Brihadambaryashatakam Lyrics in Bengali:
॥ বৃহদম্বার্যাশতকম্ ॥
শ্রীগোকর্ণনিকেতা শ্রীবিদ্যাদিব্যশুক্তিকামুক্তা ।
শ্রীকণ্ঠনিত্যমিলিতা শ্রীচক্রেশী পুরোঽস্তু মে মাতা ॥ ১ ॥
কল্যাণং কলয়েন্নঃ কল্যানস্মান্ করোতু শতমব্দান্ ।
কল্যাতঙ্কমপাস্যেত্ কল্যাণী নঃ সদৈব বৃহদম্বা ॥ ২ ॥
তরুণারুণপ্রকাশং তরুণা বকুলেন ভাসুরনিবেশম্ ।
গুরুণা স্তনেন নমিতং গুরুণা সদয়েন বস্তুঃ ন কথিতম্ ॥ ৩ ॥
বকুলদ্রুমূলসদনাং বনজসহাধ্যায়িপরিলসদ্বদনাম্ ।
বল্গুস্মিতেক্ষ্যরদনাং বন্দে দৃক্তর্জিতাম্বুজচ্ছদনাম্ ॥ ৪ ॥
একা দ্বিলোকসুখদা ত্র্যক্ষর্যাখ্যাপিতা চতুঃপীঠা ।
পঞ্চাম্নায়শিরঃস্থা বৃহদম্ব ত্বং ষডধ্বজনয়িত্রী ॥ ৫ ॥
নাসাভাসা চম্পকশোভাক্ষোভাবহাস্তু বৃহদম্বা ।
পারাবারাত্মজয়া সেব্যা দেব্যা গিরাং চ ভব্যায় ॥ ৬ ॥
কম্বুলসত্কংধরয়া কৈশ্যবিনির্ধূতনীলকংধরয়া ।
পাল্যে শোণাধরয়া পাবিতবকুলদ্রুমূলসদ্ধরয়া ॥ ৭ ॥
পীনস্তনাবনম্রে পাদনতাম্ভোজবাসিনীকম্রে ।
বাণীজিতসরসাম্রে বাচো বল্গন্তু ধাম্নি মে তাম্রে ॥ ৮ ॥
বকুলবনীবাসিন্যা বিদ্রুমসচ্ছায়চেলবাসিন্যা ।
হৃদ্রাজীবাসিন্যা হৃদয়ং শংভোর্হৃতং সুবাসিন্যা ॥ ৯ ॥
বন্দে শ্রীবৃহদম্বাং বল্গুগতাপাস্তরাজকাদম্বাম্ ।
আশ্রিতজনাবলম্বামাসেবে কৈশ্যধূতলোলম্বাম্ ॥ ১০ ॥
কেসরসরভাসুরয়া কেবলদাসীভবত্সুরাসুরয়া ।
কলিতা বাণী সুরয়া কয়াপি মে ভক্তিনম্রভূসুরয়া ॥ ১১ ॥
শিরসা ধৃতসোমায়াঃ শ্রীগোকর্ণৈকদিব্যধামায়াঃ ।
পদনম্রাণাং মায়াঃ পাপবিধাত্র্যঃ কদাপি নোমায়াঃ ॥ ১২ ॥
আনন্দসারসীমামানঙ্গোত্কর্ষপোষকাপাঙ্গাম্ ।
আনন্তুং বৃহদম্বামানন্ত্যং মূর্ধ্নি বাঞ্ছামি ॥ ১৩ ॥
বকুলাটবীনিবিষ্টাং বন্দকসংরক্ষণাত্যভিনিবিষ্টাম্ ।
নিরবধিকরুণাবিষ্টাং নিত্যং সেবেমহীষ্টশিপিবিষ্টাম্ ॥ ১৪ ॥
অভিধায়িতহৃল্লেখামতীতবিদ্বত্সুকবিজনোল্লেখাম্ ।
পদপদ্মনমল্লেখাং পশ্যামঃ শাশ্বতীং তটিল্লেখাম্ ॥ ১৫ ॥
করুণামৃতবর্ষিণ্যাঃ সেবকসর্বাপরাধমর্ষিণ্যাঃ ।
বকুলবিপিনহর্ষিণ্যা বশ্যাঃ স্মঃ শংভুচিত্তকর্ষিণ্যাঃ ॥ ১৬ ॥
করুণাঝরসরসাক্ষীমরুণাধরশোভিসুন্দরসুহাসাম্ ।
তরুনার্ধঘটিতদেহাং বরুণালয়জেডিতাং শিবাং বৃণুমঃ ॥ ১৭ ॥
ধন্যাঃ কে নু মদন্যা বলয়েঽবন্যা য়তো বকুলবন্যাঃ ।
মূলে মোক্ষবদান্যা মান্যা কন্যা গিরোর্হিতমান্যা মে ॥ ১৮ ॥
কেচিত্ ত্বাং কুলমূলে সাক্ষাত্কুর্বন্ত্যহং বকুলমূলে ।
অর্ধেশ্বরাং কতিপয়ে মাতঃ সর্বেশ্বরামহং কলয়ে ॥ ১৯ ॥
বাঞ্ছিতসিদ্ধ্যৈ ভবিতা লাঞ্ছিতচিকুরা চকোরবৃত্তিকৃতা ।
কাঙ্ক্ষিতচরণা সদ্ভিঃ কাং ক্ষিপ্রং নাতনোতি সংসিদ্ধিম্ ॥ ২০ ॥
অরুণিমসারসমষ্টিঃ সংসৃতিকূপোত্তরণয়ষ্টিঃ ।
কলিতামৃতৌঘবৃষ্টির্বৃহদম্বা ভাতু মে কৃপাদৃষ্টিঃ ॥ ২১ ॥
সামজসমানগমনা সামসমাজোপগানতুষ্টমনাঃ ।
সমজানুপেতচরণা সমরসতাপন্নপন্নগাভরণা ॥ ২২ ॥
বিশ্বপতিবশ্যহৃদয়া নশ্বরবিশ্বাসপশ্বনাশাস্যা ।
অশ্বমুখস্তবশস্যা নিঃশ্বসিতানুশ্রবাস্তি বৃহদম্বা ॥ ২৩ ॥
লঘু তব চরণং শরণং তরণং মৃত্যোর্ভজামি বৃহদম্ব ।
য়াবত্ তরসা জরসা পরসাদঙ্গানি ন কৃতানি ॥ ২৪ ॥
প্রভবতি য়ত্র ন গৌর্বা নোর্মীণাং সংকথা ন বা জডতা ।
কোঽপি বকুলালবালে জয়তি চিরানন্দসাগরোঽপার ॥ ২৫ ॥
স্থাবররাজতনূজা ভাবরসস্ফীতবৈখরী জননী ।
পীবরবক্ষোজনতা ধীবরদৌহিত্রসূক্তিপরিচিন্ত্যা ॥ ২৬ ॥
সর্বানন্দনিবাসা শক্রশতানন্দমুখ্যসুরসেব্যা ।
ধৃতনন্দসূনুদেহা ভূমনিজানন্দমেদুরা জয়তি ॥ ২৭ ॥
অপহৃত্য চিত্তশল্যং ভক্তিমতামাতনোষি কৈবল্যম্ ।
বৃহদম্ব কো ন্বকল্যং দেবান্তরং ত্ব্যা পাল্যম্ ॥ ২৮ ॥
ভবনীকৃতগোকর্ণং ভাস্বন্মণিকুণ্ডলস্ফুরত্কর্ণম্ ।
ধ্যায়ামি শোণবর্ণং ধাম পরং ভক্তমানসাভ্যর্ণম্ ॥ ২৯ ॥
কলিতা ললিতা কলিতাপহরা দহরান্তরবিচিন্ত্যা ।
বকুলে মুকুলেড্যকুলে সদয়াভ্যুদয়া কিমন্যদেবৈর্মে ॥ ৩০ ॥
বারাণসীনিষেবাং বারাশ্যবগাহনানি চ ন তন্যাঃ ।
বারান্ বহূনথাঙ্ঘ্র্যোর্বারা পূয়স্ব বকুলমূলেশ্যাঃ ॥ ৩১ ॥
শ্রেয়শ্চ য়া বিধত্তে শ্রীবৃহদম্বাপদাম্বুরুহচিন্তা ।
কলিকলুষণি বিভিন্তে মদমপি কার্তান্তমাহন্তা ॥ ৩২ ॥
নীবী নবান্যবচসাং সা বীণা বাণ্যভিপণার্যা ।
ভাবী ভবার্তিহরণী দেবী দয়তাং সদৈব বৃহদম্বা ॥ ৩৩ ॥
মাতা সারসনেত্রা মান্যা বারাশিকন্যকানেত্রা ।
মৃগচক্রবর্তিপত্রা মনসি মম স্তাত্ স্তনোল্লসত্পত্রা ॥ ৩৪ ॥
বেলতিগানুকম্পা বকুলবনাম্ভোদমঞ্জুতরশম্পা ।
ভবতপ্তামৃতঝম্পা ভবতু হৃদিস্থা কৃতদ্বিষত্কম্পা ॥ ৩৫ ॥
পদ্যায়ামাদ্ য়ায়ামাদ্যায়ামম্ব তাবকজনানাম্ ।
বিদ্যাং তে নিরবদ্যাং বিদ্যাং গোকর্ণরাজ্ঞি দয়য়া তে ॥ ৩৬ ॥
তরণিং তমশ্ছটানামরণিং জ্ঞানানলস্য কলয়ামি ।
তরণিং ভবাম্বুরাশেঃ সরণিং বেদ্যাগমস্য বৃহদম্বাম্ ॥ ৩৭ ॥
বক্ষোজভারনমিতা লক্ষোত্তরবেদগীঃপ্রমিতা ।
ইক্ষোর্মধুরোক্তিমিতা ন ক্ষোভ্যা ত্বং দয়াধুনী স্তিমিতা ॥ ৩৮ ॥
হৃদয়ং পুরাণবচসাং সদয়ং দীনাবনে পরং তেজঃ ।
মদয়ন্নধরং শংভোস্তদয়ং য়াতো জনঃ শরণম্ ॥ ৩৯ ॥
মাঙ্কণতীরকুটীরা মেদুরবক্ষোজলিপ্তপাটীরা ।
পতিধৃতচন্দ্রাণ্ডীরা ধ্যেয়াম্বা মুক্তিদানশৌণ্ডীরা ॥ ৪০ ॥
আপন্নরক্ষণার্থে চাপং পুণ্ড্রেক্ষুমাদধানা সা ।
রোপং চ পৌষ্পমম্বা পাপং প্রোত্সারয়েন্মমাশেষম্ ॥ ৪১ ॥
দক্ষা নিরর্গলা সা দাতুং স্বর্গং ত্রিবর্গমপবর্গম্ ।
বৃহদম্বা মহদন্তর্বাসা ভাসারুণা জয়তি ॥ ৪২ ॥
বারিদসোদরচিকুরাং বদনপরাভূতবিস্ফুরন্মুকুরাম্ ।
সুন্দরহাসাঙ্কূরাং সেবেঽম্বাং বাগ্জিতামৃতাসারাম্ ॥ ৪৩ ॥
বিন্দুত্রয়াত্মকতয়া কলয়ন্তি ত্বামপারকরুণাব্ধিম্ ।
য়ে বৃহদম্ব ভবাব্ধির্বিদুষাং তেষাং কতি পৃষন্তি ॥ ৪৪ ॥
নীবারশূকশাতা নীহারাংশুচ্ছটাশীতা ।
বালাদিত্যশতাভা মূলাধারাত্ সমুদ্যতা ভাসি ॥ ৪৫ ॥
বিশ্বপ্রথানিদানং বেদশিরঃস্ফূর্জদপদানম্ ।
বৃহদম্বিকাভিধানং বহুশঃ সেবেয় মঙ্গলবিধানম্ ॥ ৪৬ ॥
আলোলনীলবেণী ফালোত্সঙ্গানুষঙ্গিদিব্যমণী ।
কালোন্মিষত্কুবলয়চ্ছায়াদায়াদলোচনদ্বিতয়া ॥ ৪৭ ॥
মণিতাটঙ্কসমুদ্যদ্ঘৃণিগণনীরাজিতকপোলম্ ।
নাসাগ্রলম্বিমুক্তাভাসা সংপৃক্তমন্দহাসরুচিঃ ॥ ৪৮ ॥
অরুণাধরজিতবিম্বা বক্ত্রপরাভূতশীতকরবিম্বা ।
পীনোন্নতস্তনভরা পাশসৃণীষ্বিক্ষুচাপকরা ॥ ৪৯ ॥
শিঞ্জিতমঞ্জীরলসন্মঞ্জুলচরণাব্জনম্রসুরলোকা ।
বৃহদম্বা মম হৃদয়ে নিবসতু বাত্সল্যশীতলালোকা ॥ ৫০ ॥
ভানব্যা য়া নব্যা মানব্যাঘাতভীতয়া দীপ্ত্যা ।
আতন্বীত সুতন্বী সা তন্বীড্যা শ্রিয়ং তবাম্ব তনূঃ ॥ ৫১ ॥
ইচ্ছাত্তবিশ্বশিল্পাং পঞ্চব্রহ্মপ্রকল্পিতসুতল্পাম্ ।
বন্দীকৃতাদিজল্পাং বন্দে দেবীং দয়োদয়ানল্পাম্ ॥ ৫২ ॥
কেচিন্মদালসাক্ষং কালোন্মীলত্কুবালজয়দক্ষম্ ।
গাত্রং তবাপরোক্ষং কুর্যুর্বৃহদম্ব দুষ্কৃতবিপক্ষম্ ॥ ৫৩ ॥
শয়ধৃতচারুবিপঞ্চী শ্রোণীবিম্বাবলম্বিমণিকাঞ্চী ।
গোকর্ণেশ্যঘবঞ্চী দৃষ্টা চেত্ কো ন ভক্তিরোমাঞ্চী ॥ ৫৪ ॥
কালং প্রয়াপ্য মেঽলং ভারৈর্দুঃস্থৈরচারুকুচভারৈঃ ।
ক্ষামৈরশুকশ্যামৈরন্যৈর্দেবৈরধূতনতদৈন্যৈঃ ॥ ৫৫ ॥
সোমার্ধসল্ললামা সা মামব্যাত্ সুবকুলবনদামা ।
কামারিদিব্যরামা পরমা সংবিদ্ ঘনশ্যামা ॥ ৫৬ ॥
কোমলবাকুলমূলা স্তোমলসত্কুন্তলাধিগোকর্ণম্ ।
য়ামলবর্ণ্যা কাপি শ্যামলবর্ণা বিভাতি গুরুমূর্তিঃ ॥ ৫৭ ॥
প্রবহত্করুণাপাঙ্গং প্রত্যগ্রাম্ভোদমেচকশ্যামম্ ।
বিশ্বাধিকান্তরঙ্গং বকুলবনে ভাতি পালিতপাঙ্গম্ ॥ ৫৮ ॥
শিখিপিঞ্ছং তাপিঞ্ছং সভয়ং ধম্মিল্লশোভয়া স্বভয়া ।
আদধতী দধতীন্দুং মাঙ্কণরোধোঽঙ্কণে জয়ত্যম্বা ॥ ৫৯ ॥
বামকুচচুম্বিবীণামর্ধোন্মীলন্মনোজ্ঞট্টক্কোণাম্ ।
বিশ্বাবনপ্রবীণাং বকুলাটব্যাং নমামি রমমাণাম্ ॥ ৬০ ॥
অংসানুষঙ্গিচূলী সংসারাপারবারিধেরালী ।
শং সা দদাতু কালী কংসারীড্যা সদাত্তবকুলালী ॥ ৬১ ॥
বীণাবাদিনি শর্মাস্বাদিনি কর্মাদ্রিভেদিনি স্যান্মে ।
বিশ্বাকারিণি চন্দ্রালংকারিণি বোধকারিণি প্রেম ॥ ৬২ ॥
অরুণাংশুকামুপাসে নিগমং শুকরূপিণং দধতীম্ ।
দদতীমাশুকবিত্বং স্বাংশুকদর্থীকৃতাতসীং জননীম্ ॥ ৬৩ ॥
সজ্জনকৃতবরিবস্যং সারসপরিহাসসাদরনিজাস্যম্ ।
গান্ধর্বস্য রহস্যং কিংচন কুর্যান্মদাশাস্যম্ ॥ ৬৪ ॥
দূর্বাশ্যামলকায়ে দুর্বাসোমুখ্যমৌনিগণসেব্যে ।
অর্বাস্যবর্ণিতগুণে কুর্বাশাপূর্তিমদ্য বৃহদম্ব ॥ ৬৫ ॥
লীলালোলা বকুলাটব্যামব্যাচ্ছুকাভিরামকরা ।
বীণাক্কাণাভিরতা মাতা ভূতাধিপস্য দয়িতা নঃ ॥ ৬৬ ॥
দুরিতেভ্যো ন কৃতেভ্যো নাপি কৃতান্তাদ্ বিভেমি দুর্দান্তাত্ ।
দৃষ্টা দয়াসমষ্টির্বকুলবনে শ্যামলাকৃতির্যেন ॥ ৬৭ ॥
ধন্যোঽহং ধন্যোঽহং বংশদ্বিতয়ী মদীক্ষিতা ধন্যা ।
পরিপণমাম্নায়ানাং শ্যামলমালোকি বকুলমূলে য়ত্ ॥ ৬৮ ॥
বিত্তাদিভির্নরাণাং মত্তানাং দুর্লভা বিনা ভক্তিম্ ।
তত্তাদৃশানুভাবা সত্তা কাচিদ্ বিভাতি গোকর্ণে ॥ ৬৯ ॥
পরিহৃতসর্ববিকল্পা পরিধৃতশীতাংশুকোরকাকল্পা ।
বালদিবাকরকল্পা বৃহদম্বা পাতু সত্যসংকল্পা ॥ ৭০ ॥
চম্পকনীপরসালাঃ সন্ত্যেবান্যে রসাস্থলে সালাঃ ।
বকুলে তু মেঽস্তি ভক্তির্যস্মিন্ দৃষ্টে স্মৃতা ভবত্যম্বা ॥ ৭১ ॥
ভ্রমরীবিভ্রমকবরীং ভ্রূভ্রমণেনৈব পঞ্চকৃত্যকরীম্ ।
সংবিত্সুখামৃতঝরীং সংসেবেঽম্বাং ভবাম্বুরাশিতরীম্ ॥ ৭২ ॥
কুমুদেশপাকচূডং কলিতসুরোদ্যানমালিকাপীডম্ ।
অঞ্চিতবকুলাক্রীডং কিংচিদুপাসে দয়ানিবহনীডম্ ॥ ৭৩ ॥
সরলে সরলে বিরলে তরলে হৃন্নেত্রকুচসীম্নি ।
বস্তুনি মেঽস্তু নিবাস্তুনি করুণায়াশ্চিত্তবৃত্তিরপতন্দ্রা ॥ ৭৪ ॥
কং গণয়েঽন্যমুপাস্যং মঙ্কণকাসারতীরকৌতুকিনঃ ।
অঙ্গণবাকুলসুমনোরিঙ্খণসৌরভ্যনির্ভরাদ্ধাম্নঃ ॥ ৭৫ ॥
বেশন্ততুল্যনাভী বাসন্তস্ফারপুষ্পশুভবেণী ।
সীমন্তভাসিবুসৃণা সা হন্ত প্রেক্ষিতাদ্য বৃহদম্বা ॥ ৭৬ ॥
শ্রুতিলাসিকালিরঙ্গায়িতস্বমহিমাক্ষিনির্জিতকুরঙ্গা ।
প্রোদ্যত্কৃপাতরঙ্গা পায়াদম্বা মৃগেশ্বরতুরঙ্গা ॥ ৭৭ ॥
নিবিডঘনস্তনকুম্ভা নিজবেণীন্যস্তশীতকরডিম্ভা ।
নিবসিতবরকৌসুম্ভা নিবসতু চিত্তে জগদ্ধিতারম্ভা ॥ ৭৮ ॥
গম্ভীরনাভিকুহরাং কুম্ভীন্দ্রস্পর্ধিমুগ্ধসংচারাম্ ।
তাং ভীমস্য ন ভামাং কুম্ভীপাকেচ্ছবো ভজন্ত্যজ্ঞাঃ ॥ ৭৯ ॥
বাহ্যাপি নো পুরাণ্যা তত্ত্ববিপণ্যা য়দুচ্চতাগণ্যা ।
সা বর্ণ্যাস্তু শরণ্যা কস্য ধরণ্যামুমাখিলবরেণ্যা ॥ ৮০ ॥
গোকর্ণেশয়সেব্যাং গোকর্ণেশপ্রিয়াং প্রণমন্ ।
গোকর্ণে বস তূষ্ণীং গোকর্ণে ভ্রামকাংস্তু জপ মন্ত্রান্ ॥ ৮১ ॥
ক্ষুদ্রার্থদানশীলা ন দ্রাগারাধিতাঃ প্রসীদন্তি ।
নিদ্রালসাস্ত্বদন্যে তদ্রাজ্ঞি ত্বাং ভজে বকুলবন্যাঃ ॥ ৮২ ॥
আগমকোটিনিরুক্তামাব্রহ্মস্তম্বরক্ষণাসক্তাম্ ।
আর্যামনাদিমুক্তামালোকে কেসরাটবীসক্তাম্ ॥ ৮৩ ॥
সেবে কিংচন দিব্যং ভাবে তেজঃ সমস্তসংসেব্যম্ ।
ধীবেদিমেত্য হৃদ্যং সংবেদ্যাখ্যং দহেন্মমাভব্যম্ ॥ ৮৪ ॥
বাণী চাম্বুধিকন্যা সা বৃণুতে তং বলাদিবানন্যা ।
কিংচিত্ ত্বয়া জনন্যা কটাক্ষিতো য়ঃ কিয়ত্যথ স্ত্র্যন্যা ॥ ৮৫ ॥
শক্তঃ কোঽপি য়দীয়াং লঙ্ঘিতুমাজ্ঞাং ন লোকেষু ।
য়স্যাজ্ঞাং বৃহদম্বা সাধ্যাস্তে কস্ততো হ্যধিকঃ ॥ ৮৬ ॥
অষ্টাপদাদি সর্বং লোষ্টাভিন্নং সদাভিপশ্যন্তঃ ।
অষ্টাত্মনঃ প্রণয়িনীং শিষ্টাঃ পশ্যন্ত্যনন্যতয়া ॥ ৮৭ ॥
দাহং ভবানলোত্থং ব্যাহন্তুং বাকুলাটবীং দেবীম্ ।
সোঽহং ভজামি ভক্ত্যা য়াহংতারূপিনীতি গুরুণোক্তা ॥ ৮৮ ॥
কুলদৈবতং মদীয়ং কুলকুণ্ডাভ্যন্তরৈকবাস্তব্যম্ ।
কুলপর্বতেশভাগ্যং কুলায়মীক্ষেঽনুপাধিকরুণায়াঃ ॥ ৮৯ ॥
অগ্নাবিষ্ণুমুখেড্যা ভগ্নাশেষার্তিরাত্মভক্তানাম্ ।
ভুগ্নালকা মদীয়ে লগ্না চিত্তে চকাস্তু বৃহদম্বা ॥ ৯০ ॥
অব্যাজভূতকরুণা ভব্যাপাঙ্গপ্রকল্পিতত্রাণা ।
অব্যাদ্বিলিপ্তঘুসৃণা স্তব্যা শ্রুত্যা সদাপ্তগোকর্ণা ॥ ৯১ ॥
অম্ভোজতুল্যনয়নামঙ্কালংকারিণীং ত্রিনেত্রস্য ।
অঙ্গীকৃতাদিমরসাম্বাং গোকর্ণনায়িকাং সেবে ॥ ৯২ ॥
ভার্যামনাদিয়ূনোঽহার্যাধীশান্ববায়মণিভূষাম্ ।
আর্যামুপাধ্বমনিশং কার্যাকার্যাবমর্শনিষ্ণাতাঃ ॥ ৯৩ ॥
বরদে সুরদেশিকবাঙ্নিকরাসুকরানুবর্ণনে ধাম্নি ।
করবৈ মুরবৈরিমুখৈঃ শিরসা সুরসার্থকৈর্নতে চেতঃ ॥ ৯৪ ॥
মঙ্কণকাসারঝরীসমীরধারামনোহরোদারে ।
মিলদলিলোলন্মুকুলে বকুলবনে লালসীতি সকলেশী ॥ ৯৫ ॥
পশ্যল্ললাটদারান্ পরিপূর্ণানন্দসংবিদাকারান্ ।
কঠিনঘনস্তনভারান্ কলয়ে গোকর্ণপাবনাগারান্ ॥ ৯৬ ॥
গোকর্ণেশমহিষ্যা ব্যাকর্তুং কো গুণান্ ভবেদীশঃ ।
স্বীকর্তুং হৃদি বা তান্ শ্রীকর্কাস্যং তমেকমপহায় ॥ ৯৭ ॥
তুষ্টা শ্রীবৃহদম্বা কষ্টানুন্মূলয়েত্ কৃপাদৃষ্ট্যা ।
ইষ্টানি চ প্রদদ্যান্মৃষ্টাং প্রতিভাং পরত্র চ শ্রেয়ঃ ॥ ৯৮ ॥
বন্দে বিশ্ববিধাত্রীং বন্দে বিদ্যাচিমুক্তিফলদাত্রীম্ ।
বন্দে বকুলবনেশীং বন্দে গোকর্ণবল্লভসুকেশীম্ ॥ ৯৯ ॥
জয়তি স্ফারদয়ার্দ্রা গোকর্ণাধীশবল্লভা জয়তি ।
জয়তি প্রসাদসুমুখী শ্রীরঘুনাথেন্দ্রপূজিতা জয়তি ॥ ১০০ ॥
আখ্যাং সকৃদ্ য়দীয়ামাখ্যায়াশেষবাঞ্ছিতং লভতে ।
তস্যাঃ স্তুতিপ্রিয়ায়াঃ য়ঃ স্যাত্ স্তোত্রং পঠন্ স পূর্ণার্থঃ ॥ ১০১ ॥
॥ ইতি শ্রীবৃহদম্বাশতকং সংপূর্ণম্ ॥
