The 108 names of Gauri are as recited by Lord Dattatreya to Parashurama in the Mahatmya Khandam of the Tripura Rahasyam.
Gauri Ashtottarashatanama Stotram Lyrics in Telugu:
॥ గౌర్యష్టోత్తరశతనామస్తోత్రమ్ ॥
॥ అథ గౌర్యష్టోత్తరశతనామస్తోత్రమ్ ॥
॥ దత్తాత్రేయేణ గౌర్యష్టోత్తరశతనామస్తోత్రోపదేశవర్ణనమ్ ॥
ఇతి శ్రుత్వా కథాం పుణ్యాం గౌరీవీర్యవిచిత్రితామ్ ।
అపృచ్ఛద్భార్గవో భూయో దత్తాత్రేయం మహామునిమ్ ॥ ౧ ॥
భగవన్నద్భుతతమం గౌర్యా వీర్యముదాహృతమ్ ।
శృణ్వతో న హి మే తృప్తిః కథాం తే ముఖనిఃసృతామ్ ॥ ౨ ॥
గౌర్యా నామాష్టశతకం యచ్ఛచ్యై ధిషణో జగౌ ।
తన్మే కథయ యచ్ఛ్రోతుం మనో మేఽత్యన్తముత్సుకమ్ ॥ ౩ ॥
భార్గవేణేత్థమాపృష్టో యోగిరాడత్రినన్దనః ।
అష్టోత్తరశతం నామ్నాం ప్రాహ గౌర్యా దయానిధిః ॥ ౪ ॥
జామదగ్న్య శృణు స్తోత్రం గౌరీనామభిరఙ్కితమ్ ।
మనోహరం వాఞ్ఛితదం మహాఽఽపద్వినివారణమ్ ॥ ౫ ॥
స్తోత్రస్యాఽస్య ఋషిః ప్రోక్త అఙ్గిరాశ్ఛన్ద ఈరితః ।
అనుష్టుప్ దేవతా గౌరీ ఆపన్నాశాయ యో జపేత్ ॥ ౬ ॥
హ్రాం హ్రీం ఇత్యాది విన్యస్య ధ్యాత్వా స్తోత్రముదీరయేత్ ॥
॥ ధ్యానమ్ ॥
సింహసంస్థాం మేచకాభాం కౌసుమ్భాంశుకశోభితామ్ ॥ ౭
ఖడ్గం ఖేటం త్రిశూలఞ్చ ముద్గరం బిభ్రతీం కరైః ।
చన్ద్రచూడాం త్రినయనాం ధ్యాయేత్గౌరీమభీష్టదామ్ ॥ ౮ ॥
॥ స్తోత్రమ్ ॥
గౌరీ గోజననీ విద్యా శివా దేవీ మహేశ్వరీ ।
నారాయణాఽనుజా నమ్రభూషణా నుతవైభవా ॥ ౯ ॥
త్రినేత్రా త్రిశిఖా శమ్భుసంశ్రయా శశిభూషణా ।
శూలహస్తా శ్రుతధరా శుభదా శుభరూపిణీ ॥ ౧౦ ॥
ఉమా భగవతీ రాత్రిః సోమసూర్యాఽగ్నిలోచనా ।
సోమసూర్యాత్మతాటఙ్కా సోమసూర్యకుచద్వయీ ॥ ౧౧ ॥
అమ్బా అమ్బికా అమ్బుజధరా అమ్బురూపాఽఽప్యాయినీ స్థిరా ।
శివప్రియా శివాఙ్కస్థా శోభనా శుమ్భనాశినీ ॥ ౧౨ ॥
ఖడ్గహస్తా ఖగా ఖేటధరా ఖాఽచ్ఛనిభాకృతిః ।
కౌసుమ్భచేలా కౌసుమ్భప్రియా కున్దనిభద్విజా ॥ ౧౩ ॥
కాలీ కపాలినీ క్రూరా కరవాలకరా క్రియా ।
కామ్యా కుమారీ కుటిలా కుమారామ్బా కులేశ్వరీ ॥ ౧౪ ॥
మృడానీ మృగశావాక్షీ మృదుదేహా మృగప్రియా ।
మృకణ్డుపూజితా మాధ్వీప్రియా మాతృగణేడితా ॥ ౧౫ ॥
మాతృకా మాధవీ మాద్యన్మానసా మదిరేక్షణా ।
మోదరూపా మోదకరీ మునిధ్యేయా మనోన్మనీ ॥ ౧౬ ॥
పర్వతస్థా పర్వపూజ్యా పరమా పరమార్థదా ।
పరాత్పరా పరామర్శమయీ పరిణతాఖిలా ॥ ౧౭ ॥
పాశిసేవ్యా పశుపతిప్రియా పశువృషస్తుతా ।
పశ్యన్తీ పరచిద్రూపా పరీవాదహరా పరా ॥ ౧౮ ॥
సర్వజ్ఞా సర్వరూపా సా సమ్పత్తిః సమ్పదున్నతా ।
ఆపన్నివారిణీ భక్తసులభా కరుణామయీ ॥ ౧౯ ॥
కలావతీ కలామూలా కలాకలితవిగ్రహా ।
గణసేవ్యా గణేశానా గతిర్గమనవర్జితా ॥ ౨౦ ॥
ఈశ్వరీశానదయితా శక్తిః శమితపాతకా ।
పీఠగా పీఠికారూపా పృషత్పూజ్యా ప్రభామయీ ॥ ౨౧ ॥
మహమాయా మతఙ్గేష్టా లోకాలోకా శివాఙ్గనా ॥
॥ ఫలశ్రుతిః ॥
ఏతత్తేఽభిహితం రామ ! స్తోత్రమత్యన్తదుర్లభమ్ ॥ ౨౨ ॥
గౌర్యష్టోత్తరశతనామభిః సుమనోహరమ్ ।
ఆపదమ్భోధితరణే సుదృఢప్లవరూపకమ్ ॥ ౨౩ ॥
ఏతత్ ప్రపఠతాం నిత్యమాపదో యాన్తి దూరతః ।
గౌరీప్రసాదజననమాత్మజ్ఞానప్రదం నృణామ్ ॥ ౨౪ ॥
భక్త్యా ప్రపఠతాం పుంసాం సిధ్యత్యఖిలమీహితమ్ ।
అన్తే కైవల్యమాప్నోతి సత్యం తే భార్గవేరితమ్ ॥ ౨౫ ॥
Also Read:
Gauri Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil