Templesinindiainfo

Best Spiritual Website

Ajagara Gita Lyrics in Oriya

Ajagara Geetaa in Oriya:

॥ ଅଜଗରଗୀତା ॥
ଭୀଷ୍ମେଣ ଯୁଧିଷ୍ଠିରମ୍ପ୍ରତି ପ୍ରପଞ୍ଚସ୍ୟାନିତ୍ୟତ୍ୱାଦିଜ୍ଞାନପୂର୍ୱକବିରକ୍ତେଃ
ସୁଖହେତୁତାୟାଂ ପ୍ରମାଣତୟା ପ୍ରହ୍ଲାଦାଜଗରମୁନିସଂବାଦାନୁବାଦଃ ॥ ୧ ॥

ଯୁଧିଷ୍ଠିର ଉବାଚ ।
କେନ ବୃତ୍ତେନ ବୃତ୍ତଜ୍ଞ ବୀତଶୋକଶ୍ଚରେନ୍ମହୀମ୍ ।
କିଞ୍ଚ କୁର୍ୱନ୍ନରୋ ଲୋକେ ପ୍ରାପ୍ନୋତି ଗତିମୁତ୍ତମାମ୍ ॥ ୧ ॥
ଭୀଷ୍ମ ଉବାଚ ।
ଅତ୍ରାପ୍ୟୁଦାହରନ୍ତୀମମିତିହାସଂ ପୁରାତନମ୍ ।
ପ୍ରହ୍ଲାଦସ୍ୟ ଚ ସଂବାଦଂ ମୁନେରାଜଗରସ୍ୟ ଚ ॥ ୨ ॥
ଚରନ୍ତଂ ବ୍ରାହ୍ମଣଂ କଞ୍ଚିତ୍କଲ୍ୟଚିତ୍ତମନାମୟମ୍ ।
ପପ୍ରଚ୍ଛ ରାଜା ପ୍ରହ୍ଲାଦୋ ବୁଦ୍ଧିମାନ୍ପ୍ରାଜ୍ଞସତ୍ତମଃ ॥ ୩
ପ୍ରହ୍ଲାଦ ଉବାଚ ।
ସ୍ୱସ୍ଥଃ ଶକ୍ତୋ ମୃଦୁର୍ଦାନ୍ତୋ ନିର୍ୱିଧିତ୍ସୋଽନସୂୟକଃ ।
ସୁବାଗ୍ବହୁମତୋ ଲୋକେ ପ୍ରାଜ୍ଞଶ୍ଚରସି ବାଲବତ୍ ॥ ୪ ॥
ନୈବ ପ୍ରାର୍ଥୟସେ ଲାଭଂ ନାଲାଭେଷ୍ୱନୁଶୋଚସି ।
ନିତ୍ୟତୃପ୍ତ ଇବ ବ୍ରହ୍ମନ୍ନ କିଞ୍ଚିଦିବ ମନ୍ୟସେ ॥ ୫ ॥
ସ୍ରୋତସା ହ୍ରିୟମାଣାସୁ ପ୍ରଜାସୁ ବିମନା ଇବ ।
ଧର୍ମକାମାର୍ଥକାର୍ୟେଷୁ କୂଟସ୍ଥ ଇବ ଲକ୍ଷ୍ୟସେ ॥ ୬ ॥
ନାନୁତିଷ୍ଠସି ଧର୍ମାର୍ଥୌ ନ କାମେ ଚାପି ବର୍ତସେ ।
ଇନ୍ଦ୍ରିୟାର୍ଥାନନାଦୃତ୍ୟ ମୁକ୍ତଶ୍ଚରସି ସାକ୍ଷିବତ୍ ॥ ୭ ॥
କା ନୁ ପ୍ରଜ୍ଞା ଶ୍ରୁତଂ ବା କିଂ ବୃତ୍ତିର୍ୱା କା ନୁ ତେ ମୁନେ ।
କ୍ଷିପ୍ରମାଚକ୍ଷ୍ୱ ମେ ବ୍ରହ୍ମଞ୍ଶ୍ରେୟୋ ଯଦିହ ମନ୍ୟସେ ॥ ୮ ॥
ଭୀଷ୍ମ ଉବାଚ ।
ଅନୁୟୁକ୍ତଃ ସ ମେଧାବୀ ଲୋକଧର୍ମବିଧାନବିତ୍ ।
ଉବାଚ ଶ୍ଲକ୍ଷ୍ଣୟା ବାଚା ପ୍ରହ୍ଲାଦମନପାର୍ଥୟା ॥ ୯ ॥
ପଶ୍ୟ ପ୍ରହ୍ଲାଦ ଭୂତାନାମୁତ୍ପତ୍ତିମନିମିତ୍ତତଃ ।
ହ୍ରାସଂ ବୃଦ୍ଧିଂ ବିନାଶଂ ଚ ନ ପ୍ରହୃଷ୍ୟେ ନ ଚ ବ୍ୟଥେ ॥ ୧୦ ॥
(୭୨୧୦୨)
ସ୍ୱଭାବାଦେବ ସନ୍ଦୃଶ୍ୟା ବର୍ତମାନାଃ ପ୍ରବୃତ୍ତୟଃ ।
ସ୍ୱଭାବନିରତାଃ ସର୍ୱାଃ ପ୍ରତିପାଦ୍ୟା ନ କେନଚିତ୍ ॥ ୧୧ ॥
ପଶ୍ୟ ପ୍ରହ୍ଲାଦ ସଂୟୋଗାନ୍ୱିପ୍ରୟୋଗପରାୟଣାନ୍ ।
ସଞ୍ଚୟାଂଶ୍ଚ ବିନାଶାନ୍ତାନ୍ନ କ୍ୱଚିଦ୍ୱିଦଧେ ମନଃ ॥ ୧୨ ॥
ଅନ୍ତବନ୍ତି ଚ ଭୂତାନି ଗୁଣୟୁକ୍ତାନି ପଶ୍ୟତଃ ।
ଉତ୍ପତ୍ତିନିଧନଜ୍ଞସ୍ୟ କିଂ ପର୍ୟାୟେଣୋପଲକ୍ଷୟେ। ୧୩ ॥
ଜଲଜାନାମପି ହ୍ୟନ୍ତଂ ପର୍ୟାୟେଣୋପଲକ୍ଷୟେ ।
ମହତାମପି କାୟାନାଂ ସୂକ୍ଷ୍ମାଣାଂ ଚ ମହୋଦଧୌ ॥ ୧୪ ॥
ଜଙ୍ଗମସ୍ଥାବରାଣାଂ ଚ ଭୂତାନାମସୁରାଧିପ ।
ପାର୍ଥିବାନାମପି ବ୍ୟକ୍ତଂ ମୃତ୍ୟୁଂ ପଶ୍ୟାମି ସର୍ୱଶଃ ॥ ୧୫ ॥
ଅନ୍ତରିକ୍ଷଚରାଣାଂ ଚ ଦାନବୋତ୍ତମପକ୍ଷିଣାମ୍ ।
ଉତ୍ତିଷ୍ଠତେ ଯଥାକାଲଂ ମୃତ୍ୟୁର୍ବଲବତାମପି ॥ ୧୬ ॥
ଦିବି ସଞ୍ଚରମାଣାନି ହ୍ରସ୍ୱାନି ଚ ମହାନ୍ତି ଚ ।
ଜ୍ୟୋତୀଂଷ୍ୟପି ଯଥାକାଲଂ ପତମାନାନି ଲକ୍ଷୟେ ॥ ୧୭ ॥
ଇତି ଭୂତାନି ସମ୍ପଶ୍ୟନ୍ନନୁଷକ୍ତାନି ମୃତ୍ୟୁନା ।
ସର୍ୱଂ ସାମାନ୍ୟତୋ ବିଦ୍ୱାନ୍କୃତକୃତ୍ୟଃ ସୁଖଂ ସ୍ୱପେ ॥ ୧୮ ॥
ସୁମହାନ୍ତମପି ଗ୍ରାସଂ ଗ୍ରସେ ଲବ୍ଧଂ ଯଦୃଚ୍ଛୟା ।
ଶୟେ ପୁନରଭୁଞ୍ଜାନୋ ଦିବସାନି ବହୂନ୍ୟପି ॥ ୧୯ ॥
ଆଶୟନ୍ତ୍ୟପି ମାମନ୍ନଂ ପୁନର୍ବହୁଗୁଣଂ ବହୁ ।
ପୁନରଲ୍ପଂ ପୁନସ୍ତୋକଂ ପୁନର୍ନୈବୋପପଦ୍ୟତେ ॥ ୨୦ ॥
କଣଂ କଦାଚିତ୍ଖାଦାମି ପିଣ୍ୟାକମପି ଚ ଗ୍ରସେ ।
ଭକ୍ଷୟେ ଶାଲିମାଂସାନି ଭକ୍ଷାଂଶ୍ଚୋଚ୍ଚାବଚାନ୍ପୁନଃ ॥ ୨୧ ॥
ଶୟେ କଦାଚିତ୍ପର୍ୟଙ୍କେ ଭୂମାବପି ପୁନଃ ଶୟେ ।
ପ୍ରାସାଦେ ଚାପି ମେ ଶୟ୍ୟା କଦାଚିଦୁପପଦ୍ୟତେ ॥ ୨୨ ॥
ଧାରୟାମି ଚ ଚୀରାଣି ଶାଣକ୍ଷୌମାଜିନାନି ଚ ।
ମହାର୍ହାଣି ଚ ବାସାଂସି ଧାରୟାମ୍ୟହମେକଦା ॥ ୨୩ ॥
ନ ସନ୍ନିପତିତଂ ଧର୍ମ୍ୟମୁପଭୋଗଂ ଯଦୃଚ୍ଛୟା ।
ପ୍ରତ୍ୟାଚକ୍ଷେ ନ ଚାପ୍ୟେନମନୁରୁଧ୍ୟେ ସୁଦୁର୍ଲଭମ୍ ॥ ୨୪ ॥
ଅଚଲମନିଧନଂ ଶିବଂ ବିଶୋକଂ
ଶୁଚିମତୁଲଂ ବିଦୁଷାଂ ମତେ ପ୍ରବିଷ୍ଟମ୍ ।
ଅନଭିମତମସେବିତଂ ବିମୂଢୈ
ର୍ୱ୍ରତମିଦମାଜଗରଂ ଶୁଚିଶ୍ଚରାମି ॥ ୨୫ ॥
ଅଚଲିତମତିରଚ୍ୟୁତଃ ସ୍ୱଧର୍ମା
ତ୍ପରିମିତସଂସରଣଃ ପରାବରଜ୍ଞଃ ।
ବିଗତଭୟକଷାୟଲୋଭମୋହୋ
ବ୍ରତମିଦମାଜଗରଂ ଶୁଚିଶ୍ଚରାମି ॥ ୨୬ ॥
ଅନିୟତଫଲଭକ୍ଷ୍ୟଭୋଜ୍ୟପେୟଂ
ବିଧିପରିଣାମବିଭକ୍ତଦେଶକାଲମ୍ ।
ହୃଦୟସୁଖମସେବିତଂ କଦର୍ୟୈ
ର୍ୱ୍ରତମିଦମାଜଗରଂ ସୁଚିଶ୍ଚରାମି ॥ ୨୭ ॥
ଇଦମିଦମିତି ତୃଷ୍ଣୟାଽଭିଭୂତଂ
ଜନମନବାପ୍ତଧନଂ ବିଷୀଦମାନମ୍ ।
ନିପୁଣମନୁନିଶାମ୍ୟ ତତ୍ତ୍ୱବୁଦ୍ଧ୍ୟା
ବ୍ରତମିଦମାଜଗରଂ ଶୁଚିଶ୍ଚରାମି ॥ ୨୮ ॥
ବହୁବିଧମନୁଦୃଶ୍ୟ ଚାର୍ଥହେତୋଃ
କୃପଣମିହାର୍ୟମନାର୍ୟମାଶ୍ରୟଂ ତମ୍ ।
ଉପଶମରୁଚିରାତ୍ମବାନ୍ପ୍ରଶାନ୍ତୋ
ବ୍ରତମିଦମାଜଗରଂ ଶୁଚିଶ୍ଚରାମି ॥ ୨୯ ॥
ସୁଖମସୁଖମଲାଭମର୍ଥଲାଭଂ
ରତିମରତିଂ ମରଣଂ ଚ ଜୀବିତଂ ଚ ।
ବିଧିନିୟତମବେକ୍ଷ୍ୟ ତତ୍ତ୍ୱତୋଽହଂ
ବ୍ରତମିଦମାଜଗରଂ ଶୁଚିଶ୍ଚରାମି ॥ ୩୦ ॥
ଅପଗତଭୟରାଗମୋହଦର୍ପୋ
ଧୃତିମତିବୁଦ୍ଧିସମନ୍ୱିତଃ ପ୍ରଶାନ୍ତଃ ।
ଉପଗତଫଲଭୋଗିନୋ ନିଶାମ୍ୟ
ବ୍ରତମିଦମାଜଗରଂ ଶୁଚିଶ୍ଚରାମି ॥ ୩୧ ॥
ଅନିୟତଶୟନାସନଃ ପ୍ରକୃତ୍ୟା
ଦମନିୟମବ୍ରତସତ୍ୟଶୌଚୟୁକ୍ତଃ ।
ଅପଗତଫଲସଞ୍ଚୟଃ ପ୍ରହୃଷ୍ଟୋ
ବ୍ରତମିଦମାଜଗରଂ ଶୁଚିଶ୍ଚରାମି ॥ ୩୨ ॥
ଅପଗତମସୁଖାର୍ଥମୀହନାର୍ଥୈ
ରୁପଗତବୁଦ୍ଧିରବେକ୍ଷ୍ୟ ଚାତ୍ମସଂସ୍ଥମ୍ ।
ତୃପିତମନିୟତଂ ମନୋ ନିୟନ୍ତୁଂ
ବ୍ରତମିଦମାଜଗରଂ ଶୁଚିଶ୍ଚରାମି ॥ ୩୩ ॥
ନ ହୃଦୟମନୁରୁଧ୍ୟତେ ମନୋ ବା
ପ୍ରିୟସୁଖଦୁର୍ଲଭତାମନିତ୍ୟତାଂ ଚ ।
ତଦୁଭୟମୁପଲକ୍ଷୟନ୍ନିବାହଂ
ବ୍ରତମିଦମାଜଗରଂ ଶୁଚିଶ୍ଚରାମି ॥ ୩୪ ॥
ବହୁ କଥିତମିଦଂ ହି ବୁଦ୍ଧିମଦ୍ଭିଃ
କବିଭିରପି ପ୍ରଥୟଦ୍ଭିରାତ୍ମକୀର୍ତିମ୍ ।
ଇଦମିଦମିତି ତତ୍ରତତ୍ର ହନ୍ତ
ସ୍ୱପରମତୈର୍ଗହନଂ ପ୍ରତର୍କୟଦ୍ଭିଃ ॥ ୩୫ ॥
ତଦିଦମନୁନିଶାମ୍ୟ ବିପ୍ରପାତଂ
ପୃଥଗଭିପନ୍ନମିହାବୁଧୈର୍ମନୁଷ୍ୟୈଃ ।
ଅନବସିତମନନ୍ତଦୋଷପାରଂ
ନୃପୁ ବିହରାମି ବିନୀତଦୋଷତୃଷ୍ଣଃ ॥ ୩୬ ॥
ଭୀଷ୍ମ ଉବାଚ ।
ଅଜଗରଚରିତଂ ବ୍ରତଂ ମହାତ୍ମା
ଯ ଇହ ନରୋଽନୁଚରେଦ୍ୱିନୀତରାଗଃ ।
ଅପଗତଭୟଲୋଭମୋହମନ୍ୟୁଃ
ସ ଖଲୁ ସୁଖୀ ବିଚରେଦିମଂ ବିହାରମ୍ ॥ ॥ ୩୭ ॥

ଇତି ଶ୍ରୀମନ୍ମହାଭାରତେ ଶାନ୍ତିପର୍ୱଣି ମୋକ୍ଷଧର୍ମପର୍ୱଣି
ସପ୍ତସପ୍ତତ୍ୟଧିକଶତତମୋଽଧ୍ୟାୟଃ ॥ ୧୭୭. ॥

Mahabharata – Shanti Parva – Chapter Footnotes

୨ ଆଜଗରସ୍ୟାଽଜଗରବୃତ୍ତ୍ୟା ଜୀବତଃ ॥

୪ ନିର୍ୱିଧିତ୍ସୋ ନିରାରମ୍ଭଃ ॥

୬ ସ୍ରୋତସା କାମାଦିବେଗେନ । କୂଟସ୍ଥୋ ନିର୍ୱ୍ୟାପାରଃ ॥

୭ ଇନ୍ଦ୍ରିୟାର୍ଥାନ୍ ଗନ୍ଧରସାଦୀନନାଦୃତ୍ୟ ଚରସି
ତନ୍ନିର୍ୱାହମାତ୍ରାର୍ଥୀ ଅଶ୍ନାସି ॥

୮ ପ୍ରଜ୍ଞା ତତ୍ତ୍ୱଦର୍ଶନମ୍ । ଶ୍ରୁତଂ ତନ୍ମୂଲଭୂତଂ
ଶାସ୍ତ୍ରମ୍। ବୃତ୍ତିସ୍ତଦର୍ଥାନୁଷ୍ଠାନମ୍। ଶ୍ରେୟୋ ମମେତି ଶେଷଃ ॥

୯ ଅନୁୟୁକ୍ତଃ ପୃଷ୍ଟଃ । ଲୋକସ୍ୟ ଧର୍ମୋ ଜନ୍ମଜରାଦିସ୍ତସ୍ୟ ବିଧାନଂ
କାରଣଂ ତଦଭିଜ୍ଞଃ ଲୋକଧର୍ମବିଧାନବିତ୍ ॥

୧୦ ଅନିମିତ୍ତତଃ କାରଣହୀନାଦ୍ବ୍ରହ୍ମଣଃ । ପଶ୍ୟ ଆଲୋଚୟ ॥

୧୨ ତସ୍ମାଦହଂ ମନୋ ନ କ୍ୱଚିଦ୍ୱିଷୟେ ବିଦଧେ ଧାରୟାମି ତଦ୍ୱିନାଶେ
ଶୋକୋତ୍ପତ୍ତିଂ ଜାନନ୍ ॥

୧୫ ପାର୍ଥିବାନାଂ ପୃଥିବୀସ୍ଥାନାମ୍ ॥

୧୯ ଆଜଗରୀଂ ବୃତ୍ତିଂ ପ୍ରପଞ୍ଚୟତି ସୁମହାନ୍ତମିତ୍ୟାଦିନା ॥

୨୦ ଆଶୟନ୍ତି ଭୋଜୟନ୍ତି ॥

୨୬ କଷାୟଃ ରାଗଦ୍ୱେଷାଦିଃ ॥

୨୮ ଧନପ୍ରାପ୍ତୌ କର୍ମୈବ କାରଣଂ ନ ପୌରୁଷମିତି ଧିୟା
ନିଶାମ୍ୟାଲୋଚ୍ୟ ॥

୨୯ ଅର୍ଥହେତୋରନାର୍ୟଂ ନୀଚମ୍ । ଅର୍ୟଂ ସ୍ୱାମିନଗାଶ୍ରୟତି ଯଃ
କୃପଣୋ ଦୀନଜନସ୍ତମନୁଦୃଶ୍ୟୋପଶମରୁଚିଃ। ଆତ୍ମବାନ୍ ଜିତଚିତ୍ତଃ ॥

୩୦ ବିଧିନିୟତଂ ଦୈବାଧୀନମ୍ ॥

୩୧ ମତିରାଲୋଚନମ୍ । ବୁଦ୍ଧିର୍ନିଶ୍ଚୟଃ। ଉପଗତଂ ସମୀପାଗତଂ
ଫଲଂ ପ୍ରିୟଂ ଯେଷାଂ ତାନ୍ ଭୋଗିନଃ ସର୍ପାନ୍ ଅଜଗରାନ୍ ନିଶାମ୍ୟ
ଦୃଷ୍ଟ୍ୱା। ଫଲଭୋଗିନ ଇତି ମଧ୍ୟମପଦଲୋପଃ ॥

୩୨ ପ୍ରକୃତ୍ୟା ଦମାଦିୟୁକ୍ତଃ
ଅପଗତଫଲସଞ୍ଚୟସ୍ତ୍ୟକ୍ତୟୋଗଫଲସମୂହଃ ॥

୩୩ ଏଷଣାବିଷୟୈଃ ପୁତ୍ରବିତ୍ତାଦିର୍ଭିର୍ହେତୁଭିଃ । ଅସୁଖାର୍ଥଂ
ପରିଣାମେ ଦୁଃଖାର୍ଥମ୍। ଅପଗତମାତ୍ମନଃ ପରାଙ୍ଭୁଖଂ ତୃଷିତମନିୟତଂ
ଚ ମନୋଽବେକ୍ଷ୍ୟ। ଉପଗତବୁଦ୍ଧିର୍ଲବ୍ଧାଲୋକଃ। ଆତ୍ମସଂସ୍ଥମାତ୍ମନି ସଂସ୍ଥା
ସମାପ୍ତିର୍ୟସ୍ୟ ତତ୍ତଥା ତୁଂ ବ୍ରତଂ ଚରାମି ॥

Also Read:

Ajagara Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

Ajagara Gita Lyrics in Oriya

Leave a Reply

Your email address will not be published. Required fields are marked *

Scroll to top