Devishatakam Lyrics in Bengali:
॥ দেবীশতকম্ ॥
শ্রীগণেশায় নমঃ ।
অনন্তমহিমব্যাপ্তবিশ্বাং বেধা ন বেদ য়াম্ ।
য়া চ মাতেব ভজতে প্রণতে মানবে দয়াম্ ॥ ১ ॥
নতাপনীতক্লেশায়াঃ সুরারিজনতাপনী ।
ন তাপনী তনুর্যস্যাস্তুল্যা নাদীনতাপনী ॥ ২ ॥
বক্ত্রপদ্মা বিধের্ভান্তি য়য়া সর্গলয়ো দয়া ।
য়া সাক্ষাদ্যা চ জনিতস্থিতিসর্গলয়োদয়া ॥ ৩ ॥
য়াশ্রিতা পাবনতয়া য়াতনাচ্ছিদনীচয়া ।
য়াচনীয়া ধিয়া মায়ায়ামায়াসং স্তুতা শ্রিয়া ॥ ৪ ॥
নমাংসি ধ্বংসমায়ান্তি অস্যাঃ স্তুত্যাদরেণ বঃ ।
তস্যাঃ সিদ্ধ্যৈ ধিয়াং মাতুঃ কল্পন্তাং পাদরেণবঃ ॥ ৫ ॥
ঋষীণাং সাদয়ামাস য়া তমাংসি ত্রয়ীময়ী ।
পায়াদ্বঃ সা দয়ামাধিচ্ছিদং জগতি বিভ্রতী ॥ ৬ ॥
স্মরদ্বিষা য়া য়য়াচে য়য়া চেয়ং বিধেঃ ক্রিয়া ।
য়াং চাচ্যুতোঽপি তুষ্টাব তুষ্টা বঃ সাঽস্তু পার্বতী ॥ ৭ ॥
য়া দমাবনয়াগেন স্বারাথা নয়সারয়া ।
হরিকৈতবহাস্যায় সায়ামা বিজিতা য়য়া ॥ ৮ ॥
য়ায়তাজিবিময়া সা য়স্যা হা বত কৈরিহ ।
য়া রসায়নধারা স্বা ন গেয়ানবমা দয়া ॥ ৯ ॥
সা বুদ্ধিরুত্তমালোকঃ সতামার্যা পুনাতু বঃ ।
য়দ্ভক্তেরুত্তমা লোকঃ প্রাপ্নোত্যেষ বিশুদ্ধতাম্ ॥ ১০ ॥
অয়ুদ্ধ সাধুত্রাণায় সামরা য়া সহারিণা ।
খঙ্গেন দীপ্রা দেবানাং সামরায়াসহারিণা ॥ ১১ ॥
চরণাঘাতনিহতকাসরা চ রণাজিরে ।
ররাজ য়া নয়জয়ৈররাজসজনানতা ॥ ১২ ॥
সাবতাদ্বোঽম্বিকাঽভ্যর্চ্যনামা ন ন য়শোভিতঃ ।
তনোতি প্রণতো য়স্যা না মাননয়শোভিতঃ ॥ ১৩ ॥
সংয়তং য়াচমানেন য়স্যাঃ প্রাপি দ্বিষা বধঃ ।
সংয়তং য়া চ মানেন য়ুনক্তি প্রণতং জনম্ ॥ ১৪ ॥
য়া দমানবমানন্দপদমাননমানদা ।
দানমানক্ষমানিত্যধনমানবমানিতা ॥ ১৫ ॥
সা রক্ষতাদপারা তে রসকৃদ্গৌরবাধিকা ।
সারক্ষতাদপারাতেরসকৃদ্গৌরবাধিকা ॥ ১৬ ॥
অনুত্তমোহরাশয়ো ভবন্তি য়ামনাশ্রিতাঃ ।
অনুত্তমো হরাশয়ো য়য়া চিরং চ রঞ্জিতঃ ॥ ১৭ ॥
অনন্তরাগতাপায়াস্তারয়িত্রী ভবাপদঃ ।
অনন্তরাগতাপায়াঃ সা বো গৌরী হিয়াত্ক্রিয়াঃ ॥ ১৮ ॥
য়ামায়াসজিদাসক্তশোকজালস্য পাতিনী ।
য়া মাতা সর্বদা ভক্তলোকজালস্য পালনী ॥ ১৯ ॥
সামরাগমনায়াসং ত্যক্ত্বা সার্ধং সুরারিভিঃ ।
সামরা গমনায়াসন্নুদ্যতা য়ুধি য়দ্গণাঃ ॥ ২০ ॥
সামোদয়াজয়া শাতৈঃ শস্ত্রৈঃ শত্রৌ হতে য়য়া ।
সামোদয়া জয়াশা তৈর্গীর্বাণৈর্গর্বতো জহে ॥ ২১ ॥
য়য়ায়ায়ায়্যয়া য়ূয়ং য়ো য়োঽয়ং য়েয়য়ৈয় য়াম্ ।
য়য়ুয়ায়িয়য়েয়ায় য়য়েঽয়ায়ায় য়ায়য়ুক্ ॥ ২২ ॥
সাঽব্যাদ্গৌরী সদা য়ুষ্মান্সদায়ুষ্মান্সমৃদ্ধ্যতি ।
শরণং য়াং নরো গচ্ছন্ন রোগচ্ছন্দমেতি চ ॥ ২৩ ॥
কৃতাস্পদা য়থা সম্পদঘানি সুরবৈরিষু ।
হন্তি য়া বাঙ্ময়ী দূরাদঘানি সুরবৈরিষুঃ ॥ ২৪ ॥
জিতানয়া য়া নতাজিতারসাততসারতা ।
ন সাবনা নাবসানয়াতনারিরিনা তয়া ॥ ২৫ ॥
মনোভবারাতিমনোভিরাময়া জরাময়াপাকরণৈকদক্ষয়া ।
মদক্ষয়ান্নির্মলতাং দদানয়া সদা নয়াস্থা ক্রিয়তাং তবার্যয়া ॥ ২৬ ॥
সমায়য়াবিন্দ্রহিতায় য়া রণে সমায়য়া য়া ন জিতারিসেনয়া ।
স মা য়য়াচে হরমাশ্রিতঃ স্ফুটং সমা য়য়া মুগ্ধতয়া মনোজ্ঞতাঃ ॥ ২৭ ॥
সা ভাবক্ষালবর্যা নুতবিভবিতনুর্যা বলক্ষাবভাসা
জানানস্যাশয়প্রা নবনলিনবনপ্রায়শস্যাননাজা ।
সাতং বর্মাননস্থা রহসি রসিহরস্থাননর্মাবতংসা
পায়াদক্তা রণত্রা মতনমনতমত্রাণরক্তা দয়াপা ॥ ২৮ ॥
উপাসতে কৃষ্টিকৃতোদয়াং য়াং জনা সদারাধনমীহমানাঃ ।
শম্ভোঃ প্রসিদ্ধা তনুতাং বহন্তী গৌরী হিতং সা ভবতাং বিধেয়াত্ ॥ ২৯ ॥
য়াং সদ্য এব ত্রিদশৈঃ পুমাংসঃ সমা নমস্যন্তি সদানভোগাঃ ।
অঘানি য়স্য প্রণতা বিপক্ষৈঃ সমানমস্যন্তি সদা নভোগাঃ ॥ ৩০ ॥
য়স্যাঃ প্রভাবো দ্যুসদাং বিপক্ষসেনা বধানন্দয়িতাহরস্য ।
মনোম্বুজস্যাবহতু শ্রিয়ৈ বঃ সেনাবধানং দয়িতা হরস্য ॥ ৩১ ॥
সুরা জিতা ভাবিতদেবরাজদ্বিপক্ষমা য়াত রণাদভীতম্ ।
স্বাপং ন বো ধাম হিতং ন নাম সদৈবসেনা ভবতোহিতানাম্ ॥ ৩২ ॥
সুরাজিতা ভাবিতদেবরাজদ্বিপক্ষমায়া তরণাদভীতম্ ।
স্বাপন্নবোধামহিতং ননাম সদৈব সেনা ভবতো হিতানাম্ ॥ ৩৩ ॥
সুরানিতি দ্বেষিজনৈরভিদ্রুতানুদাহরদ্যা স্বয়মাহবোদ্যতা ।
শিবোঽদ্য তাপপ্রশমস্তয়া তব প্রশস্তয়া তত্ত্বদৃশা বিধীয়তাম্ ॥ ৩৪ ॥
বক্রং বিভ্রত্যুপহিতচন্দ্রায়াসং য়া সংমোহপ্রশমনসূর্যাকারা ।
কারানীতামরমরিমাচিক্ষেপ ক্ষেপত্যক্তা রণভুবি সা বঃ পায়াত্ ॥ ৩৫ ॥
হিতে হিতেঽস্তু তে স্তুতে জিতাজিতামিতামিতা ।
জয়াজয়া জনোঽজনো য়য়া য়য়াবলং বলম্ ॥ ৩৬ ॥
সক্তিং বঃ সুকৃতার্জনে বিদধতী সত্রাং য়তাং ত্রায়তাং
দুর্গা দুর্গ্রহদূষিতোদ্ধতধিয়ামায়াসদা য়া সদা ।
সাধূত্সাহবিধানসক্তমনসাং মুখ্যা ততো খ্যাততাং
সংস্মৃত্যৈব – – – মত্সরভরস্ফীতাপদাং তাপদাম্ ॥ ৩৭ ॥
য়া মূর্তিং কিমপি স্মরারিবপুষা ধত্তে সমায়োজিতাং
য়াং দৃষ্ট্বৈব বিনাশমাপ সহসা শুম্ভঃ সমায়োঽজিতাম্ ।
য়া নম্রৈঃ সুরসিদ্ধিকিংনরনরৈঃ খেদং বিনা শস্যতে
সা হেতুর্ভবতাং ত্রিলোচনবধূরশ্রীবিনাশস্য তে ॥ ৩৮ ॥
সায়াসায়াস্ত্রিলোক্যাঃ শরণমকরুণক্ষুণ্ণদৈত্যপ্রবীরা
স্বৈরং স্বৈরংশসর্গৈর্গহনতমমহামোহহার্দং হরন্তী ।
শস্যাশস্যাদধানা সকলমভিহিতং ভক্তিভাজঃ স্মৃতৈব
স্তাদস্তাদভ্রদোষা দ্বিষদুপশমনী সর্বতঃ পার্বতী বঃ ॥ ৩৯ ॥
সুরসুরচিতচিতনবনবভবভবনানাদরাদরায়েথে ।
লয়লয়চরণৌ চরণৌ ন ন মামি নতেন নমামি ন তে ॥ ৪০ ॥
য়া বিস্ময়ং স্মরভিদা চক্রেঽঙ্কারোপিতা নবং নারীণাম্ ।
বিদধে য়চ্চাপস্য ন চ ক্রেঙ্কারোঽপি তানবং নারীণাম্ ॥ ৪১ ॥
য়া হন্তাং চ প্রয়াতা বিহাথসা কংসমাহ তারাতিবলেন ।
কৃষ্ণস্তব পরমায়া বিহায় সাকং সমাহতারাতিবলেন ॥ ৪২ ॥
তাং নমত য়া চ সমরেষ্বনেকশো ভাতি ভদ্রকালী নতয়া ।
খ্যাতি য়য়া জনতোজ্জ্বলবিবেকশোভাতিভদ্রাকালীনতয়া ॥ ৪৩ ॥
তাং স্মরত থা স্মৃতৈব হি মানবতামরসমানতা রাতি বলাত্ ।
য়ত্প্রণতং শ্রীঃ শ্রয়তে মানবতামরসমান তারাতি বলাত্ ॥ ৪৪ ॥
অনবরাগসমুদ্ভবদেহতামুপগতা দদৃশে গিরিশেন য়া ।
অনবরাগসমুদ্ভবদেহ তামবনতোঽস্মি জগাত্প্রিয়তাং সতীম্ ॥ ৪৫ ॥
মেনে নূনমনেন মাননমুমানাম্না নু মেনোন্মনা
নুন্নেনোনমনে নিমানমমুনা নো নাম নানানুমে ।
মৌনেনামমমাননিম্নমননান্নানামিনানূনিমে
সুন্মিন্নাননমা নমী মুনিমনোমানাননোন্নামিনি ॥ ৪৬ ॥
তাং বন্দেঽহং নবং দেহং জ্ঞানরূপং বিধায় য়া ।
সুঘীরস্যতি ধীরস্য মহামোহময়ীং ত্বচম্ ॥ ৪৭ ॥
য়াং নুত্বা য়ান্তি হৃদ্যার্থসজ্জায়াং গিরি শস্যতাম্ ।
নৌম্যহং ভক্তিমাস্থায় সজ্জায়াং গিরিশস্য তাম্ ॥ ৪৮ ॥
য়দানতোঽয়দানতো ন য়াত্যয়ং নয়াত্যয়ম্ ।
শিবে হিতাং শিবেহিতাং স্মরামিতাং স্মরামি তাম্ ॥ ৪৯ ॥
সরস্বতিপ্রসাদং মে স্থিতি চিত্তসরস্বতি ।
সরস্বতি কুরু ক্ষেত্রকুরুক্ষেত্রসরস্বতি ॥ ৫০ ॥
ত্বদ্ভক্তিভাবিতধিয়ো জগতামত্র য়ে ত্রয়ে ।
জন্মবত্তামহং মন্যে তেষামেবানৃণাং নৃণাম্ ॥ ৫১ ॥
জগতঃ সাতিরেকা ত্বং গতিরস্য স্থিরাধিকা ।
তরস্যত্রাসতারারেঃ সাস্যত্রাসরসস্থিতি ॥ ৫২ ॥
ত্বন্নামস্মরণাদেব ন লক্ষ্মীশ্চপলায়তে ।
সর্বতঃ পার্বতি ক্ষিপ্রমলক্ষ্মীশ্চ পলায়তে ॥ ৫৩ ॥
জয়ন্তি ভক্তা বিত্তেশসমরায়স্তবাহবে ।
তুভ্যন্নমস্ত্রিলোক্যর্থসমরায়স্তবাহবে ॥ ৫৪ ॥
সত্ত্বং সম্যক্ত্বমুন্মীল্য হৃদি ভাসি বিরাজসে ।
দ্বিষামরীণা ত্বং সেনাং বাহিনীমুদকম্পয়ঃ ॥ ৫৫ ॥
দূরাগতরসা ধন্যঃ সেবতেয়স্তব স্তুতীঃ ।
দূরাগত রসাধন্যঃ কল্পন্তে তস্য সিদ্ধয়ঃ ॥ ৫৬ ॥
মোহং হত্বাস্পদং য়াসি সাত্ত্বমম্বরবাসিনা ।
য়া ন সংস্তূয়সে কেন সা ত্বম্বরবসিনা ॥ ৫৭ ॥
প্রকাশ্য গৃহ্যপুংসস্যখেদচ্ছেদাম্বুদাবলী ।
প্রজ্ঞাত্মনেনবিমলা স্মিতা দৃশ্যসি বিদ্বতাম্ ॥ ৫৮ ॥
ভবানি য়ে নিরন্তরং তব প্রণামলালসাঃ ।
মনস্তমোমলালসা ভবন্তি নৈয় তু ক্বচিত্ ॥ ৫৯ ॥
বিভাবনাকুলা ত্বয়ি ক্রমেণ দেবি ভাবনা ।
বপুষ্পতিস্থিরেতরে নিতান্তমেব পুষ্যতি ॥ ৬০ ॥
মহোঽদয়ানামবধী রণেন মহোদয়ানামবধীরণেন ।
মহোদয়ানামব ধীরণেজমহোদয়ানামবধীরণেন ॥ ৬১ ॥
ন মজ্জনেন তীর্থানাং তদিহ প্রাপ্যতে শুভম্ ।
নমজ্জনেন তীর্থানাং সেবয়া য়ত্তবাম্বিকে ॥ ৬২ ॥
প্রয়াতি মোহে নিঃসারভারতীব্রতমেত্যয়ম্ ।
ত্বাত্প্রাসাদাজ্জনঃ সারভারতীব্রতমেত্যয়ম্ ॥ ৬৩ ॥
শাস্ত্রপ্রভাবহসিতাঃ সতাং য়া নির্মলা গিরঃ ।
শাস্ত্রপ্রভাবহসিতাস্ত্বমম্বতিমিরচ্ছিদঃ ॥ ৬৪ ॥
শমীহ তে সমানতো বিভাবিতোঽত্রসন্ন য়ঃ ।
বিভাবিতোঽত্র সন্নয়ঃ শমীহতে স মানতঃ ॥ ৬৫ ॥
মাতরং ত্বা পদং সদ্য আশ্রিতাস্তে কথং জনাঃ ।
মা তরন্ত্বাপদং সদ্য আদ্যং শ্রেয়ঃ সমাশ্রিতাঃ ॥ ৬৬ ॥
ভাতি ত্বত্তনুসংশ্লেষে সত্যম্ব বপুরনুত্তরম্ ।
সংসারাব্ধৌ সদাহুস্তে সত্যং বপুরনুত্তরম্ ॥ ৬৭ ॥
য়চ্ছ মে নিত্যসংসঙ্গি য়চ্ছমে তদিদং মনঃ ।
স্বচ্ছলো ভক্তিয়োগস্তে স্বচ্ছলোকবিবেকসূঃ ॥ ৬৮ ॥
কে বলন্তে বিতন্বন্তকৃতস্ত্বত্প্রণতা ভবে ।
কেবলং তে বিতন্বন্ত আসতে বিমলাং ধিয়ম্ ॥ ৬৯ ॥
দেবি নির্দগ্ধকামস্য ত্বং নিরাবরণাত্মনঃ ।
হরস্য শুভসন্তানং তেনাসৌ ভ্রাজতে তথা ॥ ৭০ ॥
দ্বিষদ্ভিয়া সপদি বিমুচ্যতে য়তস্তবানতো জননি জয়াশয়া ন কঃ ।
স্তবানতো জননিজয়া শয়ানকঃ করোতি তে য়ুধি মধুসূদনস্বসঃ ॥ ৭১ ॥
জ্যায়োনিষ্ঠারিবর্যাধিনিয়মনবরস্বৈরদত্তায়তাজ্ঞা
স্বারাধত্বাসমধ্যানিয়জনজননি জ্ঞেয়সুস্থাবভাসা ।
নানাপুণ্যাগমস্থা জননমনময়জ্ঞাননন্দ্যা বরা ধী-
র্যাতা নব্যা বিভুত্বং নুতসরলমনস্তামসস্যাবহাস্যে ॥ ৭২ ॥
স্যেহাব স্যা সমস্তানমলরসতনু ত্বং ভুবি ব্যানতার্যা
ধীরা বন্দ্যা ন ন জ্ঞা য়মনমননজস্থামগণ্যা পুনানা ।
সা ভাবস্থা সুয়জ্ঞেঽনিনজনজয়নি ধ্যামসত্ত্বাধরাস্বা
জ্ঞাতায়ত্তাদরস্বৈরবনমনিধির্যা বরিষ্ঠানিয়োজ্যা ॥ ৭৩ ॥
অলোলকমলে চিত্তললামকমলালয়ে ।
পাহি চণ্ডি মহামোহভঙ্গভীমবলামলে ॥ ৭৪ ॥
দুর্গাপি মাতঃ সুলভাসি ভক্ত্যা ভবানুকূলাপি ভবং ক্ষিণোষি ।
অধ্যেয়তাং য়াসি সদৈব দেবি ধ্যেয়াসি চিত্রং চরিতং তবৈতত্ ॥ ৭৫ ॥
মহদেসুরসন্ধম্মে তমবসমাসঙ্গমাগমাহরণে ।
হরবহুসরণং তং চিত্তমোহমবসর উমে সহসা ॥ ৭৬ ॥
বন্দ্যা প্রভাতসন্ধ্যেব সূর্যালোকপ্রবর্তিনী ।
নিবর্তয়সি দেবি ত্বং মহামোহময়ীং নিশাম্ ॥ ৭৭ ॥
সংবাদিসারসম্পত্তীসদাগোরিজয়েসুদে ।
তবসত্তীরদে সন্তু সংসারে সুসমানদে ॥ ৭৮ ॥
আগমমণিসুদমহিমসমসংমদকৃদপরজস্সু ।
কির সবিভয়বদিতো সময় উজ্জলভাবসহস্সু ॥ ৭৯ ॥
ত্বং বাদে শাস্ত্রসঙ্গিন্যাং ভাসি বাচি দিবৌকসঃ ।
তবাদেশাস্ত্রসংস্কারাজ্জয়ন্তি বরদে দ্বিষঃ ॥ ৮০ ॥
সদাব্যাজবশিধ্যাতাঃ সদাত্তজপশিক্ষিতাঃ ।
দদাস্যজস্রং শিবতাঃ সূদাত্তাজদিশি স্থিতাঃ ॥ ৮১ ॥
হরেঃ স্বসারং দেবি ত্বা জনতাশ্রিত্য তত্ত্বতঃ ।
বেত্তি স্বসারং দেবিত্বা য়োগেন ক্ষপিতাশুভা ॥ ৮২ ॥
সদাপ্নোতি য়তির্জ্যোতিস্তাদৃশং স্বত্প্রভাবতঃ ।
প্রভাবতঃ সমো য়েন কল্পতে মোহনুত্তিতঃ ॥ ৮৩ ॥
ত্বং সদ্গতিঃ সিতাপারা পরা বিদ্যোত্তিতীর্ষতঃ ।
সংসারাদত্র চাম্ব ত্বং সত্ত্বং পাসি বিপত্তিতঃ ॥ ৮৪ ॥
পরমা য়া তপোবৃত্তিরার্যায়াস্তং স্মৃতিং জনাঃ ।
পরমায়াত পোষায় ধিয়াং শরণমাদৃতাঃ ॥ ৮৫ ॥
প্রবাদিমতভেদেষু দৃশ্যস্তে মহিমাশ্রয়ঃ ।
ভান্তি ত্বত্ত্রিশিখস্যেব শিখানামসমাশ্রয়ঃ ॥ ৮৬ ॥
য়চ্চেষ্টয়া তব স্ফীতমুদারবসু ধামতঃ ।
য়চ্চেতো য়াত্যবহিতমুদা রবসুধামতঃ ॥ ৮৭ ॥
সুরদেশস্য তে কীর্তিং মণ্ডনত্বং নয়ন্তি য়ৈঃ ।
বরদে শস্যতে ধীরৈর্ভবতী ভুবি দেবতা ॥ ৮৮ ॥
তত্ত্বং বীতাবতততুত্তত্বং ততবতী ততঃ ।
বিত্তং বিত্তব বিত্তত্বং বীতাবীতবতাং বত ॥ ৮৯ ॥
তারে শরণমুদ্যন্তী সুরেশরণমুদ্যমৈঃ ।
ত্বং দোষাপাসিনোদগ্রস্বদোষা পাসি নোদনে ॥ ৯০ ॥
সুমাতরক্ষয়ালোক রক্ষয়াত্তমহামনাঃ ।
ত্বং ধৈর্যজননী পাসি জননীতিগুণস্থিতীঃ ॥ ৯১ ॥
খ্যাতিকল্পনদক্ষৈকা ত্বং সামর্গ্যজুষামিতঃ ।
সদা সরক্ষসাংমুখ্যদানবানামসুস্থিতিঃ ॥ ৯২ ॥
সিতা সংসত্সু সত্তাস্তে স্তুতেস্তে সততং সতঃ ।
ততাস্তিতৈত্তি তস্তেতি সূতিঃ সূতিস্ততোঽসি সা ॥ ৯৩ ॥
ত্বদাজ্ঞয়া জগত্সর্বং ভাসিতং মলনুদ্যতঃ ।
সদা ত্বয়া সগন্ধর্বং সমিদ্ধমরিনুত্তিতঃ ॥ ৯৪ ॥
য়তো য়াতি ততোঽত্যেতি য়য়া তাং তায়তাং য়তৈঃ ।
মাতামিতোত্তমতমা তমোতীতাং মতিং মম ॥ ৯৫ ॥
মহত্তাং ত্বং শ্রিতা দাসজনং মোহচ্ছিদা বস ।
য়চ্ছদ্ধত্বং গতঃ পাপমন্যস্য প্রসভং জয় ॥ ৯৬ ॥
ত্বাং সাজ্ঞাসু জগন্মাতঃ স্পষ্টং জ্ঞাতা সুবর্ত্মসু ।
প্রজ্ঞা মুখ্যা সমুদ্ভাসি তত্পৃথুত্বং প্রদর্শয় ॥ ৯৭ ॥
আজ্ঞাসু জগন্মাতঃ স্পষ্টং জ্ঞাতা সুবর্ত্মসু প্রজ্ঞা ।
ভাসি ত্বং সা মুখ্যা সমুত্পৃথুত্বং প্রদর্শয় তত্ ॥ ৯৮ ॥
হন্ত্র্যো রুষঃ ক্ষমা এতা সন্দক্ষোভাস্তমুন্নতঃ ।
সতেহিতঃ সেবতে তাঃ সততং য়ঃ স তে হিতঃ ॥ ৯৯ ॥
করোষি তাত্স্ত্বমুত্খাতমোহস্থানে স্থিরা মতীঃ ।
পদং য়তিঃ সুতপসা লভতেঽতঃ সশুক্লিম ॥ ১০০ ॥
দেব্যা স্বপ্নোদ্গমাদিষ্টদেবীশতকসংজ্ঞয়া ।
দেশিতানুপমামাধাদতো নোণসুতো নুতিম্ ॥ ১০১ ॥
হার্দধ্বান্তনিয়ন্তৃভাস্বরবপুঃ স্বর্বাসিনাং সর্বতো
দুর্বারারিপরিক্ষয়ং বিদধতী ধ্যাতৈব লর্বাণসূঃ ।
দেহার্ধে নিহিতা ভবেন ভুবনত্রাণৈকতানাত্মনা
দেবি ত্বং ত্বমিবাপরা জগতি কা সত্কেসরীন্দ্রস্থিতিঃ ॥ ১০২ ॥
ক্লেশোন্মাথকরী সতাং ভবহরানন্দৈকহেতো গুরু-
র্মাতা ত্বং জগতাং ভবন্তি বিধবাঃ সর্বে তবানুগ্রহাত্ ।
দুর্গে ন ক্বচিদেব সীদতি জনস্ত্বদ্ভক্তিপূতাশয়ঃ
স্তুত্যা ভর্তুরভিন্নয়েতি বিবুধৈস্ত্বং স্তূয়সে শ্রীরিব ॥ ১০৩ ॥
য়েনানন্দকথায়াং ত্রিদশানন্দে চ লালিতা বাণী ।
তেন সুদুষ্করমেতত্স্তোত্রং দেব্যাঃ কৃতং ভক্ত্যা ॥ ১০৪ ॥
ইতি শ্রীমদানন্দবর্ধনাচার্যবিরচিতং দেবীশতকং সম্পূর্ণম্ ॥
