Shri Ardhanarishvara Ashtottara Shatanamavali in Bengali:
॥ অর্ধনারীশ্বর্যষ্টোত্তরশতনামস্তোত্রম্ ॥
চামুণ্ডিকাম্বা শ্রীকণ্ঠঃ পার্বতী পরমেশ্বরঃ ।
মহারাজ্ঞীমহাদেবস্সদারাধ্যা সদাশিবঃ ॥ ১ ॥
শিবার্ধাঙ্গী শিবার্ধাঙ্গো ভৈরবী কালভৈরবঃ ।
শক্তিত্রিতয়রূপাঢ্যা মূর্তিত্রিতয়রূপবান্ ॥ ২ ॥
কামকোটিসুপীঠস্থা কাশীক্ষেত্রসমাশ্রয়ঃ ।
দাক্ষায়ণী দক্ষবৈরী শূলিনি শূলধারকঃ ॥ ৩ ॥
হ্রীঙ্কারপঞ্জরশুকী হরিশঙ্কররূপবান্ ।
শ্রীমদগ্নেশজননী ষডাননসুজন্মভূঃ ॥ ৪ ॥
পঞ্চপ্রেতাসনারূঢা পঞ্চব্রহ্মস্বরূপভ্রৃত্ ।
চণ্ডমুণ্ডশিরশ্ছেত্রী জলন্ধরশিরোহরঃ ॥ ৫ ॥
সিংহবাহা বৃষারূঢঃ শ্যামাভা স্ফটিকপ্রভঃ ।
মহিষাসুরসংহর্ত্রী গজাসুরবিমর্দনঃ ॥ ৬ ॥
মহাবলাচলাবাসা মহাকৈলাসবাসভূঃ ।
ভদ্রকালী বীরভদ্রো মীনাক্ষী সুন্দরেশ্বরঃ ॥ ৭ ॥
ভণ্ডাসুরাদিসংহর্ত্রী দুষ্টান্ধকবিমর্দনঃ ।
মধুকৈটভসংহর্ত্রী মধুরাপুরনায়কঃ ॥ ৮ ॥
কালত্রয়স্বরূপাঢ্যা কার্যত্রয়বিধায়কঃ ।
গিরিজাতা গিরীশশ্চ বৈষ্ণবী বিষ্ণুবল্লভঃ ॥ ৯ ॥
বিশালাক্ষী বিশ্বনাধঃ পুষ্পাস্ত্রা বিষ্ণুমার্গণঃ ।
কৌসুম্ভবসনোপেতা ব্যাঘ্রচর্মাম্বরাবৃতঃ ॥ ১০ ॥
মূলপ্রকৃতিরূপাঢ্যা পরব্রহ্মস্বরূপবান্ ।
রুণ্ডমালাবিভূষাঢ্যা লসদ্রুদ্রাক্ষমালিকঃ ॥ ১১ ॥
মনোরূপেক্ষুকোদণ্ড মহামেরুধনুর্ধরঃ ।
চন্দ্রচূডা চন্দ্রমৌলির্মহামায়া মহেশ্বরঃ ॥ ১২ ॥
মহাকালী মহাকালো দিব্যরূপা দিগম্বরঃ ।
বিন্দুপীঠসুখাসীনা শ্রীমদোঙ্কারপীঠগঃ ॥ ১৩ ॥
হরিদ্রাকুঙ্কুমালিপ্তা ভস্মোদ্ধূলিতবিগ্রহঃ ।
মহাপদ্মাটবীলোলা মহাবিল্বাটবীপ্রিয়ঃ ॥ ১৪ ॥
সুধাময়ী বিষধরো মাতঙ্গী মুকুটেশ্বরঃ ।
বেদবেদ্যা বেদবাজী চক্রেশী বিষ্ণুচক্রদঃ ॥ ১৫ ॥
জগন্ময়ী জগদ্রূপো মৃডানী মৃত্যুনাশনঃ ।
রামার্চিতপদাম্ভোজা কৃষ্ণপুত্রবরপ্রদঃ ॥ ১৬ ॥
রমাবাণীসুসংসেব্যা বিষ্ণুব্রহ্মসুসেবিতঃ ।
সূর্যচন্দ্রাগ্নিনয়না তেজস্ত্রয়বিলোচনঃ ॥ ১৭ ॥
চিদগ্নিকুণ্ডসম্ভূতা মহালিঙ্গসমুদ্ভবঃ ।
কম্বুকণ্ঠী কালকণ্ঠী বজ্রেশী বজ্রপূজিতঃ ॥ ১৮ ॥
ত্রিকণ্টকী ত্রিভঙ্গীশঃ ভস্মরক্ষা স্মরান্তকঃ ।
হয়গ্রীববরোদ্ধাত্রী মার্কণ্ডেয়বরপ্রদঃ ॥ ১৯ ॥
চিন্তামণিগৃহাবাসা মন্দরাচলমন্দিরঃ ।
বিন্ধ্যাচলকৃতাবাসা বিন্ধ্যশৈলার্যপূজিতঃ ॥ ২০ ॥
মনোন্মনী লিঙ্গরূপো জগদম্বা জগত্পিতা ।
য়োগনিদ্রা য়োগগম্যো ভবানী ভবমূর্তিমান্ ॥ ২১ ॥
শ্রীচক্রাত্মরথারূঢা ধরণীধরসংস্থিতঃ
শ্রীবিদ্যাবেদ্যমহিমা নিগমাগমসংশ্রয়ঃ ॥ ২২ ॥
দশশীর্ষসমায়ুক্তা পঞ্চবিংশতিশীর্ষবান্ ।
অষ্টাদশভুজায়ুক্তা পঞ্চাশত্করমণ্ডিতঃ ॥ ২৩ ॥
ব্রাহ্ম্যাদিমাতৃকারূপা শতাষ্টেকাদশাত্মবান্ ।
স্থিরা স্থাণুস্তথা বালা সদ্যোজাত উমা মৃডঃ ॥ ২৪ ॥
শিবা শিবশ্চ রুদ্রাণী রুদ্রশ্ছৈবেশ্বরীশ্বরঃ ।
কদম্বকাননাবাসা দারুকারণ্যলোলুপঃ ॥ ২৫ ॥
নবাক্ষরীমনুস্তুত্যা পঞ্চাক্ষরমনুপ্রিয়ঃ ।
নবাবরণসম্পূজ্যা পঞ্চায়তনপূজিতঃ ॥ ২৬ ॥
দেহস্থষট্চক্রদেবী দহরাকাশমধ্যগঃ ।
য়োগিনীগণসংসেব্যা ভৃঙ্গ্যাদিপ্রমথাবৃতঃ ॥ ২৭ ॥
উগ্রতারা ঘোররূপশ্শর্বাণী শর্বমূর্তিমান্ ।
নাগবেণী নাগভূষো মন্ত্রিণী মন্ত্রদৈবতঃ ॥ ২৮ ॥
জ্বলজ্জিহ্বা জ্বলন্নেত্রো দণ্ডনাথা দৃগায়ুধঃ ।
পার্থাঞ্জনাস্ত্রসন্দাত্রী পার্থপাশুপতাস্ত্রদঃ ॥ ২৯ ॥
পুষ্পবচ্চক্রতাটঙ্কা ফণিরাজসুকুণ্ডলঃ ।
বাণপুত্রীবরোদ্ধাত্রী বাণাসুরবরপ্রদঃ ॥ ৩০ ॥
ব্যালকঞ্চুকসংবীতা ব্যালয়জ্ঞোপবীতবান্ ।
নবলাবণ্যরূপাঢ্যা নবয়ৌবনবিগ্রহঃ ॥ ৩১ ॥
নাট্যপ্রিয়া নাট্যমূর্তিস্ত্রিসন্ধ্যা ত্রিপুরান্তকঃ ।
তন্ত্রোপচারসুপ্রীতা তন্ত্রাদিমবিধায়কঃ ॥ ৩২ ॥
নববল্লীষ্টবরদা নববীরসুজন্মভূঃ ।
ভ্রমরজ্যা বাসুকিজ্যো ভেরুণ্ডা ভীমপূজিতঃ ॥ ৩৩ ॥
নিশুম্ভশুম্ভদমনী নীচাপস্মারমর্দনঃ ।
সহস্রাম্বুজারূঢা সহস্রকমলার্চিতঃ ॥ ৩৪ ॥
গঙ্গাসহোদরী গঙ্গাধরো গৌরী ত্রয়ম্বকঃ ।
শ্রীশৈলভ্রমরাম্বাখ্যা মল্লিকার্জুনপূজিতঃ ॥ ৩৫ ॥
ভবতাপপ্রশমনী ভবরোগনিবারকঃ ।
চন্দ্রমণ্ডলমধ্যস্থা মুনিমানসহংসকঃ ॥ ৩৬ ॥
প্রত্যঙ্গিরা প্রসন্নাত্মা কামেশী কামরূপবান্ ।
স্বয়ম্প্রভা স্বপ্রকাশঃ কালরাত্রী কৃতান্তহৃত্ ॥ ৩৭ ॥
সদান্নপূর্ণা ভিক্ষাটো বনদুর্গা বসুপ্রদঃ ।
সর্বচৈতন্যরূপাঢ্যা সচ্চিদানন্দবিগ্রহঃ ॥ ৩৮ ॥
সর্বমঙ্গলরূপাঢ্যা সর্বকল্যাণদায়কঃ ।
রাজেরাজেশ্বরী শ্রীমদ্রাজরাজপ্রিয়ঙ্করঃ ॥ ৩৯ ॥
অর্ধনারীশ্বরস্যেদং নাম্নামষ্টোত্তরং শতম্ ।
পঠন্নর্চন্সদা ভক্ত্যা সর্বসাম্রাজ্যমাপ্নুয়াত্ ॥ ৪০ ॥
ইতি স্কান্দমহাপুরাণে অর্ধনীরীশ্বর্যষ্টোত্তরশতনামস্তোত্রং সম্পূর্ণম্ ।
Also Read:
Ardhanarishvara Ashtottara Shatanama Stotram Lyrics in Hindi | English | Marathi | Bengali | Gujarati | Punjabi | Kannada | Malayalam | Oriya | Telugu | Tamil
