Devishatakam Lyrics in Gujarati:
॥ દેવીશતકમ્ ॥
શ્રીગણેશાય નમઃ ।
અનન્તમહિમવ્યાપ્તવિશ્વાં વેધા ન વેદ યામ્ ।
યા ચ માતેવ ભજતે પ્રણતે માનવે દયામ્ ॥ ૧ ॥
નતાપનીતક્લેશાયાઃ સુરારિજનતાપની ।
ન તાપની તનુર્યસ્યાસ્તુલ્યા નાદીનતાપની ॥ ૨ ॥
વક્ત્રપદ્મા વિધેર્ભાન્તિ યયા સર્ગલયો દયા ।
યા સાક્ષાદ્યા ચ જનિતસ્થિતિસર્ગલયોદયા ॥ ૩ ॥
યાશ્રિતા પાવનતયા યાતનાચ્છિદનીચયા ।
યાચનીયા ધિયા માયાયામાયાસં સ્તુતા શ્રિયા ॥ ૪ ॥
નમાંસિ ધ્વંસમાયાન્તિ અસ્યાઃ સ્તુત્યાદરેણ વઃ ।
તસ્યાઃ સિદ્ધ્યૈ ધિયાં માતુઃ કલ્પન્તાં પાદરેણવઃ ॥ ૫ ॥
ઋષીણાં સાદયામાસ યા તમાંસિ ત્રયીમયી ।
પાયાદ્વઃ સા દયામાધિચ્છિદં જગતિ બિભ્રતી ॥ ૬ ॥
સ્મરદ્વિષા યા યયાચે યયા ચેયં વિધેઃ ક્રિયા ।
યાં ચાચ્યુતોઽપિ તુષ્ટાવ તુષ્ટા વઃ સાઽસ્તુ પાર્વતી ॥ ૭ ॥
યા દમાવનયાગેન સ્વારાથા નયસારયા ।
હરિકૈતવહાસ્યાય સાયામા વિજિતા યયા ॥ ૮ ॥
યાયતાજિવિમયા સા યસ્યા હા બત કૈરિહ ।
યા રસાયનધારા સ્વા ન ગેયાનવમા દયા ॥ ૯ ॥
સા બુદ્ધિરુત્તમાલોકઃ સતામાર્યા પુનાતુ વઃ ।
યદ્ભક્તેરુત્તમા લોકઃ પ્રાપ્નોત્યેષ વિશુદ્ધતામ્ ॥ ૧૦ ॥
અયુદ્ધ સાધુત્રાણાય સામરા યા સહારિણા ।
ખઙ્ગેન દીપ્રા દેવાનાં સામરાયાસહારિણા ॥ ૧૧ ॥
ચરણાઘાતનિહતકાસરા ચ રણાજિરે ।
રરાજ યા નયજયૈરરાજસજનાનતા ॥ ૧૨ ॥
સાવતાદ્વોઽમ્બિકાઽભ્યર્ચ્યનામા ન ન યશોભિતઃ ।
તનોતિ પ્રણતો યસ્યા ના માનનયશોભિતઃ ॥ ૧૩ ॥
સંયતં યાચમાનેન યસ્યાઃ પ્રાપિ દ્વિષા વધઃ ।
સંયતં યા ચ માનેન યુનક્તિ પ્રણતં જનમ્ ॥ ૧૪ ॥
યા દમાનવમાનન્દપદમાનનમાનદા ।
દાનમાનક્ષમાનિત્યધનમાનવમાનિતા ॥ ૧૫ ॥
સા રક્ષતાદપારા તે રસકૃદ્ગૌરબાધિકા ।
સારક્ષતાદપારાતેરસકૃદ્ગૌરવાધિકા ॥ ૧૬ ॥
અનુત્તમોહરાશયો ભવન્તિ યામનાશ્રિતાઃ ।
અનુત્તમો હરાશયો યયા ચિરં ચ રઞ્જિતઃ ॥ ૧૭ ॥
અનન્તરાગતાપાયાસ્તારયિત્રી ભવાપદઃ ।
અનન્તરાગતાપાયાઃ સા વો ગૌરી હિયાત્ક્રિયાઃ ॥ ૧૮ ॥
યામાયાસજિદાસક્તશોકજાલસ્ય પાતિની ।
યા માતા સર્વદા ભક્તલોકજાલસ્ય પાલની ॥ ૧૯ ॥
સામરાગમનાયાસં ત્યક્ત્વા સાર્ધં સુરારિભિઃ ।
સામરા ગમનાયાસન્નુદ્યતા યુધિ યદ્ગણાઃ ॥ ૨૦ ॥
સામોદયાજયા શાતૈઃ શસ્ત્રૈઃ શત્રૌ હતે યયા ।
સામોદયા જયાશા તૈર્ગીર્વાણૈર્ગર્વતો જહે ॥ ૨૧ ॥
યયાયાયાય્યયા યૂયં યો યોઽયં યેયયૈય યામ્ ।
યયુયાયિયયેયાય યયેઽયાયાય યાયયુક્ ॥ ૨૨ ॥
સાઽવ્યાદ્ગૌરી સદા યુષ્માન્સદાયુષ્માન્સમૃદ્ધ્યતિ ।
શરણં યાં નરો ગચ્છન્ન રોગચ્છન્દમેતિ ચ ॥ ૨૩ ॥
કૃતાસ્પદા યથા સમ્પદઘાનિ સુરવૈરિષુ ।
હન્તિ યા વાઙ્મયી દૂરાદઘાનિ સુરવૈરિષુઃ ॥ ૨૪ ॥
જિતાનયા યા નતાજિતારસાતતસારતા ।
ન સાવના નાવસાનયાતનારિરિના તયા ॥ ૨૫ ॥
મનોભવારાતિમનોભિરામયા જરામયાપાકરણૈકદક્ષયા ।
મદક્ષયાન્નિર્મલતાં દદાનયા સદા નયાસ્થા ક્રિયતાં તવાર્યયા ॥ ૨૬ ॥
સમાયયાવિન્દ્રહિતાય યા રણે સમાયયા યા ન જિતારિસેનયા ।
સ મા યયાચે હરમાશ્રિતઃ સ્ફુટં સમા યયા મુગ્ધતયા મનોજ્ઞતાઃ ॥ ૨૭ ॥
સા ભાવક્ષાલવર્યા નુતવિભવિતનુર્યા વલક્ષાવભાસા
જાનાનસ્યાશયપ્રા નવનલિનવનપ્રાયશસ્યાનનાજા ।
સાતં વર્માનનસ્થા રહસિ રસિહરસ્થાનનર્માવતંસા
પાયાદક્તા રણત્રા મતનમનતમત્રાણરક્તા દયાપા ॥ ૨૮ ॥
ઉપાસતે કૃષ્ટિકૃતોદયાં યાં જના સદારાધનમીહમાનાઃ ।
શમ્ભોઃ પ્રસિદ્ધા તનુતાં વહન્તી ગૌરી હિતં સા ભવતાં વિધેયાત્ ॥ ૨૯ ॥
યાં સદ્ય એવ ત્રિદશૈઃ પુમાંસઃ સમા નમસ્યન્તિ સદાનભોગાઃ ।
અઘાનિ યસ્ય પ્રણતા વિપક્ષૈઃ સમાનમસ્યન્તિ સદા નભોગાઃ ॥ ૩૦ ॥
યસ્યાઃ પ્રભાવો દ્યુસદાં વિપક્ષસેના વધાનન્દયિતાહરસ્ય ।
મનોમ્બુજસ્યાવહતુ શ્રિયૈ વઃ સેનાવધાનં દયિતા હરસ્ય ॥ ૩૧ ॥
સુરા જિતા ભાવિતદેવરાજદ્વિપક્ષમા યાત રણાદભીતમ્ ।
સ્વાપં ન વો ધામ હિતં ન નામ સદૈવસેના ભવતોહિતાનામ્ ॥ ૩૨ ॥
સુરાજિતા ભાવિતદેવરાજદ્વિપક્ષમાયા તરણાદભીતમ્ ।
સ્વાપન્નબોધામહિતં નનામ સદૈવ સેના ભવતો હિતાનામ્ ॥ ૩૩ ॥
સુરાનિતિ દ્વેષિજનૈરભિદ્રુતાનુદાહરદ્યા સ્વયમાહવોદ્યતા ।
શિવોઽદ્ય તાપપ્રશમસ્તયા તવ પ્રશસ્તયા તત્ત્વદૃશા વિધીયતામ્ ॥ ૩૪ ॥
વક્રં બિભ્રત્યુપહિતચન્દ્રાયાસં યા સંમોહપ્રશમનસૂર્યાકારા ।
કારાનીતામરમરિમાચિક્ષેપ ક્ષેપત્યક્તા રણભુવિ સા વઃ પાયાત્ ॥ ૩૫ ॥
હિતે હિતેઽસ્તુ તે સ્તુતે જિતાજિતામિતામિતા ।
જયાજયા જનોઽજનો યયા યયાવલં બલમ્ ॥ ૩૬ ॥
સક્તિં વઃ સુકૃતાર્જને વિદધતી સત્રાં યતાં ત્રાયતાં
દુર્ગા દુર્ગ્રહદૂષિતોદ્ધતધિયામાયાસદા યા સદા ।
સાધૂત્સાહવિધાનસક્તમનસાં મુખ્યા તતો ખ્યાતતાં
સંસ્મૃત્યૈવ – – – મત્સરભરસ્ફીતાપદાં તાપદામ્ ॥ ૩૭ ॥
યા મૂર્તિં કિમપિ સ્મરારિવપુષા ધત્તે સમાયોજિતાં
યાં દૃષ્ટ્વૈવ વિનાશમાપ સહસા શુમ્ભઃ સમાયોઽજિતામ્ ।
યા નમ્રૈઃ સુરસિદ્ધિકિંનરનરૈઃ ખેદં વિના શસ્યતે
સા હેતુર્ભવતાં ત્રિલોચનવધૂરશ્રીવિનાશસ્ય તે ॥ ૩૮ ॥
સાયાસાયાસ્ત્રિલોક્યાઃ શરણમકરુણક્ષુણ્ણદૈત્યપ્રવીરા
સ્વૈરં સ્વૈરંશસર્ગૈર્ગહનતમમહામોહહાર્દં હરન્તી ।
શસ્યાશસ્યાદધાના સકલમભિહિતં ભક્તિભાજઃ સ્મૃતૈવ
સ્તાદસ્તાદભ્રદોષા દ્વિષદુપશમની સર્વતઃ પાર્વતી વઃ ॥ ૩૯ ॥
સુરસુરચિતચિતનવનવભવભવનાનાદરાદરાયેથે ।
લયલયચરણૌ ચરણૌ ન ન મામિ નતેન નમામિ ન તે ॥ ૪૦ ॥
યા વિસ્મયં સ્મરભિદા ચક્રેઽઙ્કારોપિતા નવં નારીણામ્ ।
વિદધે યચ્ચાપસ્ય ન ચ ક્રેઙ્કારોઽપિ તાનવં નારીણામ્ ॥ ૪૧ ॥
યા હન્તાં ચ પ્રયાતા વિહાથસા કંસમાહ તારાતિબલેન ।
કૃષ્ણસ્તવ પરમાયા વિહાય સાકં સમાહતારાતિબલેન ॥ ૪૨ ॥
તાં નમત યા ચ સમરેષ્વનેકશો ભાતિ ભદ્રકાલી નતયા ।
ખ્યાતિ યયા જનતોજ્જ્વલવિવેકશોભાતિભદ્રાકાલીનતયા ॥ ૪૩ ॥
તાં સ્મરત થા સ્મૃતૈવ હિ માનવતામરસમાનતા રાતિ બલાત્ ।
યત્પ્રણતં શ્રીઃ શ્રયતે માનવતામરસમાન તારાતિ બલાત્ ॥ ૪૪ ॥
અનવરાગસમુદ્ભવદેહતામુપગતા દદૃશે ગિરિશેન યા ।
અનવરાગસમુદ્ભવદેહ તામવનતોઽસ્મિ જગાત્પ્રિયતાં સતીમ્ ॥ ૪૫ ॥
મેને નૂનમનેન માનનમુમાનામ્ના નુ મેનોન્મના
નુન્નેનોનમને નિમાનમમુના નો નામ નાનાનુમે ।
મૌનેનામમમાનનિમ્નમનનાન્નાનામિનાનૂનિમે
સુન્મિન્નાનનમા નમી મુનિમનોમાનાનનોન્નામિનિ ॥ ૪૬ ॥
તાં વન્દેઽહં નવં દેહં જ્ઞાનરૂપં વિધાય યા ।
સુઘીરસ્યતિ ધીરસ્ય મહામોહમયીં ત્વચમ્ ॥ ૪૭ ॥
યાં નુત્વા યાન્તિ હૃદ્યાર્થસજ્જાયાં ગિરિ શસ્યતામ્ ।
નૌમ્યહં ભક્તિમાસ્થાય સજ્જાયાં ગિરિશસ્ય તામ્ ॥ ૪૮ ॥
યદાનતોઽયદાનતો ન યાત્યયં નયાત્યયમ્ ।
શિવે હિતાં શિવેહિતાં સ્મરામિતાં સ્મરામિ તામ્ ॥ ૪૯ ॥
સરસ્વતિપ્રસાદં મે સ્થિતિ ચિત્તસરસ્વતિ ।
સરસ્વતિ કુરુ ક્ષેત્રકુરુક્ષેત્રસરસ્વતિ ॥ ૫૦ ॥
ત્વદ્ભક્તિભાવિતધિયો જગતામત્ર યે ત્રયે ।
જન્મવત્તામહં મન્યે તેષામેવાનૃણાં નૃણામ્ ॥ ૫૧ ॥
જગતઃ સાતિરેકા ત્વં ગતિરસ્ય સ્થિરાધિકા ।
તરસ્યત્રાસતારારેઃ સાસ્યત્રાસરસસ્થિતિ ॥ ૫૨ ॥
ત્વન્નામસ્મરણાદેવ ન લક્ષ્મીશ્ચપલાયતે ।
સર્વતઃ પાર્વતિ ક્ષિપ્રમલક્ષ્મીશ્ચ પલાયતે ॥ ૫૩ ॥
જયન્તિ ભક્તા વિત્તેશસમરાયસ્તબાહવે ।
તુભ્યન્નમસ્ત્રિલોક્યર્થસમરાયસ્તબાહવે ॥ ૫૪ ॥
સત્ત્વં સમ્યક્ત્વમુન્મીલ્ય હૃદિ ભાસિ વિરાજસે ।
દ્વિષામરીણા ત્વં સેનાં વાહિનીમુદકમ્પયઃ ॥ ૫૫ ॥
દૂરાગતરસા ધન્યઃ સેવતેયસ્તવ સ્તુતીઃ ।
દૂરાગત રસાધન્યઃ કલ્પન્તે તસ્ય સિદ્ધયઃ ॥ ૫૬ ॥
મોહં હત્વાસ્પદં યાસિ સાત્ત્વમમ્બરવાસિના ।
યા ન સંસ્તૂયસે કેન સા ત્વમ્બરવસિના ॥ ૫૭ ॥
પ્રકાશ્ય ગૃહ્યપુંસસ્યખેદચ્છેદામ્બુદાવલી ।
પ્રજ્ઞાત્મનેનવિમલા સ્મિતા દૃશ્યસિ વિદ્વતામ્ ॥ ૫૮ ॥
ભવાનિ યે નિરન્તરં તવ પ્રણામલાલસાઃ ।
મનસ્તમોમલાલસા ભવન્તિ નૈય તુ ક્વચિત્ ॥ ૫૯ ॥
વિભાવનાકુલા ત્વયિ ક્રમેણ દેવિ ભાવના ।
વપુષ્પતિસ્થિરેતરે નિતાન્તમેવ પુષ્યતિ ॥ ૬૦ ॥
મહોઽદયાનામવધી રણેન મહોદયાનામવધીરણેન ।
મહોદયાનામવ ધીરણેજમહોદયાનામવધીરણેન ॥ ૬૧ ॥
ન મજ્જનેન તીર્થાનાં તદિહ પ્રાપ્યતે શુભમ્ ।
નમજ્જનેન તીર્થાનાં સેવયા યત્તવામ્બિકે ॥ ૬૨ ॥
પ્રયાતિ મોહે નિઃસારભારતીવ્રતમેત્યયમ્ ।
ત્વાત્પ્રાસાદાજ્જનઃ સારભારતીવ્રતમેત્યયમ્ ॥ ૬૩ ॥
શાસ્ત્રપ્રભાવહસિતાઃ સતાં યા નિર્મલા ગિરઃ ।
શાસ્ત્રપ્રભાવહસિતાસ્ત્વમમ્બતિમિરચ્છિદઃ ॥ ૬૪ ॥
શમીહ તે સમાનતો વિભાવિતોઽત્રસન્ન યઃ ।
વિભાવિતોઽત્ર સન્નયઃ શમીહતે સ માનતઃ ॥ ૬૫ ॥
માતરં ત્વા પદં સદ્ય આશ્રિતાસ્તે કથં જનાઃ ।
મા તરન્ત્વાપદં સદ્ય આદ્યં શ્રેયઃ સમાશ્રિતાઃ ॥ ૬૬ ॥
ભાતિ ત્વત્તનુસંશ્લેષે સત્યમ્બ વપુરનુત્તરમ્ ।
સંસારાબ્ધૌ સદાહુસ્તે સત્યં વપુરનુત્તરમ્ ॥ ૬૭ ॥
યચ્છ મે નિત્યસંસઙ્ગિ યચ્છમે તદિદં મનઃ ।
સ્વચ્છલો ભક્તિયોગસ્તે સ્વચ્છલોકવિવેકસૂઃ ॥ ૬૮ ॥
કે વલન્તે વિતન્વન્તકૃતસ્ત્વત્પ્રણતા ભવે ।
કેવલં તે વિતન્વન્ત આસતે વિમલાં ધિયમ્ ॥ ૬૯ ॥
દેવિ નિર્દગ્ધકામસ્ય ત્વં નિરાવરણાત્મનઃ ।
હરસ્ય શુભસન્તાનં તેનાસૌ ભ્રાજતે તથા ॥ ૭૦ ॥
દ્વિષદ્ભિયા સપદિ વિમુચ્યતે યતસ્તવાનતો જનનિ જયાશયા ન કઃ ।
સ્તવાનતો જનનિજયા શયાનકઃ કરોતિ તે યુધિ મધુસૂદનસ્વસઃ ॥ ૭૧ ॥
જ્યાયોનિષ્ઠારિવર્યાધિનિયમનવરસ્વૈરદત્તાયતાજ્ઞા
સ્વારાધત્વાસમધ્યાનિયજનજનનિ જ્ઞેયસુસ્થાવભાસા ।
નાનાપુણ્યાગમસ્થા જનનમનમયજ્ઞાનનન્દ્યા વરા ધી-
ર્યાતા નવ્યા વિભુત્વં નુતસરલમનસ્તામસસ્યાવહાસ્યે ॥ ૭૨ ॥
સ્યેહાવ સ્યા સમસ્તાનમલરસતનુ ત્વં ભુવિ વ્યાનતાર્યા
ધીરા વન્દ્યા ન ન જ્ઞા યમનમનનજસ્થામગણ્યા પુનાના ।
સા ભાવસ્થા સુયજ્ઞેઽનિનજનજયનિ ધ્યામસત્ત્વાધરાસ્વા
જ્ઞાતાયત્તાદરસ્વૈરવનમનિધિર્યા વરિષ્ઠાનિયોજ્યા ॥ ૭૩ ॥
અલોલકમલે ચિત્તલલામકમલાલયે ।
પાહિ ચણ્ડિ મહામોહભઙ્ગભીમબલામલે ॥ ૭૪ ॥
દુર્ગાપિ માતઃ સુલભાસિ ભક્ત્યા ભવાનુકૂલાપિ ભવં ક્ષિણોષિ ।
અધ્યેયતાં યાસિ સદૈવ દેવિ ધ્યેયાસિ ચિત્રં ચરિતં તવૈતત્ ॥ ૭૫ ॥
મહદેસુરસન્ધમ્મે તમવસમાસઙ્ગમાગમાહરણે ।
હરબહુસરણં તં ચિત્તમોહમવસર ઉમે સહસા ॥ ૭૬ ॥
વન્દ્યા પ્રભાતસન્ધ્યેવ સૂર્યાલોકપ્રવર્તિની ।
નિવર્તયસિ દેવિ ત્વં મહામોહમયીં નિશામ્ ॥ ૭૭ ॥
સંવાદિસારસમ્પત્તીસદાગોરિજયેસુદે ।
તવસત્તીરદે સન્તુ સંસારે સુસમાનદે ॥ ૭૮ ॥
આગમમણિસુદમહિમસમસંમદકૃદપરજસ્સુ ।
કિર સવિભયવદિતો સમય ઉજ્જલભાવસહસ્સુ ॥ ૭૯ ॥
ત્વં વાદે શાસ્ત્રસઙ્ગિન્યાં ભાસિ વાચિ દિવૌકસઃ ।
તવાદેશાસ્ત્રસંસ્કારાજ્જયન્તિ વરદે દ્વિષઃ ॥ ૮૦ ॥
સદાવ્યાજવશિધ્યાતાઃ સદાત્તજપશિક્ષિતાઃ ।
દદાસ્યજસ્રં શિવતાઃ સૂદાત્તાજદિશિ સ્થિતાઃ ॥ ૮૧ ॥
હરેઃ સ્વસારં દેવિ ત્વા જનતાશ્રિત્ય તત્ત્વતઃ ।
વેત્તિ સ્વસારં દેવિત્વા યોગેન ક્ષપિતાશુભા ॥ ૮૨ ॥
સદાપ્નોતિ યતિર્જ્યોતિસ્તાદૃશં સ્વત્પ્રભાવતઃ ।
પ્રભાવતઃ સમો યેન કલ્પતે મોહનુત્તિતઃ ॥ ૮૩ ॥
ત્વં સદ્ગતિઃ સિતાપારા પરા વિદ્યોત્તિતીર્ષતઃ ।
સંસારાદત્ર ચામ્બ ત્વં સત્ત્વં પાસિ વિપત્તિતઃ ॥ ૮૪ ॥
પરમા યા તપોવૃત્તિરાર્યાયાસ્તં સ્મૃતિં જનાઃ ।
પરમાયાત પોષાય ધિયાં શરણમાદૃતાઃ ॥ ૮૫ ॥
પ્રવાદિમતભેદેષુ દૃશ્યસ્તે મહિમાશ્રયઃ ।
ભાન્તિ ત્વત્ત્રિશિખસ્યેવ શિખાનામસમાશ્રયઃ ॥ ૮૬ ॥
યચ્ચેષ્ટયા તવ સ્ફીતમુદારવસુ ધામતઃ ।
યચ્ચેતો યાત્યવહિતમુદા રવસુધામતઃ ॥ ૮૭ ॥
સુરદેશસ્ય તે કીર્તિં મણ્ડનત્વં નયન્તિ યૈઃ ।
વરદે શસ્યતે ધીરૈર્ભવતી ભુવિ દેવતા ॥ ૮૮ ॥
તત્ત્વં વીતાવતતતુત્તત્વં તતવતી તતઃ ।
વિત્તં વિત્તવ વિત્તત્વં વીતાવીતવતાં બત ॥ ૮૯ ॥
તારે શરણમુદ્યન્તી સુરેશરણમુદ્યમૈઃ ।
ત્વં દોષાપાસિનોદગ્રસ્વદોષા પાસિ નોદને ॥ ૯૦ ॥
સુમાતરક્ષયાલોક રક્ષયાત્તમહામનાઃ ।
ત્વં ધૈર્યજનની પાસિ જનનીતિગુણસ્થિતીઃ ॥ ૯૧ ॥
ખ્યાતિકલ્પનદક્ષૈકા ત્વં સામર્ગ્યજુષામિતઃ ।
સદા સરક્ષસાંમુખ્યદાનવાનામસુસ્થિતિઃ ॥ ૯૨ ॥
સિતા સંસત્સુ સત્તાસ્તે સ્તુતેસ્તે સતતં સતઃ ।
તતાસ્તિતૈત્તિ તસ્તેતિ સૂતિઃ સૂતિસ્તતોઽસિ સા ॥ ૯૩ ॥
ત્વદાજ્ઞયા જગત્સર્વં ભાસિતં મલનુદ્યતઃ ।
સદા ત્વયા સગન્ધર્વં સમિદ્ધમરિનુત્તિતઃ ॥ ૯૪ ॥
યતો યાતિ તતોઽત્યેતિ યયા તાં તાયતાં યતૈઃ ।
માતામિતોત્તમતમા તમોતીતાં મતિં મમ ॥ ૯૫ ॥
મહત્તાં ત્વં શ્રિતા દાસજનં મોહચ્છિદા વસ ।
યચ્છદ્ધત્વં ગતઃ પાપમન્યસ્ય પ્રસભં જય ॥ ૯૬ ॥
ત્વાં સાજ્ઞાસુ જગન્માતઃ સ્પષ્ટં જ્ઞાતા સુવર્ત્મસુ ।
પ્રજ્ઞા મુખ્યા સમુદ્ભાસિ તત્પૃથુત્વં પ્રદર્શય ॥ ૯૭ ॥
આજ્ઞાસુ જગન્માતઃ સ્પષ્ટં જ્ઞાતા સુવર્ત્મસુ પ્રજ્ઞા ।
ભાસિ ત્વં સા મુખ્યા સમુત્પૃથુત્વં પ્રદર્શય તત્ ॥ ૯૮ ॥
હન્ત્ર્યો રુષઃ ક્ષમા એતા સન્દક્ષોભાસ્તમુન્નતઃ ।
સતેહિતઃ સેવતે તાઃ સતતં યઃ સ તે હિતઃ ॥ ૯૯ ॥
કરોષિ તાત્સ્ત્વમુત્ખાતમોહસ્થાને સ્થિરા મતીઃ ।
પદં યતિઃ સુતપસા લભતેઽતઃ સશુક્લિમ ॥ ૧૦૦ ॥
દેવ્યા સ્વપ્નોદ્ગમાદિષ્ટદેવીશતકસંજ્ઞયા ।
દેશિતાનુપમામાધાદતો નોણસુતો નુતિમ્ ॥ ૧૦૧ ॥
હાર્દધ્વાન્તનિયન્તૃભાસ્વરવપુઃ સ્વર્વાસિનાં સર્વતો
દુર્વારારિપરિક્ષયં વિદધતી ધ્યાતૈવ લર્વાણસૂઃ ।
દેહાર્ધે નિહિતા ભવેન ભુવનત્રાણૈકતાનાત્મના
દેવિ ત્વં ત્વમિવાપરા જગતિ કા સત્કેસરીન્દ્રસ્થિતિઃ ॥ ૧૦૨ ॥
ક્લેશોન્માથકરી સતાં ભવહરાનન્દૈકહેતો ગુરુ-
ર્માતા ત્વં જગતાં ભવન્તિ વિધવાઃ સર્વે તવાનુગ્રહાત્ ।
દુર્ગે ન ક્વચિદેવ સીદતિ જનસ્ત્વદ્ભક્તિપૂતાશયઃ
સ્તુત્યા ભર્તુરભિન્નયેતિ વિબુધૈસ્ત્વં સ્તૂયસે શ્રીરિવ ॥ ૧૦૩ ॥
યેનાનન્દકથાયાં ત્રિદશાનન્દે ચ લાલિતા વાણી ।
તેન સુદુષ્કરમેતત્સ્તોત્રં દેવ્યાઃ કૃતં ભક્ત્યા ॥ ૧૦૪ ॥
ઇતિ શ્રીમદાનન્દવર્ધનાચાર્યવિરચિતં દેવીશતકં સમ્પૂર્ણમ્ ॥
