রো ভীমকর্মা ভীমো ভীমপরাক্রমঃ ॥ ২২ ॥

অগ্রেবধো হনীয়াত্মা হন্তা দূরেবধো বধঃ ।
শম্ভুর্ময়োভবো নিত্যঃ শঙ্করঃ কীর্তিসাগরঃ ॥ ২৩ ॥

ময়স্করঃ শিবতরঃ খণ্ডপর্শুরজঃ শুচিঃ ।
তীর্থ্যঃ কূল্যোঽমৃতাধীশঃ পার্যোঽবার্যোঽমৃতাকরঃ ॥ ২৪ ॥

শুদ্ধঃ প্রতরণো মুখ্যঃ শুদ্ধপাণিরলোলুপঃ ।
উচ্চ উত্তরণস্তার্যস্তার্যজ্ঞস্তার্যহৃদ্গতিঃ ॥ ২৫ ॥

আতার্যঃ সারভূতাত্মা সারগ্রাহী দুরত্যয়ঃ ।
আলাদ্যো মোক্ষদঃ পথ্যোঽনর্থহা সত্যসঙ্গরঃ ॥ ২৬ ॥

শষ্প্যঃ ফেন্যঃ প্রবাহ্যোঢা সিকত্যঃ সৈকতাশ্রয়ঃ ।
ইরিণ্যো গ্রামণীঃ পুণ্যঃ শরণ্যঃ শুদ্ধশাসনঃ ॥ ২৭ ॥

বরেণ্যো য়জ্ঞপুরুষো য়জ্ঞেশো য়জ্ঞনায়কঃ ।
য়জ্ঞকর্তা য়জ্ঞভোক্তা য়জ্ঞবিঘ্নবিনাশকঃ ॥ ২৮ ॥

য়জ্ঞকর্মফলাধ্যক্ষো য়জ্ঞমূর্তিরনাতুরঃ ।
প্রপথ্যঃ কিংশিলো গেহ্যো গৃহ্যস্তল্প্যো ধনাকরঃ ॥ ২৯ ॥

পুলস্ত্যঃ ক্ষয়ণো গোষ্ঠ্যো গোবিন্দো গীতসত্ক্রিয়ঃ ।
হৃদয়্যো হৃদ্যকৃত্ হৃদ্যো গহ্বরেষ্ঠঃ প্রভাকরঃ ॥ ৩০ ॥

নিবেষ্প্যো নিয়তোঽয়ন্তা পাংসব্যঃ সম্প্রতাপনঃ ।
শুষ্ক্যো হরিত্যোঽপূতাত্মা রজস্যঃ সাত্বিকপ্রিয়ঃ ॥ ৩১ ॥

লোপ্যোলপ্যঃ পর্ণশদ্যঃ পর্ণ্যঃ পূর্ণঃ পুরাতনঃ ।
ভূতো ভূতপতির্ভূপো ভূধরো ভূধরায়ুধঃ ॥ ৩২ ॥

ভূতসঙ্ঘো ভূতমূর্তির্ভূতহা ভূতিভূষণঃ ।
মদনো মাদকো মাদ্যো মদহা মধুরপ্রিয়ঃ ॥ ৩৩ ॥

মধুর্মধুকরঃ ক্রূরো মধুরো মদনান্তকঃ ।
নিরঞ্জনো নিরাধারো নির্লুপ্তো নিরুপাধিকঃ ॥ ৩৪ ॥

নিষ্প্রপঞ্চো নিরাকারো নিরীহো নিরুপদ্রবঃ ।
সত্ত্বঃ সত্ত্বগুণোপেতঃ সত্ত্ববিত্ সত্ত্ববিত্প্রিয়ঃ ॥ ৩৫ ॥

সত্ত্বনিষ্ঠঃ সত্ত্বমূর্তিঃ সত্ত্বেশঃ সত্ত্ববিত্তমঃ ।
সমস্তজগদাধারঃ সমস্তগুণসাগরঃ ॥ ৩৬ ॥

সমস্তদুঃখবিধ্বংসী সমস্তানন্দকারণঃ ।
রুদ্রাক্ষমালাভরণো রুদ্রাক্ষপ্রিয়বত্সলঃ ॥ ৩৭ ॥

রুদ্রাক্ষবক্ষা রুদ্রাক্ষরূপো রুদ্রাক্ষপক্ষকঃ ।
বিশ্বেশ্বরো বীরভদ্রঃ সম্রাট্ দক্ষমখান্তকঃ ॥ ৩৮ ॥

বিঘ্নেশ্বরো বিঘ্নকর্তা গুরুর্দেবশিখামণিঃ ।
ভুজগেন্দ্রলসত্কণ্ঠো ভুজঙ্গাভরণপ্রিয়ঃ ॥ ৩৯ ॥

ভুজঙ্গবিলসত্কর্ণো ভুজঙ্গবলয়াবৃতঃ ।
মুনিবন্দ্যো মুনিশ্রেষ্ঠো মুনিবৃন্দনিষেবিতঃ ॥ ৪০ ॥

মুনিহৃত্পুণ্ডরীকস্থো মুনিসঙ্ঘৈকজীবনঃ ।
মুনিমৃগ্যো বেদমৃগ্যো মৃগহস্তো মুনীশ্বরঃ ॥ ৪১ ॥

মৃগেন্দ্রচর্মবসনো নরসিংহনিপাতনঃ ।
মৃত্যুঞ্জয়ো মৃত্যুমৃত্যুরপমৃত্যুবিনাশকঃ ॥ ৪২ ॥

দুষ্টমৃত্যুরদুষ্টেষ্টঃ মৃত্যুহা মৃত্যুপূজিতঃ ।
ঊর্ধ্বো হিরণ্যঃ পরমো নিধনেশো ধনাধিপঃ ॥ ৪৩ ॥

য়জুর্মূর্তিঃ সামমূর্তিঃ ঋঙ্মূর্তির্মূর্তিবর্জিতঃ ।
ব্যক্তো ব্যক্ততমোঽব্যক্তো ব্যক্তাব্যক্তস্তমো জবী ॥ ৪৪ ॥

লিঙ্গমূর্তিরলিঙ্গাত্মা লিঙ্গালিঙ্গাত্মবিগ্রহঃ ।
গ্রহগ্রহো গ্রহাধারো গ্রহাকারো গ্রহেশ্বরঃ ॥ ৪৫ ॥

গ্রহকৃদ্ গ্রহভিদ্ গ্রাহী গ্রহো গ্রহবিলক্ষণঃ ।
কল্পাকারঃ কল্পকর্তা কল্পলক্ষণতত্পরঃ ॥ ৪৬ ॥

কল্পো কল্পাকৃতিঃ কল্পনাশকঃ কল্পকল্পকঃ ।
পরমাত্মা প্রধানাত্মা প্রধানপুরুষঃ শিবঃ ॥ ৪৭ ॥

বেদ্যো বৈদ্যো বেদবেদ্যো বেদবেদান্তসংস্তুতঃ ।
বেদবক্ত্রো বেদজিহ্বো বিজিহ্বো জিহ্মনাশকঃ ॥ ৪৮ ॥

কল্যাণরূপঃ কল্যাণঃ কল্যাণগুণসংশ্রয়ঃ ।
ভক্তকল্যাণদো ভক্তকামধেনুঃ সুরাধিপঃ ॥ ৪৯ ॥

পাবনঃ পাবকো বামো মহাকালো মদাপহঃ ।
ঘোরপাতকদাবাগ্নির্দবভস্মকণপ্রিয়ঃ ॥ ৫০ ॥

অনন্তসোমসূর্যাগ্নিমণ্ডলপ্রতিমপ্রভঃ ।
জগদেকপ্রভুঃস্বামী জগদ্বন্দ্যো জগন্ময়ঃ ॥ ৫১ ॥

জগদানন্দদো জন্মজরামরণবর্জিতঃ ।
খট্বাঙ্গী নীতিমান্ সত্যো দেবতাত্মাঽঽত্মসম্ভবঃ ॥ ৫২ ॥

কপালমালাভরণঃ কপালী বিষ্ণুবল্লভঃ ।
কমলাসনকালাগ্নিঃ কমলাসনপূজিতঃ ॥ ৫৩ ॥

কালাধীশস্ত্রিকালজ্ঞো দুষ্টবিগ্রহবারকঃ ।
নাট্যকর্তা নটপরো মহানাট্যবিশারদঃ ॥ ৫৪ ॥

বিরাড্রূপধরো ধীরো বীরো বৃষভবাহনঃ ।
বৃষাঙ্কো বৃষভাধীশো বৃষাত্মা বৃষভধ্বজঃ ॥ ৫৫ ॥

মহোন্নতো মহাকায়ো মহাবক্ষা মহাভুজঃ ।
মহাস্কন্ধো মহাগ্রীবো মহাবক্ত্রো মহাশিরাঃ ॥ ৫৬ ॥

মহাহনুর্মহাদংষ্ট্রো মহদোষ্ঠো মহোদরঃ ।
সুন্দরভ্রূঃ সুনয়নঃ সুললাটঃ সুকন্দরঃ ॥ ৫৭ ॥

সত্যবাক্যো ধর্মবেত্তা সত্যজ্ঞঃ সত্যবিত্তমঃ ।
ধর্মবান্ ধর্মনিপুণো ধর্মো ধর্মপ্রবর্তকঃ ॥ ৫৮ ॥

কৃতজ্ঞঃ কৃতকৃত্যাত্মা কৃতকৃত্যঃ কৃতাগমঃ ।
কৃত্যবিত্ কৃত্যবিচ্ছ্রেষ্ঠঃ কৃতজ্ঞপ্রিয়কৃত্তমঃ ॥ ৫৯ ॥

ব্রতকৃদ্ ব্রতবিচ্ছ্রেষ্ঠো ব্রতবিদ্বান্ মহাব্রতী ।
ব্রতপ্রিয়ো ব্রতাধারো ব্রতাকারো ব্রতেশ্বরঃ ॥ ৬০ ॥

অতিরাগী বীতরাগী রাগহেতুর্বিরাগবিত্ ।
রাগঘ্নো রাগশমনো রাগদো রাগিরাগবিত্ ॥ ৬১ ॥

বিদ্বান্ বিদ্বত্তমো বিদ্বজ্জনমানসসংশ্রয়ঃ ।
বিদ্বজ্জনাশ্রয়ো বিদ্বজ্জনস্তব্যপরাক্রমঃ ॥ ৬২ ॥

নীতিকৃন্নীতিবিন্নীতিপ্রদাতা নীতিবিত্প্রিয়ঃ ।
বিনীতবত্সলো নীতিস্বরূপো নীতিসংশ্রয়ঃ ॥ ৬৩ ॥

ক্রোধবিত্ ক্রোধকৃত্ ক্রোধিজনকৃত্ ক্রোধরূপধৃক্ ।
সক্রোধঃ ক্রোধহা ক্রোধিজনহা ক্রোধকারণঃ ॥ ৬৪ ॥

গুণবান্ গুণবিচ্ছ্রেষ্ঠো নির্গুণো গুণবিত্প্রিয়ঃ ।
গুণাধারো গুণাকারো গুণকৃদ্ গুণনাশকঃ ॥ ৬৫ ॥

বীর্যবান্ বীর্যবিচ্ছ্রেষ্ঠো বীর্যবিদ্বীর্যসংশ্রয়ঃ ।
বীর্যাকারো বীর্যকরো বীর্যহা বীর্যবর্ধকঃ ॥ ৬৬ ॥

কালবিত্কালকৃত্কালো বলকৃদ্ বলবিদ্বলী ।
মনোন্মনো মনোরূপো বলপ্রমথনো বলঃ ॥ ৬৭ ॥

বিশ্বপ্রদাতা বিশ্বেশো বিশ্বমাত্রৈকসংশ্রয়ঃ ।
বিশ্বকারো মহাবিশ্বো বিশ্ববিশ্বো বিশারদঃ ॥ ৬৮ ॥

variation
বিদ্যাপ্রদাতা বিদ্যেশো বিদ্যামাত্রৈকসংশ্রয়ঃ ।
বিদ্যাকারো মহাবিদ্যো বিদ্যাবিদ্যো বিশারদঃ ॥৬৮ ॥

বসন্তকৃদ্বসন্তাত্মা বসন্তেশো বসন্তদঃ ।
গ্রীষ্মাত্মা গ্রীষ্মকৃদ্ গ্রীষ্মবর্ধকো গ্রীষ্মনাশকঃ ॥ ৬৯ ॥

প্রাবৃট্কৃত্ প্রাবৃডাকারঃ প্রাবৃট্কালপ্রবর্তকঃ ।
প্রাবৃট্প্রবর্ধকঃ প্রাবৃণ্ণাথঃ প্রাবৃড্বিনাশকঃ ॥ ৭০ ॥

শরদাত্মা শরদ্ধেতুঃ শরত্কালপ্রবর্তকঃ ।
শরন্নাথঃ শরত্কালনাশকঃ শরদাশ্রয়ঃ ॥ ৭১ ॥

হিমস্বরূপো হিমদো হিমহা হিমনায়কঃ ।
শৈশিরাত্মা শৈশিরেশঃ শৈশিরর্তুপ্রবর্তকঃ ॥ ৭২ ॥

প্রাচ্যাত্মা দক্ষিণাকারঃ প্রতীচ্যাত্মোত্তরাকৃতিঃ ।
আগ্নেয়াত্মা নিরৃতীশো বায়ব্যাত্মেশনায়কঃ ॥ ৭৩ ॥

ঊর্ধ্বাধঃসুদিগাকারো নানাদেশৈকনায়কঃ ।
সর্বপক্ষিমৃগাকারঃ সর্বপক্ষিমৃগাধিপঃ ॥ ৭৪ ॥

সর্বপক্ষিমৃগাধারো মৃগাদ্যুত্পত্তিকারণঃ ।
জীবাধ্যক্ষো জীববন্দ্যো জীববিজ্জীবরক্ষকঃ ॥ ৭৫ ॥

জীবকৃজ্জীবহা জীবজীবনো জীবসংশ্রয়ঃ ।
জ্যোতিঃস্বরূপো বিশ্বাত্মা বিশ্বনাথো বিয়ত্পতিঃ ॥ ৭৬ ॥

বজ্রাত্মা বজ্রহস্তাত্মা বজ্রেশো বজ্রভূষিতঃ ।
কুমারগুরুরীশানো গণাধ্যক্ষো গণাধিপঃ ॥ ৭৭ ॥

পিনাকপাণিঃ সূর্যাত্মা সোমসূর্যাগ্নিলোচনঃ ।
অপায়রহিতঃ শান্তো দান্তো দময়িতা দমঃ ॥ ৭৮ ॥

ঋষিঃ পুরাণপুরুষঃ পুরুষেশঃ পুরন্দরঃ ।
কালাগ্নিরুদ্রঃ সর্বেশঃ শমরূপঃ শমেশ্বরঃ ॥ ৭৯ ॥

প্রলয়ানলকৃদ্ দিব্যঃ প্রলয়ানলনাশকঃ ।
ত্রিয়ম্বকোঽরিষড্বর্গনাশকো ধনদপ্রিয়ঃ ॥ ৮০ ॥

অক্ষোভ্যঃ ক্ষোভরহিতঃ ক্ষোভদঃ ক্ষোভনাশকঃ ।
সদম্ভো দম্ভরহিতো দম্ভদো দম্ভনাশকঃ ॥ ৮১ ॥

কুন্দেন্দুশঙ্খধবলো ভস্মোদ্ধূলিতবিগ্রহঃ ।
ভস্মধারণহৃষ্টাত্মা তুষ্টিঃ পুষ্ট্যরিসূদনঃ ॥ ৮২ ॥

স্থাণুর্দিগম্বরো ভর্গো ভগনেত্রভিদুদ্যমঃ ।
ত্রিকাগ্নিঃ কালকালাগ্নিরদ্বিতীয়ো মহায়শাঃ ॥ ৮৩ ॥

সামপ্রিয়ঃ সামবেত্তা সামগঃ সামগপ্রিয়ঃ ।
ধীরোদাত্তো মহাধীরো ধৈর্যদো ধৈর্যবর্ধকঃ ॥ ৮৪ ॥

লাবণ্যরাশিঃ সর্বজ্ঞঃ সুবুদ্ধির্বুদ্ধিমান্বরঃ ।
তুম্ববীণঃ কম্বুকণ্ঠঃ শম্বরারিনিকৃন্তনঃ ॥ ৮৫ ॥

শার্দূলচর্মবসনঃ পূর্ণানন্দো জগত্প্রিয়ঃ ।
জয়প্রদো জয়াধ্যক্ষো জয়াত্মা জয়কারণঃ ॥ ৮৬ ॥

জঙ্গমাজঙ্গমাকারো জগদুত্পত্তিকারণঃ ।
জগদ্রক্ষাকরো বশ্যো জগত্প্রলয়কারণঃ ॥ ৮৭ ॥

পূষদন্তভিদুত্কৃষ্টঃ পঞ্চয়জ্ঞঃ প্রভঞ্জকঃ ।
অষ্টমূর্তির্বিশ্বমূর্তিরতিমূর্তিরমূর্তিমান্ ॥ ৮৮ ॥

কৈলাসশিখরাবাসঃ কৈলাসশিখরপ্রিয়ঃ ।
ভক্তকৈলাসদঃ সূক্ষ্মো মর্মজ্ঞঃ সর্বশিক্ষকঃ ॥ ৮৯ ॥

সোমঃ সোমকলাকারো মহাতেজা মহাতপাঃ ।
হিরণ্যশ্মশ্রুরানন্দঃ স্বর্ণকেশঃ সুবর্ণদৃক্ ॥ ৯০ ॥

ব্রহ্মা বিশ্বসৃগুর্বীশো মোচকো বন্ধবর্জিতঃ ।
স্বতন্ত্রঃ সর্বমন্ত্রাত্মা দ্যুতিমানমিতপ্রভঃ ॥ ৯১ ॥

পুষ্করাক্ষঃ পুণ্যকীর্তিঃ পুণ্যশ্রবণকীর্তনঃ ।
পুণ্যমূর্তিঃ পুণ্যদাতা পুণ্যাপুণ্যফলপ্রদঃ ॥ ৯২ ॥

সারভূতঃ স্বরময়ো রসভূতো রসাশ্রয়ঃ ।
ওঁকারঃ প্রণবো নাদো প্রণতার্তিপ্রভঞ্জনঃ ॥ ৯৩ ॥

নিকটস্থোঽতিদূরস্থো বশী ব্রহ্মাণ্ডনায়কঃ ।
মন্দারমূলনিলয়ো মন্দারকুসুমাবৃতঃ ॥ ৯৪ ॥

বৃন্দারকপ্রিয়তমো বৃন্দারকবরার্চিতঃ ।
শ্রীমাননন্তকল্যাণপরিপূর্ণো মহোদয়ঃ ॥ ৯৫ ॥

মহোত্সাহো বিশ্বভোক্তা বিশ্বাশাপরিপূরকঃ ।
সুলভোঽসুলভো লভ্যোঽলভ্যো লাভপ্রবর্ধকঃ ॥ ৯৬ ॥

লাভাত্মা লাভদো বক্তা দ্যুতিমাননসূয়কঃ ।
ব্রহ্মচারী দৃঢাচারী দেবসিংহো ধনপ্রিয়ঃ ॥ ৯৭ ॥

বেদপো দেবদেবেশো দেবদেবোত্তমোত্তমঃ ।
বীজরাজো বীজহেতুর্বীজদো বীজবৃদ্ধিদঃ ॥ ৯৮ ॥

বীজাধারো বীজরূপো নির্বীজো বীজনাশকঃ ।
পরাপরেশো বরদঃ পিঙ্গলোঽয়ুগ্মলোচনঃ ॥ ৯৯ ॥

পিঙ্গলাক্ষঃ সুরগুরুঃ গুরুঃ সুরগুরুপ্রিয়ঃ ।
য়ুগাবহো য়ুগাধীশো য়ুগকৃদ্যুগনাশকঃ ॥ ১০০ ॥

কর্পূরগৌরো গৌরীশো গৌরীগুরুগুহাশ্রয়ঃ ।
ধূর্জটিঃ পিঙ্গলজটো জটামণ্ডলমণ্ডিতঃ ॥ ১০১ ॥

মনোজবো জীবহেতুরন্ধকাসুরসূদনঃ ।
লোকবন্ধুঃ কলাধারঃ পাণ্ডুরঃ প্রমথাধিপঃ ॥ ১০২ ॥

অব্যক্তলক্ষণো য়োগী য়োগীশো য়োগপুঙ্গবঃ ।
শ্রিতাবাসো জনাবাসঃ সুরবাসঃ সুমণ্ডলঃ ॥ ১০৩ ॥

ভববৈদ্যো য়োগিবৈদ্যো য়োগিসিংহহৃদাসনঃ ।
উত্তমোঽনুত্তমোঽশক্তঃ কালকণ্ঠো বিষাদনঃ ॥ ১০৪ ॥

আশাস্যঃ কমনীয়াত্মা শুভঃ সুন্দরবিগ্রহঃ ।
ভক্তকল্পতরুঃ স্তোতা স্তব্যঃ স্তোত্রবরপ্রিয়ঃ ॥ ১০৫ ॥

অপ্রমেয়গুণাধারো বেদকৃদ্বেদবিগ্রহঃ ।
কীর্ত্যাধারঃ কীর্তিকরঃ কীর্তিহেতুরহেতুকঃ ॥ ১০৬ ॥

অপ্রধৃষ্যঃ শান্তভদ্রঃ কীর্তিস্তম্ভো মনোময়ঃ ।
ভূশয়োঽন্নময়োঽভোক্তা মহেষ্বাসো মহীতনুঃ ॥ ১০৭ ॥

বিজ্ঞানময় আনন্দময়ঃ প্রাণময়োঽন্নদঃ ।
সর্বলোকময়ো য়ষ্টা ধর্মাধর্মপ্রবর্তকঃ ॥ ১০৮ ॥

অনির্বিণ্ণো গুণগ্রাহী সর্বধর্মফলপ্রদঃ ।
দয়াসুধার্দ্রনয়নো নিরাশীরপরিগ্রহঃ ॥ ১০৯ ॥

পরার্থবৃত্তির্মধুরো মধুরপ্রিয়দর্শনঃ ।
মুক্তাদামপরীতাঙ্গো নিঃসঙ্গো মঙ্গলাকরঃ ॥ ১১০ ॥

সুখপ্রদঃ সুখাকারঃ সুখদুঃখবিবর্জিতঃ ।
বিশৃঙ্খলো জগত্কর্তা জিতসর্বঃ পিতামহঃ ॥ ১১১ ॥

অনপায়োঽক্ষয়ো মুণ্ডী সুরূপো রূপবর্জিতঃ ।
অতীন্দ্রিয়ো মহামায়ো মায়াবী বিগতজ্বরঃ ॥ ১১২ ॥

অমৃতঃ শাশ্বতঃ শান্তো মৃত্যুহা মূকনাশনঃ ।
মহাপ্রেতাসনাসীনঃ পিশাচানুচরাবৃতঃ ॥ ১১৩ ॥

গৌরীবিলাসসদনো নানাগানবিশারদঃ ।
বিচিত্রমাল্যবসনো দিব্যচন্দনচর্চিতঃ ॥ ১১৪ ॥

বিষ্ণুব্রহ্মাদিবন্দ্যাঙ্ঘ্রিঃ সুরাসুরনমস্কৃতঃ ।
কিরীটলেঢিফালেন্দুর্মণিকঙ্কণভূষিতঃ ॥ ১১৫ ॥

রত্নাঙ্গদাঙ্গো রত্নেশো রত্নরঞ্জিতপাদুকঃ ।
নবরত্নগণোপেতকিরীটী রত্নকঞ্চুকঃ ॥ ১১৬ ॥

নানাবিধানেকরত্নলসত্কুণ্ডলমণ্ডিতঃ ।
দিব্যরত্নগণাকীর্ণকণ্ঠাভরণভূষিতঃ ॥ ১১৭ ॥

গলব্যালমণির্নাসাপুটভ্রাজিতমৌক্তিকঃ ।
রত্নাঙ্গুলীয়বিলসত্করশাখানখপ্রভঃ ॥ ১১৮ ॥

রত্নভ্রাজদ্ধেমসূত্রলসত্কটিতটঃ পটুঃ ।
বামাঙ্কভাগবিলসত্পার্বতীবীক্ষণপ্রিয়ঃ ॥ ১১৯ ॥

লীলাবলম্বিতবপুর্ভক্তমানসমন্দিরঃ ।
মন্দমন্দারপুষ্পৌঘলসদ্বায়ুনিষেবিতঃ ॥ ১২০ ॥

কস্তূরীবিলসত্ফালো দিব্যবেষবিরাজিতঃ ।
দিব্যদেহপ্রভাকূটসন্দীপিতদিগন্তরঃ ॥ ১২১ ॥

দেবাসুরগুরুস্তব্যো দেবাসুরনমস্কৃতঃ ।
হস্তরাজত্পুণ্ডরীকঃ পুণ্ডরীকনিভেক্ষণঃ ॥ ১২২ ॥

সর্বাশাস্যগুণোঽমেয়ঃ সর্বলোকেষ্টভূষণঃ ।
সর্বেষ্টদাতা সর্বেষ্টঃ স্ফুরন্মঙ্গলবিগ্রহঃ ॥ ১২৩ ॥

অবিদ্যালেশরহিতো নানাবিদ্যৈকসংশ্রয়ঃ ।
মূর্তিভবঃ কৃপাপূরো ভক্তেষ্টফলপূরকঃ ॥ ১২৪ ॥

সম্পূর্ণকামঃ সৌভাগ্যনিধিঃ সৌভাগ্যদায়কঃ ।
হিতৈষী হিতকৃত্সৌম্যঃ পরার্থৈকপ্রয়োজনঃ ॥ ১২৫ ॥

শরণাগতদীনার্তপরিত্রাণপরায়ণঃ ।
জিষ্ণুর্নেতা বষট্কারো ভ্রাজিষ্ণুর্ভোজনং হবিঃ ॥ ১২৬ ॥

ভোক্তা ভোজয়িতা জেতা জিতারির্জিতমানসঃ ।
অক্ষরঃ কারণং ক্রুদ্ধসমরঃ শারদপ্লবঃ ॥ ১২৭ ॥

আজ্ঞাপকেচ্ছো গম্ভীরঃ কবির্দুঃস্বপ্ননাশকঃ ।
পঞ্চব্রহ্মসমুত্পত্তিঃ ক্ষেত্রজ্ঞঃ ক্ষেত্রপালকঃ ॥ ১২৮ ॥

ব্যোমকেশো ভীমবেষো গৌরীপতিরনাময়ঃ ।
ভবাব্ধিতরণোপায়ো ভগবান্ ভক্তবত্সলঃ ॥ ১২৯ ॥

বরো বরিষ্ঠো নেদিষ্ঠঃ প্রিয়ঃ প্রিয়দবঃ সুধীঃ ।
য়ন্তা য়বিষ্ঠঃ ক্ষোদিষ্ঠো স্থবিষ্ঠো য়মশাসকঃ ॥ ১৩০ ॥

হিরণ্যগর্ভো হেমাঙ্গো হেমরূপো হিরণ্যদঃ ।
ব্রহ্মজ্যোতিরনাবেক্ষ্যশ্চামুণ্ডাজনকো রবিঃ ॥ ১৩১ ॥

মোক্ষার্থিজনসংসেব্যো মোক্ষদো মোক্ষনায়কঃ ।
মহাশ্মশাননিলয়ো বেদাশ্বো ভূরথঃ স্থিরঃ ॥ ১৩২ ॥

মৃগব্যাধো চর্মধামা প্রচ্ছন্নঃ স্ফটিকপ্রভঃ ।
সর্বজ্ঞঃ পরমার্থাত্মা ব্রহ্মানন্দাশ্রয়ো বিভুঃ ॥ ১৩৩ ॥

মহেশ্বরো মহাদেবঃ পরব্রহ্ম সদাশিবঃ ॥ ১৩৪ ॥

শ্রীপরব্রহ্ম সদাশিব ওঁ নম ইতি ।
উত্তর পীঠিকা
এবমেতানি নামানি মুখ্যানি মম ষণ্মুখ ।
শুভদানি বিচিত্রাণি গৌর্যৈ প্রোক্তানি সাদরম্ ॥ ১ ॥

বিভূতিভূষিতবপুঃ শুদ্ধো রুদ্রাক্ষভূষণঃ ।
শিবলিঙ্গসমীপস্থো নিস্সঙ্গো নির্জিতাসনঃ ॥ ২ ॥

একাগ্রচিত্তো নিয়তো বশী ভূতহিতে রতঃ ।
শিবলিঙ্গার্চকো নিত্যং শিবৈকশরণঃ সদা ॥ ৩ ॥

মম নামানি দিব্যানি য়ো জপেদ্ভক্তিপূর্বকম্ ।
এবমুক্তগুণোপেতঃ স দেবৈঃ পূজিতো ভবেত্ ॥ ৪ ॥

সংসারপাশসংবদ্ধজনমোক্ষৈকসাধনম্ ।
মন্নামস্মরণং নূনং তদেব সকলার্থদম্ ॥ ৫ ॥

মন্নামৈব পরং জপ্যমহমেবাক্ষয়ার্থদঃ ।
অহমেব সদা সেব্যো ধ্যেয়ো মুক্ত্যর্থমাদরাত্ ॥ ৬ ॥

বিভূতিবজ্রকবচৈঃ মন্নামশরপাণিভিঃ ।
বিজয়ঃ সর্বতো লভ্যো ন তেষাং দৃশ্যতে ভয়ম্ ॥ ৭ ॥

ন তেষাং দৃশ্যতে ভয়ম্ ওঁ নম ইতি ।
শ্রীসূত উবাচ-
ইত্যুদীরিতমাকর্ণ্য মহাদেবেন তদ্বচঃ ।
সন্তুষ্টঃ ষণ্মুখঃ শম্ভুং তুষ্টাব গিরিজাসুতঃ ॥ ৮ ॥

শ্রীস্কন্দ উবাচ-
নমস্তে নমস্তে মহাদেব শম্ভো
নমস্তে নমস্তে প্রপন্নৈকবন্ধো ।
নমস্তে নমস্তে দয়াসারসিন্ধো
নমস্তে নমস্তে নমস্তে মহেশ ॥ ৯ ॥

নমস্তে নমস্তে মহামৃত্যুহারিন্
নমস্তে নমস্তে মহাদুঃখহারিন্ ।
নমস্তে নমস্তে মহাপাপহারিন্
নমস্তে নমস্তে নমস্তে মহেশ ॥ ১০ ॥

নমস্তে নমস্তে সদা চন্দ্রমৌলে
নমস্তে নমস্তে সদা শূলপাণে ।
নমস্তে নমস্তে সদোমৈকজানে
নমস্তে নমস্তে নমস্তে মহেশ ॥ ১১ ॥

বেদান্তবেদ্যায় মহাদয়ায়
কৈলাসবাসায় শিবাধবায় ।
শিবস্বরূপায় সদাশিবায়
শিবাসমেতায় নমঃশিবায় ॥ ১২ ॥

ওঁ নমঃশিবায় ইতি
শ্রীসূত উবাচ-
ইতি স্তুত্বা মহাদেবং সর্বব্যাপিনমীশ্বরম্ ।
পুনঃপ্রণম্যাথ ততঃ স্কন্দস্তস্থৌ কৃতাঞ্জলিঃ ॥ ১৩ ॥

ভবন্তোঽপি মুনিশ্রেষ্ঠাঃ সাম্বধ্যানপরায়ণাঃ ।
শিবনামজপং কৃত্বা তিষ্ঠন্তু সুখিনঃ সদা ॥ ১৪ ॥

শিব এব সদা ধ্যেয়ঃ সর্বদেবোত্তমঃ প্রভুঃ ।
শিব এব সদা পূজ্যো মুক্তিকামৈর্ন সংশয়ঃ ॥ ১৫ ॥

মহেশান্নাধিকো দেবঃ স এব সুরসত্তমঃ ।
স এব সর্ববেদান্তবেদ্যো নাত্রাস্তি সংশয়ঃ ॥ ১৬ ॥

জন্মান্তরসহস্রেষু য়দি তপ্তং তপস্তদা ।
তস্য শ্রদ্ধা মহাদেবে ভক্তিশ্চ ভবতি ধ্রুবম্ ॥ ১৭ ॥

সুভগা জননী তস্য তস্যৈব কুলমুন্নতম্ ।
তস্যৈব জন্ম সফলং য়স্য ভক্তিঃ সদাশিবে ॥ ১৮ ॥

য়ে শম্ভুং সুরসত্তমং সুরগণৈরারাধ্যমীশং শিবং
শৈলাধীশসুতাসমেতমমলং সম্পূজয়ন্ত্যাদরাত্ ।
তে ধন্যাঃ শিবপাদপূজনপরাঃ হ্যন্যো ন ধন্যো জনঃ
সত্যং সত্যমিহোচ্যতে মুনিবরাঃ সত্যং পুনঃ সর্বথা ॥ ১৯ ॥

সত্যং পুনঃ সর্বথা ওঁ নম ইতি ।
নমঃ শিবায় সাম্বায় সগণায় সসূনবে ।
প্রধানপুরুষেশায় সর্গস্থিত্যন্তহেতবে ॥ ২০ ॥

নমস্তে গিরিজানাথ ভক্তানামিষ্টদায়ক ।
দেহি ভক্তিং ত্বয়ীশান সর্বাভীষ্টং চ দেহি মে ॥ ২১ ॥

সাম্ব শম্ভো মহাদেব দয়াসাগর শঙ্কর ।
মচ্চিত্তভ্রমরো নিত্যং তবাস্তু পদপঙ্কজে ॥ ২২ ॥

সর্বার্থ শর্ব সর্বেশ সর্বোত্তম মহেশ্বর ।
তব নামামৃতং দিব্যং জিহ্বাগ্রে মম তিষ্ঠতু ॥ ২৩ ॥

য়দক্ষরং পদং ভ্রষ্টং মাত্রাহীনং চ য়দ্ ভবেত্ ।
তত্সর্বং ক্ষম্যতাং দেব প্রসীদ পরমেশ্বর ॥ ২৪ ॥

করচরণকৃতং বাক্কায়জং কর্মজং বা
শ্রবণনয়নজং বা মানসং বাঽপরাধম্ ।
বিহিতমবিহিতং বা সর্বমেতত্ ক্ষমস্ব
জয়জয় করুণাব্ধে শ্রীমহাদেব শম্ভো ॥ ২৫ ॥

কায়েন বাচা মনসেন্দ্রিয়ৈর্বা
বুদ্ধ্যাঽঽত্মনা বা প্রকৃতেঃ স্বভাবাত্ ।
করোমি য়দ্যত্ সকলং পরস্মৈ
সদাশিবায়েতি সমর্পয়ামি ॥ ২৬ ॥

॥ ওঁ তত্সত্ ইতি শ্রীমুখ্যশিবসহস্রনামস্তোত্রং সম্পূর্ণম্ ॥

Also Read:

1000 Names of Sri Shiva from Rudrayamala Tantra Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil