Essence of Bhagvad Geetaa by Shri Yamunacharya in Oriya:
॥ ଗୀତାର୍ଥ ସଂଗ୍ରହ ॥
ସ୍ୱଧର୍ମଜ୍ଞାନବୈରାଗ୍ୟସାଧ୍ୟଭକ୍ତ୍ୟେକଗୋଚରଃ ।
ନାରାୟଣଃ ପରଂ ବ୍ରହ୍ମ ଗୀତାଶାସ୍ତ୍ରେ ସମୀରିତଃ ॥ ୧ ॥
ଜ୍ଞାନକର୍ମାତ୍ମିକେ ନିଷ୍ଠେ ଯୋଗଲକ୍ଷ୍ୟେ ସୁସଂସ୍କୃତେ ।
ଆତ୍ମାନୁଭୂତିସିଦ୍ଧ୍ୟର୍ଥେ ପୂର୍ୱଷଟ୍କେନ ଚୋଦିତେ ॥ ୨ ॥
ମଧ୍ୟମେ ଭଗବତ୍ତତ୍ତ୍ୱୟାଥାତ୍ମ୍ୟାବାପ୍ତିସିଦ୍ଧୟେ ।
ଜ୍ଞାନକର୍ମାଭିନିର୍ୱର୍ତ୍ୟୋ ଭକ୍ତିୟୋଗଃ ପ୍ରକୀର୍ତିତଃ ॥ ୩ ॥
ପ୍ରଧାନପୁରୁଷବ୍ୟକ୍ତସର୍ୱେଶ୍ୱରବିବେଚନମ୍ ।
କର୍ମଧୀର୍ଭକ୍ତିରିତ୍ୟାଦିଃ ପୂର୍ୱଶେଷୋଽନ୍ତିମୋଦିତଃ ॥ ୪ ॥
ଅସ୍ଥାନସ୍ନେହକାରୁଣ୍ୟଧର୍ମାଧର୍ମଧିୟାକୁଲମ୍ ।
ପାର୍ଥଂ ପ୍ରପନ୍ନମୁଦ୍ଦିଶ୍ୟ ଶାସ୍ତ୍ରାବତରଣଂ କୃତମ୍ ॥ ୫ ॥
ନିତ୍ୟାତ୍ମାସଙ୍ଗକର୍ମେହାଗୋଚରା ସାଙ୍ଖୟଯୋଗଧୀଃ ।
ଦ୍ୱିତୀୟେ ସ୍ଥିତଧୀଲକ୍ଷା ପ୍ରୋକ୍ତା ତନ୍ମୋହଶାନ୍ତୟେ ॥ ୬ ॥
ଅସକ୍ତ୍ୟା ଲୋକରକ୍ଷାୟୈ ଗୁଣେଷ୍ୱାରୋପ୍ୟ କର୍ତୃତାମ୍ ।
ସର୍ୱେଶ୍ୱରେ ବା ନ୍ୟସ୍ୟୋକ୍ତା ତୃତୀୟେ କର୍ମକାର୍ୟତା ॥ ୭ ॥
ପ୍ରସଙ୍ଗାତ୍ସ୍ୱସ୍ୱଭାବୋକ୍ତିଃ କର୍ମଣୋଽକର୍ମତାସ୍ୟ ଚ ।
ଭେଦା ଜ୍ଞାନସ୍ୟ ମାହାତ୍ମ୍ୟଂ ଚତୁର୍ଥାଧ୍ୟାୟ ଉଚ୍ୟତେ ॥ ୮ ॥
କର୍ମୟୋଗସ୍ୟ ସୌକର୍ୟଂ ଶୈଘ୍ରୟଂ କାଶ୍ଚନ ତଦ୍ୱିଧାଃ ।
ବ୍ରହ୍ମଜ୍ଞାନପ୍ରକାରଶ୍ଚ ପଞ୍ଚମାଧ୍ୟାୟ ଉଚ୍ୟତେ ॥ ୯ ॥
ଯୋଗାଭ୍ୟାସବିଧିର୍ୟୋଗୀ ଚତୁର୍ଧା ଯୋଗସାଧନମ୍ ।
ଯୋଗସିଦ୍ଧିସ୍ସ୍ୱୟୋଗସ୍ୟ ପାରମ୍ୟଂ ଷଷ୍ଠ ଉଚ୍ୟତେ ॥ ୧୦ ॥
ସ୍ୱୟାଥାତ୍ମ୍ୟଂ ପ୍ରକୃତ୍ୟାସ୍ୟ ତିରୋଧିଶ୍ଶରଣାଗତିଃ ।
ଭକ୍ତଭେଦଃ ପ୍ରବୁଦ୍ଧସ୍ୟ ଶ୍ରୈଷ୍ଠ୍ୟଂ ସପ୍ତମ ଉଚ୍ୟତେ ॥ ୧୧ ॥
ଐଶ୍ୱର୍ୟାକ୍ଷରୟାଥାତ୍ମ୍ୟଭଗବଚ୍ଚରଣାର୍ଥିନାମ୍ ।
ବେଦ୍ୟୋପାଦେୟଭାବାନାମଷ୍ଟମେ ଭେଦ ଉଚ୍ୟତେ ॥ ୧୨ ॥
ସ୍ୱମାହାତ୍ମ୍ୟଂ ମନୁଷ୍ୟତ୍ୱେ ପରତ୍ୱଂ ଚ ମହାତ୍ମନାମ୍ ।
ବିଶେଷୋ ନବମେ ଯୋଗୋ ଭକ୍ତିରୂପଃ ପ୍ରକୀର୍ତିତଃ ॥ ୧୩ ॥
ସ୍ୱକଲ୍ୟାଣଗୁଣାନନ୍ତ୍ୟକୃତ୍ସ୍ନସ୍ୱାଧୀନତାମତିଃ ।
ଭକ୍ତ୍ୟୁତ୍ପତ୍ତିବିବୃଧ୍ଦ୍ୟର୍ଥା ବିସ୍ତୀର୍ଣା ଦଶମୋଦିତା ॥ ୧୪ ॥
ଏକାଦଶେ ସ୍ୱୟାଥାତ୍ମ୍ୟସାକ୍ଷାତ୍କାରାବଲୋକନମ୍ ।
ଦତ୍ତମୁକ୍ତଂ ବିଦିପ୍ରାପ୍ତ୍ୟୋର୍ଭକ୍ତ୍ୟେକୋପାୟତା ତଥା ॥ ୧୫ ॥
ଭକ୍ତେଶ୍ଶ୍ରୈଷ୍ଠୟମୁପାୟୋକ୍ତିରଶକ୍ତସ୍ୟାତ୍ମନିଷ୍ଠତା ।
ତତ୍ପ୍ରକାରାସ୍ତ୍ୱତିପ୍ରୀତିର୍ଭକ୍ତେ ଦ୍ୱାଦଶ ଉଚ୍ୟତେ ॥ ୧୬ ॥
ଦେହସ୍ୱରୂପମାତ୍ମାପ୍ତିହେତୁରାତ୍ମବିଶୋଧନମ୍ ।
ବନ୍ଧହେତୁର୍ୱି ବେକଶ୍ଚ ତ୍ରୟୋଦଶ ଉଦୀର୍ୟତେ ॥ ୧୭ ॥
ଗୁଣବନ୍ଧବିଧା ତେଷାଂ କର୍ତୃତ୍ୱଂ ତନ୍ନିବର୍ତନମ୍ ।
ଗତିତ୍ରୟସ୍ୱମୂଲତ୍ୱଂ ଚତୁର୍ଦଶ ଉଦୀର୍ୟତେ ॥ ୧୮ ॥
ଅଚିନ୍ମିଶ୍ରାଦ୍ୱିଶୁଦ୍ଧାଚ୍ଚ ଚେତନାତ୍ପୁରୁଷୋତ୍ତମଃ ।
ବ୍ୟାପନାଦ୍ଭରଣାତ୍ସ୍ୱାମ୍ୟଦନ୍ୟଃ ପଞ୍ଚଦଶୋଦିତଃ ॥ ୧୯ ॥
ଦେବାସୁରବିଭଗୋକ୍ତିପୂର୍ୱିକା ଶାସ୍ତ୍ରବଶ୍ୟତା ।
ତତ୍ତ୍ୱାନୁଷ୍ଠାନବିଜ୍ଞାନସ୍ଥେମ୍ନେ ଷୋଡଶ ଉଚ୍ୟତେ ॥ ୨୦ ॥
ଅଶାସ୍ତ୍ରମାସୁରଂ କୃତ୍ସ୍ନଂ ଶାସ୍ତ୍ରୀୟଂ ଗୁଣତଃ ପୃଥକ୍ ।
ଲକ୍ଷଣଂ ଶାସ୍ତ୍ରସିଦ୍ଧସ୍ୟ ତ୍ରିଧା ସପ୍ତଦଶୋଦିତମ୍ ॥ ୨୧ ॥
ଈଶ୍ୱରେ କର୍ତୃତାବୁଦ୍ଧିସ୍ସତ୍ତ୍ୱୋପାଦେୟତାନ୍ତିମେ ।
ସ୍ୱକର୍ମପରିଣାମଶ୍ଚ ଶାସ୍ତ୍ରସାରାର୍ଥ ଉଚ୍ୟତେ ॥ ୨୨ ॥
କର୍ମୟୋଗସ୍ତପସ୍ତୀର୍ଥଦାନୟଜ୍ଞାଦିସେବନମ୍ ।
ଜ୍ଞାନୟୋଗୋ ଜିତସ୍ୱାନ୍ତୈଃ ପରିଶୁଦ୍ଧାତ୍ମନି ସ୍ଥିତିଃ ॥ ୨୩ ॥
ଭକ୍ତିୟୋଗଃ ପରୈକାନ୍ତପ୍ରୀତ୍ୟା ଧ୍ୟାନାଦିଷୁ ସ୍ଥିତିଃ ।
ତ୍ରୟାଣାମପି ଯୋଗାନାଂ ତ୍ରିଭିରନ୍ୟୋନ୍ୟସଙ୍ଗମଃ ॥ ୨୪ ॥
ନିତ୍ୟନୈମିତ୍ତିକାନାଂ ଚ ପରାରାଧନରୂପିଣାମ୍ ।
ଆତ୍ମଦୃଷ୍ଟେସ୍ତ୍ରୟୋଽପ୍ୟେତେ ଯୋଗଦ୍ୱାରେଣ ସାଧକାଃ ॥ ୨୫ ॥
ନିରସ୍ତନିଖିଲାଜ୍ଞାନୋ ଦୃଷ୍ଟ୍ୱାତ୍ମାନଂ ପରାନୁଗମ୍ ।
ପ୍ରତିଲଭ୍ୟ ପରାଂ ଭକ୍ତିଂ ତୟୈବାପ୍ନୋତି ତତ୍ପଦମ୍ ॥ ୨୬ ॥
ଭକ୍ତିୟୋଗସ୍ତଦର୍ଥୀ ଚେତ୍ସମଗ୍ରୈଶ୍ୱର୍ୟସାଧକଃ ।
ଆତ୍ମାର୍ଥୀ ଚେତ୍ତ୍ରୟୋଽପ୍ୟେତେ ତତ୍କୈବଲ୍ୟସ୍ୟ ସାଧକାଃ ॥ ୨୭ ॥
ଐକାନ୍ତ୍ୟଂ ଭଗବତ୍ୟେଷାଂ ସମାନମଧିକାରିଣାମ୍ ।
ଯାବତ୍ପ୍ରାପ୍ତି ପରାର୍ଥୀ ଚେତ୍ତଦେବାତ୍ୟନ୍ତମଶ୍ନୁତେ ॥ ୨୮ ॥
ଜ୍ଞାନୀ ତୁ ପରମୈକାନ୍ତୀ ତଦାୟତ୍ତାତ୍ମଜୀବନଃ ।
ତତ୍ସଂଶ୍ଲେଷବିୟୋଗୈକସୁଖଦୁଃଖସ୍ତଦେକଧୀଃ ॥ ୨୯ ॥
ଭଗବଦ୍ଧ୍ୟାନୟୋଗୋକ୍ତିବନ୍ଦନସ୍ତୁତିକୀର୍ତନୈଃ ।
ଲବ୍ଧାତ୍ମା ତଦ୍ଗତପ୍ରାଣମନୋବୁଦ୍ଧୀନ୍ଦ୍ରିୟକ୍ରିୟଃ ॥ ୩୦ ॥
ନିଜକର୍ମାଦି ଭକ୍ତ୍ୟନ୍ତଂ କୁର୍ୟାତ୍ପ୍ରୀତ୍ୟୈବ କାରିତଃ ।
ଉପାୟତାଂ ପରିତ୍ୟଜ୍ୟ ନ୍ୟସ୍ୟେଦ୍ଦେବେତୁ ତାମଭୀଃ ॥ ୩୧ ॥
ଏକାନ୍ତାତ୍ୟନ୍ତଦାସ୍ୟୈକରତିସ୍ତତ୍ପଦମାପ୍ନୁୟାତ୍ ।
ତତ୍ପ୍ରଧାନମିଦଂ ଶାସ୍ତ୍ରମିତି ଗୀତାର୍ଥସଙ୍ଗ୍ରହଃ ॥ ୩୨ ॥
Also Read:
Essence of Bhagavad Gita by Sri Yamunacharya Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
