Shiva Stotram

Garbha Upanishad Lyrics in Bengali

Garbhopanishad / Garbhopanisad in Bengali:

॥ গর্ভোপনিষৎ ১৭ ॥
যদ্গর্ভোপনিষদ্বেদ্যং গর্ভস্য স্বাত্মবোধকম্ ।
শরীরাপহ্নবাৎসিদ্ধং স্বমাত্রং কলয়ে হরিম্ ॥

ওঁ সহনাববৎবিতি শান্তিঃ ॥

ওঁ পঞ্চাত্মকং পঞ্চসু বর্তমানং ষডাশ্রয়ং
ষড্গুণয়োগয়ুক্তম্ ।
তৎসপ্তধাতু ত্রিমলং দ্বিয়োনি
চতুর্বিধাহারময়ং শরীরং ভবতি ॥

পঞ্চাত্মকমিতি কস্মাৎ পৃথিব্যাপস্তেজোবায়ুরাকাশমিতি ।
অস্মিন্পঞ্চাত্মকে
শরীরে কা পৃথিবী কা আপঃ কিং তেজঃ কো বায়ুঃ কিমাকাশম্ ।
তত্র যৎকঠিনং সা পৃথিবী যদ্দ্রবং তা আপো যদুষ্ণং
তত্তেজো যৎসঞ্চরতি স বায়ুঃ যৎসুষিরং তদাকাশমিত্যুচ্যতে ॥

তত্র পৃথিবী ধারণে আপঃ পিণ্ডীকরণে তেজঃ প্রকাশনে
বায়ুর্গমনে আকাশমবকাশপ্রদানে । পৃথক্ শ্রোত্রে
শব্দোপলব্ধৌ ৎবক্ স্পর্শে চক্ষুষী রূপে জিহ্বা রসনে
নাসিকাঽঽঘ্রাণে উপস্থশ্চানন্দনেঽপানমুৎসর্গে বুদ্ধ্যা
বুদ্ধ্যতি মনসা সঙ্কল্পয়তি বাচা বদতি । ষডাশ্রয়মিতি
কস্মাৎ মধুরাম্ললবণতিক্তকটুকষায়রসান্বিন্দতে ।
ষড্জর্ষভগান্ধারমধ্যমপঞ্চমধৈবতনিষাদাশ্চেতি ।
ইষ্টানিষ্টশব্দসংজ্ঞাঃ প্রতিবিধাঃ সপ্তবিধা ভবন্তি ॥ ১॥

var প্রণিধানাদ্দশবিধা ভবন্তি
শুক্লো রক্তঃ কৃষ্ণো ধূম্রঃ পীতঃ কপিলঃ পাণ্ডুর ইতি ।
সপ্তধাতুমিতি কস্মাৎ যদা দেবদত্তস্য দ্রব্যাদিবিষয়া
জায়ন্তে ॥ পরস্পরং সৌম্যগুণৎবাৎ ষড্বিধো রসো
রসাচ্ছোণিতং শোণিতান্মাংসং মাংসান্মেদো মেদসঃ
স্নাবা স্নাব্নোঽস্থীন্যস্থিভ্যো মজ্জা মজ্জ্ঞঃ শুক্রং
শুক্রশোণিতসংয়োগাদাবর্ততে গর্ভো হৃদি ব্যবস্থাং
নয়তি । হৃদয়েঽন্তরাগ্নিঃ অগ্নিস্থানে পিত্তং পিত্তস্থানে
বায়ুঃ বায়ুস্থানে হৃদয়ং প্রাজাপত্যাৎক্রমাৎ ॥ ২॥

ঋতুকালে সম্প্রয়োগাদেকরাত্রোষিতং কলিলং ভবতি
সপ্তরাত্রোষিতং বুদ্বুদং ভবতি অর্ধমাসাভ্যন্তরেণ পিণ্ডো
ভবতি মাসাভ্যন্তরেণ কঠিনো ভবতি মাসদ্বয়েন শিরঃ
সম্পদ্যতে মাসত্রয়েণ পাদপ্রবেশো ভবতি । অথ চতুর্থে মাসে
জঠরকটিপ্রদেশো ভবতি । পঞ্চমে মাসে পৃষ্ঠবংশো ভবতি ।
ষষ্ঠে মাসে মুখনাসিকাক্ষিশ্রোত্রাণি ভবন্তি । সপ্তমে
মাসে জীবেন সংয়ুক্তো ভবতি । অষ্টমে মাসে সর্বসম্পূর্ণো
ভবতি । পিতূ রেতোঽতিরিক্তাৎ পুরুষো ভবতি । মাতুঃ
রেতোঽতিরিক্তাৎস্ত্রিয়ো ভবন্ত্যুভয়োর্বীজতুল্যৎবান্নপুংসকো
ভবতি । ব্যাকুলিতমনসোঽন্ধাঃ খঞ্জাঃ কুব্জা বামনা
ভবন্তি । অন্যোন্যবায়ুপরিপীডিতশুক্রদ্বৈধ্যাদ্দ্বিধা
তনুঃ স্যাত্ততো যুগ্মাঃ প্রজায়ন্তে ॥ পঞ্চাত্মকঃ সমর্থঃ
পঞ্চাত্মকতেজসেদ্ধরসশ্চ সম্যগ্জ্ঞানাৎ ধ্যানাৎ
অক্ষরমোঙ্কারং চিন্তয়তি । তদেতদেকাক্ষরং জ্ঞাৎবাঽষ্টৌ
প্রকৃতয়ঃ ষোডশ বিকারাঃ শরীরে তস্যৈবে দেহিনাম্ । অথ
মাত্রাঽশিতপীতনাডীসূত্রগতেন প্রাণ আপ্যায়তে । অথ
নবমে মাসি সর্বলক্ষণসম্পূর্ণো ভবতি পূর্বজাতীঃ স্মরতি
কৃতাকৃতং চ কর্ম বিভাতি শুভাশুভং চ কর্ম বিন্দতি ॥ ৩॥

নানায়োনিসহস্রাণি দৃষ্ট্বা চৈব ততো ময়া ।
আহারা বিবিধা ভুক্তাঃ পীতাশ্চ বিবিধাঃ স্তনাঃ ॥

জাতস্যৈব মৃতস্যৈব জন্ম চৈব পুনঃ পুনঃ ।
অহো দুঃখোদধৌ মগ্নঃ ন পশ্যামি প্রতিক্রিয়াম্ ॥

যন্ময়া পরিজনস্যার্থে কৃতং কর্ম শুভাশুভম্ ।
একাকী তেন দহ্যামি গতাস্তে ফলভোগিনঃ ॥

যদি যোন্যাং প্রমুঞ্চামি সাংখ্যং যোগং সমাশ্রয়ে ।
অশুভক্ষয়কর্তারং ফলমুক্তিপ্রদায়কম্ ॥

যদি যোন্যাং প্রমুঞ্চামি তং প্রপদ্যে মহেশ্বরম্ ।
অশুভক্ষয়কর্তারং ফলমুক্তিপ্রদায়কম্ ॥

যদি যোন্যাং প্রমুঞ্চামি তং প্রপদ্যে
ভগবন্তং নারায়ণং দেবম্ ।
অশুভক্ষয়কর্তারং ফলমুক্তিপ্রদায়কম্ ।
যদি যোন্যাং প্রমুঞ্চামি ধ্যায়ে ব্রহ্ম সনাতনম্ ॥

অথ জন্তুঃ স্ত্রীয়োনিশতং যোনিদ্বারি
সম্প্রাপ্তো যন্ত্রেণাপীড্যমানো মহতা দুঃখেন জাতমাত্রস্তু
বৈষ্ণবেন বায়ুনা সংস্পৃশ্যতে তদা ন স্মরতি জন্মমরণং
ন চ কর্ম শুভাশুভম্ ॥ ৪॥

শরীরমিতি কস্মাৎ
সাক্ষাদগ্নয়ো হ্যত্র শ্রিয়ন্তে জ্ঞানাগ্নির্দর্শনাগ্নিঃ
কোষ্ঠাগ্নিরিতি । তত্র কোষ্ঠাগ্নির্নামাশিতপীতলেহ্যচোষ্যং
পচতীতি । দর্শনাগ্নী রূপাদীনাং দর্শনং করোতি ।
জ্ঞানাগ্নিঃ শুভাশুভং চ কর্ম বিন্দতি । তত্র ত্রীণি
স্থানানি ভবন্তি হৃদয়ে দক্ষিণাগ্নিরুদরে গার্হপত্যং
মুখমাহবনীয়মাত্মা যজমানো বুদ্ধিং পত্নীং নিধায়
মনো ব্রহ্মা লোভাদয়ঃ পশবো ধৃতির্দীক্ষা সন্তোষশ্চ
বুদ্ধীন্দ্রিয়াণি যজ্ঞপাত্রাণি কর্মেন্দ্রিয়াণি হবীংষি শিরঃ
কপালং কেশা দর্ভা মুখমন্তর্বেদিঃ চতুষ্কপালং
শিরঃ ষোডশ পার্শ্বদন্তোষ্ঠপটলানি সপ্তোত্তরং
মর্মশতং সাশীতিকং সন্ধিশতং সনবকং স্নায়ুশতং
সপ্ত শিরাসতানি পঞ্চ মজ্জাশতানি অস্থীনি চ হ
বৈ ত্রীণি শতানি ষষ্টিশ্চার্ধচতস্রো রোমাণি কোট্যো
হৃদয়ং পলান্যষ্টৌ দ্বাদশ পলানি জিহ্বা পিত্তপ্রস্থং
কফস্যাঢকং শুক্লং কুডবং মেদঃ প্রস্থৌ দ্বাবনিয়তং
মূত্রপুরীষমাহারপরিমাণাৎ । পৈপ্পলাদং মোক্ষশাস্ত্রং
পরিসমাপ্তং পৈপ্পলাদং মোক্ষশাস্ত্রং পরিসমাপ্তমিতি ॥

ওঁ
সহ নাববৎবিতি শান্তিঃ ॥

ইতি গর্ভোপনিষৎসমাপ্তা ॥

Also Read:

Garbha Upanishad Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil